কোচি ৱাতর মেত্রো কত্থোকখ্রে
তিরুবনন্তপুরমদা তোঙান-তোঙানবা রেল প্রোজেক্তশিং অমসুং দিজিতেল সাইন্স পার্ক্কী উরেপ-উয়ুং তমখ্রে“কেরালাগী অহানবা ভন্দে ভারত এক্সপ্রেস, কোচিগী ৱাতর মেত্রো অমসুং ঙসি হৌদোকখিবা অতোপ্পা থৌশিলশিংনা রাজ্য অসিগী চাউখৎ খোঙচৎতা শাহৌ পীরগনি”“কেরালাগী মীয়ামগী হোৎনবা কনবা অমসুং নোলুকপা মতৌ অসিনা মখোয়দা তোপ-তোপ্পা শক্তাক অমা পীখি”“ভারত অসি গ্লোবেল মেপতা অচৌবা মফম অমা কল্লি”“সরকারনা কোওপরেতিব ফেদরেলিজমদা মীৎয়েং চংখি অমসুং রাজ্যশিংগী চাউখৎ-থৌরাংবু লৈবাক্কী চাউখৎনবগী মরম ওইনা লৌখি”“ভারতনা অমুক্তা ওইখিদ্রিবা খোঙজেল অমসুং স্কেলদা খুমাং চাউশিল্লি”“কন্নেক্তিবিতীদা তৌখিবা ইনভেস্তমেন্তশিংনা সর্ভিসেসকী স্কোপ পাকথোক চাউথোকহনবা খক্তা নত্তনা জাৎ-বিজাৎ অমসুং লায়রা ইনাক খুনবগী খেন্নবা থমদনা অরাপ্পা হন্থহল্লি অমসুং তোঙান-তোঙানবা কলচরশিংবু শম্নহল্লি”“জি২০ মীফমশিং অমসুং ইভেন্তশিংনা কেরালাদা গ্লোবেল এক্সপোজর ফংহল্লি”“কেরালাদা চাউখৎ-থৌরাং য়াওজবা কলচর, কুজিন অমসুং ক্লাইমেৎ লৈজৈ”“মন কী বাত চামা শুরকপা অসি লৈবাক শেমগৎনবগীদমক অমসুং এক ভারত শ্রেস্থ ভারতকী ৱনল্লবরাই মলয়ালী স্নেহিতরে,
খুরুমজরি!
কেরলাগী গভর্নর শ্রীমান আরিফ মোহম্মদ খান, মুখ্যমন্ত্রী শ্রীমান পিনারাই বিজয়ন জী, কেন্দ্রগী মন্ত্রী মন্দলগী ঐগী মরূপ অস্বিনী বৈস্নব জী, কেরলা লৈঙাক্কী মন্ত্রীশিং, মফমসিগী এম.পি. সসী থরুর জী, মফমসিদা তিনবিরিবা অতৈ ইকায়খুম্নরবা মীওইশিং, অমদি কেরলাগী ঐগী নুংশিরবা ইচিল ইনাওশৎং। নুমিৎ খরনিগী মমাঙদা মলয়ালীগী অনৌবা চহি হৌখি। অদোম্না থৌনা অমদি থাজবা কয়াগা লোয়ননা বিসু উৎসব পাঙথোকখি। ঐনা ময়ামগী মফমদা অমুক্কা হন্না য়াইফ-পাউজেল পীজরি। নুংঙাইরবা তাঞ্জা অসিদা কেরলাগী চাওখৎ-খোঙথাঙগী মরক্তা তিঞ্জনবগী তাঞ্জা ফংজবা ঐ য়াম্না নুংঙাই। ঙসি কেরলানা মাগী অহানবা বন্দে ভারত ত্রেন ফংলে। ঙসি কোচ্চিদা ৱাতর মেত্রোগী অনৌবা খুদোল ফংলি, রেলৱেগা মরী লৈনবা প্রোজেক্ত কয়া ফংলি। কন্নেক্তিবিতীগা লোয়ন-লোয়ননা ঙসি কেরলাগী চাওখৎ থৌরাংগী মরী লৈনবা অতৈ প্রোজেক্ত কয়াসু মীয়ামদা কত্থোক্লি অমদি উরেপ উয়ুং তম্লি। চাওখৎপগী প্রোজেক্তশিং অসিগীদমক কেরলাগী মীয়ামগী মফমদা নুংঙাইবা ফোঙদোকচরি।
ইচিল ইনাওশিং,
কেরলা, য়াম্নমক খঙ-হৈরবা, ৱাখল তাবা, অমদি মহৈ মশিং হৈবা মীওইশিংগী লমদম্নি। মফমসিগী মীয়ামগী মওং মতৌ, মফমসিগী মীয়ামগী মীওক মীচান, মখোয়না হৌন-লোনচৎ, মখোয়গী তোপ তোপ্পা মশক অমা ওইরিবনি। ময়াম পুম্নমক লৈবাক কয়াগী ফীভমশিংসু মমুৎ তানা খঙবিরবা ঙাক্তনি। মরম অসিনা ঙসি মালেম পুম্বগী লৈবাকশিংগী করি ফীভম ওইরি, মখোয়গী শেন্মিৎলোনগী ফীভম করি ওইরি হায়বা অদোম্না নীংথিনা খঙবিরবা ঙাক্তনি। হায়রিবা মালেমগী ওইরিবা ফীভমসিদসু ভারতপু মালেমসিনা চাওখৎপগী তরং তরংবা মফম অমগুম লৌনরি, ভারতকী চাওখৎপগী মতিংবু পুম্নমক্না য়ানরি।
মালেমসিনা ভারত্তা থম্লিবা অচেৎপা থাজবা অসিগী মরুমদা মরম কয়া লৈ। অহানবদা কেন্দ্রদা ফিরেপ চেৎপা লৈঙাক অমা, ভারতকীদমক অচৌবা ফিরেপ কয়া লেপ্পা ঙম্বা লৈঙাক, অনিসুবদা – কেন্দ্র লৈঙাক্কী খুত্থাঙদা মতমগা চুনবা ইনফ্রাস্ত্রকচরদা মপুং ফানা খোঙ থাংজিল্লিবা অসিনি। অহুমসুবদা – ঐখোয়গী দেমোগ্রাফী হায়বদি নহাশিংগী স্কিলদা ইনভেস্তমেন্ত তৌবসিনি। অদুগা মরিসুবদনা – ইজ ওফ লিভিং অমদি ইজ ওফ দুইং বিজিনেসকী মতাঙদা কেন্দ্র লৈঙাক্কী ফিরেপ অসিনি। ঐখোয়গী লৈঙাক্না কোওপরেতিব ফেদরেলিজমদা মরুওইবা মীৎয়েঙ থম্লি, স্তেতশিং চাওখৎহন্নবনা লৈবাক চাওখৎহন্নবগী পাম্বৈ ওইনা লৌরি। কেরলা চাওখৎলবদি ভারত চাওখৎপদা খোঙজেল য়াঙ্খৎহনগদৌরিবনি হায়বা ৱাখল্লোনসিদা ঐখোয়না থবক তৌরি। ঙসি মালেমসিদা ভারতকী ইকায়খুম্নবা হেনগৎলক্লিবা অসিদা কেন্দ্র লৈঙাক্না হোৎনরিবা গ্লোবেল আউতরীচকী থবকসিনা অচৌবা থৌদাং অমা লৌরি। মসিগা চাউরবা কান্নবা কেরলাদগী মপান লৈবাক্তা লৈরিবা মীওইশিংদসু ফংলিবনি। ঐনা মপান লৈবাক্তা চৎপা মতমদা ঐনা কেরলাগী মীয়ামগা হেক হেক উনৈ। ভারতকী হেনগৎলক্লিবা মতিক, ভারতকী হেনগৎলক্লিবা মপাঙ্গলগী চাউরবা কান্নবা মপান লৈবাক্তা লৈরিবা ইন্দিয়ন দায়স্পোরাশিংনা ফংলি।
ইচিল ইনাওশিং,
হৌখিবা চহি ৯সিদা ভারত্তা কন্নেক্তিবিতীগী ইনফ্রাস্ত্রকচরগী লমদা অঙকপা খোঙজেলদা অমদি অঙকপা স্কেলদা থবক পায়খৎলক্লি। হন্দক চহিগী বজেত্তা ঐখোয়না লুপা করোর লাখ ১০ হেনবা শেনফম ইনফ্রাদা শীজিন্ননবা ফিরেপ লৌরি। ঙসি ঐখোয়না লৈবাক্কী পব্লিক ত্রান্সপোর্ত অমদি লোজিস্তিক্ত সেক্তরদা মপুং ফানা অহোংবা পুরক্নবা থবক পায়খৎলি। ঐখোয়না ভারতিয় রেলগী সনা ফুদোংবা চহিগী মায়কৈদা খোঙ থাংজিল্লি। ২০১৪গী মমাঙদা লৈরম্বা কেরলাগী চহিগী রেল বজেৎ অদুদা হৌজিক্তি শরুক ৫ হেন্না হেনগৎহন্নবা থৌরাং ঐখোয়না শেম শাদুনা থম্লে। হৌখিবা চহি ৯সিদা কেরলাদা গেজ কন্ভর্জন, দব্লিং অমদি ইলেক্ত্রিফিকেসনগী প্রোজেক্ত কয়া লোইশিনখ্রে। ঙসিসু তিরুবনন্থপুরম য়াওনা কেরলাগী স্তেসন অহুমবু মতমগা চুনবা ওইহন্নবা থবক পায়খৎলি। স্তেসন অসি রেলৱে স্তেসনখক্তা নত্তনা, মল্তিমোদেল ত্রান্সপোর্ত হব ওইরক্কদৌরিবনি। বন্দে ভারত এক্সপ্রেসনচিংবা মতমগা চুনবা ত্রেনসু এস্পিরেস্নেল ইন্দিয়াগী শক্তম ওইরি। ঙসি ঐখোয়না সেমি-হায়স্পীদ ত্রেন অসি ভারতকী রেল নেতৱর্ক্তা খোঙজেল য়াঙনা অহোংবা পুরক্লিবা, খোঙজেল য়াঙনা শেমগৎ শাগৎলিবশিং অসিনা চেলহনবা ঙম্লিবনি।
ইচিল ইনাওশিং,
হৌজিক ফাওবদা চেনবা হৌখ্রিবা বন্দে ভারত এক্সপ্রেস ত্রেনশিং অসিগী তোপ তোপ্পা শক্তমদি মখোয়না ঐখোয়গী নাৎকী, লাইনিংগী অমদি লমকোয় লমথুংফমশিংসু শম্নহল্লিবা অসিনি। কেরলাগী অহানবা বন্দে ভারত ত্রেন অসিনসু অৱাং কেরলাবু খা কেরলাগা শম্নহল্লগনি। ত্রেন অসিগীম তেংনা কোল্লম, কোত্তয়ম, এরনাকুলম, ত্রিসুর, কোরিকোর অমদি কন্নুরনচিংবা লাই খুরুম্ফমশিংদা চত্থোক চৎশিন তৌবদা কোমহল্লগনি। মতমগা চুনরবা খুদোংচাবশিং য়াওরবা বন্দে ভারত ত্রেন অসিনা অকোয়বগী ফীভমদা অমাঙ অতা থোকহন্দনা খোঙজেল য়াঙনা চেনবা খোঙচৎকী নুংঙাইরবা মহাও পীগনি। ঙসি তিরুবনন্থপুরম-সোরানুর স্তেসনদসু সেমি-হায়স্পীদ ত্রেনশিংগীদমক শেমগৎ শাগৎনবা প্রোজেক্তকী থবক হৌদোক্লি। থবক অসি লোইরকপা মতমদা তিরুবনন্থপুরমদগী হৌরগা মঙ্গলোর ফাওবা ঐখোয়না সেমি-হায়স্পীদ ত্রেন তোংদুনা চৎপা ফংলগনি।
ইচিল ইনাওশিং,
লৈবাকসিগী পব্লিক ত্রান্সপোর্ত, অর্বান ত্রান্সপোর্তপু মতমগা চুনবা ওইহন্নবগীদমক ঐখোয়না মায়কৈ অমদসু থবক পায়খৎলি। ঐখোয়না হোৎনরিবসি মফমদুগী ফীভমগী মতুং ইন্না মেদ ইন ইন্দিয়াগী পাম্বৈ পুরক্নবনি। সেমি-হায়স্পীদ ত্রেনশিং ওইরবসু, রীজনেল রেপিদ ত্রান্সপোর্ত সিস্তেম ওইরবসু, র.-রো ফেরী ওইরবসু, নৎত্রগা রোপৱে ওইরবসু, মফমদুদা মথৌ তাবগী মতুং ইন্না শেমগৎ শাগৎলি। ঙসি অদোমসু উবিরি, বন্দে ভারত এক্সপ্রেস অসি মেদ ইন ইন্দিয়ানি। ঙসি লৈবাক পুম্বদা লৈরিবা য়াম্লবা ময়োল্লমশিংদা মেত্রোশিং শেমগৎলিবা অসি মেক ইন ইন্দিয়াগী মখাদনি। অপীকপা ময়োল্লমশিংদা মেত্রো লাইত অমদি অর্বান রোপৱেনচিংবা প্রোজেক্তশিংসু শেমগৎলি।
ইচিল ইনাওশিং,
কোচ্চি ৱাতর মেত্রোগী প্রোজেক্ত অসিসু মেদ ইন ইন্দিয়ানি, তোপ তোপ্পা মশক্নি। মসিগীদমক মথৌ তাবা হিশিং শেম্লি, মদুগীদমক কোচ্চি সিপয়ার্দবুসু থাগৎলি। ৱাতর মেত্রোনা কোচ্চিগী অকোয়বদা লৈরিবা ঈথৎশিংদা মমল হোঙবা অমদি মতমগা চুনবা ত্রান্সপোর্তকী খুদোংচাবা ফংহনগনি। মসি জেতী বস তর্মিনস অমদি মেত্রো নেতৱর্ক অনিগী মরক্তা লৈরিবা ইন্তর মোতেল কন্নেক্তিবিতীগী খুদোলনি। মসিনা কোচ্চিগী ত্রাফিক্কী পরৈ চেনবা ৱাফমশিংসু হন্থহনগনি অমদি বেকৱাতর তুরিজম্নসু নৌনা পুক্নিং চিংশিনবা ঙমগনি। কেরলাদা পায়খৎলিবা চাংয়েং অসিনা লৈবাক্কী অতৈ স্তেতশিংদসু মেদোল ওইরক্কনি হায়না ঐনা থাজৈ।
মরূপশিং,
ফিজিকেল কন্নেক্তিবিতীগা লোয়ন-লোয়ননা তিজিতেল কন্নেক্তিবিতীগী লমদসু ঙসি লৈবাকসিনা মাঙজিল থানা চঙশিল্লি। ঐনা দিজিতেল সাইন্স পার্কনচিংবা প্রোজেক্তশিং পঞ্জগে। অসিগুম্বা প্রোজেক্তশিংনা দিজিতেল ইন্দিয়াবু শকখঙনহনগনি। হৌখিবা চহি খরসিদা ভারতনা শেমগৎলিবা দিজিতেল সিস্তেম অসি মালেম পুম্বদা শোন্নরি। ভারতনা পুথোক্লিবা দিজিতেলগী ফীভমশিংবু উরগা মালেমগী চাওখৎলবা লৈবাকশিংসু ঙক্নরি। ভারতনা ৫জি তেক্নোলোজীদসু মরোমদোম চাওখৎপা ফীভম পুরক্নবগীদমক হোৎনবগা লোয়ননা হীরম অসিদা অনৌবা ওইথোকপা য়াবশিং থোরক্লি, মসিনা অনৌবা দিজিতেল প্রদক্তশিংগী লম্বীসু য়াৎলি।
ইচীল ইনাওশিং,
কন্নেক্তিবিতীদা তৌরিবা ইনভেস্তমেন্তনা খুদোংচাবা হেনগৎহনবতা নত্তনা, অরাপ্পবুসু হন্থহল্লি, তোঙান তোঙানবা নাৎশিংবুসু শম্নহল্লি। লম্বী, রেল, নৎত্রগা ইনাকখুনবা-লায়রবা, ফুরুপ কাঙলুপ তিন্নদবনসু মসিদা খেন্নবা থম্বা ঙম্লোই। পুম্নমক্না মসিকী কান্নবা লৌরি অমদি মসি তশেং তশেংবা চাওখৎপদুনি। মসিমক্নসু এক ভারত শ্রেস্থ ভারতকী ৱাখল্লোনবু মপাঙ্গল কনহল্লি। পুম্নমক অসি ঙসি ঐখোয়না ভারত্তা উবা ফংলি।
কেরলাদা লৈবাক্কী অমদি মালেমগী মফমদা পীননবা খুদোল কয়ামুক লৈরি। মফমসিগী নাৎ, চীঞ্জাক অমদি নুংঙাইরবা ঈশিং নুংশিৎকী ফীভম অসিদা নুংঙাই য়াইফবা পুরক্নবগী পাম্বৈ য়াওরিবনি। অদোমসু উবিরমগনি, নুমিৎ খরনিগী মমাঙদা কুমারাকোমদা জি-২০গা মরী লৈনবা মীফম পাঙথোকখি। জি-২০গী অতোপ্পা মীফম কয়াসু কেরলাদা পাঙথোক্লি। মসিগী পান্দমসু মালেমবু কেরলাগী মরমদা হেন্না খঙহন্নবনি। কেরলাগী মাত্তা চেঙ অমদি য়ুবীগী মথক্তা সগী পুত্তুনচিংবা শ্রী অন্নসু মমিং চৎলি। ঙসি ঐখোয়না ভারতকী শ্রী অন্নবু মালেম পুম্বদা শন্দোক্নবা থৌরাং পায়খৎলি। কেরলাদা ঐখোয়গী লৌমীশিং অমদি খুৎ-শা হৈবশিংনা পুথোক্লিবা পোত্থোকশিংগীদমক ঐখোয় খোঞ্জেল থোকপা তাই। ঐখোয়গী ভোকেল ফোর লোকেলদা পুক্নিং চঙলবা মতমদা, মালেমসিনা ঐখোয়গী পোত্থোকশিংগীদমক খোঞ্জেল থোরক্কদৌরিবনি। ঐখোয়গী পোত্থোক্না মালেমসিদা শন্দোরক্লবা মতমদা, চাওখৎপা ভারত শেমগৎনবগী লম্বীসু হেন্না চেৎশিলহনগদৌরিবনি।
অদোমসু উবিরি, ঐনা মন কী বাত্তসু কেরলাগী মীয়াম্না পুথোকপা, মফমসিগী সেল্ফ হেল্প গ্রুপশিংনা পুথোকপা পোত্থোকশিংবু হেক হেক খন্ন-নৈনৈ। মন কী বাতকী চাম্ম শুবা তাঙ্কক লৈবাক শেমগৎপদা ঐখোয়গী লৈবাক মীয়াম্না হোৎনবিরিবা পুম্নমক্কী মফমদা কত্থোকচরি, এক ভারত শ্রেস্থ ভারতকী ৱাখল্লোন্দা কত্থোকচরি। চাওখৎপা ভারত শেমগৎনবগীদমক ঐখোয় পুনশিন্নবা চঙই। বন্দে ভারত এক্সপ্রেস অমদি কোচ্চি ৱাতর মেত্রোনচিংবা প্রোজেক্তশিংদগী চাউরবা মতেংসু ফংগনি। ময়াম পুম্নমক্কী মফমদা চাওখৎ থৌরাংগী প্রোজেক্তশিংগীদমক হন্না হন্না নুংঙশইবা ফোঙদোকচরি। হন্না হন্না থাগৎচরি।
ভারত ইমানা য়াইফরে।
ভারত ইমানা য়াইফরে।
ভারত ইমানা য়াইফরে।
