“ইমপ্লিমেন্তেসন অমসুং অকক্নবা মতমদা দেলিভরী তৌনবা মীৎয়েংদগী য়েংলকপদা বজেৎ মতুংগী ব্রেনস্তোর্মিং অসি মরু ওই। মসিনা তেক্সপেয়রশিংগী শেলগী লুপা অমা ফাওবা নীংথিনা শীজিন্নবা ঙমহনগনি”
“ঐখোয়না গুদ গভর্নান্সতা হেন্না মীৎয়েং চংলিবা মখৈ লাস্ত মাইল য়ৌনবা ঐখোয়গী পান্দম অসি হেন্না লাইনা ফংবা ঙমগনি”“লাস্ত মাইল য়ৌহন্নবা এপ্রোচ অমসুং সেচুরেসনগী পোলিসী অসি অমনা অমগী মতেং পাংনরি”“ঐখোয়গী পান্দম অসি মীপুম খুদিং য়ৌহনবা হায়বা অসিনা ওইরবা মতমদা খেন্নবা অমদি শেঞ্জা-থুমজাগী স্কোপ অমত্তা লৈরোই”“চহি অসিগী বজেৎনা ত্রাইবেল অমদি খুঙ্গংগী মফমশিংদা লাস্ত মাইল য়ৌহন্নবা মন্ত্রদা অখন্নবা মীৎয়েং থম্লি”“অহানবা ওইনা লৈবাক অসিনা স্কেল অসিদা ঐখোয়গী লৈবাক্কী ত্রাইবেল খুন্নাইগী অচৌবা পোতেন্সিএল অসি তেপ তৌরি”“ত্রাইবেল কাংলুপকী মরক্তা খ্বাইদগী শোত্থরবশিংগীদমক অখন্নবা মিসনগী মখাদা খোঙজেল য়াংনা ফেসিলিতীশিং ফংহন্নবা হোল-ওফ-দি-নেসন এপ্রোচ মথৌ তাই”“লাস্ত মাইল য়ৌহনবদা এস্পিরেস্নেল দিস্ত্রিক্ত প্রোগ্রামনা মাইপাক্লবা মোদেল অমা ওইরকখি”বজেৎ মতুংদা পার্লিয়ামেন্তদা বজেৎকী মতাংদা দিবেৎ তৌনবা হায়বা অসি মহৌশানা চৎনবী অমা ওইদুনা লাকখি। অমসুং মসি মরু ওইবগা লোয়ননা কান্নৈ। অদুবু সরকার অসিনা বজেৎকী খন্ন-নৈনবা অসি খোঙকাপ অমা মাং চখৎনা থাংখি অমসুং হৌখিবা চহি খরা অসিদা বজেৎ মতুং স্তেকহোল্দরশিংগা লোয়ননা ব্রেনস্তোর্মিং তৌবগী অনৌবা চৎনবী অমা হৌখি। মসি ইমপ্লিমেন্ত তৌবা অমসুং মতম চানা দেলিভরী তৌনবগীদমক মরু ওই। তেক্সপেয়রশিংগী শেলগী লুপা অমা ফাওবা নীংথিনা শীজিন্নবা ঙমহনহল্লি। হৌখিবা নুমিৎ খরনি অসিদা ঐহাক্না তোঙান-তোঙানবা লমশিংগী এক্সপর্তশিংগা লোয়ননা ৱারী শাখি। ঙসি রীচিং দি লাস্ত মাইল, মহাত্মা গান্তনা হায়বীরমখি নখোয়গী পোলিসীশিং, নখোয়গী থৌরাংশিংনা লাস্ত এন্দদা লৈরিবা মীওইদা কয়া য়াম্না থুনা য়ৌবগে হায়বা অসি য়াম্না মরু ওই। অমসুং মসিনা মরম ওইদুনা ঙসি বজেৎ অসিদা মীয়ামগী য়াইফনবা থবক কয়া য়ৌরি, মসি মপুং ফানা ত্রান্সপরেন্সী লৈহনবগা লোয়ননা করম্না বেনিফিসরীশিংদা য়ৌহনগনি হায়বা অসিগী মতাংদা হীরম অসিদা স্তেকহোল্দরশিংগা লোয়ননা পাকশন্না খন্ন-নৈনবা পাঙথোক্লি।
মরুপশিং,
ঐখোয়গী লৈবাক অসিদা অরিবা ৱাখল্লোন অমা লৈরম্মি মদুদি মীয়ামগী য়াইফবা পুরকপা অমসুং লৈবাক্কী চাউখৎ-থৌরাং অসি শেল খক্তনা ওইথোকহল্লি। মসি অচুম্বা নত্তে। লৈবাক অমদি ইরৈবাকচাশিংগীদমক শেল মথৌ তাই অদুবু শেলগা লোয়ননা ৱাখলসু মথৌ তাই। সরকারগী থবক অমসুং সরকারগী স্কিম মাইপাক্নবগী তঙাই ফদবা মচাক অসি গুদ গভর্নান্স, সেন্সিতিব গভর্নান্স, মীচমগীদমক কত্থোকপ সরকার অসিনি। সরকারগী থবকশিং অসি চাং ওনবা য়ারবা, লেপ্পা লৈতনা য়েংশিল্লবা মতমদা অকক্নবা মতমগী মনুংদা থমখিবা পান্দমশিং ফংবা অমসুং অপাম্বা ফল ফংবা হায়বা অসি মহৌশানি। মরম অসিনা ঐখোয়না গুদ গভর্নান্সতা হেন্না মীৎয়েং চংলিবা মখৈ লাস্ত মাইল য়ৌনবা ঐখোয়গী পান্দম অসি হেন্না লাইনা ফংবা ঙমগনি। নীংশিংলমগনি মমাংদা ঐখোয়গী লৈবাক্তা মনুং হঞ্জিনবা মফমশিংদা ভেক্সিন য়ৌহনবদা দিকেদ কয়া চংলমখি। লৈবাক অসি ভেক্সিন কবরেজতা য়াম্না শোত্থনা লৈরমখি। লৈবাক্কী অঙাং করোর কয়া মরু ওইনা খুঙ্গং অমসুং ত্রাইবেল বেল্তশিংদা ভেক্সিনগীদমক চহি কয়া ঙাইরমখি। করিগুম্বা ঐখোয়না অরিবা এপ্রোচকা লোয়ননা থবক তৌরবদি ভারত্তা ১০০% ভেক্সিনেসন কবরেজ ফংনবা হোৎনবদা দিকেদ কয়া চংলমগনি। ঐখোয়না অনৌবা এপ্রোচকা লোয়ননা মিসন ইন্দ্রধনুশ হৌদোকখি অমসুং লৈবাক শিনবা থুংবদা ভেক্সিনেসন সিস্তেম ফগৎহনখি। কোরোনা লাইচৎ লাকপা মতমদা ঐখোয়না মঅরাপ্পা মফম অমদি পাকশন্না ভেক্সিন য়ৌহনবদা অনৌবা সিস্তেম অসিগী কান্নবা ফংখি। অমসুং ঐহাক্না থাজৈ মদুদি মসিদা গুদ গভর্নান্সনা মসিদা অচৌবা থৌদাং লৌগনি, মসিগী শক্তি অসিনা লাস্ত মাইল দেলিভরী ওইথোকপা ঙমহনখি।
মরুপশিং,
লাস্ত মাইল য়ৌহন্নবা এপ্রোচ অমসুং সেচুরেসন পোলিসী অসি অমনা অমদা মতেং পাংলি। মমাংদা তঙাই ফদবা খুদোংচাবশিংগীদমক লায়রশিংনা সরকারগী মনিংদা কোইতান তান্নরমখি মরম অসিদনা শেঞ্জা থুমজদসু হেনগৎলকখি অমসুং মীয়ামগী হকশিং খোঙ্গোইনখি। হৌজিক্তি সরকারনা লায়রশিংগী থোংজিলদা ওইনা লেপ্লরে। লম খুদিংমক্তা লৈরিবা প্রজা খুদিংমক্তা তঙাই ফদবা খুদোংচাবা খুদিংমক পীনবা ঐখোয়না ৱারেপ লৌবা নুমিৎতা ঐখোয়না লোকেল থাক্তা ৱার্ক কলচরদা অচৌবা অহোংবা অমা লাকপগে উবা ফংগনি। মসি সেচুরেসনগী পোলিসীগী নুংদা লৈরিবা ৱাখল্লোন অদুনি। ঐখোয়গী পান্দম অসি মীপুম খুদিংমক য়ৌশিন্নবা ওইরবা মতমদা খেন্নবা অমদি শেঞ্জা থুমজাগী মফম লৈরোই। মতম অদুদা খক্তা ঐখোয়না লাস্ত মাইল য়ৌনবগী পান্দম অদু মপুং ফাহনবা ঙমগনি। য়েংবীয়ু ঙসি লৈবাক অসিদা অহানবা ওইনা পি.এম. স্বানিধি য়োজনাগী খুত্থাংদা স্ত্রীৎ ভেন্দরশিংবু ফোর্মেল বেঙ্কিংগা লিঙ্ক তৌখি। অহানবা ওইনা লৈবাক অসিদা দি-নোতিফাইদ, নোমেদিক অমসুং সেমি-নোমেদিক কম্ম্যুনিতীশিংগীদমক দিবেলপমেন্ত এন্দ ৱেল্ফিয়র বোর্দ থমখি। খুঙ্গংশিংদা কম্মন সর্ভিস সেন্তর লাখ ৫ হাংখিবা অসিনা সরকারগী সর্ভিসশিং খুঙ্গংশিংদা য়ৌহনখি। এহাক্না ঙরাং মন কী বাত্তা ময়েক শেংনা হায়খ্রে মদুদি লৈবাক অসিদা তেলি-মেদিসিনগী কেস করোর ১০ হেনবগী পন্দুপ য়ৌবা ঙমখি। মসিনা হকশেলগী লমদা লাস্ত মাইল য়ৌবগী ৱাখল্লোন অদু উৎলি।
মরুপশিং,
ভারতকী ত্রাইবেলগী মফমশিং অমসুং খুঙ্গংগী মফমশিংদা লাস্ত মাইল য়ৌহন্নবা মন্ত্র অসি য়ৌহনবা মথৌ তাই। চহি অসিগী বজেৎনা মসিদা অখন্নবা মীৎয়েং চংখি। লাস্ত মাইল য়ৌহন্নবগী পান্দম অদু থুংহন্নবা জল জীবন মিসনগীদমক বজেৎ অসিদা লুপা করোর লিশিং কয়াগী প্রোবিজন অমা শেমখি। ২০১৯ ফাওবা লৈবাক্কী খুঙ্গংগী মফম খক্তদা য়ুম করোর অহুম খক্তদা তোতি ঈশিং ফংলমখি। হৌজিক মসিগী মশিং অসি করোর ১১দা হেনগৎখি অমসুং হায়রিবা অসি অতেনবা মতমগী মনুংদা ফংবা ঙমখি। চহি অমগী মনুংদাঅমৃত সরোবর লিশিং ৬০ হেনবগী থবক পাইখৎপা হৌখি মসিগী মনুংদা সরোবর লিশিং ৩০ শাবা লোইশিনখ্রে। কেম্পেনশিং অসিনা মফম পুম্নমক্তা লৈরিবা ভারত মচাশিংগী পুন্সি মহিং ফগৎহল্লি, মখোয়না দিকেদ কয়া অসিগুম্বা ফেসিলিতীশিং অসি ঙাইদুনা লাকখি।
অদুবু মরুপশিং,
ঐখোয়না মফম অসিদা লোইশিনগদবা নত্তে। ঐখোয়না অনৌবা ৱাতর কন্নেক্সন অমসুং ৱাতর কঞ্জুম্পসনগী পেত্তর্নগী মেকানিজম অমা শেম্বা তাই। ঐখোয়না ৱাতর কম্মিতি মপাঙ্গল কনখৎহন্নবগীদমক করি তৌবা য়াবগে য়েংশিনবা তাই। কালেন থা য়ৌরক্লে। ঐখোয়না ঈশিং য়োকশিন্নবা হৌজিক্তগী হৌনা ৱাতর কম্মিতি করম্না শীজিন্নগনি খন্নবা তাই। নোং লাক্ত্রিঙৈদা নোংগী ঈশিং য়োকশিন্নবা পব্লিক এজুকেসনগী খোথাং লৌখৎপা তাই, মীয়াম্না য়ৌশিন্দুনা অথুবদা থবক হৌগদবনি।
মরুপশিং,
চহি অসিগী বজেৎতা লায়রবশিংগী য়ুম শানবা লুপা করোর লিশিং ৮০ খাক্তুনা থমখি। হাউসিং ফোর ওলগী কেম্পেন অসি ঐখোয়না খোঙজেল য়াংশিনহনগদবনি। হাউসিংগী তেক্নোলোজীগা করম্না কন্নেক্ত তৌগনি, চাদিং হন্থনা তৌরগা কুইনা চৎকদবা অমসুং মপাঙ্গল কনবা য়ুম করম্না শাগনি? সোলর পাৱরগুম্বা গ্রীন ইনর্জীগী কান্নবা করম্না লৌগনি? গ্রুপ হাইসিংগী অনৌবা মোদেল করিনা ওইবা য়াই? মসিগী মতাংদা কুপ্না খন্নবা মথৌ তাই।
মরুপশিং,
অহানবা ওইনা ত্রাইবেল কাংলুপশিংগী অচৌবা পোতেন্সিএল অসি তেপ তৌনবা পাকচাউনা থবক পাইখৎলি। বজেৎ অসিদা ত্রাইবেলগী চাউখৎ থৌরাংদা মরু ওইবা মীৎয়েং চংখি। একলাব্য মোদেল রেসিদেন্সিএল স্কুলশিংদা ওজাশিং অমসুং স্তাফ লৌনবগী অচৌবা প্রোবিজন অমা শেমখি। একলাব্য মোদেল স্কুলশিংদা মীয়ামদা স্কুলশিং অসিদগী ওজাশিং অমসুং মহৈরোয়শিংনা পীরকপা ফীদবেকশিং অমসুং স্কুলশিং অসিগী মহৈরোয়শিং অসিনা অচৌবা সহরশিংদা করম্না এক্সপোজর ফংবগে য়েংবীয়ু। স্কুলশিং অসিদা অতল তিঙ্করিং লেব কয়া হাংদোক্নবা লম্বীশিং অমসুং স্তার্তঅপশিংগা মরী লৈনবা হীরমশিংদা ৱার্কশোপ পাঙথোক্নবগী লম্বীশিংদা খন্ন-নৈনৌ।
মরুপশিং,
অহানবা ওইনা ত্রাইবেল কাংলুপশিংগী মরক্তা খ্বাইদগী শোত্থরবশিংগীদমক অখন্নবা মিসন অমা হৌদোকখি। ঐখোয়না লৈবাক্কী জিলা ২০০ হেনবদা লৈরিবা খুঙ্গং লিশিং ২২ হেনবগী ঐখোয়গী ত্রাইবেল মরুপশিংদা খুদোংচাবা খোঙজেল য়াংনা ফংহনবা তাই”। প্রধান মন্ত্রীনা হীরম অসিদা পস্মান্দা মুস্লিমশিংগী মতাংদসু পনখি। সিকল সেল মপুং ফানা মুৎথৎনবা বজেৎ অসিদা তার্গেৎ অমসু থমখি। মসিগীদমক হোল ওফ দি নেসনগী এপ্রোচ মথৌ তাই। মরম অসিনা হকশেলগা মরী লৈনবা স্তেকহোল্দর খুদিংমক্না খোঙজেল য়াংনা থবক তৌগদবনি।
মরুপশিং,
লাস্ত মাইল য়ৌহনবদা এস্পিরেস্নেল দিস্ত্রিক্ত প্রোগ্রামনা মাইপাক্লবা মোদেল অমা ওইখি। এপ্রোচ অসি খুমাং চাউশিলহল্লদুনা লৈবাক্কী ব্লোক ৫০০দা এস্পিরেস্নেল ব্লোক প্রোগ্রাম অসি হৌজিক পাইখৎলি। এস্পিরেস্নেল ব্লোক প্রোগ্রামগীদমক ঐখোয়না এস্পিরেস্নেল দিস্ত্রিক্তশিংগীদমক থবক তৌখিবা মতৌগুম্না কম্পেরেতিব পেরামিতরশিংগী মরমদা খঙনা থবক তৌগদবনি। ঐখোয়না ব্লোক লেবেলদসু অমগা অমগা লোয়ননা কম্পিতিসনগী এনভাইর্নমেন্ত অমা শেমগৎপা তাই। ৱেবিনার অসিদগী লাস্ত মাইল দেলিভরীগী অনৌবা ৱাখল্লোন, অনৌবা পাউতাকশিং ফংগনি হায়না থাজৈ, মসিনা মনুং হঞ্জিনবা মফমশিংদা লৈরিবা ইচিল ইনাওশিংগী পুন্সিদা অহোংবা পুরকপা ঙমগনি। নখোয়গী সজেসনশিং অদু কান্নগনি। ঐখোয়না ইমপ্লিমেন্তেসন্দা মীৎয়েং চংনবা ৱাখল খনবা তাই ঐখোয়না তেক্নোলোজী শীজিন্নবদা ত্রান্সপরেন্সী লৈহনবা তাই। মসিগীদমক ঐখোয়গী স্তেকহোল্দরশিংগা লোয়ননা পুন্না চৎপা তাই। ঐখোয়না অনৌবা থাজবগা লোয়ননা লায়রবা মুৎথৎনবা হোৎনবা তাই। লায়রবগী শক্তি হেনগৎহনবা তাই, লায়রবা খুদিংমক্না ফিরেপ অমা লৌবা তাই। সরকারনা মখোয়গী মহুৎ পাইদুনা চৎকনি। নখোয়গুম্বা স্তেকহোল্দরশিংনা থৱায় য়াওনা শরুক য়ানবা এনভাইর্নমেন্ত অমা ঐখোয়না শেমগনি। ঐহাক্না থাজৈ ৱেবিনার অসিনা সর্বাজন হিতায়া সর্বাজন সুখায়াগী অচৌবা ফিরেপ থুংহনাব ঙমগনি। ঐহাক্না পুম্নমকপু য়াইফ মঙ্গোল পীজরি। হন্না-হন্না থাগৎচরি!
