“২১শুবা চহিচাদা ভারতকী খোঙজেল য়াংনা চাউখৎলক্লিবা ফীভমদা সহরশিং নীংথিনা প্লান তৌবনা পুংফম অসিগী খ্বাইদগী মথৌ তাবা ওইরক্লি”
“অনৌবা সহরশিং শেমগৎপা অমসুং হান্নগীশিংদা ফংহল্লিবা সর্ভিসশিং মতমগা চুনবা ওইহনবা হায়বা অসি অর্বান দিবেলপমেন্তগী মরু ওইবা হীরম অনিনি”“অমৃতকালদা ঐখোয়গী সহরশিংগী লাইবক অসি অর্বান প্লান্নিংনা লেপকনি অমসুং ভারতকী লাইবক অসি নীংথিনা প্লান তৌরবা সহরশিং খক্তনা লেপ্পা ঙমগনি”“মেত্রো নেৎৱার্ক কন্নেক্তিবিতীদা য়েংবদা ভারতনা লৈবাক কয়াদগী খুমাং চাউশিল্লি”“২০১৪দা ৱেস্তকী চাদা ১৪-১৫ খক্তা প্রোসেস তৌরম্বা অদুগা চাংদম্নবদা ঙসিদি চাদা ৭৫ তৌবা ঙম্লে”“অনৌবা সহরশিং অসি গার্বেজ-ফ্রী, ৱাতর সেক্যুর অমসুং ক্লাইমেৎ-রেসিলিএন্ত ওইহনগদবনি”“সরকারনা শেম্লিবা প্লান অমসুং পোলিসীশিং অসিনা সহরগী মীয়ামগী পুন্সি লাইথোকহনবা খক্তা নত্তনা মসিনা মখোয় মশাগী চাউখৎ-খোঙচৎতসু মতেং পাংগদবনি”খুরুমজরি।
ময়াম পুম্নমকপু অর্বান দিবেলপমেন্তগুম্বা মরু ওইবা তোপিক অসিদা পাঙথোকপা বজেৎ ৱেবিনারদা তরাম্না ওকচরি।
মরুপশিং,
নীংতম্বা ফংলবা মতুং ফাওবা লৈবাক্কী প্লান তৌবা সহর খরা খক্তমক শেমগৎলমখিবা অসি লাইবকথীবনি। করিগুম্বা নীংতম্লবা মতুং চহি ৭৫ অসিদা প্লান তৌরবা সহর ৭৫ শেমগৎলম্বা তারবদি ঙসি মালেমদা ভারতনা কল্লিবা মফম অসি চাউনা খেন্নরম্বা য়াই। অদুবু ২১শুবা চহিচাদা ভারতনা খোঙজেল য়াংনা খুমাং চাউশিল্লিবা ফীভম অসিদা নীংথিনা প্লান তৌবা অনৌবা সহরশিং শেমগৎপা তঙাই ফদে।
অসিগুম্বা ফীভম অসিদা ভারতকী অর্বান দিবেলপমেন্তগী মরু ওইবা হীরম অনি লৈ। অনৌবা সহরশিং শেমগৎপা অমসুং হান্নগীশিংদা ফংহল্লিবা সর্ভিসশিং মতমগা চুনবা ওইহনবা হায়বা অসিনি। মসি খঙনা ঐখোয়গী সরকারনা বজেৎ খুদিংমক্তা অর্বান দিবেলপমেন্তদা মরু ওই মীৎয়েং চংখি। অর্বান দিবেলপমেন্তগী স্তেন্দর্দশিংগীদমক চহি অসিগী বজেৎতা লুপা করোর ১৫,০০০গী ইনসেন্তিব লাউথোকখি অমসুং মসিনা অর্বানাইজেসনগী প্লান তৌবদা শাহৌ পীগনি হায়না ঐহাক্না থাজৈ।
মরুপশিং,
নখোয় পুম্নমক্না খঙই মদুদি অর্বান দিবেলপমেন্তদা প্লান্নিং অমসুং গভর্নান্সকী মরু ওইবা থৌদাং লৈ। সহরশিং নীংথিনা প্লান তৌদবা নত্ত্রগা প্লান্নিং তৌরবা মতুং নীংথিনা ইম্প্লিমেন্তেসন তৌবা ৱাৎপনা ভারতকী চাউখৎ-খোঙচৎতা চাউনা শীংনবশিং পীগনি। স্পাসিএল প্লান্নিং, ত্রান্সপোর্ত প্লান্নিং, অর্বান ইনফ্রাস্ত্রকচর প্লান্নিং, ৱাতর মেনেজমেন্ত ওইরবসু লমশিংদা অকনবা মীৎয়েং চংবা মওং অমদা থবক তৌবা মথৌ তাই।
নখোয়না ৱেবিনার অসিগী তোঙান-তোঙানবা সেনসনশিদা মপুং ওইবা ৱাহং অহুমদা মীৎয়েং চংবীয়ু। অহানবদা - রাজ্যশিংদা করম্না অর্বান প্লান্নিং ইকোসিস্তেম শক্তি কনখৎহনগনি। অনিশুবদা - অর্বান প্লান্নিংদা প্রাইবেৎ সেক্তরদা লৈরিবা এক্সপর্তিস করম্না নীংথিনা শীজিন্নগনি। অহুমশুবদা - অরোইবদা অর্বান প্লান্নিংবু অনৌবা থাক্তা পুখৎকদবা সেন্তর ওফ এক্সিলেন্স অমা করম্না দিবেলপ তৌগনি হায়বা অসিনি।
রাজ্য সরকার অমসুং অর্বান লোকেল বোদী পুম্নমক্না ৱাফম অমা মতম চুপ্পদা নীংশিংগদবনি। মখোয়না প্লান তৌবা অর্বানগী মফমশিং শেমগৎলবা মতমদা খক্তদা চাউখৎপা লৈবাক অমগীদমক শরুক তম্বা ঙমগনি। ঐখোয়না ৱাফম অসিসু মুন্না খঙবা মথৌ তাই মদুদি অমৃতকালদা ঐখোয়গী সহরশিংগী লাইবক অসি অর্বান প্লান্নিংনা লেপকনি অমসুং ভারতকী লাইবক অসি নীংথিনা প্লান তৌরবা সহরশিং খক্তনা লেপ্পা ঙমগনি। ঐখোয়গী সহরশিং অসি নীংথিনা প্লান্নিং তৌরবা খক্তদা ক্লাইমেৎ রেজিলিএন্ত অমসুং ৱাতর সেক্যুর ওইহনবা ঙমগনি।
মরুপশিং,
ৱেবিনার অসিদা য়াওরিবা অর্বান প্লান্নিং অমসুং গভর্নান্সকী এক্সপর্তশিংদা ঐহাক্না অখন্ননা ৱাফম অমা হায়জনীংই। নখোয়না হেন্না হেন্না ইন্নোভেতিব ওইবা আইদিয়াশিং পুথোক্নবা ৱাখল খনবীয়ু। জি.আই.এস.-বেজ মাস্তর প্লান্নিং, প্লান্নিং তুলশিংগী তোঙান-তোঙানবা মখলশিং দিবেলপ তৌবা, অফবা হ্যুমেন রিসোর্সশিং অমসুং কেপাসিতী বিল্দিং অসিগুম্বা লমশিংদা নখোয়না অচৌবা থৌদাং লৌবা য়াই। নখোয়গী এক্সপর্তিস অসি অর্বান লোকেল বোদীশিংনা ঙসি মথৌ তারি। অমসুং মসিনা খুদোংচাবা কয়ামরুম শেমগৎপদা মথৌ তাই।
মরুপশিং,
ত্রান্সপোর্ত প্লান্নিং অসি সহরশিং শেমগৎনবগী মরু ওইবা য়ুম্বী অমনি অমসুং ঐখোয়গী সহরশিংগী মোবিলিতী অসি অপনবা পীরোইদবনি। ২০১৪গী মমাংদা লৈবাক অসিদা ওইরম্বা মেত্রো কন্নেক্তিবিতীগী ফীভমগী মতাংদা ময়াম পুম্নমক্না নীংথিনা খঙলমগনি। ঐখোয়গী সরকারনা সহর কয়াদা মেত্রো রেল লাকহন্নবা থবক তৌখি অমসুং মেত্রো নেৎৱার্ক কন্নেক্তিবিতীদা লৈবাক কয়াদগী মাংজিল থারি। হৌজিক মেত্রো নেৎৱার্ক মপাঙ্গল কনখৎহনবা অমসুং ফার্স্ত অমসুং লাস্ত-মাইল কন্নেক্তিবিতী পীবা মথৌ তাই। অমসুং মসিগীদমক অফবা ত্রান্সপোর্ত প্লান্নিং মথৌ তাই। সহরশিংদা লম্বী পাকথোকপাঈ ৱাংখৎহনবা অমসুং জঙ্কসনশিং ফগৎহনবা অসি ত্রান্সপোর্ত প্লান্নিংগী শরুক ওইহনখি।
মরুপশিং,
ভারতনা সর্ক্যুলর ইকনোমী অসি অর্বান দিবেলপমেন্তগী মরু ওইবা য়ুম্ফম অমা ওইহল্লি। বেত্তরী ৱেস্ত, ইলেক্ত্রিকেল ৱেস্ত, ওতোমোবাইল ৱেস্ত, তায়রশিং অসিগুম্বা ম্যুনিসিপাল ৱেস্ত অমসুং কম্পোস্ত শাবদা শীজিন্নবা ৱেস্ত অসি নুমিৎ খুদিংগী ঐখোয়গী লৈবাক্তা তন লিশিং কয়া পুথোকই। ২০১৪দা ৱেস্তকী চাদা ১৪-১৫ খক্তা প্রোসেস তৌরম্বা অদুগা চাংদম্নবদা ঙসিদি চাদা ৭৫ তৌবা ঙম্লে। ভারতকী সহরশিংগী চীদাইশিং অসি করিগুম্বা খোঙথাং মাংজৌননা লৌখৎতবা তারবদি অমোৎ-অকাইনা চীংগুম্না পৈগনি।
ৱেস্ত প্রোসেসিং তৌদুনা অমোৎ অকাইগী মপৈ কয়া সহরশিংদগী লৌথোক্নবা থবক পাইখৎলি অমসুং মসিনা ইন্দস্ত্রী কয়াগীদমক রিসাইক্লিং অমসুং সর্ক্যুলরিতীগী খুদোংচাবশিংনা থল্লবা লম্বী অমা হাংদোক্লগনি। লম অসিদা স্তার্তঅপ কয়ানা থবক তৌরি। ঐখোয়না মখোয়দা মতেং পীবীনবসু হায়জরি। ইন্দস্ত্রীনা ৱেস্ত মেনেজমেন্তগী পোতেন্সিএল মপুং ফানা শীজিন্নগদবনি।
অমরুৎ স্কিম মাইপাক্লবা মতুংদা সহরশিংদা অফবা থক্নবা ঈশিং পীনবা অমরুৎ ২.০ হৌদোকখি। প্লান অসিগা লোয়ননা হৌজিক ঐখোয়না ঈশিং অমসুং সিৱেজকী ত্রেদিস্নেল মোদেলগী মাংওইননা প্লান্নিং তৌবা তাই। ঙসি শীজিন্নরবা ঈশিং অসি ত্রীৎমেন্ত তৌদুনা সহর খরদা ইন্দস্ত্রিএলগী শীজিন্ননবা থাখি। ৱেস্ত মেনেজমেন্তগী লম অসিদা প্রাইবেৎ সেক্তরগীদমক অচৌবা ওইথোকপা য়াবশিং ফংহল্লি।
মরুপশিং,
অনৌবা সহরশিং অসি গার্বেজ-ফ্রী, ৱাতর সেক্যুর অমসুং ক্লাইমেৎ-রেসিলিএন্ত ওইহনগদবনি। মসিগীদমক তায়র ২ অমসুং তায়র ৩গী সহরশিংদা অর্বান ইনফ্রাস্ত্রকচর অমসুং প্লান্নিং তৌবদা ইনভেস্তমেন্ত তৌবা হেনগৎহনবগী মথৌ তাই। ঐখোয়গী তুংলমচৎকী সহরশিং অসি আর্কিতেকচর, জিরো দিসচার্জ মোদেল, ইনর্জীগী নেৎ পোজিতিবিতী, লম শীজিন্নবদা হৈ-শীংবা, ত্রাঞ্জিৎ কোরিদোরশিং অমসুং পব্লিক সর্ভিসশিংদা এ.আই. শীজিন্নবা অসিগুম্বা পেরামিতরশিংনা মশক তাক্কদবনি। অর্বান প্লান্নিংগী শরুক ওইনা শান্নবুংশিং অমসুং অঙাংশংগী সাইজল থৌনবা লম্বেলশিং থম্বা মথৌ তাই।
মরুপশিং,
সহরশিং শেমগৎপা মতমদা সহরদা লৈরিবা মীওইশিংগী ওইথোকপা য়াবশিং অদু মদুদা য়াওহন্নবা মওংদা থবক পাইখৎপা তঙাই ফদে। হায়বদি সরকারনা শেম্লিবা প্লান অমসুং পোলিসীশিং অসিনা সহরগী মীয়ামগী পুন্সি লাইথোকহনবা খক্তা নত্তনা মখোয় মশাগী চাউখৎ খোঙচৎতসু মতেং পাংবা ঙম্বা ওইগদবনি। চহি অসিগী বজেৎতা পি.এম.-আৱাস য়োজনাগীদমক লুপা করোর ৮০,০০০ চাদিং তৌনবা লৌখিবা ফিরেপ লৌখি।
সিমেন্ত, স্তীল, পেন্ত অমসুং ফর্নিচরগী ইন্দস্ত্রীশিংনা য়ুম অমা শাবা খুদিং শাহৌ ফংলগনি। মসিদগী ইন্দস্ত্রী কয়ানা শাহৌ ফংগদগে অদোম্না খন্থদুনা য়েংবীয়ু। ঙসিন অর্বান দিবেলপমেন্তগী লমদা ফ্যুচরিস্তিক তেক্নোলোজীনা লৌরিবা থৌদাং হেনগৎলক্লি। ঐখোয়গী স্তার্তঅপশিং লোয়ননা ইন্দস্ত্রীনা মাইকৈ অসিদা ৱাখল পুথোক্তুনা থবক থুনা হৌনবা হায়জরি। ঐখোয়না লৈরিবা অসিদগী ওইথোকপা য়াবশিংগী খুদোংচাবা লৌগদবনি অমসুং অনৌবা ওইথোকপা য়াবশিং পুথোক্কদবনি। সস্তেনেবল হাউস তেক্নোলোজীদগী সস্তেনেবল সিতীশিং ফাওবদা ঐখোয়না অনৌবা সোল্যুসনশিং পুথোক্কদবনি।
মরুপশিং,
তোপিকশিং অসিদা নখোয়না কুপ্না খন্নগনি হায়না ঐহাক্না থাজৈ, অতোপ্পা তোপিক কয়া লৈবা য়াই মসিগী ৱাখল্লো অসিগা লোয়ননা ওইথোকপা য়াবশিং অদু পুথোক্নবা অফবা রোদমেপ অমা তাকপীরম্মু।
থাজবা অসিগা লোয়ননা ময়াম পুম্নমকপু অমুক হন্না থাগৎচরি!
