লুপা করোর ৫,৫৫০ রোমগী কিমি ১৭৬গী নেসনেল হায়ৱেজ প্রোজেকশিং উরেপ-উয়ুং তমগনি
কাজিপেত্তা লুপা করোর ৫০০ চঙনা রেলৱে মেনুফেকচরিং য়ুনিত শানবা উরেপ-উয়ুং তমখিভাদ্রকালি লাইশঙদা পুজা পাংথোকখি“তেলুগু মীয়ামগী হৈথোই-শিংথোইবনা ভারতকী থবক তৌবা ঙম্বা হেনগৎহল্লে”“ঙসিগী ভারতকী নহারোলশিং শক্তিগা লোয়ন্না শরুক য়ারি”“ইনফ্রাস্ত্রকচর নিংথিনা লৈতনা ভারতনা য়াংনা চাউখৎপা ঙম্লোই”“শেন-থুমগী মফমশিংগা তেলাঙ্গানাগা শম্নরি অমসুং শেন-থুম তানবগী মফম অমা ওইরে”“মেনুফেকচরিং সেক্তর অসি নহারোলশিং থবক পীনবা অচৌবা মফম অমা ওইরক্লে”তেলঙ্গানা প্রজলন্দরিকী না অভিনন্দলু...
তেলঙ্গানাগী রাজ্যপাল তমিলসাই সৌন্দরাজনজী, কেন্দ্র মন্ত্রী-মন্দলগী ঐহাক্কী মরুপ্লোই নিতীন গদকরীজী, শ্রী জি কিশন রেদ্দীজী, ভাই সঞ্জয়জী, অতোপ্পা মীথুংলেন অমসুং তেলঙ্গানাগী ঐহাক্কী ইচিল ইনাওশিং, তেলঙ্গানানা মশাগী চহি 9 হন্দক্তা মপুং ফাখ্রে। তেলঙ্গানা রাজ্য অসি অনৌবা রাজ্য অমা ওইজরবসু, ভারতকী পুৱারীদা তেলঙ্গানানা অমসুং মফমসিগী মীয়াম্না অচৌবা থৌদাং য়াদুনা অমসুং মশাগী শরুক তমদুনা লাক্লি। তেলেগু মীয়ামগী পাঙ্গলনা ভারতকী মপাঙ্গলবু মতম পুম্বদা কনখৎহন্দুনা লাকখি। মরম অদুনা, ভারতনা ঙসি মালেমগী খ্বাইদগী মঙাশুবা চাউবা শেন্মিৎলোন অমা ওইরিবনি। মসিদস্য তেলেগু মীয়ামগী অচৌবা থৌদাং য়াওরি। লোয়ননা, ভারতনা ঙসি ইনভেস্তমেন্তকী মতাংদা মালেম পুম্বগী মকোক ওইরক্লি, চাউখৎপা ভারত হায়বগী মতাংদা থৱাই য়াওনরি, মসিদসু তেলঙ্গানাগী খুদোংচাবা কয়া অমা য়াওগদৌরিবনি।
মরুপশিং,
ঙসিগী অনৌবা ভারত, নহা ওইরিবা ভারত অসি ইনর্জীনা পীক থল্লি। 21শুবা চহি চাগী অহুমশুবা দিকেদ অসি ঐখোয়গী সনাগী য়ুগ ওইনা লাক্লি। ঐখোয়না সনাগী য়ুগ অসিগী পুংফম খুদিংগী কান্নবা লৌগদবনি। লৈবাক্কী কাচিন কোয়া অমত্তনা চাউখৎপগী খুদোংচাবা মাঙহল্লোইদবনি। মসিগুম্বা খুদোংচাবশিং অসি ফংহন্নবগীদমক্তা ভারত সরকারনা মমাংগী চহি 9দা তেলঙ্গানাগী চাউখৎ থৌরাং, মফমসিগী কন্নেক্তিবিতীদা অহেনবা মিৎয়েং চঙখি। থৌওং অসিগা মরী লৈননা, ঙসি তেলঙ্গানাদা কন্নেক্তিবিতী অমসুং মেন্যুফেকচরিংগী করোর লিশিং 6কী প্রোজেক্তকী উরেপ উয়ুং তম্লি। ঐহাক্না তেলঙ্গানাগী মীয়াম খুদিংবু প্রোজেক্তশিং অসিগীদমক্তা থাগৎলি।
মরুপশিং,
অনৌবা পান্দম লৈরবদি, অনৌবা লম্বী অদুম লাক্কনি। ভারতনা খোঙজেল য়াঙনা চাউখৎকে হায়রবদি, অরিবা ইনফ্রাস্ত্রকর অসিদদি ওইথোক্লোই। চত্থোক চৎশিন্দা মতম হেন্না চঙলবা, লোজিস্তিক্সনা মমল তাঙলবদি কারবারদসু অমাঙবা লাক্কনি অদুগা মীয়ামগী মফমদসু খুদোংচাদবা য়াম্না থেংনগনি। মরম অদুনা, ঐখোয়গী সরকারনা অহেনবা খোঙজেল অমসুং অচৌবা স্কেলদা থবক তৌরিবনি। ঙসিদি, ইনফ্রাস্ত্রকচর মখল খুদিং শেমগৎনবা হান্নদগী য়াম্না হেনবা মওংদা থবক কয়া পায়খৎলি। ঙসিদি, লৈবাক শিনবা থুংবদা হাইৱে, এক্সপ্রেসৱে, ইকোনোমিক কোরিদোর, ইন্দস্ত্রীএল কোরিদোরগী নেতৱর্ক অচৌবা অমা শেম্লি। লেন অনিগী হাইৱেবু লেন মরিগী হাইৱেদা ওন্থোক্লি। চহি 9গী মমাংদা তেলঙ্গানাগী হাইৱে নেতৱর্ক অসি কিলোমীতর 2500 ওইরম্মি, ঙসিদি মসিদগী হেনগত্তুনা নেতৱর্ক অসি কিলোমীতর 5000 ওইরে। ঙসিদি, তেলঙ্গানাদা কিলোমীতর 2500গী নেস্নেল হাইৱে প্রোজেক্ত শাবগী থবক কয়া তোঙান-তোঙানবা ফেজশিংদা লৈরি। ভারতমালা পরিয়োজনাগী মখাদা কোরিদোর দর্জন কয়া লৈবাক শিনবাথুংবদা শাগৎলি, মসিগী মনুংদগী প্রোজেক্ত কয়া অমা তেলঙ্গানা ফাওদুনা চৎলি। হাইদ্রবাদ-ইন্দোর ইকোনোমিক কোরিদোর, সুরত চেন্নৈ ইনোকোমিক কোরিদোর, হাইদ্রবাদ-পন্নাজী ইকোনোমিক কোরিদোর, হাইদ্রবাদ-বিশাখাপ্তনম ইন্দোর কোরিদোরগুম্বা খুদম কয়া ঐখোয়গী মাঙদা লৈরে। তেলঙ্গানানা মনাক নকপদা লৈবা ইকোনোমিক সেন্তর কয়া অমত্তা ওইনা শম্নহল্লি, শেন্মিৎলোনগী থবক থৌর কয়াগী হব অমা ওইরি।
মরুপশিং,
নাগপুর-বিজয়ৱারা কোরিদোরগী মঞ্চেরিয়েলদগী ৱারঙ্গল সেক্সনগী উরেপ উয়ুংসু ঙসি তম্লি। মসিনা তেলঙ্গানাবু মহারাস্ত্র অমসুং আন্ধ্র প্রদেশ ফাওবগী মোদর্ন কন্নেক্তিবিতী পীগনি। মসিদগী মঞ্চেরিয়েল অমসুং ৱারঙ্গল ফাওবগী অথাপ্পা য়াম্না হন্থরগনি অমসুং ত্রাফিক জাম থোকপগী শিংনবসু য়াম্না হন্থগনি। মসিনা লান্দুনা চৎপা মফমশিংদা চাউখৎপগী খুদোংচাবা পীগনি, মসিনা ঐখোয়গী মশিং য়াম্না লৈরিবা ত্রাইবেল ইচিল ইনাওশিংদা চাউখৎপগী খুদোংচাবা ফংহনগনি। কোরিদোর অসিনা মলতিমোদেল কন্নেক্তিবিতীগী পান্দমবু মপাঙ্গল হাপকনি। করিম্নগর-ৱারঙ্গল সেক্সনবু লেন-মরিদা ওন্থোকপদগী হাইদ্রবাদ-ৱারঙ্গল ইন্দস্ত্রীএল কোরিদোর, ককাতিয়া মেগা তেক্সতাইল পার্ক অমসুং ৱারঙ্গল SEZকী কন্নেক্তিবিতীগী মপাঙ্গল হাপকনি।
মরুপশিং,
ভারত সরকারনা তেলঙ্গানাগী কন্নেক্তিবিতী হেনগৎহল্লিবা অসিদগী তেলঙ্গানাগী ইন্দস্ত্রীনা কান্নবা য়াম্না ফংলি, মফমসিগী তুরিজম্না কান্নবা ফংলি। তেলঙ্গানাদা ঙসি হেরিতেজ সেন্তর কয়ামুক লৈরি, লাইনীংগী মফম কয়া লৈ, মফমশিং অসিদা চত্থোক চৎশিন তৌবদা য়াম্না নুংঙাইরে। মফমসিদা লৈবা লৌউ-শিংউগা মরী লৈনবা ইন্দস্ত্রী, করিম্নগরগী গ্রানাইত ইন্দস্ত্রী, মসিনসু ভারত সরকারগী হোৎনজমন অসিনা কান্নবা য়াম্না পীরি। মসিনা হায়বদি, লৌমী ওইরো, নত্ত্রগা শিন্মী; মহৈরোই নত্ত্রগা প্রোফেস্নেল ওইরো, পুম্নমক্না মসিদগী কান্নবা ফংলি। মসিনা নহাশিংগী মফমদা মখোয়গী ময়ুমগী মনাক মক্তদা মশাগী থবক পীজবগী খুদোংচাবা কয়া পীরি।
মরুপশিং,
নহাশিংদা থবক পীবগী অচৌবা পাম্বৈ অমা লৈবাক্কী মেন্যুফেকচরিং সেক্তরনা ওইরি, মেক ইন ইন্দিয়া খোঙথাংনা ওইরি। ঐখোয়না লৈবাক্কী মেন্যুফেকচরিংবু হেন্না খুমাং চাউশিলহন্নবা PLI স্কিম হৌদোকখি। হায়বদি, মেন্যুফেকচর য়াম্না তৌবশিংদা সরকারনা অহেনবা তেংবাং পীরি। মসিগী মখাদা, প্রোজেক্ত 50দগী হেনবনা তেলঙ্গানাদা লৈরিবনি। দিফেন্স এক্সপোর্ত্তা ভারতনা হন্দক্কী চহিদা রেকোর্দ থমখি হায়বা অদোম পুম্নমক্না খঙলবনি। ভারতকী দিফেন্স এক্সপোর্ত অসি চহি 9গী মমাংদা করোর লিশিং অমদগী হেন্না তারম্মি। ঙসিদি, মসিনা করোর লিশিং 16দগী হেল্লে। মসিগী কান্নবা অসি হাইদ্রবাদতা লৈবা ভারত দাইনামিক্স লিমিতেদনা ফংলি।
মরুপশিং,
ঙসিদি, ভারতনা রেল মেন্যুফেকচরিংগী হীরমদা অনৌবা রেকোর্দ থম্লি, অনৌবা পান্দম কয়া থম্লি। হৌজিক্কানগী মতমদা ভারত্তা শাবা রেলগী মতাংদা মীওই পুম্নমক্না ৱারী শানরি। হৌখিবা চহিশিংদা ইন্দিয় রেলৱেজনা মতমগা চুনবা কোচ অমসুং লোকোমোতিব কয়া শাখ্রে। ইন্দিয়ন রেলৱেজতা অহোংবা লাক্লিবা অসিদা কাজিপেত অসিসু মেক ইন ইন্দিয়াগী অনৌবা পাঙ্গল অসিগা পুনগদৌরে। হৌজিক্তি, মফমসিদা ৱেগন দর্জন কয়া চয়োল খুদিংগী শারগনি। মসিনা লমদম অসিদা থবক পীবগী অনৌবা খুদোংচাবা কয়া লৈহল্লগনি, মফমসিগী ইমুং খুদিংনা হীরম অমা নত্ত্রগা হীরম অমদা কান্নবা ফংলগনি। সবকা সাথ, সবকা বিকাস হায়রিবা অসি মসিমক্নি। চাউখৎ থৌরাংগী মসিগুম্বা মন্ত্রা অসিগী মতেংদগী ঐখোয়না তেলঙ্গানাবু হেন্না চাউখৎহনগদৌরিবনি। ঐহাক্না চাউখৎ থৌরাংগী প্রোজেক্তশিং অসিগীদমক্তা পুম্নমকপু অমুক্কা হন্না থাগৎচরি। খুরুমজরি।
