Inaugurates Maharashtra Samriddhi Mahamarg
“Today a constellation of eleven new stars is rising for the development of Maharashtra”“Infrastructure cannot just cover lifeless roads and flyovers, its expansion is much bigger”“Those who were deprived earlier have now become priority for the government”“Politics of short-cuts is a malady”“Political parties that adopt short-cuts are the biggest enemy of the country's taxpayers”“No country can run with short-cuts, a permanent solution with a long-term vision is very important for the progress of the country”“The election results in Gujarat are the result of the economic policy of permanent development and permanent solution”ফম্ফমলাংদা লেংশিল্লিবা মহারাস্ত্রগী রাজ্যপাল, শ্রী ভগত সিংহ, মমিং লৈরবা মুখ্য মন্ত্রী একনাথ শিন্দে, লমদম অসিগী মপারি অমসুং মহারাস্ত্রগী অফবা তুংলমচৎকীদমক হোৎনরিবা, শ্রী দেবেন্দ্রজী, নিতিনজী, রাও সাহেব দানবে, দা. ভারতী তাই অমসুং মশিং য়াম্লবা নাগপুরগী নুংশিরবা ইচিল-ইনাওশিং।
ঙসি অসি সঙ্কস্তী চতুর্থীনি। অফবা থবক অমা তৌবা মতমদা ঐখোয়না অহানবদা গনেশ পুজা তৌই। ঙসি ঐহাক্না নাগপুরদা লাকপা অসিদা ঐহাক্না ভগৱান গনপতী বাপ্পাবু খুরুমজরি। দিসেম্বর ১১ অসি সঙ্কস্তী চতুর্থীগী য়াইফরবা নুমিৎনি। ঙসি মহারাস্ত্রগী চাউখৎ-থৌরাংগীদমক মহানক্ষত্রাগী থৱানমীচাক ১১ থোক্লরে।
অহানবা থৱানমিচাক নাগপুর অমসুং শির্দীগী ‘হিন্দু হৃদয় সম্রাত বালাসাহেব থাকরে মহারাস্ত্র সমৃদ্ধি মহামার্গ’ হৌজিক শাবা লোইরে। অনিশুবা থৱানমিচাক এম্সনা বিদর্ভগী য়াম্লবা শরুক্কী মীয়ামদা কান্নবা পীরগনি। অহুমশুবা থৱানমিচাক – নাগপুরদা লিংখৎখিবা নেস্নেল ইন্সতিত্যুত ওফ ৱান হেল্থ। মরিশুবা থৱানমিচাক – ঈগা মরী লৈনবা লাইনাশিং ঙাকথোক্নবা চন্দ্রপুরদা শাখিবা আই.সি.এম.আর.গী রিসর্চ সেন্তর। মঙাশুবা থৱানমিচাক পেত্রোকেমিকেল সেক্তরগী য়াম্না মরু ওইবা চিপেত চন্দ্রপুর লিংখৎখিবা। তরুকশুবা থৱানমিচাক অসিনা নাগপুরগী নাগ তুরেলগী পোলুসন হন্থহন্নবা হৌখিবা প্রোজেক্ত। তরেৎশুবা থৱানমিচাক – নাগপুরদা মেত্রো ফেস ৱান শঙ্গাবা অমসুং ফেস তুগী উরেপ-উয়ুং তম্বা। নিপানশুবা থৱানমিচাক – ঙসি নাগপুরদগী বিলাসপুর ফাওবা ভন্দে ভারত এক্সপ্রেস চেনবা হৌখিবা। মপালশুবা থৱানমিচাক – ‘নাগপুর’ অমসুং ‘অজনী’ রেলৱে স্তেসন নৌনা শেমগৎপগী প্রোজেক্ত। তরাশুবা থৱানমিচাক – অজনিদা শঙ্গাখিবা হোর্স পাৱর লিশিং ১২গী রেল ইঞ্জিনগী মেন্তেনেন্স দিপোৎ। তরামাথোইশুবা থৱানমিচাক অসিনা নাগপুর-ইতারসী লাইনগী কোহলি-নরখেদ রুত শঙ্গাবা। থৱানমিচাক তরামাথোইগী অপুনবা অসিনা মহারাস্ত্রগী চাউখৎ-থৌরাংদা অনৌবা মাইকৈ অমা পীরগনি, অনৌবা থৌনা হাপ্লগনি। মহারাস্ত্র আমসুং মহারাস্ত্রগী মীয়ামদা নীংতম্বগী ৭৫শুবা চহিগী অমৃত মহোৎসব অসিদা লুপা করোর লিশিং ৭৫রোমগী চাউখৎ-থৌরাংগী থবক পাইখৎপা অসিগীদমক নুংঙাইবা ফোঙদোকচরি।
মরুপশিং,
ঙসিগী থৌরম অসিনা দবল ইঞ্জিন সরকারনা মহারাস্ত্রদা খোঙজেল য়াংনা থবক তৌই হায়বগী খুদমসু ওইরি। নাগপুর অমসুং মুম্বাইগী মরক্তা অরাপ্পা হন্থহনবগী মথক্তা, সমৃদ্ধী হায়ৱেনা মহারাস্ত্রগী জিলা ২৪বু মোদর্ন কন্নেক্তিবিতীনা শম্নহল্লি। মসিনা লৌউ-শিংউ, তোঙান-তোঙানবা লাইফমশিংদা লাক্লিবা য়াম্লবা ভক্তাশিং, ইন্দস্ত্রীশিংদা চাউনা কান্নবা পীরগনি অমসুং অনৌবা থবক্কী খুদোংচাবশিং পীরগনি।
মরুপশিং,
ঙসিগী থৌরম অসিগী অখন্নবা অমা লৈ। ইনফ্রাস্ত্রকচর দিবেলপমেন্তগী হোলিস্তিক বিজন অসি ঙসি শঙ্গারিবা স্কিমশিং অসিদা ময়েক শেংনা উবা ফংই। এম্স অসিমক তোঙানবা মখলগী ইনফ্রাস্ত্রকচর অমনি অমসুং সমৃদ্ধি মহামার্গ অসিসু মখল অমগী ইনফ্রাস্ত্রকচরনি। মতৌ অসুম্না ভন্দে ভারত এক্সপ্রেস অমসুং নাগপুর মেত্রো অসিসু ইনফ্রাস্ত্রকচরদা শিজিন্নবা তোঙান-তোঙানবা মখলশিংনি অদুবু পুম্নমক অসি লৈ মপুনগী তোঙান-তোঙানবা লৈরাংশিংগুম্বনি, মসিনা মীয়ামদা চাউখৎ-থৌরাংগী লৈনম য়েনগনি।
চাউখৎ-থৌরাংগী মপুন অসিদা হৌখিবা চহি ৮দা কন্না হোৎনখিবা অচৌবা লৈকোলগী মমিসু তারি। মীচম মীয়ামগী হেল্থ কিয়র ওইরবসু নত্ত্রগা লন শেমগৎপা ওইরবসু, লৌমীশিং শক্তি পীবা ওইরবসু নত্ত্রগা ঈশিং য়োকশিনবা ওইরবসু ঙসি অহানবা ওইনা লৈবাক অসিদা ইনফ্রাস্ত্রকচরদা মীওইবগী শক্লোন উহনবা ঙম্বা অদুগুম্বা সরকার অমা লাক্লে।
ইনফ্রাস্ত্রকচরগী অসিগুম্বা হ্যুমেন তচ অসিনা ঙসি মীপুম খুদিংমক্কী পুন্সিদা শোক্লি। আয়ুশ্মান ভারত য়োজনানা লায়রবা খুদিংমক্তা লুপা লাখ ৫ ফাওবগী লেম্না লায়েং পীরি মসি ঐখোয়গী সোসিএল ইনফ্রাগী খুদম অমনি। কাশি, কেদরনাথ, উজ্জেনদগী পন্ধরপুর ফাওবদা লৈরিবা ঐখোয়গী লাইফমলেনশিং শেমগৎপা অসি ঐখোয়গী কলচরেল ইনফ্রাগী খুদম অমনি।
লায়রবা মীওই করোর ৪৫ হেন্না বেঙ্কিং সিস্তেমগা শম্নহল্লিবা জন ধন য়োজনা অসি ঐখোয়গী ফাইনান্সিএল ইনফ্রাস্ত্রকচরগী খুদম অমনি। নাগপুর এম্সগুম্বা মোদর্ন হোস্পিতালশিং হাংদোকপগী কেম্পেন, জিলা খুদিংমক্তা মেদিকেল কোলেজশিং হাংদোকপগী কেম্পেন অসি ঐখোয়গী মেদিকেল ইনফ্রাস্ত্রকচরগী খুদমশিংনি। অমসুং পুম্নমক অসিদা য়াওরিবা মান্নবা ৱাফম অসিনা হ্যুমেন সেন্সিবিলিতীশিং, হ্যুমেন তচ, সেন্সিতিবিতীনি। ঐখোয়না শুপ্নগ থৱায় য়াওদ্রবা লম্বী অমসুং ফ্লাইওভরশিংদা ইনফ্রাস্ত্রকচর কবর তৌবা য়ারোই মসিগী পাকথোক চাউথোকপা অসি হেন্না চাউই।
অমসুং মরুপশিং,
ইনফ্রাস্ত্রকচরগী থবক্তা সেন্সিতিবিতী য়াওদ্রবদি মসিদা হ্যুমেন ফোর্ম য়াওরোই, চেক, নুং, সিমেন্ত, য়োৎ খক্তা উবা ফংগনি, মসিনা লৈবাক অসিগী মীয়ামদা অমাংবা থোকহনগনি, মীচম মীয়ামদা অমাংবা ওইগনি। ঐহাক্না গোশিখুর্দ দাম অসি খুদম ওইনা পীজগে। দাম অসি চহি ৩৫গী মমাংদা উরেপ-উয়ুং তমখি অমসুং মতম অদুদা চংগদবা শেনফম লুপা করোর ৪০০ ওইখি। অদুবু চহি কয়া ইনসেন্তিব ওইনা থবক তৌবগী মওংনা মরম ওইদুনা দাম অসি চহি কয়া লোইশিনবা ঙমদনা লৈরকখি। হৌজিক দাম অসিগী চাউরাকপা শেনফম অসি করোর লুপা ৪০০দগী করোর লিশিং ১৮ য়ৌরে। ২০১৭তা দবল ইঞ্জিন সরকার শেম্লবা মতুংদা দাম অসিগী থবক খুমাং য়াংশিনখি, সমস্যা খুদিংমক কোকহনখি। চহি অসিদা দাম অসি লোইশিনবা ঙম্বদা ঐহাক্না অপেনবা পোকখি, মসি শানবা হোৎনবদা দিকেদ অহুম হেন্না চংখি, হৌজিক্তি খুঙ্গংশিং অমসুং লৌমীশিংনা মসিগী কান্নবা ফংবা হৌরে।
ইচিল-ইনাওশিং,
নীংতম্বগী অমৃত কাল অসিদা লৈবাক অসিনা চাউখৎপা ভারতকী অচৌবা ফিরেপকা লোয়ননা মাংদা চংশিল্লি। চাউখৎপা ভারত অমা শেমগৎনবা পাম্বৈ অসি ভারতকী অপুনবা শক্তিদা লৈ। চাউখৎপা ভারত অমা শেম্নবা মন্ত্র অসি জাতি চাউখৎহন্নবা রাজ্য চাউখৎহনবনি। ঐখোয়না চাউখৎপদা অপনবা পীবা, খুদোংচাবশিংদা অপনবা পীবা মতমদা ঐখোয়না হৌখিবা দিকেদশিংদা মসি থেংনখ্রে। মহৈ-মশিং অসি মীওই খরা খক্তা ফংহনবা মতমদা, কাংলুপ খরা খক্তা ফংহনবদা লৈবাক্কী তেলেন্ত অসি মপুং ফানা মাংদা পুথোকপা ঙমখিদে। মীওই খরা খক্তনা বেঙ্কশিংদা এক্সেস ফংবা মতমদা ত্রেদ-বিজিনেসসু অকক্নৈ। অফবা কন্নেক্তিবিতী অসি সহর খরদা খক্তা ফংহনবা মতমদা মফম খরা খক্তমক চাউখৎলি। হায়বদি লৈবাক অসিগী য়াম্লবা মীশিংনা চাউখৎপগী মপুং ফাবা শক্তি অদু ফংবা ঙমদে অমসুং ভারতকী তশেংবা শক্তি পুথোকপা ঙমদে। হৌখিবা চহি ৮দা ঐখোয়না মসিগী ৱাখল্লোন অমসুং এপ্রোচ অসিদা অহোংবা পুরকখি। ঐখোয়না সবকা থাথ, সবকা বিশ্বাস, সবকা বিকাস অমসুং সবকা প্রয়াসতা মীৎয়েং চংখি। অমসুং ঐহাক্না সবকা প্রয়াস হায়বা মতমদা মসিদা ইরৈবাকচা খুদিংমক অমসুং লৈবাক অসিগী রাজ্য খুদিংমক য়াওই। অপীকপা নত্ত্রগা অচৌবা ওইরবসু মীপুম খুদিংমক্কী মতিক ময়াই হেনগৎলক্কনি মতম অদুদা খক্তা ভারতনা চাউখৎপা ঙমগনি। মরম অসিনা ঐখোয়না শোত্থদুনা লৈহৌরবশিংবু থৌগৎলি। মরম অসিনা মমাংদা ফংদনা লৈরম্বা অদুদা ঐখোয়গী সরকারনা হৌজিক মীৎয়েং চংলি।
মরম অসিনা অপীকপা লৌমীশিংগীদমক মরু ওইবা মীৎয়েং চংদুনা থবক পাইখৎলি। বিদর্ভগী লৌমীশিংনা পি.এম. কিসান সম্মান নিধিগী চাউনা কান্নবসু ফংলে। ঐখোয়গী সরকারনা শা-শন লোইরিবশিংদা মরু ওইবা মীৎয়েং চংদুনা কিসান ক্রেদিত কার্দকী খুদোংচাবা ফংহনখি। স্ত্রীত ভেন্দর ইচিল-ইনাওশিংদা মমাংদা মীৎয়েং চংলমখিদে। ঙসি অসিগুম্বা মরুপ লাখ কয়াদা খুদোংচাবা পীরি, বেঙ্কতগী লায়না লোনশিং পীরি।
মরুপশিং,
‘শোত্থরবশিংদা খুদোংচাবা পীবা’ হায়বগী অতোপ্পা খুদম অসি ঐখোয়গী এস্পিরেস্নেল দিস্ত্রিক্তশিং অসিনি। নীংতম্বা ফংখিবা দিকেদ কয়া শুরবা ফাওবা লৈবাক অসিদা চাউখৎ-থৌরাংগী পেরামিতর কয়াদা শোত্থনা লৈবা জিলা ১০০ হেন্না লৈ। মখোয় অসি অয়াম্বনা ত্রাইবেলগী মফমশিং অমসুং হিংশানা শোকহল্লবা মফমশিং ওইনা তৌই। মসিদা মরাথৱাদা অমসুং বিদর্ভগী জিলা কয়া য়াওরি। হৌখিবা চহি ৮দা ঐখোয়না লৈবাক অসিগী শোত্থনা লৈবা অসিগুম্বা মফম কয়াবু খোঙজেল য়াংনা চাউখৎনবগী অনবা মীৎয়দং চংলি। ঙসি শঙ্গাখিবা অমসুং উরেপ-উয়ুং তমখিবা প্রোজেক্তশিং অসি ৱাখল্লোন অমসুং এপ্রোচ অসিগী খুদমশিংনি।
মরুপশিং,
ঙসি ঐহাক্না নখোয়গা ৱারী শাবা অসিদা ঐহাক্না মহারাস্ত্রগী মীয়াম অমসুং লৈবাক অসিগী মীয়ামদা ভারতকী রাজনিতীদা অকাইবা পীনবা চংলক্লিবা ইথিলগী মতাংদা চেকশিলৱা থম্বা পামজৈ। মসি শোর্ত-কত পোলিতিসিক্সনি; মসি রাজনিতী কান্নবশিংগীদমক লৈবাক অসিগী লনবু লুত তৌবনি; মসি তেক্সপেয়রশিংগী ৱানা তানবা শেল লুত তৌবনি।
মসিগী রাজনিতী দলশিংনা অশম্বা পাম্বৈশিং শীজিন্নৈ অমসুং অসিগুম্বা রাজনিতীগী লুচিংবশিং অসি লৈবাক্কী তেক্স পেয়র খুদিংমক্কী অচৌবা য়েক্নবশিংনি। মখোয়গী পান্দমশিং অসি শক্তি পাইবনি অমসুং তাৎকী ৱাশক শক্তুনা লৈবাক অসিদা সরকার শেম্বনি। ঙসি ভারতনা মথংগী চহি ২৫গী পান্দমশিংগী মাইকৈদা থবক পাইখৎলিবা তানফম অসিদা রাজনিতী দল খরনা মখোয়গী লনাইগী কান্নবগীদমক লৈবাক্কী শেন্মীৎলোন্দা অকাইবা পীবা পাম্মি।
অহানবা ইন্দস্ত্রিএল রিভোল্যুসনগী মনুংদা ভারতনা মসিগী কান্নবা লৌবা ঙমখিদে হায়বা ঐখোয়না নীংশিংলগনি। ঐখোয়না অনিশুবা অমসুং অহুমশুবা ইন্দস্ত্রিএল রিভোল্যুসনদসু অদুমক শোত্থনা লৈখি। অদুবু ঙসি মরিসুবা ইন্দস্ত্রিএল রিভোল্যুসন্দা ভারতনা মসিগী খুদোংচাবা অসি মাংহনবা য়াদ্রে। অমুক্কা হন্না হায়জগে – অসিগুম্বা খুদোংচাব অসি লৈবাক অমত্তদা অমুক হন্না লাক্লোই। লৈবাক অমত্তনা অশম্নবা পাম্বৈ শীজিন্নদুনা চল্লাইবা য়ারোই। লৈবাক চাউখৎনবা পর্মিনেন্ত দিবেলপমেন্ত অমসুং পর্মিনেন্ত সোল্যুসনশিং মথৌ তাই। অদুনা লোং তর্ম বিজন অসি য়াম্না মরু ওই। অমসুং সস্তেনেবল দিবেলপমেন্তগীদমক ইনফ্রাস্ত্রকচর অসি য়াম্না মরু ওই।
মতম অমদা খা কোরিয়া অসি লায়রবা লৈবাক অমা ওইরম্মি অদুবু লৈবাক অসিনা ইনফ্রাস্ত্রকচরগী খুত্থাংদা মাগী মরাইবক্তা অহোংবা পুরকখি। ঙসি গল্ফ লৈবাকশিং অসি অদুক্কী মতিক খুমাং চাউশিল্লে অমসুং মখোয়না হৌখিবা দিকেদ অহুম-মরি অসিদা মখোয়গী ইনফ্রাস্ত্রকচর মপাঙ্গল কনখৎহনবা অমসুং মোদর্নাইজ তৌবনা মরম ওইদুনা মফম অদুনা ভারত মচা লাখ কয়াদা থবক পীরি। মখোয়দা ফ্যুচর রেদী ইনফ্রাস্ত্রকচর লৈরে।
ঙসি ভারতকী মীয়াম্না সিঙ্গাপুরদা চৎপা পাম্মি হায়বা নখোয়না খঙই। দিকেদ খরগী মমাংদা সিঙ্গাপুর অসি ইচম চম্বা ঈথৎকী লৈবাক অমা ওইরমখি। মীওই খরনা ফিশরিজ তৌদুনা মখোয়গী হিংনবগী পাম্বৈওইরমখি। অদুবু সিঙ্গাপুরনা ইনফ্রাস্ত্রকচরদা চাউনা শেল থাদখি মরুদা অচুম্বা শেন্মীৎলোনগী থৌশিলশিং শেমখি অমসুং ঙসিদি মালেমগী শেন্মীৎলোনগী মরু ওইবা হব অমা ওইবা ঙম্লে। করিগুম্বা লৈবাকশিং অসিদা রাজনিতীদা অশম্বা লম্বী থীরম্বা তারবদি, করিগুম্বা তেক্স পেয়রসিংগী শেল লুত তৌরবদি, লৈবাকশিংনা ঙসি য়ৌরিবা থাক অসি য়ৌবা ঙম্লমলোই। হন্দক্তা ভারত্তা মসিগী খুদোংচাবা অসি লাকখি। মমাংগী সরকারশিংগী মতমদা ঐখোয়গী লৈবাক্কী থমোয় শেংবা তেক্স পেয়রশিংনা পীবা শেল অসি শেঞ্জা-থুমজা তৌদুনা মাংহনখি নত্ত্রগা ভোৎ বেঙ্ক মপাঙ্গল কনখৎহন্নবা শীজিন্নখি। হৌজিক মতম অসিগী তঙাই ফদবা অসি সরকারগী এক্সচেকরগী শেল খুদিংমক হায়বদি লৈবাক্কী কেপিতেলবু হৌরক্লিবা মীরোলগী অফবা তুংলমচৎ শেমগৎনবা চাদিং তৌবনি।
ঙসি ঐহাক্না ভারতকী নহারোল অমসুং তেক্সপেয়র খুদিংমক্তা অসিগুম্বা পুকচেল পীকপা রাজনিতী দলশিং অমসুং রাজনিতীগী লুচিংবশিংবু মীয়ামদা খঙহন্নবা হায়জরি। “আমদানি আত্তনি খরচা রুপয়া” হায়বদি ‘ইনকমদগী চাদিংনা কা হেন্না হেনবা’ হায়বগী প্রিন্সিপল ঙাক্না চৎলিবা রাজনিতী দলশিংনা লৈবাকপু লৈখা তাহনগদৌরি। মালেমগী লৈবাক কয়াদা ঐখোয়না অসিগুম্বা পোলিসিনা মরম ওইদুনা অপুনবা শেন্মীৎলোন্দা মাংথরকপা উবা ফংখ্রে। ঐখোয়না ভারতপু অসিগুম্বা অশম্বা রাজনিতীদগী কনবা তাই। ঐখোয়না নীংশিংগদবা অসি নাকল অমদা পুকচেল পীবা অমসুং মাইকৈ খঙদবা রাজনিতী অমসুং থৌওং নাইদনা চাদিং তৌবগী পোলিসী অমরোমদনা ঐখোয়না কত্থোকপা অমসুং জাতিগী য়াইফনবা ৱাখল্লোন চেনবা লোয়ননা পর্মিনেন্ত দিবেলপমেন্ত অমসুং সোল্যুসনশিংগীদমক চোকথবা লৈতনা হোৎনবা অসিনি। ঐখোয়না ঙসি ভারতকী নহারোলনা ফংলিবা খুদোংচাবা অসি মাংহল্লোইদবনি।
অমসুং ঐহাক্না নুংঙাইবা পোকই মদুদি মীচম মীয়াম্না সস্তেনেবল দিবেলপমেন্ত অমসুং লৈবাক অসিদা পর্মিনেন্ত সোল্যুসনশিং পুরক্নবগীদমক চাউনা মতেং পাংলি। মমাং চয়োলগী গুজরাতকী ফলশিং অদুনা সস্তেনেবল দিবেলপমেন্ত অমসুং পর্মিনেন্ত সোল্যুসনশিংগী ইকনোমিক পোলিসী অমসুং দিবেলপমেন্ত স্ত্রেতেজীগী ফলনি।
ঐহাক্না নোলুক্না অমসুং ইকাই খুম্নবগা লোয়ননা হায়জনীংই মদুদি অশম্বা পাম্বৈ শীজিন্নবা রাজনিতী তৌবা মীওইশিংনা সস্তেনেবল দিবেলপমেন্তগী বিজন অমসুং ঙসিদি লৈবাক্কী মরু ওইবা অদু খঙনবা হোৎনৌ। অশম্বা পাম্বৈশিং শীজিন্নবগী মহুৎ নখোয়না সস্তেনেবল দিবেলপমেন্তগী মাইকৈদা খোঙথাংশিং থাংজিন্দুনা মীখলশিং মাইপাক্নবা হোৎনৌ। নখোয়না মীখলশিং হঞ্জিন-হঞ্জিন কাবা ফংগনি। ঐহাক্না অসিগুম্বা দলশিং অসিদা হায়জনীংই মদুদি নখোয়না অকিবা পোকপগী মথৌ তাদে। ঐহাক্না থাজৈ নখোয়না লৈবাক্কী য়াইফনবা খনগনি অমসুং নখোয়না অশম্নবা রাজনিতীগী লম্বেল অসি শোইদনা থাদোক্কনি।
ইচিল-ইনাওশিং,
ঐহাক্না মহারাস্ত্রগী মীয়াম অমসুং লৈবাক্কী মীয়ামদা প্রোজেক্তশিং অসিগীদমক অমুক হন্না নুংঙাইবা ফোঙদোকচরি। অমসুং ঐহাক্কী নহা ওইরিবা মরুপশিংদা ঐহাক্না ৱাফম অমা থমজগে – ঙসি ঐহাক্না হায়খ্রিবা থৱানমিচাক ১১না নখোয়গী তুংলমচৎ শেমগনি অমসুং নখোয়গীদমক অনৌবা খুদোংচাবশিং পীরগনি। লাক্লো ঐখোয় পুম্নমক্না ইশাবু “ইসহা পন্থা, ইসহা পন্থা” – মসি অচুম্বা লম্বীনি, মসি অচুম্বা লম্বীনি হায়বা মন্ত্রাগা লোয়ননা মপুং ফানা কত্থোক্লসি! মরুপশিং চহি ২৫ অসিদা ঐখোয়বু ঙাইদুনা লৈরমখিবা খুদোংচাব অসি ঐখোয়না মাংহল্লোই।
থাগৎচরি!
