নেসনেল হায়ৱে প্রোজেক ৫ কৎথোকখ্রে অমসুং উরেপ-উয়ুং তমখ্রে
দবল ওইরবা কিলোমিতর ১০৩ শাংবা রাইপুর-খারিয়ার রোদ রেল লাইন অমসুং কেওতি-অন্তগর শম্নবা কিলোমিতর ১৭ শাংবা অনৌবা রেল লাইন মীয়ামদা কৎথোকখ্রেকোরবাদা ইন্দিয়ান ওইল কোর্পোরেসন বোত্তলিং প্লান্ত মীয়ামদা কৎথোকখ্রেভিদিও লিঙ্কগী খুৎথাংদা অন্তগর-রাইপুর ত্রেন লমথাখ্রেঅয়ুস্মান ভারতকী মখাদা বেনিফিসরিশিংদা কার্দ লাখ ৭৫ য়েন্থোকপা হৌরে“ঙসিগী প্রোজেকশিং অসি ছতিসগরগী ত্রাইবেল এরিয়াশিংদা চাউখৎ-থৌরাংগী অনৌবা খোঙচৎ অমা হৌবা নুমিৎনি”“চাউখৎ-থৌরাংগী লমদা শোৎথহৌরবা অকক্নবা মফমশিং ইনফ্রাস্ত্রচর শেমগৎনবা সরকারনা মীৎয়েং চঙলে”“অনৌবা মতমগী ইনফ্রাস্ত্রকচর অসি খুন্নাইগী অচুম্বা পুরকপগা মরী লৈনৈ”“ঙসি ছতিসগর ইকোনোমিক কোরিদোর অনিগা শম্নরে”“মহৌশাগী লন ফংবা মফমদা উদোগশিং হেন্না লিংখৎনবা অমসুং অনৌবা খুদোংচাবশিং শেমগৎনবা সরকারনা থবক পায়খৎলে”“এম.এন.আরগী মখাদা থবক পীনবা সরকারনা ছতিসগরদা লুপা করোর ২৫০০ হেন্না পীরে”ছতিসগরগী রাজ্যপাল শ্রী বিশ্বাভুসন হরিচন্দন, ছতিসগরগী চীফ মিনিস্তর শ্রী ভুপেস ভাঘেল, ছতিসগরগী দিপুতি চীফ মিনিস্তর শ্রী তি.এস সিংহ দিও, ঐগী মরুপ রোদ ত্রান্সপোর্ত অমসুং হায়ৱেজগী য়ুনিয়ন মিনিস্তর শ্রী নিতিন গাদকরি, হেল্থ অমসুং ফেমিলি ৱেলিফয়ারগী য়ুনিয়ন মিনিস্তর দোক্তর মনসুখ মন্দাবিয়া, অতোপ্পা শক্নাইরবশিং, ইবেম্মাশিং অমসুং ইবুংঙোশিং, ঙসি অসি ছতিগরগী চাউখৎ-থৌরাংগী খোঙচৎকী য়াম্না মরুওইবা নুমিৎ অমনি।
ঙসি ছতিসগরনা লুপা করোর লিশিং ৭ হেনবগী প্রোজেকশিংগী খুদোল ফংলে। খুদোল অসি ইনফ্রাস্ত্রচর অমসুং লম্বী-থোংগীনি। ঙসিগী প্রোজেকশিং অসি ছতিসগরগী ত্রাইবেল এরিয়াশিংদা চাউখৎ-থৌরাংগী অনৌবা খোঙচৎ অমা হৌবা নুমিৎনি। ঙসিগী প্রোজেকশিং অসিনা লমদম অসিগী মীয়ামগী হিংবদা লাইহল্লগনি অমসুং রাজ্য অসিদা অনা-লায়য়েংগী থবকশিং ফগৎহল্লগনি। খ্বাইদগী মরুওইবদি মসিনা ত্রাইবেলশিং শরুকশিংদা চাউখৎপগী অনৌবা খোঙচৎ অমা হৌরগনি। প্রোজেকশিং অসিনা রাজ্য অসিগী লৌমীশিং, মিনরেল ইন্দস্ত্রি অমসুং তুরিজম ইন্দস্ত্রিদা কান্নবা পীদুনা থবক ফংনবগী খুদোংচাবা কয়া পীরগনি। হায়রিবা প্রোজেকশিং অসিগীদমক ঐনা ছতিসগরগী মীয়াম থাগৎপা ফোঙদোকচরি।
মরুপশিং,
ভারত্তা চহি ইনফ্রাস্ত্রচর শোনবা অমসুং চাউখৎপা থিন্থবা ঐখোয়না থেংনরে। লমদম অমা চাউখৎপা থিন্থবা অসি ইনফ্রাস্ত্রচর ৱাৎপগা হকথেংন্না মরী লৈনৈ। মরম অদুনা চাউখৎ-থৌরাংগী লমদা শোৎথহৌরবা অকক্নবা মফমশিং ইনফ্রাস্ত্রচর শেমগৎনবা সরকারনা মীৎয়েং চঙলে। ইনফ্রাস্ত্রচরগী ৱাহন্থোক্তি হিংবদা লাইহনবা অমসুং ললোন-ইতিক তৌবা লাইহনবা হায়বনি। ইনফ্রাস্ত্রচর হায়বদি থবক ফংনবা খুদোংচাবা পীবা অমসুং য়াংনা চাউখৎহনবা হায়বনি। হৌখিবা চহি ৯দা প্রধান মন্ত্রী গ্রামিন সরক য়োজনাগী মখাদা রাজ্য অসিগী ত্রাইবেল খুঙ্গং লিশিং কয়াগী লম্বী শেমগৎলে। সরকারনা কিমি ৩,৫০০ রোমগী নেসনেল হায়ৱে প্রোজেকশিং অয়াবা পীখিবগী মনুংদা কিমি ৩০০০ শেম্বা লোইশিনখ্রে। ঙসি রাইপুর-কোদেবোর অমসুং বিলাসপুর-পাথ্রাপালি হায়ৱেশিংসু শঙ্গারে। রেল, লম্বী, তেলিকোম ওইগেরা, হৌখিবা চহি ৯দা সরকারনা মমাঙদা অমুক্তা পায়খৎখিদ্রিবা থবকশিং পায়খৎপদগী মখল খুদিংমক্কী চৎথোক-চৎশিনগী খুদোংচাবা হেনগৎহল্লে।
মরুপশিং,
অনৌবা মতমগী ইনফ্রাস্ত্রকচর অসি খুন্নাইগী অচুম্বা পুরকপগা মরী লৈনৈ অমসুং ঙসিগী প্রোজেকশিং অসিদা য়াওরিবা লম্বীশিং অমসুং রেলৱে লাইনশিংনা লায়রবশিং, দলিতশিং, শোৎথরবশিং অমসুং ত্রাইবেলশিংগী চৎথোক-চৎশিন ফগৎহল্লগনি অমসুং অনাবশিং অমসুং নুপীশিং হোস্পিতাল ফাওবা লাইনা য়ৌবা ঙমগ্লনি। চহি ৯গী মমাংদা ছতিসগরগী খুঙ্গং চাদা ২০ হেন্না মখল অমতগী মোবাইল নেতৱার্ক ফংলমদে, ঙসিদি মদু চাদা ৬তা হন্থরে অমসুং মসিগী কান্নবা লমদম অসিগী লৌমীশিং অমসুং শীন্মীশিংনা ফংলে। হৌজিক রাজ্য অসিগী খুঙ্গং অয়াম্বা মোবাইল নেতৱার্ক ফংলে। 4G নেতৱার্ক ফংনবা সরকারনা মোবাইল তৱার ৭০০ হেন্না য়ুংখৎলে। তৱার ৩০০ রোম হান্ননা থবক হৌখ্রে। মতম অমদা ইচিক চিক্না লৈরম্বা ত্রাইবেল খুঙ্গংশিং ঙসিদি রিংতোনশিংনা নীল্লে। মোবাইল ফংবা অসিনা হিরম কয়াদা মীয়ামদা মতেং পাংলে। মসি খুন্নাইগী অচুম্বনি। মসি সবকা সাথ, সবকা বিকাসনি।
মরুপশিং
ঙসি ছতিসগর ইকোনোমিক কোরিদোর অনিগা শম্নরে। রাইপুর-ধানবাদ ইকোনোমিক কোরিদোর অমসুং রাইপুর-ভিশাখাপত্নম ইকোনোমিক কোরিদোরনা লমদম অসিগী শেন-থুমগী ফিবম ফগৎহল্লগনি। মতম অমদা চাউখৎলমদবা, হিংশাগী মফম অমা ওইরম্বা এস্পিরেসনেল দিস্ত্রিকশিং ফাওদুনা ইকোনোমিক কোরিদোরশিংনা ফাওদুনা চৎলি। ঙসি উরেপ-উয়ুং তম্লিবা রাইপুর-ভিশাখাপত্নম ইকোনোমিক কোরিদোর অসি লমদম অসিগী অনৌবা হিংনবা লম্বী অমা ওইরগনি অমসুং রাইপুরদগী ভিশাখাপত্নম ফাওবগী অরাপ্পা তঙ্খাইদা হন্থরগনি। লেন ৬গী লম্বীনা ফৌ য়াম্না থোকপা ধামতারি, বাউসাইক্স থোকপা কানকার অমসুং খুৎ-শাগী পোৎথোকশিং য়াম্না পুথোকপা কোন্দাগাউনগা লৈবাক্কী অতোপ্পা মফমশিংগা শম্নরগনি। উমং ফাওদুনা চৎলিবা লম্বী অসিদা লম্লক্কী শাশিং খুদোংচানবা তেনেলশিং অমসুং শাশিং ফাওদুনা চৎনবা খুদোংচাবশিং শেমগৎলে। দাল্লি রাজহারাদগী জাগদালপুর ফাওবগী রেল লাইন অমসুং অন্তগরদগী রাইপুর ফাওবগী ত্রেন সর্বিস অসিনা মনুং হুঞ্জিনবা মফমশিংদা চৎপদা লাইহল্লগনি।
মরুপশিং,
মহৌশাগী লন ফংবা মফমদা উদোগশিং হেন্না লিংখৎনবা অমসুং অনৌবা খুদোংচাবশিং শেমগৎনবা সরকারনা থবক পায়খৎলে। হৌখিবা চহি ৯দা মাইকৈ অসিদা পায়খৎখিবা থবকশিংনা ছতিসগরদা ইন্দস্ত্রিগী থবকশিং চাউখৎহল্লে। মাইন্স অমসুং মিনরেল এক্ততা অহোংবা পুরকপদগী রোয়ালিতিগী মওংদা ছতিসগরনা অহেনবা ফন্দশিং ফংবা হৌরে। ২০১৪গী মমাঙদা, ছতিসগরনা লুপা করোর ১৩০০ রোয়ালতি ওইনা ফংখি অদুগা ২০১৫-১৬দগী ২০২০-২১ ফাওবগী মনুংদা লুপা করোর ২৮০০ ফংখি। দিস্ত্রিক মিনিরেল ফন্দ হেনগৎলকপদগী মিনরেল মরাং কাইনা ফংবা জিলাশিংদা চাউখৎ-থৌরাংগী থবকশিং য়াংনা পায়খৎলে। অঙাংশিংগী স্কুলশিং, লাইব্রেরিশিং, লম্বীশিং, ঈশিং পীনবা থবকশিংদা হৌজিক দিস্ত্রিক মিনরেল ফন্দ শীজিন্নরে। ছতিসগরদা হাংদোকপা জন ধন বেঙ্ক একাউন্ত করোর ১.৬০ হেনবদা লুপা করোর ৬০০ হেন্না থমজিল্লে।শেনফমশিং অসি লায়রবা ইমুংশিং, লৌমীশিং অমসুং শিন্মীশিংগীনি। লায়রবশিংনা সরকারদগী মতেং লৌবদা জন ধন একাউন্তশিংনা মতেং পাংলি। মুদ্রা য়োজনাগী মখাদা ছতিসগরগী নহারোলশিংদা লুপা করোর ৪০,০০০ হেনবগী লোনশিং পীদুনা ছতিসরগী নহারোলশিং থবক ফংনবা অমসুং মশানা মশাবু থবক পীজনবা খুদোংচাবা কয়া পীরি। কোরোনা মনুংদা লৈবাক অসিদা অপীকপা উদোগশিং মতে পাংনবা সরকারনা লুপা করোর লাখ কয়াগী অখন্নবা স্কিম অমা হৌদোকখি অমসুং ছতিসগরগী ইন্তরপ্রাইজ লাখ ২ রোম মতেং পাংনবা লুপা করোর ৫০০০ পীখি।
মরুপশিং,
ছতিসগরদগী লাকপা বেনিফিসরি লিশিং ৬০ হেনবদা পি.এম শ্বানিধি য়োজনাগী মখাদা গরেন্তি য়াওদনা লোনশিং পীখ্রে। এম.এন.আর.ই.জি.এগী মখাদা খুঙ্গংশিংদা থবক পীনবা ছতিসগরদা সরকারনা লুপা করোর ২৫০০ পীখ্রে।
রাজ্য অসিগী হোস্পিতাল ১৫০০ হেনবদা লায়রবশিং চহি অমদা লুপা লাখ ৫ ফাওবা লেম্না লায়য়েংনবা অয়ুস্মান কার্দ লাখ ৭৫ বেনিফিসরিশিংদা য়েন্থোকখ্রে। লায়রবশিং, ত্রাইবেলশিং, দলিত ইমুংশিং মতেং পাংনবা অয়ুস্মান ভারত য়োজননা য়াম্না চাউনা মতেং পাংলে। ছতিসগরগী ইমুং খুদিংমক চপ মান্নবা খুদোংচাবা পীগনি। ঐনা অমুক হন্না মীয়াম পুম্নমক থাগৎচরি। মীয়াম পুম্নমক য়াইফ-পাউজেল পীজরি।
অদোম থাগৎচরি।
