“This is India’s Time”
“Every development expert group in the world is discussing how India has transformed in the last 10 years”“World trusts India today”“Stability, consistency and continuity make for the ‘first principles’ of our overall policy making”“India is a welfare state. We ensured that the government itself reaches every eligible beneficiary”“Productive expenditure in the form of capital expenditure, unprecedented investment in welfare schemes, control on wasteful expenditure and financial discipline - Four main factors in each of our budgets”“Completing projects in a time-bound manner has become the identity of our government”“We are addressing the challenges of the 20th century and also fulfilling the aspirations of the 21st century”“White Paper regarding policies followed by the country in the 10 years before 2014 presented in this session of Parliament”গুয়ানাগেী পি.এম., শ্রীমান মার্ক ফিলিপ্সজী, শ্রী বিনিৎ জৈনজী, ইন্দস্ত্রীগী মকোক, CEOশিং, অতোপ্পা মীথুংলেন অমদি ইবেম্মা অমসুং ইবুংঙোশিং!
মরুপশিং, গ্লোবেল ব্যুজিনেস সম্মিৎ তীম্না হন্দক্কী সম্মিৎ অসিগী য়াম্না চুনবা থীম অমা থম্লি। থীম মশামক অসি য়াম্না চুনৈ হায়নসু ঐনা খল্লি। দিসরপ্সন, দিভেলপমেন্ত অমসুং দাইবর্সিফিকেসন হায়বসি ঙসিগী য়ুগতা খ্বাইদগী হেন্না ঙাঙনবা ৱাফম অমনি। হীরমশিং অসিগী মতাংদা ৱারী শাবা মতমদা, মীপুম খুদিংনা হৌজিক অসি ভারতকী মতম্নি হায়না য়ানরি। মালেম্না ভারত্তা থম্লিবা থাজবা অসিসু নোংম-নোংমগী হেনগৎলক্লি। কুম্ভ মেলাদা পুনবগী মতৌগুম্না, মমাংদা অমুক্তা উখিদ্রিবা মতৌদা ভারতকীদমক্তা মসিগুম্না থৱাই য়াওবগী মতৌ ঐহাক্না দাভোস্তা উবা ফংখি। মফমদুদা গঙ্গা তুরেল নত্তবা করিগুম্বা অতোপ্পা অমসু চেল্লি। দাভোস্তা হায়নখিবা ৱাফম খুদিংমক মালেম পুম্বগী পোলিসী শেম্বশিংনা হন্না হন্না হায়নরি। ভারতকী লুচিংবগী মতিক উবা ফংদবা মফম অমত্তা লৈরক্ত্রে হায়না শক্নাইরবা লুচিংবা অমনসু হায়রি। ভারতকী দিজিতেল অমসুং ফিজিকেল ইনফ্রাস্ত্রকচর অসিদি রেকোর্দ ওইরবা অৱাংবা থাক্তা লৈরে হায়না কনাগুম্বা অমনা হায়রি। ভারতকী তৌবা ঙম্বগী মতিক্কা ‘মপাঙ্গল লৈবা অশাওবা শন লাবা’ অমগী মতিক্কা মান্নৈ হায়না সেনিয়র ওফিসর অমনা হায়বীরি। ভারতনা চহি 10দা পুরকখিবা অওনবা কয়াগী মতাংদা চাউখৎ থৌরাংগা মরী লৈনবা অখঙ-অহৈ কয়াগী কাঙলুপশিংনা খন্ন-নৈনরি। অদুগা বিনিতজীনসু ৱাফম কয়া অমা ফোংদোকখ্রে। মসিগুম্বা খন্ন-নৈনবগী মতৌশিং অসিনা মালেম্না ভারত্তা ঙসি থম্লিবা থাজবগী চাং উৎলি। ভারতকী মতাংদা অসুক য়াম্না ফনা ঙাঙনবা অসি মমাংদা অমুক্তা থোকখিদ্রি। মসিনা মরম ওইরগা ঐহাক্না লাল কিলাগী ফম্বাক্তা হৌজিক অসি মতম য়ৌরবনি, চপ চাবা মতম য়ৌরবনি হায়না হায়খ্রিবনি।
মরুপশিং,
লৈবাক অমগী চাউখৎ থৌরাংগী খোঙচত্তা ফিভম খুদিংমক শাফবা ওইরকপগী মতম অমা লাকই, অদুগা লৈবাক অদুনা মতুংগী চহি চা কয়াদসু মপাঙ্গল লৈনা তুংলমচত্তা চঙশিল্লি। ঙসিদি, মতম অসিমক ঐহাক্না ভারত্তা লাকপা উরে। ঐনা লিশিং অমগী ৱারী শারিবসি য়াম্না খন্থরবা মতুংদা শাবনি। নুমিৎ খরনিদি লাইয়রদনা, চহি লিশিং অমগী ৱারী শাবা অসি কনামত্তনা তাদবা য়াওরিবনি হায়বসি অশেংবনি, অদুবু, মদুবু উবা ঙম্বা মীওই খরদি লৈতবা নত্তে। মসিগী মতম, য়ুগ অসিদি তসেংনা মমাংদা অমুক্তা থোকখিদ্রিবনি। ‘ভর্চুৱস সাইকল’ অমসু হীরম অমদা হৌখ্রবনি। মতম অসিদি ঐখোয়গী শাহৌ লৌবগী চাংনা লেপ্তনা হেনগৎলকপা অমসুং ঐখোয়গী ফিস্কেল দিফিসিৎনা লেপ্তনা হন্থরকপা মতম্নি। ঐখোয়গী এক্সপোর্ত হেনগৎলকপা অমসুং ইম্পোর্তনা হন্থরকপা মতম্নি। ঐখোয়গী প্রদক্তিব ইনভেস্তমেন্তনা রেকোর্দ ওইরবা থাক্তা হেনগৎলকপা অমসুং ইনফ্লেসন অসিবুনা লাকশিন্দুনা থম্বা মতম্নি। খুদোংচাবা অমসুং চাগানা লেপ্তনা হেনগৎলকপা অমসুং লাইরবগী চাংনা হন্থরকপা মতম্নি। কঞ্জম্পসন অমসুং কোর্পোরেতনা শেন্দোং ফংবগী মতৌনা হেনগৎলে অমসুং বেঙ্ককী NPAদসু রেকোর্দ ওইরবা চাংদা হন্থরক্লবনি। মসিদি প্রদক্সন অমসুং প্রদক্তিবিতীনা হেনগৎলকপা অমসুং ঐখোয়গী মরমদা ফত্তবা ৱাফম থম্বগী চাংসু অতোপ্পা মতমগা চাংদম্নবদা ক্বহাইদগী নেম্বা অমতম অমা ওইরিবনি।
মরুপশিং,
ঐখোয়গী ইন্তেরিম বজেৎপু অখঙ-অহৈ অমসুং মরুপশিংনা মীদিয়াদা হন্দক্তি য়াম্না থাগৎনরি। এনালীস্ত কয়া অমনসু থাগৎনরি। মসিদি পোপ্যুলিস্ত বজেৎ নত্তে হায়নরি, মসিমক থাগৎনরিবা অসিগী মরমসু ওইরি। ঐহাক্না মখোয়বু রিভিয়ু অসিগীদমক্তা থাগৎচরি। ঐহাক্না মরু ওইবা অমসুং তঙাই ফদবা ৱাফম খরদা মীয়ামগী পুক্নিং চীংশিনবা পাম্মি। অদোম্না ঐখোয়গী মপুং ওইবা পোলিসী শেম্বা অমসুং বজেৎ অসিগী মতাংদা নৈনবা মতমদা, করিগুম্বা ৱাখল্লোনগী কাঙলোন খরা অদোম্না শোইদনা উবা ফংগনি। মদুগী অহানবা ৱাখল্লোনশিং অদুদি – তংদু লৈতাবা, মতৌ ঙাকপা, লেপ্তনা চত্থবা অসিনি অমসুং বজেৎ অসিদি হায়রিবশিং অসিগী পাকথোক-চাউথোক্লবা থৌওংনি।
মরুপশিং,
কনাগুম্বা মীওই অমবু মমুৎ তানা খঙগে হায়বরদি, মহাক অসি অৱাবা মতম নত্ত্রগা শিংনবনা থনবা মতমদা নৈনগদবনি। কোবিদ-১৯ লাইচৎ অমসুং মখা তারকপা মতমশিংনা মালেম পুম্বগী সরকারগী অচৌবা চাংয়েং ওইখি। হকশেল অমসুং শেন্মিৎলোনগী শিংনবা অনিসিগা করম্না মাইয়োক্নগনি হায়বা কনামত্তনা খঙলমদে। মতম অদু অমুক্তা নীংশিংসি, ঐহাক্না মতমদুদা তেলিবিজনগী খুত্থাংদা মীয়ামগী তত্তনা পাউ ফাওনখিবনি। ইরাং অদুগী অঙনবা মতমদগী ঐহাক্না মীয়ামগীদমক্তা লেপ্তুনা লাকখিবনি। পুন্সি কনবদা অহেনবা মিৎয়েং চঙগদবনি হায়না ঐহাক্না হায়খিবনি। অদুগা ঐখয়না হায়খি, “পুন্সি লৈরবা মতমদা মালেম লৈগদবনি”। অদোম শোইদনা নীংশিংগনি। ঐখোয়না পুন্সি কন্নবা রিসোর্সশিং খোমজিন তাশিনখি অমসুং মীয়ামদা এৱিয়র্নেস পীখি। সরকারনা লাইরবশিংদা লেম্না রাসন য়েন্থোকখি। ঐখোয়না ভারত্তা শাবা ভেক্সিন্দা মিৎয়েং চঙখি। ভারত মচা খুদিংদা অথুবা মতমদা ভেক্সিন শোইদনা য়ৌনবা ঐখোয়না কন্না হোৎনখি। কেম্পেন অসিনা খোঙজেল হেক য়াঙখৎলকপগা ঐখোয়না হায়খি, “পুন্সি লৈরে অদুগা মালেমসু লৈরে”।
ঐখোয়না হকশেল অমসুং পুন্সি মহিংগী দিমান্দ অনিমক্তা মতম অমত্তদা মিৎয়েং চঙখি। সরকারনা নুপীশিংগী বেঙ্ক একাউন্তশিংদা হকথেংননা শেল হাপখি, কারবার পীক্না তৌজবা অমসুং স্ত্রীত ভেন্দরশিংদা শেলগী তেংবাং পীখি, লৌউ-শিংউগী থবক্তা অয়েৎপা অমত্তা লৈহন্দনবা ঐখোয়না পাংথোকফম থোকপা খুদিংমক পাংথোকখি। দিজাজতরবু খুদোংচাবদা ওন্থোক্লিস হায়বগী ঐখোয়না ৱারেপ লৌখি। ঐখোয়গী মীদিয়াগী মরুপশিংনা মতমদুগী পাউচে য়েংবা য়াগনি। অখঙ-অহৈ কয়ানা মতমদুদা ফোংদোকখিবা ৱাফমদি শেল হেন্না নম্বা, করেন্সী হেন্না থাদোকপা, অদুগা দিমান্দ হেনগৎহন্দুনা অচৌবা কারবার কয়াদা তেংবাংবা হায়বসিনি। ইন্দস্ত্রীগী চাউরবা মীওই কয়ানা ঐঙোন্দা ইনশিন্নবা হোৎনখিবশিংগী মরম ঐহাক খঙই অমসুং মখোয়দি ঙসিসু মদুমক তৌগনি। নোবেল প্রাইজ ফংবা মীওই ফাওবনা ঐঙোন্দা চপ মান্নবা ৱাফম অসি হায়খি, মফম খুদিংদা হীরম অসি চৎনবী অমা ওইরমখি। মালেমগী সরকার কয়া অমদি লম্বী অসিদা চৎখি। অদুবু, মসিদগী কান্নবা অমত্তা লাকখিদে। ঐখোয়না ইশাগী ৱারেপকী মতুং ইন্না ঐখোয়গী লৈবাক্কী শেন্মিৎলোন চলায়খি অমসুং ইনফ্লেসনবু লাকশিনবা ঙমখি। হায়রিবা লৈবাকশিং অসিগী ফিভম করি ওইরি হায়বদা, মখোয়না ঙসি ফাওবা ইনফ্লেসন লাকশিনবা ঙমদনা লৈরি। মখোয়না চৎখিবা লম্বীগী সাইদ ইফেক্তশিং ঙসি ফাওবদা মখোয়না মাইয়োক্নরি। ঐখোয়বুসু লম্বীসিদা চৎহন্নবা প্রেসর কয়া লাকখি। মালেম্না হায়রিবা অমসুং তৌনরিবা খুদিংমক মতুং ইন্দুনা চৎপা হায়বসি ঐখোয়দসু য়াম্না লায়বা থবক অমা ওইরিবনি। অদুবু, ঐখোয়না গ্রাউন্দ রিএলিতী করিনো খঙখি...ঐখোয়না মমুৎ তানা খঙখি। ঐখোয়না থেংনখিবা কয়াদা য়ুম্ফম ওইরগা, ঐখোয়না ঐখোয়গী অপাম্বগী মখা পোন্না ৱারেপ খরা লৌখি। মদুগী মহৈদি, মালেম্না ঐখোয়বু খোঙথাংশিং অদুগীদমক্তা ঙসি থাগৎনরি। মালেম্না হরাওনা লৌবীরি। ৱাহং কয়া মাইয়োক্নখিবা পোলিসীশিং অদুনা কান্নবা থৌওং ওইরকখি। ভারতকী শেন্মিৎলোন্না ঙসি মপাঙ্গল কনবা থাক্তা লৈবা ঙম্লিবসি মসিনা মরম ওইরগনি।
মরুপশিং,
ঐখোয়দি ৱেলফিয়র স্তেতনি। মীচম মীয়ামগী পুন্সি মহিং নুংঙাইহনবা অমসুং মখোয়গী পুন্সিগী মগুন ফগৎহনবা হায়বসিনা ঐখোয়গী প্রাইওরিতীনি। ঐখোয়না অনৌবা স্কিম কয়া শেমখি, লোয়ননা, স্কিমশিং অদুগী কান্নবা খুদিংমক মতিক চাবা বেনেফিশরী খুদিংদা য়ৌহন্নবসু ঐখোয়না হোৎনখি।
ঐখোয়না লৈবাক্কী হৌজিক্কী মতম খক্তা নত্তনা তুংগী মতমগী ওইনসু ইনভেস্ত তৌখি। অদোম্না মুন্না য়েংলবদি, ঐখোয়গী সরকারগী বজেৎ খুদিংদা মরু ওইবা ৱাফম মরি য়াওবা থেংনগনি। অহানবা – কেপিতেল এক্সপেন্দিচরগী মওংদা রেকোর্দ ওইবা মওংদা কান্ননা চাদিং তৌবা; অনিশুবা - ৱেলফিয়র স্কিমগীদমক্তা মমাংদা অমুক্তা পাংথোকখিদ্রিবা ইনভেস্তমেন্ত তৌবা; অহুমশুবা – কান্নদবা চাদিংশিং লাকশিনবা ঙম্বা; অমসুং মরিশুবা – ফাইনেন্সিএল দিসিপ্লিন। ঐখোয়না হীরম মরি অসিগী খল ঙাকপা ঙম্লে অমসুং মখোয়শিং অসিগী পান্দমসু ফংবা ঙম্লে। ঐখোয়না পুম্নমক অসি মতৌ করম্না পাংথোকখিবগে হায়না মীওই কয়ানা হংনরি। ঐহাক্না ৱাহং অসিগী পাউখুম অসি মওং কয়া থোক্না পীবা ঙমগনি, অদুগা খ্বাইদগী মরু ওইবা থৌওংদি “শেল তুংশিনবা হায়বসি শেল তানশিনবনি” হায়বগী মন্ত্রা অসিনা ওইগনি। প্রোজেক্তশিংবু খোঙজেল য়াঙনা অমসুং মতম চানা লোইশিন্দুনা ঐখোয়না লৈবাক্কী য়াম্লবা শেল কনবা ঙমখি। প্রোজেক্তশিংবু অকক্নবা মতমগী মনুংদা লোইশিনবনা ঐখোয়গী সরকারগী শক্তাক ওইরি। ঐ খুদম অমা পীগে। ইস্তর্ন দেদিকেতেদ ফ্রৈত কোরিদোর অসি ইং 2008তা হৌদোকখিবনি। করিগুম্বা মমাংগী সরকারনা খোঙজেল য়াঙনা থবক পায়খৎলম্বা ওইরবদি, মসিদা চঙবা শেনফম অসি লুপা করোর 16,500 ওইরমগদবনি। অদুবু মসিদি মমাংগী চহিদা খক্তা লোইশিনখি। মমাংগী চহি য়ৌরকপা ফাওবদা প্রোজেক্তকী শেনফম্না লুপা করোর 50,000 হেনখ্রে। মান্নবা খুদম অমা, অদোম্না অসমগী বোগিবীল থোংগী মতাংদা তারম্লগনি। মসিসু ইং 1998তা হৌখিবনি, লুপা করোর 1100 চঙলগা লোইশিনবগী পান্দম থম্লম্বনি। মসিগী মতাংদা করি থোকখিবগে তাবদা অদোম্না অঙকপা ফাওগনি। ঐখোয়না চহি কয়াগী মতুংদা শক্তি পায়্রক্লবা মতুংদা মসিবু লোইশিনবগী থৌদাং লৌখি। ইং 1998তা হৌখিবা থবক অসি ঐখোয়না ইং 2018দা লোইশিনখি। লুপা করোর 1100 চঙগদবা প্রোজেক্ত অসিদা লুপা করোর 5000 হেন্না চঙখি। মসিগুম্বা প্রোজেক্ত কয়াগী মমিং পনবা য়ারি। মমাংদা মাঙখ্রিবা শেলশিং অসি কনাগীনো? শেলশিং অসি রাজনীতিগী মীওই অমত্তগী ফুরিৎখাওদগী লাকখিবা নত্তে। মসিদি লৈবাক্কী শেলনি। তেক্সপেয়রশিংগী শেলনি, অদোমগী শেলনি। ঐখোয়না তেক্সপেয়র, অদোমগী শেলবু ইয়াকয়খুম্নদুনা প্রোজেক্তশিংবু মতম চানা লোইশিন্নবা অঙম্বা পাঙ্গল থাদরি। অনৌবা পার্লিয়ামেন্ত বিলদিং অসি কয়া য়াম্না য়াঙনা শাবা লোইশিনখিবগে অমুক্তা য়েংসি। কর্তব্যা পথ নত্ত্রগা মুম্বাইগী অতল সেতু ওইরো, লৈবাক পুম্বনা কন্সত্রক্সনগী খোঙজেল উরে। মরম অদুনা, মোদীনা উরেপ উয়ুং তম্মি, মোদী মশামক্না মদুবু শঙ্গারি হায়না লৈবাক পুম্বনা ঙসি হায়নরিবনি।
মরুপশিং,
ঐখোয়না সীস্তেম্বু নুং-পান ফাওনা উহন্দুনা অমসুং তেক্নোলোজী শিজিন্নদুনা লৈবাক্কী শেল কনবা ঙম্লি। কংগ্রেসকী মতমদা শাশিন্নবা বেনেফিশরী করোর 10 চেদা তাদুনা লৈরম্বগী মতম অদোম্না নীংশিংলমগনি। মখোয়গুম্বা শাশিন্নবা, নম্থাক তৌবা করোর 10গী মিং অসি চহি কয়াদগী লৈরক্লিবনি। ঐখোয়না মিং করোর 10 অসিবু রেকোর্দতগী লৌথোকখিবনি। মসি অদোমসু নীংশিংলমগনি। মদুদগী ঐখোয়না দাইরেক্ত বেনেফিত ত্রান্সফর স্কিম হৌদোকখি। ঐখোয়না শেল য়ুবগী থৌওং থিংখি। প্রধান মন্ত্রীনা অমনা মতম অমদা অসুম্না হায়বীরম্মি, “লুপা 1 থাদবা মতমদা (কেন্দ্রগী মফমদগী), বেনেফিশরীগী মনাক্তা শুপ্নগী পৈশা 15 য়ৌই। ঐখোয়না ঙসি হকথেংননা শেল হাপ্পা হৌরে, অদুনা কেন্দ্রনা ঙসি লুপা 1 থাদবা মতমদা, বেনেফিশরীদা পৈশা 100 য়ৌরে, পৈশা 99 নত্তেকো”। দাইরেক্ত বেনেফিত ত্রান্সফরগী মহৈ অসিদি করিনো হায়বদা, লৈবাক্কী লুপা করোর লাক্ষ 3 অসি অরানবা মীওইদা তাবদগী কনবা ঙম্বা অসিনি। ঐখোয়গী সরকারনা সরকারনা পোৎ লৈবগী থৌরাংদা নুং-পান ফাওনা উহনবা ঙম্নবা গবর্নমেন্ত ই-মার্কেতপ্লেস (GeM) পোর্তেল হৌদোক্লে, মসিনা মতম খক্তা কনবতা নত্তনা লৈরিবা পোৎলমশিংগী মগুনসু ফগৎহল্লে। মীওই কয়া অমনা মসিগী খুত্থাংদগী ঙসিদি সপ্লাইয়র ওইনখ্রে। GeMগী মতেংদগী লৈবাক অসিনা চাউরাক্না লুপা করোর 65,000 কনবা ঙমখ্রবনি। লুপা করোর 65,000 কনবা ঙমখ্রবনি! ঐখোয়না থাউ লৈবগী থৌওংসু দাইবর্সিফাই তৌরে অমসুং মসিদগীসু লুপা করোর 25,000 কনবা ঙমখ্রে। ৱারেপ অসিদগী অদোমগীসু নুমিৎ খুদিংগী শেল কল্লিবনি। হৌখিবা চহিশিংদা ঐখোয়না পেত্রোলদা ইথানোল য়ান্দুনা লুপা করোর 24,000 কনখ্রবনি। মসি খক্তা নত্তনা, প্রধান মন্ত্রীনা লু-নানবগী মতাংদা ৱারী শাদুনতা লৈ হায়নদুনা ‘স্বচ্ছতা অভিয়ান’ (লু-নানবগী কেম্পেন) অসিবু করেম কথাইনখি। কেম্পেন অসিগী মখাদা সরকারগী বিলদিংশিংবু তরু-তনান্না থম্বগী থবক পাংথোক্লি। অদুগা ঐহাক্না মসিদগীসু লুপা করোর 1100 তানবা ঙমখ্রে। করম্না ঙমখিবনো খঙবীবরা? সরকারগী বিলদিংশিংদগী থোক্লকপা স্ক্রেপশিং য়োল্লগা।
অদুগা মরুপশিং,
লৈবাক মীয়াম্না শেল তুংশিনবা ঙমহন্নবা মওংদা ঐখোয়না স্কিম শেম্মি। ঙসিদি, লাইরবশিংনা জল জিবন মিসনগী মখাদা থক্নবা অশেংবা ঈশিং ফংলে। মসিনা লাইনা তিলনা কয়াদগী মখোয়বু ঙাকথোক্লে। অনা লাইয়েংদা শেল তিংহনদ্রে। আয়ুশমান ভারত স্কিম্না লাইয়েংবদা তেংবাংদুনা লাইরবশিংগী লুপা করোর লাক্ষ 1 কনবা ঙম্লে, লাইয়েংবসু লেম্না লাইয়েংবীরে। পি.এম. জন ঔশধী কেন্দ্রশিংদা হিদাক লৈবদা 80% দিস্কাউন্ত পীরি। দিস্কাউন্ত অসি য়াম্না মরু ওইবা ৱাফম অমনি। দুকান নত্ত্রগা পোত্থোক অমনা কয়া য়াম্না ফরবসু, থংনবা দুকান্দা 10% দিস্কাউন্ত পীরবদি, নুপীশিংদি দুকান অদুদা চৎকনি। ঐখোয়না লৈবাক্কী লাইরবশিংদা হিদাক লাংথকশিংবু চাদা 80গী দিস্কাউন্ত পীদুনা ফংহল্লি। মসিনা মরম ওইরগা, জন ঔশধী কেন্দ্রদগী হিদাক লৈবা মীওইশিংনা চাউরাক্না লুপা করোর 30,000 তুংশিনবা ঙমখিবনি।
মরুপশিং,
ঐহাক্কী থৌদাং অসি হৌজিক মতমগী চারোন শুরোন খক্তা নত্তনা তুংগী চারোন শুরোনগী মফমদসু লৈরিবনি। ঐদি ঐদি নোংমগী পুন্সি হিংবখক্কী মথক্তা লৈবাক্কী হৌরক্লিবা চারোন শুরোনগী তুংগী মতম্বু তেক্ত-কায়দবা মতম অমা ওইহন্নবগীদমক্তসু হিংলিবনি।
মরুপশিং,
অহেনবা ভোৎ খরা ফংনবা ত্রেজরী হাঙহনবগী রাজনীতি শান্নবা পাম্বা মীওই অদুদি ঐহাক্তি নত্তে। মরম অদুনা, ঐখোয়গী পোলিসী অমসুং ৱারেপশিংদা ঐখোয়না শেন-থুম নীংথিনা শেন্নবগী হীরমদা অহেনবা মিৎয়েং চঙলিবনি। ঐ অপীকপা খুদম অমা পীজগে। রাজনীতি দল খরনা ইলেক্ত্রিসিতীগী মতাংদা ফোংদোকপা ৱাখল্লোন খরা অদোমসু তারম্লগনি। মখোয়না হায়রিবা থৌওংশিং অসিনা লৈবাক্কী ইলেক্ত্রিসিতীগী পথাপ্পু কিন্থহনগনি। ঐহাক্কী থৌওংদি মখোয়গা খেন্নগনি। ঐখোয়গী সরকারনা য়ুম করোর অমগীদমক্তা রুফতোপ সোলর স্কিম হৌদোক্লে হায়বা অদোম্না খঙলে। মীয়াম্না স্কিম অসিগী মতেংদগী মৈ পুথোকপা অমসুং মখোয়গী মৈগী বিল হন্থহনবা ঙমগনি। মসিদা নত্তনা, অহেনবা মৈ য়োন্দুনা মশাগী চাগা তানবসু য়ারগনি। উজালা (উন্নত জ্যোতী বাই এফোর্দেবল LED ফোর ওল) চলায়দুনা, ঐখোয়না মমল হোঙলবা LED বল্ব পীথরি। মমাংগী সরকারগী মতমদা LED বল্ব অমদা লুপা 400 পীরম্মি। ঐখোয়না শক্তি পায়বদগী ফিভম অসি হৌজিক্তি হোংলে অমসুং চপ মান্নবা কম্পেনীগী চপ মান্ননা মগুন লৈবা LED বল্ব অমবু লুপা 40-50দা ফংহল্লে। থৌওং অসিনা মরম ওইরগা, লৈবাক অসিগী মীয়াম্না চাউরাক্না লুপা করোর 20,000 কনবা ঙমখ্রে।
মরুপশিং,
ঙসি মফমসিদা পাউমী কয়া য়াওরি। ঐখোয়গী লৈবাক অসিদা মমাংগী দিকেদ তরেত্তগী ‘গরিবী হতাও’ (লাইরবা লৈহল্লরোইসি) হায়বগী খোল্লাও লাওদুনা লাক্লি হায়বা অদোম্না খঙলবনি। খোল্লাওশিং অসিগী মরক্তা, লাইরবা মুত্থৎপা ঙমদনা লাকখি, অদুগা মমাংদা পাল্লম্বা সরকারনা লাইরবা মুত্থৎনবা অকোয়বগী ফিভম অমত্তা শেমদনা লাকখি। মখোয়না হীরম অসিদগী শেল তানখি। মখোয়না পাউতাক পীবগী থবক ওইনা চত্থখি। ইন্দস্ত্রী অসিগী মীয়াম্না লাইরবা মুত্থৎপগী পাউতাক পীদুনা মখোয় মশামক বিলিয়নগী মপু ওইনখি। দিকেদ কয়া অসিদা মখোয়না লাইরবা মুত্থৎপগী হীরমশিং এয়র কন্দিসন লৈবা কাদগী খন্নদুনা শানৈ-য়ুনৈবগী থৌওং পাংথোক্তুনা লাকখি, অদুগা লাইরবশিংনা হেন্না হেন্না লাইরদুনা লাকখি। লাইরবা মচা অমনা ইং 2014দা প্রধান মন্ত্রী ওইরকখিবা মতুংদগী লাইরবা মুত্থৎপগী মিংদা চলায়রম্বা ইন্দস্ত্রী পুম্নমক থিংজিনখি। ঐহাক্তি লাইরবগী খয়াত্তগী লাক্তুনা থাক অসিদা য়ৌরকখিবনি, অদুনা লাইরবগী মাইয়োক্তা করম্বা মখলগী লাল্লোং য়াৎকনি হায়বা খঙই। ঐখোয়গী সরকারনা লাইরবা মুত্থৎনবা কেম্পেন অমা হৌদোকখি। ঐখোয়না মাইকৈ খুদিংদা থবক তৌখি, মসিনা মরম ওইরগা, চহি 10গী মনুংদা মীওই করোর 25পু লাইরবগী খয়াত্তগী পুথোক্লকখি। ঐখোয়গী সরকারগী থৌশিল থৌরাং অমসুং সরকারনা থাংজিল্লিবা মাইকৈ অসি চুম্মি হায়বা থৌওং অসিনা তাকখি। মাইকৈ অসিদা তুংলমচত্তা চঙশিন্দুনা, ঐখোয়না লৈবাক অসিদগী লাইরবা মুত্থৎকনি অমসুং লৈবাক অসিবু শোইদনা চাউখৎহনগনি।
মরুপশিং,
ঐখোয়গী সরকারনা চপ মান্নবা মতমদা লানফম অনি মাইয়োক্নরি। নাকল অমদা, ঐখোয়না ইনহেরিত তৌহৌবা 20শুবা চহি-চাগী শিংনবা কয়াগা মাইয়োক্নরি। অতোপ্পা নাকল অমদনা, ঐখোয়না 21শুবা চহি চাগী অনিংবা অপাম্বা থুংহন্নবা হোৎনরি। ঐখোয়না থবক অমত্তবু অপীকপনি হায়না কৈদৌনুংদা খন্দে। তাইয়োন্নবা ওইনা, ঐখোয়না চাউরবা থবক অমসুং পান্দম কয়াগা মাইয়োক্নদুনা লাক্লি। ঐখোয়গী সরকারনা অমাংশঙ করোর 11 শাবা মতমদা, স্পেস সেক্তরদা অনৌবা খুদোংচাবা কয়াসু শেম্লি। লাইরবগীদমক্তা পক্কা য়ুম করোর 4 শাবীবা মতমদা, ঐখোয়না অতল তিঙ্করিং লেব 10,000 হেন্নসু শাবীরি। ঐখোয়না মেদিকেল কোলেজ 300 হেন্না শাবা মতমদা, ফ্রৈত অমসুং দিফেন্স কোরিদোরগী থবকশিংসু খোঙজেল য়াঙনা মখা চত্থহল্লি। ঐখোয়না বন্দে ভারত ত্রেন চেলহনবা মতমদা, লৈবাক্কী শহরশিংদা ইলেক্ত্রিক বস 10,000 হেন্না চেনহল্লি। ঐখোয়গী সরকারনা ভারতম মচা করোর কয়াবু বেঙ্কিং সর্ভসিকী শরুক ওইহনবদা, ঐখোয়না দিজিতেল ইন্দিয়া অমসুং ফিন্তেক্কী খুত্থাংদা মীয়ামগী খুদোংচাবা পুরক্নবা থোং কয়াসু শারি।
অদোম্না ঙসিদি, ভারতকী চাউখৎ থৌরাংগী অনৌবা থাক অমা মিৎয়েং তারে। ঐখোয়গী সরকারনা মশিং থীঙমদ্রবা খোঙথাং কয়া পায়খৎখ্রে। বিনিতজীনা ভারতনা মালেমগী খ্বাইদগী অহুমশুবা শেন্মিৎলোন অমা অথুবা মতমদা ওইবগী মতাংদা ৱাফম কয়া তত্তনা থম্বগী মতৌ ঐনা উরি। বিনিতজীনা থম্মোই শেংনা ফোংদোকপীরি। মহাক্তি মোং হাদবা মওংদা ৱা ঙাঙবনি। অদোম পুম্নমক্না মহাক্কী মফমদা থাজবসু থম্লি। হোই, ঐখোয়না অহুমশুবা থাক অসি অথুবা মতমদা য়ৌরগনি। ঐসু মহাক্কী নাকলদা ফম্লম্বনি, ঐহাক্না লৈবাক মীয়ামগী মফমদা থাজবা পীজরি। ঐখোয়গী অহুমশুবা তর্মগী মনুংদা ভারতনা মালেমগী খ্বাইদগী অহুমশুবা চাউবা শেন্মিৎলোন শোইদনা ওইগনি। মরুপশিংসু মসিগীদমক্তা শেম শাদুনা লৈবীয়ু। ঐহাক্তি করিম্মতা লোত্তবনি। ঐহাক্তি মীপুম খুদিংদা শেম শানবা খুদোংচাবা পীবনি। ঐহাকসু রাজনীতিগী মীওই ওইবনা অতোপ্পনা করি খনবগে হায়বদি ঐহাকসু খঙজদ্রে। ঐহাক্তি ৱা ঙাংগনি। লেপ্তনা ঙাংগনি। অদুগা, ঐহাকসু হৌজিক্তি এক্সপেরিএন্স য়াম্না ফংলে। ঐহাক্তি মরম লৈতনা ৱা ঙাঙদ্রে। ঐহাক্না ঐখোয়গী অহুমশুবা তর্মদা চাউরবা ৱারেপ কয়া লৌরগনি হায়রিবা অসিগী মরুমদা ৱারেপশিং অসিগা চাউবা মান্নবা মরম কয়া অমা লৈরিবনি।
মরুপশিং,
ভারত্তগী লাইরবা মুত্থৎনবা অমসুং লৈবাক অসিদা চাউখৎ থৌরাংগী খোঙজেল য়াঙখৎহন্নবা ঐহাক্না মমাংগী চহি অমগা মখায় অসিদা অনৌবা স্কিম কয়াদা থবক পায়খৎলি। মাইকৈশিং অসিদা ঐহাক্না মতৌ করম্না মায় পাক্না খোঙদাদুনা লৈবাক অসিবু ঐহাক্না পাম্লিবা থাক্তা মতৌ করম্না য়ৌহন্সিগে হায়না ঐহাক্না মপুং ফাবা থৌশিল থৌরাং য়ৎলি। হীরম অসিগা মরী লৈননা, ঐহাক্না মীওই লাক্ষ 15 হেনবগী মফমদগী পাউতাক কয়া লেপ্তনা ফংজরি। মীওই লাক্ষ 15 অসিগী পাউতাকশিংগী মখা পোন্না ঐহাকসু লেপ্তনা থবক তৌরি। মসিগী মতাংদা ঐহাক্না প্রেস কনফরেন্স অমত্তা ফমখিবা লৈত্রি; ঐহাক্না মসিগী মতাংদা পল্লিবা অসিমকশু ঙসিনা অহানবা ওইরিবনি। থবক অসি খুমাং চাউশিনলি অমসুং মসিনা অরোইবা শক্তম অমা ফংবদা চাউরাক্না নুমিৎ 20-30 চঙখিগনি। মসিগী ‘নয়া ভারত’ (অনৌবা ভারত) অসিনা সুপর স্পীদতা মথৌ পাংথোক্কনি অমসুং মসিমক মোদীগী গেরেন্তীনি। সম্মিৎ অসিদা কান্নগদবা ৱাফম কয়াগী মতাংদা ৱারী শান্নগনি হায়বগী ঐহাক্না থাজবা থমজরি। অফবা পাউতাক অমসুং ৱাফম কয়াসু সম্মিৎ অসিদগী লাক্কনি, মসিনা ঐখোয়গী থৌশিল থৌরাং কয়াদা মশক থোকপা মতেং পাংগনি। থাজবা অসিগা লোয়ননা, ঐহাক্না থৌরম অসিগীদমক্তা মীপুম খুদিংবু য়াইফ পাউজেল পীজবগা লোয়ননা থাগৎচরি।
পুম্নমকপু থাগৎচরি।
