মীওই ১৬তা প্রাইম মিনিস্তর্স এৱার্দ্স ফোর এক্সেলেন্স ইন পব্লিক এদমিনিস্ত্রেসন লান্থোকখ্রে
ই-বুক 'বিক্সিৎ ভারত – ইম্পৱারিং সিতিজন্স এন্দ রীচিং দি লাস্ত মাইল ভোল্যুম ১ অমদি ২' ফোঙখ্রে"চাওখৎপা ভারত অমগীদমক, লৈঙাক্কী সিস্তেম্না মীচম মীয়ামগী অপাম্ববু শৌগৎকদবনি""মমাঙদা খন্নরম্বদি লৈঙাক্না পুম্নমক তৌগদবনি হায়বসিনি, অদুবু হৌজিক খন্নরিবনা লৈঙাক্না মীপুম খুদিংগীদমক থবক তৌগনি হায়বসিনি""লৈঙাক্কী খোল্লাউদি 'নেসন ফর্স্ত-সিতিজন ফর্স্ত' হায়বসিনি, ঙসিগী লৈঙাক্না চাকথুং ফিথুংদ্রবশিংদা মীৎয়েঙ চঙলি""ঙসিগী মঙলান চাউবা সিতিজনশিংনা সিস্তেমদা অহোংবা পুরক্নবগীদমক মতম কুইনা ঙাইবা পামদে""মালেমসিদা ভারতকী মতম য়ৌরক্লে হায়নরিবসিগা লোয়ননা, লৈবাকসিদা ব্যুরোক্রেসীনা মতম অমত্তা মাঙহল্লোইদবনি""অদোমগী ফিরেপ পুম্নমক্কী য়ুম্ফম মতম পুম্বদা লৈবাক্কী ইন্তরেস্ততা ওইগদবনি""পোলিতিকেল পার্তী অমনা তেক্সপেয়রশিংগী শেলবু মখোয়গী লূপকী কান্ননবা নৎত্রগা লৈবাক্কী কান্ননবা তৌবদা শীজিন্নরিবরা হায়বা নৈনবা অসি ব্যুরোক্রেসীগী মথৌনিহায়রিবা নৌনা লিৎখৎলক্লিবা অনৌবা ভারত অসিদা অদোম্না মরুওইবা শক্লোন লৌনবগী খুদোংচাবা অমা ফংলবনি”, হায়না মহাক্না মখা তাখি।মালেমসিনা ভারতকী মতম য়ৌরক্লে হায়নরিবসিগা লোয়ননা, লৈবাকসিদা ব্যুরোক্রেসীনা মাঙহন্নবা মতম লৈত্রে“লৈবাকসিনা অদোমগী মফমদা থাজবা থম্লি, হায়রিবা থাজবা অদু ঙাক্না থবক তৌ। অদোমগী ফিরেপ পুম্নমক লৈবাক্কী ইন্তরেস্ততা য়ুম্ফম ওইহনবিয়ু”, হায়না প্রধান মন্ত্রীনা হায়খিহায়রিবা নৌনা লিৎখৎলক্লিবা অনৌবা ভারত অসিদা অদোম্না মরুওইবা শক্লোন লৌনবগী খুদোংচাবা অমা ফংলবনি”, হায়না মহাক্না মখা তাখি।থৌরম অসি প্রধান মন্ত্রীনা লৈবাক পুম্বদগী লৈরিবা সিভিল সর্ভেন্তশিংবু মতম পুম্বদা, মরুওইনা অমৃৎ কালগী মরুওইরবা মতমসিদা ইচঙ থৌনা লেপ্তনা হোৎননবগীদমক পুক্নিং থৌগৎনবা মফম চাবা ফম্পাক অমা ওইরি।মন্ত্রী মন্দলদা লৈরিবা ঐহাক্কী মরুপ, দাঃ জিতেন্দ্র সিংহ, শ্রী পি.কে. মিশ্রাজী, শ্রী রজিব গৌবাজী, শ্রী শ্রীনিৱাসঞ্জী অমসুং ঙসিগী থৌরম অসিগী শরুক ওইরিবা ঐহাক্কী কর্ময়োগী মরুপ, ইবেম্মা অমসুং ইনুংঙোশিং! সিভিল সেবা দিবস অসিগীদমক্তা অদোম পুম্নমক্কী মফমদা ঐহাক্না য়াইফ পাউজেল পীজরি।
হন্দক চহিগী সিভিল সর্ভিসেস দে অসিদি য়াম্না অখন্নবা অমনি। হৌজিক অসিদি লৈবাক্না নিংতম্বগী চহি 75 মপুং ফারকপা মতম্নি। মথংগী চহি 25 অসিদা চাউখৎ থৌরাংগী অচৌবা পান্দম অমগা লোয়ননা খোঙজেল য়াঙনা তুংলমচত্তা চঙশিনবা হৌবা মতম্নি। ঙসিদগী চহি 15-20-25কী মমাংদা সেবা অসিদা চঙখিবা থৌমী কয়া অসিনা লৈবাক অসিবু নিংতম্বগী অমৃত কালগী মতম ফাওবদা পুরকপদা অচৌবা থৌদাং কয়া লৌখ্রবনি। হৌজিক ওইরিবা নিংতম্বগী অমৃত কালগী মতমসিদা মথংগী চহি 15-20-25দা সেবা অসিদা লৈগদৌরিবা থৌমী নহাশিংগী থৌদাং য়াম্না চাউনা অমুক লৈরে। মরম অদুনা, ঐহাক্না লৈবাক্কী সিভিল সর্ভিসকী মীওই খুদিংদা অদোম অসি য়াম্না লাইবক ফবশিংনি হায়না হায়জনিংই। ঐহাক্কী ৱাফম অসিদা অদোম্না মপুং ফাবা থাজবা থমগনি হায়না ঐহাক্না খল্লি। হোই, মীওই খরদি মখোয় অসি লাইবক ফবা ওইদে হায়না খনবসু য়াওবা য়াই। ইশাগী-ইশাগী ৱাখল্লোন্নি, অদুবু পুম্নমকপু ঐহাক্না থাগৎচরি।
হৌজিক্কী মতমসিদা অদোম্না সেবা তৌবগী খুদোংচাবা ফংলি। নিংতম্বগী অমৃত কাল অসিদা লৈবাক্কী নিংতম লন্মীশিংগী মঙালান মঙফাওনহনবগী থৌদাং অসি ঐখোয় পুম্নমক্কী ওইরবনি। ঐখোয়গী নাক্তা মতম য়াম্না লৈতে, অদুবু পাঙ্গলদি য়াম্না লৈ। ঐখোয়গী পান্দম য়াম্না লুই, অদুবু হোৎননিংবগী ইথিলদি ৱাত্তে। ঐখোয়না চিংগুম্না ৱাংবা অমা কাগদৌবা লৈরবসু, ঐখোয়গী মিতয়েংদি অতিয়া ৱাংমা লান্না য়েংলিবনি। মমাংগী চহি 9 অসিদা ভারতনা য়ৌবা ঙম্লিবা থাক অসিনা লৈবাক অসিবু অচৌবা খোঙথাং অমা থাংবা ঙম্নবা শেম শাখ্রবনি। লৈবাক্কী ব্যুরোক্রেসী, সরকারগী থৌমীশিং হান্নগুম্না মান্ননা লৈরি, অদুবু থবক্কী মহৈদি তোঙাল্লে হায়না ঐহাক্না হন্না হন্না হায়রিবদুনি। মমাংগী চহি 9দা ভারতনা মালেমগী থাক্তা মরু ওইবা থৌদাং লৌবা ঙমখিবসিদা অদোমগী অচৌবা থৌদাং য়াওরি। মমাংগী চহি 9দা লৈবাক্কী লাইরবশিংদা অফবা গবর্নেনেস ফংহল্লিবা অসিসু অদোমগী হোৎনজমনগী মহৈনি। মমাংগী চহি 9 অসিদা ভারতনা চাউখৎ থৌরাংগী অনৌবা খোঙজেল অমা ফংলিবা অদুসু অদোম য়াওদনা ওইথোক্কদবা নত্তে। কোরোনাগী অচৌবা শিংনা থেংনজরবসু, ভারতনা ঙসিদি মালেমগী খ্বাইদগী ফবা শেন্মিৎমোনগী অহানবা থাক মঙাগী মনুংদা লৈরে।
ভারতনা ফিন্তেক্কী মালেমদা মশেক মঙাল থোক্না লৈরি, দিজিতেল পেমেন্তকী লমদা ভারতনা খ্বাইদগী মকোক থোংবদা লৈরি। মোবাইল দেতা খ্বাইদগী হোঙবা লৈবাকশিংগী মরক্তা ভারতসু অমা ওইরে। ভারত্তা মালেমগী স্তার্তঅপকী খ্বাইদগী অহুমশুবা চাউবা ইকোসীস্তেম লৈরে। ভারতকী খুঙ্গংগী শেন্মিৎলোন্না য়াম্না চাউনা অহোংবা পুরকপগী থাক্তা চৎলি। ইং 2014গা চাংদম্নবদা, ভারতকী রেল লাই ইলেক্ত্রিফিকেসন তৌবগী খোঙজেল অসি শরুক 10 হেনগৎলে, নেস্নেল হাইৱে শাবগী চাংদা শরুক অনি ওইরে, হিথাংফমশিংগী কেপাসিতী চাউরাক্না শরুক অনি ওইরে, লৈবাক্কী এয়রপোর্ত মশিংসু শরুক অনিদগী হেন্না য়াম্লে। ঙসি মনা পীখ্রিবশিং অদুদি লৈবাক্কী মসিগুম্বা চাউখৎ থৌরাংদা মশক থোকপা শরুক তমখিবশিংনি। ঙসি মনা ফংলবা মীওইশিংবু ঐহাক্না অমুক্কা হন্না থাগৎলি।
মরুপশিং,
মমাংগী ওগস্ত 15দা লৈহাক্না লাল কিলাদগী লৈবাক্কী মফমদা পাঞ্চ প্রনগী ৱাফম লাউথোকখি। চাউখৎ থৌরাংগী অচৌবা পান্দম অমা থম্বা, মীখা পোনবগী ৱাখল্লোন্দগী মপান থোক্লকপা, ভারতকী হেরিতেজতা চাউথোকচবা, লৈবাক্কী অমত্তা ওইবগী মতৌবু মতম পুম্বদা মপাঙ্গল হাপ্পা অমসুং ইশাগী থৌদাংশিংবু খ্বাইদগী হান্না থম্বা হায়রিবা প্রন মঙাসিদগী ফংলক্কদৌবা ইনর্জী অসিনা লৈবাকপু অনৌবা অৱাংবা থাক্তা পুগনি, থাক অসিমক ঐখোয়গী ফংফম থোকপা হক অমসু ওইরিবনি। ঙসিগী সিভিল সর্ভিসেস সেবা দিবসকী থীম অসিবু “চাউখৎপা ভারত” হায়না থম্লিবা অসিদা ঐহাক্না য়াম্না নুংঙাইবা ফাওই। চাউখৎপা ভারত অমা শেম্বা হায়রিবা অসিগী নুংদা করি ৱাখল্লোন লৈ, মসিমক হৌজিক ফোঙখিবা লাইরিক অদুদা য়াওবনি। চাউখৎপা ভারত হায়রগা শুপ্নগী মোদর্ন ইনফ্রাস্ত্রকচর শেম্বখক্তদা অকক্নবা লৈতে, মসি তঙাই ফদবা চঙলিবা অসি ভারতকী সরকারগী পথাপ, লৈবাক মীয়ামগী অনিংবা অপাম্ববু শৌগৎপনি। ভারতকী সরকারগী থৌমী খুদিংনা লৈবাক মীয়ামগী অপাম্বা ফংহন্নবা তেংবাংবা, ভারতকী সীস্তেমদা হৌখিবা মতমদা নেগেতিবিতী খরা লৈখিবা অদুবু পোজিতিবিতীদা ওন্থোকপা, লৈবাক মীয়ামগী তেংবাংগীদমক্তা ইশাগী থৌদাং পুথোকপা হায়বসি য়াম্না তঙাই ফদে।
মরুপশিং,
থবক য়াম্না পীবা ওইরবসু, অফবা রোদমেপ কয়া চেদা তারবসু, করিগুম্বা লাস্ত মেইল দেলিবরীদা নিংথীনা পাংথোকপা ঙমদ্রবদি, অপাম্বা পান্দম ফংবা ঙমদে হায়বসি ঐখোয়না নিংতম্বা ফংলবা মতুংগী দিকেদ কয়াদা এক্সপেরিএন্স তৌখ্রবনি। লৈবাক অসিদা শাশিন্নবা গ্যাস কন্নেক্সন করোর 4দগী হেন্না লৈরম্লিবা, শাশিন্নবা রাসন কার্দ করোর 4 হেন্না লৈরম্লিবা, ভাবনা শাবা নুপী অমসুং অঙাংশিংগী চাউখৎ থৌরাংগীদমক্তা ৱিমেন অমসুং চাইল্দ দিভেলপমেন্ত মন্ত্রালয়না তেংবাংলিবা, শাশিন্নবা মাইনোরিতী নহা চাউরাক্না লাখ 30গী মফমদা স্কোলর্শিপকী খুদোংচাবা পীদুনা লাক্লিবা, মনরেগাগী মখাদা মসিগুম্না শাশিন্নবা মীওই লাখ কয়াদা শেমজিন শাজিনবা বেঙ্ক একাউন্ত হাংদুনা লুপা লাখ কয়া কয়া শেল ত্রান্সফর তৌরিবা অসি মমাংগী সরকারগী থবক ঙাক্তনি হায়বা অদোম্না নিংথীনা খঙলবনি। অমুক্তা খনবীয়ু, তসেংনা শুকপোক পোক্তবা, সরকারগী চেদা খক পোকপা শেমজিন শাজিনবা মিং কয়াগী নমাদা শেল থাদবগী শেঞ্জা থুমজাগী অচৌবা ইকোসীস্তেম অমা লৈরম্লিবনি। অদুবু, ঙসিগী সরকারনা হোৎনবদগী সীস্তেম অসি হোংদোক্লে, লৈবাক্কী চাউরাকপা লুপা করোর লাখ অহুমগী চাং অসি অরানবা খুত্তা তাখিগদবদগী কনবা ঙম্লে। মসিগীদমক্তা অদোম খুদিংবু থাগৎপগী হক লৈ। শেনফমশিং অসি ঙসিদি লাইরবগী নাক্তা য়ৌরে, মখোয়গী পুন্সি মহিং য়াম্না ফগৎলে।
মরুপশিং,
মতম্না অকক্নবা ওইবনা, ঐখোয়গী মাইকৈ লেপ্পা হায়বসি য়াম্না মরু ওই, ঐখোয়গী থবক তৌবগী মওং খঙবগী মথৌ তাই। অদোম কয়া য়াম্না মতিক লৈবগে হায়বসি ঙসিগী মতমগী মিৎয়েং চঙফম নত্তে, অৱাৎপা লৈরিবসি কদাইদনো অমসুং মদুবু করম্না চুম্থোক্কদগে হায়বসিনা মরু ওইবা হেল্লি। ঐখোয়গী মাইকীনা চুম্লবদি, ঐখোয়গী মতিক মগুনগী মপাঙ্গল হেনগৎলক্কনি। অদুবু, অৱাৎপা লৈরবদি, ঐখোয়গী হোৎনবা অমত্তা মায় পাক্লোই, অপাম্বা পান্দম অমত্তা ফংলোই। অৱাৎপা লৈ হায়বগী নমাদা, সেক্তর খুদিংগী অপীকপ অপীকপা হীরম খুদিং লাকশিন্নবা হোৎনবগী চৎনবী অমা লৈরম্মি হায়বা অদোমসু খঙলবনি। অদুবু, মদুগী অৱাৎপা অদুবু ঐখোয়না মতিক মগুন ওইনা ওন্থোক্লে। মসিগী মতিক মগুন অসিনা পোলিসীগা মরী লৈনবা অপীকপা অশোইবা কয়া মশক খঙদোক্লি, লৌথোক্লি। সরকারনা থবক খুদিংমক তৌগনি হায়বগী ৱাখল্লোন অমা মমাংদা লৈরম্মি, অদুবু, হৌজিক্তি সরকারনা মীপুম খুদিংগী থবক তৌগনি হায়বা ৱাখল্লোন্দা ওন্থোক্লবনি।
সরকারনা পুম্নমক্কীদমক্তা থবক তৌবা হায়বা ৱাখল্লোন অসিগা লোয়ননা মতম অমসুং রিসোর্সশিংবু নিংথীনা শিজিন্নরি। সরকারগী হৌজিক্কী মোত্তোদি – নেসন ফর্স্ত, সিতিজন ফর্স্ত (লৈবাক্না হান্না, মীয়াম্না হান্না) হায়বসিনি অদুগা প্রাইওরিতীনা – শোত্থরবশিংদা অহানবা মিৎয়েং চঙবা হায়বসিনি। ঙসিগী সরকারনা এপ্সিরেস্নেল জিলাশিংগী মনাক্তা য়ৌশিল্লি, এস্পিরেস্নেল ব্লোক ফাওবা য়ৌশিল্লি। ঙসিগী সরকারনা লৈবাক্কী ঙমখৈগী খুঙ্গংবু খ্বাইদগী অকোনবা খুঙ্গংনি হায়না খনবা তোক্তুনা খ্বাইদগী অহানবা খুঙ্গংনি খল্লগা থবক তৌরি। ভাইব্রেন্ত ভিলেজকী স্কিম চলায়রি। থৌওং অসি ঐখোয়গী সরকারগী হৌখিবা চহি খরসিগী খ্বাইদগী মপাঙ্গল লৈবা শক্তাক ওইরি। অদুবু, ঐখোয়না মিৎয়েং চঙগদবা হীরম অমসু লৈরি। 100% সেচ্যুরেসন ফংনবগীদমক্তা ঐখোয়না হান্নদগী হেন্না হোৎনবা তাই, ইন্নোভেতিব ওইবা ৱারোইশিন কয়া মিৎকুপ খুদিংগী মথৌ তাগনি। ঐখোয়গী নাক্তা দিজিতেল ইন্দিয়াগী মপাঙ্গল লৈরবা ইনফ্রাস্ত্রকচর, য়াম্লবা দেতা সেত অমা লৈরি। অদুবু, দেতাবেজ অমা নত্ত্রগা অমদা হান্নদগী য়াওদুনা লৈরবা ই-পাউশিংবু বিভাগ খুদিংনা মখোয়গী চৎনবীগী মতুং ইন্না অমুক্কা হন্না পীয়ু হায়বগী থৌওং অমদি লৈরি।
লৈঙাক্কী য়াম্লবা মতমশিংদি NoC, সর্তিফিকেত, ক্লিয়ারেন্সকুম্বা থবকশিং অসিদা লোয়না চৎলে। ঐখোয়না মসিগী ৱারোইশিন পুরকপগী মথৌ তারে। মদুমকান্দা ইজ ওফ লিবিং ফগৎলক্কনি, ইজ ওফ দুইং বিজনেস ফগৎলক্কনি। ঐহাক্না অদোমগী মফমদা PM গতিশক্তী নেস্নেল মাস্তর প্লানগী খুদম পীবা পাম্মি। ইনফ্রাস্ত্রকচরগা মরী লৈনবা দেতা মরোল খুদিংমক মসিগী খুত্থাংদগী প্লেতফোর্ম অমদা ফংহল্লবনি। ঐখোয়না মসিবু য়ারিবমখৈ শিজিন্নবা তাবনি। ঐখোয়না সোসিএল সেক্তরদা প্লান্নিং অমসুং একজেক্যুসন হেন্না নিংথীনা পাংথোকপা ঙম্নবগীদমক্তা PM গতিশক্তী য়ারিবমখৈ শিজিন্নবা তাবনি। মসিনা মীয়ামগী তঙাই ফদবা ৱাফম মশক খঙদোকপা অমসুং থবক ওইনা পাংথোকপদা থেংনবা শিংনবা খুদিংমক লৌথোকপদা মতেং পাংগনি। মসিগী মতেংদগী বিভাগ, জিলা অমসুং ব্লোক্কী মরক্তা পাউ ফাওনবা লাইহনগনি। মসিনা ঐখোয়না মরী লৈনবা থৌরাং য়াৎপদা য়াম্না লাইথোকহল্লগনি।
মরুপশিং,
নিংতম্বগী অমৃত কালগী মতম অসিনা ভারত সরকারগী থৌমী খুদিংগী খুদোংচাবা কয়া পুদুনা লাক্লিবা অসিগা মান্ননা শিংনবা কয়া অমসু পুদুনা লাক্লি। অসুক য়াম্না চাউখৎলবা, খোঙজেল য়াঙনা মায় পাকপা কয়া ফংলবা অসি ফাওবদা ঐহাক্না শিংনবা অদুমক হায়রিকো, করিগীনো হায়বসি অদোমসু খঙবা তাবনি। ঙসিদি, ভারতকী অপাম্বা অসি খোঙজেল য়াঙনা হেনগৎলক্লি। চাউখৎপা ভারত অমা, ফেসিলিতীশিংদা অহোংবা লাকপগীদমক্তা ঐখোয়না য়াম্না শাংনা ঙাইদুনা লৈগদবা নত্তে। লৈবাক মীয়ামগী অপাম্বা ফংহন্নবগীদমক্তা ঐখোয়না লৈজবা পাঙ্গল খুদিংমক শিজিন্নদুনা হোৎনবা তাই, খোঙজেল য়াঙনা ৱারেপ লৌবা তাই, মদুবু অমুক অথুবা মতমদা থবক্তা ওন্থোকপা তাই। অদুগা অদোম্না মতম পুম্বদা খঙগদবা ৱাফম খরসু লৈরি। ঐহাক্না মসি হায়রিবসি অদোমসু করিগীনো খঙলম্বা য়াই। মালেম পুম্বনা ঐখোয়গী ভারত্তগী থাজবা থম্বগী চাং য়াম্না হেনগৎলবনি।
মালেমগী অখঙ-অহৈ, ইন্সতিত্যুসন অমসুং ওর্গনাইজেসন ময়াম্না ভারতকী মতম লাক্লে হায়নরি। তাঞ্জা অসিদা ভারতকী ব্যুরোক্রেসীশিংনা মতম অমত্তা মাঙহনবা য়াদ্রে। ভারতকী কেন্দ্র নত্ত্রগা রাজ্য মফমদা লৈবা ব্যুরোক্রেসী, থৌমী খুদিংদা ঐহাক্না ৱাফম অমা থম্বা পাম্মি। লৈবাক্না অদোমগী মফমদা থাজবা য়াম্না থম্লি, অদোমগী মফমদা খুদোংচাবা পীরি, মসি নিংশিংদুনা অমসুং মখোয়গী ঙাক্না চৎপীয়ু। অদোমগী থবক অমসুং ৱারেপ খুদিংমক লৈবাক্কী কান্নবা পুরক্নবখক্কী ওইগদবনি। অদোম্না ফিল্দদা মীওই অমা নত্ত্রগা খুন্নাই অমগী ৱারেপ লৌগদবা মতম লাকপা মতমদা, অদোম্না লৌরিবা ৱারেপ, কয়াম্না পীকপা নত্ত্রগা চাউবা ওইরো, অদুনা লৈবাক্কী মফমদা করি কান্নবা পীগনি হায়বা মতম পুম্বদা খন্থগদবনি। অদোমগী ক্রাইতেরিয়াদি কান্নবা তৌবনি। ঐহাক্না ভারতকী ব্যুরোক্রেসীশিংগী মফমদা মসিগুম্বা ক্রাইতেরিয়া অসিগা মরী লৈনবা ৱাফম অমগা হাপচিনবা পাম্মি। অদোম্না মসিগী ক্রাইতেরিয়া অসিবু মপুং ফানা পাংথোক্কনি হায়বা থাজৈ।
মরুপশিং,
গনতন্ত্রগী পথাপ অমদা রাজনিতী দল লৈবা হায়বসি য়াম্না মরু ওই, মসি য়াম্না তঙাই ফদবা অমসু ওইরিবনি। মসিমক গনতন্ত্রগী ফজবা মতৌনি। দল খুদিংগী মশাগী ৱাখল্লোন লৈজৈ, সংবিধান্না দল খুদিংদা মসিগী হক অসিসু পীরি। অদুবু, ব্যুরোক্রেত অমা নত্ত্রগা সরকারগী থৌমী অমা ওইনা, অদোমগী ৱারেপ খুদিংগী ওইনা ৱাহং খরগী মতাংদা চেকশিন্না লৈবা তাবনি। শক্তি পায়রক্লিবা রাজনিতী দলশিং, মখোয়না তেক্সপেয়রশিংগী শেলবু মখোয়গী দলগী কান্নবগীদমক্তা শিজিন্নরি, মসিবু লৈবাক্কী করম্বা কান্নবগী মতাংদা শিজিন্নরিবনো? অদোম্না মসিদা মিৎয়েং শোইদনা চঙগদবনি। রাজনিতী দল অদুনা মখোয়গী দল চাউখৎহন্নবা সরকারগী লন শিজিন্নরিবরা নত্ত্রগা লৈবাক্কী চাউখৎ থৌরাংদা শেল অদু শিজিন্নরিবরা? রাজনিতী দল অদুনা মশাগী ভোতবেঙ্ককীদমক্তা সরকারগী লন শিজিন্নথোক্লিবরা নত্ত্রগা লাইরবগী পুন্সি শেম্নবগীদমক্তা শিজিন্নরিবরা? মসি অদোম্না য়েংশিনগদবনি। মখোয়না সরকারগী শেল শিজিন্নদুনা মশাগী ৱাফম খুমাং চাউশিনহল্লিবরা নত্ত্রগা মীচম মীয়ামদা এৱিয়র্নেস পীরিবরা? মখোয়গী কর্মীশিংবু তোঙান-তোঙানবা বিভাগশিংদা হাপ্লিবরা নত্ত্রগা মীপুম খুদিংদা থবক্কী চপ মান্নবা খুদোংচাবা পীরিবরা? অদুনা অদোম্না ইশাগী ৱারেপ খুদিংগী মমাংদা ৱাহংশিং অসিগী মতাংদা হান্না খনগদবনি। সর্দার পতেলজীনা ভারতকী স্তীল ফ্রেম অমনি হায়রিবা ব্যুরোক্রেসী অদুগী পান্দম ফংনবা অদোম্না হোৎনবা তাবনি। করিগুম্বা ব্যুরোক্রেসীনা মসিদা শোনবা তারবদি, লৈবাক্কী লন লোইরগনি, তেক্সপেয়রশিংগী শেল মাঙলগনি, লৈবাক্কী নহারোলশিংগী মঙলান লৈনমক উত্তা তুমদুনা মাঙখ্রগনি।
মরুপশিং,
মমাংগী হৌখিবা চহি খরা নত্ত্রগা মমাংগী দিকেদতা সিবিল সর্ভিস্তা চঙখিবা নহাশিংগী মফমদা ঐহাক্না করিগুম্বা খরা হায়জনিংই। পুন্সি হিংবগী লম্বী অনি লৈ হায়বা অদোমসু খঙলবনি। অহানবা, ‘থবক পাংথোকপা’, অনিশুবনা ‘থবক পাংথোকহনবা’; অহানবা অসিনা এক্তিব এতিচ্যুদনি, অনিশুবা অসিনা পেসিব এতিচ্যুদনি। অহানবা লম্বীদা চৎপা মীওইশিংনা অহোংবা অমা পুরকপা য়াগনি হায়না খল্লি। অনিশুবা লম্বীদা থাজবা মীওইশিংনা ওইনিংবা ওইরসনু, তৌফম থোকপা অদুম তৌজরনি হায়না খন্দোকই। ‘থবক পাংথোকপা’ হায়বসিদা থাজবশিংনা মশানা থৌদাং লৌই। মখোয়না তীম অমদা থবক তৌবগী খুদোংচাবা ফংবা মতমদা তীম অদুগী দ্রাইবিং ফোর্স ওই। অতোপ্পগী পুন্সিদা অহোংবা অমা পুরকপা পামদুনা থবক তৌই, তুংগী মতমদা নিংশিংহৌরগদবা থবক তৌরম্মি। অদোম্না করি ফংলে হায়বসিদা অদোমগী মায় পাকপগী মশক খঙলোই, অদোমগী থবক্না অতোপ্পগী পুন্সিদা অহোংবা কয়া য়াম্না পুরক্লম্মবগে হায়বসিদা অদোমগী মায় পাকপবু শকখঙগনি হায়বসি অদোম্না নিংশিংবীয়ু। অদোম্না অহোংবা পুরক্কনি হায়না থৌদাং লৌরিবা মীওই অদুনা অদোমগী মতাংদা করি খনগনি? মরম অদুনা গুদ গবর্নেন্স অসিনা খ্বাইদগী মরু ওই হায়বসি অদোম্না কাওরোইদবনি।
মীয়াম্বু ময়োলদা থমদুনা লৈঙাকপগী থৌওং, চাউখৎপদা মিৎয়েং থম্বা লৈঙাকপগী থৌওংশিংনা শিংনবশিংগী ৱারোইশিন পুরকপগী থবকসু তৌই অদুগা অফবা মহৈসু পুরকই। অফবা লৈঙাক অসিদা মীয়ামদা পাউখুম পীবগী মতৌ চেল্লি। রাজ্য অমদা জিলা অমনা থবক ফজনা তৌবা, অদুগা অতোপ্পা জিলা অমনা থবক নিংথীনা তৌদবা হায়বসিগী অশেংবা মরমদি গুদ গবর্নেন্সতা খেন্নবা লৈবগীনি। ঐখোয়গী মাঙদা এস্পিরেস্নেল জিলাগী খুদম লৈরে। লৈবাক্কী থৱাই য়াওবা নহা ওফিসর থম্বা, গুদ গবর্নেন্সকী ইথিল পীবা মতমদা মফমদুদা অফবা মহৈ উবা ফংই। ঙসিদি, এস্পিরেস্নেল জিলা কয়া অমনা দিভেলপমেন্ত পেরামীতরদা লৈবাক্কী অতোপ্পা জিলাশিংদগী থবক নিংথিজনা পাংথোকপা হেল্লি। মসিগী থৌওং, মীয়াম্না শরুক য়াবা হায়বসিদা মিৎয়েং চঙবা মতমদা, মীয়াম মরক্তা ওনর্শিপকী ৱাখল্লোন হেন্না লৈরকই। মসিগী মপাঙ্গল হেনগৎলকই। মীয়াম্না স্কিম অমগী ওনর্শিপ হেক লৌখিবা মতমদা, মমাংদা ফংখিদ্রিবা মহৈ কয়া ফংবা হৌরকই। স্বচ্ছ ভারত অভিয়ান্দা হেক্তা য়েংলসি, অমৃত সরোবর অভিয়ান্দা য়েংলসি, জল জীবন মিসন্দা য়েংলসি, মসিগী মায় পাকপশিং অসি মীয়াম্না পুরকখিবা ওনর্শিপকী মতেংদগীনি।
মরুপশিং,
অদোম্না ইশাগী জিলাগী অপাম্বশিং য়েংলদুনা দিস্ত্রিক্ত ভিজন @100 হায়বা অমা শেম্লে হায়না ঐহাক্না তারে। মসিগী ভিজন অসি পঞ্চায়তকী থাক ফাওবদা লৈগদবনি। ইশাগী গ্রাম পঞ্চায়ত, ব্লোক, জিলা, রাজ্যদা ঐখোয়না করম্বা সেক্তরদা মিৎয়েং চঙসিগে? ইনভেস্তমেন্তকী পুক্নিং চিংশিন্নবা করি অহোংবা পুরকপা য়াবগে? ঐখোয়গী জিলা, ব্লোক নত্ত্রগা পঞ্চায়তকী করম্বা পোত্থোকপু এক্সপোর্ত তৌবা নত্ত্রগা মান্নবা থাক্তা পুরকপা য়াবগে? পুম্নমক অসি মনুং চনবা ভিজন অমা ঐখোয়দা লৈফম থোকই। ঐখোয়গী লমগী লোকেলগী পোত্থোকশিংবু খুমাং চাউশিলহন্নবা MSME নত্ত্রগা সেল্ফ হেল্প গ্রুপকী মরক্তা মরী শাগৎপা য়াই। অদোমগী ওইনা লোকেল তেলেন্ত পুক্নিং থৌগৎপা, লোকেল ওন্তোপ্রিনর্শিপ শৌগৎপা, স্তার্তঅপ কলচরবু খুমাং চাউশিলহনবা হায়বসি হৌজিক্কী মতমগী তঙাই ফদনা পাংথোকফম থোকপা থবক্নি হায়না ঐনা খল্লি।
মরুপশিং,
ঐহাক্না সরকারগী মকোক ওইনা লৈরক্লিবা অসি চহি 20 হেল্লক্লে। অদোমগী মরক্তা মীওই কয়া অমনা ঐহাক্কা থাইনদগী হৌনা থবক তৌমিন্নরক্লি। অদোমগুম্বা মরুপশিংদা থবক তৌমিন্নবা ফংবা হায়বসি ঐহাক্কী লাইবক ফবনি খল্লি। ঐহাক্না কেপাসিতী বিলদিং তৌবদা মতম পুম্বদা অহেনবা মিৎয়েং কয়া য়াম্না চঙই হায়বা অদোম খঙই। অদোম সিভিল সর্ভেন্তশিংগী মরক্তা ‘মিসন কর্ময়োগী; অসিনা য়াম্না চাউবা অভিয়ান অমা ওইরক্লিবা অসিদা ঐহাক্না নুংঙাইবা ফাওই। মিসন কর্ময়োগীগী পান্দমদি সিভিল সর্ভেন্তশিংগী তৌবা ঙম্বগী অপুনবা মতিক্কী খুদোংচাবা লৌবনি। কেপাসিতী বিলদিং কম্মিসন্না অভিয়ান অসিবু মপুং ফানা শৌগত্তুনা খুমাং চাউশিনহল্লি। ত্রেনিং অমসুং লর্নিং হায়বসি থা খরতমক তৌবা ফোর্মেলিতী অমা ওইহল্লগা তোক্কদবা নত্তে হায়না ঐদি খল্লি। অদুনা, ত্রেনিং অমসুং লর্নিংগা মরী লৈনবা ক্বালিতী মেতরিএল মফম খুদিংদা অমসুং মতম খুদিংদা ফংহন্নবা iGOT প্লেতফোর্ম শেমখ্রে। নৌনা থবক খল্লবা মীওই খুদিংবু iGOTগী ‘কর্ময়োগী প্রারম্ভ’গী ওরিএন্তেসন মোদ্যুলগা লোয়ননা ত্রেন তৌরি।
মরুপশিং,
মমাংগী চহি খরসিদা, সরকারনা ব্যুরোক্রেসীবু অপনবা অমদগী মনিং তমহল্লে। মসিগী অপনবা অসিদি হৈরার্কীগী অপনবা অসিনি। মসিগী অপনবা অসিবু থুগায়বগী অহানবা খোঙথাং ঐহাক্না থাংখি হায়বা অদোম্না খঙলে। ঐহাক্না সেক্রেতরীদগী হৌরগা এসিস্তেন্ত সেক্রেতরীশিংগা য়াম্না তোয়না উন্নখি। ঐনা ত্রেনি ওফিসরশিংসু উন্নখি। বিভাগ মনুংদা লৈবা মীপুম খুদিংনা শরুক য়াহন্নবা, অনৌবা ৱাখল্লোন পুথোকহন্নবগীদমক্তা কেন্দ্র সরকারগী মনুংদা চিন্তন শিবির পাংথোকপগী থৌওং পুক্নিং থৌগৎখি। ঐখোয়গী মসিগুম্বা হোৎনজমনশিংনা অচৌবা অহোংবা অমা পুরকখি। মমাংগী চহি ফাওবদা, ওফিসিএলশিংনা অহানবা চহি অদু রাজ্যদা লৈরবা মতুংদা দেপ্যুতেসন্দা চত্তুনা কেন্দ্র সরকারদা থবক তৌবগী এক্সপেরিএন্স তাল্লম্মি। ওফিসিএলশিং অসিদা কেন্দ্র সরকারদা থবক তৌবগী এক্সপেরিএন্স লৈত্রবদি কেন্দ্রগী প্রোগ্রামশিংবু ফিল্দদা করম্না পুথগনি হায়বসি কনা অমত্তনা খল্লমদে। ঐখোয়না এসিস্তেন্ত সেক্রেতরী প্রোগ্রামগী খুত্থাংদা মসিগী গেপ অসিবু লৌথোক্নবা হোৎনখি। হৌজিক্তি, নহা ওইরিবা IASশিংনা মশাগী কেরিয়রগী অহৌবমক্তদা কেন্দ্র সরকারদা থবক তৌবা, এক্সপেরিএন্স তানবগী খুদোংচাবা ফংলে। খ্বাইদগী সেনিয়র ওইবা মীওইশিংদগী করিগুম্বা খরা তম্বগী খুদোংচাবা ফংলে। ঐখোয়না ইন্নোভেসনবু মতৌ অসুম্না খুমাং চাউশিলহনবা তাবনি, হোৎনরিবশিং অসিগী মহৈবু খ্বাইদগী অৱাংবা থাক্তা লৈহন্নবা ঐখোয়না লেপ্তনা হোৎনবা তাবনি।
মরুপশিং,
চাউখৎপা ভারত অমা শেম্বগী চহি 25কী অমৃত য়াত্রা অসিবু লৈবাক্না কর্তব্যকাল হায়না লৌরি। ঐখোয়না ইশাগী থৌদাংশিংদা খ্বাইদগী অহেনবা মিৎয়েং থম্লবা মতমদা নিংতম্বগী চহি 100 অসি ভারতকী চহি 100কী সনাগী মতম অমা শোইদনা ওইগনি। ইশাগী থৌদাং অসি ওপ্সন নত্তে, রিজোল্যুসন্নি। হৌজিক্কী মতমসিদি খোঙজেল য়াঙনা অহোংবা লাকপা মতম্নি। অদোমগী থৌদাং অসি অদোমগী হক্না লেপ্লোই, ইশাগী থৌদাং অমসুং অদোম্না মদু পাংথোকপনা লেপকনি। অনৌবা লৈবাক অসিদা লৈবাক্কী মীয়ামগী অচৌবা পাঙ্গল লৈ, ভারতকী মপাঙ্গলসু য়াম্না লৈ। অদোম্না অদুগুম্বা অনৌবা ভারত অসিদা মশক থোকপা থৌদাং য়াবগী খুদোংচাবা ফংলবনি। নিংতম্বগী চহি চাম্মা মপুং ফারবা মতুংদা পুৱারীনা অদোম্বু নৈনবা মতমদা, অদোমগী মমিংসু মশক নাইবা মীওইশিংগী মরক্তা চলহনবগী খুদোংচাবা অমা অদোম্না ফংলিবনি। লৈবাক্কী অনৌবা খুদোংচাবা শেম্বদা ঐহাকশু থৌদাং য়াখি, অহোংবা পুরকপদা অচৌবা থৌদাং য়াখি হায়না অদোম্না চাউথোকচবগা লোয়ননা হায়বা ঙমগদৌরিবনি। লৈবাক শেম্বগী থৌওংদা অদোম্না ইশাগী থৌদাং লেপ্তনা পাংথোক্কনি হায়বগী ঐহাক্না থাজবা থম্মি। ইশাগী। মরুপকী কেপাসিতী বিলদিং তৌনবা ঐখোয়না মতম পুম্বদা হোৎনগদবনি অমসুং ঐখোয়গী পথাপ অসিনা অনৌবা মায় পাকপা লেপ্তনা ফংহন্নবগীদমক্তা ঐখোয়না কন্দিসন মতিক চাবা পীবা তাবনি। সিভিল সর্ভিস নুমিৎ হায়বসি চহিগী ওইনা পাংথোকপা থৌরম অমখক নত্তে, মসিদি অনৌবা ৱারেপ লৌবগী নুমিৎনি। ৱারেপশিং অসিবু অকক্নবা মতমগী মনুংদা থৱাই য়াওনা পাংথোকপগী খুদোংচাবা অমনি। থৌরম অসিগা লোয়ননা, ঐখোয়না অনৌবা ইনর্জী, অনৌবা ইথিল, অনৌবা পাঙ্গল, অনৌবা ৱারেপকা লোয়ননা চৎকনি, ঐখোয়না তাল্লিবা পান্দম অসিবু ঐখোয়না শোক্তুনা অমসুং পায়দুনা য়েংগনি, মসিগী থাজবা অসিগা লোয়ননা ঐহাক্না অদোম্বু অমুক্কা হন্না থাগৎচরি অমসুং য়াইফ পাউজেলসু পীজরি।
থাগৎচরি।
