“মরিশুবা ইন্দস্ত্রিএল রিভোলুসনগী চহিচা অসিদা তেক্নোলোজীনা ইম্প্লোইমেন্তগী মরুওইবা দ্রাইভর অমা ওইরে অমসুং মতম চুপ্পদা ওইদুনা লৈরগনি”
“স্কিলিং, রি-স্কিলিং অমসুং অপ-স্কিলিং অসি তুংলমচৎকী ৱর্কফোর্সকী মন্ত্রশিংনি”“ভারত অসি মালেমদা স্কিল্দ ৱর্কফোর্স খ্বাইদগী য়াম্না পীবা ঙম্বশিংগী মরক্তা অমা ওইবা ঙম্বগী ওইথোকপা লৈ”“ঐখোয়না লৈবাক খুদিংমক্কী অখন্নবা ইকনোমিক কেপাসিতী, মপাঙ্গল অমসুং শিংনবশিং অদু খংগদবনি। সোসিএল প্রোতেক্সনগী সস্তেনেবল ফাইনান্সিং এপ্রোচ খুদিংমক য়াওবা ৱান সাইজ ফিত অমা চৎনহনবা হায়বসি ওইথোকপা য়াবা নত্তে”এক্সলেন্সীশিং, ইবেম্মা অমসুং ইবুংঙোশিং, নমস্কার!
ঐহাক্না খ্বাই পুম্নমকপু পুৱারী ওইরবা অমসুং মগুন লৈরবা ইন্দোরগী শহরসিদা তরাম্না ওকচরি। শহর অসিদি মশাগী থোংবা থাকপগী চৎনবীদা চাউথোকচরিবা শহর অমনি। অদোম খুদিংনা শহর অসিগী মথেল অমসুং নিংথিজবা কয়াগী খুদোংচাবা ফংগনি হায়না ঐহাক্না থাজবা থম্লি।
মরুপশিং,
অদোমগী কাঙলুপ অসিনা শেন্মিৎলোন অমসুং সোসিএল ফেক্তরগী খ্বাইদগী মরু ওইবা হীরম – ইমপ্লোয়মেন্তকী মতাংদা খন্ন-নৈনরি। ঐখোয়না ইমপ্লোয়মেন্ত সেক্তরদা অচৌবা অহোংবা কয়া পুরকপগী থোঙজিলদা লেপ্তুনা লৈরি। অদুগা, মসিগুম্বা খোঙজেল য়াঙনা লাক্কদৌরিবা অহোংবা কয়া অসিগা মাইয়োক্নবা ঙম্নবা নীংথিনা শেম শাদুনা লৈবগী মথৌ তারে। মরিশুবা ইন্দস্ত্রীএল রিভোল্যুসনগী য়ুগ অসিদা, তেক্নোলোজীনা থবক লৈহনবগী খ্বাইদগী মরু ওইবা শাফু অমা ওইরে অমসুং ওইখিগনি। তেক্নোলোজীনা অহোংবা পুরকপা থৌওংশিংগী মনুংদা থবক মশিং য়াম্না পীবা ঙমখিবা লৈবাক অমদা মসিগুম্বা মীফম পাংথোকপা হায়বসি য়াম্না লাইবক ফবনি। অদোমগী য়ুম্বু ওইরিবা শহর, ইন্দোর অসিদা মসিগুম্বা অহোংবা পুরকপগী থৌওং কয়াদা লুচিংলিবা স্তার্তঅপ কয়াসু লৈরি।
মরুপশিং,
এদভান্স তেক্নোলোজী অমসুং প্রোসেসিং শিজিন্নবগী লমদা ঐখোয়না ঐখোয়গী ৱর্কফোর্সশিংগী স্কিল হাপ্পগী মথৌ তারি। স্কিলিং, রি-স্কিলিং অমসুং অপ-স্কিলিং অসিনা তুংগী ৱর্কফোর্সকী মন্ত্রা অমা ওইরিবনি। ঐখোয়গী ‘স্কিল ইন্দিয়া মিসন’ অসিদি মসিগী রিএলিতী অসিগা মরী লৈনহনবগী কেম্পেন অমা ভারত্তা ওইরি। ঐখোয়গী ‘প্রধান মন্ত্রী কৌশল বিকাস য়োজনা’গী মখাদা, ঐখোয়গী নহা মিলিয়ন 12.5 হেনবদা হৌজিক ফাওবদা ত্রেনিং পীখ্রে। আর্তিফিসিএল ইন্তেল্লিজেন্স, রোবোতিক্স, ইন্তর্নেত ওফ থিংস অমসুং দ্রোনগুম্বা ইন্দস্ত্রী ‘ফোর পোইন্ত O’ সেক্তরশিংদা অখন্নবা মিৎয়েংসু চঙলি।
মরুপশিং,
ফ্রন্তলাইন হেল্থ অমসুং অতোপ্পা ৱর্করশিংনা ভারত্তা কোবিদ মনুংদা পাংথোকখিবা থবক-থৌরমশিংনা মশাগী স্কিল অমসুং খোঙফম চেৎপগী মতৌ উৎখি। মসিনা মীনুংশি হৈবা অমসুং সেবা তৌবগী চৎনবীগী মমিসু উৎখি। তসেংবদি, ভারতনা মালেমগী স্কিল লৈবা ৱর্কফোর্স খ্বাইদগী চাউনা পীবা ঙম্বগী মতিক লৈ। গ্লোবেল মোবাইল ৱর্কফোর্স অসিনা তুংগী মতমগী রিএলিতী অমা ওইগনি। মরম অদুনা, দিভেলপমেন্তপু গ্লোবেলাইজ তৌবা অমসুং স্কিল শেয়র তৌবগী মতম অসি হৌজিক্কী মতমসি ওইরবনি। G20না মসিদা লুচিং থৌদাং লৌগদবনি। স্কিল অমসুং ক্বালিফিকেসনগী মথৌ তাবশিংগী মখা পোন্না মালেমগী ওইনা শিনফম শকখঙবগী থবক্কীদমক্তা ঐহাক্না অদোমগী হোৎনজমশিংবু থাগৎচরি। থৌওং অসিদা ইন্তর্নেস্নেল কোওপরেসন অমসুং কোওর্দিনেসনগা লোয়ননা মাইগ্রেসন অমসুং মোবিলিতী পার্ত্নরশিপকী অনৌবা মোদেলগী মথৌ তাই। হায়রিবা ইমপ্লোয়ী অমসুং শিন্মীশিংগা মরী লৈনবা স্তেতিস্তিক্স, ই-পাউ অমসুং দেতা শেয়র তৌনবনা থৌওং অসি হৌবগী খ্বাইদগী চুনবা পাম্বৈ অমা ওইগনি। মসিনা খুদমদা য়ুম্ফম ওইবা থৌশিল থৌরাং য়াত্তুনা স্কিলিং হেন্না নীংথিজনা পাংথোকপা, ৱর্কফোর্সকী থৌরাং য়াৎপা অমসুং কান্নগদবা থবক পীবদা মালেমগী লৈবাক খুদিংদা মপাঙ্গল হাপকনি।
মরুপশিং,
লাইচৎকী মনুংদা খাংবা কনবগী য়ুম্বী ওইনা থোরকখিবা গিগ অমসুং প্লেতফোর্মদা লৈরিবা শন্মীশিংগী অনৌবা কাংলুপ অমা শেমগৎপদা অঙকপা ফংনা অহোংবা পুরকখি। মসিনা ফ্লেক্সিবল ওইবা থবক থৌরমশিং শিন-লাংখি অমসুং চাগাগী হৌরকপা অমা পুথোকপদা মতেং পাংখি। মসিনা নুপীশিংগী সোসিও-ইকনোমিক এম্পাৱরমেন্তকী ত্রান্সফোর্মাতিব ওইবা খুৎলাই অমা ওইবগা লোয়ননা অখন্ননা নহারোলশিংগী কান্নগদবা ইম্প্লোয়মেন্তশিং চাউনা ফংহনবা য়াবগী ওইথোকপা লৈ। মসিগী পোতেন্সিএল খংবা মথৌতাবা অমসুং মতমগা চুনরবা থৌশিলশিং শেম্বা অমসুং মসিগী মতমগা চুনরবা শিন্মীশিং অসিদা মীৎয়েং চংবা মথৌ তারি। চাং নাইনা থবক ফংনবা খুদোংচাবশিং শেমগৎনবা সস্তেনেবল সোলুসনশিং পুথোক্নবা অমসুং সোসিএল সিক্যুরিতী, হকশেল অমসুং শেফতী ফংহন্নবা অনৌবা মোদেলশিং পুথোরক্নবা হোৎনসি। মিলিয়ন 280 রেজিস্ত্রেসন তৌখ্রবা অমসুং মসিগী শিন্মীশিং অসিগী হকথেংননা মীয়েং চংনবা পান্দম থম্লিবা ‘ইশ্রম পোর্তেল’ অসি কান্নবা থৌওংনি। থবক্কী মওং মতৌ অসি ত্রান্সনেস্নেল ওইরকপা মরম্না লৈবাকশিং অসিনা মসিগা মান্নবা সোলুসনশিং অসি শিজিন্নগদবনি।
মরুপশিং,
সোসিএল প্রোতেক্সন পীবা হায়বসি 2030 এজেন্দাগী মরুওইবা মরম অমা ওইরবসু ইন্তর্নেস্নেল ওর্গনাইজেসনশিংনা হৌজিক চৎননবা হোৎনরিবা ফ্রেমৱর্ক অসিনা অখুবা পাম্বৈ খরদা শেম শাদুনা কান্নবা ফংহল্লিবা অসিখক্তং উৎলি অদুবু অতোপ্পা মওংশিংদা কান্নবা কয়ামরুম ফংহল্লিবা অদুদি মসিগী ফ্রেমৱর্ক অসিদা কোনশিন্দে। ভারত্তা সোসিএল প্রোতেক্সন কভরেজগী অচুম্বা মমি অদু উবা ফংনবা য়ুনিভর্সিএল পব্লিক হেল্থ, ফুদ সিক্যুরিতী, ইন্সুরেন্স অমসুং পেন্সন প্রোগ্রামশিংগুম্বা কান্নবশিং অসি য়াওহনগদবনি। লৈবাক খুদিংমক্কী অখন্নবা ইকনোমিক কেপাসিতী, মপাঙ্গল অমসুং শিংনবশিং অদু খংগলদুনা সোসিএল প্রোতেক্সনগী সস্তেনেবল ফাইনান্সিং এপ্রোচ খুদিংমক য়াওবা ৱান সাইজ ফিত অমা চৎনহনবা হায়বসি ওইথোকপা য়াবা নত্তে।
এক্সেলেন্সীশিং,
হীরম অসিগা মরী লৈনবা অথুবা মিৎয়েং চঙফম থোকপা হীরম কয়া খন্ন-নৈননবা অদোম্না হোৎনরিবশিং অসিবু ঐহাক্না থাগৎচরি। মালেম পুম্বগী ৱর্কফোর্সকী য়াইফ য়ুম্বালগীদমক্তা ঙসিগী মীফম অসিনা অকনবা ৱাফম অমা পীগনি হয়বগী ঐহাক্না থাজবা থম্মি। মায় পাকপা মীফম অমা ফম্বা ওইয়ু হায়না ঐহাক্না য়াইফা পাউজেল পীজরি।
পুম্নমকপু থাগৎচরি।
