Welcomes Vice President to the Upper House
“I salute the armed forces on behalf of all members of the house on the occasion of Armed Forces Flag Day”“Our Vice President is a Kisan Putra and he studied at a Sainik school. He is closely associated with Jawans and Kisans”“Our democracy, our Parliament and our parliamentary system will have a critical role in this journey of Amrit Kaal”“Your life is proof that one cannot accomplish anything only by resourceful means but by practice and realisations”“Taking the lead is the real definition of leadership and it becomes more important in the context of Rajya Sabha”“Serious democratic discussions in the House will give more strength to our pride as the mother of democracy”ইকাই খুম্নরবা সভাপতিজী,
ইকাই খুম্নরবা মথক থোংবা পার্লিয়ামেন্তরিয়ন পুম্নমক,
অহানবা মক্তদা ইকাই খুম্নরবা সভাপতিজী, ঐহাক্না সভা অসিগী অমদি লৈবাক পুম্বগী মহুৎ শিন্দুনা অদোমবু নুংঙাইবা ফোঙদোকচরি। অদোম্না অচম্বা ইমুং অমদগী হৌরক্তুনা মফম অসি য়ৌবা ঙম্লকপা অমদি অৱাবা কয়াগী মরক্তা পুন্সিগী খোঙচৎতা মাংদা চংশিনবা অসিমক লৈবাক অসিগী মীওই কয়াগীদমক ইথিল পোক্নবগী মরম ওইরি। উপ্পর হাউস অসিদা অদোম্না ফমফমলাং অসিবু মগুন হাপ্পি অমদি লৈবাক অসিনা কিথানাগী মপাগী মাইপাকপশিং উবদা হরাওবগী পনখৈ লৈত্রে।
ইকাই খুম্নরবা সভাপতিজী,
ঙসি অসি আর্ম্দ ফোর্সেস ফ্লেগ দে তাবা অসি নুংঙাইবা মীকুপ অমনি।
ইকাই খুম্নরবা সভাপতিজী,
অদোম ঝুনঝুনদগী হৌরকখি, ঝুনঝুন অসি অথৌবশিংগী লমদমনি। লৈবাক অসিগী শেবা তৌবদা মাংজিল থাদুনা থৌদাং লৌদবা ইমুং অমত্তা লৈরমলোই। অমসুং নুংঙাইবা ৱাফমদি অদোম অসি সাইনিক স্কুলগী মহৈরোয় অমসু ওইরকখি। লৌমী অমগী মচানুপা অমসুং সাইনিক স্কুলগী মহৈরোয় ওইবনা অদোমবু ঐহাক্না লৌমী অমসুং লান্মী অমা ওইনা উজৈ।
ঐহাক্না ইরৈবাকচা পুম্নমক্তা আর্মদ ফোর্সেস ফ্লেগ দেনা লাকপদা অদোম্না ময়াই তাংবল লৌরিবা হাউস অসিগী মাইকৈদগী য়াইফ পাউজেল পীজরি। ঐহাক্না হাউস অসিগী ইকাই খুম্নরবা মেম্বর পুম্নমক্কী মহুৎ শিন্দুনা লৈবাক অসিগী আর্মদ ফোর্সেসপু ইকাই খুম্নবা উৎচরি।
ইকাই খুম্নরবা সভাপতি,
ঙসি পার্লিয়ামেন্তগী উপ্পর হাউসনা লৈবাক অসিনা অচৌবা থৌরম অনি পাঙথোক্লিঙৈ মতমদা অদোমবু তরাম্না ওকচরি। নুমিৎ খরনিগী মমাংদা মালেমদা জি২০ গ্রুপকী থৌদাং লৌনবা ভারত্তা শিন্নরকখি। লোয়ননা তানফম অসি অমৃত কালগী অহৌবনি। অমৃত কাল অসি অনৌবা চাউখৎপা ভারত অমা শেমগৎপগী মতম খক্তা নত্তনা ভারতনা তানফম অসিদা মালেমগী তুংলমচৎ লেপ্নগী মাইকৈ লেপ্পদা য়াম্না মরু ওইবা থৌদাং অমসু লৌরগনি।
ইকাই খুম্নরবা সভাপতি,
ঐখোয়গী দেমোক্রেসী, ঐখোয়গী পার্লিয়ামেন্ত, ঐখোয়গী পার্লিয়ামেন্তরী সিস্তেমনা ভারতকী খোঙচৎ অসিদা য়াম্না মরু ওইবা থৌদাং অমসু লৌগনি। উপ্পর হাউসনা মরু ওইবা তানফম অসিদা অদোমগুম্বা মতিক-ময়াই লৈবা অমসুং মথৌ মশক খঙবা লুচিংবা অমা ফংজবা অসি লাইবক ফবনি। অদোমগী লমজিং মখাদা ঐখোয়গী মেম্বর পুম্নমক্না মখোয়গী মথৌদাং নীংথিনা পাঙথোক্কনি, হাউস অসিনা লৈবাককী ফিরেপশিং থুংহন্নবগী অফবা ফম্পাক অমা ওইরগনি।
ইকাই খুম্নরবা সভাপতি,
ঙসি অদোম্না পার্লিয়ামেন্তগী উপ্পর হাউসকী মকোক ওইনা অদোমগী অনৌবা থৌদাং পুবা হৌরগনি। উপ্পর হাউস অসিগী মথক্তা তারিবা থৌদাং অসিগী অহানবা হীরম অসি লৈবাক্কী খ্বাইদগী অরোইবা পরিংদা লেপ্পিবা মীচম মীয়ামগী য়াইফনবগী থবকশিংগা মরী লৈনৈ। তানফম অসিদা লৈবাক অসিনা মাগী থৌদাং নিংথিনা খঙই অমসুং মদু মপুং ফানা থৌদাং লৌদুনা থুংহন্নবা হোৎনরি।
ঙসি অহানবা ওইনা লৈবাক অসিগী মতিক ময়াই লৈরবা ত্রাইবেল হেরিতেজনা হর এক্সিলেন্সী রাস্ত্রপতি শ্রীমতি দ্রৌপতি মুর্মুগী শক্লোন লৌদুনা ঐখোয়বু লমজিংলি। মসিগী মমাংদসু শ্রী রামনাথ কোবিন্দজিনা শোত্থরবা খুন্নাইগী শরুক্তগী হৌরক্তুনা লৈবাক অসিগী খ্বাইদগী ৱাংবা ফম পাইখি। অমসুং হৌজিক লৌমী অমগী মচানুপা ওইনা অদোম্না ইরৈবাকচা করোর কয়া, খুঙ্গংগী লায়রবা অমসুং লৌমীশিংগী থৌনা অদু মশক তাক্লি।
ইকাই খুম্নরবা সভাপতিজী,
অদোমগী পুন্সিনা মাইপাক অসি পাম্বৈ খক্তা নত্তনা স্পিরিচুএল প্রেক্তিসকী খুত্থাংদা ফংবা ঙম্মি হায়বগী খুদম চাংদম ওইরি। অদোম্না স্কুল কানবা কিলোমিতর কয়া খোঙনা চৎখিবা তানফম অদু উবা ফংখি। অদোম্না খুঙ্গং, লায়রবা, লৌমীশিংগীদমক তৌখিবা অদু খুন্নাই অসিদা হিংলিবা মীওই খুদিংমক্কীদমক খুদম অমা ওইরি।
ইকাই খুম্নরবা সভাপতিজী,
মহাক্না দিকেদ অহুম হেন্না সিনিয়র এদভোকেৎ ওইনা এক্সপরিয়েন্স লৈরকখি। অদোম্না হাউস অসিদা ৱায়েলশঙগী অৱাৎপা অদু লৈহল্লোই হায়না ঐহাক্না থাজৈ মরমদি রাজ্য সভাদা অদোমবু সুপ্রিম কোর্ত্তা উনখিবা মীওই মশিং কয়া লৈরি অমসুং মসিনা মরম ওইরগা অদোম্না ৱায়েলশঙগী এতমোস্ফিয়র অদু মসিদসু ফাওগনি। মদুবু নীংশিংগনি।
অদোম্না এম.এল.এ.গী থৌদাং লৌরম্বদগী এম.পি., কেন্দ্রগী মন্ত্রী, রাজ্যপালগী থৌ পুরমখি। পুম্নমক অসিদা চপ মান্নবা ৱাফম অদুদি লৈবাক অসিগী চাউখৎ-থৌরাং অমসুং দেমোক্রেতিক ভেল্যুশিংগীদমক অদোম্না কত্থোকপা অদুনি। অদোমগী এক্সপরিয়েন্সশিং অসি লৈবাক্কী অমদি দেমোক্রেসীগীদমক য়াম্না মরু ওইগনি।
ইকাই খুম্নরবা সভাপতিজী,
রাজনিতীদা লৈজরবসু অদোম্না দলগী ঙমখৈশিংগী ৱাংবা লান্না মীপুম খুদিংমকপু অমত্তা ওইনা পুনশিন্নবা হোৎনখি। উপ রাস্ত্রপতিগী মীখলদা মীপুম খুদিংমক্না অদোমবু নুংশিখিবা অদু ঐখোয়না ময়েক শেংনা উবা ফংখি। ভোৎতা ৭৫% হেন্না ফংদুনা কাবা অসিমক মরু ওই।
ইকাই খুম্নরবা সভাপতিজী,
ঐখোয়গী মফম অসিদা হায়নবা অমা লৈ – নয়তি ইতি নায়ক – হায়বদি ঐখোয়গী মাংদা পুখৎপীবা অদু অথৌবনি। মাং থানা পুবা হায়বা অসিমক লুচিংবগী তশেংবা ৱাহন্থোক্নি। মসি রাজ্য সভাদনা হেন্না মরু ওইরকই মরমদি সভা অসিনা হেন্না অফবা মওংদা দিমোক্রেতিক ওইবা ৱারেপশিং মাংদা পুনবগী থৌদাং লৌই। মরম অসিনা হাউস অসিনা অদোমগুম্বা অফবা লুচিংবা অমা ফংজবা অসি ঐহাক্না হাউসকী মেম্বর খুদিংমক্কী লাইবক ফবনি হায়না লৌজৈ।
ইকাই খুম্নরবা সভাপতিজী,
রাজ্য সভা অসি লৈবাক্কী মতিক ময়াই লৈরবা দেমোক্রেতিক হেরিতেজকী কন্দক্তরনি অমসুং মাগী মপাঙ্গলসু ওইরি। রাজ্য সভাদা মেম্বর অমা ওইনা অমুক্তং থৌ পুরম্বা প্রধান মন্ত্রী কয়া লৈ। শীংথানীংঙাই ওইবা লুচিংবা কয়াগী পার্লিয়ামেন্তরীগী খোঙচৎ অসি রাজ্য সভাদগী হৌখি। মরম অসিনা হাউস অসিগী ইকাই খুম্নবা অদু ঙাকপা অমদি হেনগৎহন্নবগী অচৌবা থৌদাং ঐখোয়না পুফম থোকই।
ইকাই খুম্নরবা সভাপতিজী,
অদোমগী লমজিং মখাদা হাউস অসিনা মসিগী লেগেসী অসি মখা চত্থখিগনি, মসিগী ইকাই খুম্নবা অসি অনৌবা পনখৈশিং য়ৌগনি হায়না ঐহাক্না থাজৈ। হাউস অসিদা অরুবা ৱাফমশিং খন্নবা, দেমোক্রেতিক্কী ওইবা খন্নবনা দেমোক্রেসীগী মমা অমা ওইবগী চাউথোকচবা অদুদা হেন্না শক্তি পীরগনি।
ইকাই খুম্নরবা সভাপতিজী,
মমাংগী সেসন অনি ফাওবদি ঐখোয়গী হান্নগী উপ-রাস্ত্রপতি অমসুং হান্নগী সভাপতিনা হাউস অসুবু লমজিংলমখি, মহাক্কী ৱাহৈ, মহাক্কী তাননা মতম চুপ্পদা হাউস অসিবু হরাও তয়ামহনখি, হরাও মীনোক তম্নবা হীরম কয়া লৈখি। অদোমগী লৌশিং লৈবা মতৌ অদুনা অশোইবা অমত্তা থোকহল্লোই অমসুং অদোম্না হাউস অসিদা কান্নবা পীগনি হায়না ঐহাক্না থাজৈ।
মসিগা লোয়ননা ঐহাক্না হাউস পুম্বগী, লৈবাক পুম্বগী অমসুং ইশাগী মহুৎ শিন্দুনা অদোমদা য়াইফ মঙ্গোল পীজরি।
থাগৎচরি!
