ঐহাক্না তাইম্স নাউ গ্রুপকী ভাবকশিং, থৌমীশিং, ফিল্দ অমসুং দেস্ককী জর্নেলিস্ত পুম্নমক, কেমেরা অমসুং লোজিস্তিক্কা মরী লৈনরিবা মরূপ পুম্নমকপু মীফম অসিগীদমক নুঙাইবা ফোংদোকচরি। মসি তাইম্স নাউগী অহানবা মীফম্নি। ময়াম পুম্নমকপু হন্না-হন্না য়াইফ-পাউজেল পীজরি।
মরূপশিং,
হন্দক্কী থিম অসি অদোম্না ইন্দিয়া এক্সন প্লান ২০-২০ হায়না থম্লি। ঙসিগী ভারতনা দিকেদ পুম্বগী এক্সন প্লান্দা থবক তৌরি। হোয়, থৌওংদি ২০-২০গী ওইবা মওংনি অদুগা ইন্তেন্সন্না সেরিজ পুম্বদা অফবা পর্ফোমেন্সকী, অনৌবা রেকোর্দ শেম্বগী অমসুং সেরিজ অসিবু ভারতকী সেরিজ ওইহনবগীনি। মালেমগী খ্বাইদগী নহা লৈবা লৈবাক অসি হৌজিক খোংজেল য়াংনা শান্নবগী মুদতা লৈরি। শুপ্নতংগী থা নিপালগী সরকারনা ৱারেপ লৌবগী সেঞ্চুরী শেম্লিবা অসি মমাংদা থোকখিদ্রিবা মওংনি। অদোম্না নুঙাইবা ফাওবিরমগনি, অদোম্না চাউথোকপা ফাওবিরমগনি মদুদি অথুবা মতমদা ৱারেপ লৌরি, খোংজেল য়াংনা থবক তৌরি।
• লৈবাক্কী লৌমী খুদিংমকপু পি.এম. কিসান য়োজনাগী মনুংদা কোন্সিন্নবা ৱারেপ- লৌখ্রে
• লৌমী, শিন্মী, দুকান ফম্বশিংবু পেন্সন পীনবা স্কিম- হৌদোক্লে
• ঈশিংগুম্লবা মরুওইবা হিরমদা সিলোস লোইশিন্নবা জলশক্তি মন্ত্রালয় লিংখৎপা- পাংথোক্লে
• মিদল ক্লাসকী মপুং ফাদ্রিবা য়ুমশিংবু মপুং ফানা লোইশিন্নবগীদমক লুপা কোতি লিশিং ২৫গী স্পিসিয়েল ফন্দ- কায়থোক্লে
• দিল্লীগী প্রজা লাখ ৪০বু য়ুমশিংদা অধিকার পীগদবা আইন- শেম্লে
• তলাক অহুমলক হায়বগা মরী লৈনবা আইন- শেম্লে
• চাইল্দ এব্যুজকী মায়োক্তা অকনবা চৈরাক পীনবা আইন- শেম্লে
• ত্রান্সজেন্দর মীওইশিংবু অধিকার পীগদবা আইন- শেম্লে
• চিৎফন্দ স্কিম্বু মীনম্বদগী কনগদবা আইন- শেম্লে
• নেস্নেল মেদিকেল কম্মিসন এক্ত- চৎনহল্লে
• কোর্পোরেত তেক্সতা পুৱারী ওইনা হন্থবা- পাংথোক্লে
• লম্বীগী এক্সিদেন্তশিং হন্থহন্নবা অকনবা আইন- শেম্লে
• চিফ ওফ দিফেন্স স্তাফ- শেম্লে
• লৈবাক্তা নেক্স জেনরেসন ফাইতর প্লেনগী দিলিবরী- য়ারে
• বোরো পিছ একোর্দ- পাংথোক্লে
• ব্রু-রিয়াং পর্মনেন্ত সেতলমেন্ত- পাংথোক্লে
• অচৌবা রাম মন্দির শানবগীদমক ত্রস্ত শেম্বগী থবক- পায়খৎলে
• আর্তিকল-৩৭০ লৌথোক্নবা ৱারেপ- লৌরে
• জম্মু কাশ্মির অমসুং লদাখপু য়ুনিয়ন তেরিতোরী শেম্নবা ৱারেপ- লৌরে
অমসুং
• সিতিজনশিপ এমেন্দমেন্ত এক্তসু- চৎনরে
ঐহাক্না করিগুম্বা কান্দা তাইম্স নাউদা য়েংই, ন্যুজ ৩০, মিনিৎ খরদা অসুক য়ামখ্রবা পাউশিং। অদুগা মসিসু সেম্পলমক্নি। সেম্পল অসিদা অশেংবা এক্সনদি মসিদা হৌরে হায়না অদোম্না লৌরমগনি। ঐহাক্না লেপ্পা লৈতনা অসিগুম্লবা ৱারেপ কয়া অমসু মশিং থিহনবা য়াই। সেঞ্চুরী খক্তা নত্তনা দবল সেঞ্চুরী ফাওবা য়ৌবা য়াই। অদিবু ৱারেপ অসি মশিং থিহন্দুনা, ঐহাক্না অদোম্বু পুনিংলিবা পোইন্ত অদু কংবসু দরকার ওই।
মরূপশিং,
ঙসি লৈবাক অসিনা দিকেদ কয়া কুইরবা সমস্যাশিং সোলুসন পুরক্তুনা ২১শুবা চহীচাদা খোংজেল য়াংনা মাংলোমদা চংশিল্লি। মালেমগী খ্বাইদগী নহাশিং লৈবা লৈবাক্না খোংজেল য়াংনা থবক তৌবা দরকার ওইরিবা অদুমক ঐখোয়না তৌরি। হৌজিক ভারতনা মতম মাংহল্লরোই। হৌজিক ভারতনা খোংজেল য়াংনসু চৎলগনি অমদি অনৌবা সেল্ফ-কনফিদেন্সকা লোয়ননা মাংদসু চংশিল্লগনি। লৈবাক অসিদা ওইরক্লিবা অহোংবশিং অসিনা সমাজকী থাক খুদিংমক্তা অনৌবা ইনর্জী পোকহল্লে, মদুবু সেল্ফ-কনফিদেন্সনা থলহল্লে।
ঙসিদি লৈবাক্কী লাইরবদসু সেল্ফ-কনফিদেন্স অসি লাক্লে মদুদি মশাগী পুন্সিগী থাক ফগৎহনবা ঙম্লে, মশাগী লাইরবা মুত্থৎপা ঙম্লে। ঙসিদি লৈবাক্কী লাইরবশিংদা সেল্ফ-কনফিদেন্স অসি লাক্লে মদুদি জোব ক্রিয়েতর ওইবা য়াই, মশানা হোৎনদুনা অনৌবা শিংনরকপশিং লান্থোকপা ঙমগনি। ঙসিদি লৈবাক্কী নুপীশিংদা সেল্ফ-কনফিদেন্স অসি লাক্লে মদুদি মখোয়না লম খুদিংমক্তা মখোয়গী থৌনা অদু উৎপা ঙমগনি, অনৌবা রেকোর্দ শেম্বা ঙমগনি। ঙসিদি লৈবাক্কী লৌমীশিংদা সেল্ফ-কনফিদেন্স অসি লাক্লে মদুদি মখোয়না লৌউবগা লোয়ননা মখোয় মশাগী শেন্থোক হেঙ্গৎহন্নবগীদমক লৌউবগা মরী লৈনবা অতোপ্পা ওপ্সনশিংদা থবক তৌবা ঙমগনি। ঙসিদি লৈবাক্কী ইন্তরপ্রিনরশিংদা, ললোন-ইতিক তৌবশিংদা সেল্ফ-কনফিদেন্স অসি লাক্লে মদুদি মখোয়না অফবা বিজিনেস এনবাইরনমেন্ত অমদা মখোয়গী ললোন-ইতিক তৌবা ঙমগনি, মখোয়গী কারবার হেঙ্গৎহনবা ঙমগনি।
ঙসিগী ভারতনা, ঙসিগী ন্যু ইন্দিয়ানা মশাগী ওইবা সমস্যা কয়া অমা মনিংদা থমলম্লে। নিংতম্বদগী চহী ৭০গী মতুং ফাওবসু ঐখোয়গী লৈবাক্কী মীওই কোতি কয়া বেঙ্কিং সিস্তেমগা শম্নরমদে, মীওই কোতি কয়াগী নাক্তা গ্যাস কনেক্সন লৈরমদে, য়ুমশিংদা তোইলেৎ লৈরমদে। অসিগুম্লবা খুদোং চাদবা কয়া অমা লৈরম্মি মদুদা লৈবাক্কী মীয়াম অমসুং লৈবাক অসি তৌফম খংদনা লৈরম্মি। হৌজিক্তি অসিগুম্লবা অৱাবা কয়া অমা লাপথোকখ্রে। হৌজিক্তি ভারতকী পান্দম অসি মথংগী চহী মঙাদা ইশাগী ইকোনোমী অসি দোলর ত্রিলিয়ন ৫ ফাওবা য়ৌহনবনি। পান্দম অসি, অরাইবা নত্তে, অদুবু ফংবা ঙম্লোয় হায়বা অদুমক্তি নত্তে।
মরূপশিং,
ঙসি ভারতকী ইকোনোমী অসি চাউরাক্না দোলর ত্রিলিয়ন ৩গীনি। মফম অসিদা ইনফোর্ম ওইবা মীওই কয়া অমা লৈরি। ঐহাক্না অদোমদা ৱাহং অমগা হংগে। লৈবাক অসিদা করিগুম্বা কান্দা দোলর ত্রিলিয়ন ৩গী ইকোনোমী ফাওবগী পান্দম থমখি হায়বা অদোম্না তাখিবা লৈব্রা। তাখিদেকো। ঐখোয় চহী ৭০দা দোলর ত্রিলিয়ন ৩ ফাওবা য়ৌরে। মতম অসুক য়াম্না চংখিবা করিগীনো হায়না কনানসু হংখিদে অদুগা কনানসু পাউখুম পীখিদে। হৌজি ঐখোয়না পান্দম থম্লে, ৱাহংশিংসু মায়োক্নরি অদুগা পান্দম অসি ফংনবগীদমক থৱাই হকচাং য়াওনসু হোৎনরি। মসিসু মমাংগী সরকারশিং অমসুং ঐখোয়গী সরকারগী থবক তৌবগী খেৎনবা অদুনি। মায়কৈ খংদনা মাংলোমদা চংশিনবদগীদি অরুবা পান্দম থমদুনা মদু ফংনবা হোৎনবনা হেন্না ফৈ। হৌজিক হন্দক্তা পুথোকখিবা বজেত অদুনা লৈবাক অসিবু পান্দম অসি ফংবদা, দোলর ত্রিলিয়ন ৫গী ইকোনোমী ওইহনবদা মতেং ওইরগনি।
মরূপশিং,
পান্দম অসি ফংনবগীদক্তা য়াম্না দরকার ওইরিবা অদুদি ভারত্তা মেনুফেকচরিং হেঙ্গৎহনবা, এক্সপোর্ত হেঙ্গৎহনবনি। মসিগীদমক সরকারনা ৱারেপ কয়া অমা লৌরে। লৈবাক পুম্বদা ইলেক্ত্রোনিক, মেদিকেল দিভাইস অমসুং তেক্নোলোজী ক্লস্তর শেম্নবা ৱারেপ লৌরে। নেস্নেল তেক্নিকেল তেক্সতাইল মিসনদগীসু মসিনা মতেং ফংলগনি। ঐখোয়না এক্সপোর্ত তৌগদৌরিবা অদু ক্বালিতী লৈহন্নবগীসু পোলিসীগা লোয়ননা ৱারেপশিং লৌরে।
মরূপশিং,
মেক ইন ইন্দিয়া, ভারতকী ইকোনোমীবু, লৈবাক্কী পিকপদগী পিক্লবা ইন্তরপ্রিনরশিংগীদমক য়াম্না চাউবা মতেং পাংলি। অখন্ননা ইলেক্ত্রোনিক্স আইতেমশিংগী মেনুফেকচরিংদদি ভারতনা মমাংদা অমুক্তা ওইখিদ্রিবা মওংদা খুমাং চাওশিল্লে। চহী ২০১৪দা লৈবাক অসিদা লুপা কোতি লাখ ১ লিশিং ৯০গী ইলেক্ত্রিক আইতেমশিং পুথোকখি। মমাংগী চহীদা মসি হেঙ্গৎতুনা লুপা কোতি লাখ ৪ লিশিং ৬০ ফাওবা য়ৌখ্রে। খন্দুনা য়েংবীয়ু, ২০১৪দা ভারত্তা মোবাইল শাবা কম্পেনী অনি খক্তমক লৈরম্মি। ঙসিদি ভারত মালেমগী অনিশুবা খ্বাইদগী চাউবা মোবাইল পুথোকপা লৈবাক ওইরে।
মরূপশিং,
৫ ত্রিলিয়ন দোলরগী পান্দম্বু ফংবদা ইনফ্রাস্ত্রকচরদা ১০০ ত্রিলিয়ন দোলরগী পান্দম্বু ফংবদা ইনফ্রাস্ত্রকচরদা লুপা কোতি লাখ ১০০গী ইনবেস্তমেন্তদগীসু অচৌবা মতং ফংলগনি। লৈবাক পুম্বদা ৬৫০০দগী হেনবা প্রোজেক্তশিংদা পায়খৎলিবা থবক্না মদুগী মনাক্তা লৈবা লমদমদা ইকোনোমী হেঙ্গৎহল্লগনি। হোৎনরিবশিং অসিগী মরক্তা, মসিমসু অচুম্বনি মদুদি ভারতকুম্লবা ইমর্জিং ইকোনোমীগুম্বা লৈবাক্কী মাংদা শিংনরকপসু য়াম্মি। অকা-অকুমসু লাকই অদুগা গ্লোবেল কন্দিসনগী ইম্পেক্তসু হেন্না মায়োক্নবা তাই। ভারতনা মতম পুম্নমক্তা অসিগুম্লবা ফিভমশিংবু নান্থোক্তুনা লাক্লি অদুগা তুংদসু তৌদুনা লৈগনি। ঐখোয়না ফিভমশিং ফগৎহল্লি, লেপ্পা লৈতনা ৱারেপ লৌরি। বজেতকী মতুংদসু ফাইনান্স মিনিস্তর নির্মলা জীনা লেপ্পা লৈতনা তোঙান-তোঙানবা শহরশিংদা স্তেকহোল্দরশিংগা উন্নরি। মসিগী মরমদি ঐখোয়না পুম্নক্কী সজেসনশিং লৌরি, পুম্নমকপু পুরদুনা চৎমিন্নরি।
মরূপশিং,
ইকোনোমীবু মপাঙ্গল কনখৎহন্নবা হোৎনরিবশিংগা লোয়ননা মসিগা শম্নরিবা মরুওইবা হিরম অমগা লৈরি, লৈবাক অসিদা ইকোনোমিক এক্তিবিতীগী মথি ফোংলক্লিবা অনৌবা সেন্তরশিং। অনৌবা সেন্তরশিং অসি করিনো? মসিগী সেন্তরশিং অসিদি ঐখোয়গী অপিকপা শহর, তায়র-২, তায়র-৩ শহরশিংনি। লাইরবা মশিং য়াম্না শহরশিং অসিদা লৈরি, খ্বাইদগী য়াম্বা মিদল ক্লাস শহরশিং অসিদা লৈরি। ঙসি লৈবাক অসিগী দিজিতেল ত্রেঞ্জেক্সন তঙ্খাই হেন্না অপিকপা শহরশিংদা তৌরি। ঙসি লৈবাক অসিদা রেজিস্তার তৌরিবা স্তার্তঅপ পুম্নমক্কী তঙ্খাই হেন্না তায়র-২, তায়র-৩ শহরশিংদনি। মরম অসিনা অহানবা ওইনা সরকার অমনা অপিকপা শহরশিংগীসু ইকোনোমিক গ্রোথতা পুক্নিং চংলি। অহানবা ওইনা সরকার অমনা অসিগুম্লবা অপিকপা শহরশিংগী অচৌবা মংলানশিংবু ইকায় খুম্নরি। ঙসি, অপিকপা শহরশিংগী অচৌবা মংলানশিংবু, অনৌবা নেস্নেল হায়ৱে অমসুং এক্সপ্রেসৱেনা মতোল লোমহল্লি। উরানগী মখাদা শেমগৎলিবা অনৌবা এয়ারপোর্ত, অনৌবা এয়ার রুতশিংনা মখোয়বু এয়ার কনেক্তিবিতীগা শম্নহল্লি। শহরশিং অসিদা মশিং থিঙমদ্রবা পাসপোর্ত সেবা কেন্দ্র হাংদোকহল্লে।
মরূপশিং,
লুপা লাখ ৫ ফাওবগী চাগাদা জীরো তেক্সকী কানবসু অপীকপা শহরশিংনা খ্বাইদগী য়াম্না ফংলি। এম.এস.এম.ই.শিংবু হেঙ্গৎহন্নবগীদমক, ঐখোয়না লৌখিবা ৱারেপ অদুগী কানবসু শহরশিং অসিগী ইন্তরপ্ররিনরশিংনা খ্বাইদগী য়াম্না কানবা ফংলি। হৌজিক বজেত্তা সরকারনা অনৌবা মেদিকেল ইনফ্রাস্ত্রকচরগা মরী লৈননা লাউথোকখিবা অদুদসু খ্বাইদগী য়াম্না কানগদৌরিবা অসি শহর মচাশিং অসিদনি।
মরূপশিং,
ঐখোয়গী লৈবাক্তা লম অমা লৈরি মদুদা খুৎ থিংজিনবদা সরকারশিং য়াম্না নীংজিং-মাংজিন্নরি। মদুদি তেক্স সিস্তেম অসিনি। চহী কয়াদগী মসিদা করিগুম্বা মখল অমত্তগী অহোংবা লৈত্রি। হৌজিক ফাওবদা ঐখোয়গী লমদম অসিদা প্রোসেস সেন্ত্রিক তেক্স সিস্তেম খক্তমক চৎনরক্লি। হৌজিক মদু পিপল সেন্ত্রিক ওন্থোক্লি। ঐখোয়না হোৎনরিবা অসি তেক্স/জি.দি.পি. রেসিওদা হেঙ্গৎলকপগা লোয়ননা মীয়ামদা তেক্সকী পোৎলুম হন্থহনবসুনি। জি.এস.তি., ইনকম তেক্স অমসুং কোর্পোরেৎ তেক্স, মায়কৈ খুদিংদা ঐখোয়গী সরকারনা তেক্সতা ককথরে। হান্নদি গুদস এন্দ সর্বিসেস তেক্স রেৎ ১৪.৪ পর্সেন্ত ওইরম্মি, মদু ঙসিদি হন্থদুনা ১১.৮ পর্সেন্ত ওইরে।
মরূপশিং,
তেক্সপেয়র চার্তর চৎনহনবা খনগৎলবা লৈবাক খরদা ভারত শরুক য়ারগনি। চার্তর অসিনা তেক্সপেয়রগী অধিকারশিং ময়েক শেংনা দিফাইন তৌগনি। হৌজিক ভারত্তা তেক্স হরাসমেন্ত হৌখ্রবা মতমগী ৱাফম ওইরগনি। অনৌবা তেক্নোলোজীগী মতেংনা হৌজিক লৈবাক অসি তেক্স এনকরেঞ্জমেন্তকী মায়কৈদা মাংলোমদা চংশিল্লি। সরকারনা লৈবাক অসিবু তেক্স কম্পিয়েন্ত সোসাইতী ওইহন্নবগীদমক লেপ্পা লৈতনা হোৎনরি। হৌখিবা চহী ৪-৫দা লৈবাক অসিনা মসিদা খুমাং য়াম্না চাউশিল্লে অদুবু য়াম্না শাংনা চৎকদবা ৱাৎলি।
মরূপশিং,
সরকারনা ফংলিবা তেক্স অসি লৈবাক অসিদা মীয়ামগী কান্ননবা স্কিমশিংদা শিজিন্নরি, ইনফ্রাস্ত্রকচর ফগৎহনবদা শিজিন্নরি। তেক্সকী পৈশা অসিনা লৈবাক অসিদা অনৌবা এয়ারপোর্তশিং শেমগৎলি, অনৌবা হায়ৱেশিং শেমগৎলি, মেত্রোগী থবক পায়খৎলি। লায়রবশিংদা লেম্না গ্যাস কনেক্সন, লেম্না মৈগী কনেক্সন, অহোংবা মমলদা রেসন, গ্যাস সবসিদী, পেত্রোল দিজল সবসিদী, স্কোলরশিপ, পুম্নমক অসি সরকারনা তৌবা ঙম্লি, মরমদি লৈবাক অসিগী রেস্পোন্সিবল সিতিজন খরনা পুকচেল শেংনা তেক্স পীরি। মরম অসিনা, লৈবাক অসিগী মীওই খুদিংমক্না মখোয়গী থৌদাং অদু লৌবা য়াম্না দরকার ওই। তেক্স থিবা য়াবা মীওইশিংনা পুকচেল শেংনা তেক্স থিগদবনি।
২০২২দা নিংতম্বগী ৭৫শুবা চহী পালন পাংথোক্লগনি। ইশাগী সংকল্প অসিগুম্লবা অথোইবা কুমহৈ অসিগা শম্নহনবীয়ু, ইশাগী থৌদাংশিং অদু অসিগুম্লবা অথোইবা থৌরম অসিগা শম্নহনবীয়ু। ঐহাক্না মীদিয়া জগৎতসু হায়জরি। নিতম্লবা ভারত শেনগৎপদা মীদিয়াগী য়াম্না চাউবা থৌদাং লৈরি। হৌজিক চাউখৎপা ভারত শেমগৎপদসু মীদিয়ানা মখোয়গী থৌদাং হেন্না পাকথোক চাউথোকহনগদবনি। মীদিয়ানা স্বচ্ছ ভারত, সিঙ্গল য়ুজ প্লাস্তিক্তা এৱ্যারনেস কেম্পেন চত্থখিবা অদুগুম্না লৈবাক্কী শিংনরকপশিং, দরকার ওইবশিংগী মরমদসু কেম্পেন চত্থদুনা লৈগদবনি।
মরূপশিং,
২১শুবা চহীচাবু ভারতকী চহীচা ওইহনবদা য়াম্না চাউবা থৌদাং লৈরি, ইশা-ইশাগী থৌদাং লৌনবগী। নাগরিক অমা ওইনা লৈবাক অসিনা ঐখোয়দা থম্লিবা থাজবা অদু মপুং ফাহনবা মতমদা লৈবাক অসিনসু অনৌবা থৌনা, অনৌবা ইনর্জী ফংলি। অনৌবা ইনর্জী অসিনা, অনৌবা থৌনা অসিনা ভারতপু দিকেদ অসিদসু অনৌবা অৱাংবা থাক্তা পুখৎলগনি। দিকেদ অসি ভারতকী স্তার্তঅপকী ওইরগনি। দিকেদ অসি ভারতকী গ্লোবেল লিদরশিংগী ওইরগনি। দিকেদ অসি ভারত্তা ইন্দস্ত্রী ৪.০গী অচেৎপা নেতৱার্ক্কী ওইরগনি। দিকেদ অসি, রিন্যুয়েবল ইনর্জী শিজিন্নদুনা চৎলিবা ভারতকী ওইরগনি। দিকেদ অসি ৱাতর ইফিসেন্ত অমসুং ৱাতর সফিসেন্ত ভারতকী ওইরগনি। দিকেদ অসি ভারতকী শহর মচাশিংগী ওইরগনি, ঐখোয়গী খুঙ্গংশিংগী ওইরগনি। দিকেদ অসি, মংলান কোতি ১৩০গীনি, এস্পিরেসনশিংগীনি। ঐহাক্না থাজৈ মদুদি দিকেদ অসিবু ভারতকী দিকেদ ওইহন্নবগীদমক সজেসন কয়া অমা তাইমস নাউগী অহানবা মীফমদগী ফংলগনি। অহেনবা ক্রিতিসিজমগা লোয়ননা, সজেসনশিংগা লোয়ননা, ৱাফম খরা ইথৌদাংসু ওইরগনি।
ময়াম পুম্নমকপু অমুক হন্না য়াইফ-পাউজেল পীজরি।
হন্না-হন্না থাগৎচরি।
