“30th and 31st October are a source of great inspiration for everyone as the former is the death anniversary of Govind Guru ji and the latter is the birth anniversary of Sardar Patel ji”
“India’s development story has become a matter of discussion around the world”“Whatever resolution Modi takes, he fulfills it”“Scope of irrigation in North Gujarat has increased manifold in 20-22 years owing to irrigation projects”“Water conservation scheme started in Gujarat has now taken the form of Jal Jeevan Mission for the country”“More than 800 new village dairy cooperative societies have also been formed in North Gujarat”“Unprecedented work of linking our heritage with development is being done in the country today”ভারত মাতা কী জয়,
ভারত মাতা কী জয়,
করি তৌরে, অদোমগী খোঞ্জেল অম্বাজী ফাওবা য়ৌনবা খরা হৌনা লাউবীয়ু।
ভারত মাতা কী জয়,
ভারত মাতা কী জয়,
ফম্পাক অসিদা ফম্বীরিবা গুজরাতকী মীয়াম্না নুংশিবা মুখ্য মন্ত্রী শ্রী ভুপেন্দ্র ভাই, অতোপ্পা মন্ত্রি পুম্নমক, সন্সদকী ঐগী মরুপশিং অমসুং গুজারকী BJPগী প্রসিদেন্ত ভাই সি আর পাতিল, MP অমসুং MLA পুম্নমক। তহশীল পঞ্চায়ত অমসুং জিলা পঞ্চায়তকী সদস্য পুম্নমক অমসুং মশিং য়াম্না লাকপীরিবা ঐগী নুংশিরবা গুজরাতকী ইমুং মনুংশিং।
অদোমগী খাক্রিয়া তপ্পা কমদৌবীরি? অহানবদা ঐহাক্না গুজরারকী মুখ্য মন্ত্রী অমসুং সরকারবু ঐহাক্না মফম অসিদা নখোয়গী নরক্তা লাক্নবগী খুদোংচাবা পীবীবগীদমক থাগৎচরি। ঐগী স্কুলগী মরুপশিংগী শক্তমশিং উবা ফংজবা অসি ঐগী লাইবক ফবা মীকুপ অমা ওইরি। নখোয়গী নকশিন্নবা ফংজবা অমসুং নখোয়গী দর্শন তৌবা ফংজবা, নখোয়গী য়ুমগী শুমাংদা লাকপা ফংজবা, অরিবা হৌখ্রবা মতমশিংসু নৌহৌনা নীংশিংহল্লি, লমদম অসিগী অমসুং ঐবু শেম্বীরকপা মীয়ামগী ঐনা লমন তোনশিল্লিবা অসি শীংনবা খুদোংচাবা ফংবা খুদিং ঐগী ৱাখলনা অপেনবা পোকই। ঙসিগী মীফম অসি অরোমদা ঐগী লমন শীংনবা খুদোংচাবা অমা ওইরি। ঙসি ওক্তোবর 30 অমসুং হয়েং ওক্তোবর 31 নুমিৎ অনিমক ঐখোয় পুম্নমক্কীদমক য়াম্না ইথোল পীনীংঙাই ওইবা নুমিৎশিংনি, ঙসি অসি নীংতম ইহৌদা ত্রাইবেলশিংবু লমজিংবীখিবা অমসুং ব্রিতিশরশিংগা মুক্নখিবা গোবিন্দ গুরুজীগী মপোক কুমওন তারি। অমসুং হয়েং অসিনা সরদার বল্লভভাই পতেলগী মপোক কুমওন তারি। ঐখোয়গী মীরোলনা সরদার সাহেবতা চাউনা ইকাই খুম্নবা উৎখি, মালেমগী খ্বাইদগী ৱাংবা মীতম, স্তেচু ওফ য়ুনিতী শাখি অমসুং তুংদা লাক্কদবা মীরোলশিংদা সরদার সাহেবকী মীতম অসি উরগনি, মখোয়গী কোক নোন্না চৎলরোই, মখোয়না কোক ৱাংনা থাংগৎতুনা চৎলগনি। গুরু গোবিন্দজীনা মাগী পুন্সি চুপ্পা ইমা ভারতকী নীংতম ইহৌগীদমক অমসুং ত্রাইবেল খুন্নাইগী শেবগীদমক কত্থোককী, শেবা অমসুং লাইবক নীংবা অসি অদুক্কী মতিক হেনখিবনা কত্থোকপগী চৎনবী অমা শেমখি। অমসুং মহাক মশামক্না কত্থোকপগী খুদম ওইখি, মমাং চহিদা ঐগী সরকারনা জাতিগী থাক্তা মধ্য প্রদেশ-গুজরাতকী ত্রাইবেলনা তাবা মফমদা গুরু গোবিন্দজী নীংশিবা ওইবা মনগর ধাম শাখি অমসুং মসিবু অচৌবা খুদোংচাবা অমা ওইনা লৌখি।
ঐগী নুংশিরবা ইমুং-মনুংশিং,
মফম অসিদা লাক্ত্রিঙৈ মমাংদা ঐহাক্না মা অম্বেগী খুয়া খাদা থৌনিবগী খুদোংচাবা ফংজখি, মা অম্বেগী ফজবা অসি উবদা ঐহাক্না নুংঙাইবা পোকই, মমাং চয়োলদা নোয়না শেংদোকপগী থবক চত্থখি হায়না ঐহাক্না থাজৈ। খেরালু নত্ত্রগা অম্বাজী কৌগেরা নখোয়না অমসুং নখোয়গী সরকারনা স্বচ্ছতাগী কেম্পেন চত্থবগীদমক ঐহাক্না থাগৎচরি। মা অম্বেনা নখোয়বু মতম চুপ্পদা থৌজালবীবা ওইরসনু। মফম অদুদা গব্বর চীংবু শেমগৎলিবা মওং, মফম অদুদা উবা ফংলিবা ফজবা অমসুং ঙরাং ঐহাক্না মন কী বাত্তসু পনখ্রে। অমুক্তা ওইখিদ্রিবা মওংদা থবক পাইখৎলি। ঙসি মা অম্বরগী থৌজালশিংগা লোয়ননা ঐহাক্না লুপা করোর লিশিং 6রোমগী চাউখৎ-থৌরাংগী প্রোজেক্তশিং শঙ্গাবগী খুদোংচাবা ফংখি। প্রোজেক্ত অসিনা লৌমীশিংবুসু শক্তি পীরগনি। নোর্থ গুজরাতকী চাউখৎ-থৌরাংগীদমক লৈবাক্কা শম্নহন্নবা কন্নেক্তিবিতী নীংথিনা শীজিন্নরগনি। মেহসানাগী অকোইবদা লৈরিবা জিলা পুম্নমক, পাতন, বনস্কন্থা, সবরকন্থা, মহিসগর, খেদা, অহমদাবাদ, গান্ধীনগর ওইরবসু চাউখৎ-থৌরাংগী থবক অসিনা কান্নবা পীরগনি। মীয়ামগী নুংঙাইনবা থবক খোঙজেল য়াংশিনবা অসিনা মরম ওইরগা সেক্তর অসিগী চাউখৎ-থৌরাংনা হকথেংননা কান্নবা পীরগনি। ঐহাক্না চাউখৎ-থৌরাংগী থবক অসিগীদমক গুজরাত মীয়ামদা নুংঙাইবা ফোঙদোকচনীংই।
ঐগী নুশিরবা ইমুং-মনুংশিং,
ঙসি ভারতকী চাউখৎ-থৌরাং অসি মালেম পুম্বদা ঙাংনরি। মসি থোক্লি নত্ত্রগা থোক্তে হৌনা হায়বীয়ু। মালেম পুম্বদা ভারগী চাউখৎ-থৌরাংগী মরমদা ঙাইনৈ নত্ত্রগা ঙাংনদে। ভারতনা হন্দক্তা থাদা চন্দ্রয়ান থাখিবা নখোয়না উবা ফংখি। ভারতনা য়ৌখিবা অদু মালেমগী কনাগুম্বা অমত্তা য়ৌবা ঙমখিদে। G-20 অসি ভারতনা মরম ওইরগা ঙাংনরিবা অসিসুম্না মমাংদা অমুক্তা ঙাংনখিদ্রি। G-20গী মরমদা খঙদবা, 20-20 ক্রিকেৎকী মরমদা খঙদবা মীওই অমত্তা লৈরমলোই। G-20গী মরমদা মীয়াম্না খঙনবা এনভাইর্নমেন্ত অমস শেমখি। G-20দা ভারতকী কাচিন কোয়া খুদিংদা মালেমগী লুচিংবশিংনা চখি অমসুং অরোইবদা দিল্লীদা ভারতকী মতিক ময়াই, ভারতকী মীয়ামগী তৌবা ঙম্বশিং উবা ফংখি। মালেমনা অঙকপা পোক্নখি, মালেমগী লুচিংবশিংনা ভারতকী মরমদা খঙনীংবা পোকখি। মালেম পুম্বনা ভারতকী শক্তি অমসুং তৌবা ঙম্বশিং উবা ফংখি। ঙসি ভারত্তা মোদর্ন ইনফ্রাস্ত্রকচর হেন্না শেমগৎলক্লি। লম্বী, রেল নত্ত্রগা এয়রপোর্ত ওইরবসু ঙসি ভারত অমসুং গুজরাতকী কাচিন কোয়া খুদিংমক্তা ইনভেস্তমেন্ত তৌরি। চহি কয়াগী মমাংদা মসিগী মমি উরমদে। ঙসি অসিগুম্বা অচৌবা থবক অমা পাইখৎলি অদুবু ইচেল-ইনাওশিং, নখোয়না ৱাফম অমদি মুম্না খঙই মদুদি অচৌবা চাউখৎ-থৌরাংগী থবকশিং পাইখৎলি, ৱারেপশিং অসি থৌনা লৈনা লৌরি অমসুং গুজরাত্তা খোঙজেল য়াংনা খুমাং চাউশিল্লি। অমসুং নখোয়না খঙই মদুদি নখোয়গী নরেন্দ্র ভাইনা লাকপনি প্রধান মন্ত্রীনা লাকপা নত্তে হায়না ফাওরমগনি। মসিদগী হেন্না নুংঙাইবা করিবু লৈরুনি নখোয়না খঙই মদুদি নরেন্দ্র ভাইনা ৱাশক অমা শকখ্রবদি মদু ঙাকই। অমসুং নখোয়না ঐবু য়াম্না মুন্না খঙই মদুদি ঙসি লৈবাক অসিদা চাউখৎ-থৌরাং খোঙজেল য়াংনা চংশিল্লি অমসুং মালেমদা মসিবু ঙসি থাগৎনরি অমসুং খন্নরি। মসিগী শক্তি অসি করিদা য়ুম্ফম ওই নখোয় খঙব্রা? মালেমদা ঙসি থাগৎনরি। মসিগী হৌরফম নখোয় খঙব্রা? মসি লৈবাক্কী মীওই করোর কয়াগী শক্তি অদুনি, তংদু লৈতবা সরকার অমা শেমহনখিবনা ওইরি। মতম শাংনা গুজরাত্তা তংদু লৈতাবা সরকার অমা লৈবা অমসুং মপুং ফানা মেজোরিতী ফংবা সরকার অমা লৈবা অসি গুজরাত্তা ঐখোয়না থেংনখ্রে মসিনা মরম ওইদুনা ঐখোয়না অমগী মথংদা অমা ৱারেপশিং লৌবা ঙমখি অমসুং গুজরাতনা মসিদগী কান্নবা ফংখি। নেচরেল রিসোর্সশিংগী অৱাৎপা লৈবা মফমদা করিগুম্বা কনাগুম্বনা মচানুপী থাজগদবা ওইরবদি মহাক্না শরুক 100 থোক্না খনগনি। ঈশিং ফংদবগী অৱাবা মায়োক্নরিবা মফম অসি ঙসিদি চাউখৎপগী লম্বীদা চংশিল্লি। মতম অমদা অকোইবা দাইরী নত্তনা অতোপ্পা মফম অমত্তা লৈরমখিদে। অমসুং ঙসিদি ঐখোয়গী অকোইবদা চাউখৎ-থৌরংগী অনৌবা মফম কয়া লৈরে, মতম অদুদি থক্নবা ঈশিংগী অৱাবা মায়োক্নরমখি। ঈথৈ লৌখোংগী ঈশিং অসি নোর্থ গুজরাতকী অয়াম্বা মফমফা অৱাবা মায়োক্নরমখি। অমসুং ফুত লিশিং তরানিথোইগী মখাদা ঈশিং লৈখিবনা ত্যুবৱেলসু ফুনখি, ত্যুবৱেল অদু হঞ্জিন-হঞ্জিন থীংজিনবা মথৌ তাখি অমসুং মোতোর অদু হঞ্জিন হঞ্জিন য়ারক্তে। অৱাবা কয়া মায়োক্নদুনা লাকখি অমসুং ঐখোয়না অৱাবা অসি কোকহনবা ঙমলে। মমাংদা লৌমিশিংনা অৱাবগা লোয়ননা মহৈ-মরোং থারমখি। নোর্থ গুজরাতকী ফীভমদা অহোংবা লাকহন্নবা ঐখোয়না ৱারেপ লৌখি। ঐখোয়না নোর্থ গুজরাত নৌনা শেমগৎকনি, তুরেল চাউখৎহনগনি, অমসুং ত্রাইবেলগী মফম শেমগৎকনি। অমসুং মসিদা মরু ওইবা থবক অমা তৌখি, কন্নেক্তিবিতীদা মীৎয়েং চংখি। ৱাতর সপ্লাই, ইরিগেসন ওইরবসু মদুদা মীৎয়েং চংখি। লৌউশিংউগী চাউখৎ থৌরাংগীদমক শক্তি মপুং ফানা শীজিন্নখি। মসিনা মরম ওইদুনা গুজরাত অসি ইন্দস্ত্রিএল দিবেলপমেন্তগী মাইকৈদা তপ্না-তপ্না চংশিল্লক্লি। অমসুং ঐখোয়গী পান্দম অসি নোর্থ গুজরাতকী মীয়ামদা মফম অসিদা থবক ফংহনবনি। ঐহাক্না লাইরিক তম্লিঙৈ মতমদা ঐখোয়না খুঙ্গংদা লৈরিবা মীওই অমা হেক্তদা করি তৌরি হায়না হঙবদা ওজা ওইরি হায়না খুমলকই। মহাক অদুনা কচ্ছতা থবক তৌই হায়না খুমলকখি। খুঙ্গংশিং অদুদগী ওজা অনি নত্ত্রগা মঙানা গুজরাতকী তোর্বান মনাক্তা লৈবা মফম অমদা থবক তৌরমখি। মরমদি মফম অসিদা থবক ফংলমদে ঙসিদি ইন্দস্ত্রীগী ফিরালনা ৱাংনা পাইরি। নর্মদা অমসুং মাহি তুরেলগী ঈশিংনা ঐখোয়গী লৌবুকশিংদা হৌজিক্তি য়ৌরে। ইমা নর্মদাগী মীংখৈ শোনরম্বা অদু ঙসিদি ইমা নর্মদানা য়ুমথোং খুদিংদা য়ৌরে। ঙসি চহি 20-25গী নহারোলনা মখোয়গী মমা-মপাশিংনা মখোয়গী পুন্সিদা অৱাবা কয়া য়াম্না মায়োক্নরম্বগে খঙলরোই। ঙসি ঐখোয়না খুদোংচাদবা অমত্তা লৈতবা গুজরাত অমা শেম্বা ঙম্লে। সুলম-সুফলম স্কিম অসিবু নোর্থ গুজরাতকী লৌমীশিংনা থাগৎনরকখি। সুজলম-সুফলমগীদমক মখোয়না লম পীরকখি। কেনেল কিলোমিতর 500গী ময়া শেমখি। ঈশিং চেনবা হৌদুনা ৱাতর লেবেল ৱাংখৎলকখি। সবরমতিগী ঈশিংনা মফম অসিগী মীয়ামদা য়ৌহন্নবা অঙম্বা থাক্তা হোৎনখি। ঐখোয়না বরেজ তরুক শাখি, ঐখোয়না মখোয়গীদমক থবক পাইখৎখি অমসুং ঙসি বরেজ অমা শঙ্গাবগী থবক পাঙথোক্লি। ঐখোয়গী লৌমী ইচিল ইনাওশিং অমসুং খুঙ্গং চা কয়ানা মসিদগী চাউনা কান্নবা ফংলগনি।
ঐগী ইমুং-মনুংশিং,
ইরিগেসন স্কিমশিং অসিনা থবক তৌখি অদুবু হৌখিবা চহি 20-22গী মমাংদগী নোর্থ গুজরাত্তা ইরিগেসনগী স্কোপ অসি শরুক কয়া হেনগৎলকখি। অমসুং ঐহাক্না নুংঙাইবা পোকই মরমদি ঐহাক্না নোর্থ গুজরাতকী মীয়ামদা ঐখোয়না স্প্রিঙ্কল ইরিগেসন তৌগনি হায়না অহানবা লাউথোকখিবদা মীয়াম্না ঐঙোন্দা য়াম্না শানখি, মসিদা করি তৌগদোইনো সর হায়না হায়রমখি। হৌজিক্তি নোর্থ গুজরাতকী জিলা খুদিংমক্না স্প্রিঙ্কল ইরিগেসন, মাইক্রো ইরিগেসন অমসুং অনৌবা তেক্নিকশিং পাইখৎলি অমসুং মসিনা মরম ওইদুনা নোর্থ গুজরাতকী লৌমীশিংনা মহৈ মরোং মখল কয়া থবা ঙমলে। ঙসি বনাসকান্থাদা লম তাকা 70রোম মাইনর ইরিগেসন তৌরি। গুজরাতকী অকংবা রিজন পুম্বনা ইরিগেসন অমসুং অনৌবা তেক্নোলোজীগী মতেংনা কান্নবা ফংলি। অৱাবা কয়াগা লোয়ননা হিংলমখিবা অমসুং অৱাবা ফীভমদা মহৈ-মরোং থারমখিবা লৌমীশিংনা ঙসিদি গেহু, কাস্তর, অমসুং চানা থারি অমসুং অনৌবা মহৈ-মরোং থানবা মাইকৈদা চংশিল্লি। অমসুং রবীগী মহৈ-মরোংশিং থাবা হৌরে অমসুং মহাক্কী ফেন্নেল, জীরা অমসুং ইদবগোলবু মফম খুদিংমক্তগী থাগৎনরকখি। কোবিদকী মতুংদা মালেমদা পোৎ অনিগী মরমদা খন্নখি অমনা ঐখোয়গী য়াইঙং অমসুং অতোপ্পা অদুনা ঐখোয়গী ইসবগোল। ইসবগোলগী চাদা 90 অসি ঙসি নোর্থ গুজরাত্তা প্রোসেস তৌই। মীরৈবাকশিংদগী ইসবগোল অসি পাম্নরি। মীয়াম্না ইসবগোল শীজিন্নবসু হেনগৎলক্লি। ঙসি নোর্থ গুজরাতনা উহৈ, মনা-মশিং অমসুং অলুশিং পুথোকপদা খুমাং চাউশিল্লি। অলু, কজর, হৈনৌ, হৈক্রু, কম্ফোই, পুংথোন, চমপ্রা কয়া লৈখ্রে। ঐখোয়না মখোঙদগী হৌনা থবক পাইখৎখি মসিনা মরম ওইদুনা নুংঙাইবা পুন্সি অমা হিংবা ঙম্লি। নোর্থ গুজরাতকী অলু অসি মালেমনা পাম্নরি। ঐহাক্না মফম অসিদা লৈরিঙৈ মতমদা সেন্ত্রেল কম্পনীশিংনা লাকখি, ঙসি নোর্থ গুজরাত্তা এক্সপোর্ত তৌবা য়াবা ক্বালিতীগী অলুশিং পুথোক্লি। ঙসিদি ফ্রেঞ্চ ফ্রাইস অমসুং মাগী প্রদক্তশিং অসি মপালদা চৎপা হৌরে। ঙসি দিসাগী অলু, ওর্গানিক ফার্মিংগী হব ওইরক্লি অমসুং মসিগী অখন্নবা দিমান্দ লৈ। বনাসকান্থাদা অচৌবা অলুগী প্রোসেসিং প্লান্তশিং ইনস্তোল তৌখি, মসিনা ঐখোয়গী লৈঙোইগী লমদম অসিদা কান্নবা পীরি। মহেসানাদা শাখিবা এগ্রো ফুদ পার্ক অসিনা বনাসকান্থাদা লৈবা মেগা ফুদ পার্ক শাবগী থবক খুমাং চাউশিনহল্লি।
ঐগী ইমুং-মনুংশিং,
গুজরাত্তা ঐগী ইমা-ইপানা মকোক্তা ঈশিংগী চফু পুদুনা কিলোমিতর 5-10 চৎলমখি। ঙসি য়ুমথোং খুদিংদা তোতি ঈশিং লাকপা হৌরে, ঐগী গুজরাতকী ইমা-ইপাদগী খক্তা থৌজাল ফাবতা নত্তনা ভারত পুম্বদা লৈরিবা ইমা-ইপাশিংগী থৌজাল ফংজরি। ঈশিংগুম্বা তঙাই ফবদবশিং, তোইলেৎ গুম্বা ফেসিলিতীশিং, জলক্রান্তিগুম্বা কেম্পেন অসিনা মাংদা চংশিনহল্লি। মসিগী সিস্তেম অসি ঐখোয়গী ইচে-ইচলশিংগী লমজিং মখাদা শেমগৎখি। য়ুমথোং খুদিংদা ঈশিং য়োকশিন্নবা কেম্পেন চত্থখি। মসিনা মরম ওইরগা গুজরাতকী ইমুংশিংদা ঈশিং সপ্লাই তৌবা ঙমখি, ভারতকী য়ুমশিংদা ঈশিং সপ্লাই তৌবগী থবক চত্থরি। ত্রাইবেলগী মফম ওইগেরা, চীংগী মফম ওইগেরা য়ুমথোং খুদিংদা ঈশিং য়োকশিনবগী কেম্পেন চত্থদুনা মীওই করোর কয়াগী পুন্সিদা অহোংবা পুরকপা ঙমখি।
ঐগী নুংশিরবা ইমুং-মনুংশিং,
দাইরী সেক্তরদা ঐগী ইচে-ইচলশিংগী থৌদাং চাউখি, ঐগী গুজরাত্তা দাইরীশিং চল্লাইরিবা অসি ঐগী ইমা-ইপা কয়ানা কন্না হোৎনরমখিবা অদুগী মহৈনি অমসুং দাইরী সেক্তর খুমাং চাউশিল্লকপনা ঙসি য়ুমগী ইনকমসু স্তেবল ওইবা ঙমলে। মসিদা ইমাশিং অমসুং ইচে-ইচলশিংনা চাউনা শরুক তমখি। মখোয়না লুপা করোর লাখ 50 রোমগী শঙ্গোমগী বিজিনেস লাইনা তৌবা ঙম্লি। অনৌবা বেতিনরী হোস্পোতাল কয়া নোর্থ গুজরাত্তা শাগৎলক্লি, মসিগী মরম অসি মাগী শক্তি অদু খঙবননি। ঐখোয়না শাশিংগী হকশেলদা মীৎয়েং চংলি অমসুং খ্বাইদগী ফবা সর্ভিস পীরি অমসুং ঐখোয়গী শা-শনশিংগী মিল্ক প্রদক্তিবিতী হেনগৎহল্লি। অমমরোমদা ঐখোয়না শন মরি থম্বগী মহুৎ মদুনা পীবা শঙ্গোম অদু শন অনিনা পুথোকপা ঙমহল্লি। হৌখিবা দিকেদ অনি অসিদা ঐখোয়না অনৌবা ভিলেজ দাইরী কোওপরেতিব সোসাইতী 800 হেন্না গুজরাত্তা শেমখি। ঙসি বনা দাইরী, দুধসগর দাইরী, সবর দাইরী ওইরবসু মসিনা মমাংদা অমুক্তা ওইখিদ্রিবা মওংদা খূমাং চাউশিল্লি। অমসুং লৈবাক অমসুং মালেম পুম্বদগী মীয়াম্না দাইরী মোদেল অসি য়েংবা লাক্নরি। শঙ্গোমগা লোয়ননা ঐখোয়না লৌমীশিংনা অতোপ্পা পোত্থোকশিং ফংজনবা অচৌবা প্রোসেসিং সেন্তরসু শারি।
ঐগী ইমুং-মনুংশিং,
দাইরী সেক্তরগী লৌমীশিংনা শা-শন অসি মখোয়গীদমক কয়া য়াম্না মগুন লৈবা লননো হায়বা খঙই অমসুং লৌমীশিংগী লাইবস্তোক অসি ঙাকশেন্নবা কোবিদ মনুংদা শা-শনগীদমক মোদীনা তীকা লেম্না ফংহনখি। নখোয়না নচানুপানা থবক অসি পাঙথোক্লি, মহাক্না মীওইবা খক্তা নত্তনা শা-শনশিংবু তীকা থাদোক্লি। অমসুং লুপা করোর লিশিং 15 চংনা শা-শনশিং লেম্না তীকা থাবগী থবক চত্থরি। মফম অসিদা লৌমীশিং অমসুং শা-শন মশিং য়াম্না লৈ মরম অসিদা ঐখোয়না মখোয়নদা মখোয়গী শা-শনশিং তীকা থাদোক্নবা হায়খি মসি মখোয়গী পুন্সিগীদমক য়াম্না কান্নগনি। মরুপশিং শঙ্গোম খক্তা নত্তনা শনথীসু করবার তৌগদবনি, মসিদগী লৌমীশিংনা ইনকম লাকহনগদবনি। গোবরধনগী অচৌবা থবক অমা পাইখৎলি। ঐখোয়গী বনাস দাইরীদা ঐখোয়না শনথীগী CNG প্লান্তসু ইনস্তোল তৌবা হৌখ্রে। গোবরধন প্লান্ত অসি ঙসি মফম খুদিংদা ইনস্তোল তৌরি। বাইওগ্যাস, বাইও CNGগী থবক হৌরি অমসুং লৈবাক অসিদা অচৌবা বাইও ফ্যুল কেম্পেন অমসু চত্থরি মসিনা মরম ওইরগা লৌমীশিংনা শাগী ৱেস্ততগীসু ইনকম ফংলগনি। ঐখোয়না শনথীদগী মৈ শুংনবা থবক্কী মাইকৈদসু চংশিল্লি।
ঐগী নুংশিরবা ইমুং-মনুংশিং,
নোর্থ গুজরাতনা ঙসি চাউখৎপগী পনখৈশিং য়ৌবা ঙম্বগী মরম অসি অয়ুক নুমিদাং খাইদনা চাউখৎ-থৌরাংগী থবকশিং পাইখৎপননি। দিকেদ খরগী মমাংদা এখোয়না নোর্থ গুজরাত্তা ইন্দস্ত্রী অমত্তা লাকপা ঙমলোই খলমখি অদুবু ঙসিদি বিরমগাম অপুনব মফমদা, মন্দলদগী হৌরগা বহুচরাজী ফাওবা লাক্তুনা মহেসানাগী মাইদা চংশিল্লকপা উবা ফংলি। নোর্থ গুজরাতকী মাইকৈদা লাক্তুনা রন্ধপুররোমদা চংশিল্লক্লি। য়েংবীয়ু ওতোমোবাইল ইন্দস্ত্রীনা মফম অসিদা পাকথোক চাউথোরক্লি। মন্দলগী অপুনবা ওতোমোবাইল ইন্দস্ত্রী অসিনা মরম ওইদুনা মতম অমদা অতোপ্পা মফমদা চৎনরম্বা অদু ঙসিদি মপালদগী নোর্থ গুজরাত্তা থবক্কীদমক লাক্নরি। চহি তরাগী মনুংদা ঐখোয়না ইন্দস্ত্রিএলাইজেসনগা লোয়ননা মাংদা চংশিল্লি। ঙসি ইন্দস্ত্রী অসি শরুক অনি ওইরে। মসিগা লোয়ননা ফুদ প্রোসেসিং, ফার্মাস্যুতিকেল্স, অমসুং ইঞ্জিনীয়রিং ইন্দস্ত্রীশিং মেহসানাদা দিবেলপ তৌবা হৌরক্লি। বনাসকান্থা অমসুং সবরকন্থানা সেরামিক্সকী মাইকৈদা চংশিল্লি। ঐহাক্না অঙাং ওইরিঙৈদা সরদারপুরগী লৈপাক অসি সেরামিক শাবগী লৌই হায়না তাখি। ঙসিদি থবক অদু মফম অসিদা ওইনা চত্থরি।
ঐগী নুংশিরবা ইমুং-মনুংশিং,
লাক্কদৌরিবা মতমশিংদা লৈবাক অসিনা গ্রীন হাইদ্রোজেনগী শকলোন্দা শক্তি লৈরবা মেদিয়মগা লোয়ননা মাংদা চংশিল্লিগনি। অমসুং মসিদা নোর্থ গুজরাতনা চাউনা শরুক তমগনি। মফম অসিদা অনৌবা থবক্কী খুদোংচাবশিং থোরক্লি। অমসুং মফম অসি মরু ওইবা সোলর ইনর্জী ওইনা শকখঙলি। নখোয়না মোধেরাদা সুর্য় গ্রাম উরম্লগনি অদুবু নোর্থ গুজরাতনা নুমিৎকী শক্তিগা লোয়ননা হৈশীংনা মাংদা চংশিল্লি। অহানবদা পাদনদা সোলর প্লান্ত অমা শাখি অমসুং মতুংদা বনাসকান্থাদা অমসুং হৌজিক্না মোধেরানা নোংমদা পুং 24 সোলর ইনর্জীনা চল্লাইরি। নোর্থ গুজরাতনা সুর্য় শক্তিগী শক্তিগী কান্নবা লৌরি। সরকারগী রুফতোপ সোলর পোলিসী, কনাগুম্বগী য়ুমথক্তা সোলর থমদুনা মশাগী য়ুমদা লেম্না মৈ ফংলগনি। অদুবু মৈ অসি সরকারদসু য়োনবা য়াগনি, মাইকৈ অসিদা থবক পাইখৎলি। মমাংদা শেল পীদুনসু মৈ ফংলমদে অদু গুজরাতকী মীয়াম্নদি মৈ য়োনবা য়ারি।
মরুপশিং,
ঙসি রেলৱেজকীদমক থবক কয়া পাইখৎলি। গুজরাতনা লুপা করোর লিশিং 5 হেনবগী প্রোজেক্তশিং ফংখি। মহেসানা-অহমদাবাদকী মরক্তা দেকিকেতেদ কোরিদোরগী অচৌবা থবক পাইখৎলি, মসিনা চাউনা কান্নবা ফংলগনি, মসিসু শঙ্গাখ্রে। মসিনা পিপাবা, পোর্বন্দর, জামনগরগী হীথাংফমশিংগী কন্নেক্তিবিতী হেনগৎহল্লি। অমসুং গুজরাতকী চাউখৎ-থৌরাংগী খোঙজেলসু হেনগৎলক্লগনি। লৌমীশিং, শা-শন লোইবশিং অমসুং ইন্দস্ত্রীশিংনা মসিদগী কান্নবা ফংলগনি মরমদি মফম অসিদা ইন্দস্ত্রী পাকথোক চাউথোক্নবা খুদোংচাবা খুদিংমক লাক্লি। নোর্থ গুজরাত্তা লোজিস্তিক্সকীদমক হব শাগনি, স্তোরেজকীদমক অচৌবা সেক্তরশিং শাগদবনি, মসিগীদমক চাউনা শক্তি পীরগনি।
ঐগী ইমুং-মনুংশিং,
হৌখিবা চহি 9দা 2500 কিমিগী ইস্ত অমসুং ৱেস্ত দিকেতেদ ফ্রৈত কোরিদোর শাবা লোইখ্রে। পেসেঞ্জর ত্রেন নত্ত্রগা গুদস ত্রেন ওইরবসু মীপুম খুদিংমক্না মসিদগী চাউনা কান্নবা ফংলি অমসুং মসিগী কান্নবশিং অসি অরোইবা স্তেসন ফাওবা ফংলগনি। ফ্রৈত কোরিদোরশিংগী কান্নবা অসি করিগুম্বা ত্রকশিং অমসুং তেঙ্করশিংনা লম্বীদা পুবদা চংলম্বা মতম অমসুং শেল অদু হন্থহল্লগনি। দেদিকেতেদ ফ্রৈত কোরিদোরনা অচৌবা গারীশিং অমসুং ত্রকশিং ত্রেনদা হাপ্পা য়ারগনি। বনাসতা শঙ্গোম পুবদা ত্রকনা রিৱারী য়ৌরি। মসিনা মতম ওইদুনা মতম কনবা ঙমখি, শঙ্গোল মাংবসু হন্থহন্দুনা লৌমীশিংগী ইনকম হেনগৎহল্লি। লৌমীশিংগী শঙ্গোমগী তেঙ্করশিংনা পালনপুর, হরিয়ানা অমসুং রিৱারী য়ৌরি।
মরুপশিং,
শরুক অনি হেন্না পাকথোক্লবা করোসন রোদ, বহুচারাজি রেলৱে লাইন অমসুং বিরমগম সমাখিয়ানি রেলৱে লাইন অসিনা মসিগী কন্নেক্তিবিতী অসিদগী কান্নবা ফংলগনি, ত্রেনশিংনা খোংজেল য়াংনা চেনবা ঙম্লগনি। মরুপশিং অৱাংথংবা গুজরাত্তা মাইগ্রেসন তৌবগী মপুংফানা ওইথোকপা লৈ, নখোয়গী য়ুমথংনবদা লৈরিবা কাশি অসি বাদনগরগুম্না মরুওইবা মফম অমা ওইরগনি, কাশিং অসি চাংদম্ননবা লৈত্রবা মফম অমনি, কাশিদা মীওই অমত্তা লাক্তবা মতম অমত্তা লৈখিদ্রি, মতম পুম্বদা মফম অসিদা মীওই কয়া তিন্দুনা লাক্লি, মসিগী মথংদা অমাং অতা থোকহনখিদ্রিবা বাদনগর অসি ওইগদৌরিবনি। মসি পুম্নমক অসি এক্সকেবেসন্দা ফংখিবনি, মালেম পুম্বগী মীওই কয়ানা লমকোইবা ওইনা লাক্কদৌরিবনি, ঐখোয়গী থবক্তি মসিগী তুরিজম অসিদগী রাজস্থান অমসুং গুজরাতপু শম্নহল্লিবা তরঙ্গা চিংশাং, অম্বাজি-অবু রোদতগী খুদোংচাবা লৌহৌবনি। মরুপশিং মসিগী রেলৱে লাইনশিং অসিনা লন্থুম কয়ামরুমদা অহোংবা পুরকপা ঙম্লগনি, মসি মফম অসিদগী পাকথোকপা হৌগদৌরিবনি। ব্রোদরিজ লাইন অসি মফম অসিদগী হকথেংননা দিল্লী য়ৌবা ঙমগদৌরিবনি। মসিনা লৈবাক অসিবু শম্নহনবা ঙমগদৌরিবনি, মসিনা মরম ওইরগা তরঙ্গা, অম্বাজি, ধরোই হায়রিবা তুরিজমগী মফম খুদিংমক্তা চাউখৎ থৌরাংগী পুরকপা ঙমগদৌরিবনি। মসিগী রেলৱে লাইন অসিনা ইন্দস্ত্রিএল দিভেলপমেন্ততা অমসুং মফম অসিগী তুরিজম সেক্তর চাউখৎহনবদা অচৌবা থৌদাং লৌগদৌরিবনি। মসিগা লোয়ননা অম্বাজি ফাওবা খ্বাইদগী ফরবা রেল কন্নেক্তিবিতী লৈবা ঙম্লগনি। দিল্লী, মুম্বাই অমসুং লৈবাক অসিগী মফম পুম্বদগী লাইনীংবা কয়ানা মফম অসিদা লাইনা লাকপা ঙম্লগনি।
ঐগী ইমুং-মনুংশিং,
ঐহাক্না কচ্ছকী মতাংদা ঙাংবদু নখোয়না নিংশিংলম্বা য়াই। কনাগুম্বা অমনা কচ্ছকী মতাংদা ৱারী শাবা পামদবা মতম অমা লৈরম্মি অদুবু ঙসিদি কচ্ছতা পাংথোক্লিবা রনোতসব অসিনা ধোর্দোগী মালেমদা সকিগী থৌরম পাংথোক্লি। মালেমগী খ্বাইদগী ফজবা খুঙ্গং অসিগী ধোর্দো অসি লমকোইবশিংনা পাম্নৈ। মসিগা লোয়ননা ঐখোয়গী নদাবেত অসিসু নুমিৎ খরনিগী মতুংদা পাংথোক্লগনি, মসি ঐখোয়না মাংলোমদা পুগদবনি। ঐহাক্না হাবনিংলিবদি ঙসি ঐহাক্না নখোয়গী মরক্তা তিনবা মতমদা, ঐহাক্না হৌগৎলক্লিবা জেনরেসন অসিগী মরক্তা তিনবা মতমদা গুজরাতকী অফবা তুংলমচৎ অমা পুরক্নবা ঐখোয়না ঙসি হোৎনরি। গুজরাতকী অফবা তুংলমচৎ অমগী, লৈবাক অসিগী অফবা তুংলমচৎ অমগীদমক ঐহাক্না ঐহাক্কী পোক্নফম লমদম, ঐহাক্না চাউজরকপা লৈপাক লৈহাউ অসিগী থৌজালগা লোয়ননা ঐহাক্না অনৌবা থৌনা অমগা লোয়ননা ঐহাক্না মমাংদা হোৎনখিবা অদুদগী শরুক কয়া হেন্না হোৎনগনি। ঐহাক্না চাউখৎ থৌরাংগী থবক অসি মমাংদা পাংথকখিবা অদুদগী হেন্না খোঙজেল য়াংনা পাইখৎকনি মরমদি নখোয়না নুংশিবীবা অমসুং থৌজাল অসি ঐহাক্কী থৌনা লিংজেলনি। গুজরাত অমসুং লৈবাক অসিগী মংলান অসি 2047দা লৈবাক অসিগী নিংখা তম্বগী চহি 100শুবা মতম লৈবাক অসি চাউখৎলবা লৈবাক অমা ওইহনবনি। মসি মালেমগী অচৌবা লৈবাকশিংগা চাংদম্নবা ঙমগদবনি। ঐখোয়না মসিগীদমক থবক পাইখৎপা হৌরে। মালেম অসিগী ঐহাক্কী মকোকথোংবশিং অমসুং মরী মতাশিং, ঐহাক্না নখৌবগী মরক্তা তিল্লরে, ঐহাক্না থৌনা লৈনা, অঙম্বা থাক্তা, কত্থোকপগা লোয়ননা থবক পাইখৎপা ঙম্নবা ঐহাকপু থৌজাল পীবীয়ু, মসিগী থাজবা অসিগা লোয়ননা ঐহাক্কা লোয়ননা হায়বীয়ু,
ভারত ইমানা য়াইফরে,
ভারত ইমানা য়াইফরে,
ভারত ইমানা য়াইফরে।
হন্না-হন্না থাগৎচরি।
