Quote“তামিল নাদুনা ভারতকী নেস্নেলিজমগী বেস্ত্যন ওইদুনা লাক্লি ”
Quote“আধীনম অমসুং রাজা জীগী লমজিং-লমতাক মখাদা ঐখোয়গী লিরবা তামিল কলচরদগী থৌজাল ফংলবা লম্বি অমা ঐখোয়না ফংলে- সেঙ্গোলগী কুত্থাংদা শক্তি থাংথবগী লম্বি”
Quote“১৯৪৭দা থিরুবাদুথুরাই আধীনমনা অখন্নবা সেঙ্গোল শেমখি। ঙসিদি য়ুগ অদুগী পিকচরশিং অদুনা তামিল কলচর অমসুং ভারতকী লাইবকপু মোদর্ন দেমোক্রেসী অমা ওইনা লৈরিবা নুংগী ওইবা অচেৎপা মরি অদুগী মতাংদা নিংশিংহল্লি”
Quote“আধীনমগী সেঙ্গোল অসিনা ভারতপু চহি চা কয়া মীনাই ওইরম্বগী খুদম-চাংদম পুম্নমক্তগী নিংখা তমহনবগী অহৌবনি ”
Quote“সেঙ্গোলনা নিংখা তম্লবা ভারতপু মীনাই ওইদ্রঙৈগী মমাংদা লৈরম্বা লৈবাক্কী মতম অদুগা পুনশিনহনখি”
Quote“সেঙ্গোলনা দেমোক্রেসীগী লাইশঙদা মশাগী মতিকচাবা মফম অদু ফংলরে”

নঅনৈৱরুক্কুম ৱনক্কম

ওম নম: শিৱায়, শিৱায় নম:!

হর হর মহাদেব!

খ্বাইদগী অহানবদা, আধীনম কয়ামরুম অমগা মরি লৈনবা ইকাইকুম্নরবআ সন্ত পুম্নমকপু ঐআক্না কোক নোন্দুনা ইকাইখুম্নবা উৎচরি। ঙসি ঐহাক্কী লৈফমদা নখোয় ময়াম্না লেংবীরকপা অসি ঐহাক্কী ওইনা য়াম্না লাইবক ফবনি। মসি ভগবান শিবকী থৌজালনি, থৌজাল অসিনা মরম ওইরগা ঐহাক্না শিবগী ভক্ত নখোয় ময়াম্বু অমুক্তদা উনবা ফংজরে। ঐহাক্না অনৌবা পার্লিয়ামেন্ত হাউস শঙ্গাবা মতমদা নখোয় ময়াম্না ইশা ওইনা লেংবীরক্তুনা থৌজাল পীনবীরগনি হায়বসিদা ঐহাক্না য়াম্না নুংঙাইবা ফাওই।

ইকাইখুম্নরবা সন্তশিং,

ঐখোয় পুম্নমক্না খঙই মদুদি ঐখোয়গী নিংতম লানদা তামিল নাদুনা য়াম্না চাউরবা থৌদাং লৌখি। ৱিরমঙ্গই ৱেলু নাচিয়ারদগী হৌরগা মরুদু মচিল মনাওশিং ফাওবা, সুব্রহমন্যম ভারতীদগী হৌরগা নেতাজী সুভাশ চন্দ্র বোসকা চৎমিন্নখিবা তামিল মীশিং ফাওবা, য়ুগ খুদিংদা তামিল নাদুনা ভারতকী নিংতম লানগী হৌরকফম ওইদুনা লাকখি। তামিল মীশিংগী থমোইদা হান্নদগীশু হৌনা ইমা ভারতিগী সেবা তৌখি, ভারতকী য়াইফনবগী ৱাখল্লোন লৈখি। অদুম ওইনমক, ভারতকী নিংতম লানদা তামিলশিংনা লৌখিবা থৌদাং অদুবু মশক খঙবীখিদবা অসি য়াম্না লাইবক থিবনি। হৌজিক্তি বি.জে.পি.না মসিগি হিরম অসিদা মরু ওইবা মিৎয়েং থম্বা হৌখ্রে। হৌজিক্তি লৈবাক অসিগী মীয়াম্না য়াম্না ফাওরবা তমিলগী চৎনবী অমসুং লৈবাক নিংবা তামিলনাদুদা করম্বা লিচৎ চৎখিবগে হায়বদু খঙবা হৌরে।

নিংতম্বা ফংলবা মতমদা, শক্তি খুৎশিন্নবা খুদম অদুগী মতাংদা ৱাহং অমা লাকখি। মসিগীদমক্তা ঐখোয়গী লৈবাক অসিদা তোঙান-তোঙানবা চৎনবীশিং লৈরকখি। তোঙান-তোঙানবা কস্তমশিংশু লৈরকখি। অদুবু মতম অদুদা রাজাজী অমসুং আদীনমগী লমজিং-লমতাক মখাদা ঐখোয়না অখোয়গী অরিবা তামিল সংস্কৃতিদগী অফবা লম্বি অমা ফংখি। লম্বি অদুদি- সেঙ্গোলগী খুত্থাংদা শক্তি খুৎশিন্নবা। তামিল চৎনবীদা শাসন চলাইরিবা অদুদা সেঙ্গোল খুৎশিন্নরম্মি। সেঙ্গোল পাইরিবা মীওই অদুনা লৈবাক্কী য়াইফ-থৌরাংগী থৌদাং লৌগনি অমসুং মহাক্না মশাগী থৌদাং পাংথোকপা মতমদা কৈদৌনুংদা নাথৈরোইদবনি। শক্তি খুৎশিন্নবগী খুদম ওইনা ১৯৪৭গী মতমদা শেংলবা তিরুৱাৱদুতুরৈ আদীনমগী খুত্থাংদা অখন্নবা সেঙ্গোল অমা শেমখি। ঙসি মতম অদুগী অনম্বা মমিশিং অদুনা তামিল সংস্কৃতি অমসুং মোদর্ন দেমোক্রেসীগী শক্তম ওইনা ভারতকী  লাইবক্কী য়াম্না নক্নবা অমসুং য়াম্না অচেৎপা মরি অমা লৈখি। ঙসি হায়রিবা অচেৎপা মরিশিং অদুগী ৱারি অদু পুৱারিদা লৈরোল চন্দুনা লৈরুরবা লমাইদগী হাংদোরক্তুনা অমুক হন্না হিংগৎলরে। মসিদগী মতম অদুদা থোকখিবা থৌদোকশিং অদুবু মশখ খঙনবগী ময়েক শেংলবা শক্তম অমা উবা ফংলি। অমসুং মসিগা লোইননা শক্তি খুৎশিন্নবগী খ্বাইদগী চাউবা খুদম অমা ওইরিবা আসিদা করি থোকখিবগে হায়বদু খঙবা ঙম্মি।

ঐগী ইরৈবাকচাশিং,

ঙসি ঐহাক্না রাজাজি অমসুং আধীনমশিং অদুগী মিৎয়েং শান্না উবা, তুংগীদমক্তা খনবা অদুবু নোল্লক্না ইকাইখুম্নবা উৎচরি। আধীনমগী সেঙ্গোল অমনা ভারতপু চহি চা কয়াগী মীনি নাইথাং ওইরুবা অদুগী খুদম পুম্নমক্তগী নিংখা তমহনবা হৌখি। ভারতকী নিংতম্বগী খ্বাইদগী মরু ওইবা পুংজা অদু লাকপা মতমদা সেঙ্গোল অসিনা মীনাই নাইথাাং ওইদ্রঙৈগী মতম অদুগা নিংখা তম্লবা ভারতকী অহানবা পুংফম অদুগা পুনশিন্নহনখি। মরম অদুনা মসিগী শেংলবা সেঙ্গোল অসিগী মরু ওইবা অসি ১৯৪৭দা শক্তি খুৎশিন্নবগী খুদম অমা ওইবদা নত্তনা ভারতনা মীনাই নাইথাং ওইদ্রঙঙৈগী মতমদা লৈরম্বা য়াম্না ফিদম্নিংঙাই ওইরবা মতম অদুবু নিংখা তম্লবা মতুংগী মতম অসিগা কনেক্ত তৌই। নিংখা তম্লবা মতুংদা সেঙ্গোল আসিবু মতিক চানা ইকাইখুম্নবীবা অমসুং ফিদম্নিংঙাই ওইবা মফম অদু পীবীরম্লবদি ফগদৌবনি। অদুবু সেঙ্গোল অসিবু প্রয়াগরাজগী আনন্দ ভৱনদা চৈশু অমা ওইনা উৎথোকক্তুনা থমখি। নখোয়গী সেবোক অমসুং ঐখোয়গী সরকার অসিনআ হৌজিক্তি সেঙ্গোলবু আনন্দ ভৱনদগী লৌথোক্লে। ঙসি নিংখা তম্বগী য়াম্না অথোইবা পুংজা অদুবু অনৌবা পার্লিয়ামেন্ততা সেঙ্গোল খিনবা মতমদা অমুক হিংগৎহন্নবগী তাঞ্জা অদু ফংলে। দেমোক্রেসীগী মন্দিরদা ঙসি সেঙ্গোলগী মতিক চাবা মফম অদু ফংলরে। ঙসিদি ভারতকী য়াম্না ফাওরবা চৎনবী অদুগী খুদম অমা ওইরিবা সেঙ্গোলবু অনৌবা পার্লিয়ামন্ত খিনগদৌরে। সেঙ্গোল অসিনা ঐখোয়বু ইশাগী ইথৌদাংগী লম্বিদা চৎনবা অমসুং মীয়ামগী থাজবা অদুবু ঙাক্না চৎনবা হন্না-হন্না নিংশিংহল্লগনি।

ইকাইখুম্নরবা সন্তশিং,

আদীনমগী পুক্নিং থৌগৎনিংঙাই ওইবা চৎনবী অদুনা তশেং-তশেংবা সাত্বিক ইনর্জীগী  খুদমনি। নখোয় পুম্নমক শিভিজমগী ফোলোৱর ঙাক্তনি।  নখোয়গী ৱাখল্লোনদা য়াওরিবা এক ভারত শ্রেস্থ ভারতকী স্পিরিৎ অমত্তা ওইবা ভারত অমসুং অপুনবা ভারতকী খুদমনি। নখোয়গী আধীনম কয়া অমগী মমিংশিংদতা মসিগী শক্তম অদু উবা ফংঙি। নখোয়গী আধীনমশিংগী মমিংদা কৈলাশ পল্লি। মসিগী শেংলবা চিংদোন অসি তামিল নাদুদগী য়াম্না থাপ্পা হিমালয়দা লৈ, অদুম ওইনমক মসি নখোয়গী থমোইগা য়াম্না নক্নৈ। শাইভিজমগী য়াম্না মশক নাইরবা সন্তশিংগী মনুংদা অমা ওইরিবা তিরুমুলরগী মতাংদা হায়নৈ মদুদি মহাক কৈলাশ চিংদোন্দগী শিব ভক্তি শন্দোক্নবা তামিল নাদু লাকখি। ঙসিশু মহাক্না ইখিবা তিরুমন্দিরমগী স্লোক অদুবু ভগবান শিববু খুরুম্বদা থিনরি, শোন্নরি। অপ্পর, সম্বন্দর, সুন্দরর অমসুং মানিক্কা ৱাসগরগুম্বা য়াম্না ফাওবা সন্তশিংনা উজেন, কেদর্নাথ অমসুং গৈরিকুন্দবু পনখি। প্রজা মীয়ামগী থৌজালদগী ঙসি মহাদেবকী নগরী কাশিগী এম.পি. ওইরি, মরম অদুনা নখোয়বু কাশিগী মতাংদা তমগে। ধর্মপুরম আধীনমগী স্বামী কুমারগপুরানা তামিল নাদুদগী কাশি চৎখি। মহাক্না বনারসকী কেদার ঘাততা কেদারেশ্বর মব্দির লিংখৎখি। তামিল নাদুগী তিরুপ্পানন্দালগী কাশি মথ অসি লাই খুরুম্বা লাক্লিবশিংবু বেঙ্কিংগী খুদোংচাব ফংহল্লম্মি। কনাগুম্বলাই নিংবা লাকপা মীওই অমনা তামিল নাদুগী কাশি মথতা শেল হাপপচিল্লবা মতুংদা কাশিদা শক্তাক চে উৎলবা মতুং শেল লৌথোকপা য়াগনি। অসুম্না  শিব সিদধান্ত চৎপা কাংবুনা শিব নিংবগী লাইনিং শন্দোকপদা নত্তনা ঐখোয় পুম্নমকপু অমনা অমগা নকশিন্নহন্নবগী থৌদাংশু লৌখি।

ইকাইখুম্নরবা সন্তশিং,

চহি চা কয়াগী মীনাই নাইথাং ওইরুরবা মতুংদা ফাওবা তামিল নাদুগী সংস্কৃতি অসি ঙসি ফাওবা হিংলি অমসুং চাউখৎলক্লি, অদু ওইরবদি মসিদা আধীনমগুম্বা য়াম্না ফাওবা অমসুং য়াম্না মতিক-ময়াই লৈরবা চৎনবী অসিগীশু য়াম্না চাউরবা থৌদাং লৈ। মসিগী চৎনবী অসিবু হিংহন্নবগী থৌদাং অদু সন্তশিং অদুনদি পাংথোকখি, লোইননা  মসিগী ক্রেদিৎ অসি মসিবু ঙাক-শেন্দুনা অমসুং মাংদা পুখৎলকপা লাইবক থিরবশিং, নৈহৎপীরবশিং অমসুং ময়ামদগী তোল্ল-তারবশিং অদুদশু পীরি। লৈবাক অসিগীদমক্তা কত্থোকপগী মতাংদা নখোয়গী সংস্থানশিংগী পুৱারি অদু য়াম্না ইকাইখুম্ননিংঙাই ওইখি।  হৌজিক হৌখিবা মতম অদুবু মাং লোমদা পুখৎকদবনি, মদুবু পুক্নিং থৌগৎপা অমসুং লাক্কদবা মীরোলশিংগীদমক্তা থবক তৌবগী মতম ওইরে।

ইকাইখুম্নরবা সন্তশিং,

লৈবাক অসিনা মথংগী চহি ২৫গীদমক্তা পান্দম খরা থম্লি। ঐখোয়গী পান্দমদি নিংখা তম্বগী চহি ১০০ ফাবা মতমদা য়াম্না লিংবা , মরোমদোম লেপচাবা ঙম্বা অমসুং ইনক্লুসিব ওইবা চাউখৎলবা ভারত অমা ওইহনবা। ১৯৪৭দা নখোয়না লৌখিবআ মরু ওইবা থৌদাং অদুবু লৈবাক অসিগী মী কোতি কয়া অমদা অমুক হন্না খঙহল্লরে। লৈবাক অসিনা ২০৪৭গী য়াম্না চাউরবা পান্দম অসিবু পুদুনা খুমাং চাউশিনবা মতমদা নখোয়গী থৌদাং অদু হেন্না মরু ওইরকই। নখোয়গী সংস্থানশিংনা মতম পুম্বদা সেবা তৌবগী ভেল্যুশিং অদুবু ফাওহনখি। ভারতনা অমত্তা ওইরিবমখৈ হেন্না কনগনি। মরম অদুনা ঐখোয়গী চাউখৎ-খোংথাংশিংদা অপনবা পীরিবশিং অদুনা মখল-মখা কয়াগী শিংনবশিং লৈহল্লক্কনি। ভারতকী চাউখৎ-থৌরাংদা অপনবা পীরিবশিং অদুনা ঐখোয়গী অপুনবা শক্তমবু থুগাইনবা হোৎনরক্কনি।  অদুবু লৈবাক অসিনা নখোয়গী সংস্থানশিংদগী ফাবা স্পিরিচুৱল ওইবা অমসুং সোসিয়েল ওইবগী ফংলিবা শক্তি অদুদগী ঐখোয়না শিংনবশিং খুদিমকপু মায়োক্নবা ঙম্লগনি হায়না ঐহাক্না থাজৈ। ঐহাক্না অমুক্কশু হন্না মফম ঐহাক্কী লৈফম অসিদা লেংবীরক্লি, নখোয় ময়াম্না থৌজাল পীনবীরে, মসি ঐগী লাইবক ফবনি, ঐহাক্না নখোয় ময়াম্বু থমোই শেংনা থাগৎপা ফোংদোক্লি, নখোয় ময়াম্বু ইকাইখুম্নবা উৎচরি। অনৌবা পার্লিয়ামেন্ত হাউস শঙ্গাবগী থৌরম অসিদা নখোয় ময়াম লাক্লে অমসুং থৌজাল পীনবীরে। মসিদগী হেন্না লাইবক ফবা অতোপ্পা অমা লৈররোই অমসুং মরম অদুনা থগৎপগী ঙমখৈ লৈররোই। অমুক্কশু হন্না নখোয় ময়াম পুম্নমকপু খুরুমজরি।

ওম নম: শিৱায়!

ৱনক্কম!

 

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Devendra Kunwar October 08, 2024

    BJP
  • दिग्विजय सिंह राना September 20, 2024

    हर हर महादेव
  • JBL SRIVASTAVA May 27, 2024

    मोदी जी 400 पार
  • Vaishali Tangsale February 12, 2024

    🙏🏻🙏🏻👏🏻
  • ज्योती चंद्रकांत मारकडे February 11, 2024

    जय हो
  • Dinabsndhu Mohanta June 01, 2023

    Hindustan jinda bad
  • JyothiJonnala June 01, 2023

    om namasivaya.
  • JyothiJonnala June 01, 2023

    namasivaya
  • JyothiJonnala June 01, 2023

    Om navasivaya sivayanama
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Over 28 lakh companies registered in India: Govt data

Media Coverage

Over 28 lakh companies registered in India: Govt data
NM on the go

Nm on the go

Always be the first to hear from the PM. Get the App Now!
...
Prime Minister pays homage to Chhatrapati Shivaji Maharaj on his Jayanti
February 19, 2025

The Prime Minister, Shri Narendra Modi has paid homage to Chhatrapati Shivaji Maharaj on his Jayanti.

Shri Modi wrote on X;

“I pay homage to Chhatrapati Shivaji Maharaj on his Jayanti.

His valour and visionary leadership laid the foundation for Swarajya, inspiring generations to uphold the values of courage and justice. He inspires us in building a strong, self-reliant and prosperous India.”

“छत्रपती शिवाजी महाराज यांच्या जयंतीनिमित्त मी त्यांना अभिवादन करतो.

त्यांच्या पराक्रमाने आणि दूरदर्शी नेतृत्वाने स्वराज्याची पायाभरणी केली, ज्यामुळे अनेक पिढ्यांना धैर्य आणि न्यायाची मूल्ये जपण्याची प्रेरणा मिळाली. ते आपल्याला एक बलशाली, आत्मनिर्भर आणि समृद्ध भारत घडवण्यासाठी प्रेरणा देत आहेत.”