“মাইপাকপা স্পোর্তসকী শান্নরোয়শিংনা মখোয়গী পান্দমদা মীৎয়েং থম্মি অমসুং মখোয়গী লম্বেলদা লাকপা অপনবা খুদিংমক মায়োক্নৈ”
“খেল মহাকুম্ভগুম্বা ইভেন্তশিং শিন্দুনা এম.পি.শিংনা অনৌবা মীরোলগী তুংলমচৎ মখোঙ শোম্লি”
“সান্সদ খেল মহাকুম্ভনা রিজনেল তেলেন্ত লমজিংবদা অমসুং য়োকখৎপদা মরু ওইবা থৌদাং অমা লৌরি”
“স্পোর্তসনা খুন্নাইদা মাগী ফংফম থোকপা ইকাই খুম্নবা অদু ফংলি”
“তার্গেৎ ওলিম্পিক্স পোদিয়ম স্কিমগী মখাদা ওলিম্পিক্স শান্নবা য়াবা শান্নরোয় ৫০০রোম মখোঙ শোম্লি”
“লোকেল লেবেলদা নেস্নেল-লেবেলগী খুদোংচাবশিং পীনবা খোঙথাংশিংসু পাইখৎলি”
“য়োগগা লোয়ননা অদোমগী হকচাংসু ফগনি অমসুং অদোমগী ৱাখলসু য়াকাইগনি”

খুরুমজরি।

য়ু.পি.গী মুখ্য মন্ত্রী শ্রীমান য়োগী আদিত্যনাথজী, সান্সদকী ঐগী মরুপ ঐখোয়গী নহা ওইরিবা ইনাও হরিশ দ্বিবেদীজী, তোঙান-তোঙানবা স্পোর্তসকী শান্নরোয়শিং, রাজ্য সরকারগী মন্ত্রীশিং, এল.এল.এ.শিং, অতোপ্পা মীয়ামগী মীহুৎশিং, অতোপ্পা মকোক থোংবা দিগনিতরীশিং অমসুং মশিং য়াম্লবা নহা ওইরিবা মীওই কয়া মফম খুদিংমক্তা ঐহাক্না উরি। নুংশিরবা ইচিল ইনাওশিং।

মসি ঐখোয়গী কোলোনীনি, মহাঋশি বশিস্তগী শেংলবা লমদমনি, শুনোম্বা অমসুং ধ্যানগী লমদমনি, তপস্য অমসুং কত্থোকপগী লমদমনি। অমসুং শান্নরোয় অমগীদমক মহাক্কী গেম অসি স্পিরিচুএল প্রেক্তিস অমনি, তপস্য অমনি। অমসুং মাইপাকপা শান্নরোয় অমনা মীৎয়েং ময়েক শেংনা থম্মি অমসুং মহাক্না অনৌবা ফম্পাল অমগী মথং অমদা মাইপাকপা পুরক্তুনা মাংদা চংশিনখি। ঐখোয়গী এম.পি. ইনাও হরিশ দ্বিবেদীনা কন্না হোৎনবনা মরম ওইদুনা বস্তীদা অসিগুম্বা অচৌবা খেল মহাকুম্ভ পাঙথোকখি। খেল মহাকুম্ভ অসিনা ভারতকী স্পোর্তস্তা নীংথিনা হৈরবা লোকেল স্পোর্তসপর্সনশিংদা অনৌবা খুদোংচাবা অমা পীরি। ভারতকী এম.পি. ২০০রোমনা অসিগুম্বা স্পোর্তস ইভেন্তশিং মখোয়গী মশাগী কেন্দ্রদা পাঙথোক্লি অমসুং নহারোল লিশিং কয়ানা শরুক য়ারি হায়না ঐঙোন্দা খঙহল্লকখি। ঐহাকসু এম.পি. অমনি, কাশীগী এম.পি.নি। ঐগী কেন্দ্র কাশীদা অসিগুম্বা স্পোর্তস কম্পিতিসনশিংগী সিরিজ অমা পাঙথোকপা হৌখ্রে। মফম কয়াদা অসিগুম্বা খেল মহাকুম্ভ পাঙথোক্তুনা অনৌবা মীরোলগী তুংলমচৎ য়াৎনবা থবক তৌরি। সান্সদ খেল মহাকুম্ভদা নীংথিনা পর্ফোরম তৌখিবা নহা ওইরিবা শান্নরোয়শিংবু স্পোর্তস ওথোরিতী ওফ ইন্দিয়াগী ত্রেনিং সেন্তরশিংদা মখা তানা ত্রেনিং তৌনবসু খনখি। মসিনা লৈবাক অসিগী য়ুব শক্তিদা চাউনা কান্নবা পীগনি। নহারোল লিশিং ৪০ হেনবনা মহাকুম্ভ অসিদা শরুক য়ারি। অমসুং মসি মমাং চহিদগী শরুক অহুম হেন্না হেল্লি হায়না ঐঙোন্দা খঙহল্লকখি। ঐহাক্না পুম্নমক্তা, ঐগী নহা ওইরিবা মরুপশিংদা গেমশিংগীদমক য়াইফ-মঙ্গোল পীজরি। ঐহাক্না হৌজিক খো-খো য়েংনবা খুদোংচাবা অমা ফংখি। তীম অসিগা লোয়ননা অমসুং মপুং ফাবা তীম স্পিরিৎকা লোয়ননা ঐখোয়গী ইচানুপীশিংনা হৈশীংনা শান্নরি। গেম অসি য়েংবদা য়াম্না নুংঙাইখি। ঐনা খুবাক খুবা নখোয়না তারমগদ্রা তারমলোইদ্রা ঐ খঙদে অদুবু ঐনা অসিগুম্বা ফজরবা গেম অসি শান্নবগীদমক ইচানুপী পুম্নমকপু থাগৎলি অমসুং খো-খোগী গেম অসি য়েংবা ফংনবা খুদোংচাবা পীবীবগীদমক থাগৎচরি।

মরুপশিং,

সান্সদ খেল অসি মহাকুম্ভগী অতোপ্পা অখন্নবা হীরম অমনি। ঐখোয়গী মশিং য়াম্লবা ইচানুপীশিংনা মসিদা শরুক য়ারি। অমসুং বস্তী, পুর্ভঞ্চল, য়ু.পি. অমসুং লৈবাক্কী ইচানুপীশিংনা জাতি অমদি মালেমগী থাক্কী কম্পিতিসনশিংদা অসিগুম্বা হৈথোই-শীংথোইবা অদু মখা তানা উৎকনি হায়না ঐনা থাজৈ। শুপ্নগী নুমিৎ খরগী মমাংদা ঐখোয়না লৈবাক্কী কেপ্তেন শেফালি ভর্মনা নুপীগী য়ু-১৯, তি-২০ ৱর্ল্দ কপা করম্না হৈশিংনা শান্নখিবগে হায়বা উবা ফংখি। ইচানুপী শেফালিনা থংন-থংননা বোল মঙাদা ফোর লৌখি অমসুং ওভরগী লাস্ত বোলদা সিক্স লৌদুনা সিঙ্গল ওভরদা রন ২৬ লৌখি। মতৌ অসুম্না লৈবাক্কী কাচিন কোয়া খুদিংমক্তা তেলেন্ত কয়া লৈ। অসিগুম্বা সান্সদ খেল মহাকুম্ভ অসিনা স্পোর্তস তেলেন্ত থীবদা অমসুং য়োকখৎপদা মরু ওইবা থৌদাং লৌখি।

মরুপশিং,

মতম অমদা স্পোর্তস অসি এক্সত্রাকরিকুলর এক্তিবিতী ওইনা লৌরমখি। হায়বদি মসি স্তদীজকী মথক্তা মতম লেন্নবা পাম্বৈ অমা ওইনা লৌখি। মহাক্না অঙাংশিংদা চপ মান্নবা ৱাফম থম্বীরি। মসিনা মরম ওইদুনা মীরোল অমগী মতুংদা মীরোল অমদা স্পোর্তস অসি মরু ওইবা খক্তা নত্তনা মখোয় অসি পুন্সি অমসুং তুংলমচৎকী শরুক অমনি হায়বা ৱাখল্লোন খুন্নাইদা পোকহনখি।

মতিক ময়াই লৈবা নহারোল কয়া, তেলেন্ত লৈবা কয়া লম অসিদগী লাপথোকখি। হৌখিবা চহি ৮-৯দা লৈবাক অসিনা অরিবা ৱাখল্লোন থাদোক্লম্লগা স্পোর্তসকী অফবা ফীভম অমা শেম্নবা থবক পাইখৎখি। মরম অসিনা হৌজিক অঙাং কয়া অমদি ঐখোয়গী নহারোলশিংনা স্পোর্তসপু কেরিয়র ওপ্সন অমা ওইনা লৌরক্লি। মশা-মউ ফনা থম্বদগী হকশেল ফাওবা, তীম বোন্দিংদগী অৱাবা পোত্থানবা পাম্বৈ ওইনা, প্রোফেস্নেলগী মাইপাকপদগী পর্সনেল ইমপ্রুবমেন্তগীদমক মীয়াম্না স্পোর্তসকী তোঙান-তোঙানবা কান্নবশিং উবা হৌরে। অমসুং মসি স্পোর্তসপু লুন্না খঞ্জরিবা মমা-মপা ওইবশিংগীদমক্তা নুংঙাইরবা ৱাফম অমনি। মসিগী অহোংবা অসি খুন্নাই লোয়ননা স্পোর্তসকীদমক অফবনি। স্পোর্তসনা হৌজিক খুন্নাইদগী ইকাই খুম্নবা ফংবা হৌরে।

অমসুং মরুপশিং,

স্পোর্তসকী মাইপাকপশিং অসিগী খুত্থাংদা মীয়ামগী ৱাখল্লোন্দা অহোংবা লাকপগী কান্নবা হকথেংননা উবা ফংলে। ঙসি ভারতনা অনৌবা রেকোর্দশিং লেপ্তনা থম্লি। ঐখোয়না ওলিম্পিক্স অমসুং পেরালিম্পিক্সতা লৈবাক অসিগী পুৱারী ওইরবা পর্ফোরমেন্স উৎখি। স্পোর্তসকী লম কয়ামরুমদা ভারতকী পর্ফোরমেন্স অসিনা মালেমদা খন্ন-নৈন্নবা পোইন্ত অমা ওইরক্লে। অমসুং মরুপশিং, ঐগী নহা ওইরিবা মরুপশিং মসি শুপ্নগী অহৌবনি। ঐখোয়না চৎকদবা খোঙচৎ অসি য়াম্না শাংলি, অনৌবা পান্দমশিং ফংগদবা ৱাৎলি, অনৌবা রেকোর্দ কয়ামরুম থমগদবা ৱাৎলি।

মরুপশিং,

স্পোর্তস অসি স্কিল অমসুং করেক্তরনি, মসি তেলেন্ত অমসুং ফিরেপনি। স্পোর্তস চাউখৎহনবদা ত্রেনিংগী মরু ওইবা লৈজৈ অমসুং স্পোর্তস কম্পিতিসনশিং, স্পোর্তস তোর্নামেন্তশিং লেপ্পা লৈতনা মখা চত্থবা মথৌ তাই। মসিনা শান্নরোয়শিংদা মখোয়গী ত্রেনিংগী চাংয়েং তৌনবা মখা তানা খুদোংচাবা অমা পীরি।  তোঙান-তোঙানবা থাকশিং অমসুং রিজনশিংদা স্পোর্তস কম্পিতিসনশিং তৌবনা শান্নরোয়শিংবু মখোয়গী মতিক-ময়াই খঙহন্দুনা মখোয়গী মশাগী ওইবা তেক্নিকশিং দিবেলপ তৌবদা মতেং পাংই অমরোমদনা কোচশিংদা মখোয়গী অশোইবশিং খঙবদা মতেং পাংই অমসুং ফগৎহন্নবগী খুদোংচাবা পীরি। মরম অসিনা সান্সদ মহাকুম্ভদগী নেস্নেল গেম্সকী শান্নরোয়শিংদা য়ারিবা মখৈ খুদোংচাবশিং পীরি। মরম অসিনা লৈবাক অসিদা ঙসি য়ুথ, য়ুনিভর্সিতী অমসুং ৱিন্তর গেম্সনা শান্নরোয়শিংদা ফগৎহন্নবগী খুদোংচাবা কয়ামরুম পীরি। চহি খুদিংগী গেমশিং অসিদা শান্নরোয় লিশিং কয়ানা শরুক য়ারি। খেলো ইন্দিয়াগী খুত্থাংদা শেলগী তেংবাং ঐখোয়গী সরকারনা পীরি। হৌজিক্কী ওইনা লৈবাক অসিদা লৈবা শান্নরোয় ২৫০০দা থা অমদা লুপা ৫০,০০০গী শেলগী তেংবাং পীরি। তার্গেৎ ওলিম্পিক্স পোদিয়ম স্কিম(তোপ্স)কী মখাদা ওলিম্পিক্স য়াওগদবা শান্নরোয়শিংগী মতেং পাংলি। স্কিম অসিগী মখাদা শান্নরোয় ৫০০রোমদা থা খুদিংগী শেলগী তেংবাং পীরি। ইন্তর্নেস্নেল ত্রেনিংগী মথৌ তাবা অদু খঙলদুনা শান্নরোয় খরদা লুপা করোর ২.৫দগী করোর ৭কী তেংবাং ফংহনখি।

মরুপশিং,

ঙসিগী অনৌবা ভারতনা স্পোর্তস সেক্তনা মায়োক্নরিবা শীংনবশিং অসি কোকহন্নবা হোৎনরি। ঐখোয়গী শান্নরোয়শিংদা রিসোর্স, ত্রেনিং, তেক্নিকেল নোলেদজ মতিক চানা পীনবা, ইন্তর্নেস্নেল এক্সপোজর ফংহন্নবা অমসুং শান্নরোয় খনবদা ত্রান্সপরেন্সী লৈহন্নবা অখন্নবা মীৎয়েং চংখি। ঙসি বস্তী অমসুং অতোপ্পা জিলাশিংদা স্পোর্তসকা মরী লৈনবা ইনফ্রাস্ত্রকচর শেমগৎলি, স্তেদিয়মশিং শাগৎলি অমসুং কোচশিং হাপ্পি। লৈবাক শিনবা থুংবদা খেলো ইন্দিয়া দিস্ত্রিক্ত সেন্তর লিশিং অমা হেন্না লিংখৎখি মসিগী মনুংদা সেন্তর ৭৫০ হেনবদি শাবা লোইশিনখ্রে। লৈবাক শিনবা থুংবদা লৈরিবা শান্নবুংশিংগী জিও-তেগ্গিং তৌদুনা শান্নরোয়শিংনা ত্রেনিংদা মখল অমত্তগী সমস্যা মায়োক্নদনবা হোৎনরি।

অৱাং নোংপোক্কী নহারোলশিংগীদমক মনিপুরদা স্পোর্তস য়ুনিভর্সিতী অমা সরকারনা শাখি অমসুং য়ু.পি.গী মীরুত্তা অতোপ্পা স্পোর্তস য়ুনিভর্সিতী অমগা শারি। য়ু.পি.দা অনৌবা স্তেদিয়মশিং কয়া শারি হায়না ঐঙোন্দা খঙহনখি। স্পোর্তস থৌগৎনবা উত্তর প্রদেশকী জিলা কয়াদা হোস্তেলশিং হাংলি। লোকেল লেবেলদা নেস্নেল-লেবেলগী খুদোংচাবশিং ফংহন্নবা খোঙথাংশিংসু লৌখৎলি। হায়বদি নখোয়, ঐগী নহা ওইরিবা মরুপশিং নখোয়দা খুদোংচাবা চাউনা লৈ। নখোয়না হৌজিক মাইপাকপগী ফিরাল চিংখৎপা য়ারে। লৈবাক অসিগী মীংচৎ পুরক্কদবনি।

মরুপশিং,

শান্নরোয় খুদিংমক্না মশা-মউ ফনা লৈবগী মরু ওইবা অদু খঙই অমসুং মসিদা ফিত ইন্দিয়া মুফমেন্তনা মরু ওইবা থৌদাং লৌরি। মশা-মউ ফনা থম্নবা নখোয়না থবক অমগা তৌবা তাই। নখোয়গী নোংমগী পুন্সিদা য়োগ য়াওহনগদবনি। য়োগগা লোয়ননা অদোমগী হকচাংসু ফগনি অমসুং অদোমগী ৱাখলসু য়াকাইগনি। অদোমগী গেমদা মসিগী কান্নবসু অদোম্না ফংগনি। মতৌ অসুম্না শান্নরোয় খুদিংমক্কীদমক মচিওইবা চীঞ্জাক অসি চপ মান্ননা মরু ওই। মসিদা ঐখোয়গী মিল্লেৎশিং অসি ঐখোয়গী অফবা মহৈ-মরোংনি, মখোয় অসি কোর্স গ্রেন কৌই। মসি ঐখোয়গী য়ুমশিংদা, খুঙ্গংশিংদা অয়াম্বনা চানৈ, চীঞ্জাক্তা মিল্লেৎশিংনা অচৌবা থৌদাং লৌরি। নখোয় খঙলব্রা ভারতনা হায়জবদগী ২০২৩ অসি ইন্তর্নেস্নেল ইয়র ওফ মিল্লেৎস হায়না লাউথোকখি। করিগুম্বা নখোয়গী দাইৎতা মিল্লেৎশিং হাপ্লবদি মসিনা নখোয়গী হকচাং ফগৎহনবদা মতেং পাংগনি।

মরুপশিং,

ঐখোয়গী নহারোলনা স্পোর্তস্তগী লোয়ননা পুন্সিদগী পরা তমশিনগনি অমসুং নখোয়গী মসিগী শক্তি অসিনা স্পোর্তসকী লম পাকথোক চাউথোকহনবা ঙমগনি অমসুং লৈবাক্কী শক্তি ওইগনি হায়না ঐনা থাজৈ। ঐহাক্না হরিশজীবু থাগৎচরি। থৱায় য়াওনা মহাক্না থবক অসি পাইখৎখি। মমাংগী সান্সদতা ঐহাকপু শরুক য়ানবা চেপাও পীরকখি। লমদম অসিগী নহারোলগীদমক মহাক্না অহিং নুংথিল খাইদনা হোৎনরিবা অসি শান্নবুং অসিদা ময়েক শেংনা উবা ফংলি।

ঐহাক্না পুম্নমকপু য়াইফ মঙ্গোল পীজরি। হন্না-হন্না থাগৎচরি।

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
When PM Modi Visited ‘Mini India’: A Look Back At His 1998 Mauritius Visit

Media Coverage

When PM Modi Visited ‘Mini India’: A Look Back At His 1998 Mauritius Visit
NM on the go

Nm on the go

Always be the first to hear from the PM. Get the App Now!
...
I reaffirm India’s commitment to strong bilateral relations with Mauritius: PM at banquet hosted by Mauritius President
March 11, 2025

Your Excellency राष्ट्रपति धरमबीर गोकुल जी,

First Lady श्रीमती बृंदा गोकुल जी,
उप राष्ट्रपति रोबर्ट हंगली जी,
प्रधान मंत्री रामगुलाम जी,
विशिष्ट अतिथिगण,

मॉरिशस के राष्ट्रीय दिवस समारोह में मुख्य अतिथि के रूप में एक बार फिर शामिल होना मेरे लिए सौभाग्य की बात है।

इस आतिथ्य सत्कार और सम्मान के लिए मैं राष्ट्रपति जी का हार्दिक आभार व्यक्त करता हूँ।
यह केवल भोजन का अवसर नहीं है, बल्कि भारत और मॉरीशस के जीवंत और घनिष्ठ संबंधों का प्रतीक है।

मॉरीशस की थाली में न केवल स्वाद है, बल्कि मॉरीशस की समृद्ध सामाजिक विविधता की झलक भी है।

इसमें भारत और मॉरीशस की साझी विरासत भी समाहित है।

मॉरीशस की मेज़बानी में हमारी मित्रता की मिठास घुली हुई है।

इस अवसर पर, मैं - His Excellency राष्ट्रपति धरमबीर गोकुल जी और श्रीमती बृंदा गोकुल जी के उत्तम स्वास्थ्य और कल्याण; मॉरीशस के लोगों की निरंतर प्रगति, समृद्धि और खुशहाली की कामना करता हूँ; और, हमारे संबंधों के लिए भारत की प्रतिबद्धता दोहराता हूँ

जय हिन्द !
विवे मॉरीस !