Quoteসুপর স্পেসিয়েলিতী গ্লোবল হোসপিতল, শিৱমনি ওল্দ এজ হোম অমসুং নর্সিং কোলেজগী এক্সতেন্সনগী উরেপ-উয়ুং তম্বা
Quote“মসিগী অমৃত কাল অসি লৈবাক অসিগী প্রজা খুদিংমক্কীদমক কর্তৱ্য কালনি”
Quote“লৈবাক অসিদা হেল্থ ফেসিলিতীশিংগী অওনবা অমা লাক্লি”
Quote“পাংথোক্নিংলিবা থবক অদুগী পান্দম অদুবু ময়েক শেংলবা অমসুং সোসিয়েল সর্বিসকী ৱাখল্লোন অমা লৈরবা, অদু ওইরবদি অচেৎপা ফিরেপশিং লৌগনি অমসুং মদু মাইপাক্কনি ”
Quote“মথংগী দিকেদতা ভারত্তা পুথোক্কদবা দোক্তরশিংগী মশিং অদু নিংখা তম্লবা মতুং হৌখিবা দিকেদ ৭তা পুথোকখিবা দোক্তরশিংগী মশিংগা মান্নারগনি”
Quote“ব্রহ্মা কুমারি ওর্গনাইজেশন্না মতম পুম্বদা থাজরুবদগী হেন্না থবক তৌরকখি”
Quote“ব্রহ্মা কুমারিশিংনা ইন্নোভেতিব ওইবা মওং অমদা নেসন বিল্দিংগা মরি লৈনবা অনৌবা হিরমশিংবু পুখৎকদবনি”

ঔম শান্তি!

ইকায়খুম্নরবা রাজয়োগিনি দাদি রতন মোহিনি জি, ব্রাহ্মা কুমারিসগী সেনিয়র মেম্বর খুদিংমক অমসুং থৌরম অসি শরুক য়ানবা ভারতকী তোঙান-তোঙানবা মফমশিংদগী লাকপা ঐগী নুংশিরবা ইচিন-ইনাওশিং অমসুং ইচন-ইচেশিং!

অদোমগী থৌরমশিং শরুক য়ানবা ঐনা কয়ারক খুদোংচাবা ফংবা অসি ঐগী লাইবক ফবনি। ঐনা অদোমগী নাক্তা লাকপা মতমদা, ঐনা মতম পুম্নমক্তা স্পিরিচুএলগী ৱাখল অমা ফাওই। হৌখিবা থা খরগী মতুংদা ঐনা ব্রাহ্মা কুমারিসগী থৌরম শরুক য়ানবগী খুদোংচাবা ফংবা অসি মসিনা অনিরকশুবনি। অদোম্না ‘জল জন অভিয়ান’ হৌদোকপা মতমদা ফেব্রুৱারিদা অদোম্না ঐ বার্তন তৌরকখ্রে। ব্রাহ্মা কুমারিসগা ঐগা কমদৌনা নক্নবগে হায়বদু ঐ নিংশিংলি। মসি ঈশ্বরগী থৌজাল অমসুং রাজয়োগিনি দাদি জিনা নুংশিবদগী পাংথোকপা ঙম্বনি।

 

|

ঙসি মফম অসিদা সুপর স্পিসিএলিতি চেরিতেবল গ্লোবেল হোস্পিতাল শানবা উরেপ-উয়ুং তম্লে। ঙসি সিবমনি হোমস অমসুং নর্সিং কলেজ পাকথোক-চাউথোক্নবা থবকশু হৌরে। হায়রিবা থবকশিং অসিগীদমক ঐনা ব্রাহ্মা কুমারিস লুপ অসি থম্মোয় শেংনা থাগৎচরি।

মরুপশিং,

নিংতম্বগী ‘অমৃত কাল’ অসিদা ভারতকী খুন্নাই অমসুং লাইনিংগী লুপ পুম্নমক্না মরুওইবা থৌদাং অমা লৌরি। নিংতম্বগী ‘অমৃত কাল’ অসি লৈবাক অসিগী নাগরিক খুদিংমক্না থৌদাং পাংথোক্নবা মতমনি। থৌদাং পাংথোক্নবা মতম হায়বগী ৱাহন্থোক্তি ঐখোয়গী থৌদাং চাদা ১০০ পাংথোকপা হায়বনি। মসিগা লোয়ন্না, লৈবাক্কী অমসুং খুন্নাইগী য়াইফনবা ঐখোয়গী ৱাখল্লোনশিং অমসুং থৌদাংশিং পাকথোক-চাউথোক্লে। মপুংফানা কৎথোকপগা লোয়ন্না মখা তানা ঐখোয়গী থৌদাংশিং পাংথোক্তুনা ঐখোয়গী লৈবাক্কীদমক ঐখোয়না করি পাংথোকপা ঙমগনি হায়না ঐখোয়না খনগদবনি। 

থৌদাং পাংথোকপগী মতম অসিদা অদোম্না ইথিল অমা ওইরি। স্পিরিচুএল ওর্গনাইজেসন অমা ওইনা, ব্রাহ্মা কুমারিসনা খুন্নাইদা অচুম্বা অমসুং অফবা গুনশিং মপাঙ্গল কনখৎহন্নবা থবক তৌরি। অদুগা মতম অমতদা, অদোম্না খুন্নাইগী থবক, সাইন্স, ইজুকেসন চাউখৎনবা অমসুং মীয়াম ৱাখল তাহন্নবা থবকশিংদা কৎথোক্লি। মাউন্ত অবুদা লৈরিবা অদোমগী গ্লোবেল হোস্পিতাল রিছার্স সেন্তর অসি তশেংনা অচৌবা খুদম অমনি। অনকপা খুঙ্গংশিংদা ইন্সতিতুৎ অসিনা অনা-লায়য়েংগী কেম্পশিং অমসুং ঈ কৎপগী কেম্পশিং পাংথোকই হায়বা ঐ খঙলে। হৌজিক সুপর স্পিসিএলিতি চেরিতেবল গ্লোবেল হোস্পিতাল অসিনা লমদম অসিগী হকশেলগী থবকশিং ফগৎহনবা মতেং পাংলগনি। মীওইবা খুন্নাই য়াইফনবা থবক অসিগীদমক ময়াম পুম্নমক থাগৎচরি।

 

|

মরুপশিং,

ঙসিদি লৈবাক শীনবা থুংনা হকশেলগী খুদোংচাবশিংগী অওনবা অমা পুরক্লে। হৌখিবা চহি ৯দা অহানবা ওইনা, লৈবাক অসিগী লায়রবশিংগী মনুংদা খ্বাইদগী লায়রবশিং ফাওবনা লৈবাক অসিগী হোস্পিতালশিং মখোয়না ইরাই লাইনা লায়েংবা ফংলে হায়বা খঙলে। মসিদা অয়ুস্মান ভারত য়োজননা অচৌবা থৌদাং অমা লৌরে। অয়ুস্মান ভারত য়োজননা সরকার খক্তগী নত্তনা লনাই হোস্পিতালশিংগী থোংশিং লায়রবশিংগীদমক হাংদোক্লে।

স্কিম অসিগী মখাদা লুপা লাখ ৫ ফাওবগী লায়য়েংমল সরকারনা পুথোক্লে হায়বা অদোমশু খঙলে। লৈবাক অসিগী মীওই করোর ৪ হেন্না স্কিম অসিদগী কান্নবা ফংলে। অয়ুস্মান ভারত স্কিম লৈরমদ্রবদি, মখোয় লায়য়েংনবা মখোয়গী ফুরিৎখাউদগী মখোয়না লুপা করোর ৮০,০০০ চাদিং তৌগনি। মসিগা চপ মান্ননা, জন ঔসাধি কেন্দ্রশিংদা অহোংবা মমলদা হিদাক-লাংথকশিং ফংহনবদগী লায়রবা অমসুং মিদল ক্লাস মীওইশিং লুপা করোর ২০,০০০ কনবা ঙম্লে।

করিগুম্বা লৈবাক্কী খুঙ্গং খুদিংদা লৈরিবা ঐখোয়গী ব্রাহ্মা কুমারিশিংনা, সরকারগী জন ঔসাধি কেন্দ্রশিংদা মগুন লৈবা হিদাকশিং অহোংবা মমলদা ফংহল্লিবা অসিগী মতাংদা মীয়ামদা খঙহল্লবদি লায়রবশিংগীদমক অদোম্না তৌবা ঙম্বা থবক অসি অদোম খন্দুনা য়েংবীয়ু। কৈথেলদা লুপা ১০০ পীবা হিদাকশিং হায়রিবা সেন্তরশিং অসিদা লুপা ১০-১৫দা ফংলে। লায়রবশিংগী কয়া য়াম্না থবক তৌবগে হায়বা অদোম খন্দুনা য়েংবীয়ু। লৈবাক শীনবা থুংনা লিংখৎলিবা জন ঔসাধি কেন্দ্রশিংগী মতাংদা ঐখোয়গী ব্রাহ্মা কুমারিশিংনা মীয়ামদা খঙহনগদবনি। অদোমগা থেংনবা মীওইশিংনা মতম পুম্নমক্তা অদোমদা বর পীরক্কনি।

খুদম ওইনা, করিগুম্বা ইমুং অমদা দাইবেতিস নাবা অহল অমা লৈরবদি, মখোয়না হিদাক-লাংথকশিং লৈনবা লুপা ১২০০-১৫০০-২০০০ চাদিং তৌগনি। করিগুম্বা মহাক্না জন ঔসাধি কেন্দ্রশিংদগী হিদাক লৈরবদি, চাদিং অদু লুপা ১০০০-১৫০০দগী শুপ্নগী লুপা ১০০দা হন্থগনি। মসিনা মহাক্কী পুন্সিদা য়াম্না চাউনা মতেং পাংগনি। মসিগী পাউজেল অসি অদোম্না পাক-শান্না শন্দোক্কদবনি।

 

|

মরুপশিং,

অদোম হকশেলগী লমদা চহি কয়া থবক তৌরক্লে। হকশেলগী লমদা মায়োক্নরিবা খুদোংচাদবা অমদি দোক্তরশিং, নর্সশিং অমসুং অতোপ্পা মেদিকেলগী মীওইশিং ৱাৎপা অসিনি হায়বা অদোম খঙলে। মসিগী খুদোংচাদবা অসি শেমদোক্নবা হৌখিবা চহি ৯ অসিদা লৈবাক অসিদা মমাঙদা অমুক্তা ওইখিদ্রিবা থবকশিং পায়খৎলে। চাংচৎ অমদা, হৌখিবা চহি ৯দা থা খুদিংগী অনৌবা মেদিকেল কলেজ অমা লিংখৎলে। ২০১৪গী মমাঙগী চহি ১০দা, মেদিকেল কলেজ ১৫০গী মখাদা শেমগৎখি।  

হৌখিবা চহি ৯দা লৈবাক অসিদা অনৌবা মেদিকেল কলেজ ৩০০ হেন্না লিংখৎলে। ২০১৪গী মমাঙদা ঐখোয়গী লৈবাক্তা এম.বি.বি.এস সিত ৫০,০০০ রোম লৈরমখি। ঙসিদি লৈবাক অসিদা এম.বি.বি.এস সিত লাখ ১ হেল্লে। ২০১৪গী মমাঙদা পি.জি সিত ৩০,০০০ রোম খক্তা লৈরমখি। হৌজিক পি.জি সিত হেনগৎতুনা চাউরাক্না সিত ৬৫,০০০ রোম লৈরে। অফবা ৱাখল্লোন লৈরবা মতমদা অমসুং খুন্নাইগী থবক তৌনবা পুক্নিংদা খনবা অমা লৈরবদি, অসিগুম্বা ৱারেপশিং লৌই অমসুং থবক ওইনসু পাংথোকই।

মরুপশিং,

হকশেলগী লমদা ভারত সরকারনা পায়খৎলিবা থবকশিংগী ফল লাক্লিবা নুমিৎশিংদা উবা ফংলগনি। নিংতম্বা মতুংদা চহি ৭০দা লৈবাক অসিদা পুথোকখিবা দোক্তর মশিং অদুগা মান্নবা দোক্তরশিং মথং চহি ১০দা পুথোক্লগনি। ঐখোয়গী পান্দম অসি মেদিকেল কলেজশিং নত্ত্রগা দোক্তরশিং খক্তদা নত্তে। ঙসিমক, নর্সিং কলেজ পাকথোক-চাউথোকপগী থবক মফম অসিদা হৌরে।  

নর্সিংগী লমদা ভারত সরকারনা নহারোলশিংদা অনৌবা খুদোংচাবশিং পীরে। হন্দক লৈবাক অসিদা সরকারনা অনৌবা নর্সিং কলেজ ১৫০ লিংখৎনবা অয়াবা পীরে। থৌরাং অসিগী মখাদা, রাজস্থান্দা অনৌবা নর্সিং কলেজ ২০ হেন্না শারগনি। মসিনা অদোমগী সুপর স্পিসিএলিতি চেরিতেবল গ্লোবেল হোস্পিতালদশু কান্নবা ফংলগনি।

 

|

মরুপশিং,

ভারত্তা চহি লিশিং কয়া, ঐখোয়গী স্পিরিচুএল অমসুং লাইনিংগী লোইশঙশিংনা খুন্নাইদা লাইরিক-লাইশুদগী হৌরগা লায়রবশিং সেবা তৌনবা থবক তৌদুনা লাক্লি। গুজরাতকী য়ুহা হাবা মতম অমসুং মদুগী মমাঙদগী ঐখোয়না ইচন-ইচেশিংনা থবক কন্না শুবা-নোম্বা ঐনা উরে। অদোম্না পাংথোক্লিবা থবক ঐ নিংথিনা খঙলে। কুছ য়ুহা হাবা মনুংদা অদোম্না পাংথোকখিবা থবক ঐ নিংশিংলি, ঙসি ফাওবা মদুনা ইথিল পীরি।

অদোমগী দি-এদিক্সনগী খোঙজংশিং, অকোয়বগী ফিবম ঙাক-শেনবা নত্ত্রগা জল জন অভিয়ান য়াওনা হিরম খুদিংমক্তা মীয়ামগী খোঙজং অমা ওইহন্নবা লুপ অমা ব্রাহ্মা কুমারিশিংনা উৎলে। ঐনা অদোমগী মরক্তা লাকপা খুদিংদা, লৈবাক্কীদমক ঐনা থাজবা থম্লিবশিং থবক ওইনা পাংথোক্নবা অদোম্না হোৎনদনা তুমিন্না লৈথোকপা অমতা উদে।

নিংতম্বা নুমিৎকী ‘অমৃত মহোৎসব’কা মরী লৈনবা থৌরম কয়া লৈবাক শীনবা থুংনা শীন্দুনা লৈবাক্কীদমক থবক তৌনবা অদোম্না মীওই কয়া পুক্নিং থৌগৎলে। মালেম শীনবা থুংনা য়োগা কেম্পশিং নত্ত্রগা দিদি জনকিজিনা শ্বাছ ভারত অভিয়াগী ব্রান্দ এম্বেসেদর ওইরে অমসুং ইচলশিংনা শ্বাছ ভারতকী থৌদাং লৌরে।

অদোমগী থবকশিংনা ঐনা ব্রাহ্মা কুমারিশিংদা থম্লিবা থাজবা হেনগৎহল্লে। ঙসি ভারতনা ‘শ্রী অন্না’ হায়বদি মিল্লেতশিংগী মতাংদা মালেমগী ওইবা খোঙজং অমা চঙশিল্লে। ঙসি ঐখোয়না লৈবাক অসিদা মহৌশাগী ওইবা লৌউ পথাপকী খোঙজংশিং পায়খৎলে। ঐখোয়না ঐখোয়গী তুরেলশিং শেংদোক্কদবনি। ঐখোয়না লৈনুংগী ঈশিং য়োক্তুনা থমগদবনি। হায়রিবা হিরমশিং অসি চহি লিশিং কয়া কুইরবা ঐখোয়গী অরিবা নাৎ অমসুং চৎনবীশিংগা মরী লৈনৈ। মরম অদুনা, হায়রিবা থবকশিং অসিদা অদোম্না হেন্না মতেং পাংলবদি, লৈবাক্কী থবক তৌবা হেনগৎহনগনি।

লৈবাক অসি শেমগৎনবা অনৌবা ৱাফমশিং অনৌবা মওংদা থবক পায়খৎকনি হায়না ঐনা ব্রাহ্মা কুমারিশিংদা থাজবা থম্লি। চাউখৎলবা ভারত অমা শেমগৎতুনা মালেমগীদমক ‘সর্ভে ভভনতু সুখিনাহা’গী লাইৱা অসি ঐখোয়না থবক ওইনা পাংথোক্কদবনি। হৌজিক লৈবাক অসিদা জি-২০গী খন্ন-নৈনবা পাংথোক্লি। মালেম্না নুপীশিংদা শক্তি পীনবা ৱা খন্নরিঙৈদা, নুপীনা মাঙজিল থাবা চাউখৎ-থৌরাংগী মাইকৈদা ঐখোয়না থবক তৌরি। পাক-শন্না লৈরিবা অদোমগী লুপ অসিদা ঐনা মপুংফানা থাজবা থম্লি অমসুং লৈবাক অসি শেমগৎপদা মতেং পাংগনি।

মসিগী পাউজেল অসিগা লোয়ন্না, মফম অসিদা ঐ লাক্নবা বার্তন পীরকপগীদমক ঐনা ময়াম পুম্নমক থাগৎচরি। ঐনা ঙম্লিবমখৈ ঐ মতম পুম্নমক্তা অদোমগী থৌরমশিং শরুক য়াগনি, মরমদি মতম খুদিংদা ঐ করিগুম্বা খর ফংবা ঙম্মি। অদোমগী থৌজাল, ইথিল অমসুং শক্তিনা লৈবাক্কীদমক থবক তৌনবা ঐঙোন্দা ইশিল্লে অমসুং ঐঙোন্দা অনৌবা থৌনা হাপ্লে। মফম অসিদা লাক্নবা ঐঙোন্দা খুদোংচাবা পীবগীদমক ঐনা অদোমবু থাগৎচরি!

ঔম শান্তি!

 

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Gouranga Biswas November 16, 2024

    bjp jindabad💙💙💙💙💙💙💙💙💙💙
  • Devendra Kunwar October 08, 2024

    BJP
  • दिग्विजय सिंह राना September 20, 2024

    हर हर महादेव
  • JBL SRIVASTAVA May 27, 2024

    मोदी जी 400 पार
  • Vaishali Tangsale February 12, 2024

    🙏🏻🙏🏻🙏🏻
  • ज्योती चंद्रकांत मारकडे February 11, 2024

    जय हो
  • Amit Jha June 26, 2023

    🙏🏼🇮🇳#brahmakumari
  • May 13, 2023

    Please convert me sir
  • May 13, 2023

    Tamil Nadu Chen I am Uday Sai Kumar 51 age
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India’s Average Electricity Supply Rises: 22.6 Hours In Rural Areas, 23.4 Hours in Urban Areas

Media Coverage

India’s Average Electricity Supply Rises: 22.6 Hours In Rural Areas, 23.4 Hours in Urban Areas
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 22 ফেব্রুৱারি, 2025
February 22, 2025

Citizens Appreciate PM Modi's Efforts to Support Global South Development