Dedicates Fertilizer plant at Ramagundam
“Experts around the world are upbeat about the growth trajectory of Indian economy”“A new India presents itself to the world with self-confidence and aspirations of development ”“Fertilizer sector is proof of the honest efforts of the central government”“No proposal for privatization of SCCL is under consideration with the central government”“The Government of Telangana holds 51% stake in SCCL, while the Central Government holds 49%. The Central Government cannot take any decision related to the privatization of SCCL at its own level”ভারত ইমানা য়াইফরে।
ভারত ইমানা য়াইফরে।
ভারত ইমানা য়াইফরে।
ই সবকু, বিচ্চে-সিনা রহতুলু,
সৌদরা, সৌদরী-মনুলকু, নমস্কার-মুলু।
তেলঙ্গানানাগী রাজ্যপাল দাঃ তামিলিসাই সৌন্দরাজনগী, কেন্দ্রগী মন্ত্রী মন্দলগী ঐহাক্কী মরুপ্লোই, শ্রী কিশন রেদ্দীজী, ভগ্বনত খুবাজী, ঐহাক্কী পার্লিয়ামেন্তরিয়ন মরুপ, বন্দী সঞ্জয় কুমারজী, শ্রী ভেঙ্কতেশ নেথাজী, অতোপ্পা মীওই অমদি ইবেম্মা অমসুং ইবুংঙোশিং!
রামাগুন্দম লমদমগা মরী লৈনরিবা তেলঙ্গানাগী মীপুম খুদিংবু ঐহাক্না ইকোক নোঞ্জরি! তেলঙ্গানাগী কন্সতিত্বেন্সী ৭০, এসেমব্লী সেগমেন্ত ৭০গী লৌমী লিশিং কয়ানা তি.ভি. স্ক্রীনগী খুত্থাংদা ঙসিগী থৌরমসিদা হৌজিক শরুক য়ারি হায়না ঐহাক্কী ইফমদা পাউদম্বীরে। ঐহাক্না হায়রিবা লৌমী ইচিল ইনাওশিংবু তরাম্না ওকপগা লোয়ননা অদোম পুম্নকপু ইকায় খুম্নজরি।
মরুপশিং,
ঙসি, লুপা করোর লিশিং ১০ হেনবা শেনফমগী চাউখৎ থৌরাংগী থবক কয়া তেলঙ্গানাগীদমক্তা উরেপ উয়ুং তম্বগা লোয়ননা লৈবাক মীয়ামদা খুৎশিন্নখ্রে। প্রোজেক্তশিং অসিনা লমদমসিগী ইন্দস্ত্রী অমসুং লৌউ-শিংউ অনিমক্তা তেংবাংগনি। ফর্তিলাইজর প্লান্ত নত্ত্রগা অনৌবা রেল লাইন ওইরো, মসিনা ইন্দস্ত্রী কয়া চাউখৎহনগনি। প্রোজেক্তশিং অসিনা তেলঙ্গানাদা থবক্কী অনৌবা খুদোংচাবা কয়া পীরগনি, মীচম মীয়ামগী পুন্সি মহিং ফগৎহল্লগনি। মসিগুম্বা প্রোজেক্তশিং অসিগীদমক্তা ঐহাক্না লৈবাক মীয়াম অমসুং তেলঙ্গানাগী মীওইশিংবু থাগৎচরি।
মরুপশিং,
মমাংগী চহি অনি, অনি-মখায়দগী মালেম পুম্বনা কোরোনা লাইচৎকা লান্থেংনদুনা লাকখি, অদুগা নাকল অমদনা লান অমসুং মিলিতরীগী থবক কয়া চত্থদুনা লাকখি, মসিনা লৈবাক অমসুং মালেমদা অৱাবা চৈথেং পীদুনা লাকখি। মসিগুম্বা শিংনবা কয়া লৈজরবসু, মালেম শিনবা থুংবনা ঙাংনবা ৱাফম অমা ঐখোয়না তারি। মালেমগী অখঙ অহৈ কয়ানা ভারতনা অথুবা মতমদা মালেমগী খ্বাইদগী অহুমশুবা শেন্মিৎলোন ওইরগনি হায়নরি। ইং ৯০গী মতুংগী চহি ৩০দা লৌখিবা শাহৌগা মান্নবা চাংদুমক ঐখোয়না লাক্কদৌরিবা চহি খরসিদা লৌগনি হায়নরি। মালেমগী শেন্মিৎলোনগী অখঙ অহৈশিংনা ভারত্তা অসুক য়াম্না থাজবা থম্লিবসি করি মরমগীনো? মসিগী খ্বাইদগী চাউবা মরমদি ঐখোয়না মমাংগী চহি ৮দা পুরকখিবা অহোংবশিংনি। মমাংগী চহি ৮ অসিদা ঐখোয়গী লৈবাক অসিনা থবক তৌবগী মওংদা অহোংবা পুরকখি। লৈঙাকপগী ৱাখল্লোন হোংদোকখি। মিৎয়েং হোংদোকখি। ইনফ্রাস্ত্রকচর নত্ত্রগা সরকারগী থবক থৌরম ওইরো, নত্ত্রগা কারবার তৌবগী হেন্না নুংঙাইবা অকোয়বগী ফিভম লৈহনবা ওইরো, নত্ত্রগা মসিগুম্বা অহোংবশিং লৈহন্নবা ইথিল পীরিবা ভারতকী মিৎয়েং শানবা খুন্নাই ওইরো, ঙসিদি, চাউখৎপা লৈবাক অমা ওইনীংবা অমসুং মশাদা থাজবা লৈবা ভারত অমা ঐখোয়গী মাঙদা লৈরে।
ইচিল ইনাওশিং,
চাউখৎ থৌরাং হায়রিবা থৌওং অসি লৈবাক অসিদা চহিদা নুমিৎ ৩৬৫নি পাংথোকপা লেপ্তবা মিসন অমনি। লৈবাক মীয়ামদা প্রোজেক্ত অমা হেক খুৎশিন্নখিবগা, অতোপ্পা প্রোজেক্ত অমা খুদক্তা হৌই। উরেপ উয়ুং তমখ্রবা প্রোজেক্তশিং খোঙজেল য়াঙনা লোইশিনবদা অহেনবা মিৎয়েং চঙলি অমসুং রামাগুন্দম প্রোজেক্তনা মসিগী ময়েক শেংলবা খুদম অমনি। রামাগুন্দম প্রোজেক্তকী উরেপ উয়ুং অসিমক প্রধান মন্ত্রীনা ওগস্ত ৭, ২০১৬তা তমখিবনি অমসুং ঙসিদি মসি লৈবাক মীয়ামদা খুৎশিন্নরে।
ইচিল ইনাওশিং,
২১শুবা চহি-চাগী ভারতনা অচৌবা প্রোজেক্তশিং লোইশিন্দুনা তুংলমচত্তা চঙশিনবা ঙমগনি। করিগুম্বা পান্দম্না চাউরবা, ঐখোয়না অনৌবা মেথোদোলোজী পুথোকপা তাই অমসুং অনৌবা ফেসিলিতী কয়া শেম্বা তাই। ফর্তিলাইজর সেক্তরনা কেন্দ্র সরকারনা পুকচেল চেংনা থবক তৌবগী খুদম অমা ওইরি। ফর্তিলাইজরগীদমক্তা মীরমদা মখা পোল্লিঙৈগী মতমদা রামাগুন্দম প্লান্ত য়াওনা অতোপ্পা প্লান্ত কয়া অমা শোত্থবা তেক্নোলোজী শিজিন্নবনা মরম ওইরগা হান্না লৈরম্বা প্লান্ত কয়া নমদুনা থিংজিনহনবা তাখিবনি। অৱাংবা মমলদা মীরমদগী পুশিল্লকপা য়ুরিয়াবু লৌমীশিংদা য়ৌহনবগী মহুত্তা অতোপ্পা মরমগীদমক্তা ব্লেক মার্কেত্তা থাদোকপগী চৎনবী লৈরম্মি। লৌমীশিংনা য়ুরিয়া লৌনবগীদমক্তা অহিং নুংথিল ক্যুদা লেপম্নরম্মি, চৈ চাবসু য়াওখি। ইং ২০১৪গী মমাংগী চহি খুদিংদা লৌমীশিংনা মসিগী খুদোংচাদবা অসি হঞ্জিন-হঞ্জিন্না মাইয়োক্নরম্মি।
মরুপশিং,
ইং ২০১৪গী মতুংদা কেন্দ্র সরকারনা পায়খৎখিবা অহানবা খোঙথাংদি য়ুরিয়াবু ১০০% নীম কোতিং তৌবনি অমসুং মদুদগী ব্লেক মার্কেত থিংখিবনি। কেমিকেল ফেক্তরীদা য়ৌরম্বা য়ুরিয়া য়ৌখিদ্রে। লবুক্তা য়ুরিয়া কয়াম্না হাপকনি, মসিগুম্বা ৱারোলশিংগী ই-পাউ লৌমীশিংদা লৈরমদে, মদু খঙদোক্নবা পাম্বৈ মখোয়গী মনাক্তা লৈরমদে। অদুনা, ঐখোয়না লৈবাক শিনবা থুংবদা সোইল হেল্থ কার্দকী চৎনবী হৌদোকখি। সোইল হেল্থ কার্দ ফংবদগী লৌমীশিংনা হায়রিবা ই-পাউশিং ফংনখি। পোত্থোক হেনগৎহনগে হায়রবসু য়ুরিয়া কা হেন্না থাদবগী মথৌ তাদে, লৈহাওগী মখা পোন্না অদুমক হেনগৎহনবা য়াগনি হায়বা খঙবা ঙম্নখি।
মরুপশিং,
ঐখোয়না য়ুরিয়াবু আত্মানির্ভর ওইহন্দুনা অচৌবা থবক অমা পায়খৎখি। হান্নদগী লোন্দুনা লৈরিরবা ফেক্তরী ৫বু ঐখোয়না মসিগীদমক্তা হাংদোকহনখি। উত্তর প্রদেশকী গোরখপুর প্লান্তনা প্রদক্সন হৌখ্রে অমসুং রামাগুন্দম প্লান্ত অসিসু লৈবাক মীয়ামদা হৌজিক খুৎশিন্নরে। প্লান্ত মঙা অসিনা নিংথিনা মথৌ পাংথোক্লকপা মতমদা লৈবাক অসিনা য়ুরিয়া তোন লাখ ৬০ ফংগনি অমসুং মসিনা মরম ওইরগা লৈবাক্না ইম্পোর্ত্তা শেল য়াম্না তুংশিনবা ঙম্লগনি অমসুং য়ুরিয়াসু মরাং কায়না ফংলগনি। রামাগুন্দম ফর্তিলাইজর প্লান্তনা তেলঙ্গানা, আন্ধ্র প্রদেশ, কর্নাতকা, ছতিসগর অমসুং মহারাস্ত্রাগী লৌমীশিংদা য়াম্না তেংবাংগনি অমসুং লমদমশিং অসিগী লোজিস্তিক্কা মরী লৈনবা কারবারশিংদা শাফু য়াম্না পীগনি। হায়বদি, কেন্দ্র সরকারনা থাদখিবা লুপা করোর ৬০০০না তেলঙ্গানাগী নহাশিংগী মফমদা লুপা লিশিং কয়া কয়াগী কান্নবা পীগনি।
ইচিল ইনাওশিং,
লৈবাক্কী ফর্তিলাইজর সেক্তরবু মোদর্ন ওইহন্নবগীদমক্তা ঐখোয়না অনৌবা তেক্নোলোজী শিজিন্নবদা অহেনবা মিৎয়েং চঙখি। ভারতনা নেনো য়ুরিয়া খুমাং চাউশিলহনখি। য়ুরিয়া বোরা অমনা পীবা কান্নবগী চাংদু য়ুরিয়া বোত্তল অমগা মান্নগনি।
মরুপশিং,
হারগী মতাংদা মরোমদোম লেপচবা হায়বসি ঙসিগী মালেমগী ফিভমশিং উরবা মতুংদা খঙবা ঙম্লবনি। কোরোনা লাকখ্রে, লান তৌরে, মালেমদা হারগী মমল তাংখৎখ্রে। অদুবু, মমল ৱাংবগী অৱাবগী পোৎলুম ঐখোয়না লৌমীশিংদা কৈদৌনুংদা ফংহনখিদে। লুপা ২০০০ পীবা য়ুরিয়া বোরা অমবু লৌমীশিংদা লুপা ২৭০দা ফংহল্লি। মালেমগী কৈথেলদা লুপা ৪০০০ পীবা দি.এ.পি. বোরা অমবু সবসিদী পীরবা মতুংদা লুপা ২৫০০দা ফংহল্লি।
মরুপশিং,
মমাংগী চহি ৮দা, লৌমীশিংনা হারগী অৱাবা মাইয়োক্নদনবা হায়দুনা কেন্দ্র সরকারনা চাউরাকপা লুপা করোর লাখ ১০ থাদখি, মসিগী মশিং অসি লৈবাক মীয়াম্না নিংশিংবীয়ু। হন্দক্কী চহিমক্তদা, ভারতকী লৌমীশিংদা হার মরাং কায়না ফংহন্নবগীদমক্তা কেন্দ্র সরকারনা লুপা করোর লাখ ২.৫দগী হেন্না চাদিং তৌখ্রে। লুপা করোর লাখ ২.৫। মসিগী মথক্তা, কেন্দ্র সরকারনা পি.এম. কিসান সম্মান নিধীগী মখাদা লৈবাক্কী লৌমীশিংগী বেঙ্ক একাউন্ততা চাউরাকপা লুপা করোর লাখ ২.২৫ হাপখ্রে। লৌমীশিংগী অপাম্বনা খ্বাইদগী মকোক্তা থম্বা সরকারনা দিল্লীদা লৈরবনিনা, মখোয়গী য়াইফ য়ুম্বালগী থবক থৌরম কয়া পাংথোক্তুনা লাক্লিবসিনি।
মরুপশিং,
ঐখোয়গী লৈবাক্না হারগা মরী লৈনবা খুদোংচাদবা কয়া দিকেদ কয়াদগী থেংনদুনা লাকখি। তোঙান-তোঙানবা ব্রান্দগী ফর্তিলাইজরশিং মার্কেত্তা থোক্লকখি। মসিনা লৌমীশিংবু য়াম্না চমম্নহনখি। ভারত্তা য়ুরিয়া অসি হৌজিক ব্রান্দ অমখক্তা ফংলগনি, ব্রান্দ অসিদি ভারত ব্রান্দ হায়না কৌগনি। মসিগী মগুন অমসুং মমল ঐখোয়না লেপ্লে। সেক্তর অসিবু সরকারনা মতৌ করম্না শেমদোক্লিবগে, অপীকপা লৌমীশিংগীদমক্তা অখন্ননা, হায়বসি থৌওং অসিনা ময়েক শেংনা তাক্লি।
মরুপশিং,
ঐখোয়গী লৈবাকসিদা কন্নেক্তিবিতী ইনফ্রাস্ত্রকচরগী মতাংদা শিংনবা অমসু লৈরি। লৈবাক্না মসিগী ৱারোইশিনসু পুরক্লি। লৈবাক্কী রাজ্যশিংদা মোদর্ন হাইৱে, এয়রপোর্ত, ৱাতরৱে, রেলৱে অমসুং ইন্তর্নেত হাইৱে লৈহন্দুনা শিংনবশিং অসিগী ৱারোইশিন পুরকপদা সরকারনা তেংবাংলি। থৌওং অসিনা পি.এম. গতিশক্তি নেস্নেল মাস্তর প্লান্দগী পাঙ্গল ফংলি। ঙরাং পাংথোকখি নিংশিংবীয়ু? ইন্দস্ত্রীশিংগী স্পিসিএল জোন হায়না লাউথোকখ্রে। অদুবু, মফমশিং অদু ফাওবদা লম্বী শোরোক, মৈ, ঈশিং অমসুং মতমগা চুনবা খুদোংচাবা কয়াগী মথৌ তাই। হায়রিবশিং শেম-শাবদা মতম য়াম্না চঙনৈ। অদুবু, ঐখোয়না ফিভম অসিদা অহোংবা পুরক্লে। হৌজিক্তি, স্তেকহোলদর অমসুং প্রোজেক্তকা মরী লৈনবা এজেন্সী পুম্নমক্না অমত্তা ওইদুনা তোঙানবা থৌরাং অমগা লোয়ননা প্রোজেক্তশিং অসিদা থবক তৌরি। মসিনা মরম ওইদুনা, প্রোজেক্তশিংনা মরক্তা পনবগী ফিভম থোকহন্দ্রে।
মরুপশিং,
ভদ্রাদ্রী কোতাগুদেম জিলা অমসুং খম্মাম জিলা ফাওনগদবা অনৌবা রেল লাইন ঙসিদগী হৌদোক্লে। মসিনা লোকেল মীয়ামদা মতেং য়াম্না পাংগনি, তেলঙ্গানা পুম্বসু কান্নবা ফংগনি। মসিনা তেলঙ্গানাগী পাৱর সেক্তর, ইন্দস্ত্রীশিংদা কান্নবা পীবগা লোয়ননা নহা কয়াদা থবক্কী খুদোংচাবসু পীগনি। ঐখয়না লেপ্তনা হোৎনবদগী, রেল লাইন অসি শুপ্নগী চহি ৪দা লোইশিনবা ঙমখি অমসুং ইলেক্ত্রিফিকেসন তৌবসু লোইরে। মসিদগী, মৈগী ফেক্তরীশিংদা অহোঙবা মমলদা কোয়লা ফংহনবা ঙম্লগনি অমসুং পোল্ল্যুসনসু য়াম্না হন্থরগনি।
মরুপশিং,
ঙসি ঐখোয়না হাইৱে অহুম পাকথোকপগী থবক ঙসিদগী হৌখ্রে, মসিনা কোয়লা বেল্ত, ইন্দস্ত্রী বেল্ত অমসুং চুগী লৌমীশিংদা হকথেংননা কান্নবা পীগনি। য়াইঙং পুথোকপা লৌমী কয়া মফমসিদা লৈ। চু থাবা লৌমী নত্ত্রগা য়াইঙং থাবা লৌমী ওইরো, মখোয়গী খুদোংচাবা হেনগৎলগনি, ত্রেন্সপোর্তেসন হেন্না লায়রগনি। মতৌ অসুম্না, লম্বে পাকথোকপসিনা কোয়লা মাইন অমসুং মৈগী ফেক্তরীশিংদা চৎপদসু মতম য়াম্না চঙলরোই। লম্বী পাকথোকপা অসিদগী হাইদ্রবাদ-ৱারঙ্গল ইন্দস্ত্রীএল কোরিদোর, ককাতিয়া মেগা তেক্সতাইল পার্ক্কী কন্নেক্তিবিতী হেন্না ফগৎলগনি।
মরুপশিং,
লৈবাক্না চাউখৎলকপা নত্ত্রগা চাউখৎপগী খোঙজেল য়াঙখৎলকপা মতমদা, রাজনিতীগী ওইজবগীদমক্তা মীওই খরনা তোকঙা শন্দোকপা হেক্তা হৌই। অতোপ্পা মীয়ামদা ইনশিন্দুনা খোইশাওনহল্লি। ‘সিঙ্গারেনি কোল্লাইরিস কম্পেনী লিমিতেদ –এস.সি.সি.এল. অমসুং তোঙানবা কোল মাইন খরগী মতাংদা মান্নবা তোকঙা খরা হৌজিক তেলঙ্গানাদা শন্দোক্লি। মসিগী মতাংদা হাইদ্রবাদতা ৱাফম কয়া থম্নরি, অনৌবা ৱাফম কয়া হাপচিল্লি। ঐহাক্না হৌজিক অদোমগী মরক্তা লাক্লবনিনা, ঐহাক্না মরী লৈনবা ৱাফম খরা থমজনিংই। মুন্না অমুক্তা তাবীয়ু। তেলঙ্গানা সরকারনা এস.সি.সি.এল.দা ৫১% স্তেক লৈ, কেন্দ্র সরকারনা ৪৯% লৈ। কেন্দ্র সরকারনা এস.সি.সি.এল. প্রাইভেতাইজেসন তৌবগা মরী লৈনবা ৱারেপ অমত্তা মশাগী থাক্তা লৌবা য়াদে। এস.সি.সি.এল.বু প্রাইভেতাইজ তৌবগী ৱাহৌদোক অমত্তা কেন্দ্র সরকারনা খন্ন-নৈনদ্রি। অদুনা, মসিগুম্বা তোকঙাশিংদা য়াম্না লুনা লৌবীগনি। মসিগুম্বা অরানবা মরোল লল্লোনশিংবু হাইদ্রবাদতা অদুমক লৈজসনু।
মরুপশিং,
কোল মাইনগা মরী লৈননা লৈবাক অসিদা অয়েৎপা পীদুনা লাকখিবা লুপা করোর লিশিং কয়াগী ৱাথোক কয়া ঐখোয়না থেংনখ্রে। মসিনা মরম ওইরগা ৱর্কর, লাইরবা অমসুং মাইনশিং অসি লৈবা মফমশিংনা য়াম্না চাউয়া মাঙজবা ফংখি। লৈবাক অসিদা কোয়লাগী তঙাই ফদবা হেনগৎলক্লিবা অসি য়েংলদুনা নুং-পান ফাওনা উহন্দুনা কোল মাইনশিংগী ওক্সন পাংথোক্লি। ঐখোয়গী সরকারনা মিনরেল লৌথোক্লিবা মফমশিংদা লৈবা মীয়ামদা কান্নবা পীনবগীদমক্তা দি.এম.এফ., হায়বদি, দিস্ত্রিক্ত মিনরেল ফন্দ শেমখ্রে। ফন্দ অসিগী মখাদা রাজ্যশিংদা লুপা করোর লিশিং কয়া পীথখ্রে।
ইচিল ইনাওশিং,
ঐখোয়না সবকা সাথ, সবকা বিকাস, সবকা বিশ্বাস অমসুং সবকা প্রয়াসকী মন্ত্রগা লোয়ননা তেলঙ্গানাবু তুংলমচত্তা পুবা পাম্মি। তেলঙ্গানাগী খোঙজেল য়াঙবা চাউখৎ থৌরাংগীদমক্তা ঐখোয়না অদোমগী থৌজাল অদুমক ফংদুনা লৈগনি হায়বগী থাজবগা লোয়ননা ঐহাক্না ঙসি মশিং য়াম্না লাকপীরিবা অদোম খুদিংবু থাগৎচরি। অদুগা ঙসিদি, হাইদ্রবাদকী মীওই খরদি তুম্বা য়াররোই। অদোম্না ঙসি মশিং য়াম্না থোকপীরকপগীদমক্তা অমুক্কা হন্না থাগৎচরি।
ঐহাক্কা পুন্না অমুক্তা লাউমিন্নসি, পাঙ্গল পুম্নমক পুথোক্লগা লাওমিন্নসি।
ভারত ইমানা য়াইফরে। ভারত ইমানা য়াইফরে।
ভারত ইমানা য়াইফরে।
ভারত ইমানা য়াইফরে।
হন্না হন্না থাগৎচরি।
