দাদরা অমসুং নগর হভেলি, দমন অমসুং দিয়ু, লমদমশিং অসি ঐখোয়গী চাউথোকচনীংঙাইনি, ঐখোয়গী হেরিতেজনি: পি.এম.
দাদরা অমসুং নগর হভেলি, দমন অমসুং দিয়ুনা স্কিম কয়ামরুমদা সেচুরেসন লেবেল য়ৌবা ঙমখ্রে: পি.এম.জন ঔশাধি হায়বগী ৱাহন্থোক্তি অহোংবা মমলদা লায়েং ফংনবা গরেন্তী পীবনি! জন ঔশাধিগী মন্ত্র অসি – অতাবা মমল, অফবা হীদাক হায়বনি: পি.এম.ঐখোয়না ঐখোয়গী চীঞ্জাক্তা অচাথাও শীজিন্নবা 10% হন্থহনগদবনি, থা খুদিংগী থাও 10% হন্থহন্নবা হোৎনগদবনি, মসি ওবেসিতী হন্থহন্নবা মাইকৈদা মরু ওইবা খোঙথাং অমা ওইগনি: পি.এম.দাদ্রা অমসুং নগর হাভেলি, দমন অমসুং দিয়ুগী লৈঙাকপা শ্রী প্রভুল ভাই পতেল, সংসদকী ঐগী মরুপ কালাবেন দেলকার, শক্নাইরবশিং, ইনাওশিং অমসুং ইচলশিং তরাম্না ওকচরি। মফম অসিদা লাক্নবা ঐঙোন্দা খুদোংচাবা পীবগীদমক ঐনা য়ুনিয়ন তেরিতোরি অসিগী থৌমীশিং থাগৎপা ফোঙদোকচরি।
মরুপশিং,
চহি কয়াগী মমাংদগী লমদম অসিগী মীয়ামগা ঐগা অচেৎপা অমসুং নুংশিনবা মরী লৈনরক্লি। ২০১৪ দগী ঐখোয়গী সরকার লাকপদগী লমদম অসিগী চাউখৎপা য়াংখৎলকখি। দাদ্রা অমসুং নগর হাভেলি, দমন অমসুং দিয়ুগী অনৌবা অমসুং চাউখৎপগী মশক অমা তাক্লে।
মরুপশিং,
ঐনা মফম অসিদা অহানবা লাকপদা লমদম অসি খেন্নবা কয়া উবা ফংখি, অপীকপা সমুদ্র মপানগী লমদম অসিদা করি পায়খৎকনি হায়না মীয়াম্না হংখি। অদুবু ঐনা মতম পুম্নমক্ত মফম অসিগী মীয়াম অমসুং মখোয়গী তৌবা ঙম্বদা থাজবা থমখি। ঐখোয়গী সরকারগী মখাদা সিলভাসা কোস্মোপোলিতান সিতি অমা ওইরক্লে, সিতি অসিদা লৈরিবা মীওইশিংগী অনৌবা খুদোংচাবশিং ফংলে।
মরুপশিং,
অঙনবা মতমদা শিঙ্গাপুর অসি অপীকপা ঙা ফাফম খুঙ্গং অমা ওইরমখি। শিঙ্গাপুরগী মীয়ামগী অকনবা থৌনাদগী শিঙ্গাপুরগী অওনবা পুরকখিবনি। চাউখৎনবগীদমক য়ুনিয়ন তেরিতোরি অসিগী মীয়াম্না চপ মান্নবা ৱাশক অমা লৌগদবনি। ঐনা লমদম অসিগী মীয়ামগীদমক লেপ্লি, লমদম অসিগী মীয়াম্না মাংলোমদা চৎখৎনবা থবক পায়খৎকদবনি। দাদ্রা অমসুং নগর হাভেলি, দমন অমসুং দিয়ু অসি শুপ্নগী য়ুনিয়ন তেরিতোরি অমা খক নত্তে মসি চাউথোকচবা অমসুং হেরিতচগী হৌরকফমনি। মরম অদুনা ঐখোয়না লমদম অসি চাউখৎ-থৌরাংগী মতৌ তম্নবা রাজ্য অমা ওন্থোক্লে। লমদম অসি অৱাংবা থাক্কী ইনফ্রাস্ত্রকচর, অনৌবা অনা-লায়েংগী থবকসিং, মালেম থাক্কী মহৈ লোয়শঙশিং, ব্লু ইকোনোমি, উদ্যোগ চাউখৎপা, নহারোলশিংগী অনৌবা খুদোংচাবশিং অমসুং চাউখৎ-থৌরাংদা নুপীশিং শরুক য়াবগী মতাংদা মীয়াম্না মশক খঙনবা লমদম অমা ওইহন্নবা ঐনা পান্দম থম্লি।
মরুপশিং,
শ্রী প্রভুল পতেলগী লমজিং মখাদা অমসুং কেন্দ্র সরকারগী মতেংগা লোয়ননা, হায়রিবা পান্দমশিং অসি ফংনবা লমদম অসি য়াংনা চঙশিল্লি। হৌখিবা চহি ১০ দা, চাউখৎ-থৌরাংগী থবকশিং শিংথানিঙাই ওইনা পায়খৎলে। হৌজিক লমদম অসি চাউখৎপগী মতাংদা লৈবাক অসিগী মেপ্ত তোপ-তোপ্পা মশক অমা তাক্লে। সরকারগী তোঙান-তোঙানবা স্কিমশিং হায়বদি ৱান নেসন ৱার রেসন কার্দ, জল জিবন মিসন, ভারতনেত, পি.এম জন ধন য়োজনা, পি.এম জিবন জয়তি বিমা অমসুং পি.এম সুরক্সা বিমানা লায়রবশিং অমসুং ত্রাইবেলশিং য়াওনা মীওই কয়াদা কান্নবশিং ফংহল্লে। ঐখোয়গী সরকারগী মথংগী পান্দমদি স্মার্দ সিতিস মিসন, সামাগ্রা সিক্ষা অমসুং পি.এম মুদ্রা য়োজনাগুম্বা থবকশিং চাদা ১০০ মপুংফানা পাংথোকপনি। অহানবা ওইনা, সরকার অসিনা হায়রিবা য়াইফ-থৌরাংগী স্কিমশিং অসি মীয়ামদা হকথেংননা য়ৌহল্লে। মীওই খুদিংমক সরকারগী থৌরাংশিংগী কান্নবশিং ফংলে।
মরুপশিং,
ইনফ্রাস্ত্রকচর, লাইরিক-লাইশু তম্বা, থবক পীবা অমসুং উদ্যোগ চাউখৎপদা দাদ্রা অমসুং নগর হাভেলি, দমন অমসুং দিয়ুগী অওনবশিং লাক্লে। মমাংঙৈদা লমদম অসিগী নহারোলশিং অৱাংবা থাক্কী লাইরিক তম্নবা মপান্দা চৎলম্মী, অদুবু ঙসিদি লমদম অসিদা জাতি থাক্কী মহৈলোয়শঙ তরুক লৈরে। মহৈলোয়শঙশিংগী মনুংদা নমো মেদিকেল কলেজ, গুজরাত নেসনেল লো য়ুনিভর্সিতি, আই.আই.আই.তি দিয়ু, নেসনেল ইন্সতিতুৎ ওফ ফেসন তেক্নোলোজি, ইন্সতিতুৎ ওফ হোতেল মেনেজমেন্ত এন্দ কেতরিং তেক্নোলোজি অমসুং দমন ইঞ্জিনিয়ারিং কলেজ য়াওরি। নহারোলশিং মখা তানা খুদোংচাবা ফংনবা হায়রিবা মহৈলোয়শঙশিং অসিদা মখোয়গীদমক সিত খাক্তুনা থম্লে। লমদম অসিদা তোঙান তোঙানবা মেদিয়ম মরি-হিন্দী, ইংলিস, গুজরাতি অমসুং মরাথিদা লাইরিক তম্বীবদা ঐ হরাওই। ঐনা চাউথোক্না হায়গনি মদুদি প্রাইমারি অমসুং জুনিয়ার স্কুলশিংদা অঙাংশিং স্মার্দ ক্লাসরুমশিংদা লাইরিক তম্লে।
মরুপশিং,
চহি খর অসিদা লমদম অসিদা অনৌবা মতমগী অনা-লায়েংগী থবকশিং শিংথাবা য়ানা ফগৎলে। ২০২৩ দা ঐনা মফম অসিদা নমো মেদিকেল কলেজ শঙ্গাখ্রে। মসিগা লোয়ননা ফমুং ৪৫০ লৈবা অনৌবা হোস্পিতাল অমসু ঙসি শঙ্গারে। সিলভাসাদা লৈরিবা অনা-লায়েংগী খুদোংবশিং অসিনা লদম অসিগী ত্রাইবেল ফুরুপশিং য়াম্না চাউনা কান্নবশিং পীরগনি।
মরুপশিং,
ঙসিগী অনা-লায়েংগী প্রোজেকশিং অসিগা জন ঔশাধি দিবসগা মপা চানরে। জন ঔশাধিনা মমল হোংনা অনা-লায়েংগী খুদোংচাবশিং ফংহল্লি। থবক অসিগী মখাদা, সরকারনা অয়ুস্মান ভারতকী মখাদা অফবা হোস্পিতালশিংদা লেম্না লায়েংবগী খুদোংচাবা পীরি অমসুং জন ঔশাধি সেন্তরশিংদা মমল হোংবা হিদাক-লাংথকশিং ফংহল্লি। লৈবাক শীনবা থুংনা লৈরিবা জন ঔশাধি কেন্দ্রশিংদা হিদাক-লাংথকশিং মমল চাদা ৮০ তানা ফংহল্লি। দাদ্রা অমসুং নগর হাভেলি, দমন অমসুং দিয়ুদা চাউরাক্না জন ঔশাধি ৪০ রোম্না মীয়ামদা কান্নবা পীরি। তুংদা লৈবাক শীনবা থুংনা জন ঔশাধি কেন্দ্র ২৫,০০০ লিংখৎনবা সরকারনা পান্দম থম্লি। থবক অসি হেক হৌদোকপদগী, লায়রবশিংদা লুপা করোর ৬,৫০০ রোমগী মমল হোংবা হিদাক-লাংথকশিং ফংহনখ্রে, লায়রবা অমসুং মিদল ক্লাসকী লুপা করোর ৩০,০০০ রোম কনবা ঙমখি। থবক অসিনা অরুবা লায়না কয়া মমল হোংনা লায়েংবা ঙমহল্লে, মীচম মীয়ামগী দরকার ওইবশিং সরকারনা খঙবা উৎথোক্লে।
মরুপশিং,
হকচাং নোইখৎপা য়াওনা পুন্সি মহিংগা মরী লৈনবা লায়না হেনগৎলকপা অসি নুংনাংনিঙাইনি অমসুং মসিনা মীয়ামগী হকশেলদা অচৌবা শিংনবা অমা ওইরক্লে। হন্দক ফোঙখিবা রিপোর্ত অমদা, ২০৫০ ফাওবদা, ভারত্ত মীওই মিল্লিয়ন ৪৪০ নোইবগী খুদোংচাদবা মায়োক্নগনি। মসিগী খুদোংথিনিঙাই ওইবা মশিং অসিনা তাক্লি মদুদি নোইবনা মরম ওইদুনা মীওই অহুমগী মনুংদা মীওই অমা শাথিবা হকশেলগী খুদোংচাদবশিং মায়োক্নগনি, মসিনা শিনিঙাই ওইবা খুদোংথিবা অমা ওইহনগনি।
মরুপশিং,
মসি থেংননবা, মীওই খুদিংমক নোইবা হন্থনবা মতিক চাবা থবকশিং পায়খৎকদবনি। থা খুদিংগী থাউ চাবা চাদা ১০ হন্থহনবা অসি য়াম্না মরুওই, মীয়ামগী নোংমগী ওইনা থাউ শীজিন্নবা চাদা ১০ হন্থহনগদবনি। নোংমগী মনুংদা কিলোমিতর খর খোঙনা চৎপা য়াওনা হকচাং শাজেল চাংনাইনা তৌগদবনি অমসুং হকচাং ফবা পুন্সি মহিং অমা থমগদবনি অমসুং হকচাং নোইবা মাঙজৌননা ঙাকথোক্কদবনি। বিকসিত ভারত অমগী পান্দম ফংনবা ভারতনা থবক পায়খৎলে। মশা ফবা জাতি অমা খক্তনা অসিগুম্বা পান্দম ফংবা ঙমগনি।
মরুপশিং,
হৌখিবা চহি ১০ অসিদা দাদ্রা অমসুং নগর হাভেলি, দমন অমসুং দিয়ুদা খোঙজেল য়াংনা উদ্যোগ চাউখৎলে। হন্দক কেন্দ্রগী বজেত্ত মিসন মেনুফেকচরিং হৌদোক্লে হায়না লাউথোকখ্রে অমসুং মসিগী কান্নবা মপুংফানা লৌনবা লমদম অসি থৌরাং তৌরে। অনৌবা উদ্যোগ চা কয়া থবক হৌরে অমসুং হৌজিক লৈরিবা উদ্যোগ কয়া পাকথোক-চাউথোকহল্লে অমসুং লুপা করোর লিশিং কয়াগী শেনফম থাদরক্লে। হায়রিবা উদ্যোগশিং অসিনা ত্রাইবেলশিং, নুপীশিং অমসুং লায়রবশিং য়াওনা মশিং য়াম্লবা মীওইশিংদা য়াম্না থবকশিং পীরে। এস.সি. এস.তি, ও.বি.সি অমসুং নুপীশিংগী ফিবম ফগৎনবা গির অর্দস জিবিকা য়োজনা পায়খৎলে আমসুং অপীকপা দাইরি ফার্মশিং লিংখৎপগা লোয়ননা অনৌবা মশানা মশাবু থবক পীজনবগী খুদোংচাবা কয়া ফংহল্লে।
মরুপশিং,
তুরিজম অসি থবক পীনবা অচৌবা মফম অমা ওইরক্লে। লমদম অসিগী সমুদ্র মপানশিং অমসুং ইনাকখুল্লবা নাৎ অমসুং চৎনবীশিংনা ভারত অমসুং মপান লৈবাকশিংগী লমকোয়বা মীওইশিংগী পুক্নিং চিংশিল্লে। রাম সেতু, নমো পাথ, দমনদা তেন্ত সিতি অমসুং অহিংগী কৈথেলগুম্বা চাউখৎ-থৌরাংগী থবকশিং অসিনা লমদম অসি পাম্নবা হেনগৎহল্লে। অচৌবা বার্দ সেঙ্কচুরি অমা লিংখৎলে অমসুং দুধারিদা ইকো-রিসোর্ত অমা শেমগৎনবা থৌরাং লৈরে। দিয়ুদা কোস্তেল প্রোমোনেদ অমসুং সমুদ্র মপান শেমগৎপগী থবক পায়খৎলি। ২০২৪ দা দিয়ু বিচ গেমস পাংথোকখিবা অসিনা সমুদ্র মপানগী মশান্নশিং পুক্নিং থৌগৎলে অমসুং দিয়ুদা ঘোঘলা বিচ অসি মমিং লৈরবা লমকোয়ফম অমা ওনা ব্লু ফ্লেগ সর্তিফিগেত ফংলে। মসিগী মথক্ত, দিয়ুদা কেবল কার প্রোজেক অমা পায়খৎলে অমসুং অরাবিয়ান সমুদ্রগী ফজরবা শক্তম উদুনা লমদম অসি ভারতকী মকোক থোংবা লমকোয়ফম অমা ওইহল্লে।
মরুপশিং,
দাদ্রা অমসুং নগর হাভেলি, দমন অমসুং দিয়ুদা লম্বী-থোংগী ফিবম শিংথাবা য়ানা ফগৎলে। দাদ্রাদা বুল্লেত ত্রেন স্তেসন অমা শেমগৎলে অমসুং সিলভাসা ফাওরগা মুম্বাই-দিল্লি এক্সপ্রেসৱে চৎলে। হৌখিবা চহি খর অসিদা কিমি কয়াগী অনৌবা লম্বীশিং শেমগৎলে অমসুং হৌজিক লুপা করোর লিশিং কয়া চঙনা কিমি ৫০০ হেনবগী লম্বীশিং শেমগৎলি। লমদম অসিশু উরান স্কিমগী কান্নবা ফংলে অমসুং চৎথোক-চৎশিনগী খুদোংচাবা হেনগৎহন্নবা লমদম অসিগী এয়রপোর্ত ফগৎহল্লে। লমদম অসি অপুনবা ওইনা শেমগৎনবা অমসুং ইনফ্রাস্ত্রকচর ফগৎনবা সরকারনা থবক পায়খৎলে।
মরুপশিং,
দাদ্রা অমসুং নগর হাভেলি, দমন অমসুং দিয়ু চাউখৎপা, অফবা লৈঙাক অমসুং হিংবদা লাইবগী নমুনাশিং ওইরকপদা ঐ হরাওই। মমাংঙৈদা মীয়াম্না মখোয়গী খুদোংচাদবশিং কোকহন্নবা সরকারগী ওফিসশিংদা য়াম্না তোইনা চৎলম্মী, অদুবু হৌজিক সরকারগা মরী লৈনবা থবকশিং মখোয়গী মোবাইলশিংদা শুপ্নবগী অমুক খক নম্লবা লোইশিনবা ঙম্লে। মসিগী অনৌবা থবক অসিগী কান্নবশিং মতম শাংনা মীরাইদুনা লাক্লবা ত্রাইবেলশিংগী লমদমশিংনা কান্নবা ফংলে। মীয়ামগী খুদোংচাদবশিং তানবা অমসুং মফম অদু মক্তদা খুদোংচাদবশিং কোকহন্নবা খুঙ্গংশিংদা অখন্নবা কেম্পশিং পাংথোক্লে। পায়খৎলিবা থবকশিং অসিগীদমক ঐনা শ্রী প্রফুল পতেল অমসুং মহাক্কী কাংবু থাগৎপা ফোঙদোকচরি অমসুং লমদম অসি চাউখৎনবা সরকারনা মখা তানা থবক তৌগনি হায়না ঐনা থাজবা পীরি। ঙসি মাইপাক্না চাউখৎ-থৌরাংগী প্রোজেকশিং হৌদোকখিবদা ঐনা দাদ্রা অমসুং নগর হাভেলি, দমন অমসুং দিয়ুগী মীয়ামদা হরাওবা ফোঙদোকচরি। য়ুনিয়ন তেরিতোরি অসিগী মীয়াম্না তরাম্না ওকখিবা, মীনুংশি অমসুং ইকায়খুম্নবা উৎখিবগীদমক ঐনা থম্মোয় শেংনা তৌবীমল খঙবা উৎচরি।
মরুপশিং,
দাদ্রা অমসুং নগর হাভেলি, দমন অমসুং দিয়ু চাউখৎপা, অফবা লৈঙাক অমসুং হিংবদা লাইবগী নমুনাশিং ওইরকপদা ঐ হরাওই। মমাংঙৈদা মীয়াম্না মখোয়গী খুদোংচাদবশিং কোকহন্নবা সরকারগী ওফিসশিংদা য়াম্না তোইনা চৎলম্মী, অদুবু হৌজিক সরকারগা মরী লৈনবা থবকশিং মখোয়গী মোবাইলশিংদা শুপ্নবগী অমুক খক নম্লবা লোইশিনবা ঙম্লে। মসিগী অনৌবা থবক অসিগী কান্নবশিং মতম শাংনা মীরাইদুনা লাক্লবা ত্রাইবেলশিংগী লমদমশিংনা কান্নবা ফংলে। মীয়ামগী খুদোংচাদবশিং তানবা অমসুং মফম অদু মক্তদা খুদোংচাদবশিং কোকহন্নবা খুঙ্গংশিংদা অখন্নবা কেম্পশিং পাংথোক্লে। পায়খৎলিবা থবকশিং অসিগীদমক ঐনা শ্রী প্রফুল পতেল অমসুং মহাক্কী কাংবু থাগৎপা ফোঙদোকচরি অমসুং লমদম অসি চাউখৎনবা সরকারনা মখা তানা থবক তৌগনি হায়না ঐনা থাজবা পীরি। ঙসি মাইপাক্না চাউখৎ-থৌরাংগী প্রোজেকশিং হৌদোকখিবদা ঐনা দাদ্রা অমসুং নগর হাভেলি, দমন অমসুং দিয়ুগী মীয়ামদা হরাওবা ফোঙদোকচরি। য়ুনিয়ন তেরিতোরি অসিগী মীয়াম্না তরাম্না ওকখিবা, মীনুংশি অমসুং ইকায়খুম্নবা উৎখিবগীদমক ঐনা থম্মোয় শেংনা তৌবীমল খঙবা উৎচরি।
