ভারত মাতা কী –জয়!
ভারত মাতা কী –জয়!
ভারত মাতা কী –জয়!
মুখ্য মন্ত্রী শহরী শিবরাজ সিংহ চৌহান, কেন্দ্রগী মন্ত্রী-মন্দলগী ঐগী মরুপশিং, শ্রী নরেন্দ্র সিংহ তোমরজী, বিরেন্দ্র কুমারজী, জ্যোতিরাদিত্য সিন্ধিয়াজী, অতোপ্পা দিগনিতরী পুম্নমক, মশিং য়াম্না লাকপীরিবা ঐগী ইমুংগী মীওইশিং, ঐহাক্না গ্বালিয়রগী পুৱারী ওইরবা লমদম অসিবু হন্না-হন্না ইকাই খুম্নবা উৎচরি।
লম অসিনা থৌনা, ইশাবু ইকাই খুম্নবা, লান্মীগী মতিক ময়াই, ঈশৈ, মহাও অমসুং হঙ্গাম মশক তাক্লি। গ্বালিয়রনা লৈবাক্তা লময়ানবা অমা পীখি। গ্বালিয়র-চম্বলনা মাগী মথৌনা লৈরবা মচাশিংবু লৈবাক ঙাক্নবা অমসুং ঐখোয়গী লান্মীগীদমক পীখি। গ্বালিয়রনা BJPগী পোলিসী অমসুং লীদরশিপ মখোঙ শোম্বীখি।
রাজমাতা বিজয়রাজে সিন্ধিয়াজী, কুশাভাও থাকরেজী অমসুং অতল বিহারি বাজপেয়ীজী অসি গ্বালিয়রগী লমদমদা পোকখি। লমদম অসিমক মশাগী ওইনা ইথিলগী হৌরকফম ওইরি। লৈহাও অসিদগী হৌখিবা অথৌবা খুদিংমক্না লৈবাক্কীদমক মশাবু কত্থোকখি, মহাক্না লৈবাক্কী মীংদা মাগী পুন্সি কত্থোকখি।
ঐগী ইমুং-মনুংশিং,
ঐখোয়গুম্বা ভারত মচা করোর কয়ানা লৈবাক্কী নীংতম্বগীদমক লান্থেংনবগী খুদোংচাবা ফংদে। অদুবু ভারতপু চাউখৎহনবা অমসুং ভারতপু নুংঙাইহনবগী থৌদাং ঐখোয়গী পুম্নমক্না লৌগদবনি। ঙসিসু মিসন অসি মাংদা পুনবা ঐহাক্না গ্বালিয়রদা অমুক হন্না লাক্লি। হৌজিক মফম অসিদা লুপা করোর লিশিং 19রোমগী চাউখৎ-থৌরাংগী থবকশিং উরেপ-উয়ুং তমখি অমসুং শঙ্গাখি।
অমগী মথংদা অমা শঙ্গাবগী নত্ত্রগা উরেপ-উয়ুং তম্বগী কর্তেন হাইদোরকপা অসি ঐহাক্না য়েংলমখি। কর্তেনশিং অসি কয়ারক হন্না হাংদোরকপনা নখোয়না খুবাক খুবদা চোকথখি। য়েংবীয়ু সরকার অমত্তনা চহি অমদা শঙ্গাবা অমসুং উরেপ-উয়ুং কয়া তৌবা অমত্তা লৈতে, ঙসি ঐখোয়গী সরকারনা মসি নোংমদা তৌরি অমসুং মীয়াম্না খুবাক খুবদা চোকথখি, থবক কয়া তৌবা ঙম্বগী কেপাসিতী লৈ।
ঐগী ইমুং-মনুংশিং,
দশহরা, ধনতেরস অমসুং দীপাৱলীগী মমাংদা মধ্য প্রদেশকী ইমুং লাখ 2.25কী ময়ানা ঙসি অনৌবা য়ুমশিংদা হোংজিল্লি। ঙসি কন্নেক্তিবিতী প্রোজেক্ত কয়া মফম অসিদা হৌখ্রে। উজ্জেনগী বিক্রম উধ্যোগপুরি অমসং ইন্দোরগী মল্তী মোদেল লোজিস্তিক পার্জ অসিনা মধ্য প্রদেশকী ইন্দস্ত্রিএলাইজেসন পাকথোক চাউথোকহল্লগনি। মফম অসিদা নহাশিংগীদমক অনৌবা থবক অমসুং অনৌবা খুদোংচাবা লিশিং কয়া পীরি। ঙসি IIT ইন্দোরদসু অনৌবা থবক কয়া পাইখৎপা হৌখ্রে।
ঙসি গ্বালিয়রগা লোয়ননা বেতুল, কতনী, বুরহানপুর, নরসিংহপুর, দমোহ অমসুং শাজাপুরদসু অনৌবা হেল্থ সেন্তরশিং হাংলগনি। সেন্তরশিং অসি আয়ুশ্মান ভারত হেল্থ ইনফ্রাস্ত্রকচর মিসনগী মখাদা শাখিবনি। মসিদা অরুবা অনাবশিং লায়েংনবা খুদোংচাবা লৈরগনি। ঐহাক্না মসিগীদমক মধ্য প্রদেশকী ঐগী ইমুংগী মীওইশিংদা নুংঙাইবা ফোঙদোকচরি।
মরুপশিং,
থবক পুম্নমক অসি দবল ইঞ্জিন সরকারগী অপুনবা খোঙথাংশিংগী মহৈণি। দিল্লী অমসুং ভোপালনা ৱাখল্ল মান্নবা মীয়ামগী য়াইফনবা কত্থোকপা সরকারশিং লৈরবা মতমদা অসিগুম্বা থবক অসি খোঙজেল য়াংনা তৌবা ঙম্মি। মরম অসিনা ঙসি মধ্য প্রদেশনা দবল ইঞ্জিন সরকারদা থাজবা থম্মি। দবল ইঞ্জিন হায়বদি MPগী দবল দিবেলপমেন্ত হায়বনি!
ঐগী ইমুং-মনুংশিং,
হৌখিবা চহি খরা অসিদা ঐখোয়গী সরকারনা মধ্য প্রদেশপু বীমারু রাজ্য অমদগী লৈবাক্কী তোপ 10 স্তেৎশিংগী মনুংদা চলহনখি। ঐখোয়গী পান্দম অসি মধ্য প্রদেশপু তোপ-3 দা পুখৎপনি। MPনা তোপ-3 দা য়ৌগদ্রা নত্ত্রগা য়ৌরোইদ্রা? চাউনা খুমাং চাউশিনবগা লোয়ননা অহুমশুবদা য়ৌবা নত্ত্রগা য়ৌদবা? কনানা মসিগী থবক তৌগনি? মসিগী গরেন্তী কনানা পীগনি? নখোয়গী পাউখুম অদু লাল্লি, মসিগী গরেন্তী অসি থৌদাং লৈবা প্রজা অমা ওইনা নখোয়গী ভোৎ অমনা মধ্য প্রদেশপু নম্বর থ্রীদা য়ৌহনগদৌরিবনি। নখোয়না দবল ইঞ্জিনদা ভোৎ পীবনা MPনা তোপ-3 দা য়ৌবা ঙমহনগনি।
ঐগী ইমুং-মনুংশিং,
MP অসি অনৌবা ৱাখল্লোন লৈতবা নত্ত্রগা চাউখৎ-থৌরাংগী রোদমেপ লৈতবা মীওইশিংনা চাউখৎপা পুরকপা ঙমলোই। মীওইশিং অসিগী থবক অমা খক্তা লৈ – লৈবাক্কী চাউখৎপদা শাওনীংবা, ভারতকী স্কিমশিংদা শাওনীংবা। মখোয়না শাওনীংবা অসিনা লৈবাক্কী মাইপাকখিবশিং ফাওবা কাওথোকহনবা ঙম্মি। ঙসি নখোয়না উরি মদুদি মালেম পুম্বনা ভারতকী মতিক ময়াইবু শৈথাংরি। ভারতকী ভোইস মালেমদা য়ৌহনবা ঙমলব্রা নত্ত্রগা ঙমদব্রা? ঙসি ভারতনা ভারত্তা তুংলমচৎ উরি। অদুবু রাজনিতীনা থুমহৎখ্রবশিংনা, চৌক্রি নত্তনা করিগুম্বা অমত্তা উবা ঙমদবশিংনা ঙসি মালেমদা ভারতকী ভোইস য়ৌবা ঙম্বা অসিদা অপেনবা পোক্তে।
ভারতনা চহি 9দা ইকনোমিক পাৱর নম্বর 10দগী 5 য়ৌবা ঙমখি। অদুবু এন্তি-দিবেলপমেন্ত ওইবা মীওইশিং অসিনা মসি ওইথোক্তনবা হোৎনরি। মোদীনা মথংগী তর্মদা ভারতপু মালেমগী মকোক থংবা ইকনোমী অহুমগী মনুংদা চলহনগনি হায়না গরেন্তী পীরি। মসিনা শক্তি করম্বা মীওই খরগী মপুক নাহল্লি।
ঐগী ইমুং-মনুংশিং,
লৈবাক অসিনা এন্তি-দিবেলপমেন্ত ওইবা মীওইশিংদা দিকেদ তরুক পীখ্রে। চহি 60 অসি অতেনবা মতম নত্তে। করিগুম্বা চহি 9গী মনুংদা থবক কয়া তৌবা ঙম্লবদি চহি 60দা কয়া য়াম্না তৌবা ঙমগনি। মখোয়না খুদোংচাবা অমা ফংখি। মখোয়না মদু তৌখিদে, মসি মখোয়গী অশোইবনি। মতম অদুদসু মখোয়না লায়রবশিংগী খুদোংচাবা লৌবীখি, ঙসিসু মখোয়না চপ মান্নবা গেম অদু শান্নরি। মতম অদুদা মখোয়না জাৎ-বিজেৎতা য়ুম্ফম ওইরগা খুন্নাইবু তোখাই-তোখাই তাহনখি ঙসিসু চপ মান্নবা পাপ অদু তৌরি। মতম অদুদা মখোয়না তেরোরিজম অমসুং করপ্সনদা লুপখি ঙসিসু মখোয়না হেন্না হেন্না শেঞ্জা-থুমজা তৌরি। মতম অদুদা মখোয়না ইমুং অমা খক্তবু শৈথাবগী ঈশৈ শকখি, ঙসিসু মখোয়না মদু তৌরি। মরম অসিনা লৈবাক খুমাং চাউশিনবগী শৈথাবগী ঈশৈ মখোয়না তানীংদে।
ঐগী ইমুং-মনুংশিং,
মোদীনা লায়রবা, দলিৎ, শোত্থরবা অমসুং ত্রাইবেল ইমুংশিংদা পর্মিনেন্ত ওইবা য়ুমশিং পীনবা গরেন্তী পীখি। ঙসি ফাওবদা মসিগী মখাদা লৈবাক্কী ইমুং করোর 4না মখোয়গী পর্মিনেন্ত ওইবা য়ুমশিং ফংজরে। MPদসু ঙসি ফাওবদা লায়রবা ইমুংশিংদা য়ুম লাখ কয়া পীখ্রে অমসুং ঙসিমকসু হায়রিবা য়ুমশিং অদু শঙ্গারি। মীওইশিং অসিগী সরকারনা দিল্লীদা লৈবা মতমদা লায়রবশিংগী য়ুমশিংগী মীংদা লুৎ খক্তা তৌরমখি। মীওইশিং অসিনা শাখিবা য়ুম অদু লৈহৈবা নত্তে। য়ুমশিং অদুদা মখোঙ থাংজিন্দ্রিবা লৈবাক অসিদা বেনিফিসরী লাখ কয়া লৈ। অদুবু ঙসি শাখিবা য়ুমশিং অসিগীদি শঙ্গাবগী থৌরম হরাওনা পাঙথোক্নরি। মসিগী মরমদি বেনিফিসরী ইচিল-ইনাওশিংনা মখোয়গী মশাগী অপাম্বগী মতুং ইন্না য়ুমশিং অদু শারি।
ঐখোয়গী সরকারনা থবক অদু য়েংশিনখি অমসুং তেক্নোলোজীগী খুত্থাংদা মখোয়গী একাউন্তশিংদা হকথেংননা শেল থাখি, হুরানবা, কম্পনী, করপ্সন অমত্তা য়াওহনখিদে। অমসুং য়ুমশিং শাবা অসি খোঙজেল য়াংশিল্লি। মমাংদা য়ুমগী নম্মাদা ফকলাং মরি খক্তা খারমখি। ঙসি শারিবা য়ুমশিং অসিদদি তোইলেৎ, ইলেক্ত্রিসিতী, তোতি ঈশিং, উজ্জ্বলা গ্যাস, পুম্নমক ফংহল্লি। ঙসি গ্বালিয়র অমসুং স্যোপুর জিলাশিংদা মরু ওইবা ৱাতর প্রোজেক্তশিংসু পাইখৎপা হৌখ্রে। মসিনা য়ুমশিং অসিদা ঈশিং সপ্লাই তৌবদা মতেং পাংলগনি।
মরুপশিং,
মোদীনা য়ুমশিং অসিগী লক্ষ্মি হায়বদি ঐগী ইমা অমসুং ইচে-ইচলশিংবু য়ুমশিংগী মপুং ওইহনবসু ঙমখি। পি.এম. আৱাজ য়োজনাগী মখাদা শাখিবা য়ুমশিং অসি নুপীশিংগী মমিংদসু রেজিস্তর তৌই হায়বা নখোয় খঙলব্রা? পি.এম. আৱাজ য়োজনাগী য়ুমশিং অসিদগী ইচে ইচল কয়ানা লাখপতি ওইবা ঙমখ্রে। লাখ কয়ারোম ওইবা য়ুমশিং অসি মশাগী মমিংদা প্রোপর্তী ফাওবা লৈজদবা মীওইশিংগী মমিংদা রেজিস্তর তৌরি। ঙসিসু য়ুমশিং অসি অয়াম্বনা ইচে-ইচলশিংগী মমিংদা রেজিস্তর তৌবা থেংনগনি।
অমসুং ইচে-ইচলশিং,
মোদীনা মাগী গরেন্তী থুংহনখি। ঐহাক্নসু ইচে-ইচলশিংনা গরেন্তী অমা পীবা পাম্মি। ঐহাক্না ইচে-ইচলশিংদা ঐগী গরেন্তী অসি থুংহনবীগদ্রা হংজনীংই। নখোয়না গরেন্তী অমা পীবিগরে, শোইদনা? ঐহাক্না গরেন্তী অমা পাম্মি, য়ুম ফংলবা মতুংদা ইচেশিংবু মহৈ-মশিং তমহনবীয়ু, মখোয়দা স্কিল খরা তম্বীয়ু, তৌবীগদ্রা? নখোয়গী গরেন্তীনা ঐঙোন্দা থবক হেন্না তৌনবা শক্তি পী।
ঐগী ইমুং-মনুংশিং,
নারী শক্তি অসি ভারতকী ওইনা ভোৎ বেঙ্ক নত্তে মসি লৈবাক্কী চাউখৎ-থৌরাং অমসুং লৈবাক শেমগৎপগী কত্থোক্লবা মিসন অমনি। ঐখোয়না মমাংদা সরকার কয়া লাক্লগা চৎখিবা উখ্রে। ঐখোয়গী ইচে-ইচলশিংদা লোক সভা অমসুং পার্লিয়ামেন্তদা চাদা 33 খাক্তুনা থমগনি হায়না ৱাশকলগা থুংহন্দনা ভোৎশিং হঞ্জিন-হঞ্জিন খোমখি। অদুবু পার্লিয়ামেন্তদা কনস্পিরেসী অমা তৌবনা লো অসি শেম্বা ঙমদনা লৈরকখি, হঞ্জিন-হঞ্জিন লেপখি। অদুবু মোদীনা ইচে-ইচলশিংদা গরেন্তী পীখি। অমসুং মোদীগী গরেন্তী অসি গরেন্তী খুদিংমক থুংহন্নবা গরেন্তীনি।
ঙসি নারী শক্তি বন্দন এক্ত অসি মঙফাওনরে। মীফম অসিদা ঐহাক্না হায়জনীংবদি তুংলমচৎকীদমক্তসু চাউখৎ খোঙচৎতা ঐখোয়গী ইমাশিংগী শক্তি য়াওশিনবা হেন্না হেনগৎহনগদবনি অমসুং চাউখৎপগী লম্বীসু হাংদোক্কদবনি।
ইচিল-ইনাওশিং,
ঙসি ঐখোয়না ইমপ্লিমেন্ত তৌখিবা চাউখৎ-থৌরাংগী প্রোজেক্ত পুম্নমক লো অসি পাস তৌবগা লোয়ননা মপাঙ্গল কনখৎলগনি।
ঐগী ইমুং-মনুংশিং,
গ্বালিয়র-চম্বল অসি ঙসি খুদোংচাবশিংগী লমদম অমা ওইরক্লি। অদুবু মমাংদা ফীভম অসি শুম্না অদুম লৈরম্বা নত্তে। দিকেদ কয়া সরকার পাইরমখিবা লুচিংবশসিংগী ত্রেক রেকোর্দ অদু করিনো? নহা ওইরিবা মরুপশিং, অহানবা ভোৎ থাগদৌরিবা ভোত্তরশিংনা মখোয়গী পুন্সিদা BJP সরকার খক্তা উখি। চাউখৎপা মধ্য প্রদেশ খক্তা উখি। ৱাজাও ঙাংবা বিরোধীগী লুচিংবশিংনা মধ্য প্রদেশপু দিকেদ কয়া পালমখি।
মখোয়গী লৈঙাক মনুংদা গ্বালিয়র-চম্বলদা শুপ্নম শাশন তৌরমখি। মখোয়গী লৈঙাক মখাদা সোসিএল জস্তিস ফংলমখিদে। মতম অদুদা অশোনবা, দলিৎ অমসুং শোত্থরবা মীওইশিংনা ঙাংবা তারমখিদে। মীওইশিং অদুনা মখুৎতা লো পাইশিনখি। মীচম মীয়াম্না লম্বীদা চৎপা ফাওবা খুদোংথীনীংঙাই ওইখি। কন্না হোৎন্দুনা ঐখোয়গী সরকারনা সেক্তর অসিবু ঙসিগী থাক অসি য়ৌনবা পুখৎলকখি। মফম অসিদগী ঐখোয়না তুদংদা হন্দুনা য়েংলরোই।
মধ্য প্রদেশকী ওইনা মথংগী চহি মঙা অসি য়াম্না মরু ওই। য়েংঙু ঙসি গ্বালিয়রদা অনৌবা এয়রপোর্ত তর্মিনেল অমা শারি, ফগৎলবা লম্বীশিং শেম্মি। ফমুং লিশিং কয়া থাবা অনৌবা হোস্পিতালশিং মফম অসিদা শারি। অনৌবা বস স্তেন্দ, মোদর্ন রেলৱে স্তেসন, অনৌবা স্কুল অমসুং কোলেক, অমগী মথংদা অমা গ্বালিয়রগী শক্তমদা অহোংবা লাক্লি। মতৌ অসুম্না মধ্য প্রদেশ পুম্বগী শক্তমদা অহোংবা পুরক্কনি অমসুং মসিগীদমক দবল ইঞ্জিন সরকার মথৌ তাই।
মরুপশিং,
মোদর্ন ইনফ্রাস্ত্রকচরনা পুন্সি নুংঙাইহনবা খক্তা নত্তনা চাউখৎপগী লম্বীসু ওইরি। ঙসি ঝাবুৱা, মন্দসৌর অমসুং রতলাম শম্নহল্লিবা 8-লেন এক্সপ্রেসৱেসু শঙ্গাখি। মধ্য প্রদেশন 2-লেন ওইবা অফবা লম্বী খৌরাংনা ঙাইরম্বা অদি ঙসিদা 8-লেন এক্সপ্রেসৱে লৈরে। ঙসি ইন্দোর, দেৱাস অমসুং হরদা শম্নহল্লিবা 4 –লেন লম্বীসু শেম্বা হৌখ্রে। রেলৱেজগী গ্বালিয়রগী সুমাৱলি সেক্সন ব্রোদ –গেজতা ওন্থোকপগী থবক মপুং ফানা লোইখ্রে। হৌজিক অহানবা ত্রেন লমথাখ্রে। মফম অসিনা কন্নেক্তিবিতীগী থবকশিংদা কান্নবা পীরগনি।
মরুপশিং,
মোদর্ন ইনফ্রাস্ত্রকচর অমসুং অফবা লো এন্দ ওর্দরগা লোয়ননা লৌমীশিং নত্ত্রগা ইন্দস্ত্রীশিং ওইরবসু পুম্নমক খুমাং চাউশিনগনি। এন্তি-দিবেলপমেন্ত ওইবা সরকারশিংনা শক্তি পাইরবা মতমদা সিস্তেমশিং অসি কাইথরক্কনি। রাজস্থান য়েংবীয়ু, ঙক থাংনা লেল্লবা ফাওবদা সরকারনা য়েংদুনা লৈ। এন্তি-দিবেলপমেন্ত ওইবা মীওইশিং অসিনা চৎপা মফম খুদিংদা এপীজমেন্তসু তুং ইন্নরকই। মসিনা মরম ওইদুনা গুন্দা, ক্রিমিনেল, রায়তর অমসুং শেঞ্জা থুমজবা তৌবা মীওইশিং মরাং কাই। নুপীশিং, দলিৎ, শোত্থরবশিং অমসুং ত্রাইবেলশিংদা ওৎনৈবা হেনগৎলকই। মধ্য প্রদেশনা অসিগুম্বা মীওইশিংদগী চেকশিনগদবনি।
ঐগী ইমুং-মনুংশিং,
ঐখোয়গী সরকারনা ক্লাস খুদিংমক রিজন খুদিংমক চাউখৎহন্নবা কত্থোক্লি। কনাগুম্বা অমত্তনা হংবীদবশিংদা মোদীনা হংলি, মোদীনা মখোয়দা থৌনিরি। ঐহাক্না নখোয়দগী খঙবা পাম্মি… ময়াম্না 2014 গী মমাংদা দিব্যাঙ্গ হায়বা ৱাহৈ অসি তাখ্রবা? মমাংগী সরকারশিংনা মীমান্নদ্রবা মীওইশিং অসি হন্না য়েংলমদে।
ঐখোয়গী সরকারনা দিব্যাঙ্গশিংবু য়েংশিনখি, মখোয়গীদমক মোর্দন ইক্বিপমেন্ত পীখি, মখোয়গীদমক সাইন লেংগ্বেজ দিবেলপ তৌখি। ঙসিসু দিব্যাঙ্গশিংগীদমক অনৌবা স্পোর্ত সেন্তর অমা গ্বালিয়রদা শঙ্গাখি। মসিনা গ্বালিয়রবু লৈবাক্কী অচৌবা স্পোর্তস হব অমা ওইনা মশক তাকপদা মপাঙ্গল কনখৎহল্লগনি। অমসুং মরুপশিং থাজবীয়ু দিব্যাঙ্গশিংগী স্পোর্তসকী মরমদা মালেমনা শোন্নগনি, গ্বালিয়রনা চাউথোকচবা পোক্কনি মসি ইশিন্দুনা থম্বীয়ু।
মরম অসিনা ঐহাক্না হায়জরি কনাগুম্বা অমত্তনা হংবীদ্রবশিংদা মোদীনা হংলি, মোদীনা থৌনিজরি। চহি কয়া অসি কনাগুম্বা অমত্তনা লৈবাক্কী অপীকপা লৌমীশিংদা হংবীদনা লাকখি। মোদীনা অপীকপা লৌমীশিংগীদমক খল্লি অমসুং মখোয়গীদমক ৱাবীরি। ঐখোয়গী সরকারনা পি.এম. কিসান সম্মান নিধিগী খুত্থাংদা অপীকপা লৌমী খুদিংমক্কী একাউন্তশিংদা লুপা লিশিং 28 থাখ্রে। লৈবাক অসিদা অপৌবা মহৈ-মরোংশিং থাবা লৌমী করোর 2.5 লৈ। ঐখোয়গী সরকারনা মিল্লেৎপু ‘শ্রী অন্ন’গী মীংথোন পীখি অমসুং মসি মালেম শিনবা থুংবদা লৈরিবা কৈথেলশিংদা য়ৌহনখি।
মরুপশিং,
ঐখোয়গী সরকারগী মসিগী ৱাখল্লোন অসিগী খুদম অসি পি.এম. বিশ্বকর্মা য়োজনানি। ঐখোয়গী চফু শাবা ইচিল-ইনাওশিং, য়োৎ শুবা ইচিল-ইনাওশিং, উ শুবা ইচিল-ইনাওশিং, সনা শাবা ইচিল-ইনাওশিং, লৈ পরেং শাবা ইচিল-ইনাওশিং, ফী তুবা ইচিল-ইনাওশিং, ফী শুবা ইচিল-ইনাওশিং, খোঙউপ শাবা ইচিল-ইনাওশিং, শম ককপা ইচিল-ইনাওশিং, অসিগুম্বা মীওই কয়ানা ঐখোয়গী পুন্সিগী মরু ওইবা য়ুম্বী ওইরি। মখোয় য়াওনা ঐখোয়না হীংবা ওইথোকলোই। ঐখোয়গী সরকারনা নীংতম্বা ফংলবা মতুং চহি কয়া লৈরগা মখোয়গী মতেং পাংগদৌরি।
মরুপশিং অসি খুন্নাইদা শোত্থনা লৈরমখি। হৌজিক মোদীনা মখোয়বু মাংদা পুখৎনবা অচৌবা কেম্পেন অমা হৌদোকখ্রে। সরকারনা মরুপশিং অসিদা লুপা লিশিং কয়া পীরগনি। BJP সরকারনা মোদর্ন ইক্বিপমেন্তগীদমক লুপা লিশিং 15 পীগনি। মরুপশিং অসিদা লোনশিংসু পীরগনি। মোদীনা বিশ্বকর্মাশিংগী লোনশিংগী গরেন্তর ওইরগনি।
ঐগী ইমুং-মনুংশিং,
লৈবাক্কী এন্তি-দিবেলপমেন্ত পোলিতিকেল পার্তীশিংনা মধ্য প্রদেশপু চাউথহনবা পাম্মি। অমরোমদা দবল ইঞ্জিন সরকারনা মাংদা পুখৎপা পাম্মি। মরম অসিনা ঐখোয়না দবক ইঞ্জিন সরকার খক্তনা চাউখৎপা পুরকপা ঙমগনি হায়না থাজৈ। ঐখোয়গী সরকার খক্তনা মধ্য প্রদেশপু চাউখৎপগী স্কেলদা মকোক্তা লৈবা রাজ্যশিংগী মনুং চলহনবা ঙমগনি।
হৌজিকসু শিবরাজজী অসি লুনানবদা লৈবাক্কী নম্বর ৱান ওইরি হায়না হায়খ্রে। ঙসি গান্ধী জয়েন্তিনি, গান্ধীনা লুনানবগী মরমদা হায়রমখি। ঙরাং লৈবাক শিনবা থুংবদা লুনানহনবগী প্রোগ্রাম পাঙথোক্নখি। কোংগ্রেসকী মীওই অমত্তনা লুনানবগী থবক তৌবা য়াওখিব্রা? মখোয়না লুনানহন্নবা অপীল তৌখিব্রা? লুনানবদা মধ্য প্রদেশনা নম্বর ৱান ওইবা অসি কোংগ্রেসকী মীওইশিংনা পামদে, মখোয়না মধ্য প্রদেশকী করি অফবা তৌগনি? মখোয়বু ঐখোয়না থাজবা য়াব্রা?
অমসুং মসিনা মরম ওইরগা ঐনা ইচিল-ইনাওশিংদা চাউখৎপগী খোঙজেল য়াংশিনহন্নবা, মসি য়াম্না খোঙজেল য়াংহন্নবা অমসুং নখোয়না মশিং য়াম্না থোরক্তুনা ঐবু থৌজাল পীনবীরি, ঐহাক্না মশিং য়াম্লবা গ্বালিয়র-চম্বলগী মরুপশিং থৌজাল পীজরি। লাকপীবগীদমক ঐনা থমোয় শেংনা থাগৎপা ফোঙদোকচরি।
ঐগা লোয়ননা হায়বীয়ু -
ভারত মাতা কী –জয়!
ভারত মাতা কী –জয়!
ভারত মাতা কী –জয়!
হন্না-হন্না থাগৎচরি!
