Quoteকম্মেমোরেতিপ পোস্তেল স্তাম্প ‘সুরক্ষিত জায়েন, প্রশিক্ষিত জায়েন’ ফোঙখ্রে
Quote‘অজাদি কা অমৃত মহোৎসব-ভারতকী নিংতম ইহৌদা মপান্দা লৈখ্রবা ভারতমচাশিংগী থৌদাং’ হায়বা থিমদা অহানবা দিজিতেল পি.বি.দি একজিবিসন হৌদোকখি
Quote“ইন্দোর অসি সহর অমা ওইবগা লোয়ন্না তাঙ্কক অমনি। সহর অসিগী হেরিতেচ কনবগা লোয়ন্না মতমদগী মাঙজিল থানা চৎলিবা তাঙ্কক অমনি”
Quote“ ‘অমৃত কাল’দা ভারতকী খোঙচত্তা ঐখোয়গী প্রবাসী ভারতীয়শিংনা মরুওইবা মফম অমা কল্লি”
Quote“মালেমদা য়েংলিবা ভারতকী অখন্নবা মীৎয়েং অমসুং মালেমগী থবক-থৌরমশিংদা লৈবাক অসিগী থৌদাং অসি অমৃত কাল মনুংদা প্রবাসী ভারতীয়শিংনা মপাঙ্গল কনখৎহনগনি”
Quote“প্রবাসী ভারতীয়শিংদা, ঐখোয়না বসুধাইব কুতুম্বকাম অমসুং এক ভারত শ্রেস্থা ভারতকী মশিং থিঙমদ্রবা শক্তমশিং উবা ফংলি”
Quote“শক্তি লৈবা অমসুং তৌবা ঙম্বা ভারত অমগী খোঞ্জেল প্রবাসী ভারতীয়শিংনা খোন্থাং য়ৈরি”
Quote“জি-২০ অসি শুপ্নগী কুতনীতিক্কী থৌরম অমা নত্তে, মসি কনাগুম্বা অমনা ‘অতিথি দেবো ভাব’গী ৱাখল্লোন অদু উদুনা মসি মীয়াম শরুক য়াবা পুৱারি ওইরবা থৌরম অমা ওইবা ঙমগনি”
Quote“ভারতকী নহারোলশিংগী হৈথোই-শিংথোইবা, মগুনশিং অমসুং থবক শুবগী থকশি-খাশিনা মালেম

গুয়ানাগী রাস্ত্রপতি দোক্তর মোহম্মদ ইরফান অলীজী, সুরীনামগী রাস্ত্রপতি শ্রী চন্দ্রিকা প্রসাদ সন্তোখী, মধ্য প্রদেশকী রাজ্যপাল শ্রী মঙ্গুভাই পতেল, মুখ্য মন্ত্রী শিবরাজ সিংহ চৌহান, মপাল থৌরম মন্ত্রী এস. জয়শঙ্করজী, অতোপ্পা ঐগী মন্ত্রী-মন্দলগী মরুপশিং অমসুং প্রবাসী ভারতীয় দিবস কনভেন্সন অসিদা তিল্লিবা মালেম পুম্বদগী ঐগী নুংশিরবা ইচিল-ইনাও পুম্নমক!

পুম্নমকপু ২০২৩গীদমক য়াইফ পাউজেল পীজরি। চহি ৪রোমগী মতুংদা অমুক হন্না হান্নগী মতৌগুম্না প্রবাসী ভারতীয় দিবস কনভেন্সন পাঙথোক্লি। নুংশিরবা মীওইশিংগা শক শক উন্নরি, শক শক উন্নদুনা ৱারী শাবা অসিগী তোখাইবা নুংঙাইবা লোয়ননা কান্নবা লৈ। ঐহাক্না ভারত মচা করোর ১৩০গী মহুৎ শিন্দুনা পুম্নমকপু নুংঙাইবা ফোঙদোকচরি অমসুং তরাম্না ওকচরি।

ইচিল-ইনাওশিং,

মফম অসিদা তিল্লিবা এন.আর.আই. খুদিংমক্না মখোয়গী মশাগী লমশিংদা থোইদোক-হেন্দোকপা মাইপাকপশিংগা লোয়ননা লৈবাক অসিবু ইকাই খুম্নবা উৎলি। অমসুং লৈবাক অসিগী থমোয়নি হায়নরিবা মধ্য প্রদেশতা প্রবাসী ভারতীয় দিবস কনভেন্সন অসি পাঙথোক্লি। এম.পি.দা লৈরিবা ইমা নর্মদাগী ঈশিং, মফম অসিগী উমং, আদিৱাসীগী চৎনবী, মফম অসিগী ইশ্বরদা থাজবা, অদোমগী খোঙচৎপু কাউঙমদবা ওইহন্নবা হীরম কয়ামরুম লৈ। হন্দক্তা উজ্জৈনগী মনাক্তা লৈবা মফম অমদা ভগৱান মহাকালগী মহালোক পাকথোক চাউথোকহনবগী থবক পাইখৎখি। ময়াম্না মফম অদুদা চৎতুনা ভগৱান মহাকালগী থৌশিল নিরুগনি অমসুং নুংঙাইরবা এক্সপরিয়েন্সকী শরুক অমা ওইগনি হায়না ঐনা থাজৈ।

|

মরুপশিং,

হৌজিক ঐখোয়না লৈরিবা সহর অসি মশামক অঙকপনি থল্লি। মীয়াম্না হায়নৈ ইন্দোর অসি সহর অমনি অদুবু ঐহাক্না হায়রিবা অসি সর্কল অমনি। মসি মতমদগী হেন্না মাংদা চংশিল্লিবা চহিচা অমনি অদুবু লেগেসীদা অদুমক লেংদনা থম্মি। ইন্দোরনা লুনানবগী লমদা লৈবাক অসিদা তোপ-তোপ্পা মশক অমা তাক্লি। অচা-অথক্কী ওইনদি ‘অপনা কা ইন্দোর’ অসি লৈবাক অসি খক্তা নত্তনা মালেম পুম্বগী অঙাকপা ওইরি। ইন্দোরি নমকীনগী মহাও, মফম অসিগী মীয়াম্না পোহা, সাগো খিচরী, কচোরি-সমোসা-শিকঞ্জিগী অপাম্বা অসি উবফা তিন তাবা লেপ্পোই। অমসুং মসিগী মহাও তংবা মীশক অদুনা অতোপ্পা মফম অমত্তা য়েংলোই! মতৌ অসুম্না চপ্পন দুকন অসি মমিং লৈবতা নত্তনা শনাসু মরু ওই। মসিনা মরম ওইদুনা মীয়াম্না ইন্দোর অসি লুনানবা লোয়ননা মহাওগী কেপিতেলনি হায়রিবনি। ঐহাক্না থাজৈ মদুদি নখোয় নশানা মফম অসিদা ফংখিবা এক্সপরিয়েন্স অদু কাউরোই অমসুং হনখ্রবা মতুংদা অতোপ্পদা হায়বা কাউরোই।

মরুপশিং,

প্রবাসী ভারতীয় দিবস অসি লম কয়ামরুমদা অখন্নৈ। ঐখোয়না থা খরগী মমাংদা ভারতকী নীংতম্বগী চহি ৭৫ শুবগী পালন তৌখ্রে। ঐখোয়গী নীংতম ইহৌগা মরী লৈননা মফম অসিদা দিজিতেল একজিবিসন পাঙথোক্লি। মসিনা অমুক হন্না মতিক-মঙাল লৈরবা চহিচা অদু ঐখোয়গী মাংদা পুরক্লি।

মরুপশিং,

লৈবাক অসিনা মথংগী চহি ২৫গী অমৃত কালদা চংশিনখি। ঐখোয়গী প্রবাসী ভারতীয়শিংনা খোঙচৎ অসিদা মরু ওইবা মফম অমা কনখি। ভারতকী তোপ-তোপ্পা গ্লোবেল বিজন অমসুং গ্লোবেল ওর্দরদা মানা লৌরিবা মরু ওইবা থৌদাং অসি নখোয়না মপাঙ্গল কনখৎহনগনি।

মরুপশিং,

মফম অসিদা অসুম্না হায়নৈ – “স্বদেশো ভুবনত্রয়ম”। হায়বদি ঐখোয়গীদমক্তদি মালেম পুম্বা অসি ঐখোয়গী য়ুমনি। মীওইবা হায়বা অসি ঐখোয়গী ইচিল-ইনাওনি। ৱাখল্লোন অসিদা য়ুম্ফম ওইরগা ঐখোয়গী ইপা ইপুশিংনা ভারতকী কলচরেল এক্সপান্সন মখোঙ শোমখি। ঐখোয়না মালেমগী কাচিন কোয়া খুদিংমক্তা চৎখি। সভ্যতা থেংনবগী লোইনাইদ্রবা ওইথোকপা য়াবশিংগী মরমদা ঐখোয়না খঙই। চহিচা কয়াগী মমাংদা ঐখোয়না গ্লোবেল ত্রেদকী তোপ-তোপ্পা চৎনবী অমা হৌদোকখি। পনখৈ লৈত্রবা সমুদ্রশিং ঐখোয়না লানখি। ভারত অমসুং ভারত মচাশিংনা তোঙান-তোঙানবা লৈবাকশিং অমসুং তোঙান-তোঙানবা সভ্যতাগী মরক্তা করম্না বিজিনেসকী মরীশিংনা অপুনবগী চাউখৎনবগীদমক লম্বেল য়াৎখিবগে উৎখি। ঙসি ঐখোয়না গ্লোবেল মেপতা মীরৈবাক্তা লৈবা ভারত মচা করোর কয়া উবা মতমদা মমি কয়ামরুম মাংদা থোরকই। ভারতকী মীয়াম অসি মালেমগী তোঙান-তোঙানবা লৈবাক কয়াদা কম্মন ফেক্তর অমা ওইনা উরকপা মতমদা ‘বসুধৈব কুতুম্বকম’গী ৱাখল্লোন ময়েক শেংলকই। ভারতকী তোঙান-তোঙানবা লমদমশিংদগী অমসুং মফমশিংদগী মীয়াম্না মালেমগী লৈবাক অমা হেক্তদা থেংনবা মতমদা ‘ৱান ইন্দিয়া, বেস্ত ইন্দিয়া’গী নুংঙাইবা ইথিল অমা পোকই। শান্তি খ্বাইদগী পাম্বা, দেমোক্রেতিক অমসুং দিস্সিপ্লিন লৈবা প্রজাশিংগী মতাংদা মালেমগী তোঙান-তোঙানবা লৈবাকশিংদা খন্নবা মতমদা দেমোক্রেসীগী মমা ওইবগী ভারত মচাশিংদা চাউথোকচবা পোকপা শরুক কয়া হেনগৎলি। অমসুং ঐখোয়গী মীরৈবাক্তা লৈরিবা ভারত মচাশিংনা শরুক তমখিবা অদু মালেম্না য়েংনরকপা মতমদা ‘মপাঙ্গল কনবা অমসুং মতিক ময়াই লৈবা ভারত’কী খোঞ্জেল তাবা ফংই। মরম অসিনদা ঐহাক্না নখোয়বু, মীরৈবাক্তা লৈবা ভারত মচাশিংবু, মীরমদা লৈরিবা ভারতকী ব্রান্দ এম্বেসেদরশিং কৌরি। গভর্নমেন্তগী সিস্তেমদা এম্বেসেদরশিং লৈ। নখোয়না ভারতকী ফজরবা হেরিতেজকী এম্বেসেদরনি।

|

মরুপশিং,

ভারতকী ব্রান্দ এম্বেসেদর ওইনা লৌরিবা নখোয়গী থৌদাং অসি মখল য়াম্মি। মেক ইন ইন্দিয়াগী নখোয়না ব্রান্দ এম্বেসেদরশিংনি। য়োগ অমসুং আয়ুর্বেদকী নখোয়না ব্রান্দ এম্বেসেদরশিংনি। ভারতকী কোতেক ইন্দস্ত্রীশিং অমসুং হেন্দিক্রাফশিংগী নখোয়না ব্রান্দ এম্বেসেদরশিংনি। মসিগা ইরোইননা নখোয়না ভারতকী মিল্লেৎশিংগীসু ব্রান্দ এম্বেসেদরশিংনি। নখোয়না খঙলে মদুদি ২০২৩ অসি য়ুনাইতেদ নেসন্সনা ইন্তর্নেস্নেল ইয়র ওফ মিল্লেৎস হায়না লাউথোকখি। নখোয়না হনখিবা মতমদা মিল্লেৎকী পোত্থোক খরা পুদুনা চৎনবা ঐহাক্না অপীল তৌরি। খোঙজেল য়াংনা হোংলক্লিবা মতম অসিদা নখোয়না মরু ওইবা থৌদাং অমা লৌরি। ভারতকী মরমদা মালেম্না হেন্না খঙনীংবগী অপাম্বা অদু নখোয়না থুংহনগদবনি। ঙসি, মালেম পুম্বনা য়াম্না থৱায় য়াওনা অমসুং খঙনীংবগা লোয়ননা ভারত্তা মীৎয়েং থম্নরি। মসি করিগী হায়রিনো হায়বা খঙবা মরু ওই।

মরুপশিং,

হৌখিবা চহি খরা অসিদা ভারতনা ফংখিবা চাউখৎপগী খোঙজেল অসি, মসিনা ফংখিবা মাইপাকপা অসি তোপ-তোপ্পি অমসুং অমুক্তা ওইখিদ্রি। ভারতনা কোবিদ লাইচৎ মনুংদা থা খরগী মনুংদা ইন্দিজিনস ওইবা ভেক্সিন পুথোকপা মতমদা, প্রজাশিংদা লেম্না ভেক্সিন দোজ করোর ২২০ হেন্না পীনবা ভারতনা রেকোর্দ অমা থম্বা মতমদা, ভারতনা মালেমদা তংদু লৈতাদবা মরক্তা মালেমগী চাউখৎলক্লিবা ইকনোমী ওইরকপা মতমদা, ভারতনা মালেমগী অচৌবা ইকনোমীশিংগা চাংদম্নবা মতমদা, মকোক থোংবা ইকনোমী ৫দা য়াওশিনবা মতমদা, ভারতনা মালেমগী অহুমশুবা খ্বাইদগী চাউবা স্তার্তঅপ ইকোসিস্তেম ওইবা মতমদা, মোবাইল মেন্যুফেকচরিংগুম্বা লমশিংদা ইলেক্ত্রোনিক্স শাবগী লমদা, ভারতনা মশাগী তেজাস ফাইতর প্লেনশিং, এয়রক্রাফ কেরিয়র আই.এন.এস. বিক্রান্ত অমসুং অরিহন্তগুম্বা ন্যুক্লিয়র সবমেরিনশিং শাবা মতমদা, মালেম অমসুং মালেমগী মীয়াম্না ভারতনা করি তৌরি অমসুং করম তৌরি খঙনীংবা অসি মহৌশানি।  

ভারতকী খোঙজেল, পাকচাউবা অমসুং তুংলমচৎকী মরমদা মীয়াম্না খঙনীংবা পোক্লি। চপ মান্নবা মতৌদা কেশলেস ইকনোমী অমসুং ফিনতেক্কী মতাংদা লাকপা মতমদা মালেমনা মালেমগী রিএল তাইম দিজিতেল ত্রাঞ্জেক্সনশিংগী চাদা ৪০ ভারত্তা পাঙথোকপা উবা ফংবদা অঙকপা পোকই। স্পেসকী তুংলমচৎকী মতাংদা লাকপদা ভারত অসি স্পেস তেক্নোলোজীদা খ্বাইদগী খুমাং চাউশিনবা লৈবাকশিংগী মনুং চল্লি। ভারতনা অমুক্তদা সেতলাইঃ ১০০ লোঞ্চ তৌবগী রেকোর্দ থম্মি। মালেমনা সোফৱেয়র অমসুং দিজিতেল তেক্নোলোজীগী লমদা ঐখোয়গী তৌবা ঙম্বা অসি য়েংনরি। মসিগী হৌরকফম নখোয় কয়ানা ওইরি। ভারতকী শক্তি অমদি মপাঙ্গল হেনগৎলক্লিবা অসিদা ভারত্তগী হৌরকখিবা মীওই খুদিংমক্কী অৱামল য়াওরি। ঙসি ভারতকী খোঞ্জেল, ভারতকী পাউজেল অমসুং ভারতকী ৱাহৈশীং অসি গ্লোবেল এরেনাদা তোপ-তোপ্পা মফম কল্লি। মসিগী ভারতকী চাউখৎলক্লিবা শক্তি অসিনা তুংলমচৎতা হেন্না হেনগৎলক্কনি। মরম অসিনা ভারত্তা খৌরাংনা য়েংবা হেনগৎলক্লি। অমসুং মসিনা মরম ওইদুনা ভারত্তগী হৌরকখিবা মপালদা লৈবা মীওইশিংগী থৌদাংসু হেনগৎলক্লি। ঙসিদি ভারতকী মরমদা নখোয়দা হেন্না ময়েক শেংবা ইপাউ লৈরে, অচুম্বা ৱাফমশিংদা য়ুম্ফম ওইরগা নখোয়না ভারতকী হেনগৎলক্লিবা মতিক-ময়াইগী মতাংদা অতোপ্পদা পাউদমবা ঙম্লগনি। ঐহাক্না নখোয়না কলচরেল অমসুং স্পিরিচুএলগী ই-পাউগা লোয়ননা ভারতকী চাউখৎ খোঙচৎকী মরমদা অপদেদ তৌরবা ইপাউ লৌনবা হায়জরি।

মরুপশিং,

ভারতনা চহি অসিদা মালেমগী জি-২০ গ্রুপকী প্রসিদেন্সী ওইরি নখোয় পুম্নমক্না খঙই। ভারতনা মসিগী থৌদাং অসি অচৌবা খুদোংচাবা অমা ওইনা উরি। ভারতকী মরমদা মালেমদা খঙহন্নবা মসি খুদোংচাবা অমনি। ভারতকী এক্সপরিয়েন্সতগী তমশিন্নবা অমসুং হৌখিবা এক্সপরিয়েন্সশিংদগী সস্তেনেবল ফ্যুচরগী মাইকৈদা ৱারেপ লৌনবা মসি খুদোংচাবা অমনি। ঐখোয়না জি-২০ অসিবু শুপ্নগী দিপ্লোমেতিক ইভেন্ত অমা ওইহনবতা নত্তনা মীয়াম্না শরুক য়াবগী পুৱারী ওইরবা থৌরম অমা ওইহনগদবনি। তানফম অসিদা মালেমগী তোঙান-তোঙানবা লৈবাকশিংনা ‘অতিথি দেভো ভাবা’গী ৱাখল্লোন অসি ভারতকী মীয়ামদা উবা ফংলগনি। নখোয়না নখোয়গী লৈবাক্তগী লাকপা মীহুৎশিং উনবসু ফংগনি অমসুং ভারত্তা মখোয়গী মরমদা হায়বসু য়ারগনি। মসিনা মখোয়না য়ুমগুম্না ৱাখল পোকহনগনি অমসুং মখোয়না ভারত্তা য়ৌরক্ত্রিঙৈ মমাংদগী তরাম্না ওকপীয়ু।

|

মরুপশিং,

অমসুং ঐহাক্না হায়জনীংবদি জি২০ সম্মিৎ পাঙথোক্লিঙৈ মনুংদা মীফম ২০০ পাঙথোকপা মতমদা জি২০ গ্রুপকী দেলিগেসন ২০০না মফম অসিদা লাকপা অমসুং ভারতকী তোঙান-তোঙানবা সহরশিংদা চৎপা মতমদা ভারতকী দাইস্পোরানা মখোয়না হল্লকপদা মখোয়গা ৱারী শাদুনা মখোয়গী এক্সপরিয়েন্সকী মরমদা তাগদবনি। মসিনা মখোয়গা ঐখোয়গী মরক্তা লৈরিবা মরী হেন্না মপাঙ্গল কনখৎহন্নবা খুদোংচাবা পীগনি।

মরুপশিং,

ঙসি ভারত অসি মালেমগী লৌশিংগী সেন্তর ওইনবগী মতিক ময়াই লৈবা খক্তা নত্তনা স্কিল কেপিতেলসু ওইবা ঙমগনি। ঙসি ভারত্তা মতিক-ময়াই লৈবা নহারোল কয়ামরুম লৈ। ঐখোয়গী নহারোলশিংদা স্কিলশিং, ভেল্যুশিং লৈ অমসুং থবক তৌবগী কত্থোকপা অমদি মপুকচেল শেংবগী গুন চেল্লি। ভারতকী স্কিল কেপিতেল অসিনা মালেমগী চাউখৎপগী ইঞ্জিন ওইবা ঙমগনি। ভারত্তা লৈরিবা নহারোলগা লোয়ননা ভারতনা মীৎয়েং চংলিবা অসি ভারতকী মরী লৈনবা মাইগ্রেন্ত নহারোলশিংগা কন্নেক্ত তৌবনি। ঐখোয়গী মথংগী মীরোলদা, মপালদা পোকপা মফম অসিদা চাউরাকপশিংদা ভারতজী মরমদা খঙনবা খুদোংচাবা কয়ামরুম পীরি। ভারতকী মরমদা খঙনীংবা অসি হৌরক্লিবা মাইগ্রেন্তগী মীরোলশিংদা হেনগৎলক্লি। মখোয়না মখোয়গী মমা-মপাশিংগী লৈবাক্কী মরমদা খঙবা পাম্মি, মখোয়গী হৌরকফমগা শম্নবা পাম্মি। লৈবাক্কী মরমদা মনুং হুৎনা নহারোলশিংদা খঙহনবা খক্তা নত্তনা মখোয়দা ভারত উৎপা অসি ঐখোয়গী থৌদাংনি।  নহারোলশিংগী মরক্তা খঙনীংবা হেনগৎলক্লিবা মতিক ভারতকী মরী লৈণবা তুরিজম হেন্না চাউখৎকনি, ভারতকী মরী লৈনবা রিসর্চ হেনগৎলক্কনি অমসুং ভারতকী মীংচৎ হেনগৎলক্কনি। ভারতকী তোঙান-তোঙানবা কুহ্মৈগী মনুংদা লাকপা নহারোলশিওংনা বুদ্ধ সর্কিত অমসুং রামায়ন সর্কিতকী কান্নবা লৌবা য়াগনি। মখোয়না আজাদী কা অমৃত মহোৎসবকী মখাদা পাঙথোক্লিবা থৌরমশিংদা শরুক য়াবা য়াগনি।

মরুপশিং,

ঐহাক্না ৱাফম অমগা থমজগে। ভারত্তগী মাইগ্রেন্তশিংনা চহিচা কয়াদগী লৈবাক কয়াদা খুন্দা লৈতাদুনা লৈরি। ভারতকী দাইস্পোরানা জাতি শেমগৎপদা শীংথানীংঙাই ওইনা শরুক তমখি। ঐখোয়না মখোয়গী পুন্সি, অৱাবা অমদি মাইপাকপশিং অদু দোক্যুমেন্ত তৌগদবনি। ঐখোয়গী অহল লমন কয়ানা মতম অদুগী মেমোরি কয়ামরুম লৈরমগনি। ঐহাক্না য়ুনিভর্সিতীশিংদা লৈবাক খুদিংমক্তা লৈরিবা ঐখোয়গী দাইস্পোরাগী পুৱারীদা ওদিও-ভিদিও নত্ত্রগা অইবা দোকছুমেন্তেসনশিং তৌনবা হায়জরি।

মরুপশিং,

ভারতকী মীওই অমনা ভারতকী ৱাংমদা চৎখিবা মতমদা অমসুং মফম অদুদা ভারত্তগী মীওই অমা থেংনবা মতমদা মহাক্না ভারত পুম্বা ফংবাগুম্না ফাওই। মদুদি নখোয়না হিংলবা মতমদা নখোয়গা লোয়ননা ভারত লৈ। লৈবাক অসিনা হৌখিবা চহি নিপালদা মাগী দাইস্পোরাদা মপাঙ্গল পীনবা অঙম্বা থাক্তা হোৎনখি। ঙসি ভারতকী খোঙফম অসিনা মালেমগী মফম অমা হেক্তদা নখোয়না লৈরবসু লৈবাক অসিনা নখোয়গী অনীংবা অপাম্বদা শৌগৎকনি।

|

গুয়ানাগী রাস্ত্রপতি অমসুং সুরিনামগী রাস্ত্রপতিদা ঐহাক্না থমোয় শেংনা তৌবীমল খঙবা উৎচরি মঅমসুং য়াইফ মঙ্গোল পীজরি। মরু ওইবা থৌরম অসিগীদমক মখোয়না মতম কাইথোকপীখি অমসুং ঐখোয়গী মাংদা পুখৎলক্লিবা ৱাফম অসি য়াম্না কান্নবা ওই। ঐহাক্না মখোয়দা থাজবা পীরি মদুদি ভারতনা মখোয়গী অপাম্বশিং শোইদনা থুংহনগনি। গুয়ানাগী রাস্ত্রপতিবু ঐহাক্না থাগৎলি মরমদি ঐহাক্না গুয়ানাদা চৎপা মতমদা ঐহাক করিসু ওইদে মুখ্য মন্ত্রী ফাওবা ওইদে অদুবু মহাক্না মতম অদু নীংশিলমখি অমদি মহাক্না ঙসি হৌখ্রবা মীকুপশিং অদু পাউদমখি। লেপলুরবা মতুংদা অমুক হন্না ঐখোয়না উনবা ফংবা অসিদা ঐহাক্না প্রবাসী ভারতীয় দিবসনা লাকপদা য়াইফ পাউজেল পীজরি। নখোয়না মীওই কয়া উনগনি, মীওই কয়াগী মরমদা খঙবা ফংগনি অমসুং মেমোরীশিং অদু নখোয়না হনখিবদা নখোয়গী লৈবাক্তা পুদুনা চৎখিগনি। ভারতকা লোয়ননা থবক তৌমিন্নবগী অনৌবা চহিচা অমা হৌরগনি হায়না ঐনা থাজৈ। ঐহাক্না য়াইফ মঙ্গোল পীজরি।

থাগৎচরি!

  • दिग्विजय सिंह राना September 20, 2024

    हर हर महादेव
  • JBL SRIVASTAVA May 27, 2024

    मोदी जी 400 पार
  • Vaishali Tangsale February 13, 2024

    🙏🏻🙏🏻
  • ज्योती चंद्रकांत मारकडे February 12, 2024

    जय हो
  • ज्योती चंद्रकांत मारकडे February 12, 2024

    जय हो
  • Babla sengupta December 24, 2023

    Babla sengupta
  • Mohanlal Verma January 12, 2023

    9753544081नटराज 🖊🖍पेंसिल कंपनी दे रही है मौका घर बैठे काम करें 1 मंथ सैलरी होगा आपका ✔30000 एडवांस 10000✔मिलेगा पेंसिल पैकिंग करना होगा खुला मटेरियल आएगा घर पर माल डिलीवरी पार्सल होगा अनपढ़ लोग भी कर सकते हैं पढ़े लिखे लोग भी कर सकते हैं लेडीस 😍भी कर सकती हैं जेंट्स भी कर सकते हैं Call me 📲📲===9753544081✔ ☎व्हाट्सएप नंबर☎☎ 9753544081आज कोई काम शुरू करो 24 मां 🚚डिलीवरी कर दिया जाता है एड्रेस पर✔✔✔
  • shashikant gupta January 10, 2023

    सेवा ही संगठन है 🙏💐🚩🌹 सबका साथ सबका विश्वास,🌹🙏💐 प्रणाम भाई साहब 🚩🌹 जय सीताराम 🙏💐🚩🚩 शशीकांत गुप्ता (जिला अध्यक्ष) जय भारत मंच कानपुर उत्तर वार्ड–(104) #satydevpachori #myyogiadityanath #AmitShah #RSSorg #NarendraModi #JPNaddaji #upBJP #bjp4up2022 #UPCMYogiAdityanath #BJP4UP #bhupendrachoudhary #SubratPathak #BhupendraSinghChaudhary #KeshavPrasadMaurya #keshavprasadmauryaji
  • Devinder khandelwal January 10, 2023

    भारत माता की जय
  • Satyasundar Datta January 10, 2023

    Bharat mata ki jay
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
'India Delivers': UN Climate Chief Simon Stiell Hails India As A 'Solar Superpower'

Media Coverage

'India Delivers': UN Climate Chief Simon Stiell Hails India As A 'Solar Superpower'
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 16 ফেব্রুৱারি, 2025
February 16, 2025

Appreciation for PM Modi’s Steps for Transformative Governance and Administrative Simplification