অমৃতকালগী অহানবা বজেৎ অসিনা চাউখৎপা ভারতকী অচৌবা মঙলান থুংহন্নবা মপাঙ্গল কনবা য়ুম্ফম অমা থোল্লগনি। বজেৎ অসিনা খুদোংচাদ্রবশিংদা মীৎয়েং চংলি। বজেৎ অসিনা ঙসিগী এস্পিরেস্নেল সোসাইতী – খুঙ্গং-লায়রবা, লৌমী, মিদল ক্লাসকী মঙলানশিং থুংহল্লগনি।
ঐহাক্না শেল-থুম মন্ত্রী নির্মলাজী অমদি মহাক্কী তীমবু পুৱারী ওইরবা বজেৎকীদমক থাগৎপা ফোঙদোকচরি।
মরুপশিং,
মহৌশানা মখোয়গী মখুৎশিং, খুৎলাইশিং শীজিন্নদুনা করিগুম্বা অমা শেম্বা নত্ত্রগা থবক তৌবা বিশ্বকর্মা করোর কয়ানা লৈবাক অসিবু শেমগৎলি। য়োৎ শাবা, সনা শাবা, চফু শাবা, উ শুবা, লাই হকপা, আর্তিসন, মিস্ত্রী অসিগুম্বা মশিং লাকঙমদ্রবা মীওইশিংগী শাংলবা লিস্ত লৈ। বিশ্বকর্মা পুম্নমক অসিনা হোৎনবা কনবা অমসুং শেমগৎলিবা অসিগীদমক লৈবাক অসিনা অহানবা ওইনা বজেৎ অসিদা ইনসেন্তিব স্কিম কয়ামরুম পুরকখি। অসিগুম্বা মীওইশিংদা তেংবাং পীনবা ত্রেনিং, তেক্নোলোজী, ক্রেদিৎ অমসুং মার্কেৎ সপ্পোর্তকীদমক শিল-লাংখি। পি.এম. বিশ্বকর্মা কৌশল সম্মান হায়বদি পি.এন. কিসান্না বিশ্বকর্মা করোর কয়াগী পুন্সিদা অচৌবা অহোংবা অমা পুরক্লগনি।
মরুপশিং,
সহরদা লৈবা নুপীদগী হৌরগা খুঙ্গংদা লৈবা নুপীশিং, বিজিনেসকী থবক চিল্লিবা নুপীশিং, নত্ত্রগা য়ুমগী থবকশিংদা থবক চিল্লিবা নুপীশিং অসিগীদমক সরকারনা চহি খরা অসিদা মখোয়গী পুন্সি লায়থোকহন্নবা খোঙথাং কয়া লৌখৎখি। জল জীবন মিসন, উজ্জৱলা য়োজনা, পি.এম.-আৱাস য়োজনা ওইরবসু অচৌবা শক্তিগা লোয়ননা অসিগুম্বা খোঙথাংশিং মাংদা থংগনি। মসিগা লোয়ননা য়াম্না শক্তি লৈবা সেক্তর অমা ওইরিবা নুপী সেল্ফ-হেল্প গ্রুপশিংনা ঙসি ভারত্তা অচৌবা মফম অমা কল্লি, করিগুম্বা মখোয়দা শক্তি খজিক্তংগা পীরবদি মখোয়না অঙকপশিং পাঙথোকপা ঙমগনি। মরম অসিনা নুপী সেল্ফ হেল্প গ্রুপশিংগীদমক মখোয়গী অপুনবা চাউখৎ থৌরাংগী অনৌবা থৌশিল পাইখৎপনা বজেৎ অসিবু অনৌবা মায়োলদা পুরগনি। নুপীশিংগীদমক অখন্নবা সেভিং স্কিম অমসু লোঞ্চ তৌরি। অমসুং জন ধন একাউন্তগী মতুংদা মসিগী অখন্নবা সেভিং স্কিম অসিনা অচম্বা ইমুংগী য়ুম পুরিবী ইমা অমদি ইচে-ইচলশিংদা অচৌবা শক্তি পীরগনি।
বজেৎ অসিনা খুঙ্গংগী শেন্মীৎলোন চাউখৎহন্নবা কোওপরেতিবশিংনা মরু ওইবা থৌদাং লৌরগনি। সরকারনা কো-ওপরেতিব সেক্তর – স্তোরেজ কেপাসিতীদা মালেমগী খ্বাইদগী চাউবা ফিদ স্তোরেজ স্কিম হৌদোকখি। বজেৎ অসিদা অনৌবা প্রাইমারি কো-ওপরেতিবশিং শেম্নবা অচৌবা থৌরাং অমসু লাউথোকখি। মসিনা লৌউ-শিংউ, এনিমেল হসবেন্দরীগা লোয়ননা শঙ্গোম অমদি ঙাগী পোত্থোক পুথোকপগী লম অসি পাকথোক-চাউথোকহল্লগনি অমদি ঙামীশিংনা মখোয়গী পোত্থোক্তা মমল হেন্না ফংলগনি।
মরুপশিং,
হৌজিক ঐখোয়না দিজিতেল পেমেন্তকী মায় পাকপবু লৌউ-শিংউ সেক্তরদা মতৌ তমশিনবগী মরুওইবা লৈরে। মরম অসিনা বজেৎ অসিদা ঐখোয়না দিজিতেল এগ্রিকলচর ইনফ্রাস্ত্রকচরগী অচৌবা থৌরাং অমা য়াওরি। ঙসি মালেমনা ইন্তরনেস্নেল ইয়র ওফ মিল্লেৎ পাঙথোক্লি অমদি ভারত্তা তোঙান তোঙানবা মমিংশিংদা খঙনবা মিল্লেৎ মখল কয়া লৈ অমসুং মখোয়গী মমিং কয়া লৈ। মিল্লেৎনা মালেম পুম্বগী য়ুমথোঙশিংদা য়ৌরক্লবা মতমসিদা, মালেম শিনবা থুংবদা মসি পাম্নরক্লিবা মতমসিদা মাগী খ্বাইদগী কান্নবশিং অসিনা ভারতকী অপীকপা লৌমীশিংগী মরাইবক লেপকনি মরম অসিনা অনৌবা লম্বী পুথোক্তুনা মাংদা চংশিনবা মথৌ তাই। মসিদা মিল্লেৎ মশক খঙদোক্নবগী অখন্নবা থৌরাংশিং মথৌ তাই। হায়রিবা সুপরফুদ অসিবু শ্রী-অন্ন হায়বা অনৌবা মমিং অমা পীরে, মসি থৌগৎনবা স্কিম কয়া পাইখৎলি। শ্রী-অন্নদা মরু ওইবা মীৎয়েং চংবগা লোয়ননা লৈবাক্কী অপীকপা লৌমীশিং অমদি ত্রাইবেল লৌমীশিংদা শেন্মীৎলোনগী ঙাক্লৌ ফংহনগনি অমসুং ইরৈবাকচাশিংনা হকচাং ফবা পুন্সি অমা ফংলগনি।
মরুপশিং,
বজেৎ অসিদা গ্রীন তুং কোইগদবা তুংলমচৎ অমগীদমক গ্রীন গ্রোৎ, গ্রীন ইকনমী, গ্রীন ইনফ্রাস্ত্রকচর, অমদি গ্রীন জোবকী লমদা হান্না পারুদবা মওংদা পাকথোক চাউথোকহনগনি। বজেৎ অসিদা, ঐখোয়না তেক্নোলোজী অমদি অনৌবা শেন্মিৎলোন্দা চাউনা মীৎয়েঙ থম্লি। ঙসিগী এস্পিরেস্নেল ইন্দিয়ানা লম্বী, রেল, মেত্রো, হিথাংফম, অমদি ঈশিংগী লম্বীনচিংবা হীরম খুদিংদা মতমগা চুনবা ইনফ্রাস্ত্রকচর পাম্মী। ইং ২০১৪গা চাংদম্নবদা, ইনফ্রাস্ত্রকচরদা শেল থাদবা চাদা ৪০০গী মথক্তা হেনগৎলে। ইনফ্রাস্ত্রকচরদা করোর মিলিয়ন অমা অমুক্তা ওইখিদ্রিবা মওংদা ইনভেস্তমেন্ত তৌবনা হন্দক্তি ভারতকী চাউখৎ থৌরাংদা অনৌবা শক্তি অমদি খোঙজেল পীরগনি। মসিগী ইনভেস্তমেন্ত অসিনা মীওই কয়াদা অনৌবা শেন্থোক্কী খুদোংচাবশিং পীরগনি। বজেৎ অসিদা ইজ ওফ দুইং বিজিনেসকা লোয়ননা ক্রেদিৎ সপ্পোর্ত অমসুং রিফোর্মগী কেম্পেন্না ঐখোয়গী ইন্দস্ত্রীশিংবু মাংদা পুখৎখি। এম.এস.এম.ই.শিংগীদমক লুপা করোর লাখ ২গী অহেনবা লোন গরেন্তীগী খুদোংচাবা পীখি। হৌজিক প্রিজুম্পতিব তেক্সকী লিমিৎ হেনগৎলকপনা এম.এস.এম.ই.শিংবু চাউখৎহনবদা মতেং পাংলগনি। এম.এস.এম.ই.শিংদা অচৌবা কম্পনীশিংনা মতম চানা শেল পীথোক্নবা নৌনা শিল-লাংখ্রে।
মরুপশিং,
ভারতকী মিদল ক্লাস অসি চাউখৎ-থৌরাং নত্ত্রগা সিস্তেম, থৌনা ফাবা নত্ত্রগা ফিরেপ অমা লৌবা ঙম্বা ওইরবসু মসিনা খোঙজেল য়াংনা চাউখৎখিবা ভারত্তা পুন্সিগী লম খুদিংমক্তা মরু ওইবা স্ত্রীম অমা ওইরকখি। মিদল ক্লাস অসি নুংঙাই য়াইফবা অমদি চাউখৎপা ভারতকী মঙলানশিং থুংহন্নবা অচৌবা শক্তি অমা ওইরি। ভারতকী য়ুব শক্তি অসিনা ভারতকী অখন্নবা শক্তি ওইরি মতৌ অসধম্না চাউখৎলক্লিবা ভারতকী মিদল ক্লাসনা অচৌবা শক্তি অমা ওইরি। মিদল ক্লাস শক্তি পীনবগীদমক সরকারনা হৌখিবা চহি খরদা ৱারেপ কয়া লৌখি অমসুং ইজ ওফ লিবিং ফংহনখি। তেক্স রেৎ হন্থহনবা লোয়ননা থৌওংশিং লায়থোকহনবা, মনুং মপান ফাওনা উহনবা অমদি খোঙজেল থুজিলহন্নবা পায়খৎখিবা থৌরাংশিং পাইখৎখি। ঐখোয়গী লৈঙাক্না মতম পুম্বদা মিদ্দল ক্লাসশিংগীদমক লেপ্তুনা মখোয়দা অচৌবা তেক্স রিলীফ পীদুনা লাক্লি। ঐহাক্না অমুক হন্না নির্মলাজী অমসুং মহাক্কী অপুনবা তীমবু চাউখৎপা ভারত অমা ওইহন্নবা শেমখিবা মসিগী শীংথানীংঙাই ওইরবা অমদি খোঙজেল য়াংনা শেম্বা বজেৎ অসিগীদমক থাগৎচরি লোয়ননা ইরৈবাকচা পুম্নমক্তা থাগৎপা ফোঙদোকচরি। ২০৪৭দা ঐখোয়না চাউখৎপা ভারত, মতিক-ময়াই লৈবা ভারত, লম খুদিংমক্তা নুংঙাই য়াইফবা ভারত অমা ওইহল্লগনি। মসিগী খোঙচৎ অসি মাংদা পুখৎলসি। থাগৎচরি।
