য়োর এক্সিলেন্সী, ঐগী মরুপ, রাস্ত্রপতি ইম্মান্যুএল মেক্রোন
কম্মর্স অমসুং ইন্দস্ত্রী মন্ত্রী, শ্রী পিয়ুশ গোয়ল
সিভিএল এভিএসন মন্ত্রী, শ্রী জ্যোতিরাদিত্যা সিন্ধিয়া
তাতা ত্রস্তসকী চিয়রমেন, শ্রী রতন তাতা
তাতা সন্সকী চিয়রমেন, শ্রী এন. চন্দ্রশেখরন
এয়র ইন্দিয়াগী সি.ই.ও., শ্রী কেম্পবেল ৱিলসন
এয়রবসকী সি.ই.ও., শ্রী গুইল্লৌমে ফৌরী
অহানবদা ঐহাক্না ইতিহাসিক ওইরবা য়ান্ন-ৱারোল অসিগীদমক এয়র ইন্দিয়া অমসুং এয়রবসপু থাগৎচরি। ঐহাক্না ঐগী মরুপ রাস্ত্রপতি মেক্রোনবু থৌরম অসিদা শরুক য়াবীবগীদমক অখন্ননা থাগৎচরি।
দীল অসিনা ভারত অমসুং ফ্রান্সকী মরক্তা লৈরিবা মরী চৎশিন্নবগী লোয়ননা ভারতকী সিভিল এভিএসন ইন্দস্ত্রীগী মাইপাকপশিং অমসুং পান্দমশিংগী খুদম অমা ওইরি। ঙসি ঐখোয়গী সিভিল এভিএসন সেক্তর অসি ভারতকী চাউখৎ খোঙচৎকী মরু ওইবা শরুক অমনি। সিভিল এভিএসন মপাঙ্গল কনখৎহনবা হায়বা অসি ঐখোয়গী নেস্নেল ইনফ্রাস্ত্রকচর স্ত্রেতেজীগ মরু ওইবা লম অমনি। হৌখিবা চহি নিপান অসিদা ভারতকী এয়রপোর্তশিংগী মশিং অসি ৭৪দগী ১৪৭তা হেনগৎলক্তুনা শরুক অনিরোম হেনগৎখি। ঐখোয়গী রিজনেল কন্নেক্তিবিতী স্কিম (উরান)গী খুত্থাংদা লৈবাক্কী মনুং হঞ্জিনবা শরুকশিংনা এয়র কন্নেক্তিবিতীগী থোংদা লিঙ্ক তৌরি, মসিনা মীয়ামগী শেন্মীৎলোন অমসুং খুন্নাইগী চাউখৎ খোঙচৎতা শরুক তম্লি।
ভারতনা মালেমগী এভিএসন সেক্তরগী অহুমশুবা খ্বাইদগী চাউবা মার্কেৎ অথুবদা ওইরক্লগনি। এস্তিমেৎ কয়ামরুমগী মতুং ইন্না ভারতকী এয়রক্রাফকী মশিং অসি মথংগী চহ ১৫দা ২০০০ হেল্লগনি। ঙসিগী ইতিহাসিক ওইরবা লাউথোকপা অসিনা মসিগ হেনগৎলক্লিবা দিমান্দা অসি থুংহনবদা মতেং পাংলগনি। ভারতকী ‘মেক ইন ইন্দিয়া – মেক ফোর দি ৱর্ল্দ’গী মঙলান মখাদা এরোস্পেস মেন্যুফেকচরিংদা অনৌবা খুদোংচাবা কয়া পীরি। ওতোমেতিক রুৎকী খুত্থাংদা এফ.দি.আই.গী ১০০%গী প্রোবিজন অমা গ্রীন ফিল্দ অমসুং ব্রাউন্দ ফিল্দ এয়রপোর্তশিংগীদমক শেমখি। মতৌ অসুম্না গ্রাউন্দ হেন্দলিং, সর্ভিসেস, মেন্তেনেন্স, রিপিয়র অমসুং ওভরহোল হায়বদি এম,আর,ও,গীদমক এফ.দি.আই.গী ১০% অয়াবা পীখ্রে। ভারতনা অপুনবা লমদমগীদমক এম.আর.ও.গী হব অমা ওইরকপা য়ারি। ঙসি ভারত্তা গ্লোবেল এভিএসন কম্পনী পুম্নমক লৈরে। ঐহাক্না মখোয়দা খুদোংচাবশিং অসি মপুং ফানা লৌহৌনবা হায়জরি।
মরুপশিং,
এয়র ইন্দিয়া অমসুং এয়রবসকী মরক্তা পীনখিবা য়ান্ন-ৱারোল অসি ইন্দো-ফ্রেঞ্চ স্ত্রেতেজিক পার্তনরশিপকীদমক মরু ওইবা মাইলস্তোন অমনি। থা খরগী মমাংদা ওক্তোবর ২০২২দা ঐহাক্না বদোদারাদা দিফেন্স ত্রান্সপোর্ত এয়রক্রাফ প্রোজেক্ত অমগী উরেপ-উয়ুং তম্বগী থৌরমদা শরুক য়াখি। য়ুরো বিলিয়ন ২.৫গী ইনভেস্তমেন্তগা লোয়ননা শাগৎলিবা প্রোজেক্ত অসিদা তাতা অমসুং এয়রবসনা খোঙলোই ওইরি। এয়রক্রাফ ইঞ্জিনশিং সর্ভিস তৌনবা ভারত্তা ফ্রেঞ্চ কম্পনী সাফ্রন্না খ্বাইদগী চাউবা এম.আর.ও. ফেসিলিতী লিংখৎলি তাবদা ঐহাক্না য়াম্না নুংঙাইবা পোকই।
ঙসি ভারত-ফ্রান্স পার্তনরশিপনা ইন্তর্নেস্নেল ওর্দর অমসুং মলতিলেতরেল সিস্তেমদা স্তেবিলিতী অমসুং বেলেন্স পুরকপদা মরু ওইবা থৌদাং অমা লৌরি। ইন্দো-পেসিফিক রিজন্দা সেক্যুরিতী অমসুং স্তেবিলিতীগী সমস্যা ওইরবসু নত্ত্রগা গ্লোবেল ফুদ সেক্যুরিতী অমসুং হেল্থ সেক্যুরিতী ওইরবসু ভারত অমসুং ফ্রান্সনা পুন্না অফবা মওংদা শরুক তম্লি।
রাস্ত্রপতি মেক্রোন,
ঐখোয়গী বাইলেতরেলগী মরীশিং অসিনা চহি অসিদা হেন্না ৱাংবা পনখৈশিং য়ৌবা ঙম্লগনি হায়না ঐহাক্না থাজৈ। ভারতকী জি২০ প্রসিদেন্সীগী মখাদা ঐখোয়না পুন্না থবক তৌমিন্ননবা খুদোংচাবা কয়া ফংলগনি। অমুক হন্না ঐহাক্না পুম্নমকপু হন্না-হন্না থাগৎচরি অমসুং য়াইফ-মঙ্গোল পীজরি।
