খুরুমজরি মরূপশিং,
মতম য়াম্না কুইরবা মতুংদা ঙসি অদোম ময়ামগা উনবা ফংজরে। অদোম খুদিংমক নুংঙাইবীরিকো? অৱা-অনা অমত্তা অদোম অমদি অদোমগী ইমুং-মনুংদা থোক্তেকো? মতম চুপ্পদা তাইবং মপুনা তেক্ত কাইদনা থম্বিবা ওইসনু।
য়াম্না অথোইবা অকোইবগী ফীভম অমদা সংসদকী সেসন অসি ঙসি হৌরে। কোরোনাসু লৈরি, ইথৌদাংসু পাংথোক্তবা য়াদবা মরক অসিদা অদোম সংসদ খুদিংমক্না সংসদকী লম্বি অসি ওইনা খনবিরিবা অসিদা ঐহাক্না অদোম ময়ামদা নুংঙাইবা ফোংদোকচরি। ঐহাক্না অদোম সংসদ খুদিংমক্কী মফমদা নুংঙাইবা ফোংদোকচরি, নোল্লুকপা উৎতৃচরি অমদি থাগৎপা ফোংদোকচরি।
বজেৎ সেসনগী অসি মতম য়ৌদ্রিঙৈদগী হৌনা হান্নদগী পাংথোক্তনবা তৌবা তাখি। হন্দকসু অনিরক হন্না, রাজ্যসভাদা অমুরক অদুগা লোকসভাদা অমুরক মতম অসি ওন্থোকপা তাখি। হন্দক্তী থাংজ, নোংমাইজিংসু কেন্সেল তৌখ্রে। অদবু মীহুৎশিংনা মসিদসু য়াবিরকখি, লৌশিনখি অমদি ইথৌদাং পাংথোকপগী লম্বিরোমদা চংশিন্নবা ৱারেপ লৌখি।
হন্দক্কী সেসন অসিদা মরুওইবা ৱারেপ কয়া অমা লৌগনি, হিরম কয়া খন্নগনি অমদি লোকসভাদা অদুক্কী মতিক ৱা খন্নরিবমখৈ অদুক্কী মতিক হকচিন্না খন্নরিবা মখৈ মখল-মখা কয়া থোক্না পিক থন্না খন্নরিবমখৈ হাউসনসু হিরম কয়া কান্নবা ফংগনি অদুগা লৈবাক অসিনসু কান্নগনি হায়বসি অদোম পুম্নমক্না খংবি-উবিরবা ঙাক্তনি।
হন্দকসু অদুগী অথোইবা চৎনরকপা মওং অদুদা সংসদ খুদিংমক্না পুন্না ভেল্যু এদিসন তৌগনি হায়বসি ঐহাক্না থাজৈ। কোরোনানা ওইহল্লক্লিবা মওং অসিদা চেকশিন-থৌরাংগী হিরমগী মতাংদসু খংহনখ্রে, মদুগী চেকশিন-থৌরাংশিং অদু ঐখোয় পুম্নমক্না ঙাক্না চৎকদবনি। অদুদা হিদাক পুথোরক্ত্রিবফাওবা করিগুম্বা মখলগী কোমথোকপা অমত্তা তৌবিরোইদবনি। য়াম্না থুনা মালেম অসিগী মফম অমদগী হেক্তা ওইরবসু ভেক্সিন থোরকপা, ঐখোয়গী বৈজ্ঞানিকশিংনা য়াম্না থুনা মায় পাকপা ওইবা অমদি মালেমগী মপম খুদিংমক লুরবা তানফম অসিদগী নান্থোরকপা ঙম্বা অদুনি ঐখোয়না পামজরিবা।
হাউস অসিগী মরুওইবা থৌদাং অমসু লৈরি অমদি মসিদা মরুওইনা মসিগী সেসন অসিগী মরুওইবা থৌদাং ওইনা ঙসি লৈবাক অসিগী ঙমখৈদা ঐখোয়গী থৌনা ফরবা লাম্নিশিংনা থৌনা লৈনা, অকনবা ৱাখল্লোনগা লোয়ননা, লাপ্লবা য়ৌশিনবদা অৱাবা ওইরবা চিংশিংদা লেপ্তুনা ঙাক্লি, অদুগা মতম খরা লৈরগা নোংজু থাসু লাক্কদৌরে। থাজবা অমগা লোয়ননা মখোয়না লেপ্লি, ইমা লৈবাকপু ঙাক-শেন্নবগীদমক্তা লেপ্তুনা লৈরি, মসিগী হাউস অসিদসু, হাউসকী মীহুৎ খুদিংমক্না অমত্তা ওইনা, ৱাখল্লোন অমত্তা ওইনা ৱাশক অমদগী পাউজেল অসি পীসি-লান্মীশিংগী মরুমদা লৈবাক অসি লৈরি, মসিগী য়াম্না অকনবা পাউজেল অসি মসিগী হাউস অসিনা পীগনি, ইকাইখুম্ননিংঙাই ওইরবা মীহুৎশিংনা পীগনি হায়না ঐহাক্না থাজৈ। ঐহাক্না অদোমদা হায়জগদবদি কোরোনাগী লুরবা তানফম অসিদা হান্নগী মতৌগুম মফম অমদা হেক্তা অথিংবা লৈতনা চৎপগী তাঞ্জা অদু ফংলরোই, অদোমগী মীশিংবু শোইদনা শেন্নবিয়ু মরূপশিং। পাওশিংদি পংগনি, অদোমগী ওইনা অরুবা থবক নত্তে, অদোম ইশানা চেকশিন্না লৈবিয়ু হায়না অদোমদা ইশামক্না হায়জরি। মরূপশিংবু থাগৎচরি।
Announces ex-gratia from PMNRF
