ইকায়খুম্নরবশিং,

ইবেম্মাশিং অমসুং ইবুংঙোশিং,

১৬শুবা ব্রিক্স মীফম নিংথিনা শীনবগীদমক রাস্ত্রপতি পুতিন থাগৎপা ফোঙদোকচরি।

ব্রিক্সতা শরুক য়ারবা অনৌবা মরুপশিং অমুক হন্না তরাম্না ওকচরি। লুপ অসিগী অনৌবা শক্লোন্দা, ব্রিক্সতা মালেমগী অপুনবা মীশিংগী চাদা ৪০ লৈরি অমসুং মালেমগী শেন্মিৎলোনগী চাদা ৩০ ওইরি।


হৌখিবা চহি ২০ দা, ব্রিক্সনা মাইপাকপা কয়া পুরকপা ঙমখ্রে। তুংদা লুপ অসি মালেমগী শিংনবা কয়া মায়োক্নবা ঙম্বা হেন্না মপুংফাবা পাম্বৈ অমা ওইরক্কনি হায়বগী থাজবা ঐনা থম্লি।

নিউ দিবলপমেন্ত বেঙ্ককী প্রসিদেন্ত, দিলমা রৌসেফ ঐনা য়াইফ-পাউজেল পীজরি।

মরুপশিং,

হৌখিবা চহি ১০ দা, বেঙ্ক অসি গ্লোবেল সাউথকী লৈবাকশিংগী চাউখৎ-থৌরাংগী দরকার ওইবশিং ফংহনবা মরুওইবা বোদি অমা ওইরি। ভারত্তা গুজারত ইন্তরনেসনেল ফাইনান্স তেক সিতি( গিফ) অমসুং অফ্রিকা অমসুং রুসিয়াদা রিজনেল সেন্তরশিং হাংদোকপা অসিনা বেঙ্ক অসিগী থবকশিং ফগৎহল্লে। য়ু.এস দোল্লর বিল্লিয়ন ৩৫ রোমগী চাউখৎ-থৌরাংগী প্রোজেকশিং সেঙ্কসন তৌখ্রে। দরকার ওইবশিংদা ফংহনবগী ৱাখল্লোন্দা এন.দি.বি থবক তৌগদবনি। বেঙ্ক পাকথোক-চাউথোকহনবগা লোয়ননা, মতম শাংনা চৎনবা য়াগদবা শেন-থুমগী থবক, ক্রেদিৎ রেতিং ফগৎহনবা অমসুং পোৎ-চৈ য়োনফম ফংহনবা হায়বসি মরুওইবা অমা ওইগদবনি।

মরুপশিং,


অনৌবা শক্লোন অসিদা, ব্রিক্স য়ু.এস দোল্লর ত্রিল্লিয়ন ৩০গী শেন্মিৎলোন অমা লৈরে। ঐখোয় শেন-থুমগী মতেং পাংনবা হেনগৎহনবদা ব্রিক্স ব্যুজিনেস কাউন্সিল অমসুং ব্রিক্স ৱুমেন ব্যুজিনেস এল্লাইন্সনা অখন্নবা থৌদাং অমা লৌরে।

চহি অসিদা, দব্লি.তি.ও অওনবশিং পুরকপদা ব্রিক্স মনুংদা য়ানবা পুরক্লে, ঐখোয় শেন-থুমগী মতেং পাংনবা অসিদা লৌউ-শিংউ, সপ্লাই চেনশিং, ই-কম্মর্স অমসুং স্পিসিএল ইকোনোমিক জোনশিংদা ললোন-ইতিক্কী খুদোংচাবা পীগনি। হায়রিবা থবকশিং অসিগী মরক্তা, অপীকপা অমসুং ময়াই ওইরপ চাউবা উদ্যোগশিংদা ঐখোয়না মীৎয়েং চঙগদবনি।

২০২১ দা ভারতনা প্রসিদেন্ত ওইবা মতমদা পুখৎখিবা ব্রিক্স স্তার্দঅপ ফোরম চহি অসিদা হৌদোক্কদবা অসিদা ঐ অপেনবা ফাওই। ভারতনা পায়খৎখিবা থবক রেলৱে রিছার্স নেতৱার্কনা ব্রিক্স লৈবাকশিংগী মনুংদা লোজিস্তিক্স অমসুং সপ্লাই চেন ফগৎহনবদা মরুওইবা থৌদাং অমা লৌরি। ইন্দস্ত্রি ৪.০গীদমক হৈথোই-শিংথোইবা শিন্মীশিং পুথোক্নবা য়ুনিদোগা পুন্না থবক তৌমিন্নবদা ব্রিক্স লৈবাকশিং য়ানবা পুরকপা অসি তশেংনা শিংথানিঙাইনি।

২০২২ দা হৌদোকখিবা ব্রিক্স ভেক্সিন আর এন্দ দি সেন্তরনা লৈবাকশিংদা হকশেলগী ফিবম ফগৎহনবদা মতেং পাংলি। দিজিতেল হেল্থতা ভারতকী মাইপাক্লবা থবকশিং ব্রিক্স লৈবাকশিংদা ফংহনবদা ঐখোয় হরাওগনি।

মরুপশিং,
অইং-অশাগী খল হোংলকপা অসি ঐখোয় চপ মান্ননা মরুওইনা লৌরিবা হিরম অমনি।

রুসিয়ানা প্রসিদেন্ত ওইবগী মখাদা ব্রিক্স ওপন কার্বোন মার্কেত পার্তনরশিপগীদমক য়ানবা পুরকপদা তরাম্না ওক্লি। ভারতকী ওইনশু, গ্রিন গ্রোথ, ক্লাইমেত মায়োক্নবা ঙম্বা ইনফ্রাস্ত্রকচর অমসুং গ্রিন ত্রান্সসিসনদা মীৎয়েং চঙলে। ভারতনা থবক কয়া হায়বদি ইন্তরনেসনেল সোলার এল্লাইন্স, কোএলিসন ফোর দিজাস্তর রিসিলিয়েন্ত ইনফ্রাস্ত্রকচর, মিসন লাইফ, এক পের মা কে নাম পায়খৎলে।

হৌখিবা চহিদা, কোপ-২৮ মনুংদা, গ্রিন ক্রেদিৎ কৌবা মরুওইবা থবক অমা ঐখোয়না হৌদোকখ্রে। হায়রিবা থবকশিং অসিদা শরুক য়ানবা ব্রিক্স লৈবাকশিংদা ঐনা হায়জরি।

ব্রিক্স লৈবাকশিংদা ইনফ্রাস্ত্রকচরশিং শেমগৎনবা অখন্নবা মীৎয়েং থম্লে।

ভারত্তা য়াম্না য়াংনা মল্তি-মোদাল কন্নেক্তিবিতি শেমগৎনবা গাতি-শক্তি পোর্তেল কৌবা দিজিতেল প্লেতফোর্ম অমা ঐখোয়না লিংখৎলে। অপুনবা ইনফ্রাস্ত্রকচর শেমগৎনবা থৌরাং তৌবা অমসুং থবক ওইনা পায়খৎপদা মসিনা মতেং পাংলে অমসুং লোজিস্তিক্সকী খরচ হন্থহল্লে।

ঐখোয়না খঙজবশিং অদোমদা শরুক য়াবদা ঐখোয় হরাওগনি।

মরুপশিং,

ব্রিক্স লৈবাকশিংগী মরক্তা শেন-থুমগী থবকশিং পুনশিনবা হেনগৎহন্নবা থবকশিং ঐখোয়না তরাম্না ওক্লি।

লৈবাক অমগী করেন্সিশিংদা ললোন-ইতিক পাংথোকপা অমসুং লৈবাক লান্না শেন পীথোক-পীশিনগী থবক য়াহনবা অসিনা ঐখোয়গী শেন-থুমগী মতেং পাংনবা হেন্না মপাঙ্গল কনখৎহনগনি। ভারতনা শেমগৎপা য়ুনিফাইদ পেমেন্তস ইন্তরফেজ(য়ু পি আই) অসি মাইপাকপগী অচৌবা ৱারি অমনি অমসুং মসি লৈবাক কয়াদা চৎনবা হৌরে।

হৌখিবা চহিদা, ইকায়খুম্নরবা সৈখ মোহমদকা লোয়ননা, মসি য়ু.এ.ইদা হৌদোকখি। হিরম অসিদা ঐখোয়না অতোপ্পা ব্রিক্স লৈবাকশিংগা মতেং পাংনবা য়াগনি।

মরুপশিং,

ব্রিক্সগী মখাদা মতেং পাংনবা হেনগৎহন্নবা ভারতনা মপুংফানা থাজবা পীরি।

ঐখোয়গী খেন্নবশিংদা ঐখোয়না অচেৎপা থাজবা থম্বা অসি ঐখোয়গী থৌনানি। ঐখোয়গী থৌনা অমসুং মীওইবা খুন্নাইদা ঐখোয়না থাজবা থম্লিবা অসিনা তুংগী মীরোলশিংগীদমক নুংঙাই-য়াইফবা অমসুং অফবা তুংলমচৎ অমা শেম্বা ঙমগনি।

ঙসিগী মরুওইবা অমসুং মমল য়াম্লবা খন্ন-নৈনবশিং অসিগীদমক ময়াম পুম্নমক ঐনা থাগৎপা ফোঙদোকচরি।

ব্রিক্সকী মথংগী প্রসিদেন্ত ওইনা, রাস্ত্রপতি লুলাগী মফমদা ঐনা থম্মোয় শেংনা য়াইফ-পাউজেল পীজরি। অদোম্না ব্রিক্সকী প্রসিদেন্ত ওইবদা মাইপাক্নবা ভারতনা মপুংফানা শৌগৎকনি।

অমুক হন্না, রাস্ত্রপতি পুতিন অমসুং লুচিংবা পুম্নমক থাগৎপা ফোঙদোকচরি।

 

  • Vivek Kumar Gupta December 27, 2024

    नमो ..🙏🙏🙏🙏🙏
  • Vivek Kumar Gupta December 27, 2024

    नमो ...............🙏🙏🙏🙏🙏
  • Avdhesh Saraswat December 27, 2024

    NAMO NAMO
  • Gopal Saha December 23, 2024

    hi
  • Siva Prakasam December 17, 2024

    💐🌺 jai sri ram🌺🌻🙏
  • Aniket Malwankar November 25, 2024

    #NaMo
  • Some nath kar November 23, 2024

    Bharat Mata Ki Jay 🇮🇳
  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Kushal shiyal November 14, 2024

    Jay shri krishna. 🙏 .
  • SURJA KANTA GOPE November 14, 2024

    joy Shree ram
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India’s fruit exports expand into western markets with GI tags driving growth

Media Coverage

India’s fruit exports expand into western markets with GI tags driving growth
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 22 ফেব্রুৱারি, 2025
February 22, 2025

Citizens Appreciate PM Modi's Efforts to Support Global South Development