“লাতাজীগী মেঙলবা খোঞ্জেলনা মালেম পুম্বগী পুক্নিং শুমহৎখিবনি”
“ভগবান শ্রী রাম্না অয়োধ্যাগী নীংথিরবা লাইশঙদা খোঙদারক্কদৌরবনি”“ভগবান রামগী থৌজালদগী লাইশঙ শাবগী খোঙেজল য়াঙলিবা অসিদা লৈবাক পুম্বনা নুংঙাইনরি”“মসিদি ‘হেরিতেজকীদমক্তা চাউথোকচবা’গী ৱাফম নৌহৌননা অমুক হায়বনি অমসুং লৈবাক্কী চাউখৎ-থৌরাংগী অনৌবা তাঙ্কক অমগী অহৌবনি”“ভগবান রাম্না ঐখোয়গী সিভিলাইজেসনগী খুদম্নি অমসুং ঐখোয়গী মোরেলিতী, ভেল্যু, দিগ্নিতী অমসুং দ্যুতীগী অহিঙবা ৱাখল্লোন্নি”“লাতা দিদিগী লাইশোনশিংনা ঐখোয়বু পুক্নিংবু ভগবান রামদা লুপহনখি”“লাতাজীনা শোনবীরম্বা মন্ত্রশিংনা মহাক্কী খোঞ্জেল তাহনবতা নত্তনা মহাক্কী থাজবা, স্পিরিচুএলিতী অমসুং প্যুরিতীবুসু তাক্লি”“লাতা দিদিগী খোঞ্জেলনা লৈবাক্কী পোৎলম খুদিংবু লাক্কদৌরিবা মতম কয়া কয়াদা অমত্তা ওইহন্দুনা থমগনি”নমস্কার!
ঙসি অসিদি ঐখোয় পুম্নমক্কী নুংশিজরবা আইদোল, লাতা দিদিগী মপোক নুমিৎনি। ঙসি অসি তান চান্নবা অমনা, নবরাত্রীগী হুম্নিশুবা নুমিৎসু ওইরি অমসুং ঙসিগী নুমিৎ অসিদি ইমা চন্দ্রঘন্তা নীংজবগী নুমিৎনি। সাধক নত্ত্রগা সাধিকা অমনা থম্মোই শেংনা শাধনা তৌজরবদি, ইমা চন্দ্রঘন্তাগী থৌজালদগী মহাক্কী মফমদা লাইগী খোঞ্জেল ফংই হায়নবা লৈ। লাতাজীসু ইমা সরস্বতীগী মসিগুম্বা শাধিকা অমনি অমসুং মহাক্কী লাইগুম্লবা খোঞ্জেলনা মীপুম খুদিংগী পুক্নিং শুমহৎলিবনি। সাধনা লাতাজীগী থৌজাল ঐখোয় খুদিংনা ফংজরি। অয়োধ্যাগী লাতাজী চৌক্তা খিল্লিবা চাউরবা বীনানা ঈশৈ নোংমাইগী ইথিল ওইগনি। চৌক কমপ্লেক্স অসিগী ঈশিং ময়াইদা শাৎলিবা অঙৌবা থম্বালগী মনা ৯২ অসিনা লাতাজীগী পুন্সি শাংবগী মশিং তাক্লি হায়না ঐহাক্কী ইফমদা তম্বীরে। মসিগুম্বা নীংথিরবা হোৎনজমন অসিগীদমক্তা ঐহাক্না য়োগিজীগী সরকার অমসুং অয়োধ্যা দিভেলপমেন্ত ওথোরিতীবু থম্মোই শেংনা থাগৎচরি। ঙসিগী অসিগুম্বা থৌরম অসিদা ঐহাক্না লৈবাক মীয়ামগী মাইকৈদগী ভারত রত্না লাতাজীবু ইকায় খুম্নবা উৎচরি। ঐহাক্না ভগবান শ্রী রামগী মফমদা লতাজীগী খোঞ্জেলগী খুত্থাংদা ঐখোয়না মহাক্কী থৌজাল ফংজরিবা অসিবু লাক্কদৌরিবা চারোন শুরোনশিংগী মফমদসু ফংহনবা ওইসনু হায়না থৌনিজরি।
মরূপশিং,
ঐহাক্কী লাতা দিদিগা লোইনখিবা নীংশিংনিংঙাই ওইরবা, পুক্নিং নুংশিনিংঙাই ওইরবা অমসুং নুংশিরবা মীকুপ কয়া অমা লৈ। মহাক্কী চহি কয়ানা খঙনহৌরগদবা নুংশিরবা খোঞ্জেলনা মহাক্কা ৱারী শানবা খুদিং ঐবু অঙকপা পোকহনবীখি। দিদিনা ঐহাক্কী ইফমদা য়াম্না তোয়না হায়বা অমা লৈখি, “মীওইবা হায়বসি মহাক্কী চহিনা শক্তাক্তে, মহাক্কী থবক্না শক্তাকই অমসুং মহাক্না লৈবাক্কীদমক্তা থবক হেন্না পাংথোক্লিবমখৈ, মহাক্কী শক্নাইবগী মতৌ হেল্লি”। অয়োধ্যাগী লাতা মঙ্গেস্কর চৌক অমসুং মহাক্কী মরী লৈনবা নীংশিংনীংঙাই ওইবা ৱাফম খুদিংনা ঐখোয় খুদিংদা লৈবাক্কীদমক্তা ইশাগী থৌদাং পাংথোকপগী ইথিল পীগনি হায়বসি ঐহাক্কী থাজবনি।
মরূপশিং,
অয়োধ্যাগী রাম মন্দির শাবগী ভুমি পুজন পাংথোকপা হেক লোইবগা লাতা দিদিগী মফমদগী কোল লাকখিববু ঐহাক্না ঙসিসু নিংশিংলি। লাতাজীনা থবক অসিগী ওইরক্লিবা চাউখৎ-থৌরাংগী মতাংদা য়াম্না নুংঙাইবা ফাওখি অমসুং থবক অসি তসেংনা পাংথোকপসিদা হেন্না নুংঙাইবা পোকই হায়না ফোংদোক্লকখিবনি। লতাজীনা শকপীরম্বা ভজনশিংসু ঐহাক্না নিংশিংলি। ‘মন কী বাত’ কী অয়োধ্যা তব তক সুনী, জব তক রাম না আয়ে’, অয়োধ্যাগী রাম মন্দিরদা ভগবান রাম শোইদনা লাক্লগনি। অমসুং মসিগী মমাংদা, রামগী মিংখৈবু মীওই করোর কয়াদা শকচ-শোঞ্জরম্বী লাতা দিদিগী মমিং অয়োধ্যাগী শহর অসিদা মতম চুপ্পগী ওইনা হকতুনা লৈহৌরে। মসিমক রাম চরিত মানস্তা হায়রম্লবনি - “রাম তে অধিক, রাম কর দসা”। মসিনা হায়বদি, ভগবান্না লাক্ত্রিঙৈগী মমাংদা ভগবানগী মনাইশিংনা য়ৌরক্লে হায়বনি। মরম অদুনা, লাতাজীবু নিংশিংদুনা শারিবা লাতা মঙ্গেস্কর চৌক্না নীংথিরবা লাইশঙ লোইদ্রিঙৈগী মমাংদা শাবা লোইরে হায়বনি।
মরূপশিং,
প্রভু রামদি মতম পুম্বদা ঐখোয়গী নাক্তা লৈবনি। ভগবান রাম্না ঐখোয়গী সিভিলাইজেসনগী খুদম্নি অমসুং ঐখোয়গী মোরেলিতী, ভেল্যু, দিগ্নিতী অমসুং দ্যুতীগী অহিঙবা ৱাখল্লোন্নি। অয়োধ্যাদগী রামেশ্বরম ফাওবদা, ভগবান রাম অসি ভারতকী পোৎলম খুদিংদা য়াওরি। ভগবান রামগী থৌজালদগী লাইশঙ শাবগী খোঙেজল য়াঙলিবা অসিদা লৈবাক পুম্বনা নুংঙাইনরি। মসিদি ‘হেরিতেজকীদমক্তা চাউথোকচবা’গী ৱাফম নৌহৌননা অমুক হায়বনি অমসুং লৈবাক্কী চাউখৎ-থৌরাংগী অনৌবা তাঙ্কক অমগী অহৌবনি। লাতা মঙ্গেস্কর চৌক শারিবা মফমসিনা অয়োধ্যাগী মরু ওইবা মফম কয়াবু শম্নবা মরু ওইবা মফম ওইবসিদা ঐহাক্না নুংঙাইবা ফাওই। চৌক অসি রাম কি পাইদীগা নক্ননা লৈ অমসুং সর্য়ুগী সেংলবা ঈচেলগসু নক্নৈ। লাতা দিদিগী মিংদা শাবা চৌক অমগী মসিদগী হেন্না ফবা করি মফম ওইগদগে? চহি চা কয়াগী মতুংদা ফাওবদা অয়োধ্যাগা ভগবান রামগা মরী লৈনরিবা অসিগুম্বা লতা দিদিগী ভজনশিংনা ঐখোয়গী নুংদা রাম মতম পুম্বদা লৈহন্দুনা লাকখি। মীওই পুম্বগী পুক্নিংদা লৈরিবা মানস মন্ত্রগী ‘শ্রী রামচন্দ্র কৃপালু ভজ মন, হরন ভবা ভয়া দারুনাম’ ওইরো নত্ত্রগা, মীরাইবাইগী ‘পায়ো জি মাইনে রাম রতন ধন পায়ো’ লাইশোন ওইরো, নত্ত্রগা বাপুনা য়াম্না পামজবা ‘বৈশ্নব জন’ নত্ত্রগা ‘তুম আশা বিশ্বাস হমারে রাম’গুম্বা ফজরবা ঈশৈ ওইরো, লাতাজী ঈশৈগী খুত্থাংদা লৈবাক মীয়াম কয়ানা ভগবান রাম ফংজরি।
অদুগা মরূপশিং,
মসিগুম্বা ইথিল অসিদা শুপ্নগী শুর অমসুং খোঞ্জেলদগী লাকপা নত্তে। ভজন শক্লিবা মীওইদুগী ৱাখল্লোন্দা ভক্তি লৈরবা, রামগা নক্নবা মরী লৈরবা, রামগীদমক্তা কত্থোকচবগী মতৌ লৈবা মতমদা মসিগুম্বা ইথিল অসি লাকপনি। মরম অদুনা, লতাজীনা শকপীরম্বা মন্ত্রা খুদিংদা, ভজনশিংদা মহাক্কী খৌনাওদগী থোক্লকপা খোঞ্জেলখক নত্তনা নহাক্কী নীংজবা, স্পিরিচুএলিতী অমসুং প্যুরিতীগী মমি তারিবনি।
মরূপশিং,
ঐখোয়না লাতা দিদিগী খোঞ্জেলদা ‘বন্দে মাতরম’গী খোল্লাও তাবদা ভারত ইমাগী চাউরবা শক্তম ইমাঙদা উবা ঙম্মি। লাতা দিদিনা সিবিক দ্যুতীগী মতাংদা য়াম্না খনবগুম্না, চৌক অসিনা অয়োধ্যাদা লৈরিবা অমসুং অয়োধ্যাদা লাইনীংবা লাকপা মীপুম খুদিংগী ৱাখল্লোন্দা মান্নবা ইথিল পীগনি। মসিগী চৌক, মসিগী বীনা অসিনা অয়োধ্যাগী চাউখৎ-খোঙথাং অমসুং ইথিল পুম্নমক্তা তাক্কনি। আর্তকী মালেমগা মরী লৈনবা মীওইশিংদা লাতা দিদিগী মমিং থোল্লিবা চৌক অসিনা ইথিল পীনবা মফম অমা ওইগনি। মোদর্নিতী মাইকৈদা চঙশিন্দুনা অমসুং ইশাগী চৎনবীদা মান্ননা মরা চেৎনা লৈদুনা, মসিনা ভারতকী আর্ত অসুং কলচরবু মালেমগী মফম খুদিংদা য়ৌহন্নবা মীয়াম খুদিংদা পাউজেল পীগনি। ভারতকী আর্ত অমসুং কলচরবু মালেমগী কাচিন কোয়া খুদিংদা য়ৌহনবা হায়বসি মীপুম খুদিংগী থৌদাংনি। ভারতকী চহি লিশিং কয়াগী হেরিতেজ অসিগীদমক্তা ইশাদা চাউথোকচবা ফাওজবগা লোয়ননা ভারতকী কলচরবু হৌরক্লিবা চারোন শুরোন্দা মখা তানা পীথবগী তঙাই ফদবা লৈ। মরম অদুনা, লতাজীগী মতৌগুম্না ইশাগী চৎনবী নুংশিবগী মথৌ য়াম্না তারে।
ভারতকী কলাগী মালেমগী সাধক খুদিংনা চৌক অসিদগী য়াম্না তম্বা ফংগনি হায়বগী ঐহাক্না থাজবা থম্লি। লতাজীগী শুরনা মতম কয়া কয়াদা মালেমগী মফম খুদিংবু অমত্তা ওইহনগনি হায়বগী থাজবগা লোয়ননা ঐহাক্না অয়োধ্যাগী মীয়ামদগী থাজবা য়াম্না থম্লি। য়াম্না অথুবা মতমদা রাম মন্দির শাবা লোইরগনি, লৈবাক্কী মীওই করোর কয়ানা অয়োধ্যাদা লাক্লগনি, অয়োধ্যাগী মীয়াম্না শহর অসিবু কয়া য়াম্না নীংথিজহনগদগে, লু-নালহনগদগে হায়বা অদোম্না খঙবীয়ু। মসিগীদমক্তা ঙসিদগী শেম-শাবা হৌগদবনি অমসুং থবক অসি অয়োধ্যাগী মীপুম খুদিংনা পাংথোক্কদবনি, মদুমকান্দা অয়োধ্যাগী মশক-মতৌবু লমকোয়বা অমনা লাকপা খুদিংদা, রাম মন্দিরবু নীংজবগা লোয়ননা, লমদমসিগী খুদোংচাবশিংবুসু, অয়োধ্যাগী মতিকপু, অয়োধ্যাগী সেবাবু থাগৎনগদৌরিবনি। ঐহাক্কী অয়োধ্যাগী ইচিল ইনাওশিং, ঙসিদগী হোৎনবা হৌবীরো, অদুগা লতাজীগী মপোক নুমিৎনা মীপুম খুদিংবু মতম পুম্বদা ইথিল পীবিরসনু। পুম্নমকপু থাগৎচরি।
থাগৎচরি।
