য়োর হায়নেস,

এক্সেলেন্সিজ,

ঐহাক্না ঙসিগী মীফম অসি নীংথিনা পাঙথোকপিবগীদমক প্রেসিদেন্ত পুতিনগী মফমদা থাগৎচবা ফোঙদোকচরি‍।

ঐখোয়না এক্সতেন্দেদ BRICS ফেমিলী ওইনা ঙসি অহান্বা ওইনা উনবা অসিদা ঐঙোন্দা য়াম্না অপেন্বা ফাওই‍। ঐহাক্না BRICS ফেমিলীদা য়াওরক্লিবা অনৌবা মরুপ পুম্নমকপু তরাম্না ওকচরি‍।

ঐহাক্না প্রেসিদেন্ত পুতিনগী মফমদা হৌখিবা চহি অমসিদা রসিয়ানা মায় পাক্না BRICS কী প্রেসিদেন্সী পায়খিবগীদমক নুংঙাইবা ফোঙদোকচরি‍।

মরূপশিং,

ঐখোয়গী মীফম অসি মালেম অসিনা লান, শেন্মিৎলোনগী তম্বা ঙমদবা ফীভম, অইং অশাগী খল হোংলকপা অমসুং তেরোরিজমগী শিংনবা কয়া থেংনরিঙৈ মতম অমদা পাঙথোক্লি‍। মালেম অসিনা খা-ৱাং খায়দোক্নবা অমসুং নোংপোক-নোংচুপ খায়দোক্নবগী ৱা ঙাংনরি‍।

ইনফ্লেসন ঙাকথোকপা, ফুদ সিক্যুরিতী, ইনর্জী সিক্যুরিতী, হেল্থ সিক্যুরিতী, ৱাতর সিক্যুরিতী লৈহন্বা হায়বসি মালেমগী লৈবাক পুম্নমক্কী প্রাইওরিতী ওইরি‍।

তেক্নোলোজীগী মতম অসিদা সাইবর দীপফেক, দিসইনফোর্মেসন্নচিংবা অনৌবা শিংনবশিং থোরক্লি‍।

অসিগুম্বা মতমসিদা, BRICS তা থাজবা ৱাংনা থম্লি‍। খেন্নবা অমসুং পুম্নমক শুরবা ফম্পাক অমা ওইনা, BRICS না হীরম পুম্বদা অফবা শক্লোন অমা লৌবা ঙমগনি হায়না ঐনা থাজৈ‍।

হীরমসিগী মতাঙদা, ঐখোয়না চঙশিল্লিবা লম্বী অসি মীওইবা খুন্নাইদা য়ুম্ফম ওইহনগদবনি‍। BRICS অসি খাইবুং তানবগী ৱাখল্লোন চেন্বা লুপ অমা নত্তে, মসি মীওইবা খুন্নাইগী য়াইফনবগীদমক থবক তৌবা লুপ অমনি হায়না ঐখোয়না মালেমগী মফমদা পাউজেল পীবা তাই‍।

ঐখোয়না দাইলোগ অমসুং দিপ্লোমেসীবু শৌগৎলি, লান্দি শৌগত্তে‍। অদুগা ঐখোয়না পুন্না COVID কুম্বা শিংনবশিংদগী ফগৎলকপগা, ঐখোয়না তুংগী মীরোলশিংগীদমক শাফবা, মপাঙ্গল কন্বা অমসুং নুংঙাই য়াইফবা তুংলমচৎ অমা থম্লম্নবগীদমক অনৌবা খুদোংচাবশিং শেমগৎপা শোয়দনা ঙমগনি‍।

তেরোরিজম অমসুং তেরর ফাইনান্সিং থেংননবগীদমক, ঐখোয়না পুম্নমক্কী ৱাখল্লোন মান্নবা অমসুং অচেৎপা ঙাক্লৌ মথৌ তাই‍। অরুবা ৱাফম অসিদা মরৈ অনি লোঙবগী মফম লৈতে‍। ঐখোয়না ঐখোয়গী লৈবাকশিংদা নহাশিং রেদিকেলাইজ তৌবা থিংনবা ইচঙ থৌনা থবক পায়খৎপা মথৌ তাই‍।

ঐখোয়না UN দা কমপ্রিহেন্সিব কনভেন্সন ওন ইন্তরনেস্নেল তেরোরিজমগী লমদা মতম শাংনা পন্দুনা লৈরিবা ৱাফম অসিদা পুন্না থবক পায়খৎমিন্নবা তাই‍।

মতৌ অসুম্না, ঐখোয়না সাইবর সিক্যুরিতীগী অমসুং শাফবা অমসুং সিক্যুর ওইবা AI গী মালেমগী ওইবা চৎন-পথাপশিং শেম্নবা থবক পায়খৎপসু মথৌ তাই‍।

মরূপশিং,

ভারতনা অনৌবা লৈবাকশিং খোঙবু লৈবাক ওইনা BRICS তরাম্না ওক্নবগীদমক শেম শাদুনা লৈরি‍।

হীরম অসিগী মতাঙদা ফিরেপ পুম্নমক অমত্তা ওইনা য়ানদুনা লৌমিন্নবা তাইই, অমসুং BRICS ফাউন্দিং মেম্বরশিংগী ৱাখল্লোনসু ইকায় খুম্নবা তাই‍। জোহান্সবর্গ সম্মিত্তা লেপ্নখিবা লমজিং পথাপ, স্তেন্দর্দ্স, ক্রাইতেরিয়া অমসুং প্রোসিজরশিং  মেম্বের অমসুং পার্ত্নর লৈবাক পুম্নমক্না ইনবা তাই‍।

মরুপশিং,

BRICS অসি মতমগী মতুং ইন্না হোংবা পাম্বা লুপ অমনি‍। ঐখোয়না মালেম অসিদা ঐখোয়গী ওইবা খুদম চাংদম পীদুনা মালেমগী ইন্সতিত্যুসনশিংদা অওন্বা পুরক্নবগীদমক ঐখোয়না পুন্না অমসুং অমত্তা ওইবা মওংদা খোল্লাউ লাউমিন্নবা তাই‍।

ঐখোয়না UN সিক্যুরিতী কাউন্সিল, মল্তিলেতরেল দিভেলপমেন্ত বেঙ্কশিং, অমসুং WTOগুম্বা মালেমগী লুপশিংদা অওনবা পুরক্নবা অকক্নবা মতম থাদুনা মাঙদা চঙশিনমিন্নবা তাই‍।

ঐখোয়না BRICS কী মায়কৈদা হোৎনবগা লোয়ননা, লুপ অসি মালেমগী ইন্সতিত্যুসনশিংদা অওন্বা পুরকপা পাম্বা ওইনা উবগী মহুত্তা মখোয়বু শিন্দোক্নবা হোৎনরিবা লুপ অমগী শক্তমদা উহনখিদনবা ঐখোয়না চেকশিন্না হোৎনবা তাই‍।

মালেমগী খা থংবা শরুক্কী লৈবাকশিংগী থাজবা, অনিংবা অপাম্বা অমসুং ৱাখলনা শাগৎচরিবশিং অসি পুক্নিংদা থমদুনা চঙশিন্বা তাই‍। ঐখোয়গী ভোইস ওফ গ্লোবেল সাউথ সম্মিত অমসুং G20 প্রেসিদেন্সী মনুংদা, ভারতনা হায়রিবা লৈবাকশিং অসিগী খোঞ্জেলশিংবু মালেমগী থাক্তা পুখৎখি‍। হোৎনখিবশিং অদু BRICS কী মখাদসু মপাঙ্গল কনখৎহন্নবা থবক পায়খৎলিবা অসিদা ঐঙোন্দা অপেন্বা ফাওই‍।‍ মমাঙ চহিদা অফ্রিকাগী লৈবাকশিং BRICS তা পুনশিনখি‍।

চহি অসিদসু, মালেমগী খা থংবা শরুক্কী লৈবাক কয়া অমা রসিয়ানা পাউজেল পীখি‍।

মরুপশিং,

তোঙান তোঙানবা মীৎয়েঙ অমসুং ৱাখল্লোনশিংনা পুনশিল্লগা শেমখিবা BRICS কাঙলুপ অসি অফবা মওংদা তেংবাংনবগী মরী শাগৎলিমা মালেমগী পুক্নিং থৌগৎনফম অমনি‍।

ঐখোয়গী খেন্নবা শক্তম, অমনা অমবু ইকায়খুম্নবা অমসুং অমত্তা ওইনা য়ানবদা য়ুম্ফম ওইরগা মাঙদা চঙশিনবগী চৎনবী অসিনা ঐখোয়গী তেংবাংনবগী য়ুম্ফম্নি‍। হায়রিবা ঐখোয়গী ক্বালিতী, অমসুং ঐখোয়গী BRICS কী ৱাখল্লোন অসিনা অতোপ্পা লৈবাকশিংসু ফোরম অসিদা চিংশিল্লক্লি‍। লাক্কদৌরিবা মতমশিংদা ঐখোয়না তোপ তোপ্পা ফম্পাক অসিবু দাইলোগ, কোওপরেসসন, অমসুং কোওর্দিনেসনগী ফিদম অমা ওইহন্নবা পুন্না হোৎনমিন্নরক্কনি হায়না ঐনা থাজবা থম্লি‍।

হীরমসিগী মতাঙদা, BRICS কী ফাউন্দিং মেম্বর অমা ওইনা, ভারতনা মতম পুম্নমক্তা মাগী থৌদাংশিং মপুং ফানা য়াদুনা লৈগনি হায়বা ৱাফম থমজরি‍।

অমুক্কা হন্না, ময়াম পুম্নমকপু ঙমখৈ লৈতনা থাগৎচরি‍।

 

Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
How has the Modi Government’s Atmanirbhar Bharat push powered Operation Sindoor?

Media Coverage

How has the Modi Government’s Atmanirbhar Bharat push powered Operation Sindoor?
NM on the go

Nm on the go

Always be the first to hear from the PM. Get the App Now!
...
Prime Minister condoles loss of lives due to fire tragedy in Solapur, Maharashtra
May 18, 2025
QuoteAnnounces ex-gratia from PMNRF

The Prime Minister, Shri Narendra Modi has expressed deep grief over the loss of lives due to fire tragedy in Solapur, Maharashtra. Shri Modi also wished speedy recovery for those injured in the accident.

The Prime Minister announced an ex-gratia from PMNRF of Rs. 2 lakh to the next of kin of each deceased and Rs. 50,000 for those injured.

The Prime Minister’s Office posted on X;

"Pained by the loss of lives due to a fire tragedy in Solapur, Maharashtra. Condolences to those who have lost their loved ones. May the injured recover soon.

An ex-gratia of Rs. 2 lakh from PMNRF would be given to the next of kin of each deceased. The injured would be given Rs. 50,000: PM" @narendramodi

"महाराष्ट्रात सोलापूर इथे आग लागून झालेल्या दुर्घटनेतील जीवितहानीमुळे तीव्र दु:ख झाले. आपले प्रियजन गमावलेल्या कुटुंबांप्रति माझ्या सहवेदना. जखमी झालेले लवकर बरे होवोत ही प्रार्थना. पंतप्रधान राष्ट्रीय मदत निधीमधून (PMNRF) प्रत्येक मृतांच्या वारसाला 2 लाख रुपयांची मदत दिली जाईल. जखमींना 50,000 रुपये दिले जातील : पंतप्रधान" @narendramodi