খুরুমজরি!
এক্সিলেন্সীইশিং, লৈবাক্কী মকোকশিং, একাদেমিক্স, বিজিনেস লীদরশিং, পোলিসী মেকরশিং অমসুং মালেম শিনবা থুংবদগী ঐগী নুংশিরবা মরুপশিং!
পুম্নমক্তা ঐহাক্না খুরুমজরি। ভারত্তা তরাম্না ওকচরি! অহানবদা ঐহাক্না কোলিজন ফোর দিজাস্তর রেজিলিএন্ত ইনফ্রাস্ত্রকচরবু থাগৎপা ফোঙদোকচনীংই। ইন্তর্নেস্নেল কনফরেন্স ওন দিজাস্তর রেজিলিএন্ত ইনফ্রাস্ত্রকচর, আই.সি.দি.আর.আই.-২০২৩গী ৫শুবা ইদিসন অসি তশেংনমক অকন্নবা অমনি।
মরুপশিং,
সি.দি.আর.আই. অসি গ্লোবেল বিজন অমদগী হৌরকখি। পুম্নমক শম্নরিবা মালেম অসিদা খুদোংথিবশিংনা পীবা চৈথেং অসি শুপ্নগী লোকেল খক্তা ওইরোই। লমদম অমদা খুদোংথিবা থোকপনা পুমতোপ তোপ্পা লমদম অমদা চাউনা চৈথেং পীবা য়াই। মরম অসিনা ঐখোয়গী থৌদাং অসি ইন্তিগ্রেতেদ ওইহনবা অমদি আইসোলেতেদ ওইহনদবা অসিনি।
মরুপশিং,
শুপ্নগী চহি খরদা লৈবাক ৪০ হেনবনা সি.দি.আর.আই.গী শরুক ওইখি। কনফরেন্স অসিনা মরু ওইবা ফম্পাক অমা ওইরক্লি। এদভান্স ওইরবা ইকনোমীশিং অমসুং চাউখৎলক্লিবা ইকনোমীশিং, অচৌবা অমসুং অপীকপা লৈবাকশিং, গ্লোবেল নোর্থ অমসুং গ্লোবেল সাউথনা ফোরম অসিদা অমত্তা ওইনা পুনশিল্লি। মসিদা য়াওরিবা অসি শুপ্নগী সরকারশিং খক্তা ওইদবা অসি য়াম্না পুক্নিং থৌগৎনীংঙাই ওই। মসিদা গ্লোবেল ইন্সতিত্যুসনশিং, দোমেন এক্সপর্তশিং অমসুং প্রাইবেৎ সেক্তরশিংনসু থৌদাং লৌরি।
মরুপশিং,
ঐখোয়না ইনফ্রাস্ত্রকচরগী মতাংদা খন্নবদা মরু ওইবা খরা নীংশিংবা তাই। সি.দি.আর.আই.গী চহি অসিগী কনফরেন্সকী থিম অসি দেলিভরিং রেজিলিএন্ত এন্দ ইনক্লুসিব ইনফ্রাস্ত্রকচর হায়বা অসিগা মরী লৈনৈ। ইনফ্রাস্ত্রকচর অসি শুপ্নগী রিতর্নশিং ৱাফম খক্তা নত্তে মসি য়ৌশিনবা অমদি মপাঙ্গল কনবগী মতাংদসুনি। ইনফ্রাস্ত্রকচরনা কনাগুম্বা অমত্তবু নাথৈদুনা থমদে অমসুং ক্রাইসিসকী মতমদসু মীয়ামগী শেবা তৌই। মখা তানা ইনফ্রাস্ত্রকচরগীদমক হোলিস্তিক ভ্যু অমা মথৌ তাই। ত্রান্সপোর্ত ইনফ্রাস্ত্রকচরগুম্না সোসিএল অমসুং দিজিতেল ইনফ্রাস্ত্রকচর অসি মরু ওই।
মরুপশিং,
খুদোংথিবা থোকপা মতমদা ঐখোয়না অৱাবা তারবশিংগীদমক নুংঙাইতবা পোকপা অসি মহৌশানি। তেংবাংবা অমসুং মীকনবগী থবক অসি মরু ওই অমসুং মতম চানা পাইখৎলি। রেজিলিএন্স হায়বা অসি সিস্তেম অমনা কয়াম থুনা মহৌশাগী পুন্সিদা হঞ্জিন হনবা ঙম্বগে হায়বগী মতাংদনি। রেজিলিএন্স অসি খুদোংথিবা অমা অমসুং অতোপ্পা অমগী মরক্তা শেমগৎখি। মমাংগী খুদোংথিবশিং নৈনবা অমসুং মখোয়দগী পরা তমশিনবা অসি পাম্বৈ অমনি। মসিদা সি.দি.আর.আই.না অমসুং কনফরেন্স অসিদা মরু ওইবা থৌদাং লৌরি।
মরুপশিং,
লৈবাক অমসুং লমদম অমমমনা তোঙান-তোঙানবা মখলশিংগী খুদোংথিবশিং মায়োক্নখি। ইনফ্রাস্ত্রকচরগা মরী লৈনবা লোকেল নোলেজ খুন্নাইশিংদগী লাকখিবা অসিনা খুদোংথিবশিং মায়োক্নবা ঙমহনখি। অমরোমদা ইনফ্রাস্ত্রকচর মোদর্নাইজ তৌদুনা অসিগুম্বা লৌশিং অসি হৈশিংনা শীজিন্নবা মথৌ তাই। লোকেলগী লৌশিং য়াওবা মোদর্ন তেক্নোলোজী অসি রেজিলিএন্সকীদমক অফবা ওই। মখা তানা করিগুম্বা নীংথিনা দোক্যুমেন্ত তৌরবদি লোকেল নোলেজ অসি মালেমগী খ্বাইদগী ফবা প্রেক্তিস ওইরকপা য়াই!
মরুপশিং,
সি.দি.আর.আই.গী থৌশিল খরদি মাগী ইনক্লুসিব ইন্তেন্ত উৎপা হৌখ্রে। ইনফ্রাস্ত্রকচর ফোর রেজিলিএন্ত আইলেন্দ স্তেৎস ইনিসিএতিব নত্ত্রগা আই.আর.আই.এস.না ঈথৎ ওইরিবা লৈবাক কয়াদা কান্নবা পীখি। ঈথৎশিং অসি পীকলম্বা য়াই অদুবু মফম অদুদা লৈরিবা মীওইবা খুদিংমক ঐখোয়দা মরু ওই। মমাং চহি মক্তদা ইনফ্রাস্ত্রকচর রেজিলিএন্স এসেলরেতর ফন্দ লাউথোকখি। মসিগী দোলর মিলিয়ন ৫০গী ফন্দ অসি চাউখৎলক্লিবা লৈবাকশিংগী মরক্তা চাউনা মীৎয়েং চীংশিনখি। ফাইনান্সিএল রিসোর্সশিংগী ফিরেপ অসি থৌশিলশিং অসি মাইপাক্নবা মরু ওই।
মরুপশিং,
হন্দক্তা থোকখিবা খুদোংথিবশিং অসিনা ঐখোয়দা ঐখোয়না মায়োক্নখিবা শীংনবশিংগী পাক চাউবগী মতাংদা ঐখোয়দা নীংশিংহনখি। ঐহাক্না খুদম খরা পীজগে। ঐখোয়না ভারত অমসুং য়ুরোপ শিনবা থুংনা হীৎ ৱেবশিং মায়োক্নরি। ঈথৎ লৈবাক কয়াদা য়ুহার হাবা, সাইক্লোন অমসুং ভোলেনোশিংনা অমাংবা থোকহনখি। তর্কী অমসুং সিরিয়াদা য়ুহার হাখিবা অসিনা পুন্সি অমদি লন থুমদা চাউনা অমাংবা থোকহনখি। নখোয়গী থবক অসি হেন্না হেন্না মরু ওইরক্লি। সি.দি.আর.আই.দগী অচৌবা আশা কয়া তৌরি।
মরুপশিং,
চহি অসিদা ভারতনা মাগী জি২০ প্রসিদেন্সীগী খুত্থাংদা মালেমবু অমত্তা ওইনা পুনশিল্লি। জি২০গী প্রসিদেন্ত ওইনা ঐখোয়না ৱার্কিং গ্রুপ কয়াদা সি.দি.আর.আই. য়াওহনখি। মফম অসিদা ফংবা সোল্যুসনশিং অসি মালেমগী পোলিসী-মেকিংগী খ্বাইদগী ৱাংবা থাকশিংনা মীৎয়েং চংগনি। মসি সি.দি.আর.আই.না ইনফ্রাস্ত্রকচর রেজিলিএন্স মরু ওইনা ক্লাইমেৎ রিস্কশিং অমসুং খুদোংথিবশিংগী মায়োক্তা শরুক তম্নবা খুদোংচাবা অমা ওইরি। আই.সি.দি.আর.আই. ২০২৩দা খন্ন-নৈনবশিংনা হেন্না মপাঙ্গল কনবা মালেম অমগী অপুনবা মঙলান ফংনবা লম্বী অমা পীরগনি হায়না ঐহাক্না থাজৈ।
