অদোম খুদিংগী মফমদা নমস্কার! থৌরম অসি ঐহাক্কী ওইনা য়াম্না পামজবা ওইরবসু, কোরোনানা মরম ওইদুনা মতম খরদি অদোমগী মরুপশিংগা উন্নবা ফংলুদ্রে। ঙসিগী থৌরম অসি ঐহাক্কী ওইনা অখন্নবা নুংঙাইবা অমা ওইরি। মরমদি, ঐহাক্না অদোমগা মতম কুইরবগী তুংদা উন্নবা ফংলি। পরিক্ষাগী মতাংদা অদোম্না থোইদোক্না ৱানা লৌররোই হায়না ঐনা খল্লি। ঐনা খল্লিবসি চুম্মিকো? অদোম্না অৱাবা পোৎলুম পুররোইকো? ৱাগদৌবা ওইরবদি অদোমগী ইমা-ইপানি। মখোয়না তৌগদৌরিবসে করিনো হায়না মখোয়না ৱাগদোইনি। তসেংনা অমুক্তা হায়বীয়ু, ৱারিবসি অদোম্লা নত্ত্রগা অদোমগী ইমুংলা? ইশাদা অৱাবা লৈবী খুদিংনা খুৎ থাংগৎসি। ওহ, অৱাবা মীওই হৌজিকসু য়াওরি। মমা-মপানা ৱাজবনি খনবশিংনা কনা কনানো? মশিং অসি মখোয়না য়াম্মি। হয়েংদি বিক্রম সম্বত অনৌবা চহি হৌবা নুমিৎনি। অদুগা এপ্রিল থা অসি ঐখোয়গী লৈবাক্কী ওইনদি হরাও কুমহৈ য়াম্না য়াম্বা থানি। লাক্কদৌরিবা কুমহৈ খুদিংগীদমক্তা ঐহাক্না পুম্নমকপু য়াইফ পাউজেল পীজরি। অদুবু হরাও কুমহৈগা লোয়ননা পরিক্ষাসু লৈবনা কুমহৈগী নুংঙাইবা লৌবদি খরা ৱারগনি। অদুবু, পরিক্ষামকপু কুমহৈ ওইনা খল্লবদি? অদু ওইরবদি, মদুগী কুমহৈদসু অনৌবা মচু কয়া অমুক শঙ্গনি। ঙসিগী থৌরম অসিদা পরিক্ষাবু হরাও-কুমহৈ ওইনা করম্না ওন্থোকসিগে অমসুং মসিদা অহেনবা মচু করম্না শঙসিগে খন্নসি। মরুপ কয়া অমনা ঐহাক্কী ইফমদা ৱাহং কয়া থারকখি। মীওই খরনা ঐঙোন্দা ওদিও মেসেজ থারকখি। মীওই খরনা ভিদিও মেসেজ থারকখি। মিদিয়গী মীওইশিংনসু মফম-মফমদা মহৈরোইশিংগা ৱারী শাদুনা ৱাহং কয়া পুথোকখি। ঐহাক্না মতম্না অয়াবা পীরিবমখৈ অদোমগী পাউখুম পীনবা হোৎনগনি। অদুবু, হন্দক্তি ঐহাক্না অনৌবা পথাপ অমা হৌদোক্কনি। মমাংগী তাঙ্কক মঙাদা ঐহাক্না থেংনখিবদা, থৌরম লোইরকপদা চিত্থহৌবা ৱাহং কয়া য়াওখি। ঐহাক্কী ৱাহং য়াওরক্ত্রে হায়বা ৱাকৎ কয়া অমা ঐহাক্না থেংনখি। হন্দক্কী মতাংসিদা মতম্না অয়াবা পীবগী মনুংদা ঐহাক্না পীবা য়াবা পাউখুম পীনবা হোৎনগে। অদুগা করিগুম্বা অদোমগী ৱাহং চিত্থহৌরবদি, ঐহাক্না মতম ফংবগী মতুং ইন্না, ভিদিও নত্ত্রগা অইবা ওইনা ঐহাক্না নামো এপ্তা হাপচগে। মাইক্রোসাইত অমা শারে। মসিনি অনৌবা পথাপ হায়রিবা অসি। অদুদি, থৌরম হৌরসি, অহানবা ৱাহং অসি কনাদগীনো?
থৌরম লান্থোক্লিবাঃ ইকায় খুম্ননীংঙাই ওইরবা প্রধান মন্ত্রীবু থাগৎচরি। অদোমগী ৱারোলনা ঐখোয়দা থাজবনা থলহন্দুনা ইথিল পীবিরি। অদোমগী মগুন লৈরবা পাউখুমশিংবু ঐখোয়না তাগদবগী ঙাইরিবনি। ইকায় খুম্ননীংঙাই ওইরবা প্রধান মন্ত্রীগী মফমদা ভারতকী কোনুংগী পুৱারী ওইরবা মফম দিল্লী নগরগী বিবেকানন্দ স্কুলগী ক্লাস ১২ তম্লিবা খুশী জেন্না অহানবা ৱাহং হংবা পাম্লি। খুশী, অদোমগী ৱাহংদু অমুক্তা থম্বীরো।
খুশী (হরাওবা)দগী অহানবা ৱাহংনা হৌদোকপসি য়াম্না নুংঙাইবা মতৌ অমনি। পরিক্ষা লোবা ফাওবদা খুশীগী খুশী ঙাক্তা (হরাওবগী হরাওবা ঙাক্তা) ওইবা ওইসনু হায়না ঐহাক্না থাজবা থম্লি।
খুশীঃ ইকায় খুম্ননীংঙাই ওইরবা প্রধান মন্ত্রীজী, ঐহাক্কী মিং খুশী জেন কৌই। ঐহাক অনন্দ বিহারগী বিবেকানন্দ স্কুলগী ক্লাস ১২কী মহৈরোইনি। ঐখোয়না পাখত্তুনা থল্লবা মতমগী মনুংদা লৈরিঙৈদা পরিক্ষাগীদমক্তা করম্না শেম শাগনি? থাগৎচরি।
থৌরম লান্থোক্লিবাঃ খুশীবু থাগৎচরি। মহৈ-মশিংগী মতাংদা মগুন লৈরবা রাজ্য ছতিসগরগী বিলাস্পুরদগী ক্লাস ১২ তম্বা মহৈরোই, এ. শ্রীধর শর্মনসু মান্নবা হীরমদা ৱাহং অমা হংনীংলি। মহাক্না প্রধান মন্ত্রীজীগী মফমদা ৱাহং হংজনবা লাংতক্নরি, শ্রীধর অদোমগী ৱাহং হংবীরো?
এ. শ্রীধর শর্মাঃ ইকায় খুম্ননীংঙাই ওইরবা প্রধান মন্ত্রীবু খুরুমজরি। ঐহাক ইস্ত সেন্ত্রেল রেলৱে হাইয়র সেকন্দরী স্কুল নম্বর ১, ছতিসগর, বিলাসপুরদা ক্লাস ১২দা তম্লিবা মহৈরোইনি। ঐহাক্কী ৱাহং অসিদি অসুম্না লৈরে- পরিক্ষাগা মরী লৈনবা পাখৎপা অমসুং অৱাবগা করম্না ঐহাক্না মাইয়োক্নগদগে? ঐহাক্কী মার্ক য়াম্না নেম্লবদি, করি থোক্কনি? ঐহাক্না খঞ্জবা মার্ক য়ৌদ্রবদি করি ওইগনি? অরোইবদা, ঐহাক্না অফবা গ্রেদ পুরকপা ঙমদবা মতমদা ইমুং-মনুংগী নীংবা কায়বগা করম্না থেংনগদগে?
থৌরম লান্থোক্লিবাঃ শ্রীধরবু থাগৎচরি। মান্নবা খুদোংচাদবা মাইয়োক্নরিবা সাবর্মতী সন্ত মহাত্মা গান্ধীজীনা মহাক্কী সত্যগ্রহা ইহৌ হৌদোকখিবা লমদমগী কেনি পতেল, বদোদারাগী ক্লাস ১০ তম্লিবা মহৈরোইবু ঐহাক্না ৱাহং হংনবা হায়জরি।
কেনি পতেলঃ প্রধান মন্ত্রীজীবু ইকায় খুম্নজরি, ঐহাক্কী মিং কেনি পতেল কৌই। ঐহাক গুজরাত, বদোদারাগী ত্রী হাউস হাই স্কুলদা ক্লাস ১০ তম্লি। ঐহাক্কী ৱাহংদি নীংথিনা রিভিজন তৌবগা লোয়ননা সিলেবস মপুং ফানা লোইশিনবা অমসুং মরম ওইরগা অৱাংবা রিজল্ত ফংনবা হোৎনবগী পাখৎপসি মতৌ করম্না মাইয়োক্নগদগে হায়বসিনি। অমসুং পরিক্ষাগী মতমদা মতৌ করম্না নীংথিনা পোত্থাগদগে অমসুং তুমগদগে? সরবু থাগৎচরি।
থৌরম লান্থোক্লিবাঃ কেনিবু থাগৎচরি। প্রধান মন্ত্রীজী, খুশী, শ্রীধরগা লোয়ননা কেনি পতেলনা পরিক্ষাগা মরী লৈনবা অৱাবা হায়রকখ্রে। লৈবাক্কী মহৈরোই কয়ানা মখোয়গুম্না পরিক্ষাগী অৱাবগা মরী লৈনবা ৱাহং হংলি। পরিক্ষাগী মতাংদা মীপুম খুদিংনা অৱাবা ৱাখল খন্নৈ। মখোয়না অদোমগী পাউতাক ঙাইরি, প্রধান মন্ত্রীজী,
প্রধান মন্ত্রীজীঃ অদোম্না ৱাহং কয়া অমা মতম অমখক্তা হংলবনিনা ঐহাক্না অমুক পাখৎপা তারিবরা ঐনা খল্লি। অদোম্না ৱাখল অসুক য়াম্না ৱারিবা করিগীনো? মসিগী ৱাহং অসি ঐহাক্কী ৱাখলদা লৈ। অদোম্না অহানবা ওইনা পরিক্ষা থাগদৌরিবরা? অদোমগী মরক্তা অহানবা ওইনা পরিক্ষা থাগদবা কনামত্তা য়াওদে। মসিনা হায়বদি, অদোম্না মমাংদা পরিক্ষা কয়া থাখ্রে হায়বনি। অদুগা হৌজিক্কী মতাং অসিদদি, অদোম্না পরিক্ষাগী লোইশিল্লকপা তাঙ্কক অমদা লৈরবনি। পাক চাউরবা সমুদ্র অমা লান্থোক্লবা ফাওবদা তোর্বান্দা ইরাক্নগনি হায়বগী ৱাখল খল্লোইদবনি। অহানবা ৱাফম ওইনা, পরিক্ষা হায়বসি পুন্সিগী চঙদবা য়াদ্রবা শরুক অমনি হায়বা খঙলো। ঐখোয়গী চাউখৎ-থৌরাংগী খোংচত্তা অপীক-অপীকপা থাক কয়া লৈ। থাক অসিবু ঐখোয়না লান্থোক্কদবনি অমসুং লানবসু লান্থোক্লবনি। ঐখোয়না পরিক্ষা ময়াম অমা থাখ্রবনি। নাকল অমদনা, পরিক্ষা কয়া থাখিবদগী ঐখোয় অসি একজাম প্রুফ ওইরবনি। হৌজিক্তি ইশাদা থাজবা অমা লাক্লবনি। পরিক্ষা কয়া থাখিবগী এক্সপেরিএন্সনা ঐখোয়গী পাঙ্গল ওইরবনি। অদোম্না থেংখিবশিংবু কৈদৌনুংদা অপীকপনি হায়না খনগনু। অনিশুবা, অদোম্না শেম শাবা ৱাৎপদগী পাখৎপা ফাওবদি নত্তেকো? হায়বদি য়াম্না য়াই, অদুবু ইশানদি খঙবনি। হৌজিক মতম য়াম্না লৈবা নত্ত্রে, পাখত্তুনা লৈসে হায়বরা নত্ত্রগা ইশাদা থাজবা লৈহনসি হায়বরা? ঐহাক্না হায়নীংবদি, শেম শাবদা খরা চিত্থবা য়াওরম্বা য়াই, মতম খরা হেন্না পীগদবদা ঙমখিদবা য়াওরম্বসু য়াই। মসিবু কৈদৌরগে? অদুবু, শেম শাখ্রবশিং অদুদা পেন্থোকউ, মতুং তাবদি মশা মথন্নতা অদুমক ৱাখল চাউথোরক্লগনি। য়াম্না পাখত্তুনা লৈগনু। পাখৎপা ফাওহনগদবা ফিভম অমত্তা লৈহনবা য়াদে। অদোম্না হৌজিক চত্থরিবা চম্লবা নোংমগী রুতিন অদুবু মখা তানা অদুমক চত্থবীয়ু। মসিদা অহেনবা নত্ত্রগা অৱাৎপা লৈহনবনা অদোমগী ৱাখল্লোন্দা অয়েৎপা পীরক্কনি। মহাক্না অদু তৌখ্রেম ঐসু তৌদবা য়াদে খনগনু। অদোম্না তাবশিংদু পাংথোকপা য়াদে। অদোম্না পাংথোক্তুনা লাক্লিবদু অদুমক পাংথোকপীয়ু। মদুনা ইশাদা থাজবা পুরকউ। অদোম্না হৈ-শিংনা, মিৎয়েং শান্না, হরাও নুংঙাইবগী ৱাখল্লোন অমগা লোয়ননা পরিক্ষা থাগনি হায়বগী ঐহাক্না থাজবা থম্লি। অদোম শোইদনা মায় পাক্কনি।
থৌরম লান্থোক্লিবাঃ পরিক্ষাবু মহৌশাগী থৌওংনি লৌদুনা ইশাদা থাজহনবগী কান্নবা ৱাফম থম্বীবগীদমক্তা প্রধান মন্ত্রীজীবু থাগৎচরি। মথংগী ৱাহং অসিদি হেরিতেজকী পন্থুংফম অমসুং মহৌশাগী পার্ক্কীদমক্তা মমিং চৎলিবা কর্নাতকাগী মৈসুরুদগীনি। ক্লাস ১১ তম্লিবা মহৈরোই, তরুন এম.বি.না মহাক্কী শিংনবগী ৱারোইশিন পাম্লি। তরুন, অদোমগী ৱাহং হংবীরো?
তরুনঃ গুদ মোর্নিং সর, ঐহাক কর্নাতকাগী মৈসুরুগী জৱাহর নবোদয়া বিদ্যালয়াদা ক্লাস ১১ তম্লিবা তরুন এম.বি.নি। ৫শুবা তাঙ্কক ওইরিবা পরিক্ষা পে চর্চা ২০২২দা শরুক য়াবা ফংবগী খুদোংচাবা পীবীবগীদমক্তা ঐহাক্না থাগৎচরি। ঐহাক্না প্রধান মন্ত্রী, শ্রী নরেন্দ্র মোদীজীগী মফমদা থমজনীংবা ৱাহংদি, য়ুত্যুব, ৱাৎসএপ অমসুং অতোপ্পা সোসিএল মিদিয়া এপকুম্বা পুক্নিং থৈদোক্নীংঙাই ওইবা কয়া লৈরিবা অসিনা মরম ওইরগা ঐহাক্না ইশাগী মহৈ-মশিংদা করম্না মিৎয়েং চঙবা ঙমগনি হায়বসিনি। অসিগুম্বশিংনা মরম ওইরগা, ওনলাইন্দা লাইরিক পাবসি য়াম্না লুরে। মসিগী করি ৱারোইশিন লৈবগে, সর?
থৌরম লান্থোক্লিবাঃ তরুনবু থাগৎচরি, সিলভর ওক্স স্কুল দিল্লী কন্তেন্মেন্ত বোর্দকী ক্লাস ১০গী মহৈরোই, সাহিদ অলিনা মান্নবা হীরম অসিদা ৱাহং হংবা পাম্লি। সাহিদ, অদোমগী ৱাহং হংবীরো?
সাহিদঃ ইকায় খুম্ননীংঙাই ওইরবা প্রধান মন্ত্রীবু খুরুমজরি। ঐহাক সিলভর ওক্স স্কুল দিল্লী কন্তেন্মেন্ত বোর্দকী ক্লাস ১০গী মহৈরোই, সাহিদ অলিনী। ঐখোয়না মমাংগী চহি অনিদগী ওনলাইন্দা ক্লাস তৌদুনা লাক্লি। ওনাইন্দা মহৈ তম্বা হৌবদগী ঐখোয়গী মরক্তগী মীওই কয়া অমা সোসিএল মিদিয়া অমসুং গেমিংদা লাইচুখ্রে। ঐখোয়না মসিদগী থোক্লক্নবা করি তৌগনি? অদোমগী পাউতাক অমুক্তা পীবিয়ু।
থৌরম লান্থোক্লিবাঃ সাহিদপু থাগৎচরি, কেরলাগী তিরুবন্তাপুরমগী ক্রিসাল স্কুলগী ক্লাস ১০গী মহৈরোই কীর্তানাসু মান্নবা শিংনবা অসিনা ৱাহল্লি অমসুং সরগী মফমদগী পাউতাক পাম্লি। কীরতানাগী ৱাহং অসি তাইমস নাইদগী ফংবনি। কীর্তানা, অদোমগী ৱাহং হংবীরো।
কীর্তানাঃ হাই, কেরলাগী তিরুবন্তাপুরমগী ক্রিসাল স্কুলগী ক্লাস ১০গী মহৈরোই কীর্তানানি। লাইচৎনা মরম ওইরগা ঐখোয়গী ক্লাসরুম হোংলে হায়বা পুম্নমক্না খঙনরে। ঐখোয়গী য়ুমশিংদসু মোবাইল অমসুং সোসিএল মিদিয়াগী মওংদা পুক্নিং থৈদোক্নীংঙাই ওইবা য়াম্না লৈরে। সর, ঐহাক্না মতাংসিদা হংজনীংলিবা অসিদি, ঐখোয়না মসিদগী করম্না নান্থোকপা ঙমগনি হায়বসিনি?
থৌরম লান্থোক্লিবাঃ কীর্তানাবু থাগৎচরি। ইকায় খুম্নজরিবা সর, ওনলাইন এজুকেসন্না মহৈরোই খক্তা নত্তনা ওজাশিংদসু খুদোংচাদবা পোকহল্লি। কৃষ্ণগিরীদগী ওজা অমা, শ্রী চন্দাচুরেশ্বরন এম.সু হীরম অসিগী মতাংদা অদোমগী পাউতাক পাম্লি।
চন্দাচুরেশ্বরন এমঃ ইকায় খুম্ননীংঙাই ওইরবা প্রধান মন্ত্রীবু খুরুমজরি, ঐহাক তমিল নাদুগী হোসুরদা লৈবা অশোক লল্লন স্কুলগী ওজা চন্দাচুরেশ্বরন্নি। ঐহাক্না হংজনীংনবদি, ওনলাইন্দা মহৈ তাকপা অমসুং তম্ববু ঐহাক্না ওজা অমা ওইনা খুদোংচাদবা কয়া থেংনরি। মসিদা ঐহাক্না করম্না মাইয়োক্নগনি সর? থাগৎচরি।
থৌরম লান্থোক্লিবাঃ সরবু থাগৎচরি। ইকায় খুম্নজরিবা প্রধান মন্ত্রী, তরুন, সাহিদ, কীর্তানা অমসুং চন্দাচুরেশ্বরন সর অমসুং মখোয়না খুদিংনা মখোয়দা মমাংগী চহি ২গী মনুংদা ওনলাইন ক্লাসনা মখোয়বু সোসিএল মিদিয়ানা লাইচুহনবা নত্ত্রগা পুক্নিং থৈদোকহনখি হায়না ফোংদোক্লি। সর, ঐখোয়না লৈবাক শিনবা থুংবদগী মান্নবা ৱাহং কয়া অমা ফংলি। মসিনা মখোয়শিং অসিগী মরক্তগী খনগৎপশিংনি। মখোয়বু লমজীংবীনবা ঐহাক্না সরদা হায়জরি।
প্রধান মন্ত্রীজীঃ অদোমগী ৱাখল লাংতক্নৈ হায়বসিদা ঐহাক্কী ৱাখলদা ৱাহং অমা লাক্লি। ওনলাইন্দা লাইরিক তম্বা মতমদা অদোম্না তসেংনা লাইরিক পাবরা নত্ত্রগা রীল য়েংবরা ময়েক শেংনা অমুক্তা হায়বীরকউ। খুৎ থাংগৎলু হায়বদি হায়ররোই অদুবু ঐহাক্না অদোমগী অরানবা ফারে হায়বসিদি খঙবীরো। তসেংবদি, অরানবা অসি ওনলাইন নত্ত্রগা ওফলাইন হায়বদা লৈতে। ক্লাসরুমদা ফাওবদা ইশানা ক্লাস্তা লৈনা-লৈনা ৱাখলনা অতোপ্পদা লৈবসু য়াওরিবনি। ওজাদা য়েংদুনা লৈরবসু ৱাখলনা অতোপ্পদা লৈবনা নাকোংদা করিমত্তা চঙদবসু য়াওরিবনি। ওনলাইন্দা লৈবদু ওফলাইন্দসু লৈ। শিংনবা অসি পাম্বৈদু নত্তে, শিংনবা অসিদি ৱাখলনি। ঐখোয়না হীরম অমদা পুক্নিং নীংথিনা চঙলবদি, ওনলাইন ওইরো, ওফলাইন ওইরো, খেন্নবা করিসু লৈরোই। মরম অদুনা, মতম্না অহোংবা লাক্লিবমখৈ, পাম্বৈদসু অহোংবা লাক্কদবনি। গুরুকুলগী চৎনবীগী মতমদা চে, লাইরিক অমত্তা লৈরম্বা নত্তে। মতমদুদসু মহৈ অদুমক তম্নরম্মি। ওজানা তাকপদা তাবা খক্তনা মহৈ নীংথিজনা লৌশিন্নরম্মিবনি। নাকোংনা অদুমক তারমবদগী মতমগী অহোংবা লাক্তুনা চে থোরক্লে, লাইরিক নম্লকলে, মখোয়শিংবুসু মহৈ তম্বগী পথাপ্তা মীয়াম্না মনুং চনহল্লে। মসিগী ইভোল্যুসন অসি লেপ্তনা পাংথোক্তুনা লাক্লিবনি। মসিমকসু মীওইবগী অখন্নবা মগুন্নি। ঙসিদি, ঐখোয়না দিজিতেল খুৎলায় অমসুং তেক্নোলোজী শিজিন্নদুনা হীরম কয়া লায়না তম্বা ঙম্লে, পাক শন্না খঙবা ঙম্লে। মসিবু ঐখোয়না অফবা খুদোংচাবা অমনি হায়না লৌগদবনি, শিংনবনি খনগদবা নত্তে। হোই, ঐখোয়না ওনলাইন অসিবু ঐখোয়গী মহৈ-তম্বগী মনুংদা রিৱার্দ অমা ওইনা লৌদুনা য়েংবসু য়াই। ওজানা তাক্লকপা খুদিংবু ওনলাইনগা চাংদম্নদুনা ভেল্যু এদিসন তৌবা য়াই। ওজানা মসিখক তাক্লে অদুনা মসিনা য়ারে হায়না খনগদৌবা নত্তে। অনিমক পুন্সিন্দুনা নৈনবা মতমদা লৌশিং হেনগনি। ওনলাইনগী কান্নবা অমনা, মসিনা লোইশিল্লকপা মতমদা এজুকেসনগী শরুক অমা ওইরকপা অসিনি। লৌশিং তানবদবু ওনলাইন নত্ত্রগা ওফলাইন খায়গদবা নত্তে। ওনলাইন অসিনা ফংনবনি অমসুং ওফলাইন অসিনা পাংথোক্নবনি হায়নসু ঐহাক্না খল্লি। ঐহাক্না কয়া য়াম্না খঙবা পাম্বগে হায়বগী মতুং ইন্না, ইশাগী মোবাইল নত্ত্রগা আইপেদতগী অপাম্বা খুদিংমক য়েংবা য়াই। মদুদগী খঙলকপা ময়াম্বু ঐহাক্না ওফলাইন্দা হেন্না মগুন লৈহনবা য়াই। মসিগী মতাংদা ওজাশিংনা হংবীরক্লবসু, ঐহাক্না দোসা হৌবগী খুদম ওইনা পীজগে। করি মচল চঙই, কমাইনা হৌগনি হায়বা ওনলাইন্দা য়েংবা য়াগনি। অদুবু, মসি য়েংলগা পুক থনবদি য়ারোইনা। কম্প্যুতরদা অহাও-অহাওবা মখলগী দোসা হৌখ্রে, মদু চাবা য়াগদরা, মদুনা পুক থনগদরা? মদুগী লৌশিং অদুবু ঐখোয়না ওফলাইন্দা শিজিন্নদুনা থবক ওইনা পাংথোকপা তাবনি। লাইরিক তম্বদসু মসিমক থোক্লিবনি। হান্নদি, ঐখোয়গী ওজাশিং ওইরো, অকোইবা ওইরো, মহৈ তম্বগী মতিক অসি য়াম্না অকক্নরম্মি। হৌজিক্তি, ওনলাইন লৈবদগী অকক্নবা লৈত্রে। ইশাগী মহৈবু অদুক্কী মতিক পাকথোক চাউথোকহনবা য়ারে। মরম অদুনা, ঐখোয়না ওনলাইনবু খুদোংচাবা অমনি হায়না লৌগদবনি। অদুগা ঐখোয়না ৱাখল চাইথোকপগী ওইনসু ওনলাইন্দা তুল লৈরিনা। চেকশিনৱা হায়হল্লকপা য়াইনা। মসি তৌ, অদু তৌ, ঙাইহাক পোত্থারো, মিনিৎ ১৫ লৈরগা অমুক হায়রক্লো। মিনিৎ ১৫ লৈরগা অদুম হায়রক্কনি। অদুনা, অসিগুম্বা তুল শিজিন্নদুনা ইশাগী লিচৎ লেপ্পা য়াই। ওনলাইনগী তুল নীংথিজনা শিজিন্নবা অঙাং কয়া অমসু ঐহাক্না উরে। মশানা মশাবু লাকশিন্দুনা থম্মি। অতোপ্পা অমনা, ইশাগী পুন্সিদা ইশাগা মরী য়াম্না লৈহনবা হায়বসিসু য়াম্না মরু ওইবনি। মোবাইল ফোন, আইপেদতা চঙবগী নুংঙাইবদগী ইশাবু নুংদা য়েংজবগী নুংঙাইবনা শরুক লিশিং লিশিং হেনবনি। ওনলাইনসু ওইদবা, ওফলাইন্সু ওইদবা, ইন্নর লাইন ওইদুনা নোংমদা মতম খরা খাইদোক্লগা য়েংঙু। ইশাগী মনুংদা য়েংবা হেল্লিবমখৈ, ইশাগী পাঙ্গল খঙবা হেনগনি। মসিবু পাংথোক্লবদি, পনখ্রিবা ফিভমশিং অসিনা অদোমদা নুংঙাইতবা ফাওহনগনি হায়বদি ঐহাক্না খন্দে।
থৌরম লান্থোক্লিবাঃ ইকায় খুম্ননীংঙাই ওইরবা প্রধান মন্ত্রীজীনা ঐখোয়না পুক্নিং চঙনা হোৎনরবদি পুন্সিদা শোইদনা মায় পাক্কনি হায়না মমল নাইরবা পাউতাক অমা পীবিখ্রে। অদোম্বু থাগৎচরি। বেদিক অমসুং ইন্দস ভেলী সিভিলাইজেসনগী মরু ওইবা মফম অমা ওইরবা হরিয়ানাগী পানিপত্তা লৈবী কুমারী শুমন রানীজীনা ওজা অমা ওইনা অদোমগী মফমদা ৱাহং অমা হংবা পাম্লি। কুমারী শুমন রানীজী, অদোমগী ৱাহং হংবীরো।
শুমন রানীঃ ইকায় খুম্ননীংঙাই ওইরবা প্রধান মন্ত্রীজীবু খুরুমজরি। ঐহাক পনিপতকী দি.এ.ভি. পুলিস পব্লিক স্কুলগী সোসিএল সাইন্সকী তি.জি.তি.নি অমসুং মিংনা শুমন রানী কৌজৈ। ঐহাক্কী ৱাহংদি, নেস্নেল এজুকেসন পোলিসীনা মহৈরোইশিংবু স্কিল লৈহনবদা অনৌবা খুদোংচাবা করম্না পীবা ঙমগনি? অদোম্বু থাগৎচরি।
থৌরম লান্থোক্লিবাঃ মেদম্বু থাগৎচরি, নোংপোক্কী স্কোৎলেন্দ হায়না খঙনবা মেঘালয়গী ইস্ত খাসি হিল্সতগী ক্লাস ৯ তম্লিবী শীলা বৈশ্নবীনা অদোমদা মান্নবা হীরমগী মতাংদা ৱাহং হংবা পাম্লি। শীলানা চানবীদুনা ৱাহং হংবীরো?
শীলা বৈশ্নবীঃ গুদ মোর্নিং সর। ঐহাক মেঘালয়গী ইস্ত খাসি হিল্সতা লৈবা জৱাহর নবোদয়া বিদ্যালয়দা ক্লাস ৯ তম্লিবী শীলা বৈশ্নবনি। ঐহাক্না ইকায় খুম্নরবা প্রধান মন্ত্রীজীগী মফমদা হংনীংবদি, নেস্নেল এজুকেসন পোলিসীগী কাংলোনশিংনা মহৈরোইগী পুন্সিদা অখন্ননা অমসুং মীয়ামগী ওইনা খুন্নাইদা অনৌবা ভারতকী লম্বী করম্না য়াৎকদৌরিবনো হায়বসিনি। সরবু থাগৎচরি।
থৌরম লান্থোক্লিবাঃ শীলাবু থাগৎচরি। মীথোইরবা প্রধান মন্ত্রীজীনা এজুকেসনগী অনৌবা পোলিসীগী মতাংদা মমুৎ তানা তাকপদগী লৈবাক শিনবা থুংবদগী মরী লৈনবা ৱাহং কয়া লাক্লি। মসিদা মহৈরোইশিংনা মখোয়না পাম্বনা অমা, অদুগা পাবনা অতোপ্পা ওইনা পাবগী মতাং য়াম্না থোকই। অসিগুম্বা তাঞ্জা অসিদা মখোয়না করি তৌবা য়াবগে হায়না মখোয়না হংলি। চানবীদুনা শুগাইনা অমুক্তা তাকপীয়ু।
প্রধান মন্ত্রীজীঃ য়াম্না লুবা ৱাহং অমা হংলক্লি, অদুগা অতেনবা মতমদা মতিক চাবা পাউখুম পীবসু অমুক লুরি। অহানবা ওইনা, অনৌবা এজুকেসন পোলিসী হায়বগী মহুত্তা নেস্নেল এজুকেসন পোলিসী ওইনা ঐখোয়না হায়সি। এন.ই.পি. হায়বসিদা মীওই খরনা এন. অসিবু ন্যু (অনৌবা) হায়নৈ। তসেংবদি, মসিদি নেস্নেল (লৈবাক্কী) পোলিসীনি। অদোম্না মসি হংলকপদা ঐহাক্না নুংঙাইবা ফাওই। স্তেকহোলদর মশিং য়াম্না শরুক য়াদুনা এজুকেসনগী ওইবা পোলিসী অমা অসুক য়াম্না চাউনা শাবসি মালেমগী ওইনা খ্বাইদগী অহানবা অমা ওইরমগনি অমসুং থৌওং অসিমকসু রেকোর্দ অমা ওইরমগনি খল্লি। ইং ২০১৪দা অদোম্না থৌদাং অসিগীদমক্তা ৱাহং হংলকখিবা মতমদগী হৌনা ঐহাক্না মসিদা খোঙদাবা হৌখ্রবনি। চাউরাকপা চহি ৬মুক অসি ঐখোয়না মনুং হুৎনা ব্রেন্সতোর্মিং তৌখি, থাক খুদিংদা খন্ন-নৈনখি। খুঙ্গংগী ওজা, মহৈরোই, শহরগী ওজা অমসুং মহৈরোই, মহপীরোই নুপা নুপীশিং, লৈবাক্কী থাপ্লবা চিংমুং-মান্নুংগী মীওই কয়াগা চহি কয়া চঙনা হীরম অসিগী মতাংদা খন্ন-নৈনখি। অদুগী মতাংদা ৱারোল ইখৎখি, মসিগী মথক্তা হৌজিক্কী মতম্বু নীংথিনা খঙলদুনা লৈবাক্কী শক্নাইরবা মীওই অমসুং সাইন্স অমসুং তেক্নোলোজীগা মরী লৈনবা মীওই কয়াগী লুচিং মখাদা মসিগী মতাংদা অখন্ননা খন্ন-নৈনখি। মসিদগী থোক্লকপা ৱারোলবু মীয়াম খুদিংদা অমুক্কা য়েংহনখি অমসুং মসিদগী ইনপুৎ লাখ ১৫-২০ লাকখি। হায়বদি, অসুক য়াম্না পাক শনবা থৌওং পাংথোক্লবা মতুংদা এজুকেসন পোলিসী অসি ওইরকখিবনি হায়বনি। অদুগা অসিগুম্বা পোলিসী অমা সরকারনা পুথোকপসিদা পোলিতিকেল পার্তী খরনা অমুক য়েৎকদৌবৈ ঙাইবসু ঐহাক্না উবা ফংই। অদুবু, হিন্দুস্তান শিনবা থুংবনা মসিবু তরাম্না ওকপা অসিদা ঐহাক্না য়াম্না নুংঙাইবা ফাওই। মরম অদুনা মসিবু ওইথোকহনবদি মীয়াম খুদিংনি। মসিদি সরকারনা শেম-শাবা নত্তে, লৈবাক মীয়াম, মহৈরোই, ওজাশিংনা লৈবাক্কী তুংগী মতমগীদমক্তা শাবনি। মতম অমদা ফিজেকল এজুকেসন অসি এক্সত্রা করিক্যুলর এক্তিবিতী অমা ওইনা লৌনরম্মি। ক্লাস ৬ নত্ত্রগা ৭তা তম্লকপদু নীংশিংবা মী য়াওনরমগনি। মসিবু হন্দক্কী পোলিসী অসিদা মহৈ-মশিংগী শরুক অমা ওইহল্লে। মসিনা হায়বদি, শান্ন-খোৎনবা অমসুং ফিজিকেল এজুকেসন হায়বসি য়াম্না মরু ওইরে। শান্ন-খোৎনবা য়াওদনা ইশা খিঙগদবা নত্তে। অদোম্না হকশেল ফনা লেং ওত্তুনা লৈবা পাম্লবদি, শান্ন-খোৎনবা হায়বসি য়াওদবা য়াদে। মসিদা তীম স্পিরিৎ লাকই, থৌনা লাকই, ইশাগী মনুংগী পাঙ্গল অমসুং মতিকপু খঙবগী থৌনা লাকই। ঐখোয়না লাইরিক্তা তম্লিবা কয়া অমা, শান্নবুংদগী লায়না তম্বা য়াগনি। অদুবু, মসিদি মহৈ-মশিংগী খুদোংচাবগী মপান্দা লৈরম্মিবনি। অহেনবা অমা ওইরম্লিবনি। মসিবু ইকায় খুম্নরবা মতুংদা অহোংবা কয়া লাক্কদৌরে অমসুং শান্ন-খোৎনবদা মীয়াম্না থৱাই চঙবসু হেনগৎলবনি। অদোম্না নীংথিনা খঙনবা ঐহাক্না হৌজিক ৱাফন অমা হায়গে। হায়বা য়াববুদি য়াম্না লৈ। ঐখোয়না হৌজিকপু ২০শুবা চহি-চাগী ৱাখল্লোন চেন্দুনা ২১শুবা চহি-চাগী মালেম শেম্বা ঙমগদরা? ঐহাক্না অদোমগী মফমদা হংলি। ২০শুবা চহি-চাগী ৱাখল্লোন, খুদোংচাবা অমসুং থৌশিল-থৌরাংনা ২১শুবা চহি-চাদা চঙবা ঙমগদরা? হৌনা অমুক্তা হায়বীয়ু।
থৌরম লন্থোক্লিবাঃ য়ারোই সর!
প্রধান মন্ত্রীঃ চঙবা ঙম্লোইকো, অদুনা ঐখোয়গী খুদোংচাবশিংদা ২১শুবা চহি-চাগী চৎনবী য়াওহনবা তাবনি। ঐখোয়না ইভোল্যুসন তৌদ্রবদি, ঐখোয়না মনিংদা অদুমক লৈহৌরগনি। মতম খরা মরক্তা মাঙখ্রে, মদুদগী লৈবাক্না অৱাবা খরদি নঙখি। অদুবু ঐখোয়না হৌজিক্তি অপাম্বা থাক্তা য়ৌরে। অদুবু, করিগুম্বা মতমদা ঐখোয়গী ইমা-ইপাগী অপাম্বা, খুদোংচাবা নক্না ফংবনচিংবনা মরম ওইরগা ইশাগী অপাম্বা লম্বীদা চৎপা ঙমদবা য়াওই। প্রেসর লৈবদগী ৱাখলদা অকীবা অমসু ফাওই। ঐহাক্না ৱাইল্দ লাইফ, পেন্তিং, তেক্নোলোজীদা থৱাই য়াওরবসু মরম অমা নত্ত্রগা অমদগী মেদিকেলদা চঙখিবা য়াওদবা নত্তে। মসিদা চহি অমা অনি চঙলুরবা মতুংদা ঐহাক্না মসি পামদে, ঐহাক্কী অপাম্বদি অতোপ্পনি খল্লকপা য়াওদবসু নত্তে। মরম অদুনা, নেস্নেল এজুকেসন পোলিসীনা অনৌবা লম্বীদা চঙবগী খুদোংচাবা পীরি। ইকায় খুম্ননা চঙবগী খুদোংচাবা পীরি। মালেম পুম্বদা শান্ন-খোৎনবদা মিৎয়েং চঙবগী চাংসি হৌজিক য়াম্না হেল্লে। লৌশিং লৈবাখক্তনা য়াবা নত্তে, তেলেন্ত অমসুং স্কিলসু লৈফম থোকই। মসিবু ঐখোয়না হৌজিক সিলেবসকী মনুং চনহল্লে। ঐহাক্না ঙসি একজিবিসন অমা য়েংলগা লাকই, য়েংবদা য়াম্না নুংঙাইবা ফাওখি। মসিদি নেস্নেল এজুকেসন পোলিসীগী মমিশিংনি। এজুকেসন বিভাগনা শীন-লাঙবা য়াম্না পীকপা থৌরম অমনি। য়াম্না পুক্নিং শুমহৎলি অমসুং মসিগীদমক্তা এজুকেসন বিভাগপু থাগৎচরি। ঐখোয়গী ক্লাস ৮/৯গী অঙাংশিংনা ৩.দি. প্রিন্তর শারি, অঙ্কগী এপ শারি, মালেমগী মহৈরোইশিংনা মখোয়দগী তম্লি। মসিদা ঐহাক্না য়াম্না নুংঙাইবা ফাওই। নন্দিতা অমসুং নিবেদিতা কৌবী মচিল-মনাও অমা ঐগা থেংনখি, মখোয়গা থেংনবদা অঙকপা ফাওখি। ঐখোয়গী মফমসিদা করিগুম্বা খরবু ফত্তবনি হায়না খনবা খুন্নাইগী কাঙলুপ অমা লৈ। অদুবু, মখোয়না মালেম শিনবা থুংবদা মখোয়গী মহৈরোই খনখ্রে। মখোয় মশাসু মহৈরোইনি, অদুবু গুরু ওইখ্রে। মখোয়না তেক্নোলোজী নীংথিজনা শিজিন্নখি। মখোয়না তেক্নোলোজীবু কিখিদে, মদুবু শিজিন্নখি। মতৌ অসুম্না স্কল্পচর খরা লৈবসু ঐহাক্না উই, ফজবা পেন্তিং খরসু উই, মসিদা নত্তনা মখোয়শিং অসিদা মিৎয়েং অমা য়াওরি। ঐহাক্না মিৎয়েং অদুবু য়েংজখি অমসুং নেস্নেল এজুকেসন পোলিসীনা মীওই অমমমগী চাউখৎপদসু মতেং য়াম্না পাংলি হায়বা ঐহাক্না খঙবা ঙমখি। অদুনা, ঐখোয়না পোলিসী অসিবু লৈমায়দা পুথরক্তুনা থবক পাংথোক্লকপা মতমদা অদোমগী মাঙদা মলতিপল বেনেফিৎ লৈগনি। মরম অদুনা, লৈবাক্কী ওজা, একাদমিক্স অমসুং স্কুলশিংনা মসিবু থবক ওইনা পাংথোকপগী তোঙানবা পাম্বৈ কয়া পুথোকপীয়ু অমসুং পাম্বৈ য়াম্লিবমখৈ খুদোংচাবসু য়াম্বা হেনগনি হায়না হায়জরি। মসিগীদমক্তা য়াইফ পাউজেল পীজরি।
থৌরম লান্থোক্লিবাঃ ইকায় খুম্ননীংঙাই ওইরবা প্রধান মন্ত্রী, সর, হৌজিক্তি নেস্নেল এজুকেসন পোলিসীনা ঐখোয়দা এজুকেসনগী অনৌবা ৱাহন্থোক পীরগনি অমসুং ঐখোয়গী নুংঙাইরবা তুংগী পুন্সি অমা শোইদনা লৈহল্লগনি হায়বা খঙলে। সর, ইন্দস্ত্রীগী শহর ওইরিবা ঘাজিয়াবাদকী রাজকিয়া কন্যা ইন্তর কোলেজকী রোশনীনা অখন্নবা হীরম খরগী মতাংদা প্রধান মন্ত্রীগী পাউতাক পাম্লি। রোশনী, অদোমগী ৱাহং হংবীয়ু।
রোশনীঃ সরবু ইকায় খুম্নজরি! ঐহাক ঘাজিয়াবাদ, উত্তর প্রদেশকী বিজয়া নগরদা লৈবা রাজকিয়া কন্যা ইন্তর কোলেজতা ক্লাস ১১ তম্লিবী রোশনীনি। ঐহাক্কী ৱাহংদি, মহৈরোইশিংনা পরিক্ষা কীরিবরা নত্ত্রগা মমা-মপা অমসুং ওজাশিং কীরিবরা হায়বসিদা ঐহাক্না অঙকপা ফাওই। ঐখোয়গী ইমা-ইপা অমসুং ওজাশিংনা খনবদৌনা ঐখোয়না পরিক্ষাবু য়াম্না লুনা খনফম থোকপরা নত্ত্রগা হরাও কুমহৈগুম্না লৌফম থোকপরা? মসিগী মতাংদা লৌশিং অমুক্তা পীবিয়ু।
থৌরম লান্থোক্লিবাঃ রোশনীবু থাগৎচরি। তুরেলগী মঙাগী লমদম, গুরশিংগী লৈফম অমসুং য়াইফরবা লমদম পঞ্জাবকী ভতিন্দাগী মহৈরোই, কিরনপ্রীতনা হীরম অসিগা মরী লৈনবা ৱাহং খরা হংবা পাম্লি। অদোমগী ৱাহং হংবীরো।
কিরনপ্রীতঃ ইকায় খুম্নরবা প্রধান মন্ত্রী গুদ মোর্নিং, সর, ঐহাক্কী মিং কিরনপ্রীত কৌই অমসুং ক্লাস ১০দা তম্লি। ঐহাক্না পঞ্জাব, ভতিন্দাগী কলয়ানশুখা জিলাগী ব্লুম পব্লিক সেনিয়র সেকন্দরী স্কুলদা তম্লি। ঐহাক্কী ৱাহংদি, ঐহাক্কী রিজল্ত ফজদবা মতমদা ইমা-ইপাগী নীংবা কাইবগা মতৌ করম্না মাইয়োক্নগনি? ঐহাক্না ঐহাক্কী ইমা-ইপাদা নুংঙাইতবা লৈতে, মরমদি মখোয়না হেন্না পাউতাক্কী মথৌ তারি। সরবু থাগৎচরি, ঐহাকপু লমজীংবীয়ু।
থৌরম লান্থোক্লিবাঃ কিরনপ্রীতপু থাগৎচরি। ইকায় খুম্নরবা সর, ঐখয়গুম্বা কয়া গুম্বনা থেংনবগুম্না, রোশনী অমসুং কিরনপ্রীতসু ইমা-ইপা অমসুং ওজাশিংগী অনিংবা-অপাম্বগা মরী লৈনবা খুদোংচাদবা কয়া থেংনরি। ঐখোয়না অদোমগী পাউতাকপু তরাম্না ঙাইজরি, সর।
প্রধান মন্ত্রীজীঃ রোশনী, অদোম্না ৱাহং অসি হংবা মতমদা মীয়াম্না খ্বাইদগী হৌনা খুবাক খুরিবসিগী করি মরম ওইবগেনে? অদোম্না মহৈরোইগী নত্তনা, মমা-মপা অমসুং ওজশিংগী ৱাহংবু য়াম্না শিংনা হংলিবনি হায়না ঐহাক্না লৌই। অদোমদা কান্নবা ফংনবগীদমক্তা ঐহাক্না মফমসিদগী মীওই খুদিংগী মমা-মপা অমসুং ওজাশিংদা করিগুম্বা খরা হায়বা পাম্বা মাল্লি। অদোমগী ইমা-ইপা অমসুং ওজাশিংগী প্রেসরগী মতাংদা অদোমগীদমক্তা ঐহাক্না করিগুম্বা খরা তৌহন্নীংবা পাম্লে। অদোমগী অৱাবা ঐহাক্না খঙই। ঐহাক্না মমা-মপা অমসুং ওজাশিংদা অহানবদা হায়জনীংবদি, অদোমগী পুন্সিদা পাংথোকপা পামখিবা অদুবু পাংথোকপদি ঙমহৌদবশিংবু ইশাগী ইচাদদি শোইদনা তৌহনগে হায়না খল্লি অমসুং ইশাগী অপাম্ববু ইচাদা নম্ফুদা পীশিন্নবা হোৎনরি। অঙাশিংনা অদোম্বু য়াম্না ইকায় খুম্নজৈ। অতোপ্পা অমদনা, মসিদি ঐখোয়গী স্কুলগী চৎনবী ওইদুনা লাক্লিবনি, অদুনা ওজাশিংনা অঙাংশিংদা মসি তৌ হায়নৈ। মসিনা মরম ওইরগা, অঙাংশিংনা চমম্নবা থাক অমা ফাওদুনা চৎলি। মসি য়াম্না খন্থনীংঙাই ওইবা ৱাফম অমনি। থাইনগী মতমদদি, ওজাশিংনা অঙাংগী ইমুং-মনুং অমসুং মখোয়না মশাগী অঙাংশিংগীদমক্তা করি পাম্বগে হায়বা নীংথিজনা খঙই, অমসুং ওজাশিংনা করি তৌই হায়বসু মমা-মপাশিংনা নীংথিজনা খঙই। মসিনা হায়বদি, অঙাংশিংনা স্কুলদা ওইগেরা, ময়ুমদা ওইগেরা, মাইকৈ অমতদা অদুমক লৈ। অঙাংনা নুমিৎ চুপ্পা করি তৌরগা লৈবগে খঙনবা মমা-মপাগী মনাক্তা মতম লৈতে, ওজাশিংদি সিলেবস খক্তা খনবনি, সিলেবস তাকপা লোইরবদি, ঐগী থবক লোইরে হায়না খল্লি। মখোয়না মশা-মশাগী থৌদাং পাংথোক্লে হায়না খল্লি, অদুবু অঙাংসিনা করি পাম্মি হায়বদি মমুৎ তানা খঙনবা হোৎনদে। অদুনা ঐহাক্না রোশনীগী তাঞ্জা লৌদুনা, মমা-মপা অমসুং ওজাশিংদা হায়নীংবদি, অদোমগী অনীংবা অপাম্ববু অঙাংদা নমশিনগনু, অঙাং খুদিংগী মশাগী মপাঙ্গল লৈ, মসি মমা-মপা খুদিংনা খঙগদবনি। অদোমগী মিৎয়েংদগী মখোয়গী মতিক ওনগনু। মখোয়গী মপাঙ্গল খঙবা ঙমদবা হায়বসি অদোমগী অশোইবনি। মখোয়গী মঙলান খঙবা ঙমদবা অসিদগী লাপ্নবা অদুমক হৌবনি। মখোয়দা প্রেসর পীগনু। মসি হায়রে হায়রগা অঙাংশিংনা মখোয়গী মমা-মপানা হায়বা তাগনু হায়বা নত্তে, মদুদি অরানবা পাউতাক ওইগনি, তাবদি তাগদবনি। ঐখোয়গী অকোয়বগী খুদম ওইনা হায়রবদা, লৈমায়দা উ চারা কয়া হৌই। নীংথিনা ময়াম অমা হৌই। তোঙানবা চারাশিং অসি লৈহাও অসিনা নত্তে, হুল্লিবা মরু তোঙানবগীনি। অদুনা, করম্ববু মখোয়না পাম্বগে হায়বা খঙদুনা নীংথিনা হোৎনবীয়ু। অঙাশিংগী ওইনসু, মখোয়না অপাম্বা তৌবদা থৱাই য়াওরবনিনা নীংথিনা চাউখৎপা ঙম্মি। হৌরকপদা নুংঙাইতবা খরা থেংনবদি য়াই, অদুবু মতম খরগী মতুংদদি, ইমুং মনুংনসু অদোমগীদমক্তা চাউথোকচবা হৌরক্কনি। অদোমগী পাঙ্গল উরমদবা অদু, হৌজিক্তি মীওই ৪বু পুনখ্রবদি, অদোম্বু থাগৎপা হৌরক্লগনি। অদুনা হরাও নুংঙাইবগী মওংগা লোয়ননা, ইশাগী অপাম্বগা লোয়ননা মখা চত্থবীয়ু, য়াম্না কান্নবা ফংগনি।
থৌরম লান্থোক্লিবাঃ অদোম্না মমা-মপা অমসুং ওজাশিংগী অপাম্বশিংগী মরক্তগী মহৈরোইশিংগী মফমদা অনৌবা থৌনা অমসুং পাঙ্গল হাপ্পীবগীদমক্তা অদোম্না থাগৎচরি। ইনাক খুনবা নাৎ লৈবা লমদম দিল্লীদগী জনকপুরীগী কেন্দ্রিয় বিদ্যালয়াদা ক্লাস ১০ তম্লিবা মহৈরোই, বৈভবনা মহাক্কী নুংঙাইতবা অমগী মতাংদা অদোমদা ৱাহং হংবা পাম্লি। বৈভব অদোমগী ৱাহং হংবীরো।
বৈভবঃ প্রধান মন্ত্রীজীবু খুরুমজরি! ঐহাক্কী মিং বৈভব কনোজিয়া কৌই। ঐহাক জনকপুরীগী কেন্দ্রিয় বিদ্যালয়াদা ক্লাস ১০ তম্লিবা মহৈরোইনি। ঐখোয়না লাইরিকা পাগদবা অৱাৎপা কয়া লৈরবা ফাওবদা, পুক্নিং চঙনা লৈদুনা করম্না মায় পাকপা ঙমগনি?
থৌরম লান্থোক্লিবাঃ বৈভবপু থাগৎচরি। প্রধান মন্ত্রীজী, অঙাংশিং খক্তা নত্তনা তিল্লীবা মীয়াম্নসু অদোমগী মফমদগী পাউতাক পাম্মি। ওরিশাগী ঝার্সুগুরাগী সুজিত কুমার প্রধানসু ভাবোক অমনি অমসুং মহাক্না মান্নবা হীরমগী মতাংদা অদোমগী মফমদগী পাউতাক লৌবা পাম্মি। সুজিত, অদোমগী ৱাহং হংবীয়ু।
সুজিত প্রধানজীঃ ঐহাক্কী প্রধান মন্ত্রীজীবু ঐহাক্না নোলুকচরি। ঐহাক্কী মিং সুজিত কুমার প্রধান কৌই অমসুং ঐহাক্না হংনীংবদি, অঙাংশিংদা এক্সত্রা করুক্যুলর এক্তিবিতী তৌনবা করম্না মবুক্নিং থৌগৎকনি? থাগৎচরি।
থৌরম লান্থোক্লিবাঃ শ্রীমানবু থাগৎচরি। মফম অমসুং অয়েকপা লাইগীদমক্তা মমিং চৎপা রাজস্থানগী জয়পুরদগী ক্লাস ১২ তম্লিবা মহৈরোই। কোমল শর্মনা মহাক্কী খুদোংচাদবা অমগী ৱারোইশিন পাম্মি। কোমল, অদোমগী ৱাহং হংবীয়ু।
কোমলঃ ইকায় খুম্নরবা প্রধান মন্ত্রীবু নোল্লুকচরি। ঐহাক্কী মিং কোমল শর্মা কৌই অমসুং ঐহাক রাজকিয় বালিকা হাইয়র সেকন্দরী স্কুলদা ক্লাস ১২ তম্লি। ঐহাক্কী ক্লাসকী ইমান্নবা অমবু মহাক্না পেপর অমা নীংথিনা পান্থোক্লমদবা মতমদা মহাকপু করম্না থেমগদগে?
থৌরম লান্থোক্লিবাঃ কোমলবু থাগৎচরি। কতারগী ক্লাস ১০ তম্লিবা মহৈরোই, অরেন ইপেন্না মান্নবা ৱাহং হংবা পাম্লি। ইরেন, অদোমগী ৱাহং হংবীরো।
অরানঃ নমস্তে সর, কতার, দোহাগী এম.ই.এস. ইন্দিয়ন স্কুলদগী য়াইফ পাউজেল পীজরি। ঐহাক্না মিং অরান ইপেন কৌই অমসুং ঐহাক ক্লাস ১০দা তম্লি। থবক মতম থীন্থবদগী ইশাবু করম্না ঙাকথোক্কদগে অমসুং লাইরিক পাবা নংহৌদবদগী পরিক্ষাগী অকীবা ফাওববু করম্না মাইয়োক্নগদগে?
থৌরম লান্থোক্লিবাঃ অরানবু থাগৎচরি। প্রধান মন্ত্রীজী, বৈভব, শ্রী প্রধানজী, কোমল অমসুং ইরান্না পুক্নিং থৌগৎপা ৱাৎপা অমসুং মহৈ-মশিংদা লেপ্তনা পুক্নিং চঙবা ঙম্বগী মতাংদা মরী লৈননা অদোমগী মফমদগী লৌশিং পাম্লি। মসিদা নত্তনা, ভারত শিনবা থুংবগী মহৈরোই অতোপ্পা কয়া অমনসু হীরম খুদিংদা মনুং চনবা মীওই ওইবা ঙম্নবা মহৈ-মশিংগা লোয়ননা এক্সত্রা করিক্যুলর থৌওংশিংদসু মান্ননা শরুক য়াবা করম্না ঙমগনি হায়না অদোমগী মফমদগী খঙবা পাম্লি।
প্রধান মন্ত্রীজীঃ মোতিবেসন হায়বসি ইঞ্জেক্সন ওইনা ফংলবদি, মসিবু কাপশিন্দুনা মোতিবেসন ৱাৎপা লৈরোই হায়না খনবা অসিদি য়াম্না লানবা ওইগনি হায়না ঐহাক্না লৌই। ইশাবু হান্না য়েংবীয়ু, করম্বা হীরমদা পুক্নিং হনবগে হায়বা হান্না খঙবীয়ু। নুমিৎ চুপ্পা, চয়োল অমা নত্ত্রগা থা অমা চঙনা য়েংজবা মতমদা, করি থোকপা মতমদা ঐহাক্না করিসু তৌনীংদবা ফাওবগে, নত্ত্রগা ঐহাক্না করিগুম্বা অমা পাংথোক্কে খনবা মতমদা ইশাদা নীংহন্নবা ফাওহল্লিবসি করিনো হায়বা হান্না নীংথিজনা খঙদোকউ অমসুং মদুবু ইদুনা নম্বর থাবা বোক্স অমদা হাপচিল্লু। হাপচিল্লুকো। অদুগা ইশাদা পুক্নিং থৌগৎপসি করি ৱাফম্নো হায়বা মশক খঙদোকউ। ঈশৈ অমা তাবা মতমদা মদুগী ম্যুজিক অদু নত্তনা ময়েকসু য়াম্না ফজরম্বা মতমদা, ৱাখল খনবগী মওং তোঙানবা অমসু লৈ হায়বা খঙবদগী অদোম্না অনৌবা থৌওং অমদা ৱাখল খনবা হৌরকপসু য়াওরম্বা য়াই। অদুনা, অদোম্না ইশাবু করিনা পুক্নিং অমসুং থৱাই য়াওহল্লি হায়বা খঙবা মতমদা মসিদি য়াম্না কান্নবা অমনি অমসুং ঐহাক্না মসিগী মতাংদা এনালাইসিস তৌদুনা লৈগদবনি হায়না খনবা য়াওরমগনি। মসিদা অতোপ্পগী মতেং পাম্লুগনু। ঐ তল্লে, হৈনিংবা ফাওদে হায়না কনা অমত্তদা হঞ্জিন হঞ্জিন্না হায়গনু। মসিনা অদোম্বু অশোনবা মীওই অয়া ওইহনগনি, মীতোপকী মীনুংশি পাম্বা হৌরক্কনি। নাও চাউবা হেল্লক্কনি। অদোমগী মনুংদা অশোনবা মীওই অমা তপ্না তপ্না শেম্লকপা হৌরক্কনি। অদুনা অদুগুম্বা মতাংগী মীয়ামদগী মীনুংশি লৌনবা খক হোৎনগনু। হোই, পুন্সিদা অৱাবা, খুদোংচাদবা কয়া থেংনৈ, মদুবু ঐহাক ইশানা মাইয়োক্নগদবনি, লোইশিনগদবনি। অসিগুম্না ইশাদা থাজবগী মতৌ অমা পুরকফম থোকই। অতোপ্পা অমনা, ঐখোয়না করি করম্বা পোৎলম ওবজর্ব তৌবগে? করিগুম্বা মতমদা, ঐখোয়না ওবজর্ব তৌবদগী ইথিল ফংবসু য়াওই। অদোমগী ইমুংদা চহি ২ নত্ত্রগা ৩গী অঙাং লৈরম্বা য়াই, মখোয়না করিগুম্বা অমা পাম্লকপা মতমদা লাপ্না অমুক্তা য়েংবীয়ু। মখোয়না কন্না হোৎনগনি, ঙমদদুনা ৱাবা মতমদা ঙাইহাক পোত্থাগনি, অদুগা অমুক্কা হন্না হোৎনগনি। মসিদা মখোয়গী থৌওংনা ঐখোয়দা তাকলিবসি, হোই মসি ঐহাক্কী ওইনা অরুবা ওইরে, অদুবু ঐহাক হোৎনবা লেপ্পা য়াদে হায়বসিনি। মসিনি মোতিবেসন হায়বসি, স্কুল অমত্তনা মসিবু অদোমদা তাকপীখ্রবরা? চহি ২ শুরবা অঙাংদুবু প্রধান মন্ত্রী ওইনবা কনানা কৌরুগে? প্রধান মন্ত্রী অমনা মঙোন্দা তাকপীখিবরা? নুংশিরবা ইচা, লেপ্পা হৈরো অদুগা চেনবা হৌরো হায়না হায়নরুবা লৈবরা? লৈতে। মপু ইবুংঙোনা ঐখোয়গী খুদিংগী ওইনা নুংগী ওইবা পাঙ্গল পীবিরক্লবনি। করিগুম্বা অমা পাংথোকপা ঙম্নবা মখোয়না ঐখোয়দা শাফু পী, মসি পীক্লিবা অঙাংদসু য়াওই। নাম্মা শোইবশিংনা মখোয়গী তঙাই ফদবগী মতুং ইন্না চুনবা পাম্বৈ থীজৈ অমসুং অপাম্বা থবকপু নীংথিনা পাংথোকপা ঙম্মি। অদুবু, ইশ্বরনা মহাক্কী মফমদা অৱাৎপা লৈহল্লে, মসিদা মহাক্না মাইথীরে হায়না লৌদে, মহাক্কী অৱাৎপা অদুবু মহাক্কী পাঙ্গল ওইহল্লি হায়বসি অদোনা কুপ্না য়েংশিনবা য়াওখ্রবরা? ঐখোয়গী নাক্তা লৈবা পোৎলমশিংবু ঐখোয়না মহাক্কী উরিবা মওং অদুমক্তা উই। মহাক্কী অশোইবা উদে, মহাক্না অশোইববু করম্না মাইথীবা পীবগে হায়বদু য়েংবীয়ু। অদুগা মখোয়গা ইশাগা মরী লৈনহল্লু। করিগুম্বা ঐখোয়সু মহাক্কুম্না অশোইবা লৈরম্লবদি, মহাক্না তৌরিবা অসি ঐহাকসু তৌবা ঙমগদরা হায়না হংজৌ। ইশাগী পরিক্ষাবু খুদম ওইনা হেক্তা লৌরসি, মীওই অমনা অদোমগী পরিক্ষা লৌগদৌরিবনো? ঐহাক্কী লাইরিক একজাম ৱারিয়রদা ঐহাক্না অসুম্না ইখিবনি। নশানা পরিক্ষাদা চিথি অমা ইয়ু। হে নুংশিরবা পরিক্ষা, অদোম্না ইশাবু করি হায়না খনবগে? ঐহাক্না কন্না হোৎনরে, মসি পারে, মদু পারে, ওজাগা লোয়ননা পুং কয়া ফম্মিন্নরে, ইমা-ইপাগা মতম য়াম্না লেনমিন্নরে, ঐহাক্কী য়ুম্লোন্নবগী মচানা ফজনা তৌরকপা ওইরদি মহাক্কী মনাক্তা চৎলু, ঐহাক্না তম্বা য়াবা তম্লে, ঐহাক্কা চাংদম্নগে খল্লিবা অদোম্বু কনানো? ঐহাক্কী পরিক্ষা লৌগনি হায়রিবা অদোম্বু কনানো? ঐহাক্না অদোমগী পরিক্ষা লৌরিবনি। অদোম্না ঐহাকপু মাইথীবা করম্বা পীবা ঙম্বগে য়েংবা তারে। করিগুম্বা মতমদা, ঐহাক্না তৌরিবা অসিবু চুম্বরা নত্ত্রগা লানবরা হায়না খনবা য়াওই। ইশাদা রিপ্লে তৌবগী হৈনবী অমুক্তা লৈহল্লু। হৈনবী অসি লৈবা মতমদা অনৌবা মিৎয়েং অমা লাক্কনি। ক্লাস্তা তমদুনা লাকপশিংবু ইশাগী মরুপ মরি মঙাগী মরক্তা ইশানা ওজা ওইদুনা অমুক্তা মরুপশিংদা তাকপীয়ু। মথং মথং ওইনা মরুপশিংনা ওজা ওইদুনা তাক্নৌ। মখোয়না তাকপশিংদু নৈনৌ। ঐহাক্না বিন্দু অয়া চিত্থরম্লে, মহাক্নদি চিত্থদে হায়বা খঙবা ঙমগনি। লাইরিক খক্তনা পুম্নমক ওইবা নত্তে। করিগুম্বা থৌদোক অমা থোকপা মতমদা, পাউমীশিংনা রাজনিতী তৌবা মীওইশিংদা ৱাহং হংবদা কোইচেন চেন্নৈ। মীওই খরদি মতুংদগী প্রোম্পত তৌবগী মথৌ তাবা ফাওবা লৈ। অদুবু খুঙ্গং অমদা খুদোংথীবা অমা থোক্লে, তি.ভি. করিনো খঙজদবী খুঙ্গংগী নুপী অমদা পাউমী অমা হংবা মতমদা মহাক্না মশাদা থাজবগা লোয়ননা উহৌবা থৌদোক্কী মতাংদা মরিক চুম্না তম্মি। কমাইনা থোকখিবনো, করিদগী ওইখিবনো, পুম্নমক। মসি মহাক্না থৌদোক অদুবু মরিক চুম্না লৌশিনবা ঙম্বগীনি, অদুনা রিপ্লে লায়না তৌবা ঙম্লিবনি। মরম অদুনা, অদোম্না পোৎলমশিংবু ৱাখল চাউনা অমসুং পুক্নিং চঙনা মরী লৈনরবদি, পাখৎপা, অৱাবনা অদোমগী নাক্তা লাকপা করিসু ঙম্লোই।
অদোম্না মীওই কয়া উবীরম্লগনি, মখোয়না অয়ুক্তা চা থকলমগনি, পাউচে পারমগনি অমসুং ইমুংগী মীওইশিংনা ঈশিং শারে লাকও ইরুজথোকলুরো হায়না হায়নরমগনি। ঙাইখো ঐহাক পাউচে পাখিগে হায়না খুমনৈ। মদুদা ব্রেকফাস্ত ইংখিগদৌরে শারিঙৈদা চাহৌ হায়না হায়নৈ মদুদসু পাউচে পাখিগে হায়না খুম্মি। মরম অসিনা ইমাশিংদা হায়নিংবদি অসিগুম্বা ফীভমদা মখোয়দা ঙসি পাউচংদা করি পাখিগে হায়না নুমিদাং ৱাইরমদা হংবা মতমদা মখোয়গী মনুংদা ৯৯%নদি ঙসিগী পাউচেগী হেদলাইনদা করি য়াওখিবগে হংবদা খুম্বা ঙমলোই। মসিগী মরমদি মহাক্কী ৱাখল অদু য়কাইদ্রি নত্ত্রগা মহাক্না মীকুপ অদু খঞ্জলুদে। মহাক্না হৌনবী অমা ওইনা লমাইশিং অদু হাংদোক্লি, মমিৎনা য়েংলি, অদুবু করিগধম্বা অমত্তা রেজিস্তর তৌখিদে। অমসুং করিগুম্বা রেজিস্তর তৌদবা তারবদি মদু মেমোরী চীপতা চংদে। হৌজিক ঐহাক্না নখোয়দা অহানবদা হায়জনীংবা অদুদি, অদোম্না করিগুম্বা অমা তৌবা তারবদি মদু মীকুপ অদুদা তৌবীয়ু…. অমসুং ঈশ্বরনা পীবা খ্বাইদগী অথোইবা খুদোল অসি ঐহাক্না হৌজিকসু থাজৈ, করিগুম্বা কনাগুম্বা অমনা হংবা তারবদি ঐহাক্না খুদোল অদু মীকুপ অসিনি হায়না হায়জগনি। মীকুপ অসিবু খঙবা ঙম্বা মীওই, মীকুপ অসি শীজিন্নবা ঙম্বা মীওই অদুগী ওইনা তুংলমচৎকীদমক ৱানীংঙাই লৈরোই। অমসুং মেমোরী অসিগী মরমসু ঐখোয়না মীকুপ অদু শীজিন্নহৌদবগীনি। অমসুং মসিনা মরম ওইরগা ঐখোয়না মদু মাংহল্লি।
অনিশুবদা মেমোরী অসি পুন্সিগা মরী লৈনৈ। পরিক্ষা খক্তনি হায়না অদোম্না খনবা তারবদি অদোম্না মদুগী মগুন খঙলোই, মদুগী মরু ওইবা অদু খঙবা ঙম্লোই। করিগুম্বা অদোম্না মরুপ অমগী মপোক কুমওন নীংশিংবা তারবা অমসুং অদোম্না মরুপ অদুদা ফোন তৌবা তারবদি মদু অদোম্না নীংশিংবগী মেমোরী লৈহৌবা অদুননি। অদুবু মেমোরী অসিনা মরম ওইরগা অদোমগী পুন্সিদা মগুন হাপনবগী মরম ওই, মরুপ অদুনা অদোমগী তেলিফোন লাকপা অদুদা ও ৱা! মহাক্না ঐহাক্কী ইপোক নুমিৎ নীংশিংলম্মিনা হায়না খঙনগনি। হায়বদি ঐহাক অসি মহাক্কী পুন্সিদা মরু ওই হায়না খনগনি। মেমোরী হায়বা অসি পুন্সি শাংদোক্নবগী মরু ওইবা কেতলাইতিক এজেন্ত অমনি। অমসুং ঐখোয়গী মেমোরী অসি তেস্ত, ৱাহংগী পাউখুমশিং পীবা খক্তগী ওইহল্লোইদবনি। অদোম্না মসি পাকথোক চাউথোকহল্লু। অদোম্না চাউথোক্লিবা মখৈ মশা মথন্থতনা হীরম কয়া হাপচিল্লক্কনি।
অনিশুবদা মতম অমতদা পাত্রা অসি লৌবীয়ু। চফু অনি অদুদা ঈশিং হৈবীয়ু। ঈশিং হাপ্লবা মতুংদা অনিমক্কী মনুংদা চান্দি চপ্পি অমা থাদবীয়ু। ঈশিং অদু অফবা অমসুং অরুবনি, অনিমক্তা চপ মান্নবা মখলগী ঈশিং হাপখি, অনিমক চপ মান্নবা মখলগী পাত্রানি অমসুং অনিমক্তা চপ মান্নবা চান্দি চপ্পি হাপখি হায়বা নখোয়না উহৌরে। অদুবু মনুংদা য়াওরিবা ঈশিং অদু লেংবা পাত্রা অমা য়াওই, মনিংদা চান্দি চপ্পি অমা লৈরি অমসুং অতোপ্পা অদুদনা ঈশিং অদু লেংদে। ঈশিং লেংদবদা য়াওবা চান্দি চপ্পি অদুনা য়েংবদা ফজৈ মদুদা ইরিবা অদু ফাওবা ময়েক শেংনা পাবা ঙম্মি, অমসুং অরেংবা ঈশিং অদুদা য়াওরিবা চান্নদি চপ্পি অদু চাউবা মান্নৈ, লুবা মান্নৈ অদুবু উবদি ফংদে। ঈশিং অদু করিগী লেংলিবনো? চফু অদু লেংই। করিগুম্বা ৱাখলসু মসিগী মতৌ অসিগুম্না লেংবা তারবদি মসিদা য়াওরিবা চান্নদি চপ্পি অদুগা মান্নবা মওংদা অদোমগী পরিক্ষাদা অদোম্না য়েংলি, অদোপ্পা মীওইশিং মকোক হাইগৎলক্ত্রে ইখ্রে, ঐহাক খক্তা ঙাইহৌরগনি হায়নি ৱাখল অদু চরাংনৈ, অসুম্না চান্দি চপ্পি অদু উবা ফংদবা গুম্না অদোমদা লৈরিবা মেমোরী অদু নীংশিংবা ঙম্লোই। অমুক্তা ৱাখল অদু ইংথহল্লু, করিগুম্বা সমস্যা অমা লৈরবদি ৱাখল ইংথহল্লু, শ্বর শাংনা হোন্দোকউ, অদোমগী থবাক চিংখৎলগা মিৎ উইশিন্দুনা তুমিন্না ফম্মীয়ু, ৱাখল অদু ইংথবগা মসি চান্দি চপ্পি অদুগুম্না ময়েক শেংলক্কনি, অদোমগী ৱাখলদা লৈরিবা মমিশিং অদু ময়েক শেংলক্কনি। অমসুং মরম অসিনা ঈশ্বরনা ঐখোয়দা অহেনবা মেমোরীগীদমক অহেনবা ইনর্জী পীরি। ঐখোয় পুম্নমক, ইন্তর্নেল প্রদক্তশিং অসি ঈশ্বরনা লম্বী কয়া থোক্না শেম্বিখি। মসি ঐখোয়না হন্থহনবা অমসুং হেনগৎনবগী মখা পোল্লি। অদুনা মসি অদোম্না লায়না পাঙথোকপা য়াই।
নখোয়গী মরক্তা অরিবা শাস্ত্রাশিং খঙবা য়াওরমগনি, করিগুম্বা মতমদা য়ুত্যুবতা খরসু অদুমক ফংই। অমুক্তংদা ৱাফম চমা নীংশিংবা ঙম্বা চহি চামা শুরবা মীওই খরসু লৈ। ঐখোয়নসু ত্রেন্দ তৌবা য়াই, ঐখোয়না ঐখোয়গী ৱাখল অসি ত্রেন্দ তৌবা বাগনি। অদুবু ঐহাক্না ঙসি নখোয়গী চাংয়েং তৌগনি, মাইকৈ অসিদা নখোয়বু ঐহাক্না পুগনি অদুবু নখোয়গী ৱাখল অদুদি ইংনা লৈয়ু। নখোয়গী মনাক্তা লৈরিবা পোৎলমশিং অদু মশা মথন্থা লাকচবা হৌগনি, নখোয়না মদু উবা হৌরক্কনি, নখোয়না মদু নীংশিংলকপা হৌগনি অমসুং মখোয়না অচৌবা শক্তি অমা ওইরক্কনি।
থৌরম লান্থোক্লিবা - ইকাই খুম্নরবা প্রধান মন্ত্রী, অদোম্না ঐখোয়না তাকপীখিবা মেদিতেসনগী থৌওং অদুনা ঐহাককুম্না মীওই পুম্নমক্কী ৱাখল অসি শোইদনা মঙাল পীরমগনি হায়না খঞ্জৈ। থাগৎচরি সর! ইকাই খুম্নরবা প্রধান মন্ত্রী, মিনরেল রিসোর্স য়াম্না মরাং কাইনা লৈবা, লমকোইবশিংগী ফজরবা লমথুংফম ওইরিবা রাজ্য ঝারখন্দগী রারামগরদগী ক্লাস ১০ তম্লিবী মহৈরোয় শ্বেতা কুমারীনা অদোমদা ৱাহং অমা হংবা পাম্লি। শ্বেতা, অদোমগী ৱাহং হংবীরো।
শ্বেতা –ইকাই খুম্নরবা প্রধান মন্ত্রী, খুরুমজরি। ঐহাক কেন্দ্রিয়া বিদ্যালয় পতারাতুদা ক্লাস ১০ তম্লিবা শ্বেতা কুমারীনি। ঐহাক্না অদোমদা ৱাহং অমা হংবা পাম্মি। নুমিদাংগী মতমদা ঐহাক্না লাইরিক পাবা অসিনা ঐহাক্কী প্রদক্তিবিতী হেল্লি অদুবু মীপুম খুদিংমক্না ঐঙোন্দা নুংথিলগী মতমদা লাইরিক পাও হায়না তাকপী। ঐহাক করি তৌবা তাই? থাগৎচরি।
থৌরম লান্থোক্লিবা - থাগৎচরি শ্বেতা। ইকাই খুম্নরবা প্রধান মন্ত্রী, নমো এপকী খুত্থাংদা লাকপা ৱাহংদা রাঘব জোশীনা তোপ-তোপ্পা অৱাবা অমা মায়োক্নরি। মমা-মপাশিংনা মতম চুপ্পদা হান্না লাইরিক তৌ মতুংদা স্পোর্তস শান্নৌ হায়না হায়। অদুবু মঙোন্দদি শান্নরবা মতুং লাইরিক তৌরবদি মদুনা হেন্না পুক্নিং চংবা ঙম্মি। রাঘব অমসুং শ্বেতাদা লোয়ননা অতোপ্পা মহৈরোবশিংদা মখোয়গী প্রদক্তিবিতী করম্না হেনগৎহনগনি হায়বা অদু তাকপীয়ু। মখোয় পুম্নমক্কী অৱাবা অসি কোকহনবীয়ু, ইকাই খুম্নরবা প্রধান মন্ত্রী।
প্রধান মন্ত্রীজী - মীপুম খুদিংমক্না মখোয়গী মতম নীংথিনা শীজিন্নবা পাম্মি হায়বা অসি অচুম্বা ৱাফমনি। মহাক্না মতম চংনা হোৎনখিবা থবক অদুদগী মহাক্না চপ মান্ননা কান্নবা ফংফম থোকই অমসুং মসি অফবা ৱাখল্লোন অমনি। অমসুং ঐখোয়না মতম চংনা হোৎনরিবা অদুগী ফল ফংবরা নত্ত্রগা ফংদবরা হায়না ঐখোয়না মুন্না খন্থবা মথৌ তাই। আউতপুৎ অদু ময়েক শেংনা উবা ফংগনি, ফল অদুদি ময়েক শেংনা উবা ফংলোই। মরম অসিনা অহানবদা কনাগুম্বা অমনা মশাদা মহাক্না ইনভেস্ত তৌখিবা অদু মহাক্না ফংবা ফংদবগী মতাংদা হৈনবী অমা থম্বা তাই। হৌজিক ঐখোয়না মসি হোৎপা তাই অমসুং ঐখোয়না মসিগী হৈনবী অসি থম্বা তাই, ঙসি ঐহাক্না মেথমেতিক্সতা পুং অমা থাদখ্রে। পুং অমা অদুদা তৌবা ঙমখি নত্ত্রগা তৌবা ঙমখিদবা অসিগী মহুৎ ৱাহং অসি মদুদা ঐহাক্না লুখিবা অদু করিনো হায়বা অসি ওইগদবনি, হৌজিক ঐহাক্না মদু হৈরবা নত্ত্রগা হৈরবা হায়বা অসিনি। হায়বদি ফল অদু ফগৎলকপা হায়বনি। ঐখোয়না মসিগী এনলাইসিস অসি তৌবগী হৈনবী অমা থম্বা তাই। মীওই খরা খক্তনা মসিগী হৈনবী অসি থম্মি। মখোয়না অমগী মতুং অমা লোইশিল্লি, মখোয়না মসি মখা চত্থৈ। মমৈথংদদি মখোয়না মীৎয়েং চংবা মথৌ তাই হায়বা ফাওবা খঙখিদে। ঐখোয়গী ইশাগী তাইম-তেবলদা করিগুম্বা মতমদা মসি তৌরসি হায়না খনবা মতমদা নুংঙাই অমা ফাওজরকই। হৌজিক ঐখোয়না পাম্বা ৱাৎপা অদু তৌদবনা মদু খরা অরুবা ওইহল্লি।
অদোম্না উবীরম্লগনি, ঐখোয়গী লৈরিবা বোদী অসিনা…ৱাহৈ অসি ঐহাক্কী ওইনা ফজদ্রবসু হায়জগে। করিগুম্বা মতমদা ঐহাক্কী বোদী অসি চীতর অমনি হায়না ঐহাক্না ফাওই। ঐহাক্না অসুম্না ফমগে হায়না লেপ্পি। অদুবু অদোম ইশানা মসি কমদৌনা ওইখিবনো হায়বা ফাওবা খঙহৌরোই। হায়বদি অদোমগী হকচাংনা অদোমদা চীতিং তৌরি। অদোমগী ৱাখলদা অসুম্না ফমগে হায়না লেপকনি অদুবু অতেনবা মতমগী মনুংদা অদোমনা মাইথিগনি হায়বদি অদোমগী বোদীনা মহৌশাগী ফীভমদা অমুক লাক্কনি। হায়বদি বোদী অসি চীরত অমনি অমসুং মসিগা মান্নবা মওংদা ৱাখলনসু করিগুম্বা মতমদা চীত তৌই। অমসুং ঐখোয়না মসিগী চীতিং অসি ঙাকথোকপা তাই। ঐখোয়গী ৱাখলনা ঐখোয়গী চীতর ওইহল্লোইদবনি। ৱাখলনা পাম্বা খুদিংমক ঐখোয়না তৌরবদি করম তৌগনি। ঐখোয়না মথৌ তারিবা অসি…… মহাত্মা গান্ধীজীনা চানবা অমসুং অপাম্বগী মতাংদা হায়বীরম্মি। চান্নবা অমসুং অপাম্বা হায়বা অসি করিনো..কনাগুম্বা অমনা চানবা অদুগী মহুৎ অপাম্বা ওইনা খল্লি। ঐখোয়না ঐখোয়াগা চানবা অদু খনগদবনি, মসি য়াম্না মথৌ তাই অমসুং করিগুম্বা ৱাখলনা মসিগী মতাংদা চীতিং তৌরবদি মদুদা পুখিগনি অমসুং থিন্থহনগনি। অদুনা চানবা খনবনা অদোমগী প্রদক্তিবিতীনা অদোমগী আউতকম হেনগৎহনগনি, অমসুং মাইকৈ অসিদা হোৎনগদবনি।
অনিশুবদা, ঐহাক্না নুমিদাংদা লাইরিক পাবা হায়বা অসি অফবনি। কনাগুম্বা খরনা অয়ুক্তা লাইরিক পাবনা হেন্না ফৈ হায়নসু হায়নৈ। খরা অমনা চাক তোক্লগা লাইরিক পাবনা ফৈ, খরনা চাক চাদনা পাবনা ফৈ হায়না হায়নৈ। মসি মীওই অমমমগী মশাগী হৈনবীনি। অদোম্না নুংঙাইবা মওং অদু য়ৈংজৌ। তশেংবদি অদোমদা নুংঙাইবা অদু ফাওগদবনি, করিগুম্বা অদোম্না মফম অদু, ফম্মিবা মওং নত্ত্রগা তৌরিবা মতৌ অদুদা নুংঙাইতবা তারবদি অদোম্না মদুদগী কানবা ফংবা ঙমলোই। ঐহাক্না চহি কয়াগী মমাংদা য়েংখিবা সিনেমা অমা নীংশিংলকই। সিনেমা অদুদা সীন অমা য়াওই, মীওই অমনা মহাক্কী পুন্সি অসি স্লম অমগী মনাক্তা লৈ অমসুং খঙহৌদনবা মহাক্না হেন্না ফবা মফম অমদা লৈনবা লাকখি। মহাক লাইবক ফখি অদিবু তুম্বদি য়াখিদে। হৌজিক করিগীদমক তুম্বা য়াদ্রিবনো হায়না মহাক্না ৱাখলদা হংজখি। মহাক্না রেলৱে স্তেসন্দা চৎখি অমসুং রেলগী তালি মখোল অদু রেকোর্দ তৌরগা ময়ুমদা পুরকখি অমসুং মদু তারগা তুমখি। মহাক্না নুংঙাইবা ফাওখি। মদু তারিবা মহৈ মহাক্না তুম্বা য়াখি…. হৌজিক মীপুম খুদিংমক্না ত্রেনগী মখোলদা তুম্বা য়াবা হায়বা অসি মশিং য়াম্লোই, মীপুম খুদিংদা নুংঙাইগনি হায়বা লৈতে, অদুবু মহাক্কী ওইন্দি মসি নুংঙাইবা অমা ওইখি।
ঐখোয়না খঙগদবদি, ঐখোয়না মসিদা প্রেসর পীরোইদবনি। অদোম্না নুংঙাইবা মওংদা অদোম্না এদজস্ত তৌবা তাই। লম্বী অদু থাদোকপগী মথৌ তাদে। মদুদা অদোম্না নুংঙাইরবসু মদু লাইরিক পাবনি অকাইবা লৈতে। নখোয়গী পান্দমদি আউতকম হেন্না পুথোকপনি। মসিগী লাপথোক্কনু। অমসুং ঐহাক্না মীয়াম্না করম্বা এক্ত তৌবগে হায়বা ঐহাক্না উরে। করিগুম্বা মতমদা ঐখোয়না মীওই অমনা পুং ১২, পুং ১৪ অমসুং পুং ১৮ থবক তৌই.. মসি তাবদা নুংঙাই। অদুবু নোংমদা পুং ১৮ থবক তৌবা হায়বা অসি ঐখোয়গী পুন্সিগী মরু ওইবা পারা অমনি। ঐহাক্না গুজরাত্তা লৈরিঙৈ মতমদা কেকা শাস্ত্রিজী কৌবা অফাওবা স্কোলর অমা লৈরমখি। মহাক্না ক্লাস ৫-৭ ফাওবদা তমখি, অদুবু মহাক্না তেক্স কয়া ইখি, মহাক্না লাইরিক কয়া ইখি অমসুং পদ্ম এৱার্দ পীদুনা মহাকপু ইকাই খুম্নবা উৎখি। মহাক্না চহি ১০৩ হিংলমখি অমসুং ঐহাক্না মফম অদুদা লৈরিঙৈ মতমদা ঐহাক্না মহাক্কী চহি চামা শুবগী ওফিসিএল প্রোগ্রাম অমা শিনখি। মহাক্কা ঐহাক্কা নক্নবা মরী অমা লৈনখি, মহাক্না ঐহাকপু য়াম্না নুংশিখি। চহি কয়াগী মমাংদা ঐহাক্না মুখ্য মন্ত্রী ফাওবা ওইদ্রিঙৈ মতমদা ঐখোয়না প্রোগ্রাম অমা শিনখি, ঐহাক্না মহাকপু রাজস্থানগী লাইফমলেন অমদা চৎনবগীদমক লৌবা চৎখি। ঐখোয় পুম্নমক গারী অমদা তোংমিন্নখি। মফম অমদা রেলৱেজগী ক্রোসিং অমা থেংনখি, মসি নকশিল্লকপদা ত্রেন অদুনা চৎখিদ্রিবা ফাওবা থোং অদু হাংদোরক্তে, মাংদা চখৎপা য়াখিদে। হৌজিক ঐখোয়না করি তৌবা তাখি? ঐখোয়না গারীদগী কুমথদুনা খোঙনা ঙাইহাক চৎপা তাখি অমসুং অনকপদা চনা য়োল্লমবা তারবদি মদু খরা লৈরগা চাবা তাখি। অসুম্না মতম হৌখি। মতম অদুদা মহাক চহি ৮০রোম শুরম্লগনি। মহাক্না অসুম্না মতমবু শীজিন্নখি মসিনা আউতকম হায়বরিবা অদু। ঐহাক্না মখোয়বু কুপ্না য়েংখি। অমসুং লাইফমলেন্দা চৎপা মতমদা কোইনা চৎখি, য়েংখি, মসিগী মথক্তা মশাগী থবকসু তৌখি, ফীভম মতম অমা হেক্তদা মশাগী থবক তৌখি। মসি য়াম্না মরু ওই। মসিদগী পুন্সিদা তমশিনবা য়াবা য়াম্না ফংখি।
থৌরম লান্থোক্লিবা - ইকাই খুম্নরবা সর, ঐখোয়দা সেল্দ এনলাইজিসকী মতাংদা খঙহনবা অমসুং মাইপাক্নবগীদমক নুংঙাইবা মওংদা তমশিনবা তাই হায়বা তাকপীখিবগীদমক অদোমবু থাগৎচরি। ইকাই খুম্নরবা প্রধান মন্ত্রী সর, য়ুনিয়ন তেরিতোরী জম্মু অমসুং কাশ্মিরগী য়ুকেলিপ্তসকী উমংনা থনবা অশং অমান্না থল্লবা লমদম অমা ওইরিবা উধমপুরদগী ক্লাস ৯ তম্লিবা মহৈরোয় ইরিকা জোর্জনা অদোমগী লমজিং-লমতাক লৌজবা পাম্লি। ইরিকা অদোমগী ৱাহং হংবীরো।
এরিকা জোর্জ- ইকাই খুম্নরবা প্রধান মন্ত্রী সর, ঐহাক জুম্মু অমসুং কাশ্মিরগী উধমপুরগী এ.পি.এস.তা ক্লাস ৯ তম্লিবা ইরিজা জোর্জনি। সর ঐহাক্না অদোমদা ৱাহং অমা হংবা পামজৈ মদুদি হৌজিক মতম অসিদা মরু ওইনা একাদেমিক্কী লমদা অমসুং ভারতকুম্বা লৈবাক অমদা অথোই-অহেন তানবা য়াম্না হেলক্লি। মতাং অসিদা, তেলেন্ত য়াম্না লৈবা অমসুং লৌশিং য়াম্না লৈবা মীওই কয়া অমা লৈ। অদুবু মরম খরদগী, মখোয়না পরিক্ষাশিং থাবা ঙমখিদে। মখোয়না অচুম্বা লম্বেল খনখিবা নত্ত্রগা মখোয়দা কাউন্সেলিং নীংথিনা তৌদবগী ওইরম্বা য়াই। অদুনা সর মতাং অসিদা ঐখোয়না মীওইশিং অসিগীদমক, মীওইশিং অসিগী তেলেন্তশিং অসি মাংহনবগী মহুৎ কান্নবা মওংদা শীজিন্নবা য়ানবা ঐখোয়না করি তৌবা য়াগনি। থাগৎচরি সর!
থৌরম লান্থোক্লিবা - ইরিকা থাগৎচরি, ইকাই খুম্নরবা প্রধান মন্ত্রী সর, ইন্দস্ত্রিএল হব গৌতম বুদ্ধ নগরদগী ক্লাস ১২ তম্লিবা মহৈরোয় হরিওম মিশ্রানা মহাক্কী বোর্দকী পরিক্ষাগীদমক শেম শারি অমসুং জী তি.ভি.না শিনবা কম্পিতিসন অমদগী ইনভাইৎ তৌরক্তুনা মান্নবা ৱাহং অমা হংবা পাম্লি। হরিওম অদোমগী ৱাহং হংবীয়ু।
হরিওম –ঐহাক্কী ইমিং হরি ওম মিশ্রা কৌই অমসুং ঐহাক নোইদাগী কেম্ব্রিক স্কুলদা ক্লাস ১২ তম্লিবা মহৈরোয় অমনি। ঐহাক্না ঙসি প্রধান মন্ত্রীদা হংনীংবা ৱাহংদি চহি অসিদা কোলেজতা এদমিসন তৌবগী থৌওংদা চাউনা অহোংবা অমা লাকখ্রে অমসুং বোর্দকী পরিক্ষাশিংগী মওং-মতৌদা অহোংবা কয়া পুরকখ্রে। অহোংবশিং পুরকখিবগী চৈরক অসিদা, মহৈরোয় ঐখোয়না বোর্দ পরিক্ষা নত্ত্রগা কোলেজ এদমিসনগী থৌওংদা মীৎয়েং চংগদ্রা? ঐখোয়না করি তৌবা তাই, ঐখোয়না ইশাবু করম্না শেম শাজগনি।
থৌরম লান্থোক্লিবা –থাগৎচরি হরিওম। ইকাই খুম্নরবা প্রধান মন্ত্রী সর, ইরিকা অমসুং হরিওমগুম্বা লৈবাক অসিগী তোঙান-তোঙানবা মফমশিংদগী মহৈরোয় কয়ানা লাইরিক পাবা, কম্পিতিতিব একজামশিং, বোর্দ একজামশিংগী শেম-শাবা নত্ত্রগা কোলেজ এদমিসনদা মীৎয়েং চংগদ্রা হায়বগী ৱাখল ৱাবা অমসুং চীংনবা অদু ফোঙদোক্নরক্লি। মসিদা ইকাই খুম্নরবা প্রধান মন্ত্রী সরনা লমজিং লমতাকপীয়ু।
প্রধান মন্ত্রীজী – মসি তোঙান-তোঙানবা ৱাহং অনিনি। হীরম অমনা কম্পিতিসন অমসুং অতোপ্পা হীরম অমনা মসিগী পরিক্ষা অসি থাগদ্রা নত্ত্রগা অতোপ্পা থাগদ্রা অমসুং করিগুম্বা পরিক্ষা অনি অসি চপ মান্নবা মতমদা তারবদি করি তৌগনি? পরিক্ষাগীদমক লাইরিক পাগদবা নত্তে। মসিনি অশোইবা অসি। ঐহাক্না পরিক্ষা অসিগী লাইরিক পাগনি, অদুগী পাগনি হায়বা অসিনা অদোমগী থবক অদু লাইথোকহন্নবা পাম্বৈ থিবনি অমসুং মসিনা মরম ওইরগা পরিক্ষাশিং অসি ঐখোয়দা খেন্ননা উরিবনি, মখোয় অসি লুনা উরিবনি। তশেংবদি, ঐখোয়না পারিবা পুম্নমক অসি বোর্দ পরিক্ষা নত্ত্রগা এন্ত্রান্স একজাম নত্ত্রগা ইন্তরভ্যু নত্ত্রগা থবক্কী পরিক্ষা ওইরবসু মদু ঐখোয়না মপুং ফানা এসিমিলেৎ তৌগদবনি। করিগুম্বা অদোম মপুং ফানা ইন্তর্ভ্যু লৌখ্রবা, অদোমগী এজুকেসন অদু নীংথিনা লৌশিল্লবা অদু ওইরবদি অদোমগী পরিক্ষাগী মওং অদুনা অপনবা অমা ওইররোই। অমসুং পরিক্ষাগীদমক ঐখোয়না শেম-শাদুনা মতম মাংহনবগী মহুৎ ঐখোয়না সবজেক্ত অদুদা মীথোই-মীহেন ওইনবা কন্না হোৎনসি, ইশাবু ক্বালিফাইদ ওইবা মহৈ হৈবা মীওই অমা ওইনবা হোৎনসি। অদু ওইরবদি ঐখোয়না ফল ফংবা ঙমগনি। অহেনবা লাকপা অদু হান্না লোইশিনগনি, অনিশুবা অদু অমুক লোইশিনগনি। অদুবু ঐখোয়না লম্বা তৌনরিবা অসিগী মরমদি অদোম্না গেমদা হৈথোই-শিংথোক্লবা প্লেয়রশিং উবীখ্রে। গেমগী করম্বা গেমগী লেবেলগীদমক শান্নরিবনো হায়বগীদমক কন্না হোৎনবা তৌদে। মহাক্না তেহসিল, জিলা, নেস্নেল অমসুং ইন্তর্নেস্নেলগী থাক্তা শান্নরবসু চপ মান্নবা মতৌ অসি উৎখি। মসি মশা মথন্থা ইভোলন তৌজৈ। মরম অসিনা পরিক্ষাগী মসিগী হীদাক অসিগী মহুৎ কেপসুলঅসি ওইনা চাবীয়ু।
অনিশুবদা, কম্পিতিসন হায়বা অসি ঐখোয়না পুন্সিগী খ্বাইদগী চাউবা খুদোল ওইনা লৌগদবনি। কম্পিতিসন লৈত্রবদি পুন্সিগী ৱাহন্থোক লৈতে। শেংনা হায়রবদা ঐখোয়না কম্পিতিসন তৌনগদবনি। হায়বদি ঐখোয়গী চাংয়েং তৌগদবনি। করিগুম্বা সুতি ওইরবা অমসুং লাইরিক পানবা লৈত্রবা, পরিক্ষা লৈতবা তারদি ইচিল-ইনাওশিংগা কম্পিতিসন তৌনৌ পুন্সিদা মাংদা চংশিন্নবা কম্পিতিসন অসি অফবা পাম্বৈ অমনি, মসিনা ঐখোয়বু দিবেলপ তৌহল্লি।
অনিশুবদা, ঐখোয়গী মীরোন অমসুং নখোয়গী ইমা-ইপাগী মীরোল অসিনা নখোয়না হৌজিক ফংলিবা পোৎলমশিং অসি অমত্তা ফংলক্তে। নখোয়গী মীরোল অসি য়াম্না লাইবক ফবনি, মমাংগী মীরোলশিং অসি নখোয়গুম্না লাইবক ফবা ওইখিদ্রি। কম্পিতিসন মশিং য়াম্মি অমসুং খন্নবগী মশিংসু য়াম্মিবগী মতিক খুদোংচাবশিংগী মশিংসু য়াম্মি। অদোমগী ইমুং মনুংদা খুদোংচাবা কয়া লৈরমদে। লৌমী অনি লৈরম্মি, মখোয় অনিদা লম একর অনি লৈ, অমনা চু থাদুনা হিংনবা হোৎনৈ। লৌমী অমনা হন্দক্না মসি, মথংনা মসি থাবা হায়না খাইদোক্তুনা হোৎনৈ। তুমিন্না পোৎ অমা খক্তা থাবা লৌমী অদুগী পুন্সিদা খুমাং চাউশিন্দে অদুবু শিংনবা মায়োক্নবা, চাংয়েংশিং তৌবা লৌমী অদুনা পুন্সিদা খুমাং চাউশিলজলি। মসিগা ঐখোয়গী পুন্সিগা চপ মান্নৈ। ঐখোয়না কম্পিতিসন কয়াদা য়াওগদবনি অমসুং মসিবু খুদোংচাবা অমা ওইনা লৌগদবনি।
থৌরম লান্থোক্লিবা – ইকাই খুম্নরবা প্রধান মন্ত্রী, অদোম্না ঐখোয়দা লৌশিং লৌশিন্নবা ইথিল পীরি, মসিনা পুন্সিদা মাইপাকপা ঙমহল্লি। থাগৎচরি ইকাই খুম্নরবা প্রধান মন্ত্রী, গুজরাতকী নবদারীদগী মমা-মপা অমা ওইরিবা সীমা চিন্তন দেসাইনা অদোমদা ৱাহং অমা হংবা পাম্মি। মেদাম অদোমগী ৱাহং হংবীয়ু।
সীমা চিন্তন দেসাই –জয় শ্রী রাম, প্রধান মন্ত্রী মোদীজী, খুরুমজরি। ঐহাক নবসারীদগী সীমা চিন্তন দেসাই কৌই, ঐহাক মমা অমনি। সর, অদোম অসি য়াম্লবা নহারোলশিংগী আইকন অমনি। মরমদি, অদোম্না ৱাহৈ খক্তনা হায়দে, অদোম্না হায়রিবা অদু থবক ওইনা উৎলি। সর, ৱাহং অমা হংজগে। খুঙ্গংগী মফমশিংদা লৈরিবা নুপীমচাশিংগীদমক ভারতকী য়ুমথোং খুদিংদা স্কিম কয়া ফংহল্লি। মসি খুমাং চাউশিনহনবদা ঐখোয়গী খুন্নাইনা করম্না শরুক তমগনি? মসিদা অদোম্না পাউতাক পীবীরম্মু। থাগৎচরি।
থৌরম লান্থোক্লিবা – থাগৎচরি মেদাম। সর সীমা চিন্তন দেসাইনা খুঙ্গংগী মফমশিংদা নুপীমচাশিংগী এজুকেসনগী মতাংদা অমসুং ইকাই খুম্নরবা প্রধান মন্ত্রীনা হীরম অসিদা করি ৱাখল্লোন লৈবগে হায়বা খঙবা পাম্লি।
প্রধান মন্ত্রীজী – ফীভম অসি য়াম্না হোংলে হায়বা ঐহাক্না খঙই। মমাংদা এজুকেসনগী মতাংদা মমা-মপাশিংনা মখোয়গী মচানুপাশিং খক্তা মহৈ তমহনগনি হায়না খন্নরম্মি। মখোয়গী রিসোর্সশিং অকক্নবা ওইবনা, মখোয়না ফীভম অসিদা করিগুম্বা অঙাংশিং মহৈ তমহনবা তারবদি মখোয়না হেন্না শেল তানবা তাই, নুপীমচাশিংবু মহৈ তমহল্লগা করি কান্নদোইনো হায়না হায়নরম্মি। মহাক্তি মহাক্কী নুপা ময়ুমদা চৎখিগনি অমসুং মাগী পুন্সি অদুদা লেনখিনি। অসুম্না খন্নরম্বা মতম অমা লৈরমখি। ঙসিমকসু খুঙ্গং খরাদা মসিগী ৱাখল্লোন অসি লৈরি, অদুবু খুন্নাইগী অয়াম্বা শরুক্তি অহোংবা লাক্লে, খুন্নাইনা নুপীমচাশিংগী শক্তি খঙনবা হোৎনবদা শোত্থহৌবা তারবদি খুন্নাই অদু কৈদৌনুংদা চাউখৎলোই। ইচানুপাশিংদা লৈহৌগনি অদুনা অহল ওইরবা মতমদা কান্নগনি অদুবু ইচানুপীশিংদা মীগী য়ুমদা চৎখিগনি, মদুনা করি কান্নবা পীদোইনো? ঐখোয়গী খুন্নাইদা অসিগুম্বা ৱাখল্লোন চেন্নরম্মি। অমসুং পুৱারীনা মসি থেংনখি, ঙসি ঐহাক্না হীরম অসিদা কুপ্না নৈনবা মতমদা ঐহাক্না ইচানুপী কয়ানা মখোয়গী মমা-মপাশিংগীগী নুংঙাইনবা অমসুং মখোয়না মমা-মপাশিং অহল ওইরবা মতমদা শেএবা তৌনবা য়ুম পানদবা কয়া উবা ফংখি। অমসুং মচানুপা মরি লৈবা, মচা নুপা মরিনা নুংঙাইনা বঙ্গলোদা লৈ অদুবু মমা-মপাশিংদি ওল এজ হোমদা লৈবা ইমুং কয়াসু উবা ফংই। অসিগুম্বা মচানুপাশিংবু ঐহাক্না উখিবনা হায়না হায়জনীংবদি খুন্নাই অসিদা ইচানুপা অমসুং ইচানপীশিং অসি চপ মান্নৈ, খেন্নবা লৈতে। মসি ঙসিগী চহিচা অসিগী মথৌ তাবনি। অমসুং ভারত্তা দিস্তোরসন খরা লৈখি। মসি লাকপগী মরম খরসু লৈরমগনি। অদুবু লৈবাক অসিদি চাউথোকচবা য়াই। করিগুম্বা ঐখোয়না গভর্নান্সকী ৱাফম অসি নীংশিংলুবা তারবদি মতম অমদা অহিল্যা দেবিগী মমিংসু তাখি। খ্বাইদগী ফভা গভর্নান্স ওইখি। থৌনা ফবগী মতাংদনা ঝান্সিগী রানী লক্ষ্মিবাইগী মমিং তাখি। মখোয় অদু ইচানুপী ঙাক্তা নত্ত্রা। ইচানুপীশিংনা হৈশিংলবা লৌশিংগী পুখৈ অসি ঐখোয়দা উৎখিদবা চহিচা অমত্তা য়াওখিদে। অহানবা ঐখোয়গী ইশাগী ৱাখল্লোন লৈজৈ। অনিশুবদা ঙসিগী হোংলক্লিবা ফীভম। ঙসি অদোম্না স্কুলদা নৌনা কারকপা অঙাংশিং অসিগী মশিং অসি ইচানুপাশিংদগী ইচানুপীশিংনা হেল্লি। ঙসি ইচানুপীশিংনা ইথিল পীরি, মখোয়দা করিগুম্বা অমা তৌনবগী ইথিল য়াওরি। তশেংবদা ভারত অমা খুদিংমক্না চাউথোকচফম থোকপনি। মখোয়দা খুদোংচাবা পীদুনা ঐখোয়না খুদোংচাবা অসি ইন্সতিত্যুস্নেলাইজ তৌগদবনি। ইমুং অমা হেক্তনা মসি ঙম্মি হায়বা অদোম্না স্পোর্তসতা উবা ফংখ্রে। ঙসি, স্পোর্তসকী লেবেল অমা হেক্তগী মশান্না শান্নরি। ভারতকী ইচানুপীশিংনা হীরম পুম্নমক্তা মখোয়গী মীংচৎ উরোন খিনবা ঙম্লি। সাইন্সকী লমদা য়েংবীয়ু, করিগধম্বা সাইন্সতগী অচৌবা মাইপাকপা অমা ফংবা ঙম্লবদি মদুগী তঙ্খাইদি ঐখোয়গী ইচানুপীশিং ওইরি। ক্লাস ১০-১২কী ফলশিংদসু য়েংবী ইচানুপীশিংনা ইচানুপাদগী মার্কশিং হেল্লি। পাস তৌখিবা নুপীমচাশিংগী মশিংনা হেল্লি। ঙসি ইচানুপীশিংনা ইমুং খুদিংমক্কী অচৌবা লন ওইরি, অচৌবা ইমুং অমগী শক্তি ওইরি অমসুং অহোংবা অসি অফবা অহোংবা অমনি, অহোংবা লৈরিবা মখৈ মসিনা হেন্না কান্নবা ফংহনগনি। হৌজিক য়েংবীয়ু অদোম্না ৱাহং অসি গুজরাত খক্তদগী হংলক্লি। গুজরাত্তা পঞ্চায়তি রাজকী পথাপ অমা লৈ, মফম অসিদা অফবা পঞ্চায়তি রাজকী পথাপ অমা লৈ, মসিদা খল্লিবা মীহুৎশিং অসিগী চাদা ৫০দি ইচে-ইচল ঙাক্তনি। মসি মহাক্কী রিজর্ব তৌবা সিৎ অদুদগী কারকপনি অদুবু জেনরেল সিৎতগী কারকপনা নুপীশিংবু চাদা ৫৫ ওইহনখি অমসুং নুপাশিংনা চাদা ৪৫দা হন্থখি। হায়বদি খুন্নাইনা ইমা-ইবেল অমসুং ইচে-ইচলশিংদা থাজবা থম্বা হেনগৎলে তাকপনি। মদু খক্তদা মীয়ামগী মীহুৎ ওইরকপা ঙম্বনি। ঙসি ঐখোয়না আজাদী কা অমৃত মহোৎসব পাঙথোক্লিবা মতম অসিদা ঙসি পার্রলিয়ামেন্তদা লৈরিবা এম.পি. নুপীশিংগী মশিং অসি হৌজিক ফাওবদা খ্বাইদগী ৱাংবা ওইরি অমসুং খুঙ্গংশিংদা মহৈ হৈরবা ইচানুপী কয়া লৈরে হায়বা উবা ফংলি। মীয়াম্না মখোয়বু মশিং হেন্না খনবা পাম্মি। হায়বদি খুন্নাইগী থাক খুদিংমক্তা এজুকেসন অসিবু হেন্না মরু ওইনা লৌনরক্লি তাকপনি। ঙসি ঐখোয়না এজুকেসনগী লমদা য়েংলুবা মতম খরগী মতুংদদি নুপাশিংনা রিজর্বেসন থম্বীয়ু ফাওবা হায়রকপা য়াই। ওজাশিং লৌবদা রিজর্বেসন থম্নবা প্রোসেসন চৎলকপা য়াই। মরমদি ওজাশিং অসি ঐখোয়গী ইমা-ইবেল অমসুং ইচে-ইচলশিংনা ওইরক্লি। চপ মান্নবা মওংদা নর্সিংগী সর্ভিস অসিদা নু্পীনা হেল্লি। ঙসি নর্সিংগী লমদা ভারতনা চাউথোকচবা হেল্লক্লি। মালেমদা ভারত্তগী নর্স কয়ানা চৎলি। লৈঙাক শেম্বদসু ইচানুপী কয়া মশিং য়াম্না থোরক্তুনা য়াওরি। এন.সি.সি.দা ইচানুপীশিং য়াওরি, সাইনিক স্কুলদা ইচানুপীশিং তম্লি, আর্মীদা ইচানুপীশিং য়াওরি, পুন্দিগী হীরম খুদিংমক্তং শরুক য়ারি অমসুং পুম্নমক অসি ইন্সতিত্যুস্নেলাইজ তৌরি, খুন্নাইদা ঐহাক্না হায়জনীংবদি ইচানুপা অমসুং নুপীগী মরক্তা খেন্নবা থম্বীগনু, মখোয়দা খুদোংচাবা চপ মান্ননা ফংহল্লু। অমসুং চপ মান্ননা ইনভেস্তমেন্ত তৌবদা ইচানুপা ১৯ ফংবদা ইচানুপীদা ২০ পীবিয়ু।
থৌরম লান্থোক্লিবা: ইকাই খুম্নরবা প্রধান মন্ত্রী, ইচানুপীশিং অসি য়ুম, খুন্নাই অমসুং জাতিগী লৈতেংনি। অদোম্না পীবিরিবা ইনোৎ অসিনা মখোয়গী অনীংবা অপাম্বা অসি পন্দোল লোম্বা ঙম্লগনি, থাগৎচরি। ইকাই খুম্নরবা প্রধান মন্ত্রী সর, ঐখোয়না ঙসি অদোমদগী ইথিল ফংজবা অসি লাইবক ফবনি। অদোমগী মমল য়াম্লবা মতম অদু খন্থজরগা ঐহাক্না হৌজিক অরোইবা ৱাহং অনি খক্তা থমজগে। নই দিল্লীগী আর.কে. পুরমগী সেক্তর-৮তগী কেন্দ্রিয়া বিদ্যালয়দা ক্লাস ১২ তম্লিবা মহৈরোয় দুম্পলা পবিত্রা রাওনা ৱাহং হংনবা খৌরাংনা ঙসিরি। পবিত্রা রাও, অদোমগী ৱাহং অদু হংবীরো।
পবিত্রা রাও: খুরুমজরি প্রধান মন্ত্রী, ঐহাক্না নই দিল্লীগী আর.কে. পুরমগী সেক্তর-৮তগী কেন্দ্রিয়া বিদ্যালয়দা ক্লাস ১২ তম্লিবা মহৈরোয় দুম্পলা পবিত্রা রাওনি। ইকাই খুম্নরবা প্রধান মন্ত্রী, ঐখোয়গী ভারতনা চাউখৎপগী লম্বেলদা মাংদা চংশিল্লি, মসি য়াংশিনহন্নবা ঐখোয়গী অনৌবা মীরোলশিংনা অতোপ্পা করি খোঙথাংশিং লৌখৎপা মথৌ তাবগে? অদোম্না লমজিং লমতাকপীদুনা ভারতনা লুনানবা ঙম্লে অমদি অকোইবগী ফীভম ঙাকশেনবদা মথংগী মীরোলশিংনা করি তৌগদগে হায়বা অদু তাকপীরম্মি, থাগৎচরি সর।
থৌরম লান্থোক্লিবা: থাগৎচরি পবিত্রা। নই দিল্লীদগী ক্লাস ১১ তম্লিবা মহৈরোয় চেতন্য লেলেনা মহাক্কী ৱাখলদা লাকপা মান্নবা ৱাহং অমগী পাউখুম পাম্লি। চেতন্য অদোমগী ৱাহং হংবীরো।
চেতন্য: খুরুমজরি, ইকাই খুম্নরবা প্রধান মন্ত্রী, ঐহাক্কী ইমিং চেতন্য কৌই। ঐহাক দি.এ.ভি. স্কুলদা ক্লাস ১১ তম্লি। ঐহাক্না অদোমদা হংজনীংবা ৱাহংদি ঐখোয়গী অকোইবগী ফীভম অসি করম্না লুনানহনগনি অমসুং ফগৎহনগনি হায়বা অসিনি। থাগৎচরি।
থৌরম লান্থোক্লিবা : থাগৎচরি চেতন্যা, ইকাই খুম্নরবা প্রধান মন্ত্রী সর, পবিত্রা অমসুং চেতন্যগুম্বা ভারতকী নহাশিংনা অফবা শ্বর হোনবা অমসুং গ্রীন ইন্দিয়া ওইহনবা পাম্লি। অদোম্না পামজবা মঙলান অসিগী মতাংদা ঐখোয় পুম্নমক্না ভারত অসি অমসুং ঐখোয়গী অকোইবগী ফীভম অসি করম্না ঙাকশেনগনি অমসুং লৌশিং লৈবা অদোম্না লমজিং লমতাকপীনবা ঐখোয়না থাজবা থমজরি, সর।
প্রধান মন্ত্রীজী: ফরে মসি পরিক্ষাদা খন্নগদবা তোপিক অমদি নত্তে। অদুবু পরিক্ষাগা মান্ননা অফবা ইনভাইরনমেন্ত অমা মথৌ তাই। অমবু ওইরে পৃথীবিনা অফবা ইনভাইরনমেন্ত অমা মথৌ তাই অমসুং ঐখোয়না পৃথীবি অসিবু ইমা অমা ওইনা লৌরিবা মীওইশিংনি। অহানবা মক্তদা ঙসি অদোম্না ঐঙোন্দা খুদোংচাবা অসি পীবীবগীদমক্তা লৈবাক অসিগী অঙাংশিং হায়বদি নুপামচাশিং অমসুং নুপীমচাশিংবু ঐহাক্না থমোই শেংনা থাগৎপা ফোঙদোকচরি অমসুং ঐহাক্না ওগস্ত ১৫দা অহানবা ওইনা প্রধান মন্ত্রী ওইখিবা মতমদা ঐহাক্না লাল কিলাদগী ৱা ঙাংবা পামখি। ঙাংসু ঙাংখি। ৱারোল পীরবা মতুংদা মীওই কয়ানা মপুক্নীংদা ৱাহং কয়া হংজখি। মোদীজীনা হায়রিবা অসি চুম্মি অদুবু করি তৌবা ঙমগনি? মতম অদুদা ঐহাক্না লু নানবগী মতাংদা পনখি। লৈবাক অসিগী প্রধান মন্ত্রীনা মফম অসি অসুম্না তৌই, ঐখোয়না স্পেসকী মতাংদা ৱারী শাগদবনি, ঐখোয়না ফোরেন পোলিসীগী মতাংদা পারী শাগদবনি, ঐখোয়না মিলিতরী শক্তিগী মতাংদা ৱারী শাগদবনি। মসিগী মীওই অসিনা মতৌ করম্না লু-নানবগী মতাংদা ৱা ঙাংলিবনো? মীওই কয়ানা অঙকপা ফাওনখি। অদুবু চিংনবা খুদিংমক ফোঙদোকপা মতমদা, করিগুম্বা কনাগুম্বা অমনা মখোয়বু লাল্লে তাক্নবা থবক পাইখৎলবা নত্ত্রগা করিগুম্বা কনাগুম্বনা ঐহাক্কী লু-নানবগী ৱাখল্লোনগী মখাদা থবক পাইখৎলিবা হায়রগদি ঐহাক্কী লৈবাক্কী নুপামচা অমসুং নুপীমচাশিংনা মদু পাংথোক্লি। করিগুম্বা কনাগুম্বদা খ্বাইদগী য়াম্না ক্রেদিৎ পীনিংলবদি ঐহাক্না লৈবাক অসিগী নুপামচা অমসুং নুপীমচাশিংদা পীনিংই। ঐহাক্না অসিগুম্বা ৱাহং চা কয়া তাখ্রে। চহি ৫-৫, ৬-৬গী অঙাংশিংনা মখোয়গী অহল লমনশিং, মখোয়গী মমারোমগী অহল লমনশিংদা নোংমদা ১০রক মোদীজীনা অথিংবা থম্বনি, মফম অসিদা লংশিনগনু মোদীজীনা মদু পাম্লোই হায়না অথিংবা পীরি। মসি অচৌবা ফোর্স অমনি অমসুং অদোমসু হায়রিবা চারোল-শুরোল অসিদগী ওইরমগনি, অদোম্নসু চপ মান্নবা থৌনা অসিগা লোয়ননা ৱাহং অসি হংলমগনি। ঐহাক্না অদোমগী ৱাহং অসিবু তরাম্না ওকই। অকোইবগী ফীভম্না মরম ওইরগা, গ্লোবল ৱার্মিংনা মরম ওইরগা ঙসি মালেম পুম্বনা অৱাবা মায়োক্নরি হায়বসি অচুম্বনি অমসুং মসিগী মরুওইবা হৌরকফমদি ঐখোয়না রিসোর্সশিং লান্না শিজিন্নবননি। ইশ্বরনা শিনবীরম্লিবা খুদিংমক ঐখোয়না অমাং অতা থোকহল্লি। ঐখোয়না মসিদা করিগুম্বা অমত্তা খুদোল তমদে। অসি ঐহাক্না শিজিন্নরিবা পোৎলমশিং অসি ঐখোয়গী অহল লমন্না থম্বীরম্বা অদুনি। ঐহাক্কী মতুংদা লাকপা মীরোলনা ঐঙোন্দা করিগুম্বা খরা পীফম থোক্তবরা? পীগদ্রা নত্ত্রগা পীরোইদ্রা? করিগুম্বা ঐহাক্না মদু তুংশিলহৌদ্রবদি? অমসুং ঐখোয়গী ইপা-ইপুশিংনা ঐখোয়দা পীবীরম্বা ঐখোয়গী থৌদাং অদু ঐখোয়না মখোয়গী লমন শীংবা ওইনা পাঙথোক্কদবনি অমসুং ঐখোয়গী মথংগী মীরোলদা মদুগী থৌদাং খুৎশিন্নগদবনি। মসি ঐখোয়গী থৌদাংনি। হৌজিক মসি সরকারগী প্রোগ্রাম অমতনা মাইপাকহনবা ঙমদ্রি। খুদম ওইনা সিঙ্গল য়ুজ প্লাস্তিক, মসি ঐখোয়না শীজিন্নরোইদবনি। ঐখোয়না ইমুংদা শীজিন্নরোই হায়জরবসু লুহোংবগী বর্তন পীবদা নীংথিজরবা প্লাস্তিক রেপ্পর অমদা হাপতুনা পীরি। ঐখোয়না মদু লৌরি অমসুং হুন্দোক্লি। হৌজিক মসি ঐখোয়না খনখিবা অদুগী তাইওন্নবনি। অদুবু মসি য়ামদ্রবদা ঐগী ইমুংদদি তৌরোইদবনি। ঐখোয়না অসুম্না অকোইবগী মতেং খরা পাংগদবনি। অমসুং লৈবাক অসিগী অঙাং পুম্নমক্না করিগুম্বা থবক অসি হৌরবদি অফবা ওইগনি। অদোম্না উবীরমগনি ঐহাক্না গুজরাত্তা কেতল হেল্থ ফিয়র শিনখি। ঐহাক্না মুখ্য মন্ত্রী ওইরিঙৈ মতমদা ঐহাক্না শাশিংগী হেল্থ ফিয়রশিং পাঙথোকখি, গুজরাত্তা ঐহাক্না শাশিংগী দেন্তেল ত্রীৎমেন্ত তৌখি। শাশিংদা কেতরেক্ত তৌই, মদু লৌথোকখি। অসমুং ঐহাক্না শন অমা থেংনখি মহাক্কী চাকখাওদা প্লাস্তিক কে.জি. ৪০ য়াওরম্বা থেংনখি। হৌজিক মসি মীওইবা খুন্নাইগী মায়োক্তা চত্থবা থৌওং অমনি। করিগুম্বা ঐখোয়না মসি পাম্মি, মসি য়াংবা বেগনি হায়বগী ৱাখল্লোন অসি পোকপা তারবদি মসি খল্লোইদবনি। ঐখোয়গী মসি শীজিন্নবা তোক্লসি, মসিগী চৎনবী অসি থাদোক্লসি অমসুং ঐখোয়না রিয়ুজ অমসুং রিসাইকল তৌগদবনি। ঐখোয়দা রিসোর্স হেন্না শীজিন্নরবদি ঐখোয়না অকোইবগী ফীভমদা শোকহনগনি। ঐখোয়না রিসোর্সশিং নীংথিনা শীজিন্নরবদি অকোইবগী ফীভম হেন্না ঙাকশেনবা ঙমগনি। ঙসি ঐখোয়গী ইলেক্ত্রোনিক গেদজেৎশিং অসিদা য়েংবীয়ু, মখোয় অসিনা অকোইবগী ফীভমদা সমস্যা অমা ওইরক্লি। নখোয়না উবীরম্লগনি মদুদি ভারত সরকারনা পোলুসন থোকহনবা অরিবা গারীশিং ক্রেপ তৌনবা পোলিসী পাইখৎখি। মখোয় অদু লোইশিনখো, মদুদগী শেল তাল্লু অমসুং অনৌবা কার অমা লৈবীয়ু। মাইকৈ অসিদা থবক কয়া পাইখৎলি। চপ মান্নবা মওংদা ঐখোয়না ঈশিংগী মরু ওইবা অসি করিনো হায়বা খঙই, পাম্বীগী মরু ওইবা করিনো, মহৌশাগী মরু ওইবা, পুম্নমক অসি ঐখোয়না খঙলবরা? অমসুং অদোম্না উবীরমগনি সি.ও.পি.-২৬তা ঐহাক্না হীরম অমা পুখৎখি। য়ু.কে.দা কনফরেন্স অমা পাঙথোকখি। ঐহাক্না ঐখোয়গী লাইফস্তাইল অসিনা সমস্যা অমা ওইরে হায়খি। লাইফস্তাইল ফোর এনভাইর্নমেন্ত হায়বা মিসন অমা থম্বা মথৌ তাই। ঐখোয়না মালেমদা পি-২ মুফমেন্ত হায়বদি ‘প্রো-প্লানেৎ-পিপল’ অসি হৌবা মথৌ তাই। পি-৩ মুফমেন্ত অসিদা মীওই কয়ানা য়াওশিল্লকপা তারবদি অফবা কয়া পুরকপা ঙমগনি। অনিশুবদা ঙসি লৈবাক অসিনা আজাদী কা অমৃত মহোৎসব পালন তৌরি। ঙসিগী মীরোল অসিনা নীংতম্বগী চহি ৭৫শুবা থেংনরি। অসুম্না অসুম মাইপাক্লবদি লৈবাক অসিনা মাগী চহি চামা শুবগী থৌরম পাঙথোকপা ঙমগনি। মসিগী চহি ২৫ অসি অদোমগী পুন্সিনি। মসি অদোমগীনি। লৈবাক অসিনা অনৌবা থাক য়ৌবা ঙম্নবা, মালেমগী মমাংদা চাউথোকচবগা লোয়ননা লৈবাক অসিনা মাগী চহি চামা শুবগী থৌরম পালন তৌনবা অদোম্না করি শরুক তম্বা য়াবগে? করিগুম্বা ঐহাক্না ইশাগী থৌদাং পাঙথোক্লবা, কনাগুম্বা অমগী হক ঙাকশেল্লবা মতমদা ঐখোয়না হকশিংগী দিমান্দ তৌরোই। ঙসি ঐখোয়না থেংনরিবা সমস্যা অসি ঐখোয়গী থৌদাং পাঙথোক্তবগীনি। মশাগী হক্কীদমক থেংনগদবনি। ঐখোয়গী লৈবাক অসিদা কনাগুম্বা অমত্তনা মশাগী হকশিংগীদমক লান্থেংনবা মথৌ তারোইদবনি। মসি ঐখোয়গী থৌদাংনি অমসুং থৌদাং অসি অসি ফংনবা ইশাগী ইথৌ মশক খঙবা তাই। হৌজিক ঐখোয়গী লৈবাক অসিনা মালেম শিনবা থুংবদগী মীওই কয়াগা লোয়ননা মসি খন্নরি, মসিদা মীওই খরনা মোদীনা কনাবা লৌখ্রগনি, মোদী হরাওখ্রগনি হায়না চীংনবা পোক্লি। ঐহাক্না স্কুলগী অঙাংশিংগীদমক ভেক্সিনেসন হৌখিবা অমসুং ঐখোয়গী লৈবাক অসিদা লৈরিবা অঙাংশিংদা খোঙজেল য়াংনা তীকা থাদোক্লিবা অসিমক অচৌবা মাইপাকপনি। নখোয়গী মরক্তা ভেক্সিন কাপখ্রবশিং খুৎ থাংগৎলু, মীপুম খুদিংমক ভেক্সিন কাপ্লবা নত্ত্রা? কনাগুম্বা অমত্তনা ৱাহং অসি হংবা ঙম্লোই, নখোয়না ভেক্সিন কাপ্লবদি নখোয়গী থৌদাং অদু পাঙথোক্লবনি। থৌদাং অসি পাঙথোকপনা লৈবাক অসিবু চাউথোকচবা পোকহল্লি অমসুং লৈবাক অসিবু খুমাং চাউশিনবা ঙমহল্লি। করিগুম্বা ঐখোয়না মহৌশাগী ফীভম অমসুং অকোইবগী ফীভম কনবা পাম্লবদি ঐখোয়গী থৌদাং পাঙথোক্লসি। নখোয়গী থৌদাং পাঙথোক্কনি হায়না ঐহাক্না থাজৈ। ঐখোয়না পুন্না হোৎনরবদি ঐখোয়না অপাম্বা ফল ফংবা ঙমগনি।
থৌরম লান্থোক্লিবা : প্রধান মন্ত্রীনা পাংথোক্লিবা পরিক্ষা পে চর্চা ২০২২ অসিদা ঐখোয়গুম্বা ৱাখল ৱারবা অঙাং, ওজা অমসুং মমা-মপা করোর কয়াবু থৌনা হাপ্পিরি অমসুং মাই পাক্নবা লম্বেলদা পুবীরি। ইকাই খুম্নরবা প্রধান মন্ত্রী, ঐখোয় য়াম্না লাইবক ফবনি, অদোমগী মমল য়াম্লবা ৱারোল অসি ঐখোয়গী য়াম্না লাইবক ফবনি। মসিনা ঐখোয়গী ৱাখল্লোন্দা মতম চুপ্পগী নিংশিংদুনা লৈহৌরগদবা ঈথিল পীরিবা অমসুং পুক্নীং থৌগৎপা মীকুপশিংগী নুংঙাইরবা অয়ুক অসি লোইশিনজরে। ইকাই খুম্নরবা প্রধান মন্ত্রী শ্রী নরেন্দ্র মোদীজীনা মহাক্কী মমল য়াম্লবা মতম কাইথোকপীদুনা ঐখোয়গা শরুক য়ামিন্নবা অমসুং মহাক্কী শীংথানীংঙাই ওইবা মওং মতৌনা ঐখোয়দা পুক্নিং থৌগৎপীবগীদমক ঐখোয়না পুকচেল শেংনা তৌবীমল খংবা অমসুং ইকাই খুম্নবা উৎচরি।
প্রধান মন্ত্রীজী: নখোয় পুম্নমক, অদোমগী এনাউন্সরগা লোয়ননা মফম অসিদা লাকউ, পুম্নক কৌবীরকউ। খরনা অসিদা লাকউ খরনা শোমদা লাকউ। য়েংউ ঙসি ঐহাক্না মসিগী মীওইশিং অসি অহানবদা থাগৎপা পাম্মি। মখোয় পুম্নমক্না মসিগী থৌরমশিং অসি য়াম্না নিংথিজনা পাংথোকখ্রে, করিগুম্বা হীরম অমত্তদা কন্ফিদেন্স ৱাৎপগী মমি তাখিদে। অদোম্না য়াম্না চেকশিন্না য়েংশিনবীরমগনি, ঐহাক্নসু য়াম্না চপ মান্না য়েংজখি। অসিগুম্বা শক্তি অসি মফম অসিদা ফম্লিবা মীওই খুদিংমক্তা লৈরমগনি, তি.ভি.দা য়েংলিবা মীওইশিং অদুদসু লৈরমগনি, অদুগা তি.ভি. য়েংদবা মীওইশিং অদুদসু লৈরমগনি। ঐখোয়গী পুন্সিদা হংবা য়াদবা ৱাহং অমনি অদুবু ঐহাক্না হায়জনিংবদি, ঐখোয়না ঐখোয়গী পুন্সিদা নুংঙাইবা পাম্লবদি, ঐখোয় ইশামক্কী মনুংদা ক্বালিতী অমা শেমগৎপা মথৌ তাই। করিগুম্বা ঐখোয়না মদুগী মোদ অদু শেমগৎপা ঙম্লবদি, অদোম্না মতম চুপ্পদা নুংঙাইনা লৈগনি অমসুং মদুনা মগুনগী পুজারী ওইগনি। কনাগুম্বা অমদা হেক্তা ঐখোয়না ক্বালিতী য়েংই, ঐখোয়না ক্বালিতী য়েংই অমসুং ঐখোয়না মগুনগী পুজারী ওইরকই। মসিনা মখোয়দা থৌনা পীবদা নত্তনা, ঐখোদসু থৌনা পী, ঐখোয়না য়েংবা খুদিংদা অফবশিং য়েংবা হাববসি ঐখোয়গী চৎনবী ওইরক্লি, ঐখোয়না য়েংবা খুদিংদা মদু কয়াম ফবগে হায়না য়েংই, ঐখোয়না মদু লৌশিন্নবা হোৎনৈ, মদুগী অফবা অদুদা চংশিন্নবা হোৎনৈ, ইনোবেৎ তৌনবা, কন্নেক্ত তৌনবা হোৎনৈ, করিগুম্বা ঐখোয়দা মীহৌবা ফাওবা মতমদা ঐখোয়না মসিগী নুপা অসি ঐঙোন্দগী হেনখ্রে, মহাক্কী ফীরোল অসি ঐঙোন্দগী ফজবা হেল্লি, মহাক্কী ইমুংগী ফীফম অসি য়াম্না ফৈ, মঙোন্দা অৱাবা অমত্তা লৈতে হায়না খল্লি। করিগুম্বা মসিগী চাংদম্নবা অসি ঐখোয়গী ৱাখন্দা লেংদনা লৈরবদি, তপ্না তপ্না ঐখোয়না ইশাবু হন্থনা খঞ্জরকই, ঐখোয়না কৈদৌনুংদা অচৌবা মীওই অমা ওইবা ঙমদে। করিগুম্বা ঐখোয়না অতোপ্পগী তৌবা ঙম্বশিং অদু খংবা ঙম্লবা, অতোপ্পগী থৌনা খংবা ঙম্লবা, মদুগী মগুনশিং অদু ঐখোয় ইশাদা মথন্তনা পুরকপা ঙম্বগী শক্তি লাক্কনি। অদোমগী পুন্সিদা মাই পুরকপা ওইরসু হায়না ঐহাক্না থৌনিজরি, অদোমগী পুন্সিদা খুদোংচাবা অমহেক্তা ফংবা মতমদা, করম্বনা অখন্নবা ওইবগে, অফবা ওইবগে, শক্তি লৈবগে হায়বা অদুদা পুক্নীং লুপ্পু। কনাগুম্বনা মহাকপু খংনবা, য়াজনা অফবা ৱাখল্লোন অমা লৈবা মথৌ তাই। ঐখোয়গী ৱাখল্লোন্দা কল্লক মীহৌবগী ৱাখল্লোন লৈরোইদবনি, লমন খুম্বগী অপাম্বা লৈরোইদবনি। ঐখোয়সু হরাও নুংঙাইবা পুন্সি মহিং অমা হিংনবা হোৎনগদবনি। মসিগী থাজবা অসিগা লোয়ননা ঐহাক্না নখোয় পুম্নমকপু অমুক্কা হন্না থাগৎপা ফোঙদোকচরি অমসুং ঐহাক্না মহৈরোয় খুদিংমকপু থাগৎপা ফোঙদোকচরি অমসুং হৌজিক ঐহাক্না এজুকেসন দিপার্তেমেন্তবু ধাগৎপা ফোঙদোকচরি, নখোয় পুম্নমক্না য়াম্না নুংঙাইরবা প্রোগ্রাম অমা শিনখ্রে অমসুং হৌজিক ঐহাক্না নহারোল খুদিংমক্কা উনবগী খুদোংচাবা অমা ফংজরি। খুদোংচাবা অমা ফংবা মতমদা মীওই খরনা হায় ঐখোয়না মোদীগী পরিক্ষাগী মতাংদা করিগীদমক খন্নগনি, ওজানা নখোয়দা কান্নবা পীবরা নত্ত্রগা পীদবরা করিগুম্বা খরদি শন্দোক্না তাক্লমগনি, ঐহাকনসু মদু কান্নবরা হায়বা খঙদে। ঐহাক্কী খুদোংচাবদি ঐহাক্না নখোয়গী মরক্তা তিনবা মতমদা ঐহাক চহি ৫০ নহা ওইথোরকই। অদুগা ঐহাক্না নখোয়গী চহিদগী করিগুম্বা খরা তমদুনা ইশা ইথন্তা মপুংফানবা হোৎনৈ, মসিনা তাকপদি, ঐহাক্না ঐখোয়গী মীরোল অসি হোংদোক্তে, ঐহাক্না মতম চুপ্পদা অদোমগা পুন্দুনা অদোমগী ৱাখল্লোন খংনবা হোৎনৈ, অদোমগী আশা অমসুং অপাম্বশিং খংনবা হোৎনৈ, ঐহাক্কী পুন্সি অসিদি অসুম্না তৌই মরম অদুনা মসিগী প্রোগ্রাম অসিনা ঐঙোন্দা মতেং পাংলিবনি, মসিনা ঐহাক্কী থৌনা হাপ্পদা মতেং পাংলিবনি অমসুং মরম অদুনা ঐহাক্না ঈশাবু শেমগৎচনবা, করিগুম্বা খরা খংনবা,নখোয়গা নরক্তা তিল্লিবনি, নখোয়না মতম কাইথোকপীবগী ঐহাক্না তৌবীমল খংবা উৎচরি।
হন্না হন্না থাগৎচরি।
