খুরুমজরি! অহানবদা ঐহাক্না তামিল নাদুগী নঞ্জাবুরদা ঙসি থোকখিবা লাইবক থিবা থৌদোক অদুগীদমক অৱাবা ফোঙদোকচরি। ঐহাক্না লৈখিদ্রবশিংগী ইমুং-মনুংশিংগী অৱাবদা শরুক য়াজরি। অৱাবা তারবা ইমুংশিংদা শেলগী তেংবাংসু পীরগনি।
মরুপশিং,
হৌখিবা চহি অনি অসিদা মসি কোরোনাগী মতাংদা পাঙথোকপা কুনমরি শুবা মীফমনি। কোরোনাগী মতমদা কেন্দ্র অমসুং রাজ্যশিংনা পুন্না থবক তৌখ্রিবা অসিনা লৈবাক অসিনা কোরোনাগী মায়োক্তা লান্থেংনবদা মরু ওইবা থৌদাং অমা লৌখি। ঐহাক্না মুখ্য মন্ত্রীশিং, রাজ্য সরকারশিং অমসুং ওফিসরশিংগা লোয়ননা কোরোনা ৱারিয়রশিংবু থাগৎপা ফোঙদোকচরি।
মরুপশিং,
রাজ্য খরদা কোরোনাগী কেসশিং হেনগৎলক্লিবা অসিগী মতাংদা হকশেল সেক্রেতরীনা ঐখোয়দা অকুপ্পা ৱারোল থম্বীখ্রে। ইকাই খুম্নরবা গৃহ মন্ত্রীনসু ঐখোয়গী মাংদা মরু ওইবা হীরম কয়া থম্বীখ্রে। মসিগা লোয়ননা মুখ্য মন্ত্রীশিংনা ঐখোয় পুম্নমক্কী মাংদা মরু ওইবা ৱাফম কয়া থম্বীখ্রে। মসিনা ময়েক শেংনা তাক্লি মদুদি কোরোনা অসি মপুং ফানা লোইদ্রি হায়না। য়ুরোপকী লৈবাক কয়া অসিদা থেংনরিবা কেস অসিনা ওমিক্রোন অমসুং মাগী সবভেরিএন্তশিং অসিনা খুদোংচাদবা থোকহনবা য়াই হায়বা উবা ফংখ্রে। হৌখিবা থা খরা অসিদা সবভেরিএন্তশিং অসিনা মরম ওইরগা লৈবাক কয়াদা মশিং হেনগৎহল্লি। ভারতনা লৈবাক কয়াদগী হেন্না নীংথিজনা ফীভম অসি লাকশিনবা ঙমখি। অদুম ওইনমক, হৌখিবা চয়োল অনি অসিদা রাজ্য খরদা কেসশিং হেনগৎলক্লি মরম অসিনা ঐখোয়না চেকশিন্না লৈবা মথৌ তাই। থা খরগী মমাংদা ঐখোয়না থেংনখিবা ৱেব অদুদগী ঐখোয়না কয়া অমা তমশিনবা ঙমখি। ইরৈবাকচা পুম্নমক্না ওমিক্রোন ৱেব অসি মাইপাক্না লাকশিনখি, পাখৎপা তৌখিদে, ইরৈবাকচাশিংনা লান্থেংনখি।
মরুপশিং,
চহি অনিগী মনুংদা লৈবাক অসিনা হেল্থ ইনফ্রাস্ত্রকচরদগী হৌরগা ওক্সিজেন সপ্লাই ফাওবা য়াওনা কোরোনাগা মরী লৈনবা হীরম খুদিংমক্তা মথৌ তাবা খুদিং মপাঙ্গল কনখৎহন্নবা থবক তৌখি। অহুমশুবা ৱেব মনুংদা রাজ্য অমত্তদা ফীভম লাকশিনবা ঙমদবগী রিপোর্ত লৈখিদে। মসি ঐখোয়গী কোবিদ ভেক্সিনেসন কেম্পেন অসিদগী চাউনা মতেং ফংখি! রাজ্য খুদিংদা, জিলা খুদিংদা, লৈবাক অসিগী মফম খুদিংদা, জিওগ্রাফিকেলগী ওইবা ফীভমগী খেন্নবা থমদনা মীয়ামদা ভেক্সিন য়ৌহনখি। ভারতকী মীয়াই চল্লবা মীওইশিংগী চাদা ৯৬তি য়ামদ্রবদা দোজ অমা কাপখিবা অসি ভারতমচা খুদিংমক্কী ওইনা চাউথোকচনীংঙাই ওইবা ৱাফম অমনি। চহি ১৫গী মথক্কী মীওইশিংগী চাদা ৮৫দি দোজ অনিশুবা দোজ কাপখ্রে।
মরুপশিং,
নখোয়নসু খঙলে অমসুং মালেমগী অখং-অহৈশিংনসু হায়রি মদুদি কোরোনাগী মায়োক্না ঙাকথোক্নবা খ্বাইদগী অচৌবা খুৎলাই অসি ভেক্সিন্না ওইরি। শাংলবা মতমগী মতুংদা ঐখোয়গী লৈবাক অসিদা স্কুলশিং হাংদোকখি, ক্লাসশিং হৌনখ্রে। অসিগুম্বা ফীভম অসিদা কোরোনাগী কেসশিং হেনগৎলকপা অসিনা মরম ওইদুনা মমা-মপাশিংনা ৱাখল ৱান্নরি। স্কুল খরদা অঙাংশিং নাবগী মতাংদা ফাও লাক্নরি। অদুবু অঙাং কয়া-কয়ানা ভেক্সিন কাপথোক্লিবা অসিদা য়াম্না অপেনবা পোকই। মার্চতা ঐখোয়না চহি ১২দগী ১৪ ফাওবগী ভেক্সিন কাপ্পা হৌখি। ঙসি খক্তা চহি ৬-১২গী অঙাংদা ভেক্সিন কাপ্নবগী অয়াবা ফংখি। অথুবদা ইলিজিবল ওইবা অঙাং খুদিংমক ভেক্সিন কাপথোকপা হায়বা অসি ঐখোয়গী ওইনা মরু ওই। মসিগীদমক মমাংগুম্না স্কুলশিংদা অখন্নবা কেম্পেনশিং চত্থবা মথৌ তাই। মসিগী মতাংদা ওজাশিং অমসুং মমা-মপাশিংনা খঙজিনবা তাই। ভেক্সিন প্রোতেক্তিব শিল্দ অসি মপাঙ্গল কনখৎহন্নবা লৈবাক অসিগী মীয়াই চল্লবা মীওই পুম্নমক্না প্রিকোসনরী দোজ কাপ্পা য়ারে। ওজাশিং, মমা-মপাশিং অমসুং অতোপ্পা ইলিজিবল ওইবা মীওইশিংনা প্রিকোসনরী দোজ কাপথোকপীয়ু
মরুপশিং,
অহুমশুবা ৱেব মনুংদা ঐখোয়্যনা নোংমদা কেস লাখ অহুম হেন্না থেংনখি। ঐখোয়গী রাজ্যশিংনা কেসশিং অসি লাকশিনখি অমসুং সোসিও-ইকনোমিক্কী থবক-থৌরমশিংদা শাহৌ পীখি। তুংলমচৎতসু ঐখোয়গী লালোং অসিগী শরুক ওইনা মসিগী বেলেন্স অসি ঙাক্কদবনি। ঐখোয়গী বিজ্ঞানিকশিং অমসুং এক্সপর্তশিংনা নেস্নেল অমসুং গ্লোবেল সিচুএসন অসি মোনিতর তৌরি। মখোয়গী পাউতাকশিংগী মতুং ইন্না ঐখোয়না প্রি-এম্পতিব, প্রো-এক্তিব অমসুং কল্লেক্তিব এপ্রোচকা লোয়ননা থবক তৌরি। হেক অহৌবদা লাইনা ঙাকথোকপা হায়বা অসিদা ঐখোয়না মরু ওইবা মীৎয়েং চংখি অমসুং হৌজিকসু মসিগা চপ মান্নৈ। ঐখোয়গী তেস্ত, ত্রেক অমসুং ত্রিৎ তৌবগী লালোং অসি চপ মান্নবা ইফিকেসীগা লোয়ননা ইমপ্লিমেন্ত তৌবা তাই। কোরোনাগী হৌজিক ওইরিবা ফীভম অসিদা হোস্পিতালদা পুখৎলকপা অরুবা ইনফ্লুঞ্জাগী কেসশিংদা চাদা ১০০ আর.তি.-পি.সি.আর. তেস্ত তৌবা মথৌ তাই। মসিদা পোজিতিব ওইরকপা খুদিংমক, সেম্পল অদু জিনোম সিক্বেন্সিংগীদমক থাগদবনি। মসিনা মতম চানা ভেরিএন্তশিং অদু খঙদোকপা ঙমহনগনি।
মরুপশিং,
ঐখোয়না মীয়াম তিনবা মফমশিংদা কোবিদকা চুনবা চৎন-লোনচৎ ঙাক্না চৎকদবনি লোয়ননা মীয়াম তীনবা মফমশিংদা পাখৎপা পোকহল্লোইদবনি।
মরুপশিং,
ঙসিগী খন্ন-নৈনবা অসিদা হেল্থ ইনফ্রাস্ত্রকচর অপগ্রেদ তৌনবগী থবক চত্থরিবা অসিগী মতাংদসু খন্নখি। ইনফ্রাস্ত্রকচর অপগ্রেদ তৌবগী থবক অসি খোঙজেল য়াংনা অদুমক মখা চত্থগদবনি। বেদ, ভেন্তিলেতর অমসুং পি.এস.এ. ওক্সিজেন প্লান্তশিং অসিগুম্বা ফেসিলিতীশিংদা হৌজিক ঐখোয়গী ফীভম য়াম্না ফগৎলে। হায়রিবা ফেসিলিতীশিং ফঙ্কস্নেল ওইরিবরা হায়না ঐখোয়না য়েংশিনবা মথৌ তাই, করিগুম্বা মসিগী মথৌ তারক্লবসু থৌদাং লৌবা অসিনা অৱাবা অমত্তা মায়োক্নহল্লোই। অমসুং করিগুম্বা অৱাৎপা অমা হেক্তা লৈবা তারবদি মদু অৱাংবা থাক্তা খঙদোক্তুনা মদু মেনখৎনবা হোৎনগদবনি। মেদিকেল কোলেজ অমসুং দিস্ত্রিক্ত হোস্পিতালশিংদা ঐখোয়না মেদিকেল ইনফ্রাস্ত্রকচর অমসুং মেনপাৱর হেনগৎহনবা তাই। ম্যুচুএল কোওপরেসন অমসুং দাইলোগকা লোয়ননা বেস্ত প্রেক্তিসশিং পুথোকপদা মতেং ওইগনি অমসুং খোঙফম চেৎনা কোরোনাগী মায়োক্তা লান্থেংনগনি অমসুং লম্বী শোইদনা পুথোক্কনি হায়না ঐহাক্না থাজৈ।
মরুপশিং,
সম্বিধানদা পীরম্লিবা কোওপরেতিব ফেদরেলিজমগী ৱাখল্লোন অসি ঙাক্না চৎতুনা ভারতনা কোরোনাগী মায়োক্তা শাংবা লান অসি থেংনরি। মালেমগী ওইরিবা ফীভম অসিনা মরম ওইদুনা মপালগী ওইবা মরমশিংনা লৈবাক অসিগী মনুংগী ওইবা ফীভমদা পীরিবা শাফু অসি কেন্দ্র অঞসুং রাজ্যশিংনা পুন্না মায়োক্নখি অমসুং মখা তানা মায়োক্নখিনি। কেন্দ্র অমসুং রাজ্যশিংনা পুন্না হোৎনবা অসিনা মরম ওইরগা লৈবাক অসিগী হেল্থ ইনফ্রাস্ত্রকচর চাউনা ফগৎলক্লি। অদুবু মরুপশিং ঙসিগী খন্ন-নৈনবা অসিদা ঐহাক্না অতোপ্পা হীরম অমগা পুথোকচনীংই। ঙসিগী মালেমগী ফীভম অসিদা লৈবাক অসিগী শেন্মিৎলোন মপাঙ্গল কনখৎহন্নবা কেন্দ্র অমসুং রাজ্য সরকারশিংনা শেন্মীৎলোনগী ওইবা ৱারেপ লৌবদা কোওর্দিনেসন পীনবা হায়বা অসি হেন্না মরু ওইরক্লি। লান্না ওইহল্লক্লিবা ফীভম অমসুং সপ্লাই চেন্দা মসিনা অকাইবা পীরিবা অমসুং নোংমা নোংমগী হেনগৎলক্লিবা শীংনবশিং অসিগী মতাংদা অদোম্না খঙবীরম্লগনি। গ্লোবেল ক্রাইসিস অসিনা শীংনবা কয়া পীরি। অসিগুম্বা ক্রাইসিসকী মতম অসিদা কোওপরেতিব ফেদরেলিজমগী ৱাখল্লোন অসি হেনগৎহনবা অমসুং কেন্দ্র অমদি রাজ্যশিংগী মরক্তা সীনর্জী লৈবা য়াম্না মরু ওইরক্লি। হৌজিক ঐখোয়না খুদম মচা অমা লৌসি। ঐখোয় পুম্নমক্কী মাংদা লৈরিবা পেত্রোল অমসুং দিজলগী মমলশিংগী তোপিক অসি য়েংশি। ইরৈবাকচাশিংদা পেত্রোল অমসুং দিজলগী মমল হেনগৎলকপনা পীবা শাফুগী অসি হন্থহন্নবা কেন্দ্র সরকারনা এক্সাইজ দ্যুতী হন্থহনখি। হৌখিবা নবেম্বরদা মসি য়াম্লমদে। কেন্দ্র সরকারনা রাজ্যশিংদা মখোয়গী তেক্সশিং হন্থনবা অমসুং মসিগী কান্নবা মীয়ামদা ফংহল্লু হায়খি। মসিগী মতুংদা রাজ্য খরনা ভারত সরকারগী মসিগী ৱাখল্লোন অসিগী মতুং ইন্না তেক্স হন্থহনখি, অদুবু রাজ্য খরনা মসিগী কান্নবা অসি মখোয়গী রাজ্যদা লৈরিবা মীয়ামদা ফংহনখিদে। মসিনা মরম ওইরফা রাজ্যশিং অসি নত্তনা অতোপ্পা রাজ্যশিংদা পেত্রোল অমসুং দিজলগী মমলশিং অদুমক ৱাংলি। অমরোমদা মসি রাজ্য অদিগী মীয়ামগী হক মাংহনবা খক্তা নত্তনা মসিনা য়ুমলোন্নরিবা রাজ্যশিংদা অকাইবা পীবনি। তেক্স হন্থবা রাজ্য অদুদা রিভেন্যু মাংবা হায়বা অসি মহৌশানি। খুদম ওইনা, করিগুম্বা কর্নাতকানা তেক্স হন্থদবা তারবদু মখোয়না থা তরুক্তা লুপা করোর লিশিং ৫ হেনবগী রিভেন্যুশিং ফংগনি। গুজরাতনা তেক্স হন্থদনবা তারবদি, রিভেন্যু ওইনা লুপা করোর লিশিং অহুম মখাই ফংগনি। অদুবু রাজ্যশিং অসিনা মীয়ামগী য়াইফনবগীদমক মীয়ামদা অৱাবা পীদনবা মখোয়গী ভি.এ.তি. তেক্স হন্থহনখি। অমরোমদনা গুজরাত অমসুং কর্নাতকাগা য়ুমলোন্নরিবা রাজ্যশিংনা তেক্স হন্থহনবা তৌদনা থা তরুক অসিদা লুপা করোর লিশিং অহুম মখাইদগী করোর লিশিং মঙা মখাইগী রিভেন্যু তাল্লি। হৌখিবা চহিগী নবেম্বর থাদা ঐহাক্না ভি.এ.তি. হন্থহনবা মীয়ামদা হায়জঝু। অদুবু রাজ্য কয়ানা মসি য়াখিদে, ঐহাক্না মসিদা কনাগুম্বা অমদা হকথেংননা ঙাংবগী ৱাফমদি নৎচদে মসি নখোয়দা হায়জবনি। থা তরুক অসিদা রাজ্য খরনা ৱাফম অসি য়াখি রাজ্য খরনা য়াখিদে। মহারাস্ত্র, ৱেস্ত বেঙ্গল, তেলঙ্গানা, অন্ধ্র প্রদেশ, তামিল নাদু, কেরলা, ঝারখন্দ মসি মরম খরদগী য়াখিদে অমসুং মখোয়গী রাজ্যশিংগী প্রজাশিংদা অৱাবা পীরি। মতম অসিগী মনুংদা রাজ্যশিং অসিনা রিভেন্যু কয়াম তানখি হায়বা ঐহাক্না পল্লরোই। অদুবু হৌজিক ঐহাক্না নখোয়দা হায়জরি মদুদি নখোয়না লৈবাক অসিগী য়াইফনবগীদমক মমাংগী নবেম্বরদা তৌফম থোকপা থবক অদুদা থা তরুক থিন্থহল্লি। হৌজিকসু নখোয়গী প্রজাশিংগী পোৎলুম হন্থহনদুনা কান্নবশিং অসি ফংহনবা য়ারি। কেন্দ্রদা লাক্লিবা রিভেন্যুগী চাদা ৪২দি রাজ্য সরকারশিংদা চৎলি হায়বা নখোয়না খঙই। ঐহাক্না রাজ্যশিংদা মালেমগী ওইবা খুদোংথিবা থোকপা মতমদা কোওপরেতিব ফেদরেলিজমগী ৱাখল্লোন অসি ঙাক্লগা তীম অমা ওইনা থবক তৌনবা হায়জরি। হৌজিক ঐহাক্না অতোপ্পা হীরমশিংগী মতাংদা হায়জগে।
ঙসি ঐখোয়না হারশিংগীদমক লৈবাক কয়াগী মীপাল তাংলি। সবসিদী শরুক কয়া লেপ্পা লৈতনা হেনগৎহল্লি। ঐখোয়না লৌমীশিংদা পোৎলুম পীবা পামদে। হৌজিক নখোয়না ক্রাইসিস অসি মায়োক্নরিবা মতম অসিদা নখোয়দা ঐহাক্না নখোয়গী রাজ্যদা, নখোয়গা য়ুমলোন্নরিবা রাজ্যশিংদা, ইরৈবাকচা পুম্নমক্কী য়াইফনবা মরু ওইবা মীৎয়েং চংনবা হায়জরি। ঐহাক্না খুদম অমগা পীজগে। নবেম্বরদা তৌগদবা অদু তৌখিদ্রে। অদুনা হৌখিবা থা তরুক অসিদা করি থোকখি? ঙসি তামিল নাদুদা চেনাইদা পেত্রোল অসি লুপা ১১১রোম পীরি। জয়পুরদা লুপা ১১৮। হায়দরাবাদতা লুপা ১১৯। কোলকাতাদা ১১৫। মুম্বাইদা ১২০গী মথক্তা পীরি। অদুবু মুম্বাইগা হেক থংননা লৈরিবা দিয়ু দামনদা লুপা ১০২ পীরি। কোলকাতাদা ১১৫ পীবদা লখনৌদা ১০৫। হাইদরাবাদকী অকোইবদা লুপা ১২০, জম্মুদা ১০৬। গুৱাহারিদা ১০৫। গুরুগ্রামদা ১০৪, উত্তরাখান্দগী ঐখোয়গী অপীকপা সহর দেহরাদুনদা লুপা ১০৩। নখোয়না থা তরুক অসিদা তানখিবা রিভেন্যু অদু নখোয়গী রাজ্যগীদমক কান্নগনি অদুবু হৌজিক্তি লৈবাক পুম্বগীদমক মতেং পাংবীয়ু। মসি ঐহাক্না ঙসি নখোয়না অখন্ননা হায়জরি।
মরুপশিং,
ঙসি ঐহাক্না ফোঙদোকচনীংবা ৱাফম অমগা লৈ। লৈবাক অসিদা শাবগী চাং য়াম্না হেনগৎলক্লি অমসুং হান্নগা মান্নদবা মওংদা শাগৎলক্লি অসিগুম্বা তানফম অসিদা তোঙান-তোঙানবা মফমশিংদা মৈহৌ-লাংপোক থোকপা য়াম্না হেনগৎলক্লি। উমংদা, মরু ওইবা বিল্দিংশিংদা মৈহৌ-লাংপোক থোক্লি। হৌকিবা নুমিৎ খরনিগী মমাংদা হোস্পিতালশিংদা থোকখি। হৌখিবা চহিদা হোস্পিতাল কয়া মৈনা চাকখিবা অদু য়াম্না নুংঙাইতবা থৌদোক ওইখি। মতম অদু য়াম্না অৱাবা তারিঙৈ মতম ওইখি। মীওই কয়া থৌদোক অদুদা লৈখিদে।
মরম অসিনা ঐহাক্না রাজ্য পুম্নমক্তা হৌজিক্তগী হৌনা, মরু ওইনা হোস্পিতালশিংদা সেফতী ওদিৎশিং তৌবা হৌবীনবা অমসুং সেক্যুরিতী এরেঞ্জমেন্ত হেনগৎহন্নবা মসিদা মীৎয়েং চংনবা হায়জরি। অসিগুম্বা থৌদোকশিং থোকহনদবা অমসুং হন্থহনবা য়াগনি রেস্পোন্স তাই অসি তেনহনগদবনি। পুন্সি অমদি লন-থুম মাংহল্লোইদবনি। মসিগীদমক ঐহাক্না নখোয়গী তীম অদু মসিদা অখন্ননা থবক তৌনবা হায়জরি। অমসুং লৈবাক অসিগী মফম অমতদা থৌদোক অসি থোকহনদনবা মোনিতর তৌবীয়ু। ঐখোয়গী লাঞ্জদ্রবা প্রজাশিংগী থৱায় কনসি।
মরুপশিং,
মতম কাইথোকপীদুনা মসিদা শরুক য়াবীরকপগীদমক ঐহাক্না ময়ামবু অমুক্কা হন্না থাগৎচরি অমসুং মতম চুপ্পদা নখোয়গীদমক ঐহাক্না মতম কাইথোক্তুনা লৈজরি। মরু ওইবা সজেসনশিং পীবীনীংবা লৈরবসু মদু ঐহাক্না তরাম্না ওকচরি। অমুক্কা হন্না থাগৎচরি।
