খুরুমজরি!
থৌরম অসিদা শরুক য়াবীরিবা লৈবাক অসিগী তোঙান-তোঙান রাজ্যশিংগি ইকাইখুম্নরবা মুখ্যমন্ত্রীশিং, লেফ্তনেন্ত গোভর্নরশিং, কেন্দ্রগী কেবিনেত্তা পুল্লিবা ঐগী কলীগশিং, ঐগী কলীগশিং, রাজ্যগী মন্ত্রীশিং, মন্ত্রালয়গী সেক্রেতরিশিং অমসুং জিলাশিংগী মেজিস্ত্রেতশিং, জিলা কয়া অমগী কলেক্তর-কমিস্নরশিং,দিগ্নিতরীশিং, ইকাইখুম্নরবা নুপী অমসুং নুপাশিং,
পুনশিদা ঐখোয়না তোইনা উবা ফংঙি মদুদি মীশিংনা মখোয়গী অনিংবা অপাম্ববু নিংবা থুংনবা অহিং-নুংথিল খাক্তনা থবক তৌই অমসুং খরমখৈদি থুংবসু ঙম্মি। অদুবু অতোপ্পগী অনিংবা অপাম্বা অদু ঐগী অনিংবা অপংম্বা ওইরকপা মতমদা, অতোপ্পনা মঙলিবা মঙলান অদুবু মঙফাওনহনবা হায়বা অসিনা মাইপাকপগী খুদম অমা ওইরবদি, থৌদাং অদু পাংথোকপগী লম্বিদা পুৱারী শেম্লগনি। ঙসি ঐখোয়না লৈবাক অসিগী এস্পিরেস্নেল দিস্ত্রিক্তশিংদা পুৱারী শেম্বা উবা ফংলি। ঐ নিংশিংলি, ২০১৮দা কেমপেন হৌদোকখি, মতম অদুদা ঐনা হায়খি মদুদি দিকেদ কয়াদগী চাউখৎ-থৌরাংগী মঙাল ফংদ্রবা মফমদা লৈরিবা মীশিংগীদমক্তা থবক তৌবগী খুদোংচাবা ফংবা হায়বা অসিমক খ্বায়দগী লাইবক ফবা অমনি। ঙসি লৈবাক অসিনা আজাদি কা অমৃত মহোতসব পাংথোক মতম অসিদা, নখোয়না মসিগী কেমপেন অসিগী মাইপাকপা কয়া অমগা লোইননা ঙসি মফম অসিদা শরুক য়ারি। ঐনা নখোয় পুম্নমকপু নখোয়না মাইপাকখিবশিং অদুগীদমক্তা হরাওবা ফোংদোক্লি, নখোয়গী অনৌবা পান্দমশিং অদুগীদমক্তা য়াইফ পাউজেল পীরি। ঐহাক্না মুখ্য মন্ত্রীশিং অমসুং রাজ্যশিংদসু তশেংনা থাগৎপা ফোংদোক্লি, মরমদি ঐনা উবদা, মখোয়না মখোয়গী জিলা কয়া অমদা য়াম্না মতিক চারবা অমসুং য়াম্না হৈ-শিংলবা নহা ওইরিবা ওফিসরশিং থবক তৌহল্লি, আয়রিবা অসিমক য়াম্না চুম্লবা স্ত্রেতেজী অমনি। অসুম্না ভেকেন্সী লৈবা মফম মদুবু মেনশিল্লহনবনা প্রায়োরিতী পী। অহুমশুবদা ঐনা উখি মদুদি মখোয়না তেনয়ুোরবুসু স্তেবল ওইনা থমখি। অমরোমদা য়েংলুরবদি, এস্পিরেস্নেল দিস্ত্রিক্তশিংদা মতিক চাবা লুচিংবশিং, মতিক চাবা তীমশিং পীবগী থবক অসি মুখ্য মন্ত্রীশিংনা পাংথোকখি। ঙসি থাংজ নুমিৎনি, ছুতিগী মুদতা লৈ, অদুম ওইনমক ইকাইখুম্নরবা মুখ্য মন্ত্রী খুদিংমক্না মতম কাইথোক্তুনা মফম অসিদা ঐগা পুন্না শরুক য়ামিন্নরি। মসিনা রাজ্যগী মুখ্য মন্ত্রীশিংগী থমোইদা এস্পিরেস্নেল দিস্ত্রিক্তশিং অসি কয়া য়াম্না মরু ওইবগে হায়বদু তাক্লি। মখোয়শিংনসু মখোয়গী রাজ্যশিংদা অসুম্না শোথদুনা লৈহৌরবশিং অদুবু রাজ্যগী থাক্তা মান্ননা পুখৎলক্নবা কয়ামুক চেৎনা লেপ্লিবগে হায়বদু, মসিনা অদুগী খুদমনি।
মরুপশিং,
ঐখোয়না উবা ফংঙি মদুদি নাকল অমদনা বজেত হেনগৎলকখি,স্কীমশিংসু শেম্বা লেপ্তে, দেতাদসু ইকোনোমী চাউখৎলকপা অসি উবা ফংখি, অদুবু নিংতম্বগী চহি ৭৫ মতুংদসু, শাংলবা খোংচৎ অসিগী মতুংদা ফাওবা লৈবাক অসিদা জিলা কয়া অমা শোথদুনা অদুমক লৈহৌরি। মতমগী মতুং ইন্না জিলাশিং অসিবু শোথরবা জিলাশিংগী তেগ নপশিনবীখ্রে। নাকল অমদনা লৈবাক অসিগী জিলা কয়া অমদা লেপ্তনা চাউখৎলি, অদুগা অতোপ্পা নাকল অমদনা শোথহৌরবা জিলাশিং অসিনা অসুম-অসুম শোথদুনা লৈহৌরে। মসিগী জিলাশিং অসিনা লৈবাক পুম্বগী চাউখৎপগী মতাংদসু মসিনা চিংথদুনা লৈরে। অপুনবগী ওইবা মওংদা চাউখৎপা উরক্তবদা, শাফরিবা জিলাশিং অদুসু নুংঙাইতবা ফাওই অমসুং মরম অদুনা লৈবাক অসিনা অসিগুম্বা শোথহৌরবা জিলাশিং অসিগী হেন্দ হোল্দিংদা অখন্নবা মিৎয়েং থমলি। ঙসি এস্পিরেস্নেল দিস্ত্রিক্তশিং অসিনা লৈবাক অসিনা চাউখৎপগী লম্বিদা লৈরম্বা অথিংবা-অপনবশিং অদুবু লৈহন্দ্র। নখোয় ময়ামগী হোৎনজমনদগী, এস্পিরেস্নেল দিস্ত্রিক্তশিং অসিনা খোংজেল তপথহনবগী মহুত্তা খোংজেল য়াংখৎহল্লে। ঙসিদি মসিগী এস্পিরেস্নেল দিস্ত্রিক্তশিং অসিনা হান্না য়াম্না য়াংনা চাউখৎলি হায়না খল্লম্বা জিলাশিং অদুদগী হিরম খুদিংমক্তা হেন্না ফজনা থবক তৌদুনা উৎলি। ঙসি মফ অসিদা ইকাইখুম্নরবা মুখ্য মন্ত্রী ময়াম অমা তিল্লি। মখোয়শিং অসিনসু মখোয়গী মাইকৈদসু এসপিরেস্নেল দিস্ত্রিক্তশিংনা শিংথানিংঙাই ওইবা থবক তৌই হায়বসি য়ানিংগনি।
মরুপশিং,
এস্পিরেস্নেল দিস্ত্রিক্তশিংনা চাউখৎপগী কেমপেন অসিদা ঐখোয়না লৌগদবা থৌদাংশিং অদুবু হিরম কয়া অমদা এক্সপান্দ অমসুং রিদিজাইন তৌরি। ঐখোয়গী কন্সতিত্যুশনগী আইদিবা অমসুং স্পিরিৎনা মসিবু মশক নাইবা শক্লোন অমা পীরি। কেন্দ্র-রাজ্য অমসুং লমদম লোকেল আদমিনিস্ত্রেশনগী মরক্তা লৈরিবা তীমৱার্ক্তা মাগী য়ুমফম ওই। মসিবু মশক তাক্লিবদি ফেদরেল স্ত্রকচরদা কোওপরেশন তৌবগী চাউখৎলক্লিবা কলচর অসিবুনি। অমসুং খ্বায়দগী মরু ওইবা ৱাফম অমনা, মসিদা মীশিং য়াম্না শরুক য়ারিবমখৈ, এন্না এফিসিয়েন্তত মোনিতরিং লৈগনি, মদুনা হেন্না আফবা ফল পুরক্কনি।
মরুপশিং,
এস্পিরেস্নেল দিস্ত্রিক্ততা চাউখৎপা পুরক্নবগীদমক্তা এদমিনিস্ত্রেশন অমসুং প্রজাগী মরক্তা দাইরেক্ত কনেক্ত, অমসুং ইমোস্নেল ওইবা মরী অমা লৈবা হায়বসি য়াম্না মরু ওই। অসুম্না তৌদুনা ‘তোপ তু বতম’ অমসুং ‘বতম তু তোপ’ ফ্লো লৈগনি। মসিগী কেমপেন অসিগী য়াম্না মরু ওইবা মগুন অমনা – তক্নোলোজী অমসুং ইন্নোভেশন! ঐখোয়না হৌজিক্কী প্রেজেন্তেশন অদুদসু উখি মদুদি তেক্নোলোজী য়াম্না শিজিন্নবা, গোভর্নেন্স অমসুং দেলিভরীদা ইনোভেতিব ওইবা মওং য়াম্না শিজিন্নরিবা জিলাশিংনা হেন্না ফজনা থবক তৌরি। ঙসি লৈবাক অসিগী তোঙান-তোঙানবা রাজ্যশিংগী এস্পিরেস্নেল দিস্ত্রিক্তশিংদগী সক্সেস স্তোরীজ কয়া অমা ঐখোয়গী মাংদা লৈরে। ঐনা ঙসি জিলা মঙাগী ওফিসিয়েলশিং খক্তমক ৱারী শাবগী খুদোংচাবা ফংলি। অদুবু মসিদা ফম্লিবা ওফিসর কয়া অমগী অতোপ্পা সক্সেস স্তোরী কয়া অমা লৈরমগনি। হৌজিক য়েংবীয়ু, ঐখোয়গী মাংদা অসামগী দরাঙ, বিহারগী শেকপুরা, তেলঙ্গনাদা ভদ্রাদ্রি কোধাগুদম অসি খুদমনি। ইকুই কুইদনা মসিগী জিলাশিং অসিনা অঙাংশিংগী মরক্তা মেলন্যুত্রিশন য়াম্না হেন্না হন্থহনখ্রে। নোর্থ ইস্ততা অসামগী গোলপারা অমসুং মনিপুরগী চান্দেল জিলাদা শা-শনশিংগী তিকা থাবা অদু চহি ৪দা চাদা ২০ ওইরম্বদগী চাদা ৮৫দা য়ৌহনখ্রে। বিহারদা জমুই অমসুং বেগুসরাইগুম্বা জিলা অসিদা মীশিংগী চাদা ৩০ ফাওবা নোংমদা থক্নবা ঈশিং বাল্তিন অমফাওবা য়াম্না ৱানা ফংবা মফম অসিদা ঙসিদি মীশিংগী চাদা ৯০না শেংলবা থক্নবা ঈশিং ফংলে। ঐখোয়না খন্দুনা য়েংবা য়াই মদুদি লাইরবা কয়া অমা,নুপী কয়া অমা অঙাংশিং অমসুং অহল ওইরবশিংগী পুনশিদা মসিনা কয়াদা নুংঙাইবা অহোংবা অমা পুরকখিবগে। ঐনা মসি চুম্নগী মশিং খক্তনি হায়রোই। মশিং খুদিমক্কা মীওই কয়া অমগী পুনশিগা মরী লৈনরিবনি। মশিংশিং অসিদা নখোয়গুম্বা মতিক চারবা মরুপ কয়া অমগী মেন-আৱর্স, মেন-পাৱর মসিদা চংখি, মসিগী মনিংদা নখোয় পুম্নমক্কী অখাং কনবা অমসুং হুমাংমল য়াওরিবনি। ঐনা খঙই মদুদি মসিগী অহোংবা, মসিগী এক্সপরিয়েন্স অসিদা নখোয়না পুনশি চুপ্পা হোৎনখিবা, তানশিনখিবশিং অদু য়াওরিবনি।
মরুপশিং,
ঐবু হায়য়ু হায়রবদি লৈবাক অসিনা এস্পিরেস্নেল দিস্ত্রিক্তশিংদা মাইপাকপা ফংলিবা অসিগী চাউরবা মরমদি কনভর্জেন্সনি অমসুং হৌজিক্তা কর্নাতকাদগী ঐখোয়গী ওফিসিয়েলশিংনা মখোয় করম্না সাইলোসতগী থোরকখিবগে হায়বগী মতাংদা তম্লকখি। রিসোর্স চপ মান্নৈ, সরকারগী মেছিনরী চপ মান্নৈ, ওফিসিয়েল চপ মান্নৈ অদুবু ফলদি তোঙান-তোঙাল্লি। জিলা অমবু য়ুনিৎ অমা ওইনা য়েংবা মতমদা অমসুং জিলা অদুগী তুংগীদমক খন্দুনা থবক তৌবা মতমদা ওফিসরশিং অদুনা মখোয়না লৌরিবা থৌদাং অদু কয়া য়াম্না চাউবগে হায়বদু খঙগনি। ওফিসরশিং অদুনসু মখোয়না লৌগদবা থৌদাং অদুগী মরু ওইবদু খঙগনি অমসুং পর্পোজ ওফ লাইফ অদু ফাওগনি। মখোয়গী মিৎমাংদা অহোংবা কয়া অমা লাকপা উবা ফংগনি অমসুং ফলশিংদু উবশিংদি, মখোয়গী জিলা অদুদা লৈরিবা মীশিংগী পুনশিদা মখোয়না পুরকখিবা অহোংবশিং অদু উরগা, এদমিনিস্ত্রেশনগা মরী লৈনবা ওফিসরশিংদসু মসিদগী সেতিসফেক্সন ফংঙি। অমসুং মসিগী সেতিসফেক্সন অসি ৱাখলগী ৱাংমদা লৈ অমসুং ৱাহৈনা ফোংদোকপা ঙম্লোই। ঐহাক ইশামক্না মসি উখ্রে, কোরোনা হৌদ্রিঙৈগী মমাংদা ঐহাক্না রুল অমা শেমখি মদুদি করিগুম্বা ঐনা রাজ্য অমদা চৎপা মতমদা, এস্পিরেস্নেল দিস্ত্রিক্তকী মীওইশিং অদুবু কৌদুনা অমসুং ওফিসরশিং অদুগা লোইননা ফোংনা ৱারী-ৱাতাই শানৈ অমসুং খন্না-নৈনৈ। মখোয়গা ৱারী-ৱাতাই শানবা মতমদা, ঐহাক্না খঙবা ঙমখি মদুদি মফম অদুদা থবক তৌরিবশিং অদুনা থবক তৌবদা তোপ-তোপ্পা অপেনবা অমা ফাওবা থেংনখি। করিগুম্বা সরকারগী থবক অমা পুনশিগী পান্দম ওইবা মতমদা,করিগুম্বা সরকারগী মেছিনরীনা অমনা অহিংবা পোৎ অমা ওইনা ওইবা মতমদা, তীম স্পরিৎনা থনবা মতমদা, তীম অদুনা কলচর অমগা লোইননা চৎপা মতমদা, পুরকক্কদবা ফল অদু ঐখোয়না এস্পিরেস্নেল দিস্ত্রিক্তশিংদা উবা ফংলিবা অসিগুম্না উবা ফংগনি। অমনা অমগী মতেং পাংদুনা, অমনা অমদা বেস্ত প্রক্তিসশিং শিয়র তৌদুনা, অমনা অমদগী তমদুনা, অমনা অমবু তাকপীদুনা, মসিদগী ওইরক্কদবা খ্বাইদগী ফবা প্রক্তিস অদু গুদ গোভর্নেন্সকী খ্বাইদগী চাউবা লন্নি।
মরুপশিং,
এস্পিরেস্নেল দিস্ত্রিক্তশিংদা তৌরিবা থবকশিং অসি মালেমগী অচৌবা য়ুনিভর্সিতীশিংগীদমক্তসু স্তদী তৌনবগী সবজেক্ত অমা ওইরিবনি। হৌখিবা চহি ৪ অসিদা চাউরাক্না এস্পিরেস্নেল দিস্ত্রিক্ত খুদিংমক্কী জন ধন একাউন্তশিংদা শরুক ৪-৫ থোক্না হেনগৎলকখি। চাউরাক্না ইমুং খুদিংগী তোইলেত অমসুং খুঙ্গং খুদিংগী ইলেক্ত্রিসিতী য়ৌহল্লে। হায়রিবা অসি লাইরবশিংগী য়ুমশিংদা ইলেক্ত্রিসিতী য়ৌহনবা খক্তা নত্তে মসিনা মীয়ামগী পুনশিদা পাঙ্গল হাপ্পীরে অমসুং মফম অসিগী মীশিংনা লৈবাক অসিগী সীস্তেম অসিবুসু থাজবা হেনগৎহল্লে।
মরুপশিং,
ঐখোয়না হোৎনরিবশিং অসিদগী তমজনিংঙাই য়াম্না লৈ। জিলা অমনা জিলা অমগী মাইপাকপা অদুদগী তমগদবনি অমসুং অতোপ্পগী শিংনবশিং অদু এসেস তৌবা ঙমগদবনি। করম্না মধ্য প্রদেশকী ছত্তপুর জিলাদা চই মরিগী মনুংদা মীরোল্লবী নুপীশিংগী অহানবা ত্রাইমেস্তর-রেজিস্ত্রেশন তৌবগী চাং অসি চাদা ৩৭তগী ৯৭তা হেনগৎলকখি? করম্না অরুনাচলগী নামসাইদা, হরিয়ানাগী মেৱাততা অমসুং ত্রিপুরাগী ধলাইদা ইন্সতিত্যস্নেল দিলিভরী অসি চাদা ৪০-৪৫দগী ৯০দা হেনগৎলকখিবনো? করম্না কর্নাতকাগী রাইচুরদা চাং নাইনা অহেনবা ন্যুত্রিশন ফংলিবা মীরোল্লবী নুপীশিংগী মশিং অদু চাদা ৭০দগী ৯৭ হেনগৎলকখিবনো? করম্না হিমাচল প্রদেশকী চাম্বাদা গ্রাম পঞ্চায়তকী ধাক্তা চোমন সার্বিস সেন্তরশিংগী কোভরেজ অদু চাদা ৬৭তগী ৯৭তা হেনগৎলকখিবনো? নত্রগা ছত্তিসগরগী সুকমাদা, অঙাংশিং তিকা থাবগী চাং অসি চাদা ৫০ খক্তমক ওইরম্মি অদুবু হৌজিক্তি চাদা ৯০ তিকা থাদোকখ্রে। মসিগী সক্সেস স্তোরী খুদিংমক অসিদা লৈবাক অপুনবগী এদমিনিস্ত্রেশনগী ওইনদি অনৌবা কয়া অমা তমশিনবগুম্বনি অমসুং অনৌবা পরা কয়া অমসু লৈরি।
মরুপশিং,
নখোয়না উখ্রে মদুদি এস্পিরেস্নেল দিস্ত্রিক্তশিংদা লৈরিবা মীশিংদা খুমাং চাউশিন্নিংবগী খৌরাংবা লৈ, মখোয়দা এস্পিরেশন কয়া য়াম্না লৈরমগনি। জিলা অইগী মীশিংনা মখোয়গী পুনশিগী শরুক অয়াম্বা খুদোংচাবা কয়া অমত্তা ফংদনা অমসুং অৱাবা কয়া অমা মায়োক্নদুনা লাকখি। পোৎ অপিকপদগী অপিকপা অমগীসু মখোয়না অৱাবা মায়োক্নবা তারম্মি। মখোয়না অমম্বা অদুমতিক্কী উখিবনা অমম্বা অসিদগী থোরক্নবা মখোয়দা ঙাইঙমদবা ফাওই। মরম অদুনা মীশিংনা থৌনা উৎথোকপদা কিদ্রিবসে, রিস্ক লৌবা কিদ্রিবসে অমসুং খুদোচাবা অমা হেক ফংবগা, মদুগী কান্নবা লৌই। এস্পিরেস্নেল দিস্ত্রিক্তশিংদা লৈরিবা মীশিং অদুগী, খুনাই অদুগী পাঙ্গল থৌনা অদু ঐখোয়না খঙজিনগদবনি। ঐনসু থাজৈ মদুদি, মসিনা এস্পিরেস্নেল দিস্ত্রিক্তশিংদা তৌরিবা প্রোজেক্তশিং অদুদসু মসিনা মরম ওইরগা পুরক্লিবা অহোংবশিং অদুসু উবা ফংলি। মফম অসিগী মীশিংসু চাংথোরক্তুনা নখোয়গা থবক তৌমিন্নৈ। চাউখৎপা পাম্বগী অপাম্বা অদুনা পুন্না চৎমিন্নবগী লম্বি অমা ওইহল্লে। মীয়াম অমসুং এদমিনিস্ত্রেশন্না চপ য়ুংনা লেপ্লবদা, করম্না মতুংদা শোথদুনা লৈহৌদোরিবনো। মসিগী মতুং তারকপদি মমাংলোমদা চখৎপা খক্তনি। অমসুং ঙসিদি এস্পিরেস্নেল দিস্ত্রিক্তশিংগী মীশিংনা মসিনি তৌরিবসি।
মরুপশিং,
হৌখিবা চহিগী ওক্তোবর থাদা, ঐহাক্না মুখ্য মন্ত্রী অমসুং প্রধান মন্ত্রী ওইনা থৌ পুদুনা মীয়ামগী সেবা তৌবগী চহি ২০ হেন্না হেনখ্রে। দিকেদ কবা অমগী মমাংদগীসু ঐহাক্না লৈবাক অসিগী মফম মফমদা পাংথোক্লিবা এদমিনিস্ত্রেসনগী থবক তৌবগী মওংশিংসু ঐহাক্না য়াম মুন্না য়েংলকখি। ঐগী এক্সপেরিয়েন্সকী মতুং ইন্না ৱারেপ অমা লৌবা মতমদা লৈবা সিলোসশিংদুদগী থবক অদু পাংথোকপা মতমদা লৈবা সিলোসতুনা য়াম্না হেন্না শোকপা হেল্লি। অমসুং থবক পাংথোকপা মতমদা সিলোস লৈত্রবদি, লৈরিবা রিসোর্সশিং অদুগী ওপ্তিমম য়ুতিলাইজেসন তৌবা ঙম্মি হায়বসে এস্পিরেস্নেল দিস্ত্রিক্তশিংনা উৎখ্রবনি। সিলোস লৈত্রবদি ১+১, ২ ওইদে, সিলোস লৈত্রবদি ১+১, ১১ ওরকই। মসিগী অপুনবগী শক্তি অসি ঙসি ঐখোয়না এস্পিরেস্নেল দিস্ত্রিক্তশিংদা উবা ফংলি। করিগুম্বা ঐখোয়না গুদ গভর্নেন্সকী মরু ওইবা নিয়মশিংবু ইন্দুনা চৎপা ঙম্লবদি য়াম্না অরিকপা রোসোর্সশিংগী মতেংনসু ঐখোয়না অফবা ফল ফংবা ঙমগনি হায়বসে ঐখোয়গী এস্পিরেস্নেল দিস্ত্রিক্তশিংনা উৎখ্রবনি। অমসুং মসিগী কেম্পেন অসিদা লৌখৎকখিবা অপ্রোচ অসিমক অঙকপা অমনি। এস্পিরেস্নেল দিস্ত্রিক্তশিংদা লৈবাক অসিগী অহানবা এপ্রোচতি দিস্ত্রিক্তশিং অসিগী মরু ওইবা অৱাবাশিং খংদোকপা ওইখি। মসিগীদমক, মীচমগা হকথেংননা উনদুনা মখোয়না থেংনরিবা অৱাবাশিং অদুগী মরমদা হংনখি। ঐখোয়গী অনিসুবা অপ্রোচতনা - এস্পিরেস্নেল দিস্ত্রিক্তশিংগী এক্সপেরিয়েন্সকী মতুং ইন্না, ঐখোয়না থবক পাংথোকপগী মওংদা নোংমা নোংমগী চাওখৎপগী মায়কৈদা অহোংবা পুরক্লি। মেজরেবল ইন্দিকেতর্সকী সেলেক্সন তৌবা, হৌজিক হৌজিক লৈরিবা দিস্ত্রিক্তকী ফিভমশিং অসিগা মপান লমদম অমসুং লৈবাক অসিগী খ্বাইদগী অফবা ফিভমশিংগা চাংদম্নবা, চাওখৎপগী চাংগী রিয়ল তাইম মোনিতরিং তৌবা , অতোপ্পা দিস্ত্রিক্তশিংগা হেল্দী কম্পিতিসন তৌবা অমসুং বেস্ত প্রেক্তিসেসপু রেপ্লিকেত তৌবগী নুঙাইবা ফাওবা, হরাওবা অমসুং হোৎনবা য়াওবা, অসুম্না ঐখোয়না থবক পাংথোকপগী মওং অদু খনখি। দিস্ত্রিক্তশিং অসিদা এফেক্তিভ তীম অমা শেমগৎপা ঙম্বা হায়বসিনা ঐখোয়গী কেম্পেন অসিগী অহুম শুবা অপ্রোচ ওইখি। খুদম ওইনা ওফিসরশিংগী স্তেবল ওইবা তেনিয়োরনা নিয়মশিং হেন্না ফজনা পাংথোকপদা য়াম হেন্না মতেং পাংখি হায়না হৌজিক্তা নিতি আয়োগনা হায়খি। অমসুং মসিগীদমক ঐহাক্না মুখ্য মন্ত্রীশিংবু ইকাইখুম্নবা উৎলি। নখোয় পুম্নমক্না মসিগী এক্সপেরিয়েন্স অসি নশানা খঙবা ঙম্লে। গুদ গভর্নেন্সকী মমলবু ময়াম পুম্নমকনা খংনবনি ঐনা ৱা অসে হঞ্জিন হঞ্জিন্না হায়রিবসে। ঐখোয়না এম্ফাসিস ওন বেসিক্কী মন্ত্রবু ইন্দুনাবু চৎপা ঙম্লবদি, মদুগী ফলসু ঐখোয়না ফংবা ঙমগনি। অমসুং ঙসি ঐনা মসিদা পোৎ অমগসু হাপচন্নিংঙি। নখোয়না ফীল্দ ভিজিত, ইন্সপেক্সন অমসুং নাইত হাল্তকীদমক নখোয়না দিতেল গাইদালাইন শেমগদবনি, মোদেল অনৌবা অমা শেমগদবনি। মদুগা য়েংবিয়ু, মসিনা নখোয়বু কয়াম কান্নবা পুরকপগে হায়বদো।
মরুপশিং,
এস্পিরেস্নেল দিস্ত্রিক্তশিংদা মাইপাকখিবা অদু য়েংলগা, লৈবাক অসিনা মশাগী পান্দম অদু অমুক হেন্না চাউথোকহনখ্রে। ঙসি নিংখা তমখিবগী য়াম্না য়াইফরবা মতম অসিদা লৈবাক অসিগী পান্দমদি সার্বিসশিং অমসুং ফেসিলিতীশিংদা ১০০% সেচুরেসন! হায়বদি ঐখোয়না হৌজিক ফাওবদা ফংখিবা মাইপাকপশিং অদুদগী হেন্না শাংলবা কয়া অমা মায়োক্নগদৌরিবনি। অমসুং অৱাংবা থাক্তা থবক তৌগদৌরিবনি। ঐখোয়গী জিলাদা খুঙ্গং খুদিংমক্তা রোদ করম্না য়ৌহনগনি, মীপুম খুদিংমক্তা আয়ুশমান ভারত কার্দ করম্না য়ৌহনগনি, বেঙ্ক একাউন্তকী এরেঞ্জমেন্তশিং, লাইরবা ইমুং খুদিংমক উজজ্বলা গ্যাস কনেক্সনগী পীগদবনি,পেন্সন অমসুং হাউজিং ফেসিলিতীশিং অসিগী খুদোংচাবা ফংহনগদবনো, হায়রিবশিং অসি জিলা খুদিংমক্কী তাইম বা্ন্দ তার্গেত ওইগদবনি। অসুম্না জিলা খুদিংমক্না লাক্কদবা চই অনিগীদমক্তা মশাগী ভিজন থমগদবনি। নখোয়না মথংগী থা ৩গী মনুংদা লোইশিনবা ঙমগদবা অসিগুম্বা থবক ১০ খনবা য়াই অমসুং মসিনা মীচমশিংগী পুনশিদা ইজ ওফ লিবিং হেনগৎহনগদবনি। অসুম্না আজাদিকা অমৃত মাহোতসবকা মরী লৈনবা তাস্ক ৫ অমহেক্তা খন্দুনা, মদুবু মপুং ফানা পাংথোক্কদবনি। মসিগী থবক অসি, পুৱারী ওইবা মতম অসিদা, নখোয়গী, নখোয়গী জিলাগী, জিলাগী মীশিংগী পুৱারী ওইগদবা মাইপাকপা অমা ওইগদবনি। লৈবাক অসিনা এস্পিরেস্নেল দিস্ত্রিক্তশিবু চাউখৎহনবদা থবক তৌরিবা অদুগুম্না নখোয়নসু নখোয়গী জিলাদা ব্লোক লেভেলদা নখোয়গী প্রায়োরিতীশিং অমসুং পান্দমশিং অদু থম্বা য়াই। নহাক্না থৌদাং লৌরিবা জিলা অদুগী অফ-ফত্তশিং অদুসু খঙদোক্কদবনি অমসুং মখোয়গা কনেক্ত তৌগদবনি। মসিগী মগুনশিং অসিদা জিলা অদুগী পোতেন্সিয়েল অদু লৈরিবনি। নহাক্না উরম্লগনি ‘ৱান দিস্ত্রিক্ত, ৱান প্রোদক্ত’ হায়বসি জিলাগী মগুনশিং অদুদা য়ুমফম ওইরিবনি। নখোয়গী জিলা অদু নেস্নেল অমসুং গ্লোবেলগী ধাক্তা মশক খঙ্নবা হায়বসি নখোয়গী মিসন অমা ওইনা লৌগদবনি। মসিনা হায়বদি নখোয়না ভোকেল ফোর লোকেল অসি নকোয়গী জিলাশিংদসু মসিগী মন্ত্রা অসি শিজিন্নগদবনি। মসিগীদমক্তা নখোয়না চৎনবীগী ওইবা প্রোদক্তশিং অমসুং স্কিলশিং অদুবু মশক খঙদোক্কদবনি অমসুং ভেল্যু চেনশিং অদুবু কনখৎহনগদবনি। দিজিতেল ইন্দিয়াগী মওংদা লৈবাক অসিনা সাইলেন্ত রিভোলভুশন অমা উবা ফংলি। ঐখোয়গী জিলা অমত্তা মসিদা শোথদুনা লৈহৌরোইদবনি। ঐখোয়গী লৈবাক অসিগী খুঙ্গং খুদিংমক্তা দিজিতেল ইনফ্রাস্ত্রকচর য়ৌহনগদবনি অমসুং মসিনা য়ুমথোং খুদিংগী সার্বিসশিং অমসুং ফেসিলিতীশিং য়ৌহন্নবগী পাম্বৈ অমা ওইহনবা হায়বসি য়াম্না মরু ওই। নিতি আবোগকী রিপোর্তকী মতুং ইন্না চাউখৎপা থিন্থদুনা লৈহৌবা জিলাশিংগী দি.এম.শিং অমসুং সেন্ত্রেল ওফিসরশিংনা অখন্ননা খরা হেন্না হোৎনবগী মথৌ তাগনি। ঐনা নিতি আয়োগতসু জিলাগী দি.এম.শিংনা মখোয় মশেলগী মরক্তা তোইনা ইন্তরেক্সন তৌনবা মেকানিজম অমা শেম্নবা হায়রগনি। জিলা খুদিংমক্না অমনা অমগী বেস্ত প্রক্তিসশিং অদু মশা-মশাগীদা চৎন্নগদবনি। কেন্দ্রগী মন্ত্রালয় খুদিংমক্না তোঙান-তোঙানবা জিলাশিংদা থেংনরিবা চেলেঞ্জ খুদিংমক দোক্যুমেন্ত তৌগদবনি। মখোয়না মসিগী মতাংদা পি.এম. গতিশক্তি মাস্তর প্লানদগী করম্বা মতেং লৌবা য়াগনি হায়বদুসু য়েংগদবনি।
মরুপশিং,
ঙসিগী থৌরম অসিদা, ঐনা নখোয়দা চেলেঞ্জ অমা তৌবা পাম্লি, অনৌবা পানদম অমগা পীবা পাম্লি। মসিগী চেলেঞ্জ অসি রাজ্য ২২গী জিলা ১৪২গীদমক্তনি। হায়রিবা জিলাশিং অসি চাউখৎপগী লমজেলদা শোথদুনা লৈহৌদে। মখোয়শিং অসি এস্পিরেস্নেল দিস্ত্রিক্তশিংগী কেতেগোরীগী মনুং চন্দে। মখোয়শিংদি মাংজিল থাদুনা লৈরি। অদুবু হিরম কয়া অমদা মাংজিল থাজরবসু হিরম অমা অনিদা শোথদুনা লৈহৌরে। মরম অদুনা ঐনা মন্ত্রালয়শিংদা মখোয়গী মন্ত্রালয়শিং অসিগুম্বা পেরামিতরশিং অসি খঙদোক্নবা হায়খি। খরা অমনা জিলা তরা থিরকখি, খরা অমনা জিলা মরি থিরকখি, খরা অমনা জিলা তরুক থিরকখি, হৌজিক ফাওবদা অসিখৈদি ফংলে। খুদম ওইনা জিলা অমদা হিরম খুদিংমক্তা লোইনা ফরগা মেলন্যুত্রিসনগী অৱাবা লৈ। অসুম্না জিলা অমদনা ইন্দিকেতর পুম্নমক ফরগা এজুকেশনদা শোথদুনা লৈহৌরে। সরকারগী তোঙান-তোঙানবা মন্ত্রালয়শিংনা, তোঙান-তোঙান দিপার্তমেন্তশিংনা অসিগুম্বা জিলা ১৪২গী লিস্ত অমা শেমখি। হায়রিবা পেরামিতর অমা-অনি অসিদা তোঙান-তোঙানবা জিলা ১৪২ অসি শোথদুনা লৈহৌরে, হায়রিবা জিলাশিং অসিদুস কোলেক্তিব এপ্রোচকা লোইননা এস্পিরেস্নেল দিস্ত্রিক্তশিংদা তৌখিবা অদুগুম্না তৌগদবনি। মসি সরকারগী, ভারত সরকারগী, রাজ্য সরকারগী, জিলাগী এদমিনিস্ত্রেশনগী, সরকারগী মেছিনরীগীদমক্তদি অনৌবা তাঞ্জা অমসুং চেলেঞ্জ অমসুনি। মসিগী চেলেঞ্জ অসি ঐখোয় ময়াম পুন্না মপুং ফাহনগদবনি। মসিদা মুখ্যমন্ত্রীশিংগী কোওপরেশন ফংদুনা লাক্লি অমসুং তুংদসু ফংখিগনি হায়বা ঐহাক্না থাজৈ।
মরুপশিং,
হৌজিক কোরোনাগী মতমসু ওইরি। কোরোনাগীদমক্তা শেম-শাবা, মসিগী মেনেজমেন্ত, অমসুং কোরোনাগী মনুংদা চাউখৎপগী খোংজেলসু কায়হন্দনা থমবা অসিদসু জিলা খুদিংমক্না চাউরবা থৌদাং লৌরি। মসিগী জিলাশিং অসিদসু তুংদা লাক্কদবা শিংনবশিং অদুবু য়েংলগা হৌজিক্তগী হৌনা থবক তৌবা হৌগদবনি।
মরুপশিং,
ঐখোয়গী ঋষিশিংনা হায়খি – “জল বিন্দু নিপাতেন ক্রমস:পুর্য়তে ঘত:” মসিগী ৱাহন্থোক্তি ঈশিং মরিক মরিক্না চফু থনহল্লি। মরম অদুনা এস্পিরেস্নেল দিস্ত্রিক্তশিংদা নখোয় খুদিংমক অদুনা নখোয়গী জিলা অদুবু চাউখৎপগী অনৌবা থাক অমদা পুখৎলগনি। মসিদা তিনবা য়াওরিবা সিভিল সার্বিসেস কলীগশিংদা ৱাফম অমতংদি নিংশিংনবা হায়জগে। সার্বিস অসিদা নখোয়গী অহানবা নুমিৎ অদুবু শোইদনা নিংশিংগদবনি। নখোয়না লৈবাক অসিগীদমক্তা কয়া য়াম্না তৌনিংবগে, কয়া য়াম্না এনর্জেতিক ওইখিবগে, সেবা তৌনিংবগী ৱাখল্লোন কয়া য়াম্না পোকখিবগে। ঙসি মদুগী ৱাখল্লোনা অদুগা লোইননা খোং থাংগদবনি। নিংতম্বগী অসিগুম্বা ফরবা মতম অসিদা তৌগদবা মবাম লৈ, ফংগদবা মবাম অমা লৈ। এস্পিরেস্নেল দিস্ত্রিক্ত খুদিংমক্কী চাউখৎপনা লৈবাক অসিগী মঙলান অদুবু মঙফাওনহনগদৌরিবনি। নিংতম্লবা মতুং চহি চাম্মা মপুং ফরবা মতুংদা অনৌবা ভারত অমগীদমক্তা ঙনা মঙখিবা মঙলান অদুবু মঙফাওনহন্নবগী লম্বি অসি ঐখোয়গী জিলাশিং অমসুং খুঙ্গংশিং অসি ফাওদুনা চৎলি। ঐহাক্না থাজৈ মদুদি নখোয়না হোৎনবা মতমদা অঙম্বা মখৈ তৌগনি। লৈবাক অসিনা মখোয়গী মঙলানশিং অদু মঙফাওনহনবা মতমদা মরুপশিং নখোয়গী চাউরবা থৌদাং অমা মসিগী তাংনা থোকপা তাঙ্কক অসিদা য়াওগদৌরিবনি। মসিগী থাজবা অসিগা লোইননা, ঐহাক্না মুখ্য মন্ত্রী পুম্নমকপু থাগৎপা ফোংদোক্লদুনা নহা ওইরিবা মরুপশিংনা নখোয়গী পুনশিংদা হোৎনখিবশিং, ফল পুরকখিবশিং, অদুগীদমক্তা য়াম্না হরাওবা ফোংদোক্লি, থাগৎপা ফোংদোক্লি! ২৬ জনুৱারীসু নকশিল্লকএ, মদুগীসু প্রেসর লৈ, জিলাগী মেজিস্ত্রেতশিংনা অমুক হেন্না প্রেসর লৈ। হৌখিবা চহি অনিদগী কোরোনাগী মায়োক্তা লান্থেংনবা মতমদা নখোয়না ফ্রন্তলাইনদা লৈদুনা লাক্লি। অমসুং অসিগুম্বা ফিভম অসিদা থাংজা নুমিৎ অসিদা ঐহাক্না নখোয়বু ঐগা লৈমিন্নবা অৱাবা অমুক পী, অদুম ওইনমক নখোয় ময়াম্না হরাও তয়াম্বা অমসুং থৱায় য়াওবগা লোইননা মফম অসিদা তিনবা অসি, ঐগী ওইনদি মসি য়াম্না হরাওনিংঙাইনি। নখোয় ময়াম্বু য়াম্না থাগৎপা ফোংদোক্লি! য়াম্না অফবা-য়াইফবা ওইরসনু হায়না পাউজেল পীরি!
