নুপীশিংগী ফিদম ঙাক্লনবা অমদি হিংবদা নুংঙাইহন্নবা পায়খৎখিবা থবকশিংগীদমক্তা থাগৎপা ফোঙদোক্লদুনা লমদমদুগী নুপীশিংনা পি.এম.গী মফমদা অচৌবা রাখি অমা খুদোল তমখি
বিনিফিসিয়রীশিংগী ৱারী ৱাতায় শানখি“অচেৎপা ফিরেপকা লোয়ননা লৈঙাক্না বিনিফিসিয়রীশিংগী মফমদা পুকচেল শেংনা খুৎ তিংথোক্লবদি ৱাহন্থোক লৈবা মহৈ ফংই”লৈঙাক অসিগী চহি ৮দি ‘সেবা সুহাসন অমসুং গরিব কল্য়ান্দা’ কত্থোকখ্রে“ঐগী মঙলান্দি মপুং ফানা য়ৌশিনবদুনি। ঐখোয়না চাদা ১০০ কোনশিন্নবগী মায়কৈদা চঙশিনগদবনি। লৈঙাক্কী মেচিনরীশিংনা মসিদা হৈনবী থমদুনা মীয়াম মরক্তা থাজবা অমা শেমগৎকদবনি”বিনিফৎসিয়রী ১০০% কোনশিনবা হায়বদি সবকা সাথ, সবকা বিকাসকা লোয়ননা ফুরুপ খুদিংমক্কী কাঙলুপ খুদিংমক্কী মীওইশিংদা ফংহনবা হায়বনিখরুমজরি
ঙসিগী উৎকর্স সমারোহ অসি তশেংনমক অথোইবা থৌরম অমনি অদুগা লৈঙাক্না পুকচেল শেংনা পান্দম অমগা লোয়ননা কান্নবা ফংফম থোকপশিং শোয়দনা ফংহন্নবা হোৎনরবদি অফবা মহৈ ফংবা ঙম্মি হায়বগী খুদম অমসুনি। সোসিএল সিক্যুরিতীগা মরী লৈনবা স্কিম ৪ অসিবু চাদা ১০০ সেচুরেসন ফংনবা হোৎনরিবসিগীদমক ভরুচ দিস্ত্রিক্ত এদমিনিস্ত্রেসন অমসুং গুজরাত লৈঙাকপু ঐনা ফনা থাগত্তুনসু ৱাৎলগনি। ময়াম পুম্নমক থাগৎপদা মতিক চারবা মীওই ঙাক্তনি। হৌজিক ঐনা হায়রিবা স্কিমশিং অসিগী কান্নবা ফংলিবা মীওই খরগা ৱারী শানবা মতমদা, মখোয়দা নুংঙাইবা, মশানা মশাবু থাজবা ফাওই হায়বা ঐনা উবা ফংখি। খুদোংচাদবা ফীভম মায়োক্নবদা লৈঙাক্কী মায়কৈদগী মতেং মচা অমত্তা ওইরবসু ফংলবদা থৌনা কয়া য়াম্না হাপ্পগে অদুগা খুদোংচাদবা ফীভমদু মশানা লাপথোকখিদুনা অদুগুম্বা খুদোংচাদবশিং অদুবু খাঙদুনা থেংনদুনা লেনখিবা মীওইশিংদুদা হেন্না মপাঙ্গল হাপ্পি। ৱাফমসি ঙসি ঐনা ময়ামসিগা ৱারী শানবদা খঙবা ঙমবনি। স্কিম ৪সিগী মনুংদা নুপীশিংদা, ইমুং মনুংশিংদা কান্নবা ফংলিবা ঐগী আদিবাসি ইচিল ইনাওশিং, ঐগী দলিত অমসুং শোত্থহৌরবা ফুরূপকী ইচিল ইনাওশিং অমদি অতোনবা কাঙলুপকী মীওইশিংনা খঙজিনগদবদি মতিক চাবা ঈ-পাউ ফংদবনা মরম ওইরগা মীওই কয়া অমদি অসিগুম্বা স্কিম ময়াম অমগী কান্নবা ফংদনা লৈরি। করিগুম্বা মতমদা হায়রিবা স্কিমশিং অসি শুপ্নতগী চেদা তাদুনা লৈবসু য়াওই। করিগুম্বা মতমদনা মপুকচেল শেংদবা মীওইশিংনা স্কিমশিং অসিগী কান্নবা লৌথোকখিবা য়াওই। অদুবু পুক্নিং চেৎপা, পুকচেল শেংবা, থম্মোয় শেংনা থবক তৌনিংবগী অনিংবা হায়রিবশিং অসি ঐনা মতম পুম্নমক্তা তৌনবা হোৎনরিবা ৱাফমশিংনি। সবকা সাথ – সবকা বিকাসকী ৱাখল্লোন্না মায় পাকপসু পুরকই। স্কিম অমা হেক্তবু চাদা চাম্মা মীয়ামদা কান্নবা পীবা হায়বসি অচৌবা পান্দম অমনি। অরুবা থবক অমা ওইজরবসু অচুম্বা লম্বীদি মসিনি। ঐনা বিনিফিসরীশিং অমসুং লৈঙাকপু অসিগুম্বা মায় পাকপা অমা ফংলিবসিগীদমক্তা নুংঙাইবা ফোঙদোকচরি।
মরূপশিং,
অদোম্না ঐবু, ঐখোয়গী লৈঙাকপু গুজরাত্তগী লৈবাকসিগী থৌগল তৌনবগীদমক দিল্লিদা থাখিবা চহি ৮ ফারক্লে হায়বা অদোমসু খঙবিরমগনি। চহি ৮ অসি লৈবাক্কী থৌগল, অফবা লৈঙাক অমসুং লায়রবশিংগী য়াইফনবগীদমক কত্থোক্তুনা লাকখি। ঙসি ঐনা তৌবা ঙমজরিবা পুম্নমক মীয়ামগী মফমদগী তমজরকপশিং অদুননি। অদোমগী মরক্তা পুন্সি লেল্লক্তুনা চাওখৎপা করিনো, অৱা চৈথেং কমদৌই, লায়রবা করিনো, খুদোংচাদবশিং করিনো হায়রিবশিং অসি হকথেংননা উখি, অদুগা হায়রিবা থেংনরকপশিং অদু পুদুনা লৈবাক পুমবগী, লৈবাকসিগী মীয়াম করোর কয়াগীদমক, ইমুং অমগী মীওই অমগুম্না থবক তৌরি। লৈঙাক অসিনা লেপ্তনা হোৎনরিবদি লায়রবশিং য়াইফনবগী স্কিমশিংগী কান্নবা ফংফম থোকপা মীওই খুদিংমক্তা ফংহনবদুনি। ফংফম থোকপা পুম্নমক ফংহনগদবনি অমদি মপুং ফানা ফংহনগদবনি ইচিল ইনাওশিং।
ঐখোয়না স্কিম অমদা চাদা চাম্ম হায়বদি ১০০% পান্দম ফংবা মতমদা ১০০% হায়রিবসি শুপ্নতগী মশিং অমা নত্তে। পাউচেদা এদভর্তাইজ হাপ্নবখক্কী নত্তে। মসিনা তাক্লিবদি লৈঙাক অসি মওং চুম্না মীয়ামগী য়াইফনবা লম্বীদা চঙশিল্লি, অদোমগী অৱা-নুংঙাইগী খোঙলোয়নি হায়বগী খ্বাইদগী চাউবা খুদম্নি। ঙসি লৈবাকসিদা ঐখোয়গী লৈঙাক চহি তরেৎ মপুং ফারে অমদি চহি নিপালসু মপুং ফারক্কদৌরিবা অসিদা অনৌবা ফিরেপ অমগা লোয়ননা, অনৌবা ইনোৎকা লোয়ননা মাঙদা চঙশিন্নবগীদমক শেম শারি। নোংমা ঐনা অচৌবা, মীয়াম্না ইকায় খুম্নবা নেতা অমা থেংনরম্মি। ঐখোয়গী মায়োক্তা তত্তনা লেপ্পি রাজনিতিগী ওইবা লমদসু মায়োক্তা লেপ্পি। অদুবু ঐনা মাবু ইকায় খুম্নৈ। ৱাহৈ খরদা মহাক্কা খরা নুংঙাইনদবা, য়ানবা ৱাফমশিংসু অদুমক লৈ। নোংমা মহাক ঐবু উনবা লাক্লম্মি অদুগা হায়রম্মি অদুদি মোদী জী হৌজিক করি তৌগদৌরি। লৈবাকসিনা অদোমবু অনিরক হন্না প্রধানমন্ত্রী ওইহল্লে। হৌজিক করি তৌগদৌরি। প্রধান মন্ত্রী অনিরক ওইবা হায়বসি য়াম্না শাংলে হায়না মহাক্না খল্লম্মি। মোদীদি তোপ তোপ্পা লৈহাউদগী চাউরকপা মীওইনি হায়বা মহাক খঙলমদে। গুজরাতকী লৈহাউনা শেম্লকখিবনি। মরম অদুনা থোকখ্রিবা পুম্নমক থোকখ্রবসু হৌজিক্তি পোত্থাবা য়ারবরা? য়াদে, ঐগী পান্দমদি সেচুরেসন্নি। চাদা চাম্মগী পান্দমদা ঐখোয় চঙশিনসি। লৈঙাক্কী মেচিনরীশিংদা হৈনবী অমা শেমগৎসি। মীয়ামগী মফমদসু থাজবা পোকহনসি। অদোমসু নীংশিংবিরমগনি ২০১৪দা অদোম্না ঐখোয়দা থৌগল তৌনবগী খুদোংচাবা পীরকপা মতমদা লৈবাকসিগী মীশিংগী চাউরাক্না তঙ্খায়রোমদি খোঙহাম খুৎহাম্ফম, তিকা থাবগী, মৈ কন্নেক্সনগী, বেঙ্ক একাউন্ত হাংবগী খুদোংচাবদগী মাইল চা কয়া লাপ্না মওং অমগী পুন্সি মহিং অমদা লৈরম্মি। হৌখিবা চহি খরা অসিদা ঐখোয় পুম্নমক্কী হোৎনজমলনা স্কিম কয়া অমদি চাদা চাম্ম সেচুরেসন ফংবগী মায়কৈদা নকশিল্লক্লি। চহি নিপান ফারকপগী মরুওইবা তাঞ্জা অসিদা অমুক্কা হন্না খ্বাঙশেৎ লাক্তুনা, পুম্নমক পুনশিন্দুনা হোৎনমিন্নদুনা মাঙদা চঙশিনগনি অমদি মথৌ তাবশিংদা, ফংফম থোকপা পুম্নমক্তা মখোয়গী মঙম ফংহন্নবগীদমক থৱায় হকচাঙ য়াওনা হোৎনগনি। ঐনা হান্নসু হায়খিবদুনি অসিগুম্বা থবক অসি অরায়বদি নত্তে। রাজনেতাশিংসু মহাক্কা খুৎ শোক্নবা কি। অদুবু ঐদি রাজনিতিগীদমক শারকপা নত্তে, ঐগী শুপ্নতগী লৈবাক মীয়ামগী থৌগল তৌনবখক্কী লাকখিবনি। চাদা চাম্ম বিনিফিসরীশিংদা ফংহন্নবা লৈবাকসিনা ফিরেপ লৌরি, অদুগা চাদা চাম্ম কান্নবা ফংলবদি মদুদা ইহান হান্না মীওইবা খুন্নাইদা লাক্কদৌরিবা অওনবা অদু য়াম্না মরুওই হায়না লৌই। মদুনা লৈবাক মীয়ামবু খুদোংচাদবা ফীভমদগী পুথোরক্কদৌরিবনি। নিনবগীদমক লেপ্তুনা লৈবগী ৱাখল্লোন লোইখিনি। মখোয়গী পুক্নিংদা মসি ঐখোয়গী ইরমদম্নি, ঐখোয়গী লৈঙাক্নি, শেনফমশিং অসি ঐখোয়গী মঙম্নি, লৈবাক মীয়ামগী মঙম্নি হায়বগী থাজবা অমা পোক্লক্কনি। হায়রিবা ৱাখল্লোন অসি মখোয়গী পুক্নিংদা পোক্লকপগা লোয়ননা মখোয়দা থৌদাং য়ানবগী ইহুলগী মরুসু হুল্লক্কনি।
মরূপশিং,
সেচুরেসন লৈরবদি খেন্নবা পুম্নমক মাঙখিগনি। ৱাচৎ ৱানোমগী মথৌসু তাররোই। মহাক্না হান্না ফংখ্রবসু তুংদা ঐসু ফংগনি হায়না পুম্নমক্না থাজরগনি। থা অনিগী মতুংদা ফংবা য়াই নৎত্রগা থা তরুক্কী মতুংদা ফংবা য়াই, অদুবু ফংদি শোয়দনা ফংগনি। মহাক্না কৈদৌঙৈদসু ৱাচৎ ৱানোমগী মথৌ তাররোই অদুগা পীগদৌরিবা অদুনসু ঐগী নত্তবনিনা পীরিবনি হায়বা য়াররোই। খেন্নবা থমবা য়াররোই অদুগা লৈবাকসিনা চাদা চাম্ম ফংফম থোকপশিংদা ফংহন্নবা ফিরেপ লৌরি, ঙসি চাদা চাম্মা ফংহনবা ঙম্লবদি পেলহনবগী রাজনিতীসু লোইখ্রগনি। মদুগী মফম অমত্তা লৈররোই। চাদা চাম্ম ফংফম থোকপশিংদা ফংহনবা হায়বদি খুন্নাইগী খ্বাইদগী মনিংদা লেপ্লিবা মীওইদু য়ৌহনবদুবুনি। মাগীনি হায়বদা কনাসু লৈত্রবদুগী লৈঙাক লৈরি। লৈঙাক্না মহাক্কী খোঙলোয় ওইদুনা চৎননবা ফিরেপ লৌরি। ৱাখল্লোন অসি লৈবাকসিগী কাচিন্দা লৈরিবা ঐখোয়গী ত্রাইবেলশিং, অতেকপা খাঙপোকশঙদা লৈবা ঐখোয়গী লায়রবা ইমা ইবেনশিং, হনুথংদা মথন্তা হিংলিবা মীওই ওইরবসু পুম্নমক্কী মফমদা মখোয়না থোঙজিন্দা পোৎশক পুম্নমক য়ৌহন্দুনা থাজবা পোকহনগদবনি।
মরূপশিং,
চাদা চাম্ম ফংফম থোকপশিংদা ফংহনবা হায়বদি কাঙলুপ, থাক খুদিংমকপু মান্নবা মীৎয়েঙদা পুম্নমক্কা লোয়ননা পুম্নমক্কী চাওখৎপা পুরক্তুনা লায়রবশিংগী স্কিমশিংনা চাদা চাম্ম য়ৌহন্দুনা কনাবুসু চিত্থহৌদনবা হোৎনবদুনি। মসি য়াম্না চাওবা ফিরেপ অমনি। ঙসি অদোম্না পীরিবা রাখি, লুখ্রাবী মমা ওইবীশিংনা ঐগীদমক্তা অসুক চাউখ্রবা রাখি শেম্বিরি। মসি শুপ্নতগী লং অমা নত্তে, মসিনা অদোম্না ঐগী ইফমদা পাঙ্গল হাপ্লিবনি, মঙলান কয়া পুদুনা চৎলিবা অসিবু মঙফাওনহন্নবগী পাঙ্গল হাপ্লিবনি। মরম অসিনা ঙসি অদোম্না ইফমদা পীরিবা রাখি অসি ঐনা মমল নাইদ্রবা খুদোল অমা ওইনা লৌই। রাখি অসিনা মতম পুম্নমক্তা লৈবাকসিগী লায়রবশিংগী থৌগল তৌনবা, চাদা চাম্ম সেচুরেসন ফংনবা মায়কৈদা লৈঙাকশিংবু খোঙ থাংজিলহন্নবা ইহুলসু পীরগনি, থৌনাসু পীরগনি অদুগা মতেংসু ওইরগনি। মসিনি পুম্নমক্কা লোয়ননা পুম্নমক্কী চাউখৎপা, পুম্নমক্কী থাজবা অমদি পুম্নমক্না হোৎনমিন্নবা হায়রিবসি। ঙসিগী রাখি অসিসু লুখ্রাবী মমাশিংগী হোৎনজমলনা শেম্লক্লিবনি অদুগা ঐনা গুজরাত্তা লৈরিঙৈ মতমদা ঐনা হন্না হন্না হায়খিবা ৱাফমশিং করিগুমবদসু পাউ-চেদা য়াওরকই। ঐগী চেকশিন থৌরাংগী মরী লৈনবা পাউশিং পাউ-চেদা য়াওরকই। করিগুম্বা মতমদসু ঐনা নাবগী পাউসু য়াওরকই, মতমদুদা ঐদি ইমা, ইচে-ইচল করোর কয়াগী ঙাকথোক্নবা চুঙ্গোয় ফংলি। অসিগুম্বা ইমে ইবেল, ইচে ইচল করোর কয়াগী ঙাকথোক্নবা চুঙ্গোয় লৈরিবমখৈ ঐঙোন্দা করিসু তৌরোই হায়না হেক হেক হায়। ঙসি খোঙথাঙ খুদিংদা ইমা ইবেল, ইচে ইচল খুদিংমক্কী য়াইফরোলনা ঐবু ঙাকথোকপিরি। অসিগুম্বা ইমা ইবেল, ইচে ইচল কয়াগী লমন ঐনা কৈদৌঙৈদসু শিংবা ঙম্লরোই। মরম অসিনা মরূপশিং, অসিগুম্বা চৎনবীসিনা মরম ওইরগা ঐনা লাল কিলাদগী থৌনা থনা অরুবা ৱাফম অমা হায়খি। অরুবা থবক্নি হায়বা ঐ খঙই, থবক ওইনা পাঙথোকপদা কয়াম লুবগে হায়বা ঐ খঙই। স্তেত খুদিংমক পুক্নিং থৌগৎপা, পুম্নমক খুৎশম্ননা চৎমিন্নবা অরুবা থবক অমনি হায়বা খঙই। লৈঙাক্কী শিন্মী পুম্নমকপু থবক অসিগীমদমক চেলহনবা অরুবা থবক্নি হায়বা খঙই। অদুবু নীংতমবগী অমৃৎ মতম্নি। নীংতমখিবা চহি ৭৫ শুরে। হায়রিবা অমৃৎ মতমসিদা তঙাই ফদনা চঙদ্রবা য়াদ্রবা খুদোংচাবশিংগী স্কিমশিংগী সেচুরেসনগী ৱাফম ঐনা লাল কিলাদগী থমখি। চাদা চাম্ম থৌগল তৌবগী ৱাখল্লোন্না ঐখোয়গী থৌরাং, খুন্নাইদা অচুমবা ৱায়েল ফংহন্নবগী অচৌবা পামবৈ অমা ওইরিবনি। ঐখোয়গী গুজরাতকী ইচঙ থৌরবা মুখ্য মন্ত্রী ভুপেন্দ্র ভাই পতেলনা মহাক্কী মীৎয়েঙ মখাদা গুজরাত লৈঙাক্না পান্দম অসিবু ফংনবগীদমক মপুং ফানা পুক্নিং লুপ্তুনা হোৎনখিবদা ঐ নুংঙাইবা ফাওই।
মরূপশিং,
ঐখোয়গী লৈঙাক্না খুন্নাইগী ঙাকশেল, অতৈ য়াইফ থৌরাং অমসুং লায়রবশিংদা ইকায় খুম্নবা ঙাক্না হিংনবা ঐগী সেচুরেসনগী থৌরাং অসি ৱাহৈ অমনা মহুৎ শিল্লু হায়রগদি লায়রবশিংগী ইকায় খুম্নবদুনি। লায়রবশিংনা ইকায় খুম্নবা ঙাক্না হিংনবগী পান্দম অমসুং থৌওংশিং অসিনা ঐখোয়বু পুক্নিং থৌগৎলি। ঐখোয়না মমাঙদা সোসিএল সিক্যুরিতীগী ৱা তাবদা অতোপ্পা লৈবাক মচা মচাশিংগী মমিং খুদম ওইনা হেক হেক পল্লি। ভারত্তা মসিবু চৎনহন্নবগীদমক থৌরাং তৌরম্লবসু মদুগী পনখৈ অমসুং ইথিল য়াম্না অকক্নবা ওইরম্মি। অদুবু ইং ২০১৪গী মতুংদগীদি লৈবাকসিনা মসিগী পনখৈ পাকথোক চাউথোকহনখি, লৈবাকসিনা পুম্নমক কোনশিন্দুনা চৎমিন্নখি। মদুগী মহৈ ঐখোয়গী মীৎমাঙদা তাদুনা লৈরে। মীওই করোর ৫০ হেনবনা লুপা লাখ ৫ ফাওবগী লেম্না লায়েংবগী খুদোংচাবা ফংলে, মীওই করোর কয়ানা লুপা লাখ ৪ ফাওবগী অশোক অপনগী অমদি পুন্সিগী ইন্স্যুরেন্স ফংলে, ভারত মচা করোর কয়ানা চহি ৬০গী মতুংদা শোয়দনা পেন্সন ফংনবগী ফীভম লৈরে। পক্কাগী য়ুম, তোইলেৎ, গেস কন্নেক্সন, মৈগী কন্নেক্সন, ঈশিংগী কন্নেক্সন, বেঙ্ক একাউন্ত অসিনচিংবা খুদোংচাবশিংগীদমক লৈঙাক্কী লোয়শঙশিংদা কোইচৎ চৎপদা মতম মাঙলবা মতুংদা মায়থিরদুনা তোক্নরম্মি। লৈঙাক অসিনা হায়রিবা ফীভমশিং অসিদা অহোংবা পুরকখি, স্কিমশিংদা শেমদোক শেমজিন তৌরখি, অনৌবা পান্দম থমখি অমদি মদুবু লেপ্পা লৈতনসু ফংদুনা লাকখি। তাঞ্জা অসিনা লৌমীশিংনা অহানবা ওইনা হকথেংননা মতেং ফংলে। অপীকপা লৌমীশিংগী মফমদদি কনানসু হংনরমদে অদুগা লৈবাকসিগী লৌমীগী চাদা ৯০দি অপীকপা লৌমী ঙাক্তনি। চাদা ৮০ হেনবা, চাউরাক্না চাদা ৯০গী চাংদি মখোয়গী লৌফম একর ২ য়ৌনা লৈতে। হায়রিবা অপীকপা লৌমীশিং অসিগীদমক ঐখোয়না স্কিম অমা শেমখি। ঐখোয়গী ঙামী ইচিন ইনাওশিংদা বেঙ্কনা করিসু হংবিরমদে। ঐখোয়না কিসান ক্রেদিত কার্দ ঙামীশিংগীদমক্তসু হৌদোক্লম্মি। মসিদসু নত্তনা লম্বী মতাইগী পোৎফম ফমবশিং, থেলা ইনবশিংবুসু পি.এম. স্বানিধিগী মখাদা অহানবা ওইনা বেঙ্কতগী তেংবাং ফংহল্লে অদুগা লম্বী মতাইগী পোৎফম ফম্বশিংগী লল্লোন ইতিক্কী শেন্দোয়গী লাংদগী নান্থোকহনবা ঐনা পাম্মি। মখোয়গী হুমাংমলনা তাল্লক্লিবা শেনফম পুম্নমক ময়ুমদা য়ৌহনবা পাম্মি। মসিগীদমক্তা কেম্পেন অমা পায়খৎলি। ভরুচ ওইরবসু, অঙ্কলেস্বর ওইরবসু, ৱালিয়া ওইরবসু মফম খুদিংদা মসিগা কান্নবা য়ৌহনবা পাম্মি। ভরুচতা হকথেংননা উবা পাম্মি, অদুগা মতম কুইনদগী মফমসিদা লাকখিদ্রে, অদুনা পুক্নিংদসু ফাওই মরমদি ভরুচকা ঐগা লৈনরিবা মরী মতম কুইরবা মরীনি। অদুগা ভরুচতি ঐখোয়গী নাৎকী লন, লল্লোন ইতিক্কী লন, চহি লিশিং কয়া শুরবা মফমনি। মালেমসিদা অপুনবগী শক্তম পুরকপদা ভরুচকী মমীং পন্নরমবা মতম অমা লৈরম্মি। ভরুচ-অঙ্কলেস্বর লমদমসিগী নাৎকী ফজবা, লৌমীশিং, ত্রাইবেল ইচিন ইনাওশিং হৌজিক্তি লল্লোন ইতিক, ইন্দস্ত্রীদা খোঙ থাংজিল্লি। ভরুচ-অঙ্কলেস্বর ত্বীন সিতী ওইরে। হান্নদি কনানসু খন্নরুদে। ঐনা মতম খরা মফমসিদা লৈবসিদা হান্নগী মতমশিং নীংশিংলক্লি। ঙসি মতমগী য়াওলদা চাওখৎপগী খোঙজেলদা ভরুচ দিস্ত্রিক্ত মমীং লৈরে। থবক কয়া পায়খৎলি, অদুগা ভরুচকী মীয়াম মনাক্তা লাকপা মতমদা হান্ন খঙন-চান্নরমবা মীওই পুম্নমক নীংশিংলক্লি। অরিবা মরুপ, মীওই কয়া, মশক নাইরবা মরূপশিং, করিগুম্বদসু পাউ ফাওনবা য়াওই। চহি কয়াগী মমাঙদা সঙ্ঘগী থবক তৌরিঙৈদা ঐনা বসতগী কুমথরক্লবা খোঙনা মুক্তিনগর সোসাইতীদা চৎপা মতমদা মুত্থুচন্দভাই চৌহানগী য়ুম, ঐখোয়গী বিপিনভাই সাহ, শঙ্করভাই গান্ধী, অতৈ মরূপশিং থেংনখিবা পুম্নমক নীংশিংলকই। অদোমবু উরগা থৌনা ফরবা মরূপ সিরীস বঙ্গালিবু য়ম্না নীংশিংলকই। খুন্নাইগঈদমক হিংলিবা মীওইশিংনি। ঐখোয়না পাঞ্চবতি বিস্তার, লল্লুভাইগী লৈরক্তগী হৌরকখিবনি। পাঞ্চবতি অমসুং লল্লুভাইগী লৈরক্কী ফীভম কমদৌরমবগে হায়বা হৌজিক্কী চহি ২০-২৫গী নহাশিংনাদি খঙলম্লরোই। য়াম্না খুবা লৈরক্নি, স্কুতরদা চৎপা ফাওবা য়াম্না খুদোং চারমদে। ঐনা তোয়না চৎপা মফম ওইবনা কোম কয়া য়াম্না লৈরমবগে হায়বা ঐ নীংশিংলি। মমাঙদদি ঐ মীয়ামগী মীফম য়াওবগী খুদোংচাবা ফংলমদে। চহি কয়াগী মমাঙদা ভরুচকী মীয়াম্না মখোয়গী শক্তিনগর সোসাইতীদা ঐবু ফারম্মি। মতমদুদা ঐ রাজনিতীদা খোঙদাদ্রি। শক্তিনগর সোসাইতীদা মীফম অমা পাঙথোক্লম্মি, চহি ৪০ হেল্লে। ঐ পুমঙক ঙক্লম্মি, সোসাইতীদুদা লেপফম ফাওবা লৈরমদে। য়ামখ্রবা মীয়ামদুনা য়াইফরোল পীনবা লাক্লম্মি। ঐনা করিসু তৌরুবা নত্তে, কনাসু খঙলুদে, অদুম ওইনমক অচৌবা মীফম অমা ওইখি। মতমদুদা ঐদি রাজনিতীদা করিসু লৈবা নত্তে। নৌনা চঙলকপদা ঙায়রিবনি, তম্লিবনি। মতমদুদা পাউমী কয়া থেংনখি, ঐগী ৱারোল পীরবা মতুংদা ভরুচতা কংগ্রেসনা কৈদৌঙৈদসু মায় পাক্লোই হায়বা খঙজিল্লু হায়না মখোয়দা হায়রম্মি। অসুম্না মতমদুদা ঐনা হায়রম্মি। ঙসিদগী চহি ৪০গী মমাঙদনি। মতমদুদা ময়াম্না নোক্লম্মি, ঐবু নোক্নরম্মি, অদুগা ঙসি ঐনা হায়জনিংবদি ভরুচকী মীয়ামগী মিনুংসি অমসুং য়াইফরোলনা ঐনা হায়খিবা ৱাফম অদু অচুমবা ওইরে। ভরুচ অমসুং ত্রাইবেল ইমুংশিংদগী অয়ুক য়াম্লবা মিনুংসি ফংলিবসিগী মরমদি ঐনা ফুরূপ কয়াগী ইমুংশিংগী মরক্তা লৈরকপা, মখোয়গী অৱা-নুংঙাইগীদমক থবক তৌরমবা, মতমদুদা লৈরমবা চন্দুভাই দেশমুখ কৌবা মীওই অমগা থবক তৌমিন্নরমবা মতুংদা ঐখোয়গী মনসুখভাইনা থবক থৌরম পুম্নমক পানরম্মি। ঐগী থৌদাং কয়া মহাক্না য়ারম্মি। মরূপ কয়াগা, মীওই কয়াগা থবক তৌমিন্নরমবা নুমিৎশিং অদু ময়ামগী মরক্তা লাক্লবা, তিল্লবা মতমসিদা কয়াদা নুংঙাইবা ফাওরিবা। ফনা লাপ্নখ্রবসু পুম্নমক নীংশিংলক্লি। মতমদুদা লম্বী কয়াম ফৎলমদবগে হায়ববু মনা মশিং য়োনবা লাকপশিংসু মখোয়গী মনা মশিংশিং মখাদা তারম্মি। মতৌ অসুম্না লৈরমবনি লৈবাক অসি। ঐনা লম্বীদা চৎপা মতমদা লায়রবা কনাগী থেলা লোংদুনা লৈবা থেংনবদা ঐনা লৌখৎপিরম্মি। অদুগুমবা মতমদুদা ঐনা ভরুচতা থবক তৌরমবনি। অদুবু ঙসিদি ভরুচ মায়কৈ খুদিংদা চাওখৎলক্লি। লম্বী থোংগী ফীভম ফরে, পুন্সি মহিং ফগৎলে, মহৈ মশিং তম্ফম, হকশেলগী ফীভম খোঙজেল য়াঙনা ভরুচ দিস্ত্রিক্তা ফগৎলক্লি। উমরগাওদগী অম্বাজি ফাওবা ত্রাইবেলশিংনা লৈরি, ত্রাইবেল মফমশিংদা গুজরাত্তা ত্রাইসবেল মুখ্য মন্ত্রী লৈরে। অদুম ওইনমক সাইন্সকী স্কিল লৈতে। ঐনা মুখ্য মন্ত্রী ওইরবা মতুংদা সাইন্সকী স্কুল লিংখৎনবগী তাঞ্জা ফংলম্মি। সাইন্সকী স্কুল লৈত্রগদি কনাগুম্বা মীওই অমনা ইঞ্জিনিয়র, দোক্তর কমদৌনা ওইবা ঙমগদৌরিবনো?। হৌজিক্তা য়াকুবভাইনা মচানুপীবু দোক্তর ওইহন্নিংই হায়না তম্লম্মি। করিগীমদমক্তা ওইহন্নিংবা ফাওরিবনো, মরমদি থৌরাং হৌরকপগনি। মরম অসিনা মচানুপীদুনসু দোক্তর ওইনবা ফিরেপ লৌদুনা ঙসিদি অওনবা লাক্লে। মতৌ অসুম্না ভরুচতা মতমগী চাওখৎ থৌরাং য়ৌরক্নবা, ভরুচতা মেন লাইন কয়া, ফ্রন্ত কোরিদোর লৈনবা অমদি বুল্লেৎ ত্রেন নৎত্রগা এক্সপ্রেস ৱেনচিংবগী পাম্বৈশিং ভরূচতা লৈহন্নিংবগী অপামবা নহাশিংদা ফাওরি। মরম অসিনা নহাশিংনা মখোয়গী মঙলান মঙফাওননবা থবক পায়খৎলি। ইনখৎলক্লিবা নহাশিংগী মঙলান্না ময়োল্লম অমগী শক্তম পুরক্লি। অদুগা ইমা নর্মদা, স্তেচ্যু ওফ য়ুনিতী লৈরবা মতুংদগীদি মরুচ ওইরবসু নৎত্রগা রাজপিপলা ওইরবসু, ভারত পুমবদা অমদি মালেম পুমবদা মমীং চৎখ্রে। স্তেচ্যু ওফ য়ুনিতীদা চৎকে হায়রগদি কদায়দগী চৎকনি? ভরুচতগী, রাজপিপলাদগী চৎকদবনি হায়নরি। হৌজিক ঐখোয়না অতোপ্পা থৌরাং অমসু পায়খৎলি। ভরূচনা নর্মদাগী তোর্বান্দ লৈরগসু থক্নবা ঈশিংগীদমক্তা থেংনরিবা খুদোংচাদবশিং ঐ হৌজিকসু নীংশিংলি। নর্মদাগী তোর্বান্দা লৈরগা থক্নবা ঈশিংগীদমক ৱারিবসিগী পাম্বৈ করি ওইবা য়াবগে? মসিগী পাম্বৈ ঐখোয়না থিদোক্লে। সমুদ্র মথক্তা অচৌবা ৱিয়র অমা শেম্লে। অসুম্না সমুদ্রগী অয়াকপা ঈশিং মথক্তা কারক্লরোই। নর্মদাগী ঈশিং থিংগত্তুনা কেবরিয়াআদা থারম্মি। অদুগা কৈদৌঙৈদসু থক্নবা ঈশিংগীদমক অৱাবা মায়োক্নদনবা থবক পায়খৎলি। অদুগা ঐনা ভুপেন্দ্রভাইবু থবকসিদা ইচঙ থৌনা হোৎনবিবগীদমক্তা খুরুমজরি। মসিনা কয়া য়াম্না কান্নগদগে হায়বা অদোম ৱাখলনা লামবা ফংলোই। মরম অসিনা মরূপশিং, ময়ামগা উনবা ফংবদা, অরিবা মরূপশিংবু নীংশিংহল্লিবা অসিদা ঐ য়াম্না নুংঙাই। ঐখোয়গী ব্লু ইকনমীগী পায়খৎলিবা থবক অসিদা ভরুচ দিস্ত্রিক্তনা তৌবা য়াবা য়াম্না লৈ। সমুদ্র মনুংদা লৈরিবা লন অসিবু সাগরখদু স্কিম্না কান্নবা লৌদুনা মাঙদা চঙশিনগদৌরিবনি। মহৈ মশিং, হকশেল, সিপ্পিং, কন্নেক্তিভিতী ওইরবসু হীরম খুদিংদা খোঙজেল য়াঙনা মাঙদা চঙশিনগদবনি। ভরুচ দিস্ত্রিক্তনা ইচঙ থৌনা থবক চঙশিল্লিবসিদা ঐ নুংঙাইবা ফাওই। ময়াম পুম্নমকপু হন্না হন্না ইকোক নোঞ্জরি। য়াইফরোল পীজরি, জয়-জয় গর্বী গুজরাত, বন্দে মাতরম।
