অসামগী গোবর্নর শ্রী জগদিশ মুখি জী, অসামগী মীয়াম্না পাম্নবা অমসুং চং-থৌরবা মুখ্যমন্ত্রী, শ্রী হিমন্ত বিস্বা সরমা জী, কেন্দ্রগী কেবিনেত্তা ঐগা থবক তৌমিন্নরিবা, শ্রী সর্বানন্দ সোনোৱাল জী, শ্রী রামেশ্বর তেলি জী, লৈবাক্কী চাউখৎ-থৌরাংদা য়াম্না মরু ওইবা থৌদাং লৌরিবা রতন তাতা জী, অসাম সরকারগী মন্ত্রী, শ্রী কেশব মহন্তা জী, অজন্তা নিওগ জী, অতুল বোরা জী অমসুং লমদম অসিদা পোকপা মচা ভারতকী ৱায়েলগী জগত্তা থোইদো-হেন্দোক্না মথৌদাং পাংথোকলম্বা অমসুং হৌজিক্না ঐখোয়গা লোইননা আইন শেম্বগী থৌওংদা পার্লিয়ামেন্ত্তা ঐখোয়গা লোইননা থবক তৌমিন্নরিবা, ইকাইখুম্নরবা শ্রী রঞ্জন গোগোই জী, এম.পি.শিং, এম.এল.এ.শিং অমসুং ঐগী নুংশিরবা ইচিল-ইনাওশিং!
প্রোথোমেতে মোই রোংগালি বিহু, আরু আসোমিয়া নবো-বাখোর শুবভেস্সা জোনাইসু!
হারাও-কুম্হৈ অমসুং নুংঙাইবগী পন্থা অসিদা, অসামগী চাউখৎ-থৌরাংগী ইচেলদা অমুক্কসু হেন্না খোংজেল য়াখৎহন্নবা ঙসিগী চাউরবা থৌরম অসিদা ঐহাক্না নখোয়গী নুংঙাইবদা শরুক য়াবগী খুদোংচাবা ফংজরে। ঙসি পুৱারি ওইরবা সিতী অসিদা অসামগী চাউথোকচনিংঙাই ওইবা , অসামগী চাউখৎ-থৌরাংদা চা্রবা থৌদাং লৌরিবা লমদম অসিগী মচাশিংবু কোক নোন্দুনা ইকাইখুম্নবা উৎলি।
মরুরপশিং,
বোহাগ মাথোএতি রিতুনোহোই বোহাগ এতি মাহ
অখোমিয়া জাতির ই আয়ুস রেখা গোনো জিয়োনোর ই খাহ!
অসামগী লাইফলাইনবু মুথৎপা য়াদনবা অমসুং হেন্না লিংহন্নবা ঐখোয়না অয়ুক নুংথিল খাইদনা নখোয়গী সেবা তৌনবা হোৎনরি। মসিগী ফিরেপ অসিগা লোইননা নখোয়গী মরক্তা তিনবা পাম্লি অসাম অসি ঙসিদি শান্তি অমসুং চাউখৎ-থৌরাংগীদমক্তা অমত্তা ওইনা থৱাই য়াওনা হোৎনরি, অমসুং ঐহাক্না মতম খরগী মমাংদা কার্বি আঙলোংদা উবা ফংখি, ঐহাক্না মখোয়না থেংনখিবশিং, মখোয়গী নুংঙাইবা, মখোয়গী থৱায় য়াওবা, মখোয়গী মঙলান, মখোয়গী ফিরেপ অদু ফাোখি।
মরুপশিং,
ঐহাক্না মতম খরগী মমাংদা দিব্রুগরদা নৌনা শাবা কেন্সর হোসপিতাল অমসুং মদুদা লৈরিবা খুদোংচাবশিং অদু উরকখি। ঙসি মফম অসিদা অসামগী অনৌবা কেন্সর হোসপিতাল ৭ মীয়ামদা কত্থোকখ্রে। মতম অমদা চহি তরেতকী মনুংদা হোসপিতাল অমখক হাংদোপা ফাওবদা য়াম্না চাউবা থৌরম অআ ওইনা লৌরম্মি। হৌজিক্তি মদুগী মতম অদু হোংলে, নোংমদা রাজ্য অমদা হোআসপিতাল ৭ হাংদোক্লি। অমসুং ঐঙোন্দা খঙহল্লক্লি মদুদি কেন্সর হোসপিতাল ৩ অমসু লাক্কদবা থা খরা অসিদা নখোয়গী সেবাগীদমক্তা শেম শাবা লোইশিল্লগনি। মসিগীসু মথক্তা ঙসি রাজ্য অসিদা অনৌবা হোসপিতাল তরেত শাবা হৌখ্রে। মসিগী হোসপিতালশিং অসিদা অসামগী জিলা কয়া অমদা কে্সর লাইয়েংবগী ফেসিলিতীশিং অমুক্কসু হেনগৎহল্লগনি। হোসপিতাল অসি তঙাইফদবনি অমসুং সরকারনা শাসু শারি। অদুবু ঐহাক্না ওন্নতৈনবদা ওইনা য়াইফ-পাউজেল পীনিংঙি। হসপিতাল অসি নখোয়দা লৈরে অদুবু ঐহাক্না অসামগী মীয়ামগী পুনশিংদা হোসপিতাল চৎপগী অৱাবা অদু লাক্তবা পাম্মি। ঐহাক্না নখোয় ময়াম্বুহকচাং ফনা লৈনবা পাউজেল পীরি। নখোয়গী ইমুংগী মীওই অমত্তা হোসপিতাল চৎপগি মথৌ তাদবা ওইসনু অমসুং ঐখোয়না শারিবা অনৌবা হোসপিতালশিং অসি হাংদুনা অদুমক লৈবা ওইসনু। অদুবু মথৌ তারকপা মতমদা কেন্সরগী পেসেন্তশিংনা মসিগী খুদোংচাবশিং অসি লৈতবনা মরম ওইরগা শিবগা লান্থেংনবগী অৱাবা অদু ময়োক্নদনবা অমসুং নখোয়গ সেবাগীসমদমক্তা ঐখোয়না শেম-শাদুনা থম্লি।
নুংশিরবা ইচিল-ইনাওশিং,
অসামদা কেন্সর লাইয়েংগীদমক্তা থোইদোক-হেন্দোক্না, পাকশন্না ফসিলিতীশিং লৈহনবা অসি য়াম্না মরু ওইরিবসিগী মরমদি মফম অসিদা কেন্সর মশিং য়াম্না দিতেক্ত তৌখি। অসামদা নত্তনা নোর্থ ইস্ততা কেন্সর অসি য়াম্না চাউবা অৱাবা অমা ওইরক্লি। মসিদা খ্বাইদগী হেন্না শোকহল্লিবা অসি লাইরবা ইমুংশিংনি। মরমদি কেন্সর লাইয়েংগিদমক্তা অচৌবা সহরশিংদা চৎনরম্মি, মরম অদুনালাইরবশীং অমসুং মিদল ক্লাসকী ইমুংশিংনা মসিগী অৱাবা ময়োক্নৈ। লাইরবশীং অমসুং মিদল ক্লাসকী ইমুংশিংগ অৱাবা অদু কোকহন্নবা চহি ৫-৬তগী মসিগী মতাংদা খোংথাংকয়া অমা পাইখৎলক্লি, মসিগীদমক্তা হান্নগী মুখ্য মন্ত্রী সর্বানন্দ সোনোৱাল জী অমসুং হৌজিক ওইরিবা মুখ্য মন্ত্রী হিমন্ত বিস্বা জী অমসুং তাতা ত্রস্তপু হন্না-হন্না থাগৎচরি, নুংঙাইবা ফোংদোকচরি। অসামগী কেন্সর কিয়র ফাউন্দেশনগী মওংদা কেন্সরবু য়াম্না হোংবা অমসুং য়াম্না ফবা লাইয়েংনবগী চাউরবা নেতৱার্ক অমা মফম অসিদা লৈরে। মসি মীওইবা জাতিগ য়াম্না চাউবা সেবা অমনি।
মরুপশিং,
অসাম য়াওনা নোর্থ ইস্ত পুম্বদা কেন্সরগ অসিগুম্বা চাউরবা শিংনবশিং অসিগা মায়োক্ননবগীদমক্তা কেন্দ্র সরকারনসু লেপ্তনা হোৎনরি। রাজধানি গুৱাহাতিদসু কেন্সর ত্রীতমেন্তকা মরী লৈনবা ইনফ্রাস্ত্রকচরবুসু হান্নদগী হেননা ফগৎহনখ্রে। হন্দক্কী চহি অসিগী বজেত্তা নোর্থ ইস্তকী চাউখৎ থৌরাংগীদমক্তা লুপা করোর ১৫০০গী অখন্নবা স্কীম, পি.এম.-দিবাইনদসু কেন্সরগী লাইয়েংদা অহেনবা মীৎয়েং থমখি। মসিগী মতুং ইন্না কেন্সরগী লাইয়েংগীদমক্তা মসিগীদমক্তা ওইবা অকন্নবা ফেসিলিতী অমা গুৱাহাতিদা শেমগৎলি।
নুংশিরবা ইচিল-ইনাওশিং,
কেন্সরগুম্বা শাথিরবা লাইনা অসিনা ইমুং-মনুং, খুনাইদা ঐখোয়বু পুক্নিংদা অমসুং শেল-থুমগী মতাংদা ঐখোয়বু শোন্থহল্লি। মরম অদুনা হৌখিবা চহি ৭-৮ অসিদা লৈবাক অসিদা হকশেলগী মতাংদা থবক কয়া অমা পাইখৎখ্রে। ঐখোয়গী সরকার অসিনা হিরম মঙাদা শম্না হায়রবদা হকশেলগী সপ্তারিশিদা মীৎয়েং থমখি। অহানবদা নাদনবা হোৎনবা, মরম অদুনা প্রিভেন্তিব হেল্থ কিয়রদা ঐখোয়গী সরকার অশিনা অহেনবা মীৎয়েং থমখি। য়ো, ফিতনেস, লু-নানবা, অসিগুম্বা কবা অমগী প্রোগ্রাম কয়া অমা পাংথোক্লি। অনিশুবদা নারবদি হৌরকপদা খঙদোকপা। অসিগীদমক্তা ঐখোয়না লৈবাক অসিদা অনৌবা তেস্তিং সেন্তর কয়া অমা শেম্লি। অহুমশুবদা মীয়ামগী ময়ুম মনাক্তা প্রাইমরী ত্রীতমেন্তকী এন্না ফবা ফেসিলিতীশিং থম্বা। অসিগীদমক্তা প্রাইমরী হেল্থ সেন্তরশিংদা ৱেলনেস সেন্তরগী মওংদা অনৌবা পাঙ্গল থৌনাগা লোইননা মসিগী নেতৱার্ক অমা শেমখ্রে। মরিশুবদা লাইরবশিংদা অফবা হোসপিতালশিং ফংহনবা। অসিগীদমক্তআ অয়ুশমান ভারত গুম্বা স্কীমগী মখাদা ভারত সরকারগী মাইকৈদগী লুপা লাখ ৫ ফাওবগী লেম্না লাইয়েংনবগী খুদোংচাবা পীরি।
মরুপশিং,
ঐখোয়গী মঙশুবা ফোকস অসি অফবা লাইয়েংগীদমক্তা অচৌ-অচৌবা সিতীগী মপাল তাংবা য়ারিবমখৈ হন্থহনবনি। মসিগীদমক্তা হেল্থ ইনফ্রাস্ত্রকচরদা ঐখোয়গী সরকারনা অঙকপা ফংনা ইনভেস্ত তৌরি। ২০১৪গী মমাংদা লৈবাক অসিদা এম্স ৭ খক্তমক লৈরম্মি। মসিদা দিল্লী নত্তনা অতোপ্পা অমত্তদা এম.বি.বি.এস. তমহন্দে, মফম অমত্তদা ও.পি.দি. থমদে। খরা অমনা অদুম তাদুনা লৈ। ঐখোয়না মসিবু ফগৎহন্দুনা লৈবাক অসিদা অনৌবা এম্স ১৬ অমগা লাউথোকখ্রে। ঐখোয়গী সরকার অসিনা জিলা খুদিংমক্তা মেদিকেল কোলেজ অমদি শোইদনা লৈহন্নবা হোৎনরি অমসুং মসিগী পান্দম অসিদা থবক তৌরি। ২০১৪গী মমাংদা লৈবাক অসিদা মেদিকেল কোলেজ ২৮৭ খক্তমক লৈরম্মি অদুবু হৌজিক্তি ৬০০ য়ৌখ্রে।
মরুপশিং,
ঐখোয়গী সরকারগী তরুশুবা ফোকস অসি দোক্তরগী মশীং হেনগৎহনবনি। মমাং চহিদা এ্ম.বি.বি.এস. অমসুং পি.জি.গীদমক্তা সীত লিশিং ৭০ রোম হেনগৎহনখ্রে। সরকার অসিনা হন্দক্তা য়াম্না মরু ওইবা ফিরেপ অমা লোখি, মদুদি লানাইগী মেদিকেল কোলেজশিংদা সীত চাদা ৫০গি ফিশিং অদু সরকারগী কোলেজশিং অদুগা চপ মান্ননা লৌগদবনি। মসিগী কান্নবা অসি নহা লিশিং কয়া অমদা ফংগদৌরিবনি।
মরুপশিং,
ঐখোয়গী সরকারগী তরেতশুবা ফোকস অসি হেল্থ সার্বিসশিংগী দিজিতাইজেশন তৌবনি। লাইয়েংনবা হোৎনবদা মায়োক্নরিবা অৱাবশিং অদুদগী কোকহন্নবা সরকার অসিনা স্কীমশিং হৌদোকখ্রে। সরকার অসিনা হোৎনরিবা অসি কেন্দ্র সরকারনা পীরিবা কান্নবশিং অদু প্রজা খুদিংমক্না ফাবা ঙম্নবা মসিদআ অথিংবা অপনবা অমত্তা লৈহল্লোইদবনি। মসি ৱান নেসন ৱান হেল্থকী ৱাখল্লোননি। মসিনা চহি ১০০গী মনুংদা খ্বাইদগী চাউবা লাইচৎ অসিবু লাকশিনবা ঙমখি অমসুং শিংনবশিং অসিবু মাইথিবা পীনবগী পাঙ্গল পীখি।
মরুপশিং,
কেন্দ্র সরকারগী স্কীমশিংনা লৈবাকঅসিদা কেন্সর৫ লাইয়েংগীদমক্তা য়াম্না লাইনা অমসুং য়াম্না হোংনা ফংহল্লে। সরকার অসিনা ইংলিশ মীদিয়মদা মপুনশিগী কারক্ত্রিবা লাইরবা মচা-মশুশিংনা মেদিকেল তম্বা ঙম্নবগীদমক্তা, ভারত সরকারনা মমালোনদা, লমদম অদুগী মশাগী ওইবা লোনদা মেদিকেল এজুকেশন তম্বআ পাম্বশিংদা খুদোংচাবশিং পীরগনি।
হৌখিবা চহি খরা অসিদা কেন্সরগী তঙাইফদবা হিদাক-লাংথকশিংগি মমল অসি তঙখাই হন্থরকখ্রে। মসিদগী কেন্সর পেসেন্তশিংদা চহি খুদিংগী লুপা করোর লিশিং ১ ময়া নক্না লেমহল্লি।প্রধান মন্ত্রী জন ঔশাধি কেন্দ্রগী খুত্থাংদা হিংদাক-লাংথক মখল ৯০০ হেন্না মমল হোংনা ফংহল্লি। লুপা ১০০দা ফংবা হিদাক অদু লুপা ১০দা, ২০দা ফংহল্লে। মসিদা কেন্সরগি হিদাক-লাংথক কয়া অমসু য়াওরি। কনাগুম্বা ইমুং-অমগী অহল ওইরবা মমা-মপাশিং লৈবা, দাইবেতিস লৈবা, ইমুং অমগী থা অমদআ চাংচত্তা চাউরাক্না ১০০০, ১৫০০, লিশিং ২গী হিদাক-লাংথকশিংদা চাদিং তৌবা অদু জন-ঔশধি কেন্দ্রদা লুপা ৮০, লুপা ৯০, লুপা ১০০দা পুম্নমক লৈবা কোন্নহল্লে।
নুংশিরবা ইচিল-ইনাওশিং,
অয়ুশমান ভারত য়োজনাদগী লেম্না লাইয়েংবা ফংবদা নত্তনা কেন্সরগুম্বা শাথিবা লাইনাশিং অসিবু হৌরকপদা দিতেক্ত তৌবদা মতেং পাংঙি। অসাম য়াওনা লৈবাক অসিগী মফম খুদিংমক্তা হেল্ধ অমসুং ৱেলনেস সেন্তরশিং হাংদোরক্লি, মসিদা মীওই করোর ১৫ হেন্না কেন্সরগা মরী লৈননা স্করিন তৌখ্রে। কেন্সর নাবা মতমদদি য়াম্না থুনা খঙদোক্লিবমখৈ লাইনা অসিবু লুশিন্দ্রঙৈদা থিংহৌবা য়াই।
মরুপশিং,
লৈবাক অসিদা মেদিকেল ইনফ্রাস্ত্রকচর ফগৎহন্নবগী চত্থরিবা কেমপেন অসিগী কান্নবা অসি অসামসু ফংলই। হিমন্ত অমসুং মহাক্কী তীমনা জিলা খুদিংমক্তা মেদিকেল কোলেজশিং হাংদোক্নবগী লৈবাক অসিগী ফিরেপ অদুগীদমক্তা শিংথানিংঙাই ওইবা মওংদা হোৎনরি। ওক্সিজেনদগীনা ভেন্তিলেতর ফাওবগী ফেসিলিতীশিং পুম্নমক অসামদা লেপ্তনা হেনগৎপা ওইসনু। অসামদা ক্রিতিকেল কিয়র ইনফ্রাস্ত্রকচর য়াম্না য়াংনা লৈহন্নবগীদমক্তা অসাম সরকারনা মসিগী মাইকৈদা খোংথাং কয়া অমা লৌখৎখ্রে।
নুংশিজরবা ইচিল-ইনাওশিং,
ভারতনা ভেক্সিনেশন কেমপেন য়াম্না হেনগৎহন্দুনা অঙাংশিংগীসু ভেক্সিন কয়া অমা অয়াবা পীখ্রে। প্রিকোশন দোজকীশু অয়াবা পীখ্রে।
মরুপশিং,
কেন্দ্র অমসুং অসাম সরকারনা চা বাগানদা থবক তৌবশিংগী ইমুং-মনুংশিংদা হেন্না ফবা পুনশি মহিং অমা পীনবগীদমক্তা কন্না হোৎনখি। রেসন লেম্না ফংহনবদগীনা হর ঘর জলগী মখাদা ফেসিলিতীশিং অসি অসাম সরকারনা চা বাগানশিংদা য়াম্না থুনা য়ৌহন্নবা হোৎনরি। লাইরিক-লাইশু তম্বগী অমসুং থবক্কী খুদোংচাবশিং হেন্না ফংহন্নবগীদমক্তা য়াম্না কন্না হোৎনরি। চাউখৎপগী খুদোংচাবা অসি খুনাইগী মীওই খুদিংমক, ইমুং খুদিংমক মসিগী কান্নবা ফংহনবা হায়বসি ঐখোয়গী অচেৎপা ফিরেপনি।
নুশিরবা ইচিল-ইনাওশিং,
মতম অমদা কেনক্তিবিতীগী প্রোজক্তশিং অসিবু ৱেলফিয়রগা লোইননা উরমদে। অদুম ওইনমক কেনক্তিবিতী নিংথিনা লৈতবনা মরম ওইরগা ফেসিলিতীশিংগী দেলিভরীদা য়াম্না ৱাহল্লি। অরিবা ৱাখল্লোন অদু অধদোক্তুনা লৈবাক অসিনা হৌজিক খুমাং চাউশিল্লি। হৌজিক্তি অসামগী অথাপ-অথাপ্পা মফমশিংদা লম্বি-থোং শেমগৎলি, ব্রহ্মপুত্রদা থোং শঅরি, রেল নেতৱার্ক হেন্না ফগৎলক্লি।
নুংশিরবা ইচিল-ইনাওশিং,
সবকা সাথ সাবকা ৱিকাস, সবকা ৱিস্বাস অমসুং সবকা প্রয়াসকী ৱাখল্লোন অসিগা লোইননা ঐখোয়না অসাম অমসুং লৈবাক অসিগী চাউখত-থৌরাংদা খোংজেল য়াংখৎহন্নবা হোৎনরি। ঐৈখোয়না হোতনরিবা অসি অসামগি কনেক্তিবিতী হেন্না ফগৎহনবা, ইনভেস্তমেন্তকী খুদোংচাবা লৈহনবা। অসামদা ইনভেস্তমেন্ত তৌবগী ওইথোকপা য়াবা কয়া অমা লৈ। মসিগি ওইথোকপা য়াবশিং অসিবু খুদোংচাবশিংদা ওইনা ওন্থোক্কদবনি। চাবু ওইরো, ওর্গানিক ফার্মিংবু ওইরো, ওইলগা মরী লৈনবা ইন্দস্ত্রীবু ওইরো, অসামগী চাউখৎ-থৌরাংবু ঐখোয়না অনৌবা অৱাংবা থাক অমদা পুখৎকদবনি।
মরুপশিং,
ঙসি অসামগী ঐগী খোংচৎ অসি ঐগী ওইনদি য়াম্না কাওঙম্লরোইদবা অমা ওই। নাকল অমদনা বোম্ব-নোমৈ পাইরম্বশিংনা মদু থাদোক্তুনা শান্তিগী লম্বিদা, চাউখৎ-থৌরাংগী ইচেলদা য়াওবা পাম্লি অমসুং হৌজিক্না নখোয় ময়ামগী মরক্তা য়াওরি। অনাবনা মরম ওইরগা অৱাবা কয়া মায়োক্নদনবা অমসুং মখোয়গী ইংনা-চিক্না নুংঙাই-য়াইফনা লৈনবগী ফেসিলিতীশিং লৈহন্নবগীদমক্তা অমসুং মদুদা নখোয় ময়াম্না বোর পীবা লাক্লিবনি। বিহু অসি য়াম্না নুংঙাইবা অমসুং হারাও-কুম্হৈগী থৌরম্নি অমসুং ইমা-ইবেলশিং, ইচে-ইচল লিশীং কয়ানা মফম অসিদা তিল্লরে। ঐহাক্না অসামদা চহি কয়াদগী লাক্লি, ঐহাক্না অসামদা চৎপা মতমদা ঐনা য়াওদবা বিহুবু অমত্তা লৈরম্মোই। অদুবু ঙসিদি মশিং য়াম্না য়াম্লবা ইমা-ইবেলশিং অমসুং ইচে-ইচলশিংনা অমত্তা ওইনা বিহুদা জগোই শাবা উরে। ঐহাক্না অসুম্না নুংশিবীবগী, থৌজালগীদমক্তা মরুওইনা ইমা-ইবেলশিং, ইচে-ইচলশিংবু ইকাইখুম্নবা উৎচরি। মখোয়বু থমোইনুংদগী হন্না-হন্না থাগৎচরি।
মরুপশিং,
ইকাইখুম্নরবা শ্রী রতন তাতাজীনা মশামক মফম অসিদা য়ৌরক্লে। মহাক্কী মরী অসি তাতা তীদগী হৌরগা নুঙাইবা ফাওবা শন্দোকখ্রে অমসুং ঙসি নখোয় ময়ামগীদমক্তা খ্বাইদগী হেন্না ফবা হকশেলগীদমক্তা ঐখোয়গা লোইননা মফম অসিদা পুল্লরে। ঐহাক্না মহাকপুসু তরাম্না ওক্তুনা অমুক্কসু হন্না নখোয় ময়ামদা অসিগী অনৌবা ফেসিলিতী ময়াম অসিগীদমক্তা য়াইফ-পাউজেল পীরি।
হন্না-হন্না থাগৎচরি!
ঐগা লোইননা য়াম্না হৌনা হায়বীয়ু-
ভারত মাতা কী – জয়!
ভারত মাতা কী – জয়!
ভারত মাতা কী – জয়!
হন্না-হন্না থাগৎচরি!
