খুরুমজরি,
ময়াম কমদৌবীরিগে। হোয়, হৌজিক্তি পুক্নিং ৱাখল মকা লাম্লবরা।
গুজরাতকী রাজ্যপাল শ্রী আচার্য় দেবব্রতজী, মফম অসিগী মীয়াম্না পাম্নরবা মুখ্য মন্ত্রী শ্রী ভুপেন্দ্র ভাই পতেল, গুজরাত সরকারগী মন্ত্রীশিং, এজুকেসনগী লমদা লৈরিবা মশক নাইরবা মীওই পুম্নমক, গুজরাতকী আশা লৈরবা মহৈরোয় খুন্নাইগী মরুপশিং, দিগনিতরী পুম্নমক, নুপী অমসুং নুপাশিং!
ঙসি গুজরাতনা অমৃতকালগী অমৃত মীরোল শেম্বগী মাইকৈদা অচৌবা খোঙথাং অমা থাংজিল্লি। মসি চাউখৎপা ভারত অমগীদমক, চাউখৎপা গুজরাত অমা শেমগৎনবা মাইকৈদা মরু ওইবা পন্দুপ ওইরগনি। মিসন স্কুল্স ওফ এক্সিলেন্স হৌদোকপা অসিদা ঐহাক্না গুজরাতকী প্রজা, ওজা, নহারোল অমসুং তুংদা হৌরক্কদবা মীরোলশিংবু নুংঙাইবা ফোঙদোকখি।
মরুপশিং,
হন্দক্তা লৈবাক অসিদা মোবাইল অমসুং ইন্তর্নেৎকী ৫শুবা জেনরেসন হায়বদি ফাইব-জি তেক্নোলোজী হৌদোকখি। ঐখোয়না ৱান-জিদগী ফোর-জী ফাপবগী ইন্তর্নেৎ সর্ভিসশিং শীজিন্নখ্রে। হৌজিক ফাইব-জিনা ভারত পুম্বদা অওনবা অমা পুরক্লি। জেনরেসন খুদিংগা লোয়ননা স্পীদ হেনগৎহনখি অদুবু জেনরেসন অমমম হৌখিবগা লোয়ননা তেক্নোলোজীনা ঐখোয়বু পুন্সিগী অপীকপা হীরম খুদিংমক্কা শম্নহল্লি।
মরুপশিং,
মতৌ অসুম্না ঐখোয়না স্কুলশিংদসু তোঙান-তোঙানবা জেনরেসনশিং উবা ফংখি। ঙসি এজুকেসন সিস্তেম অসিবু স্মার্ত ফেসিলিতীশিং, স্মার্ত ক্লাসরুমশিং অমসুং স্মার্ত তীচিংশিংগী ৱাংমদা পুরি অমসুং মসিনা মথংগী লেবেলদা য়ৌহল্লি। ঐখোয়গী নহা ওইরিবা মহৈরোয়শিংনা হৌজিক স্কুলশিংদা ভর্চুএল রিএলিতী অমসুং ইন্তর্নেৎ ওফ থিংসকী শক্তি উবা ফংলি। গুজরাতনা অচৌবা অমসুং মরু ওইবা অমদি অহানবা খোঙথাং অসি লৈবাক শিনবা থুংবদা মিসন স্কুল্স ওফ এক্সিলেন্সকী মওংদা পাইখৎপা অসিদা ঐহাক্না নুংঙাইবা পোকই। ঐহাক্না মুখ্য মন্ত্রী ভুপেন্দ্র পতেলগী তীমবু থাগৎপা ফোঙদোকচরি।
মরুপশিং,
হৌখিবা দিকেদ অনি অসিদা গুজরাতকী এজুকেসন সেক্তরদা পুরকখিবা অওনবা অসি মমাংদা অমুক্তা তৌখিদ্রি। অঙাং ১০০গী মনুংদা ২০না স্কুল চৎপা ফংলমখিদে। হায়বদি শরুক মঙা থোকপগী শরুক অমদি এজুকেসন ফংলমদে। অমসুং স্কুল চৎপা ঙমদবা মহৈরোয়শিংনা ক্লাস ৮ তম্লবা মতুংদা দ্রোপ আউত তৌখি। অমসুং স্কুল কাবা লেপখিবা নুপীমচাশিংগী ফীভমগী মতাংদা পল্লদুনা মখোয়না অমুক্কা হেন্না ফীভম শোকখি। নুপীমচাশিং স্কুল থাদবা খুঙ্গং কয়া লৈখি। ত্রাইবেলগী মফমশিংদা মহৈ তম্নবা সেন্তরশিংদা সাইন্স তাক্নবগী খুদোংচাবা লৈখিদে। অমসুং জিতু ভাই অমসুং মহাক্কী তীমগী ৱাখল্লোনগীদমক ঐহাক্না নুংঙাইবা ফাওই অমসুং থাগৎচরি। তশেংবদি ময়াম্না লাপ্না য়েংবনা স্তেজতা করি তৌরি খঙদে অদুবু ঐহাক্না মদু হায়জগে।
হৌজিক ঐহাক্না থেংনখিবা অদু ২০০৩দা ঐহাক্না অহানবা স্কুল প্রবেশোৎসব হৌদোকপা মতমদা তমখিবা অঙাংশিংনি অমসুং ঐহাক্না ত্রাইবেলগী খুঙ্গংদা চৎখি। মতম অদুদা দিগ্রী ৪০-৪৫ শাখি জুনগী ১৩, ১৪, ১৫গী মতম ওইখি অমসুং খুঙ্গংদা অঙাংশিংনা এজুকেসন ফংবগী চাং য়াম্না হন্থখি অমসুং নুপীশিংনা খ্বাইদগী তানা ফংখি। ঐহাক্না খুঙ্গংশিংদা চৎতুনা মখোয়গী অঙাংশিংবু মহৈ তমহন্নবা হায়জখি। অমসুং নখোয়না ঐঙোন্দা থাজবা পীখি। প্রোগ্রাম অসিগী মমাংদা ঐহাক্না স্কুল তম্না পুখিবা অঙাংশিং উনবগী খুদোংচাবা ফংজখি। থৌরম অসিদা ঐহাক্না হায়জবদা তাবীখিবা মমা-মপাশিংবু থাগৎপা ফোঙদোকচরি। অঙাংশিং অমসুং মমা-মপাশিংগা উনবা অসিদা নুংঙাইবা ফাওই। ঐহাক্না গুজরাত সরকার, জিতুভাইবু থাগৎপা ফোঙদোকচরি।
মরুপশিং,
দিকেদ অনি অসিদা গুজরাতনা মখোয়গী রাজ্যগী এজুকেসন সিস্তেমদা অওনবা পুরকখি হায়না উৎখি। হৌখিবা দিকেদ অনি অসিদা গুজরাত্তা অনৌবা ক্লাসরুম লাখ ১.২৫ হেন্না শাখি অমসুং ওজা লাখ ২ হেন্না লৌখি। শালা প্রবেশোৎসব অমসুং কন্যা কেলাবানি মহোৎসকুম্বা প্রোগ্রামশিং হৌদোকখিবা মতম অদু ঐহাক্না নীংশিংলি। অহানবা ওইনা ইচানুপা অমসুং ইচানুপীশিংনা স্কুল চৎপা মতমদা মখোয়না মদুবু কুহ্মৈ অমা ওইনা পাঙথোক্কদবনি। মসি ইমুং মনুংদা পাঙথোকপা কুহ্মৈ অমা ওইগদবনি, লৈকাইদা পাঙথোক্কদবনি অমসুং খুঙ্গং পুম্বদা পাঙথোক্কদবা কুহ্মৈনি মরমদি ঐখোয়না লৈবাক অসিগী অনৌবা মীরোলবু মহৈ-মশিং তমহন্নবা অমসুং য়োকখৎনবা হৌরগনি। রাজ্য অসিগী মুখ্য মন্ত্রী ওইনা থৌ পুরিঙৈ মতমদা ঐহাক্না খুঙ্গং অমদগী খুঙ্গং অমদা চৎতুনা মীয়ামদা মখোয়গী মচানুপীশিংবু স্কুলদা থাবীরক্নবা হায়জখি। মসিগী ফল ওইনা ঙসি গুজরাতকী মচানুপা অমসুং মচানুপী খুদিংমক্না স্কুল কাবা হৌখ্রে অমসুং স্কুল লোইরবা মতুংদা কোলেজ কাবা হৌখ্রে।
মরুপশিং,
মসিগা লোয়ননা ঐখোয়না এজুকেসনগী ক্বালিতী অমসুং মসিগী ফলদা অহানবা মীৎয়েং চংখি। মরম অসিনা ঐখোয়না প্রবেশোৎসবকা লোয়ননা গুনোৎসব হৌদোকখি। গুনোৎসবতা মহৈরোয় খুদিংমক্না মহাক্কী তৌবা ঙম্বশিং, মহাক্কী অপাম্বা, মহাক্কী পামদবা অদু কুপ্না য়েংখি লোয়ননা ওজাশিংসু এক্সেস তৌখি।
অচৌবা কেম্পেন অসিদা স্কুল সিস্তেমগা লোয়ননা ঐখোয়গী ফমনাইবশিং, ঐখোয়গী ওফিসরশিং, পুলিস ওফিসরশিং, ফোরেস্ত ওফিসরশিংনা নুমিৎ অহুমনি খুঙ্গং খুঙ্গংদা চৎখি, কেম্পেন অসি শরুক অমা ওইখি। ঐহাক্না নুমিৎ খরনিগী মমাংদা গান্ধীনগরদা চৎপা মতমদা ঐখোয়না গুজরাতকী বিদ্যা সমীক্ষা কেন্দ্রদা ‘গুনোৎসব’কী হেন্না এদভান্স ওইবা তেক্নোলোজী-বেজ বর্জন ফঙ্কসন তৌবা উবা ফংখি। বিধ্যা সমীক্চা কেন্দ্রগী মোদর্নিতী উবদা অঙকপা পোক্কনি। অমসুং ভারত সরকার, এজুকেসন মন্ত্রী, এজুকেসন বিভাগকী ওফিসিএলশিং গান্ধীনগরদা লাকখি। অমসুং বিধ্যা সমীক্ষা কেন্দ্রদা য়েংবা লাকখি। অমসুং অতোপ্পা রাজ্যশিংগী দেলিগেসনশিংনা বিধ্যা সমীক্ষা কেন্দ্রশিং অসি য়েংলবা মতুংদা মোদেল অসি মতৌ তমনবা হোৎনখি। মসিগীদমক গুজরাতপু থাগৎফম থোকই।
রাজ্য অসিগী অপুনবা স্কুল এজুকেসনগী মরমদা মীকুপ খুদিং ই-পাউ লৌনবা সেন্ত্রেল সিস্তেম অমা শেমখি, অনৌবা এক্সপরিমেন্ত অমা পাঙথোকখি। মসিদা স্কুল লিশিং কয়া, ওজা লাখ কয়া অমসুং মহৈরোয় করোর ১.২৫ হেনববু য়েংশিনখি, ফীদবেক পীখি। মদুদা লাক্লিবা দেতা অদু বিগ দেতা এনলাইসিস, মেছিন লর্নিং, আর্তিফিসিএল ইন্তেলিজেন্স, ভিদিও ৱাল্স অসিগুম্বা তেক্নিকশিং শীজিন্নদুনা এনালাইজ তৌখি। মসিদা য়ুম্ফম ওইরগা পরফোর্মেন্স ফগৎহন্নবা অঙাংশিংদা সজেসনশিং পীখি।
মরুপশিং,
গুজরাতনা মতম চুপ্পদা এজুকেসনগী লমদা অখন্নবা অমসুং অচৌবা চাংয়েং খরগী শরুক ওইদুনা লাকখি, মসি গুজরাতকী দি.এন.এ.দা য়াওজরকপনি। ঐখোয়না গুজরাত্তা অহানবা তীচর ত্রেনিং য়ুনিভর্সিতী, ইন্সতিত্যুত ওফ তীচর্স এজুকেসন লিংখৎখি। মালেমগী অমত্তা ঙাইরবা য়ুনিভর্সিতী, চিল্দ্রেন য়ুনিভর্সিতী অমসুং খেল মহাকুম্ভ অসি য়েংবীয়ু, শান্ন-খোৎনবগী মাইকৈদা গুজরাতকী নহারোলশিংগীগী পুক্নিং চীংশিন্নবা ইকো-সিস্তেম অসি শেমখি। মসিগী ফল ওইনা চহি কয়াগী মতুংদা মমাং চয়োলদা গুজরাত্তা নেস্নেল গেম্স পাঙথোকখি। ঐহাক্না থাগৎ ৱাহৈ কয়া তাবা ফংখি মরমদি ঐখোয়না শান্নরোয়শিং, কোচশিংগা তৎতনা পাও ফাওনখি। ঐহাকপু থাগৎকনু মদুগী মহুৎ গুজরাতকী মুখ্য মন্ত্রী অমসুং গুজরাত সরকারবু থাগৎলু হায়না হায়খি মসি মখোয়না হোৎনবগী, মখোয়না কন্না হোৎনবগী মহৈনা লৈবাক অসিগী অচৌবা নেস্নেল গেম্স পাঙথোকপা ঙম্লিবনি। অমসুং শান্নরোয়শিংনা মালেমগী থাক্তা শান্নবা চৎপা অদুগুম্না গুজরাত্তা চপ মান্না চেকশিন্না শিল-লাংখি। ঐহাক্না গুজরাতনা শান্ন-খোৎনববু থাগৎলিবা মওং-মতৌ অদুবু থাগৎপা ফোঙদোকচরি।
মরুপশিং,
দিকেদ অমগী মমাংদা স্কুল লিশিং ২০ হেনবদা কম্প্যুতর-এদেদ লর্নিংগী মথক্তা গুজরাত্তা লৈবা স্কুল ১৫,০০০দা তি.ভি. য়ৌহনখি অমসুং অসিগুম্বা সিস্তেমশিংনা চহি কয়াগী মমাংদগী গুজরাতকী স্কুলশিংগী মরু ওইবা শরুক অমা ওইদুনা লাকখি। ঙসি গুজরাত্তা মহৈরোয় করোর ১ হেনবনা অমসুং ওজা লাখ ৪ হেনবনা ওনলাইন এতেন্দেন্সতা রেজিস্তর তৌখি। মহাক্না মখা তারদুনা হায়খি মদুদি ঙসি গুজরাত্তা স্কুল লিশিং ২০ হেনবনা এজুকেসনগী ফাইব-জীগী চহিচাদা চংশিল্লি। মিসন স্কুল্স ওফ এক্সিলেন্সকী মখাদা মতমগা চুনবা মওংদা স্কুলশিং অসিদা অনৌবা ক্লাসরুম লিশিং ৫০ অমসুং স্মার্ত ক্লাসরুম লাখ অমা হেন্না শারি। স্কুলশিং অসি মোদর্ন, দিজিতেল অমসুং ফিজিকেল ইনফ্রাস্ত্রকচর লৈবা খক্তা নত্তনা মসিনা অঙাংশিংগী পুন্সিশিংদা অমসুং মখোয়গী এজুকেসন্দা অচৌবা অহোংবা অমা পুরকখি। অঙাংশিংগী তৌবা ঙম্বশিং হেনগৎহন্নবা লম খুদিংমক্তা মফম অসিদা থবক পাইখৎলগনি।
মরুপশিং,
ফাইব-জি তেক্নোলোজী লাকপদগী চাউনা কান্নবা ফংলগনি। অমসুং কনাগুম্বা অমনা অচম্বা ৱাহৈশিংদা হায়বা তারবদি মীচম অমনা মমাংদা তু-জি, ফোর-জীগী কান্নবা ফংখ্রে হৌজিক ফাইব-জী লাক্লে। ফোর-জি অসি একাগারীনি অমসুং ফাইব-জিনা এয়রপ্লেননি মসিনি খেন্নরিবা অসি। করিগুম্বা ঐখোয়না খুঞ্জাশিংনা খঙগদবা লোলদা হায়রবদি ফোর-জিনা সাইকল অমসুং ফাইব-জিনা এয়রপ্লেন্নি মসিনি শক্তি অসি। হৌজিক ফাইব-জিগী শক্তি খঙবিবগীদমক ঐহাক্না গুজরাতপু থাগৎপা ফোঙদোকচরি। মসিনা মোদর্ন এজুকেসন পুরকখি, এক্সিলেমন্সকী অচৌবা মিসন পুরকখি, মসিনা গুজরাতকী তুংলমচৎতা অহোংবা পুরক্লগনি। অমসুং মসিনা অঙাং খুদিংমক্তা মহাক্কী মথৌ তাবগী মতুং ইন্না মহৈ তম্নবা খুদোংচাবা পীরগনি। মসিনা মনুং হঞ্জিনবা খুঙ্গংশিংদা স্কুলদা এজুকেসন ফংহনবদা চাউনা কান্নবা পীরগনি। অফবা ওজাশিং মথৌ তাবদা লায়না ফংহল্লগনি। মহৈ তাম্বীগদৌরিবা মীওই অদুনা কিলোমিতর কয়া লাপ্না লৈরবসু মদু ঐহাক্কী মাংদা ফমদুনা তাকপীরিবা ওইনা ফাওহল্লগনি। মীপুম খুদিংমক্তা খ্বাইদগী ফবা কেন্তেন্ত সবজেক্ত খুদিংমক্কী ফংহল্লগনি। হৌজিক তোঙান-তোঙাবা স্কিলশিং তাকপীরিবা অফবা ওজাশিংগুম্না মফম অমদগী তোঙান-তোঙানবা খুঙ্গংশিং সহরশিংদা লৈবা অঙাংশিংদা ভর্চুএল রিএল তাইমদা মতম অমত্তদা তাকপীবা ঙমলগনি। মসিনা মরম ওইদুনা স্কুলশিংদা লৈরিবা খেন্নবা অদু চাউনা কোকহনবা ঙম্লগনি।
অঙ্গনৱাদী অমসুং বাল বাতিকাদগী কেরিয়র গাইদেন্স অমসুং কম্পিতিতিব একজামগী শেম-শাবা ফাওবদা স্তেৎ-ওফ-দি-আর্ত স্কুলশিং অসিনা মহৈরোয়শিংগী মথৌ তাবা খুদিংমক থুংহল্লগনি। আর্তস, ক্রাফ, বিজিনেসতগী কোদিং অমসুং রোবোতিক্স ফাওবদা এজুকেসন মখল খুদিংমক চহি নৌরিঙৈ মতমদগী ফংহল্লগনি। হায়বদি অনৌবা নেস্নেল এজুকেসন পোলিসীনা হীরম খুদিংমক ফংহল্লগনি।
ইচিল-ইনাওশিং,
অনৌবা নেস্নেল এজুকেসন পোলিসী অসিবু এজুকেস্নেল ওপ্সনশিংগী মখল অমসুং ফ্লেক্সিবিলিতী অদুনা চৎনহনবা ঙমগনি। পি.এম.-শ্রী স্কুল লিশিং ১৪.৫ শাগদৌরিবা অসিনা নেস্নেল এজুকেসন পোলিসী ইমপ্লিমেন্ত তৌনবগীদমক মোদেল স্কুলশিং ওইরগনি। স্কিম অসিদা লুপা করোর লিশিং ২৭ চাদিং তৌগনি। পাইলোৎ প্রোজেক্ত অসি ভারতকী কাচিন কোয়া খুদিংমক্তা পাইখৎপা হৌরগনি, মসি মোনিতর তৌগনি অমসুং চহি অমগী মনুংদা অশোইবা অমা হেক্তা লাকপদা, করিগুম্বা অমা হাপচিনবা মথৌ তারবা, মসিদা তেক্নোলোজীদা অহোংবা পুরকপা মথৌ তারবদি পুম্নমক পাঙথোক্কনি। মসি অফবা মোদেল অমা ওইহন্নবা তুংলমচৎতা শেম-শেমজিন তৌগনি অমসুং মসি লৈবাক অসিগী স্কুল কয়াদা য়ৌহন্নবা হোৎনগনি। স্কুলশিং অসিনা অনৌবা নেস্নেল এজুকেসন পোলিসীগী মোদেল স্কুলশিং ওইহনগনি।
ইমা লোলদা হেন্না ফবা এজুকেসন ফংহন্নবা বিজনগা লোয়ননা অনৌবা নেস্নেল এজুকেসন পোলিসী অসিদা মীৎয়েং থম্লি মসিনা স্কুলশিংবু লমজিংলগনি।
মরুপশিং,
আজাদী কা অমৃত মহোৎসব অসিদা লৈবাক অসিনা মীখা পোনবগী ৱাখল্লোন থাদোক্নবা ৱাশকখি। অনৌবা নেস্নেল এজুকেসন পোলিসী অসি মীনাই নাইথাংগী ৱাখল্লোন্দগী লৈবাক অসিবু মনিং তমহন্নবা অমসুং তেলেন্ত অমসুং ইনোবেসন প্রমোৎ তৌনবা খোঙথাং অমনি। হৌজিক লৈবাক অসিদা করি ফীভম ওইরি য়েংবীয়ু। ইংলিশ লোনগী নোলেজ অসিনা হৈ-শিংবা ওনবগী পাম্বৈ অমা ওইনা লৌনরি। লোল হায়বা অসি ই-পাউ ফাওননবা শুপ্নগী পাম্বৈ অমনি। অদুবু চহি দিকেদ কয়া অসিদা খুঙ্গং অমসুং লাইরবা ইমুংশিংদা লৈরিবা তেলেন্ত পুল অদুগী কান্নবশিং অদু লৈবাক অসিনা ফংবদা লোল অসিনা অপনবা অমা ওইদুনা লাকখি। হৌজিক্তি মসিগী ফীভম অসিদা অহোংবা লৈরে। হৌজিক্তি মহৈরোয়শিংনা সাইন্স, তেক্নোলোজী অমসুং মেদিসিনগী লমদা ভারতকী লোনশিংদা তম্নবা ওপ্সন অদু ফংবা হৌরে।
লায়রবা মমা অমনা মহাক্কী মচা অদু ইংলিশ স্কুলদা তমহনবা ঙমদে, অদু ওইরবসু মহাক্না মচানুপা অমসুং মচানুপীবু দোক্তর ওইহন্নবগী মঙলান মংবদি ঙম্লি। অমসুং মহাক্কী মমা লোলদা অঙাং অমনা দোক্তর তম্বসু য়ানবা ঐখোয়না মাইকৈ অসিদা থবক পাইখৎলি মসিন লায়রবা ইমুংদগী দোক্তর ওইবা ঙমহল্লগনি। গুজরাতি য়াওনা ভারতকী লোল কয়ামরুমদা কোর্সশিং তম্বা হৌনবা থবকশিং পাইখৎপা হৌরে। অনৌবা নেস্নেল এজুকেসন পোলিসীগী ‘কনাগুম্বা অমত্তা নাথৈদুনা থম্লমদবা’ ৱাখল্লোন অদুগী মতাংদা মহাক্না পল্লদুনা চাউখৎলবা ভারত অমগী ‘সবকা প্রয়াস’কী মতম অদু ওইরে।
মরুপশিং,
অরিবা মতমশিংদগী ভারতকী চাউখৎ থৌরাংদা এজুকেসন্না অচৌবা থৌদাং লৌরি। ভারত অসি মহৌশানা নোলেজবু শৌগৎপা লৈবাক অমনি অমসুং মালেমগী খ্বাইদগী ফবা য়ুনিভর্সিতীশিং শারম্বা অমসুং চহিচা কয়াগী মমাংদা খ্বাইদগী চাউবা লাইব্রেরিশিং শারম্লিবশিং অদু ঐখোয়গী ইপা ইপুশিংনি। ভারত্তা লান্দাখিবা মতম অমসুং ভারতকী মসিগী লন-থুম অসি মাংহন তাকহনখিবা কেম্পেন হৌখি। অদুবু ভারতনা এজুকেসনগী লমদা অখাং চেৎনা লেপখি। মীওৎ-মীনৈ কয়া মায়োক্নরবসু এজুকেসনগী লমদগী নাথৈখিবা তৌখিদে।
মসিনা মরম ওইদুনা ঐখোয়না এজুকেসনগী লমদা অকনবা শাফু পীবগী চৎনবী অদু হৌজিকসু লৈরি। ঙসি ফাওবদা মসিনা মরম ওইনা নোজেল অমসুং সাইন্সকী মালেমদা ইনোবেসনগী লমদা ভারতকী তোঙানবা মশক অমা লৈরি। ২১শুবা চহিচা অসিদা সাইন্সকা মরী লৈনবা ইনোবেসন অয়াম্বা, তেক্নোলোজীগা মরী লৈনবা ইনোবেসন অয়াম্বা ভারত্তা ওইগনি, ঐঙোন্দা চিংনবা লৈতে।
মসিদসু গুজরাতকী অচৌবা খুদোংচাবা লৈরি। হৌজিক ফাওবদা গুজরাত অসি ললোল ইতিক তৌবা অমসুং বিজিনেসতা মশক খংনরি, মখোয়না মফম অমদগী মফম অমাদা পোৎচৈ পুদুনা য়িনখি মদুদগী হিংনবগী লম্বী ফংখি। মসিদগী তপ্না নাথৈরক্তুনা গুজরাতনা মেন্যুফেকচরিংগী লমদা চংলকখি। অদুবু ২১শুবা চহিচা অসিদা গুজরাত অসি ইনোবেতিব হব অমা ওইনা লৈবাক অসিগী নোলেজ হব ওইনা চাউখৎলক্লি। মিসন স্কুল ওফ এক্সিলেন্সনা মসিগী থৌনা অসি উৎলগনি।
মরুপশিং,
ঐহাক্না ঙসিগী য়াম্না মরু ওইবা থৌরম অসিদা শরুক য়াবগী খুদোংচাবা ফংজখি। পুং খরগী মামংদা ঐহাক্না লৈবাক অসিগী দিফেন্সকী শক্তিগী মতাংদা পাঙথোকপা থৌরম অমদা শরুক য়াখি। পুং খরগী মতুংদা লৈবাক অসিগী লৌশিংগী শক্তিগা মরী লৈনবা থৌরমদা য়াওবা ফংখি। অমসুং হৌজিকনা জুনাগরদা মতুংদা রাজকোত্তা চৎতুনা চাউখৎ থৌরাংগা মরী লৈনবা লমগী থবক্তা য়াওবগী খুদোংচাবা ফংলগনি।
মরুপশিং,
অমুক হন্না ঐহাক্না গুজরাতকী বিধ্যা জগতপু, গুজরাতকী মীরোলবু, মমা-মপাশিংবু মরু ওইবা থৌরম অসি পাঙথোকপা ঙম্বগীদমক নুংঙাইবা ফোঙদোকচরি। মসি মরু ওইবা থৌরম অমনি, মরুপশিং ঐহাক্না য়াইফ পাউজেল পীজরি। ভুপেন্দ্র ভাই অমসুং মহাক্কী তীমবু থমোয় শেংনা থাগৎপা ফোঙদোকচরি।
থাগৎচরি!
