রাজ্য অসিগী মীয়ামগী লিংজেল মান্নবা অমদি অপুনবগী শক্তম অদুবু থাগৎখ্রে
“দবল ইঞ্জিন সরকারগী হনবা লৈতবা হোৎনজমলনা ত্রিপুরা অসি খুদোংচাবশিংগী লমদম অমা ওইরক্লি”“কন্নেক্তিবিতী ইনফ্রাস্ত্রকচর শেমগৎ-শাগৎতুনা, রাজ্য অসিনা খোংলৈ থুনা ত্রেদ কোরিদোরগী হব ওইরক্লি”খুরুমজরি !
খুলুমখা !
রাজ্য শেমখিবগী চহি ৫০ মপুং ফারকপদা ত্রিপুরাগী মীপুম খুদিংমকপু হন্না-হন্না য়াইফ পাউজেল পীজরি! ত্রিপুরা শেম্বা অমসুং মসিগী দিবলপমেন্তকীদমক থৌদাং লৌখিবা মীপুম খুদিংমকপু ইকোক নোন্না তৌবিমল খংবা উৎচরি, মখোয়গী হোৎনখিবশিংবু খুরুমজরি!
ত্রিপুরাগী পুৱারী মতম পুম্নমক্তা চিং লেম্বনা মপুং ওইদুনা লাক্লি। মানিক্য দাইনেস্তিগী নিংথৌরেলগী মায় পাকপদগী ঙসি ফাওবা রাজ্য অমগী মওংদা ত্রিপুরানা মশাগী থৌদাং অদু হেন্না চেৎশিলহল্লি। ত্রাইবেল সমাজ ওইগেরা নত্রগা অতোপ্পা কাংলুপ ওইগেরা, পুম্নমক্না ত্রিপুরাগী দিবলপমেন্তকীদমক মপুং ফাবা থৌদাংগা লোয়ননা, অমত্তা ওইনা হোৎনখি। ইমা ত্রিপুরাসুন্দরীগী থৌজালদগী ত্রিপুরানা শিংনরকপা খুদিংমক ইচং থৌনা মায়োক্নখি।
ত্রিপুরানা ঙসি দিবলপমেন্তকী অনৌবা ইরা অমগী মায়কৈদা চংশিল্লিবা অসিদা ত্রিপুরাগী মীয়ামগী য়াম্না চাউবা থৌদাং য়াওরি। অহোংবা পুরকপগী চহি ৩ অসি মসিগী খুদমনি। ঙসি ত্রিপুরা খুদোংচাবশিংগী লমদম ওইরক্লি। ঙসি ত্রিপুরাগী মীচম প্রজাগী দরকার ওইবশিং ফংহন্নবা দবল ইঞ্জীনগী সরকারনা লেপ্পা লৈতনা থবক তৌরি। মরম অদুনবু দিবলপমেন্তকী শক্লোন কয়াদা ত্রিপুরা ঙসি হেন্না ফবা ফর্ফোমেন্স পীরি। ঙসি অচৌবা কনেক্তিবিতী ইনফ্রাস্ত্রকচরগী খুত্থাংদা হৌজিক রাজ্য অসি ত্রেদ কোরিদোরগী হব ওইরক্লি। দিকেদ কয়া অসি ফাওবা ত্রিপুরাগী নাক্তা ভারতকী অতোপ্পা মফমশিংগা শম্ননবা অমত্তা ঙাইরবা পাম্বৈদি কংফালগী লম্বী খক্তমক ওইরম্মি। মোন্সুনগী মতমদা লেন্দস্লাইদনা মরম ওইদুনা লম্বী থিংবা মতমদা ত্রিপুরা য়াওনা অৱাং নোংপোক্তা মরুওইবা পোৎলমশিং অৱাৎপনা থল্লম্মী। ঙসিদি কংফাল লম্বীগা লোয়ননা রেল, নোংথক, ইনলেন্দ ৱাতরৱেগুম্বা মেদিয়ম কয়া অমা ত্রিপুরানা ফংলে। রাজ্য ফংলবা মতুং চহি কয়া অমা ফাওবা ত্রিপুরা বঙ্গলাদেশকী চিতগাও পোর্তকীদমক এক্সেস ফংনবা তক্নদুনা লাকখি। ২০২০দা অখৌরা ইন্তিগ্রেতেদচেক পোস্ততা বঙ্গলাদেশকী অহানবা কার্গো য়ৌরকপা মতমদুদা দবল ইঞ্জীনগী সরকারনা দিমান্দ অসি মপুং ফাহনখি। রেল কনেক্তিবিতীগী হিরমদা ত্রিপুরা লৈবাক্কী মাংজিল থাবা রাজ্যশিংগী মনুং চল্লে। মতম খরগী মমাংদা মহারাজা বীর বিক্রম এয়রপোর্তসু হেন্না পাকথোক চাউথোকহল্লে।
মরূপশিং,
ঙসি নাকল অমরোমদা ত্রিপুরা লাইরবশিংবু পক্কাগী য়ুম ফংহনবদা থৌগৎনিংঙাই ওইরবা থবক তৌরি, অদুগা অতোপ্পা নাকল অমরোমদা অনৌবা তেক্নোলোজীবুসু খোংজেল য়াংনা শিজিন্নরি। হাউজিং কন্সত্রক্সন্দা অনৌবা তেক্নোলোজী শিজিন্নবা রাজ্য৬কী মনুংদা ত্রিপুরাসু অমনি। চহি ৩দা পায়খৎখিবা পুম্নমক অদু হৌজিক হৌবদা ঙাইরি।
এদমিনিস্ত্রেসন্দা ত্রান্সপরেন্সীদগী হৌরগা মোদর্ন ইনফ্রাস্ত্রকচর ফাওবা ঙসি শেমগৎলিবা অদুগুম্লবা ত্রিপুরা অসি লাক্কদৌরিবা দিকেদশিংগীদমক রাজ্যবু থৌরাং তৌরগনি। বিপ্লব দেব জী অমসুং মহাক্কী তিমনা কন্না হোৎনবগা লোয়ননা চংশিল্লি। হন্দক্তা ত্রিপুরা সরকারনা খুঙ্গং খুদিংদা ফেসিলিতী কয়া অমা চাদা চামা য়ৌহন্নবা খোংজং হৌদোক্লে। সরকারনা হোৎনরিবা অসি, ত্রিপুরাগী মীয়ামগী পুন্সী লাইথোকহনবদা মতেং য়াম্না ওইরগনি। ভারতনা মশাগী নিং তম্বগী চহি ১০০ মপুং ফারকপা মতমদুদা ত্রিপুরাসু রাজ্য শেমখিবগী চহি ৭৫ মপুং ফারগনি। মসি অনৌবা রিজোলুসনগীদমক, অনৌবা তাঞ্জাগীদমক য়াম্না অফবা মতমনি। ঐখোয় ইশাগী থৌদাং ঙাক্না মাংলোমদা চৎকদবনি। ঐখোয় অমত্তা ওইনা পুন্না দিবলপমেন্তকী খোংজেলবু ঙাক্না থমগদবনি, থাজবা অসিগা লোয়ননা ময়াম পুম্নমকপু হন্না-হন্না য়াইপ পাউজেল পীজরি।
থাগৎচরি!
