পি.এম.না ন্যুজএক্স ৱর্ল্দ চেনেল লোঞ্চ তৌখ্রে
21শুবা চহিচাগী ভারত্তা মালেমনা মীৎয়েং থম্নরি: পি.এম.ঙসি মালেমনা ভারতকী ওর্গনাইজিং অমসুং ইন্নোবেতিং স্কিলশিং উবা ফংলি: পি.এম.ঐহাক্না জাতিদা ‘ভোকেল ফোর লোকেল’ অমসুং ‘লোকেল ফোর গ্লোবেল’গী ভিজন অদু থমখি অমসুং ঙসি ঐখোয়না ভিজন অসি তশেংবদা ওন্থোকপা উবা ফংলি: পি.এম.ঙসি, ভারত অসি মালেমগী অনৌবা ফেক্তরী ওইনা থোরক্লি; ঐখোয় অসি শুপ্নগী ৱার্ক-ফোর্স অমা খক্তা নত্তে; ঐখোয় ৱর্ল্দ-ফোর্স অমনি!: পি.এম.‘মিনিমম গভর্নমেন্ত, মেক্সিমম গভর্নান্স’ অসি ইফিসিএন্ত অমসুং ইফেক্তিব গভর্নান্সকী মন্ত্রনি: পি.এম.ভারতনা লোইনাইদ্রবা ইন্নোবেসনশিংগী লমদম ওইরক্লি: পি.এম.ভারতকী নহারোলশিংদা ঐখোয়না খ্বাইদগী মরু ওইবা মীৎয়েং থম্মি: পি.এম.নেস্নেল এজুকেসন পোলিসীনা মহৈরোয়শিংদা তেক্সবুকশিংগী ৱাংমদা ৱাখল খন্নবা খুদোংচাবা পীরি: পি.এম.খুরুমজরি,
আই.তি.ভিগী ফাউন্দর অমসুং সংসদকী ঐগী মরুপ কার্তিকেয়ান শর্মা জি, নেতৱার্ককী অপুনবা কাংবু, ভারত অমসুং মপান লৈবাকশিংগী অতিথিশিং অমসুং অতোপ্পা শক্নাইরবশিং, ইবেম্মাশিং অমসুং ইবুংঙোশিং,
ন্যুজএক্স ৱার্ল্দ অসি শেংলবা অহৌবা অমনি অমসুং মসিগীদমক ঐনা অদোম অমসুং মীয়াম পুম্নমক্ত য়াইফ-পাউজেল পীজরি। ঙসিদগী হিন্দী অমসুং ইংলিস য়াওনা অদোমগী রিজনেল চেন্নেলশিং মালেম শীনবা থুংলগনি। ঙসিদগী ফেল্লোসিপশিং অমসুং স্কোলারশিপ কয়া হৌদোক্লে অমসুং থৌরমশিং অসিগীদমক ঐনা অদোমগী মফমদা য়াইফ-পাউজেল পীজরি।
মরুপশিং,
ঐনা মমাঙদা অসিগুম্বা মেদিয়াগী থৌরমশিং শরুক য়াখ্রে, অদুবু ঙসিদি অদোম্না অনৌবা অমা হৌদোক্লে অমসুং মসিগীদমক ঐনা অদোম থাগৎপা ফোঙদোকচরি। ঐখোয়গী লৈবাক্ত অসিগুম্বা মেদিয়াগী থৌরমশিং পাংথোক্লি অমসুং মসিদা শেন-থুমগী ওইবা ৱাফম খর লৈরি, মীওই খুদিংমক শেন্দোং তান্নবগী খল্লি, অদুবু অদোমগী নেতৱার্ক অসিনা অনৌবা শক্তম অমনি। হান্নগী চৎনবী থুগায়দুনা অদোম্না অনৌবা নমুনা অমদা থবক তৌরি। তোঙান তোঙানবা মেদিয়া হাওসশিংনা মমাঙদা পাংথোকপা মীফমশিং অসি লুচিংবশিংদা য়ুম্ফম ওইবনি, হন্দক্কী মীফম অসি থৌশিলদা মরুওইনা লৌবদা ঐ হরাওই অমসুং মীফম অসিদা থৌশিলশিংগী মরমদা খন্নরে। থৌরম অয়াম্বা হৌখিবদা য়ুম্ফম ওইরগা হৌজিক্কী ওইরিবা ফিবমগী মতাংদা পাংথোকপনি। অদোমগী মীফম অসিদি হয়েংগীদমক কৎথোকপনি। ঐনা উবদা থৌরম অয়াম্বা ৱাথোকশিংনা হেন্না মরুওইনা লৌবা উরি, হন্দক্কী থৌরম অসিদি ৱারি শানবনা হেন্না মরুওইনা লৌরি। ঐনা শরুক য়াখিবা থৌরমশিং অপীকপা কা অমদা পাংথোকখি অমসুং মখোয়গী মীওইশিং শরুক য়াখি। মেদিয়া হাওস অমগী থৌরম অমদা শীনফম খুদিংমক্কী মীওইশিং শরুক য়ারে, মসি অচৌবা অমনি। থৌরম অসিদগী অতোপ্পা মেদিয়াগী মীওইশিংনা মসালা অমতা ফংলোই, অদুবু লৈবাক অসিনা ইথিল য়াম্না ফংগনি, মরমদি থৌরম অসিদা শরুক য়ারিবা মীওই খুদিংমক্কী ৱাখলশিংনা লৈবাক অসি ইথিল পীগনি। তুংদা অতোপ্পা মেদিয়া হাওসশিংনা মসিগী চৎনবগী অসি ইনগনি হায়বগী থাজবা থম্লি অমসুং মসি অনৌবা অমা ওইহনগনি অমসুং মসি অপীকপা কা অমদগী ওইরকপনি।
মরুপশিং,
ঙসিদি মালেম শীনবা থুংবনা ২১শুবা চহিচাগী ভারত্ত য়েংলক্লে, মালেম শীনবা থুংবগী মীওইশিং ভারত্ত লাকপা পাম্লে, ভারতকী মরমদা খঙনিংলে। ঙসিগী ভারত অসি অফবা পাউ লেপ্তনা পুথোকপা লৈবাক অমা ওইরে। পাউ শুংবগী মথৌ তাদ্রে, নুমিৎ খুদিংগী অনৌবা রেকোর্দশিং থম্লে, অনৌবা খর পাংথোক্লে। ফেব্রুৱারি ২৬ দা, প্রায়াগ্রাজদা অপুনবগী মহা কুম্ভ লোইশিনখ্রে। কমদৌনা মীওই করোর কয়া তুরেলগী তোর্বানশিংদা লাকখিবা, কিলোমিতর চা কয়া লাপ্না লাকখিবা অমসুং ঈরুপখিবগী মতাংদা মালেম শীনবা থুংনা অঙকপা ফাওনরে। ঙসিদি মালেম্না ভারতকী থৌরম শীনবা অমসুং অনৌবা পাংথোকপশিং লৌশিং অসিদা য়েংলি। হৌজিক লৈবাক অসিদা ঐখোয়না সেমিকন্দক্তরশিংদগী হৌরগা এয়রক্রাফ কেরিয়র ফাওবা শারে। ভারতকী মাইপাকপা অসি কুপ্না খঙবা মালেম্না পাম্লে। মসিগীদমক ন্যুজ এক্স ৱার্ল্দ অসি অচৌবা খুদোংচাবা অমনি হায়না ঐনা খল্লি।
মরুপশিং,
থা খরগী মমাঙদা ভারত্ত মালেমদা খ্বাইদগী চাউবা মীখল পাংথোকখ্রে। চহি ৬০ গী মতুংদা, ভারত্ত সরকার অমা থংন থংননা অহুমলকপ অমুক হন্না শক্তি পায়রে। মসি হৌখিবা চহি ১১ দা ভারতকী মাইপাকপশিংদা মীয়াম্না থাজবা থম্বদগী ওইরকপনি। অনৌবা চেন্নেল অসিনা ভারতকী অশেংবা ৱারিশিং মালেমদা খঙহনগনি হায়না ঐনা থাজৈ। মচু অমতা থাক্তনা, অদোমগী মালেমগী চেন্নেল অসিনা ভারতকী শক্তম উৎকনি, ঐখোয়না শেমজিন শাজিনবা দরকার ওইদে।
মরুপশিং,
চহি কয়াগী মমাঙদগী, ঐনা লৈবাক অসিদা ভোকেল ফোর লোকেল অমসুং লোকেল ফোর গ্লোবেলগী পান্দম পুথোক্তুনা লাক্লি। ঙসিদি ঐখোয়না মসিগী পান্দম অসি থবক ওইনা উবা ফংলে। ঙসিদি ঐখোয়গী অয়ুসগী পোৎথোকশিং অমসুং য়োগ লমদম অসিগী ওইরম্বদগী মালেম শীনবা থুংলে। মালেমদা মফম খুদিংদা চৎলুবদা, য়োগগী মরমদা খঙবা কনাগুম্বা অমা অদোম্না থেংনগনি। ঐগী মরুপ তোনি মফম অসিদা ফম্লি, মহাক নুমিৎ খুদিংগী য়োগ শান্নবা অমনি। ঙসি ভারতকী মচি ওইরবা চীঞ্জাক, ঐখোয়গী মখানা, মালেম শীনবা থুংলে। ভারতকী মিল্লেতশিং-শ্রীঅন্নাশু লৈবাক অসিদগী মালেমগী লৈবাক কয়া য়ৌরে। ঐগী মরুপ তোনি অবোত দিল্লি হত্ত ভারতকী মিল্লেতশিং মহাও তংখ্রে হায়বা ঐ খঙলে অমসুং মহাক মিল্লেতশিংগী মথেলশিং য়াম্না পামখি অমসুং মসি তাবদা ঐ হরাওই।
মরুপশিং,
মিল্লেতশিং খক নত্তনা, ভারতকী য়াইঙংশু মালেমগী লৈবাকশিং শীনবা থুংলে, মালেমগী য়াইঙংগী চাদা ৬০ হেন্না ভারতনা পীরি। ভারতকী কোফিশু মালেমগী লৈবাকশিং য়ৌরে, মালেমদা ভারত মপান্দা কোফি থাদোকপা ৭শুবা খ্বাইদগী চাউবা লৈবাক ওইরে। ঙসি ভারত্ত শাবা মোবাইলশিং, ইলেক্ত্রোনিক্সকী পোৎলমশিং, হিদাক-লাংথকশিং মালেমদা মশক তাক্লে। মসিগা লোয়ননা, অহেনবা থবক অমতা পাংথোক্লি। মালেমগী থবক কয়াদা ভারতনা মাঙজিল থারি। হন্দক ঐনা ফ্রান্সতা এ.আই এক্সন সম্মিৎ শরুক য়ারুরে। মীফম অসি ভারতকা পুন্না য়ুম্বু ওইমিন্নদুনা এ.আইগী তুংলমচৎকীদমক মালেমগী লৈবাকশিংগা পুন্না খন্ন-নৈনখি। মীফম অসি ভারতনা য়ুম্বু ওইদুনা পাংথোক্লগনি। লৈবাক অসিনা প্রসিদেন্ত ওইরিঙৈদা ভারতনা অঙকপা জি-২০ মীফম পাংথোকখ্রে। মীফম অসিগী মনুংদা, ইন্দিয়া-মিদল ইস্ত-য়ুরোপ কোরিদোরগী মওংদা মালেমদা ঐখোয়না অনৌবা শেন-থুমগী লম্বী অমা শেম্লে। গ্লোবেল সাউথকীদমক ভারতনা অকনবা খোল্লাউ অমা লাউরে, ঐগী মরুওইবা থবকশিংগা ইথৎ লৈবাকশিং অমসুং মখোয়গী দরকার ওইবা থবকশিংগা ঐখোয়না শম্নহল্লে। অইং-অশাগী খল হোংলকপা থেংননবা, ভারতনা মালেমদা মিসন লাইফকী পান্দম উৎলে। মসিগা চপ মান্নবা মওংদা, ইন্তরনেসনেল সোলার এল্লাইন্স, কোলিএসন ফোর দিজাস্তর রিসিলিয়েন্ত ইনফ্রাস্ত্রকচরগুম্বা থবকশিংদা ভারতনা মালেম অসি লুচিংলি। ভারতকী ব্রান্দ কয়া মালেমগী ওইরকপদা ঐ হরাওই, ভারতকী মেদিয়াশু মালেমগী ওইরক্লে। মসি মালেমগী ওইনা খুদোংচাবনি।
মরুপশিং,
চহি কয়া, মালেমগী লৈবাকশিংনা ভারত অসি মখোয়গী বেক ওফিস ওইনা শীজিন্নখি। অদুবু ঙসিদি, ভারত মালেমগী অনৌবা ফেক্তর ওইরক্লে। ঙসি ৱার্কফোর্স অমা ওইবা খক নত্তনা, ৱার্ল্দ-ফোর্স অমসু ওইরে। ঙসিদি, লৈবাক অসি ঐখোয়না পুশিল্লক্কদবা পোৎলমশিং মপান লৈবাকশিংদা থাদোক্নবা মফম অমা ওইরক্লে। মতম অমদা লমদম অসিগী কৈথেলদা নৈশীন্দুনা লৈরম্বা লৌমী, ঙসিদি মহাক্কী পোৎথোক মালেমগী কৈথেলশিংদা য়ৌরে। মালেমদা পুলৱামাগী শ্নো পিস, মহারাস্ত্রাগী পুরান্দর ফিগশিং অমসুং কাস্মিরগী ক্রিকেত বেতশিং মালেম্না হেনগৎলক্লি। ঐখোয়গী ঙাক-শেনগী পোৎথোকশিংনা মালেমদা ভারতকী ইঞ্জিনিয়ারিং অমসুং তেক্নোলোজিগী শক্তি অদু উৎলে। ইলেক্ত্রোনিক্সশিংদগী হৌরগা ওতোমোবাইল সেক্তর ফাওবদা, মালেম্না ঐখোয়গী পাক-চাউবা অমসুং ঐখোয়গী তৌবা ঙম্বা উরে। ঐখোয়না ঐখোয়গী পোৎথোকশিং মালেমদা ফংহনবা খক নত্তনা, মালেমগী সপ্লাই চেন্দা ভারত থাজবা য়াবা অমসুং হায়নখিবা শোইদবা মরুপ অমা ওইরক্লি।
মরুপশিং,
করিগুম্বা ঙসি ঐখোয়না হিরম কয়াদা লুচিংবা অমা ওইরক্লবদি, মদুগী মরমদি চহি কয়া থবক কন্না শুরকপনা ওইরকপনি। মসি থৌশিলশিং ফজনা ৱারেপ লৌবদগী ওইরকপনি। চহি ১০ গী খোঙচৎ অসি য়েংসি, শাবা লোইশিল্লমদবা থোংশিং অমসুং লম্বীশিং লোইশিল্লে, ঙসিদি মঙলানশিং অনৌবা খোঙজেল অমদা মাঙলোমদা চঙশিল্লে। অফবা লম্বীশিং, অফবা এক্সপ্রেসৱেশিংনা চৎথোক-চৎশিনগী মতম অমসুং শেন হন্থহল্লে। মসিনা পোৎ-চৈ পুথোক-পুশিনগী মফম হন্থহন্দুনা খুদোংচাবা অমা উদ্যগতা পীরে। মসিদা ঐখোয়গী ওতোমোবাইল সেক্তরনা অচৌবা কান্নবা অমা ফংলে। মসিনা গারিশিংগী দিমান্দ হেনগৎলক্লে, গারিশিং অমসুং ই.ভিশিং পুথোকপদা ঐখোয়না পুক্নিং থৌগৎলে। ঙসিদি ঐখোয় মালেমদা অচৌবা গারি শাবা অমসুং মপান্দা থাদোকপা লৈবাক অমা ওইরক্লে।
মরুপশিং,
ইলেক্ত্রোনিক্স মেনুফেকচরিংদা অহোংবা লাকপা উরে। হৌখিবা চহি ১০ দা, অহানবা ওইনা ইমুং করোর ২.৫ হেনবদা মৈ ফংহল্লে। লৈবাক অসিদা মৈ দরকার ওইবা হেনগৎলক্লে, ইলেক্ত্রোনিক্সকী পোৎলমশিং পাম্নবা অমসুং পুথোকপা হেনগৎলক্লে। ঐখোয়না দেতাগী মমল হোংহনবা মতমদা, মোবাইল ফোনশিং শীজিন্নবা হেনগৎলক্লে। মোবাইল ফোনশিংদা থবক কয়া পাংথোকপা হেনগৎলকপদা, দিজিতেলগী দিভাইন্সশিং শীজিন্নবা মখা তানা হেনগৎলক্লে। পাম্নবা হেনগৎলক্লিবা অসি খুদোংচাবা অমা ওন্থোক্তুনা, ঐখোয়গী পি.এল.আই স্কিমশিংগুম্বা থৌরমশিং হৌদোক্লে। ঙসিদি, ভারত ইলেক্ত্রোনিক্সকী পোৎলমশিং মপান্দা থাদোকপা অচৌবা লৈবাক অমা ওইরক্লে।
মরুপশিং,
ঙসি, ভারতনা অচৌবা পান্দমশিং থম্বা ঙম্লে অমসুং মখোয় ফংবা ঙম্লে, মরম অদুনা মসিগী ময়াইদা অখন্নবা লাইৱা অমা লৈরি। লাইৱা অদুদি, মিনিমম গভর্নমেন্ত, মেকজিমম গনর্ভনান্সনি। মসি অফবা অমসুং মতিক চাবা লৈঙাক্কী লাইৱানি। মসিদা সরকারনা অয়েৎপা পীবা নত্ত্রগা প্রেসর পীবা য়াওদে। ঐনা অদোমগী মফমদা নুংঙাইরবা খুদম অমা পীগে। হৌখিবা চহি ১০ দা, ঐখোয়না মরুওইদ্রবা আইন ১৫০০ রোম মুৎথৎলে। আইন ১৫০০ মুৎথৎপা অসি য়াম্না চাউবা থবক অমনি। হায়রিবা আইন অয়াম্বা বৃতিস লৈঙাক মনুংদা শেম্লম্বনি। হৌজিক ঐনা অদোমগী মফমদা অনৌবা অমা হায়গে, তাবদা অদোম অঙাকপা ফাওগনি, দ্রামতিক পর্ফোমেন্ত এক্ত কৌবা আইন অমা লৈরমখি, আইন অসি চহি ১৫০ গী মমাঙদা বৃতিসনা শেমখিবনি, মতম অদুদা দ্রামা অমসুং থিয়েতর অসি মখোয়গী সরকারগী মায়োক্ত লৈবা বৃতিসনা পামখিদে।
করিগুম্বা মীওই ১০ মীয়াম তিনবা মফম অমদা জগোয় শাবা থেংনরবদি, মখোয়না ফাবা য়াবগী প্রোভিজন অমা আইন অসিদা য়াওখি। লৈবাক অসিনা নিংতম্বা ফংলবা চহি ৭৫ মসিগী আইন অসি চৎনখি। করিগুম্বা লুহোংবগী থৌরম অমদা, মীওই ১০ জগোয় শারবদি, বর অদু য়াওনা মখোয় পুম্নমক পুলিসনা ফাবা য়াই। আইন অসি চহি ৭০-৭৫ নিংতম্বা ফংলবা মতুংদা চৎনখি। মসিগী আইন অসি ঐখোয়গী সরকারনা লৌথোক্লে। করিগীদমক চহি ৭৫ অসিগুম্বা আইন অসি তুমিন্না য়েংদুনা লৈরক্লিবনো? নুমিৎ খুদিংগী কোর্ততা চৎলিবা মীওইশিং, পি.এল.আইশিংগী থিকাদারশিংগুম কোইচৎ চৎলিবা মীওইশিং, হায়রিবা মীওইশিং অসিনা করিগীদমক তুমিন্না লৈথোক্লিবনো? করিগুম্বা মোদীনা অসিগুম্বা আইন অমা শেম্লবদি, ঙসি মীয়াম্না করি খনগনি? সোসিএল মেদিয়াদা করেম্নরিবা মীওইশিংনা মোদীনা অসিগুম্বা আইন অমা শেম্লে হায়না মখোয়না অরানবা পাউ অমা শন্দোক্কনি, হায়রিবা মীওইশিং অসিনা মৈ থাগনি, মখোয়না মোদীগী শম ফোইগনি।
মরুপশিং,
লোয়লম লৈঙাক মতমগী আইনশিং অসি ঐখোয়গী সরকারনা মুৎথৎপনি। ৱাগী খুদম অমা ঐ পীগে, অৱাং-নোংপোক য়াওনা ঐখোয়গী ত্রাইবেলশিংগী লমদমশিংদা ৱা অসি থৱায়নি। অদুবু মমাঙদা, ৱা য়ানবগী অদোম জেলদা থমখি, হৌজিক আইন অসি করিগীদমক শেম্লিবনো? হৌজিক, করিগুম্বা ঐনা অদোমদা ৱা অসি উরা হায়না হংলবদি? মসি উ অমনি হায়না মীওই খরনা থাজগনি, নিংতম্বা ফংলবা চহি ৭০ গী মতুংদা ফাওবা, ঐগী লৈবাক্কী সরকারনা ৱা অসি উনি হায়না থাজখি অমসুং মরম অদুনা উ য়ানবা থিংবগুম, ৱা য়ানবশু থিংখি। ৱা অসি উনি হায়না খনবা আইন অমা ঐখোয়গী লৈবাক্ত চৎনখি অমসুং উগী আইন খুদিংমক মসিদা চৎনখি, মরম অদুনা ৱা য়ানবা অসি অরুবা ওইখি। ৱা অসি উ নত্তে হায়বা ঐখোয়গী হান্নগী লৈঙাকপশিংনা খঙখিদে। মখোয়গী য়াইফনবা বৃতিসনা শেমখিবনি, অদুবু করিগীদমক ঐখোয়না মসি শেমদোক্লোইদৌরবনো? চহি কয়া শুরবা ৱাগা মরী লৈনবা অরিবা আইন ঐখোয়গী সরকারনা অহোংবা পুরক্লে।
মরুপশিং,
চহি ১০ গী মমাঙদা মীচম অমনা আই.তি.আর ফাইল তৌবদা কয়া য়াম্না খুদোংচাদবা থেংনবগে হায়বা অদোম নিংশিংলমগনি। ঙসিদি অদোম্না মিকুপ খরগী মনুংদা আই.তি.আর ফাইল তৌরে অমসুং নুমিৎ খরনিগী মনুংদা একাউন্তদা রিফন্দ হকথেংননা হাপচিল্লে। ইনকম তেক্সগা মরী লৈনবা আইন লাইহন্নবা থৌরাং সংসদনা পায়খৎলে। ঐখোয়না লুপা লাখ ১২ ফাওবগী ইনকম তেক্স লৌদ্রে, হৌজিক অদোমনা থাগৎলে, অদুবু ৱা অসি ত্রাইবেলশিংগী ওইবা মরম্না অদোম্না থাগৎপা ফোঙদোক্তে। মসিনা অদোমগুম্বা তোলোব চাবা মেদিয়াগী মীওইশিংদা কান্নবা পীগনি। মখোয়গী অহানবা অমসুং অনিশুবা থবক শুরিবা নহারোলশিংগী অনিংবশিং তোঙাল্লি, মখোয়গী চাদিংশু তোঙাল্লি। মখোয়না মখোয়গী অপাম্বশিং ফংগদবনি, মখোয়গী শেন তুংশিনবা হেনগৎহনগদবনি, মসিদা বজেতনা মতেং য়াম্না পাংলে। লৈবাক অসিগী মীয়াম হিংবদা লাইহনবা, ললোন-ইতিক পাংথোকপা লাইহনবা, পাইনবা মখোয়দা অহাংবা অতিয়া ফংহনবা অসি ঐখোয়গী পান্দমনি। ঙসি কমদৌনা স্তার্দঅপশিংনা জিওস্পাসিএল দেতাগী কান্নবা লৌবগে হায়বা উরে। হান্নদি, করিগুম্বা মীওই অমনা মেপ অমা য়েক্কদবা ওইরবদি, মখোয়না সরকারদগী অয়াবা লৌগদবনি। মসি ঐখোয়না হোংদোক্লে অমসুং ঙসিদি ঐখোয়গী স্তার্দ-অপশিং অমসুং লনাই কম্পেনিশিংনা দেতা অসি ফজনা শীজিন্নরে।
মরুপশিং,
মালেমদা জিরো হৌদোকখিবা ভারত ঙসিদি মপান নাইদ্রবা অনৌবা থবকশিংগী লমদম অমা ওইরক্লি। ঙসি ভারতনা লৈবাক অসিগী থবকশিং অনৌবা মওংদা পাংথোক্লি। অনৌবা থবকশিংগী খুৎথাংদা, ঐখোয়না পুথোক্লিবা পাম্বৈশিং অসি মমল হোংবা, লাইনা ফংবা অমসুং চুশিন্নবা ঙম্বা ওইরে। হায়রিবা পাম্বৈশিং অসি ঐখোয়না ফাজিন্দুনা থমদে অদুবু মখোয় মালেম শীনবা থুংনা ফংহল্লে। অশোই-অঙাম লৈতবা অমসুং শেন য়াম্না চঙদবা দিজিতেল পেমেন্তগী থবক অমা মালেম্না পাম্লকপা মতমদা, ঐখোয়না য়ু.পি.আই সিস্তেম পুথোক্লে। ঐ প্রোফেসার কার্লোস মোন্তেসগী ৱারোল তারে, য়ু.পি.আইগুম্বা মীয়ামগী কান্নবা তেক্নোলোজিদা মহাক অপেনবা পোক্লে। ঙসিদি ফ্রান্স, য়ু.এ.ই অমসুং শিঙ্গাপুরগুম্বা লৈবাকশিংনা মখোয়গী শেন-থুমগী থবকশিংদা য়ু.পি.আই য়াওহল্লে। ঐখোয়গী দিজিতেল পব্লিক ইনফ্রাস্ত্রকচর, ইন্দিয়া স্তেক শরুক য়ানবা ঙসি মালেমগী লৈবাক কয়ানা থৌরাং তৌরে। কোবিদ লাইচৎ মনুংদা, ঐখোয়গী তিকানা মালেমদা ভারতকী মগুন লৈবা অনা-লায়েংবগী থবকশিংগী নমুনা উৎখ্রে। ঐখোয়না অরোগ্যা সেতু এপ্প ওপন-সোর্স ওইহন্দুনা মসিগী কান্নবা মালেমগী লৈবাকশিংনা ফংলে। ভারত অচৌবা স্পেস পৱার অমনি; মখোয়গী স্পেসকী দরকার ওইবশিং ফংনবা ঐখোয়না অতোপ্পা লৈবাকশিংগী মতেং পাংলি। মীয়ামগী য়াইফনবা এ.আই শীজিন্নবগী মতাংদা ভারতনা থবক পায়খৎলি অমসুং মসিগী লৌশিং অমসুং খঙজবশিং মালেমদা ফংহল্লে।
মরুপশিং,
ঙসি আই.তি.ভি নেতৱার্কনা ফেল্লোসিপ কয়া হৌদোক্লে। ভারতকী নহারোলশিংনা বিকসিত ভারতকী কান্নবা খ্বাইদগী য়াম্না ফংলি অমসুং খ্বাইদগী চাউবা মরী লৈনবশু ওইরি। মরম অদুনা, ভারতকী নহারোল অসি ঐখোয়গী ওইনা য়াম্না মরুওইবনি। নেসনেল ইজুকেসন পোলিসিনা অঙাংশিংদা লাইরিকশিংগী ৱাংমদা ৱাখল খন্নবা খুদোংচাবা অমা পীরে। মিদল স্কুল মশাদগী কোদিং তমদুনা এ.আই অমসুং দেতা সাইন্সকী লমদা অঙাংশিং থৌরাং তৌরে। অতল তিনকরিং লেবশিংনা অঙাংশিংদা অনৌবা তেক্নোলোজিশিং খঙনবগী খুদোংচাবা পীরে। মরম অদুনা, চহি অসিগী বজেত্ত, ঐখোয়না অনৌবা অতল তিনকরিং লেব লিশিং ৫০ লিংখৎনবা লাউথোক্লে।
মরুপশিং,
ই-পাউগী তাইবং অসিদা, অদোমনা তোঙান তোঙানবা এজেন্সিশিংদগী পাউ লৌরি,মসিনা অদোম্না পাউ ফজনা ফোঙবদা মতেং পাংলি। মসিগা চপ মান্নবা মওংদা, থিজিনবগী লমদা, মহৈরোয়শিংনা হেনবা ই-পাউ লৌফম দরকার ওই। মসিগীদমক, মখোয়না শেন য়াম্না তাংনা তোঙান তোঙানবা চেফোঙশিং লৌখি, মখোয় মশামক শেন য়াম্না চাদিং তৌখি। ঐখোয়গী সরকারনা থিজিল্লোয় খুদিংমক মসিগী অৱাবা অসিদগী কোকহল্লে। ঐখোয়না ৱান নেসন ৱান সবস্ক্রিপসন চৎনহল্লে। মসিগা লোয়ননা, লৈবাক অসিগী থিজিল্লোয় খুদিংমক, মালেমগী মমিং চৎলবা চেফোঙশিং লেম্না ফংলগনি। মসিগীদমক সরকারনা লুপা করোর লিশিং ৬ হেন্না চাদিং তৌরগনি। মহৈরোয় খুদিংমক খ্বাইদগী ফবা থিজিনবগী খুদোংচাবশিং ফংহন্নবা ঐখোয়না থবক পায়খৎলে। স্পেসকী থিজিনবা, বাইওতেক রিছার্স নত্ত্রগা এ.আইগী লমদা ঐখোয়গী অঙাংশিং তুংগী লুচিংবশিং ওইরক্লি। দোক্তর ব্রিয়ান গ্রিন্না আই.আই.তিগী মহৈরোয়শিং উনরে অমসুং মাইক মাসিমিনোগুম্বা এস্ত্রোনোতশিংনা সেন্ত্রেল স্কুলগী মহৈরোয়শিং উনরে অমসুং মহাক্না মহৈরোয়শিংগা উনখিবা অদু অঙকপনি হায়না মহাক্না ফোঙদোকখি। ভারত্ত অপীকপা স্কুল অমদগী তুংদা অচৌবা অনৌবা থবক অমা পায়খৎলক্কদবা নুমিৎ অদু পংকুই কুইদ্রে।
মরুপশিং,
মালেমগী মফম খুদিংমক ভারতকী ফিরাল পাইহল্লসি, মসি ঐখোয়গী অপাম্বনি, মসি ঐখোয়গী মাইকৈনি।
মরুপশিং,
হৌজিক অপীকপা ৱাখল খনবা অমসুং অপীকপা খোঙথাংশিং থাংবা মতম নত্তে। মেদিয়াগী লুপ অমা ওইনা, অদোমশু মসিগী ৱাখল অসি খঙবদা ঐ য়াম্না হরাওই। অদোম খঙলে, চহি ১০ গী মমাঙদা, কমদৌনা লৈবাক অসিগী রাজ্যশিংদা য়ৌহনগনি, কমদৌনা অদোমগী মেদিয়া য়ুমশিংদা য়ৌহনগনি হায়না অদোম ৱাখল খনখি, ঙসিদি অদোমশু মালেমগী লৈবাকশিং য়ৌনবা থৌনা লৈরে। মসিগী থৌনা, মসিগী ৱাশক অসিনা, মীওই খুদিংমক ঙসিদি ওন্ত্রাপ্রেন্যুয়র ওইহনগনি। ভারতকী ব্রান্দ খর মালেমগী কৈথেল খুদিংদা, দ্রোইং রুম খুদিংদা, দাইনিং তেবল খুদিংদা য়ৌহনবা অসি ঐগী মঙলান্নি। মেদ ইন ইন্দিয়া অসি মালেমগী লাইৱা অমা ওইহনগদবনি। কনাগুম্বা অমা নারবদি, মহাক্না ভারত্ত লায়েংনবা অহানবদা খনগদবনি। কনাগুম্বা অমা লুহোংগদবা লৈরবদি, অহানবদা মহাক্না ভারত্ত লুহোংনবা খনগদবনি। কনাগুম্বা অমনা লমকোয়নিংলবদি, মহাক্না ভারত মকোক্ত থমগদবনি। কনাগুম্বা অমনা মীফম অমা নত্ত্রগা একজিবিসন অমা পাংথোকপা পাম্লবদি, মহাক অহানবদা ভারত্ত লাক্কদবনি। কনাগুম্বা অমনা কন্সর্ত অমা পাংথোকপা পাম্লবদি, মহাক্না অহানবদা ভারত খনগদবনি। ঐখোয়না মসিগী থৌনা, মসিগী অফবা ৱাখল অসি ঐখোয় ইশামক্ত লৈহনগদবনি। মসিদা অদোমগী নেতৱার্ক অমসুং অদোমগী চেন্নেলনা অচৌবা থৌদাং অমা লৌগনি। খুদোংচাবশিং মপান নাইদে, হৌজিক ঐখোয়গী থৌনা অমসুং অচেৎপা ফিরেপকা লোয়নন মখোয় থবক ওইনা পাংথোক্কদবনি।
মরুপশিং,
মথং চহি ২৫ দা চাউখৎলবা ভারত অমা ওইহন্নবা ৱাশক অমগা লোয়ননা ভারত মাঙলোমদা চঙশিল্লি। মেদিয়া হাওস অমা ওইনা, অদোম মালেমদা ফম্বাক্ত লাক্নবা ৱাশক অমগা লোয়ননা অদোমশু চঙশিনগদবনি। মসি শোইনা মাইপাক্কনি হাবনা ঐনা থাজৈ। আই.তি.ভিগী অপুনবা কাংবু ঐনা অমুক হন্না থাগৎপা ফোঙদোকচরি অমসুং লৈবাক অসিগী অমসুং মালেমগী লৈবাকশিংদগী শরুক য়ারিবশিং ঐনা থাগৎপা ফোঙদোকচরি, মখোয়গী ৱাখল্লোনশিংনা অফবা ৱাখল খনবা হেনগৎহল্লে, মসিগীদমক ঐনা থাগৎপা ফোঙদোকচরি, মরমদি ভারতকী চাউথোকচবা হেনগৎলকপা মতমদা, ভারতমচা খুদিংমক হরাওবা অমসুং চাউথোকচবা ফাওই অমসুং মসিগীদমক ঐনা ময়াম পুম্নমক থাগৎপা ফোঙদোকচরি। খুরুমজরি।
