Quote“ঐখোয়না লৈবাক অসি শেমগৎপদা ইচানুপাশিংগা লোয়ননা খুন্নাইগী হীরম খুদিংমক্তা ঐখোয়গী ইচে-ইচলশিং অমসুং ইচানুপীশিংনা শরুক তম্লিবা অসি উবা মতমদা মসিনা শ্রী শ্রী হরিচন্দ থাকুরজীগুম্বা মশক নাইবা মীওইশিংদা তশেংনা ইকাই খুম্নবা উৎপগুম্না ফাওই”
Quote“সরকারনা সবকা সাথ, সবকা বিকাস, সবকা বিশ্বাস হায়বা অসিদা য়ুম্ফম ওইরগা মীয়ামদা সরকারগী স্কিমশিং য়ৌহনবা মতমদা, অমসুং সবকা প্রয়াসনা লৈবাক অসি খুমাং চাউশিন্নবা লমজিংবা মতমদা, ঐখোয়না ইনক্লুসিব ওইবা খুন্নাই অমা শেম্নবগী মাইকৈদা চংশিল্লি”.
Quote“‌ঐখোয়গী সম্বিধান্না ঐখোয়দা হক কয়ামরুম পীরি। ঐখোয়না ঐখোয়গী থৌদাংশিং থমোয় শেংনা পাঙথোক্লবা মতমদতা হকশিং অদু ঙাকশেনবা ঙমগনি”
Quote“করিগুম্বা মফম অমা হেক্তদা কনাগুম্বা অমবু ওৎপী-নৈবীবা তারবদি, মফম অদুদা অদোম্না শোইদনা ৱাকৎপীয়ু। মসি খুন্নাইগীদমক অমসুং লৈবাক অসিগীদমক লৈরিবা ঐখোয়গী থৌদাংনি”
Quote“করিগুম্বা কৈশু লৈতবা রাজনিতীগী ওইবা য়ান্নদবনা কনাগুম্বা অমনা মীওই অমদা হিংসা চত্থবা তারবি মদু অতোপ্পা মীওইশিংগী হক খোঙ্গোইনবনি। মরম অসিনা করিগুম্বা মফম অমা হেক্তদা হিংসাগী ৱাখল্লোন, ৱায়েল থৌদা লৈতবগী মমিং তারবদি মদু নমথবা হায়বা অসি ঐখোয়গী থৌদ

জয় হরি বোল! জয় হরি বোল! শ্রী শ্রী হরিচান্দ থাকুরের, দুশো-এগারো তমো, অবির‍্যাও তিথি উপো-লোকখে, অংকোল পনর্থী, শাধু গোশাই, পাগোল, দৌলাপন্তি, ও মতুআ মাইদের, জানাই আনতোরিক সুভেক্সা অভিনন্দন ও নামোস্কার!

কেন্দ্রগী কেবিনেত্তা ঐগা থবক তৌমিন্নরিবশিং অমসুং ওল ইন্দিয়া মতুআ মহাসংঘগী সংঘাধিপতি, শ্রী শান্তনু থাকুর জী, শ্রী মঞ্জুল কৃষ্ন থাকুর জী, শ্রীমতি সবিরানি থাকুর জী, স্রী সুব্রতা থাকুর জী, শ্রী রবিন্দ্রনাথ ৱিশ্বাস জী, অতোপ্পা দিগ্নিতররীশিং অমসুং মশিং য়াম্না তিল্লিবা ইচে-ইচলশিং অমসুং ঐগী নুংশিজরবা ইয়াম্বা-ইনাওশিং!

মমাংগী চহিগী ওরাকান্দিদা শ্রী শ্রী গুরুচান্দ থাকুর জী অমসুং য়াম্না মমিং লৈরবা মতুআগী চৎনবীবু ইকাইখুম্নবা উৎপা ফংজবা হায়বসি ঐগী ওইনদি য়াম্না লাইবক ফবনি। ঙসি থাকুরৱারীগুম্বা মহাতীর্থদা নখোয় ময়ামদা তেক্নোলোজীগী খুত্থাংদা ৱারী-ৱাতাই শানবগী খুদোংচাবা ফংলে। নখোয় ময়ামগা উনবগী খুদোংচাবা ফংলে। ঐহাক্না ওরাকান্দি চৎলুবা মতমদা, মফম অদুদা ঐহাক্না ঐগী ওইবা কয়া অমা ফংখি, থৌজাল কয়া অমা ফংখি। অমসুং থাকুরবারিনদি মতম চুপ্পদা ঐগীনি হায়বগী ৱাখল্লোন পোহল্লি অমসুং ঐহাকপু নুংশি-চানননা তৌবীরকখি

|

মরুপশিং,

মসিগী মতুআ ধর্মিয়ো মহামেলা অসি মতুআ চৎনবীবু ইকাই-খুম্নবা উৎপগী নুমিৎনি।  শ্রী শ্রী হরিচান্দ থাকুরনা থম্লম্বা ভেল্যুশিং অসিগীদমক্তা থাজবা উৎনবগী  থৌরম্নি।  মসিবু গুরুচান্দ থাকু জী অমসুং বোরো মানা এমপাৱর তৌরম্বনি অমসুং ঙসিদি শান্তনু জীগী মতেংদগী মসিগী চৎনবী অসি হৌজিক্তি অমুক হেন্না মতিক মগুন লৈহল্লে। অমত্তা ওইবা, ভরতমচা ওইবগী শক্তম, ইশাগী থাজববু ঙাক্না চত্তুনা মতম অসিগী অনৌবা য়াওল খোংথাং য়াওমিন্নবা, হায়রিবা পরা অশসি মতুআ চৎনবীদগী তম্লিবনি। হৌজিক্কী মতম অসিগী ওইবা ইশাগী ওইজবা থিবদা হাৎন-শুনবা থোকপা থেংনরি, সমাজদা তোখাই-তোখাই তানবা হোৎনরিবা মতম অসিদা, লোল অমসুং মফমগী মতুং ইন্না খেৎনবা থম্বগী ৱাখল্লোন উবা ফংই, মরম অদুনআ শ্রী শ্রী হরিচন্দ জীগী পুনশি, মহাক্কী ফিলোসোফী অদু অমুক্কা হেন্না মরু ওইরকএ। মরম অদুনা মসিগী মেলা অসিনা এক ভারত, শ্রেস্থ ভারতকী ভেল্যুশিং অসিবু অমু্ক্কসু হেন্না চেৎশিনহল্লগনি।

ইয়াম্বা-ইনাওশিং অমসুং ইচে-ইচলশিং,

ঐখোয়না য়াম্না তোইনা ঐখোয়গী সন্সকৃতি অমসুং সভ্যতা অসি য়াম্না ফজৈ, য়াম্না ফাওই হায়না হায়। মসিনা ফাওরিবগী মরম অসি মসিদা লেপ্পা লৈতনা চত্থবা, ইচে অমগুম্না লেপ্তনা চেনবা, মসিদা মশানা মশংবু এমপাৱর তৌবগী মতিক লৈজৈ। মসি তুরেল অমগুম্বনি, মশানা মশাগী লম্বি শেমজৈ, লম্বেলদা অথিংবা–অপনবা লাকপশিং অদুগী মতুং ইন্না মশা-মথন্তনা অহোংবা পুরকই। সমাজদা পুরকপা অহোংবগী ঈচেলবু লেপহনখিদবা শ্রী শ্রী হরিচন্দ থাকুরগুম্বা সমাজদা অহোংবা পুরকপশিংদা মসিগী মশক নাইবা অচৌবা থবক অসিগী ক্রেদিৎ য়াম্না চাউনা লৈ। শ্রী শ্রী হরিচন্দ থাকুরনা হায়রম্বশিং অদুবু খঙবশিং, ‘হরি-লিলা-অমৃতো’গী স্লোগ থিবশিংনা, মশানা চহি চা কয়া মাংজৌননা উবা ফংলে হায়না হায়গনি। অদু নত্রবদি ঙসি জেন্দর সীস্তেমগী মতাংদা মালেম অসিনা ৱারী শারিবা অসিবু হরিচন্দ থাকুর জীনা ১৮শুবা চহি চাদা মশাগী মিসন ওইনা ওইহনখি। মহাক্না নুপীশিংগী মহৈ-মশিং ফাওবগী হক্কী মতাংদা খোল্লাও লাওখি, ইমা-ইবেনশিং, ইচে-ইচলশিং, ইচানুপীশিংগী ইজৎপু সমাজ অসিগী ৱাখল্লোনদা খুমাং চাউশিনহন্নবা হোৎনখি। মসিগী মতম অসিদা মহাক্না নুপীগী কোর্ত অমসুং নুপীমচাশিংগীদমক্তা স্কুলগুম্বা থবকশিং অসি তৌখি মসিনা মহাক্কী ভিজন অমসুং মহাক্কী মিসন অদু করিনো হায়বা মশক তাকই।

ইয়াম্বা-ইনাওশিং অমসুং ইচে-ইচলশিং,

ঙসি ভারতনা বেতি বচা্, বেতি পর্হাওগী অভিয়ান্না মাইপাকপা পুরক্লবা মতম, ইমা-ইবেনশিং, ইচে-ইচলশিং, ইচানুপীশিংগী লু-নানবা, হকশেল অমসুং মশাগী ইজৎপু ইকাইখুম্নবীবা, স্কুলশিং-কোলেজশিংদা ইচানুপীশিংনা মখোয়গী পোতেন্সিয়েল অদু মশানা খঙজবা মতমদা, সমাজ অসিগী হীরম কবাদা ইচে-ইচলশিং অমসুং ইচানুপীশিংনা ইচানুপাশিংগা লেং মান্ননা লৈবাক অসি সশেম্বদা শরুক য়াবা মতমদা, ঐখোয়না তশেংনা শ্রী শ্রীহরিচন্দ থাকুর জীগুম্বা য়াম্না অফাওবা মীশক অসিবু ইকাই খুম্নবীরে হায়না লৌগনি। সরকারনা সবকা সাথ, সবকা বিকাস, সবকা বিস্বাসতা য়ুমফম ওইরগা সরকারগী স্কীম পুম্নমক মীপুম খুদিংমক্তা য়ৌহল্লি, মীয়ামগী হোৎনবশিংনা লৈবাক অসিগী চাউখৎ-থৌরাংগী পাঙ্গল ওইরকপা মতম অদুদা ঐখোয়না ময়াম পুম্নমক কোনবা সমাজ অমা শেম্বগী মাইকৈদা খোং থাংজিল্লগনি।

মরুপশিং,

ভারতকী চাউখৎ-থৌরাংদা মতুআ সমাজনা শরুক য়াবা হায়বসি য়াম্না মরু ওই। মরম অদুনা কেন্দ্র সরকারনা সমাজ অসিগা মরী লৈনবা ইমুং খুদিংমক্কী পুনশি অদু কোম্না হিংনবা অঙম্বা হোৎনরি। কেন্দ্র সরকারগী মীয়মাগী য়াইফনবগী স্কীম খুদিংমক খোংজেল য়াংনা মুতুআগী ইমুংশিংদা খোংজেল য়াংনা য়ৌহন্নবা রাজ্য সরকারশিংদা তকশিল্লি। চেক্কী য়ুম, তোতিদগী ঈশিং, রেশনশিং লেম্না পীবা, চহি ৬০গী মতুংদা পেন্সন, লুপা লাখ কয়াগী ইন্সুরেন্স, অসিগুম্বা স্কীমশিং অসিগী মনুংদা ইমুং চাদা চামা য়াওহন্নবা ঐখোয়না লেপ্তনা হোৎনরি।

মরুপশিং,

শ্রী শ্রী হরিচন্দ থাকুর জীনা আজাদি কা অমৃত কালদা ভারতকী ভারতমচাশিংগীদমক্তা পুক্নিং থৌগৎনিংঙাই ওইবা অনৌবা পাউজেল অমা পীবীরম্মি। মহাক্না থৌজাল লৈরবা মিনুংশিগা লোইননা ঐখোয়বু ঐখোয়গী ইথৌদাংশিং অসিগীদমক্তা খঙহনবীরে। ইমুগীদমক্তা, সমাজগীদমক্তা ঐখোয়গী থৌদাং অদুবু করম্না পাংথোক্কনি হায়বগী মতাংদা মহাক্না য়াম্না মরু ওইবা পীরম্মি।মথৌ মশক খঙবগী অসিগুম্বা ৱাখল্লোন অসিনা লেবাক অসিবু চাউখৎনবগী য়ুমফম ওইহনগদবনি। সম্বিধাননা ঐখোয়দা অধিকার ময়াম অমা পীরি। ঐখোয়না পুকচেল শেংনা ইথৌ পাংথোকপা মতমদা ঐখোয়না মসিগী অধিকারশিং অসিবু লেংদনা থম্বা ঙমগদৌরিবনি। মরম অদুনা ঙসি ঐহাক্না মতু্আ সমাজগী মরুপশিংদা করিগুম্বা খরদং হায়নিংঙি মদুদি সীস্তেম অসিদগী করপ্সন মুতথৎনবগীদমক্তা সমাজগী থাক খুদিংমক্তা মীপুম খুদিংমক্তা এৱেয়রনেস লৈহনবা হায়বসি য়াম্না মরু ওই। করিগুম্বা মফম অমহেক্তদা তাথি-তাওইনা তৌবা থেংনরবদি, মফম অদুদা অদুগী মায়োক্তা খোআও লাওগদবনি। মসি ঐখোয়গী সমাজগীদমক্তা অমসুং ঐখোয়গী লৈবাক অসিগীদমক্তা ঐখোয়গী থৌদাংনি।রাজনিতিদা শরুক বাবা হায়বসি ঐখোয়গী অধিকারনি অসমুং মসিবু থিংবা হায়বসি কনাগুম্বা অমগী অধিকারবু নমহৎপনি। মরম অদুনা অসিগুম্বা থৌদোকশিং অসি থোকপা মতমদা মদুগী মায়োক্তা লেপকদবনি। লু-নানবা অমসুং হকশেলগা মরী লৈননা ঐখোয়গী থৌদাংশিং অদু মতম চুপ্পদা নিংশিংগীদবনি।ঐখোয়না ঐখোয়গী ইমুংদগী, লৈরক খুল্লক্তা অমোৎপা লৈহল্লোইদনি। ভোকেল ফোর লোকেলবুসু ঐখোয়গী পুনশিগী শরুক অমা ওইহনগদবনি।  নোংচুপ বেঙ্গলগী, ভারতকী শিনমীশীং, লৌমীশিংগী হুমাংমলনা শেমজবা পোৎশিং শোইদনা লৈবীয়ু অমসুং খ্বাইদগী হেন্না মরু ওইবা থৌদাংদি-লৈবাক্না খ্বাইদগী মরু ওইনা লৌবগী লোনচৎ! লৈবাক অসিদগী হেনবা অমত্তা লৈতে! ঐখোয়গী থবক পুম্বা লৈবাক অসিনা খ্বাইদগী আন্না থমদুনা থৌগদবনি। করিগুম্বা থবক অমা তৌদ্রিঙৈগী মমাংদা তৌগদৌরিবা থবক অদুনা লৈবাক অসিদা কান্নবা পীগদবনি হায়বসি শোইদনা খনগদবনি।

মরুপশিং,

মতুআ সমাজনা মখোয়গী মথৌদাংগী মতাংদা মতম চুপ্পদা এৱ্যর ওই। অমৃতকালগী মতম অসিদা অনৌবা ভারত অমা শেম্বদা নখোয়গী মতেং অদু অসুম্না লেপ্তনা ফংখিগনি হায়সি ঐগী থাজবনি। নখোয় পুম্নমকপু য়াইফ-পাউজেল পীজরি! হন্না-হন্না থাগৎচরি!

  • JBL SRIVASTAVA July 04, 2024

    नमो नमो
  • MLA Devyani Pharande February 17, 2024

    जय हिंद 🙏
  • Vaishali Tangsale February 15, 2024

    🙏🏻🙏🏻👍
  • Satish Dwivedi January 21, 2024

    Nation First
  • G.shankar Srivastav May 31, 2022

    नमो
  • ranjeet kumar April 20, 2022

    jay🙏🎉🎉
  • Bijan Majumder April 19, 2022

    Modi ji Jindabad BJP Jindabad
  • Laxman singh Rana April 15, 2022

    namo namo 🇮🇳🌹🌷
  • Laxman singh Rana April 15, 2022

    namo namo 🇮🇳
  • Laxman singh Rana April 15, 2022

    namo namo 🇮🇳🌹
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Global aerospace firms turn to India amid Western supply chain crisis

Media Coverage

Global aerospace firms turn to India amid Western supply chain crisis
NM on the go

Nm on the go

Always be the first to hear from the PM. Get the App Now!
...
Former UK PM, Mr. Rishi Sunak and his family meets Prime Minister, Shri Narendra Modi
February 18, 2025

Former UK PM, Mr. Rishi Sunak and his family meets Prime Minister, Shri Narendra Modi today in New Delhi.

Both dignitaries had a wonderful conversation on many subjects.

Shri Modi said that Mr. Sunak is a great friend of India and is passionate about even stronger India-UK ties.

The Prime Minister posted on X;

“It was a delight to meet former UK PM, Mr. Rishi Sunak and his family! We had a wonderful conversation on many subjects.

Mr. Sunak is a great friend of India and is passionate about even stronger India-UK ties.

@RishiSunak @SmtSudhaMurty”