Yatra to extended beyond 26th January
“Yatra’s Vikas Rath has turned into Vishwas Rath and there is trust that no one will be left behind”“ Modi worships and values people who were neglected by everyone”“VBSY is a great medium of the last mile delivery”“For the first time a government is taking care of transgenders”“People’s faith and trust in government is visible everywhere”খুরমজরি,
ঐগী ইমুং-মনুংশিং
মভিকসিৎ ভারত সঙ্কল্প য়াত্রা থা 2 মপুং ফারে। য়াত্রা অসিদা চাউখৎ থৌরাংগী রথ অসি থাজবগী রথনি অমসুং হৌজিক মীয়াম্না মসি গরেন্তীগী রথনি হায়নসু খঙনরি। স্কিমশিংগী কানবশিংদগী কনাগুম্বা অমত্তা ফংহনদবা তৌরোই হায়না থাজনরি। মরম অসিনা মোদীগী গরেন্তীগী গারীনা য়ৌদ্রিবা খুঙ্গংশিংদা মখোয়না মসিবু খৌরাংনা ঙাইরি। অমসুং মমাংদা ঐখোয়না জনুৱারী 26 ফাওবা য়াত্রা অসি চত্থনবা থৌরাং তৌখি অদুবু ঐখোয়না সপ্পোর্ত চাউনা ফংখি, দিমান্দ য়াম্না হেনগৎলকখি অমসুং খুঙ্গং খুদিংমক্তগী মীয়াম্না মোদীগী গরেন্তীগী গারী মখোয়গী লমদমদা লাক্নবা হায়রি। মরম অসিনা ঐহাক্না মসিগী মতাংদা খঙলকপদগি ঐহাক্না ঐখোয়গী সরকারগী ওফিসিএলশিংদা মসি খরা শাংদোক্নবা হায়খি। মীয়াম্না মসি মথৌ তাই, মীয়ামগী দিমান্দ লৈ অদুনা ঐখোয়না মসি থুংহনবা মথৌ তাই। অমসুং নুমিৎ খরনিগী মতুংদা ফেব্রুৱারী থা ফাওবা মোদীগী গরেন্তীগী গারী অসি থৌখিগে হায়না ৱারেপ লৌরকপা য়াই।
মরুপশিং,
নবেম্বর 15দা ঐখোয়না য়াত্রা অসি ভগৱান বিরসা মুন্দাগী থৌজালশিংগা লোয়ননা হৌদোকখিবা মতমদা মসি অসুক চাউনা মাইপাকপা ওইগনি ঐখোয়না খল্লুদে। শুপ্নগী থা অনিগী মনুংদা ভারত সঙ্কল্প য়াত্রা অসি অচৌবা ইহৌ অমা ওইরকখি। মোদীগী গরেন্তীগী গারীনা য়ৌবা মফম খুদিংদা মীয়াম্না তরাম্না ওক্লি। হৌজিক ফাওবদা মীওই করোর 15না ভিকসিৎ ভারত সঙ্কল্প য়াত্রাদা য়াওখ্রে। অমসুং ঐখোয়গী হকশেল মন্ত্রী ঐখোয়গীমনসুখ ভাইনা মশিং অদু তাকপীরকখি, য়াত্রা অসিনা লৈবাক্কী পঞ্চায়ৎশিংগী চাদা 70-80 য়ৌশিনবা ঙমখ্রে।
মরুপশিং,
ভিকসিৎ ভারত সঙ্কল্প য়াত্রাগী মপুং ওইবা পান্দম অসি মরম অমা নত্ত্রগা অমদগী সরকারগী স্কিমশিং ফংদবা অদুগুম্বা মীওইশিং য়ৌশিনবনি। অমসুং মোদীনা অসিগুম্বা মীওইশিং অসি লাৎলি, মোদীনা কনাগুম্বা অমত্তনা হংবীদ্রবা মীওইশিংদা হংলি। করিগুম্বা কনাগুম্বনা নৈনরবদি মহাক অদুনা ভিকসিৎ ভারত সঙ্কল্প য়াত্রাগুম্বা কেম্পেন অসি লাস্ত মাইল দেলিবরীগীদমক খ্বাইদগী ফবা মেদিয়মনি। য়াত্রা মনুংদা মীওই করোর 4 হেনবগী হেল্থ চেকঅপ তৌখি। য়াত্রা মনুংদা মীওই করোর 2.5 তিবিগী তেস্ত তৌখি। মীওই লাখ 50 হেন্না ত্রাইবেলনা তাবা মফমশিংদা সিকল সেল এনমিয়াগী স্ক্রীনিং তৌখি।
ভিকসিৎ ভারত সঙ্কল্প য়াত্রাদা লৌখৎলিবা সেচুরেসন ফংনবা এপ্রোচ অসিনা সরকারবু শোত্থরবা মীওই কয়াগী থোংজিলদা য়ৌহনখি। খোঙচৎ মনুংদা আয়ুশ্মান কার্দ লাখ 50 হেন্না পীখি। মীওই লাখ 50 হেনবনা ইন্সুরেন্স স্কিমগীদমক এপ্লাই তৌরকখি। পি.এম. কিসান য়োজনাদা অনৌবা বেনিফিসরী লাখ 33 হেন্না হাপচিনখি। অনৌবা বেনিফিসরী লাখ 22 হেনবনা লেম্না গ্যাস কন্নেক্সন ফংখি। মীওই লাখ 10 হেনবনা পি.এম. স্বনিধিগী কান্নবশিং ফংখি।
অমসুং মরুপশিং,
কনাগুম্বগী ওইনা মসিগী মশিং অসি শুপ্নগী করোর অমসুং লাখ ওইরম্বা য়াই অদুবু ঐগী ওইনদি মশিং খুদিংমক অসি শুপ্নগী মশিং নত্তে, মসি ঐগীদমক্তদি পুন্সি অমনি, মসি স্কিমগী কান্নবশিং ফংদ্রিবা মীওইশিং অদুনি। অমসুং ঐখোয়গী খোঙথাং অসি মফম খুদিংমক্তা সেচুরেসন ফংহন্নবা মাইকৈদা চংশিনবনি। ঐখোয়গী পান্দমদি মীপুম খুদিংমক্তা গরেন্তী ন্যুত্রিসন ফংহনবনি। ঐখোয়গী খোঙথাং অসি ইমুং খুদিংমক্তা পর্মিনেন্ত ওইবা য়ুম অমা পীবনি, য়ুম খুদিংদা গ্যাস কন্নেক্সন, ঈশিং, মৈ অমসুং তোইলেৎকী খুদোংচাবশিং ফংহনবনি। ঐখোয়গী পান্দম অসি স্বচ্ছতাগী স্কোপ হেনগৎহনবনি। লৈরক, লৈকাই, ইমুং খুদিংমক্না মসিদা য়াওশিনবীয়ু। ঐখোয়গী পান্দমদি মীপুম খুদিংমক্কী বেঙ্ক একাউন্ত লৈহনবনি অমসুং মশানা থবক পীজদুনা মাংদা চংশিন্নবা খুদোংচাবা ফংহনবনি।
মরুপশিং,
পুকচেল শেংনা অসিগুম্বা থবক তৌরবা মতমদা অফবা ফলশিং ফংগনি। ভারত্তা লায়রবা হন্থহনবগী মতাংদা থোকখিবা অনৌবা রিপোর্ত অসি য়াম্না পুক্নিং থৌগৎনীংঙাই ওই। অমসুং ভারত খক্তা নত্তনা মসি মালেম্না ভারত্তা মীৎয়েং থম্নবা, গভর্নান্সকী মোদেল অমসুং মালেমদা লৈরিবা লায়রবা লৈবাকশিংনা লায়রবা কোকহন্নবা লম্বী ওইরিবা অচৌবা থবক অমনি। অমসুং অনৌবা রিপোর্তনা হায়রি মদুদি হৌখিবা চহি 9 দা ঐখোয়গী সরকারনা মীওই করোর 25 লায়রবদগী থোরকপা ঙমহনখি। কনাগুম্বা অমত্তনা ভারত্তা লায়রবা হন্থহনবা ঙমগনি থাজরুদে। অদুবু ভারতকী লায়রবনা করিগুম্বা লায়রবদা রিসোর্সশিং লৈরবদি মখোয়না লায়রবা মাইথিবা পীবা ঙমগনি উৎখি।
হৌখিবা চহি 10দা ঐখোয়গী সরকারনা ত্রান্সপরেন্ত সিস্তেম অমা শেমখি, তশেংনা খোঙথাংশিং লৌখৎখি অমসুং সবকা প্রয়াস থৌগৎখি, মসিনা ওইথোক্তবসু ওইথোকপা ঙমহনখি। সরকারনা পি.এম, আৱাজ য়োজনাগী মরমদা লায়রবশিংদা খঙহন্নবসু হোৎনরি। হৌখিবা চহি 10দা লায়রবা ইমুং করোর 4 হেনবনা মখোয়গী পর্মিনেন্ত য়ুম ফংজখি। লায়রবা ইমুং করোর 4 হেনবনা মখোয়গী পর্মিনেন্ত য়ুম ফংবা অসি অচৌবা মাইপাকপনি অমসুং লায়রবশিংনা চাউনা থৌজাল পীরকখি। অমসুং নুংঙাইরিবা ৱাফমদি য়ুমশিং অসিগী চাদা 70দি নুপীশিংগী মমিংদা রেজিস্তর তৌখি, ঐখোয়গী ইচে-ইচলশিংনা মসিগী মপু ওইরি। লায়রবা কোকহনবগা লোয়ননা স্কিম অসিনা নুপীশিংবু শক্তি পীবদা মতেং পাংখি।
খুঙ্গংগী মফমশিংদা য়ুমশিংগী সাইজসু হেনগৎলক্লি। মমাংদা সরকারনা য়ুমশিং করম্না শাই হায়না খুৎ থিংজিল্লমখি অমসুং হৌজিক মীয়াম্না মখোয়গী অপাম্বা য়ুমশিং শারি। সরকারনা হাউসিং স্কিমশিংগী মখাদা য়ুমশিং শাবদা খোঙজেল য়াংশিনহল্লি। মমাংদা সরকারনা য়ুম অমা শাবদা নুমিৎ 300 হেন্না চংলমখি, হৌজিক পি.এম, অৱাজ য়োজনাগী মখাদা য়ুমশিং শাবদা চংবা মতমগী চাংচৎ অসি নুমিৎ 100নিরোম ওইরে। মসিনা তাকপদি ঐখোয়না য়ুমশিং মমাংদগী শরুক অহুম হেন্না খোঙজেল য়াংনা শারি হায়বনি। মসি থবক্কী খোঙজেল খক্তা নত্তে মসি ঐখোয়গী থমোয়দা লায়রবশিংগীদমক লৈরিবা মফমগী চাং অদুনি, মীনুংশিং অদুনু, মসিনা ঐখোয়না থবক খোঙজেল য়াংনা তৌরিবনি। অসিগুম্বা খোঙথাংশিং অসিনা লৈবাক অসিদা লায়রবা হন্থহনবদা অচৌবা খোঙথাং অমা লৌখি।
মরুপশিং,
সরকারনা ত্রান্সজেন্দর কাংলুপতা করম্না মরু ওইবা মীৎয়েং চংবগে হায়বগী খুদম অমা পীজগে। অমসুং হৌজিক খক্তা ঐহাক্না এান্সজেন্দর কাংলুপকী মীহুৎশিংগা লোয়ননা কুপ্না ৱারী শাখিবা অদু ময়াম্না তাবীখ্রে। নীংতম্বা ফংলবা মতুংদা, দিকেদ কয়া ত্রান্সজেন্দরশিংবু থৌওইদনা লাকখি। অহানবা ঐখোয়না ঐখোয়গী ত্রান্সজেন্দর কাংলুপকী খুদোংচাদবশিংগী মরমদা খনবীখি অমসুং মখোয়গী পুন্সি নুংঙাইহন্নবা মীৎয়েং চংখি। 2019দা ঐখোয়গী সরকারনা ত্রান্সজেন্দর কাংলুপকী হকশিং ঙাকশেন্নবা লো অমা শেমখি। মসিনা ঐখোয়গী নুপী মানবী কাংলুপশিংবু খুন্নাইদা ইকাই খুম্নবা ফংহনবা খক্তা নত্তনা মখোয়না খুন্নাই অসিদা থেংনরিবা দিস্ক্রিমিনেসন কোকহনবা ঙমখি। সরকারনা মখোয়গুম্বা মীওই লিশিং কয়াদা ত্রান্সজেন্দর আইদেন্তিতী সর্তিফিকেৎশিং পীখি। মখোয়গীদমক সরকারগী স্কিম লৈরি অমসুং মখোয়না ঐখোয়বু মতেং পাংলি। অমসুং মীকুপ খরগী মমাংদা ৱারী শাবদা হায়খ্রে, ঐখোয়গী ত্রান্সজেন্দর কাংলুপনা তোঙান-তোঙানবা লায়রবগী য়াইফনবা স্কিমশিংগী কান্নবা ফংলি।
ঐগী নুংশিরবা ইমুং মনুংশিং,
ভারতনা হোংলক্লি অমসুং য়াম্না খোঙজেল লৈনা হোংলক্লি। ঙসি, সরকারদা থম্মিবা মীয়ামগী থাজবা অমসুং মখোয়না অনৌবা ভারত অমা শেমগৎনবা লৌরিবা ফিরেপ অসি মফম খুদিংমক্তা উবা ফংলি। শুপ্নগী নুমিৎ নিনিগী মমাংদা ঐহাক্না পি.এম. জনমন অভিয়ানগী থৌরমদা শোত্থরবা ত্রাইবেল কম্ম্যুনিতী মীওইশিংগা ৱারী শাখি। ত্রাইবেলগী খুঙ্গংগী নুপীশিংনা করম্না পুনশিন্দুনা চাউখৎ-থৌরাংগী থবক্কী পোরম য়াৎপগে উবা ফংখ্রে। নীংতম্বা ফংলবা মতুং দিকেদ কয়া অসিদা চাউখৎ-থৌরাংগী স্কিমশংগী কান্নবশিং মপুং ফানা ফংলমখিদবা খুঙ্গংশিংদগী নুপীশিং অসিনা মখোয়গী ইমুং মনুং অমসুং খুন্নাইদা স্কিমশিংগী স্কিমশিংগী কান্নবশিং ফংহনবগী থবক তৌরি।
ঙসিগী থৌরম অসিদা ঐখোয়না উবা ফংখ্রে মদুদি ইচে-ইচলশিংনা সেল্ফ-হেল্প গ্রুপশিং য়াওরবা মতুংদা মখোয়গী পুন্সিদা অমুক্তা ওইখিদ্রিবা মওংদা অওনবা পুরকপা ঙমখি। 2014গী মমাংদা লৈবাক অসিদা সেল্ফ-হেল্প গ্রুপশিং অসি শুপ্নগী চে খক্তদা ওইরমখি। মমাংদা মখোয়দা শেল থুমগী তেংবাং পীরমখিদে অমসুং মখোয়না করম্না মথৌ তৌবগে হায়বদা মীৎয়েং চংলমখিদে।
ঐখোয়গী সরকারনা সেল্ফ-হেল্প গ্রুপ কয়াবু বেঙ্কশিংগা কন্নেক্ত তৌরি। ঐখোয়না মখোয়দা গরেন্তী য়াওদনা লোনশিং পীবগী লিমিৎ অসি লুপা লাখ 10দগী লুপা লাখ 20দা হেনগৎহনখি। ঐখোয়গী সরকারনা হৌখিবা চহি 10 অসিদা ইচে ইচল করোর 10 রোম সেল্ফ-হেল্প গ্রুপশিংদা য়াওহনখি। মখোয়না মশানা মশাবু থবক পীজনবা বেঙ্কশিংদগী লুপা করোর লাখ 8 হেনবগী মতেং ফংখি। মসি অসি অপীকপা নত্তে ঐখোয়না লায়রবা ইমাশংইগী খুৎতা লুপা করোর লাখ 8 পীবগীথৌনা লৈ। মরমদি ঐহাক্না মখোয়দা থাজবা থম্মি। ঐহাক্না থাজৈ মখোয়দা করিগুম্বা খুদোংচাবশিং পীরদবি মখোয়না শোত্থনা লৈরোই। ইচে-ইচল লিশিং কয়ানা অনৌবা ভেঞ্চরশিং হৌদোকখি। নুপী লৌমীশিংদা শক্তি পীরি, ইচে-ইচল লাখ কয়াবু চাউখৎপা ঙমহনখি অমসুং মরোমদোম লেপ্পা ঙমহনখি।
কেম্পেন অসি কনশিনহন্দুনা সরকারনা চহি হুমদা লাখপতি দিদি করোর অনি শেম্নবা থবক হৌখি। নমো দ্রোন দিদিনা সেল্ফ-হেল্প গ্রুপশিংগা মরী লৈনবা নুপীশিংদা অনৌবা থবক্কী খুদোংচাবা পীরি…হৌজিক চন্দ্রয়ানগী মরমদা ঙাংনরি অদুবু ঐগী সেল্ফ-হেল্প গ্রুপকী ইচে ইচলশিংনা খুঙ্গংশিংদা দ্রোনশিং পাইবগী মতাংদা অমসুং লৌমীশিংবু মতেং পাংবগী মরমদা ঙাংনরগনি। মসিগী মখাদা ওইরক্কদবা মওং অদু খন্থবীয়ু, নমো দ্রোন দিদিশিংদা দ্রোন লিশিং 15 পীখ্রে। মখোয়বু ত্রেনিং তৌবগী থবকসু হৌরে। অমসুং ঐহাক্না নুংঙাইবা পোকই মদুদি নমো দ্রোন দিদি লিশিং অমা হেনবগী ত্রেনিং লোইখ্রে। নমো দ্রোন দিদিশিংনা মরম ওইরগা সেল্ফ-হেল্প গ্রুপশিংগী ইনকম হেনগৎলক্লি, মখোয়না মরোমদোম লেপচবা ঙম্বা হেনগৎলক্লি, খুঙ্গংগী ইচে ইচলশিংনা অনৌবা থাজবা ফংলি অমসুং মসিনা ঐখোয়গী লৌমীশিংদা য়াম্না কান্নবা ওইরগনি।
ঐগী ইমুং মনুংশিং,
ঐখোয়গী সরকারনা খুঙ্গংগী শেন্মিৎলোন মতমগা চুনবা ওইহন্নবা অমসুং লৌমীশিংদা মরু ওইবা মীৎয়েং চংলি। মরম অসিনা সরকারনা অপীকপা লৌমশীংদা শক্তি পীবা হেনগৎহন্নবা হোৎনরি, মখোয়না লৌউ-শিংউদা তৌবা চাদিং হন্থহন্নবা হোৎনরি, অমসুং মখোয়দা কৈথেলদা মমল কানা য়োনবা ঙমহল্লি। মসি খঙনা অনৌবা ফার্মর প্রদ্যুসর য়ুনিয়ন - FPO লিশিং 10 শেম্নবা লৈবাক অসিদা কেম্পেন হৌখি। ঙসি FPO লিশিং 8 রোম শেমখি।
সরকারনা লাইবস্তোক ঙাকশেন্নবা চপ মান্নবা খোঙথাংশিং চংলি। ঐখোয়না কোবিদ মনুংদা মীওইবগী ভেক্সিন পুথোক্তুনা পুন্সি কনখি; মখোয়না মসিগী মরমদা তাখি অমসুং মোদীনা লেম্নবা ভেক্সিন পীবা অসিবু থাগৎখি। মসিগী মথক্তা মোদীগী ৱাখল্লোন অসি করিনো?, মোদীনা করি থবক তৌখি? ফুত এন্দ মাউথ দিজিজনা মরম ওইরগা ঐখোয়গী শা-শনশিং লাইনা নারি মসিনা লৌমীশিং অমসুং শা-শন লোইরিবশিংনা চহি খুদিং লুপা করোর লিশিং কয়া মাংলি।
মসিনা শঙ্গোম পুথোকপদা অকাইবা পীরি। শীংনবা অসি লাকশিন্নবা অচৌবা কেম্পেন অমা নীংতম্বা ফংলবা মতুং অহানবা ওইনা হৌদোকখি। মসিগী মখাদা শা-শন করোর 50 হেন্না তিকা থাদোকখি। মসিদা সরকারনা লুপা করোর লিশিং 15 চাদিং তৌখি। কেম্পেন অসিগী ফল ওইনা লৈবাক অসিদা শঙ্গোম পুথোকপদা চাদা 50 হেন্না হেনগৎহনবা ঙমখি। মসিনা শা-শন লোইরিবশিংদা কান্নবা পীখি।
মরুপশিং,
ঙসি ভারতনা মালেমগী খ্বাইদগী নৌবা লৈবাকশিংগী মনুংদা অমা ওইরি। লৈবাক অসিদা য়ুবা শক্তিগী মতিক ময়াই হেনগৎহন্নবা থবক লেপ্পা লৈতনা পাইখৎলি অমসুং ভিকসিৎ ভারত সঙ্কল্প য়াত্রানা মসিদা মতেং পাংলি। মতম অসিগী মনুংদা ক্বিজ কম্পিতিসন কয়া পাঙথোকখি। মসিগী মথক্তা তেলেন্ত লৈবা শান্নরোয় কয়ানা লৈবাক্কী মীংচৎ পুরকখি। ভিকসিৎ ভারত সঙ্কল্প য়াত্তাদা ‘মাই ভারত ভোল্যুন্তিয়র’দা নহারোল কয়ানা রেজিস্তর তৌরকপদা ঐহাক্না নুংঙাইবা পোকই। য়াত্রা মনুংদা মীওই করোর কয়ানা চাউখৎপা ভারত ওইহন্নবা ৱাশকখি। ফিরেপশিং অসিনা লৈবাক অসিবু চাউখৎপা লৈবাক অমা ওইনবা শক্তি পীখি। ঐখোয়না 2047 ফাওবদা চাউখৎপা ভারত অমা ওইহন্নবা য়াত্রা অসিগীদমক লেপ্পী। ঐহাক্না থাজৈ মদুদি নখোয়না কেম্পেন অসিদা শোইদনা শরুক য়াগনি। অমুক হন্না ঐহাক্না নখোয়গা ৱারী শাবা ফংজবগীদমক নুংঙাইবা ফোঙদোকচরি অমসুং নখোয়না মোদীগী গরেন্তীগী গারীবু তরাম্না ওকপা অমসুং ইকাই খুম্নবা উৎপীবা অসিগীদমক অমুক হন্না ময়ামবু থাগৎচরি।
