“Ashtadhyayi is a thousands-year-old text of India's linguistics, India's intellectuality and our research culture”
“Time refined Sanskrit but could never pollute it, it remained eternal”“Whatever national dimension you look at in India, you will witness Sanskrit’s contribution”“Sanskrit is not only the language of traditions, it is also the language of our progress and identity”“Chitrakoot has spiritual enlightenment as well as natural beauty”নমো রাঘবায়!
নমো রাঘবায়!
ঐখোয় পুম্নমক্তা মঙ্গোল পীবীনবা মফম অসিদা লৈরিবা ইকাই খুম্নরবা জগদগুরু, শ্রী রামভদ্রাচার্য়জী, মফম অসিদা লেংশিনবীরিবা মকোক থোংনা মুনি-ঋশিশিং, মধ্য প্রদেশকী রাজ্যপাল, শ্রী মঙ্গুবাই পতেল, মুখ্য মন্ত্রী ভাই শিবরাজকী, লেংশিনবীরিবা অতোপ্পা দিগনিতরীশিং, নুপী অমদি নুপাশিং।
ঐহাক্না অমুক হন্না চিত্রকুতকী শেংলবা লমদম অসি ইকোক নোন্না খুমরুমজরি। নুমিৎ চুপ্পা তোঙান-তোঙানবা মন্দিরশিংদা ভগৱান শ্রী রাম উবা ফংজবা অমসুং ঋশিশিংগী থৌজালসু ফংজবগী ঙসি খুদোংচানা ফংজবা অসি ঐহাক্কী লাইবক ফবনি। মরু ওইনা জগদগুরু রামচন্দ্রাচার্য়জীদগী ফংজবা মীনুংশি অসিদা ঐহাক্না অপেনবা পোকচৈ। ইকাই খুম্নরবা ঋশি পুম্নমক ঙসি অসিদা ঐহাক্না শেংলবা লমদম অসিদা জগদগুরুজীগী লাইরিকশিং ফোঙবগী খুদোংচাবা ফংজবদা নুংঙাইবা পোকই। অস্তাধ্যায়ী ভাশ্য, রামানন্দাচার্য় চরিতম অমসুং ভগৱান কৃষ্ণগী রাস্ত্রলীলা মসিনা ভারতকী চৎনবীগী অথোইবা লৌশিং হেনগৎহল্লগনি। ঐহাক্না লাইরিকশিং অসি জগদগুরুজীগী থৌজালগী শক্লোন অমনি হায়না লৌজৈ। লাইরিকশিং অসি ফোঙবদা ময়ামদা ঐহাক্না নুংঙাইবা ফোঙদোকচরি।
ঐগী ইমুং-মনুংশিং,
অস্তাধ্যায়ী অসি ভারতকী লিঙ্গুইস্তিক্সকী, ভারতকী ইন্তেলেকচুএলিতীগী অমসুং ঐখোয়গী রিসর্চ কলচরগী চহি লিশিং অমা শুরবা তেক্স অমনি। সুত্রা অমা করম্না এক্সতেন্সিব গ্রাম্মর য়াওহনগনি, লোল অসি ‘সংস্কৃত সাইন্স’তা করম্না ওন্থোক্কনি হায়বা অসি মহাঋশি পানিনিগী চহি লিশিং কয়া শুরবা অরিবা ক্রিএসন অসিনা শাখি ওইরি। নখোয়না চহি লিশিং কয়া অসিদা মালেমদা লোল কয়া লাকখ্রে অমসুং চৎখ্রে হায়বা উবা ফংগনি। অনৌবা লোলশিংনা অরিবা লোলশিংগী মহুৎ শিল্লি। অদুবু ঙসি ফাওবা ঐখোয়গী সংস্কৃত অসিদি অহোংবা লৈতনা লেংদনা লৈরি। সংস্কৃত অসি মতমগা ইরোইননা রিদিফাইন তৌরকই অদুবু পোল্যূত্তি তৌখিদে। মসিগী মরম অসি সংস্কৃতকী মেচ্যুর ওইবা গ্রাম্মর সাইন্সননি। মহেশ্বর সুত্রা 14দা য়ুম্ফম ওইবা লোল অসিনা চহি লিশিং কয়া শস্ত্র অমসুং শাস্ত্রশিংগীদমক খঙনদুনা লাকখি। বেদশিংগী বর্সশিং অসি সংস্কৃত লোলদা খক্তা ঋশিশিংনা ইরমখি। য়োগগী সাইন্স অসি লোল অসিদা পতাঞ্জলিনা ফোঙদোক্লমখি। লোল অসিদা ধনবন্তরী অমসুং চরকগুম্বা ঋশিশিংআ আয়ুর্বেদকী মরমদা ইরমখি। লোলশিং অসিদা কৃশি পরাশরগুম্বা লাইরকশিংনা এগ্রিকলচরগা লেবর অমদি রিসর্চকা কন্নেক্ত তৌখি। লোল অসিদা ঐখোয়না ভারতমুনিদগী দ্রামা অমসুং ম্যুজিক সাইন্সকী খুদোল ফংখি। লোল অসিদা কালিদাসগুম্বা স্কোলরশিংনা মালেমবু সহিত্যাগী শক্তিনা অঙকপা পোকহনখি। অমসুং লোল অসিদা স্পেস সাইন্স, আর্চরী অমসুং মার্সিএল আর্তশিংগী মরমদা ইরমখি। অমসুং ঐহাক্না খুদম খরা পীখ্রে। মসিগী লিস্ত অসি য়াম্না শাংই, অদোমনা ভারতকী চাউখৎ-থৌরাং উরিবা অসিদা সংস্কৃতনা শরুক তমখিবা অদুসু উবা ফংগনি। ঙসিসু সংস্কৃত্তা রিসর্চ কয়া মালেমগী অচৌবা য়ুনিভর্সিতীশিংদা তৌনরি। হন্দক্তা লিথুৱানিয়াগী এম্বেসেদরনা ভারতকী মরমদা খঙনবা সংস্কৃত লোল তমখি। হাববদি সংস্কৃত অসি মালেম শিনবা থুংবদা শন্দোরক্লি হায়বনি।
মরুপশিং,
মীখা পোল্লিঙৈ মতমদা ভারত মুত্থৎনবা কয়ারক হোৎনখি। মসিদা সংস্কৃত লোল মপুং ফানা মাংহনখিবা অসি অমা ওইখি। ঐখোয়না নীংতম্বা ফংলবসু মীখা পোনবগী ৱাখল্লোন কোক্ত্রিবা মীওই খরনা মখা তানা সংস্কৃতপু পামখিদে। মুৎখ্রবা লোল অমা হেক্তগী ইনস্ক্রপ্সন থেংনরবদি মীওইশিং অদুনা মদুবু শীংথানৈ অদুবু চহি লিশিং কয়াগী মমাংদা লৈরমিবা সংস্কৃত্তা ইকাই খুম্নবদি উৎতে। মীওইশিং অসিনা মখোয়গী মমা লোলবু অতোপ্পা লৈবাক্কী মীওইশিংনা খঙলবদি থাগৎলি অদুবু মখোয়না সংস্কৃত অসি শোত্থবগী খুদম অমনি হায়না লৌই। মসিগী ৱাখল্লোন অসি চেনবা মীওইশিংনা হৌখিবা চহি লিশিং অমা অসিদা মাইথিদুনা লাকখি অমসুং তুংলমচৎতা মাইপাকপসু ঙমলোই। সংস্কৃত অসি চৎনবীশিংগী লোল খক্তা নত্তনা মসি ঐখোয়গী প্রোগ্রেস অমসুং আইদেন্তিতীগী লোলসু ওইরি। হৌখিবা চহি 9দা ঐখোয়না সংস্কৃত শন্দোক্নবা চাউনা হোৎনখি। মোদর্ন কন্তেক্সতা য়েংবদা অস্তাধয়ায়ী ভাশ্যগুম্বা লাইরিক্নস খোঙথাংশিং অসি মাইপাকহনবদা অচৌবা থৌদাং লৌগনি।
ঐগী ইমুং-মনুংশিং,
রামভদ্রাচার্য়জী অসি মালেমগী য়ুনিভর্সিতী কয়ানা মহাক্কী লৌশিং খক্তদা স্তদী তৌবা য়ারিবা ঐখোয়গী লৈবাক্কী অদুগুম্বা ঋশি অমনি। অঙাং ওইরিঙৈদগী হৌনা মমিৎ উবা ঙমদ্রবসু মহাক্কী লৌশীংগী মিৎ অদুদি অদুক্কী মতিক দিবেলপ তৌরম্বনা মহাক্না বেদ পুম্বা শিনফা পুবা ঙমলমখি। মহাক্না লাইরিক কয়া ইরমখি। ভারতকী লৌশিং অমসুং ফিলোসোফী, ‘প্রস্থানত্রয়ী’ অসি অচৌবা স্কোলরশিংগী ফাওবা অরুবনি হায়না লৌনরম্মি। জগদগুরুজীনা মহাক্কী কম্মেন্তরী মোদর্ন লোলদা ইথোকলমখি। মসিগী লৌশিংগী লেবেল, ইন্তেলিজেন্সকী লেবেল অসি পর্সনেল নত্তে। মসিগী ইন্তেলিজেন্স অসি লৈবাক পুম্বগী হেরিতেজনি। অমসুং মসিনা মরম ওইরগা ঐখোয়গী সরকারনা স্বামীজীবু 2015দা পদ্ম বিভুশন পীদুনা ইকাই খুম্নবা উৎখি।
মরুপশিং,
স্বামীজী অসিনা ধর্ম অমসুং স্পিরিচুএলিতীগী লমদা এক্তিব ওইবা অদুগুম্না মহাক্না খুন্নাইগী অমসুং লৈবাক্কীদমক চপ মান্ননা ভোকেল ওইখি। ঐহাক্না অদোমবু স্বচ্ছ ভারত অভিয়ানগী এম্বেসেদর 9গী মনুংদা নোমিনেৎ তৌবা মতমদা ঐহাক্না কত্থোকপগী থৌদাংগা লোয়ননা মসি তৌখি। লৈবাক্কী মীংচৎকীদমক লৌখিবা স্বামীজীগী ৱাশক অদু হৌজিক্তি থুংহনবা ঙম্বদা ঐহাক্না নুংঙাইবা পোকই। ঐখোয়গী ভারত অসি হৌজিক স্বচ্ছ অমসুং স্বস্থ ওইহল্লি। গঙ্গা ইমাগী ইচেল অসিসু হৌজিক্তি শেংলক্লে। জগদগুরু রামভচন্দ্রাচার্য়জীনা ইরৈবাকচা খুদিংমক্কী মঙলান থুংহনবদা অচৌবা থৌদং লৌখি। কোর্ত্তগী অমসুং কোর্তকী মপালদগী অদোমনা চাউনা শরুক তমখিবা রাম মন্দির অদু ঙসিদি লোইরক্কদৌরে। অমসুং নুমিৎ নিনিগী মমাংদা ঐহাক্না প্রন প্রতিস্থ থৌরম শরুক য়ানবা অয়োধ্যদা শ্রী রাম জন্মভুমি তীর্থ ক্ষেত্র ত্রস্ততগী বর্তন অমা ফংখি। মসি ঐহাক্কী য়াম্না লাইবক ফবনি হায়না লৌজৈ। লৈবাক্কী ঋশি পুম্নমক্না নীংতম্বগী চহি 75দগী চহি 100 ফাওবদা হায়বদি ঙসিদগী চহি 25 অসি অমৃত কালদা মরু ওইবা মতম ওইনা লৌরি। অমৃত কাল অসিদা লৈবাক অসিনা চাউখৎ-থৌরাং অমসুং মাগী হেরিতেজকা লোয়ননা মাংদা চংশিল্লি। ঐখোয়গী তীর্থ য়াত্রাশিং শেমগৎপদা মরু ওইবা মীৎয়েং চংলি। চিত্রকুত অসি লাইনীংগী ওইবা ইথিল লোয়ননা মহৌশাগী ফজবা লৈবা মফম অমনি। লুপা করোর লিশি 45গী কেন বেতৱা লিঙ্ক প্রোজেক্ত, বুন্দেলখান্দ এক্সপ্রেসৱে, দিফেন্স কোরিদোর অসিগুম্বা খোঙথাংশিংনা রিজন অসিদা অনৌবা ওইথোকপা য়াবশিং পীরগনি। চিত্রকুতনা চাউখৎপগী অনৌবা পনখৈশিং য়ৌবা ওইরসনু হায়না য়াইফ মঙ্গোল পীজরি। অমুক হন্না ঐহাক্না ইকাই খুম্নরবা জগদগুরু শ্রী রামভদ্রাচার্য়জীদা ইকাই খুম্নবা উৎচরি। ঐখোয় পুম্নমকপু মহাক্কী থৌজালশিংনা ইথিল পীবা ওইরসনু, ঐখোয়দা শক্তি পীবা ওইরসনু অমসুং মহাক্না পীবা লৌশিংনা ঐখোয়বু মখা তানা লমজিংবীবা ওইরসনু। ৱাফম অসি থমজরগা ঐহাক্না পুম্নমকপু থমোয়দগী হন্না-হন্না থাগৎপা ফোঙদোকচরি।
জয় সিয়া-রাম।
