সেক্তর ১৩দা লৈরিবা পি.এল.আই.না সরকারগী কম্মিৎমেন্ত উৎলি: পি.এম.
পি.এল.আই.না সেক্তর অসিগা মরী লৈনরিবা ইকোসিস্তেম পুম্নমক কানবা ফংহল্লি: পি.এম.পোৎ-চৈ হেন্না পুথোকপা ঙম্নবা স্পিদ অমসুং স্কেল হেনগৎকদবনি: পি.এম.ভারত্তা শাগদবনি, মালেম অসিগীদমক শাগদবনি: পি.এম.ভারতনা মালেম পুম্বদা অচৌবা ব্রান্দ অমা ওইবা ঙমখ্রে, ন্যুফাউন্দ ত্রস্ত অসি শিজিন্ননবা স্ত্রাতিজীশিং য়াৎখ্রে: পি.এম.খুরুমজরি!
ভারতকী কাচিন-কোয়া খুদিংগী অশুক য়াম্বা মীওই কয়ানা মসিগী কান্নরবা ৱেবিনার অসিদা শরুক য়াবা অসিনা মসিগী খন্ন-নৈনবা অসিগী মরু ওইবসি মশানা অদুমক তাক্লবনি। ঐহাক্না মীয়াম খুদিংবু থমোই শেংনা তরাম্না ওকচরি। বজেৎ অসিবু থবক ওইনা পাংথোকপদা হন্দক্কী মতাং অসিদা করিগুম্বা ৱাখল্লোন খরা ঐখোয়না খল্লি অমসুং অনৌবা থৌওং অমগা লোয়ননা ঐখোয়না থবক তৌরি অমসুং মসিনা মাই পাক্লবদি তুংদা য়াম্না কান্নবা ওইগনি হায়বসি নখোয়নসু খঙলম্লগনি। ঙসি ফাওবদা অসিগুম্বা ৱেবিনার অমত্তা পাংথোকখিদ্রি। ঐহাক্না লৈবাক্কী অসুক য়াম্লবা মীয়ামগা বজেৎ অসিগী মতাংদা ৱারী শাবা ফংজরি।
ঙসি নুমিৎ চুপ্পগী ৱেবিনার অসি চত্থখি অমসুং য়াম্না নীংথিরবা তুংগী থৌরাং অমসুং থবক ওইনা পাংথোকপগীদমক্তা নখোয়গী মাইকৈদগীসু লাকখি। নখোয়না সরকারদগী হেন্না খোঙথাং অনি হেন্না খুমাং থাদুনা চৎনীংবা ফাওরি হায়বগুম্না ঐহাক্না ফাওরি। মসিমক্না ঐহাক্কী ওইনা য়াম্না নুংঙাইবা পাউ অমনি অমসুং ঐহাক্না থাজবদি ঙসিগী খন্ন-নৈনরিবা অসিদসু ঐখোয়না বজেৎ অমসুং পোলিসী শেম্বা অসি সরকার খক্তনা পাংথোকপা থবক অমা ওইহন্দনবা ঐখোয়না কন্না হোৎনগনি। লৈবাক্কী চাউখৎপগা মরী লৈনবা স্তেকহোলদর খুদিংমক্কী মতাং অসিদা মতিক চানা শরুক য়াহনগনি। মসিগী মওং অসিদা ঙসিদি, মেন্যুফেকচরিং সেক্তরশিংনা মেক ইন ইন্দিয়াবু হেন্না খুমাং চাউশিলহন্নবা নখোইগুম্বা মরু ওইরবা মীওইশিংগী মরক্তসু ৱা খন্নহন্নিংই। হৌখিবা চয়োলদা ঐহাক্না নখোয়দা হায়খিবা অদুনি, তোঙান-তোঙানবা সেক্তরগী মীওইশিংগসু ৱারী-ৱাতাই কয়া শন্নখ্রে, ইনোভেসনগী মতাংদা কান্নবা পাউতাক কয়া ফংখি। ঙসিগী ৱেবিনার অসিনা মরু ওইনা প্রদক্সন লিঙ্ক ইন্সেন্তিবকা মরী লৈনগনি।
মরূপশিং,
হৌখিবা চহি ৬-৭তা মেক ইন্দিয়াবু তোঙান-তোঙানবা থাক্তা পুক্নিং থৌগৎনবা মাই-পাকপা থৌওং কয়া পায়খৎখ্রে। মসিদা নখোয়না তেংবাংখিবা অদুসু য়াম্না থাগৎনিংঙাইনি। হৌজিক্তি থৌওংশিং অসিবু মথংগী থাক্তা পুখৎনবগীদমক্তা অচৌবা খোঙথাং অমা থাংবা তারে, ঐখোয়গী স্পীদ অমসুং স্কেলবুসু হেনগৎহনবা তারে। অদুগা মমাংগী চহিদা কোরোনাগী মতাংদা থেংনখিবা অদু ঐখোয়গী খুদোংচাবা অমখক্তা নত্তে হায়বগী ঐঙোন্দা মপুং ফানা থাজবা লৈরে। ভারতকী ওইনা মালেমগী ওইবা থৌদাং অমনি অমসুং মালেমগী অফবা তৌবা অসিসু ভারতকী থৌদাং ওইরবনি। মরম অদুনা, মাইকৈ অসিদা ঐখোয়না খোঙজেল য়াঙনা মাং থাদুনা চৎপা তাবনি। মেন্যুফেকচরিং, শেন্মিৎলোনগীদমক্তা সেগমেন্ত খুদিংমকপু করম্না ওন্থোকপা তাবগে, মসিগী ইথিল করম্না লাক্কনি। ইকোসীস্তেম অমা করম্না শেমগনি হায়বসি নখোয়না নীংথিজনা খঙলবনি। লৈবাক কয়ানা মখোয়গী মেন্যুফেকচরিংগী মতিকপু হেনগৎহন্দুনা লৈবাকপু কয়াম্না চাউখৎহনবগে হায়বসে ঐখোয়গী মাংদা মালেম পুম্বনা খুদম পীরবনি। মেন্যুফেকচরিংগী মতিক হেনগৎলকপা অসিনা থবক পীবসু য়াম্না হেনগৎহল্লিবনি।
ভারত্না হৌজিক অসিগুম্বা ৱাখল্লোন অসিগা লোয়ননা মাং থাদুনা খোঙজেল য়াঙনা চৎলি। সেক্তর অসিদা ঐখোয়গী সরকারনা মেন্যুফেকচরিং হেনগৎহন্নবা শেমদোকপা অমগী মথংদা অমা পুরক্লি। ঐখোয়গী পোলিসী অমসুং থৌরাংশিং অসি য়াম্না ময়েক শেংলি। সরকার অসিনা খল্লিবা মংলিবা মংলান-মিনিমম গভর্মেন্ত, মেক্সিমম গভর্নেন্স অমসুং জিরো ইফেক্স, জিরো দিফেক্ত অসি হেন্না ময়েক শেংলে ভারতকী কম্পেনীশিংনা ভারত্তা হৌজিক পাংথোক্লিবা পোত্থোক পুথোকপগী থৌওংশিং অসিবু মালেমগী থাক্তা পুরক্নবগীদমক্তা অহিং-নুংথিল নাইদনা থবক তৌবা তাবনি। ঐখোয়গী প্রদক্সন কোস্ত, পোত্থোকশিংগী মগুন অমসুং নীংথিনা মথৌ তৌহন্দুনা মালেমগী থাক্তা শক্তাকচবা ঙমহন্নবগীদমক্তা ঐখোয়না কন্না হোৎনবগী মথৌ তারে। অমসুং ঐখোয়গী পোত্থোকশিং অসি য়ুজর ফ্রেনলী ওইহনবা তাবনি, তেক্নোলোজী অসিসু মতমগা খ্বাইদগী চান্নবা ওইহনগদবনি, শেল য়াম্না তাঙদবা অমসুং মতম কুইনা চৎপা ওইহনগদবনি। ঐখোয়গী মরু ওইবা কম্পিতেন্সী অসিগা মরী লৈনবা সেক্তরশিং অসিদা শেল হেন্না থাদবা অমসুং কত্তিং এদজ তেক্নোলোজী ঐখোয়না শিজিন্নগদবনি। অমসুং মসিগী হীরম অসিদা নখোয়গুম্বা ইন্দস্ত্রীগী মীওইশিংনা মসিদা তেংবাংবা অসি খ্বাইদগী মরু ওইবনি। সরকারনা মসিগী থাজবা অসিগা লোয়ননা পুম্নমক্কা লোয়ননা মাং থানা চৎনবা কন্না হোৎনরি। ইজ ওফ দুইং ব্যুজিনেস, কমপ্লাইন্স বর্দন হন্থহনবা, লোজিস্তিক কেস্তশিং অসি হন্থনবা মল্তিমোদেল ইনফ্রাস্ত্রকচর শেমগৎপা, দিস্ত্রিক লেবেল এক্সপোর্ত হবশিং শেমগৎ-শাগৎপা য়াওনা তোঙান তোঙানবা ইন্দস্ত্রীশিং অসি য়োকখৎনবা সরকার অসিনা লেবেল খুদিংমক্তা হোৎনরি।
ঐখোয়গী সরকারনা হীরম খুদিংদা সরকারনা খুৎ থিংজিনবা অসিনা ৱারোইশিন পুরকপগী মহুত্তা খুদোংচাদবা হেন্না থোকহল্লি হায়না থাজৈ। মরম অদুনা, ঐখোয়না সেল্ফ রেগ্যুলেসন, সেল্ফ-এতেস্তিং, সেল্ফ সর্তিফিকেসন, হায়বদি অসিগুম্বা হীরম অসিদা লৈবাক্কী নাগ্রিকশিংদা থাজবা থমদুনা তুং লমচৎকীদমক্তা চৎপা হায়বা ৱাফম অসিদা ঐখোয়না মিৎয়েং চঙই। কেন্দ্র অমসুং রাজ্যগী থাক্তা লৈরিবা লিশিং ৬তগী হেনবা কমপ্লাইএন্সকী চৎনবীশিং অসিগী মশিং হন্থহন্নবা কন্না হোৎনরি। মসিগী মতাং অসিদা, নখোয়গী ৱাখল্লোন অমসুং পাউতাকশিং য়াম্না মরু ওই। ৱেবিনার অসিদা মতম য়াম্না ফংদবসু য়াই, অদুনা নখোয়না ঐঙোন্দা ইরগা পীবিরকউ। মসিবু ঐখোয়না য়াম্না লুনা খনগনি, মরমদি কমপ্লাইএন্সকী বর্দন অসি য়ারিবমখৈ হন্থহনগদবনি। তেক্নোলোজী য়ৌরক্লে, হীরম খুদিংগী ফোর্ম মেনবগী মথৌ তাদ্রে। মতৌ অসুম্না, লোকেল লেবেলদা এক্সপোর্তপু খুমাং চাউশিলহন্নবগীদমক্তা এক্সপোর্তরশিং অমসুং প্রদ্যুসরশিংবু মালেমগী প্লেৎফোর্ম অমা ফংহন্নবা সরকারনা সেক্তর কয়া অমদা থবক তোউরি। মসিদা এম.এস.এম.ই. ওইরো, লৌমীশিং ওইরো, অপিক-অপিকপা ইন্তর্প্রাইস ওইরো, পুম্নমক্তা এক্সপোর্ত তৌবগী মতাংদা মতেং য়াম্না ফংগনি।
মরূপশিং,
প্রদক্সন লিঙ্ক ইন্সেন্তিব স্কিমগী মনিংদা মেন্যুফেকচরিং অমসুং এক্সপোর্তপু চাউখৎহন্নবা ঐখোয়না মঙলান কয়া অমা থম্লি। মালেমগী কম্পেনীশিংনা ভারতপু মখোয়গী বেজ ওইহন্দুনা, ঐখোয়গী লমদমগী ইন্দস্ত্রী, এম.এস.এম.ই.গী মশিং অমসুং মপাঙ্গল হেনগৎহনবা, অসিগুম্বা ৱাখল্লোন অসিগা লোয়ননা ঐখোয়না ৱেবিনার অসিদা মশক থোকপা স্কিম কয়া শেম্বা ঙম্লবদি, ঐখোয়না বজেৎ অসিবু পুথোকপদা খল্লিবা ৱাখল্লোনশিং অদুবু মাই পাকহনবা ঙমগনি। মসিগী স্কিমশিং অসিগী পান্দমদি তোঙান-তোঙানবা সেক্তরশিংদা ভারতকী ইন্দস্ত্রীশিংগী কোর-কম্পিতেন্সী অমসুং এক্সপোর্তকী হীরমদা গ্লোবেল প্রেজেন্স লৈহনবা অসিনি। ভারতকী মফম খর-খক্তদগী অকক্নবা মীরম লৈবাকশিংদা এক্সপোর্ত তৌরম্বগী ফিভম অদু হোংদোকহনগদবনি। ভারতকী জিলা খুদিংদগী করিগী এক্সপোর্ত তৌবা য়ারোইদবনো? মালেমগী লৈবাকশিংনা ভারত্তগী ইম্পোর্ত করিগীদমক্তা তৌরোইদৌরিবনো? মালেমগী মফম খুদিংদা ওইহনবা য়াদ্রিবা করিগীনো? হীরম খুদিংগী পোত্থোক করিগী লৈরোইদবনো? হান্নগী স্কিমশিং অমসুং হৌজিক লৈরিবা স্কিমশিং অসিদা খেৎনবা কয়া লৈবসু অদোম্না উরম্লগনি। হান্নদি ইন্দস্ত্রীএল ইন্সেন্তিব অসি ওপন ইন্দেদ ইনপুৎ বেজ সবসিদী অমা ওইরম্মি। হৌজিক্তি মসিবু চাংয়েংনবগী মিৎয়েং অমদা য়েংহন্দুনা তার্গেতেদ, পর্ফোর্মেন্স বেজ ওইহল্লে। ইহান হানবা ওইনা সেক্তর ১৩ প্রদক্সন লিঙ্ক ইন্সেন্তিবশিংগী মখাদা থমখিবা অসিনা ঐখোয়না হীরম অসিদা খোঙফম চেৎপগী মতৌ উৎলবনি।
মরূপশিং,
মসিগী পি.এল.আই. অসি সেক্তর অমগী ওইবা মতমদা, সেক্তর অদুনা কান্নবা য়াম্না ফংলি, মসিদগী সেক্তর অদুগা মরী লৈনবা অপুনবা ইকোসীস্তেম্বুসু কান্নহল্লি। ওতো অমসুং ফার্মাদা পি.এল.আই. লৈবদগী, ওতো পার্তশিং, মেদিকেলগী খুৎলায়শিং অমসুং হিদাকশিংগী রো-মেতরিএলশিংগা মরী লৈনবা পোৎলশিংদা মীরমদা তাংজবা অসি য়াম্না হন্থরগনি। এদভান্স সেল বেত্তরী, সোলার পি.ভি. মোদ্যুলশিং অমসুং স্পিসিএলিতী স্তীলদা ফংগদবা তেংবাংশিং অসিনা ঐখোয়গী লৈবাক্কী ইনর্জী সেক্তর অসি মতমগা চান্নবা ওইরগনি। ঐখোয় ইশাগী রো-মেতরিএল, ইশানা থবক শুজবা, ইশাগী হৈ-শিংবা অসিদা ঐখোয়না কয়া য়াম্না মাংজিল থাবা ঙমগনি। মতৌ অসুম্না, তেক্সতাইল অমসুং ফুদ প্রোসেসিংনা ফংগদবা পি.এল.আই. অসিনা ঐখোয়গী লৌউ-শিংউ সেক্তর অপুনবদসু কান্নবা ফংগনি। ঐখোয়গী লৌমীশিং, শা-য়েন লোয়বশিং, ঙা-য়োকপশিংনচিংবা খুঙ্গংগী শেন্মিৎলোন অপুম্বদা মসিনা অচৌবা চৈথেং পীদুনা মাং-থানা থোক্লকপদা য়াম্না তেংবাংগনি।
নখোয়না ঙরাংমক্তদসু উখ্রবা অদুনি, য়ুনাইতেদ নেসন্সনা ২০২৩, হায়বদি ঙসিদগী চহি অনিগী মতুং, চহী অসি মালেম অসিগী মিল্লেতকী চহী ওইনা লাওথোকখ্রবনি। লৈবাক ৭০ হেনবনা ভারতনা পুথোরক্লিবা প্রপোজেল অসিবু শৌগৎখি। মসিবু য়ু.এন. জেনেরেল এসেমব্লীদা য়েৎনবা লৈতনা য়াখি। মসি লৈবাক অসিবু য়াম্না চাউথোকচহনবা ৱাফম অমনি। মসি ঐখোয়গী লৌমীশিং অসিগী ওইনা খ্বাইদগী চাওবা খুদোংচাবা অমনি, মরু ওইনা ইরিগেসনগী খুদোংচাবা ফংজদবা অপিকপা লৌমীশিং অমসুং অপৌবা ফৌ হৌবা মফমশিং। মসিগী অপৌবা ফৌশিং অসিবু য়ু.এন.গী খুত্থাংদগী মালেমদা য়ৌহনবা অসি ইং ২০২৩গী ওইনা অয়াবা পীখ্রবনি। ইরিগেসনগী খুদোংচাবা ফংদবা অপিকপা লৌমীশিংগী অদুগুম্বা মফমশিং অদুদা লৌ থাবা, মসিগী অপৌবা ফৌ অসিনা অসিগুম্বা অপিকপা মৌমীশিংদা মপাঙ্গল কয়া হাপকদবা, ন্যুত্রিসনগী ভেল্যু কয়া য়াম্না লৈবা, মসিগী মখল কয়া য়াম্না লৈবা, মালেমদা মসিবু য়াম্না তাঙনা করম্না ফংহনবা য়াবা, অসিগুম্বা য়াম্লবা খুদোংচাবা কয়া অমা ঐখয়গী মাঙদা লৈরবনি। ঐখোয়না য়োগবু মালেমদা শন্দোক্তুনা ফাওহনবগুম্না ঐখোয় পুম্নমক্না অমত্তা ওইদুনা, মরু ওইনা এগ্রো প্রোসেসিংগী মীওইশিংনা, মিল্লেৎ, হায়বদি অপৌবা ফৌ অসিবু মালেমগী মফম শিনবা থুংনা য়ৌহনবা ঙমগনি।
ইং ২০২৩গী ওইনা ঐখোয়গী নাক্তা মতম লৈরি, ঐখোয়না নীংথিনা শেম-শাদুনা মালেম পুম্বগী ওইনা ঐখোয়গী খোঙথাংশিং অসি থবক ওইনা পায়খৎপা ঙমগনি। কোরোনাদগী কন্ননবা ভারত্তা শাবা ভেক্সিন পুথোকপগুম্না, মীওইশিংবু নাহন্দনবা, ভারত্তা পুথোকপা মিল্লেৎ, অপৌবা ফৌ, মসিগী ন্যুত্রিস্নেল ভেল্যুসু হেন্না নীংথিনা শিজিন্নবা য়াগনি। মিল্লেৎ নত্ত্রগা অপৌবা ফৌগী মচি ওইবগী মতাংদা ঐখোয় পুম্বনা খঙনরে। মতম অমদা, চাকখুমশিংদা অপৌবা ফৌ অসি য়াম্না মরাং কায়না শিজিন্নরম্মি। মসিগী চৎনবী অসি অমুক হল্লক্লে। ভারতনা হৌদোক্লবা মতুংদা, য়ূ.এন.না ইং ২০২৩বু মালেমগী মিল্লেৎকী চহি লাউথোকখিবা অমসুং মসিনা মীরমদা মিল্লেৎকী অপাম্বা লৈবশিং হেনগৎহল্লগনি। মসিদগী ঐখোয়গী লৌমীশিং মরু ওইনা, লৈবাক অসিগী অপিকপা লৌমীশিংদা য়াম্না কান্নরগনি। মরম অদুনা, ঐহাক্না লৌউ-শিংউ অমসুং ফুদ প্রোসেসিং সেক্তরদা হায়জনিংবা অসিদি মসিগী কান্নবা অসিগী খুদোংচাবা নীংথিনা লৌবীয়ু হায়বা অসিনি। ঙসিসু, মসিগী ৱেবিনার অসিদগী পাউতাক কয়া ফংবা, অপিকপা তাস্ক ফোর্স অমা শেম্বা অমসুং মসিদা পব্লিক-প্রাইভেৎ পার্ত্নর্শিপকী মোদেল লৈবা, অমসুং ঐখোয়না মসিগী মিল্লেৎ মিসন অসিবু মালেম শিনবা থুংনা হেন্না খুমাং চাউশিলহনবা হায়বা ৱাখলশিংসি ঐখোয়না খনবা য়াই। মালেমগী তোঙান-তোঙানবা লৈবাকশিংগী অপাম্বা মহাওগী মতুং ইন্না মিল্লেৎকী মখল পুথোকপা অমসুং হকশেলদা য়াম্না কান্নহনবা মখল করম্না পুথোক্কনি হায়না খনবা য়াই।
মরূপশিং,
হন্দক্কী চহিগী বজেৎ অসিদা পি.এল.আই. স্কিমগা মরী লৈনবা স্কিমগীদমক্তা ভাউরাকপা লুপা করোর লাখ ২গী শেনফম খাক্তুনা থমখ্রবনি। প্রদক্সনবু ৫%গী চাংদা ইন্সেন্তিব পীরে। হায়বদি, পি.এল.আই. স্কিমগী খুত্থাংদা লাক্কদৌরিবা চহি ৫দা চাউরাক্না বিলিয়ন দোল্লর ৫২০গী পোত্থোকশিং ভারত্তা পুথোকপগী ওইথোকপা য়াই হায়না পানরি। পি.এল.আই. স্কিম শেমখ্রিবা সেক্তরশিংগীদমক্তা ওইনসু, সেক্তরশিং অসিদা য়ারিবমখৈ মীওই মশিং য়াম্না থবক তৌহন্দুনা শরুক ২ থোকপা ফাওবা হেনগৎহনবা হায়নসু ঐখোয়না পানরি। পি.এল.আই. স্কিমগী মরমদগী থবক পীবগী চাংসু য়াম্না হেনগৎহল্লগনি। ইন্দস্ত্রীদদি প্রদক্সন অমসুং এক্সপোর্তকী হীরমদা কান্নবা ফংলগনি, লৈবাক্কী শেন্থোক হেনগৎপদগী অপাম্বা হেনগৎলক্কদবা অদুদগীসু হেন্না কান্নবা ফংগনি। হায়বদি, হীরম অনি থোক্না কান্নবা ফংলগনি হায়বনি।
মরূপশিং,
পি.এল.আই.গা মরী লৈনবা ৱাফম কয়া লাউথোকখ্রে, মখোয়শিং অসিদসু ঐখোয়না অহেনবা মিৎয়েং চঙলি। আই.তি. হার্দৱেয়র অমসুং তেলিকোম ইক্বিপমেন্ত মেন্যুফেকচরিংগা মরী লৈনবা পি.এল.আই. স্কিমশিং অসিবুসু কেবিনেৎনা অয়াবা পীখ্রবনি। মসিগী সেক্তরশিং অসিগা মরী লৈনবা মীওইশিংনা হীরমশিং অসিগী মতাংদা নীংথিনা য়েংশিনবা হৌরম্লগনি হায়না ঐহাক্না থাজবা লৈ। লাক্কদোউরিবা চহি মরি অসিদা আই.তি. হার্দৱেয়রগী মতাংদা চাউরাক্না লুপা ত্রিলিয়ন ৩.৫গী পোত্থোক পুথোকপা ঙমগনি হায়না ঐখোয়না থাজবা থম্লি। মসিগী স্কিম অসিদগী আই.তি. হার্দৱেয়রদা চহি ৫গী মনুংদা দোমেস্তিক ভেল্যু এদিসন্দা হৌজিক ফাওবগী ওইনা ৫-১০%দগী হেনগত্তুনা ২০-২৫% ওইহনগদবনি। মতৌ অসিগুম্না, তেলিকোম ইক্বিপমেন্ত মেন্যুফেকচরিংদসু লাক্কদৌরিবা চহি ৫গী মনুংদা লাউরাক্না লুপা করোর অমা মখায়গী কান্নবা ফংগনি। মসিদসু, চাউরাক্না লুপা করোর লাখ ২গী পোত্থোক মীরমদা থাদোকপা ঙমগনি। ফার্মা সেক্তরদসু লাক্কদৌরিবা চহি ৫-৬ অসিদা ঐখোয়না পি.এল.আই.গী মখাদা লুপা করোর লাখ কয়া অমা হেনবগী চাংদা থাদরকপা য়াবগী ওইথোকপসু খন্নদবা য়াদে, ঐখোয়না অচৌবা পান্দম অমা থমদুনা চৎকদবনি। মসিনা ফার্মা সেলদা চাউরাক্না লুপা করোর লাখ কয়া অমসুং এক্সপোর্তকী ওইনা চাউরাক্না লুপা করোর লাখ ২ হেন্না পাংথোকপা ঙম্বগী থাজবা লৈরি।
মরূপশিং,
ভারত্তগী ভেক্সিনগী দোজ লাখ কয়া অমা পুদুনা চৎলিবা ফ্লাইৎশিং অসি হাঙনা হল্লকপা অমত্তা নত্তে। মখোয়না মসিনা তেংবাংখিবা অনাবা, অহল ওইরবা মীওইশিংগী য়াইফ পাউজেল কয়া পুদুনা লাক্লিবনি। অদুগা ইরাংগী মতমদা থাজবা ফংবা অসি মতম চুপ্পগী ওইবনি। ঐখোয়না মীওইবা জাতিগী তেংবাংলি হায়না হায়রিবশিং অসি চাউথোক্তুনা হায়বগী খক্তা নত্তে, ঐখোয়না ইথৌদাং পাংথোকপগী নুংঙাইবগী হায়বনি। ঐখোয়গী হৌজিক চত্থরিবা থৌওংশিং অসিনা ভারতপু মালেম শিনবা থুংবদা অচৌবা ব্রান্দ অমা ওইহল্লে। ভারতকী মিংচৎ, ভারত্তা মালেম্না থাজবা অসি য়াম্না হেল্লবনি। মসি ভেক্সিন মতাংদা খক্তা নত্তে। ফার্মা সেক্তর খক্তগীসু নত্তে। করিগুম্বা লৈবাক অমনা অচৌবা ব্রান্দ অমা ওইরকপা মতমদা, মসিনা মীয়াম খুদিংগী ইকায় খুম্না হেনগৎহল্লি, মীয়াম্না নুংশিবা হেনগৎলকই অমসুং মখোয়গী খ্বাইদগী অহানবা অপাম্বসু ওইহল্লি।
ঐখোয়গী হিদাকশিং, ঐখোয়গী মেদিকেল প্রোফেস্নেলশিং, ভারত্তা শাবা মেদিকেলগী খুৎলায়শিং অসিনসু ঐখোয়দা থাজহনবা হেনগৎহল্লবনি। মসিগী ইকায় খুম্নবা অসিবু ঐখোয়না ঙাক্নবগীদমক্তা, মসিগী মতমশিং অসিগী কান্নবা লৌনবগীদমক্তা ঐখোয়গী থৌরাংশিং অসি করিনো হায়বগী মতাংদা ফার্মা সেক্তরনা থবক তৌগদবনি। অদুগা মরুপশিং, ভারত্তা লৈরক্লিবা হৌজিক্কী থাজবা, সেক্তর অসিনা মসিদা য়ুম্ফম ওইরগা মাং থাদুনা চৎনবা খুদোংচাবা অসি ঐখোয়না মাঙহল্লোইদবনি হায়না ঐহাক্না হায়জনীংই। মরম অদুনা, সেক্তর খুদিংনা মখোয়গী য়াৎফম থোকপা থৌরাংশিং য়াৎপা হৌগদবনি। হৌজিক মতম মাংহন্নবা নত্তে, মতম লৌনবনি, লৈবাক্কীদমক্তা করিগুম্বা খরা ফংনবা থবক তৌবগী মতম্নি, নখোয়গী কম্পেনীশিংগী খুদোংচাবা লৌবগী মতম্নি। অমসুং মরূপশিং, ঐহাক্না ঙাংলিবা ৱাফমশিং অসি হায়বগী থোইদোক্না মথৌ তাবসু নত্তে। পি.এল.আই. স্কিমগী মাই-পাকপগী ৱারী অসিনা মসিবু মথন্নতা অদুম শৌগৎলবনি হায়বসি অচুম্বা ৱাফম্নি। অসিগুম্বা মাই পাকপগী ৱারী অমদি ইলেক্ত্রোনিক মেন্যুফেকচরিং সেক্তরগীসু লৈ। মমাংগী চহিদা, ঐখোয়না মোবাইল ফোন অমসুং ইলেক্ত্রোনিক্স কম্পোনেন্তশিং পুথোকপগী পি.এল.আই. স্কিম হৌদোকখি। লাইচৎ লৈরবসু, হৌখিবা চহিদা লুপা করোর লিশিং ৩৫গী পোত্থোক পুথোকখি। মসিদা নত্তনা, কোরোনাগী মরক্তসু মসিগী সেক্তর অসিদা চাউরাক্না লুপা করোর ১৩০০গী শেল থাদরকখি। মসিনা সেক্তর অসিদা অনৌবা থবক লিশিং কয়া অমসু লৈহনখি।
মরূপশিং,
পি.এল.আই. স্কিম অসিনা লৈবাক অসিগী এম.এস.এম.ই.গী ইকোসীস্তেমদসু কারবারগী ওইবা কান্নবা কয়া পীরগনি। ঐহাক্না ৱাফম অসি হায়বগী মরমদি, সেক্তর খুদিংগী ওইবা এঙ্কর য়ুনিৎ লৈরকপা মতমদা, মখোয়গী ভেল্যু চেন খুদিংদা অনৌবা বেজ অমগী মথৌ তারক্কনি। মসিগী তেংবাংশিং অসি এম.এস.এম.ই.গী সেক্তরদগী ফংগনি। এম.এস.এম.ই.বু মসিগী থবকশিং অসিগীদমক্তা শেম-শাবা অসি হান্নদগী হৌখ্রবনি। এম.এস.এম.ই.গী ৱাহন্থোক্তা অহোংবা লাকপগা লোয়ননা শেল থাদবগী অকক্নবা হেনগৎপগী ৱারেপ লৌবা ফাওবদা, সেক্তর অসিদা কান্নবা কয়া অমা ফংলবনি। ঐখোয়না ঙসি ফম্মিন্নদুনা ৱারী শারিবা অসিদসু মখোয়না থৱাই য়াওনা শরুক য়াগনি হায়নসু থাজবা থম্লি। করিগুম্বা নখোয়না পি.এল.আই.গা মরী লৈনবা অমাঙবা লৈরবদি, মসিদা করিগুম্বা শেমদোক্নিংঙাই লৈরবদি, নখোয়না মরু ওই হায়না খনবা ৱাফমশিংদু ঐহাক্কী ইফমদা শোইদনা হায়বীরকউ।
মরূপশিং,
চিরবা মতমদা ঐখোয়না অপুনবা থৌওং পাংথোক্তুনা অচৌ-অচৌবা মাই-পাকপা কয়া ফংবা ঙম্লে হায়বসি থবক্না উৎখ্রে। খুৎশম্নবগী থৌওং অসিনা মরোমদোম লেপচবা ভারত অমা ওইহনগনি। হৌজিক্তি, ঐহাক্কী ইন্দস্ত্রীগী মরূপশিংনা মাং থানা থোক্লক্তুনা মসিগী খুদোংচাবা কয়া অসিদা থবক তৌগদবনি। ইন্দস্ত্রীনা হৌজিক লৈবাক অমসুং মালেমগীদমক্তা খ্বাইদগী ফবা পোত্থোক পুথোকপদা অপুনবা মিৎয়েং চঙগদবনি। ইন্দস্ত্রীনা ফাস্ত মুভিং, ফাস্ত চেঞ্জিং মালেমগী তঙাই ফবদগী মতুং ইন্না ইন্নোভেৎ তৌগদবনি, আর. অমসুং দি.দা নখোয়না শরুক য়াবগী থৌওং হেনগৎকদবনি। মেনপাৱরগী স্কিল অপগ্রেদ তৌবা অমসুং অনৌবা তেক্নোলোজী শিজিন্নদুনা ভারতকী ইন্দস্ত্রীশিংনা মাং থানা থোক্তুনা থবক তৌগদবনি, মদুগী মতম অদুদা খক্তা ঐখোয়না মালেমগী থাক্তা চাংয়েংনবা ঙমগনি। ঙসিগী খন্ন-নৈনবা অসিদগী, “মেক ইন ইন্দিয়া, মেক ফোর দি ৱর্ল্দ”গী খোঙচৎকীদমক্তা অনৌবা ৱাখল্লোন, পাউতাক কয়া নখোয়দগী ফংগনি, অনৌবা পাঙ্গল ফংগনি, অনৌবা ইথিল ফংগনি অমসুং অনৌবা শক্তি ফংলগনি।
ঐহাক্না নখোয়গী মফমদা অমুক্কা হন্না হায়জনীংবদি, শিংনবা কয়া লাকপা, শেমদোকপগী মতাংদা নখোয়গী পাউতাক, ঐহাক্কী মফমদা শোইদনা য়ৌহনবীরকউ। সরকারনা মখোয়শিংগী ৱারোইশিন পীনবা শোইদনা হোৎনগনি। সরকারগী ইন্সেন্তিব অসিদা য়াওরিবা অসিগী মরমদগী করিগুম্বা পোত্থোক অমগী মমল তারবদি, মদু য়োনবদা লায়গনি হায়না নখোয়না খনবা য়াওবরা হায়না হংনিংই। মসি মতাং অমদা চুম্মি। অদুবু মগুন লৈবা অসিনা খ্বাইদগী হেনবা পাঙ্গলনি হায়না খল্লগা চৎপীয়ু। ঐখোয়গী পোত্থোক অসিনা মগুন হেন্না লৈরবদি, মালেম্না শেল খরা হেল্লবসু শোইদনা লৈনীংগনি। ঙসিদি, ভারত অসি ব্রান্দ অমা ওইরবনি। নখোয়না নখোয়গী পোত্থোকশিংবু শক তাক্কদবতনি। নখোয়না য়াম্না হোৎনদ্রবসু য়ারগনি। হোৎনগে হায়রবদি, প্রদক্সন্দা, ক্বালিতীদা হোৎনবীয়ু। পি.এল.আই.দগী অহেনবা কয়া ফংহৌবা হায়বা ৱাফম অসুদা হোৎনবীগনি। মসিগী মতাংদসু ঐখোয়না খন্ন-নৈনরিবা অসিদা য়াওগনি, য়াম্না কান্নবা ফংগনি।
নখোয়না হন্দক্কী মতাং অসিদা মীওই অসুক য়াম্না লাকপা, নুমিৎ চুপ্পা ফমদুনা লৈবা, মসিদা ঐহাক্না নখোয়গী মতম য়াম্না লৌররোই। ঐহাক্কী মফমদগী নখোয়বু থাগৎচরি। ঙসিগী থৌরম অসিদা লাকপীবগীদমক্তা ঐহাক্না নখোয় পুম্নমকপু থম্মোই শেংনা থাগৎচরি।
থাগৎচরি।
