Summit is an addition of a new chapter to the Indo-German Partnership: PM
Year 2024 marks the 25th anniversary of the Indo-German Strategic Partnership, making it a historic year: PMGermany's "Focus on India" document reflects the world recognising the strategic importance of India: PMIndia has made significant strides, becoming a leading country in mobile and electronics manufacturing: PMIndia is making rapid advancements in physical, social, and digital infrastructure: PMPrime Minister calls for a partnership between India's dynamism and Germany's precisionগুতেন আবেন্দ
স্তুতগার্ত্তা পাংথোকপা ন্যুজ 9 গ্লোবেল সম্মিৎতা শরুক য়াখিবা ইচিল-ইনাও পুম্নমক্তা খুরুমজরি!
মিনিস্তর ৱিনফ্রীদ, ঐগী মন্ত্রী-মন্দলগী মরুপ জ্যোতিরাদিত্য সিন্ধিয়া অমসুং সম্মিৎ অসিদা শরুক য়ারিবা নুপী অমদি নুপাশিং!
ঙসি ইন্দো-জর্মন পার্তনরশিপতা অনৌবা চেপ্তর অমা হাপচিল্লে। ভারতকী TV-9না জর্মনীদা FOB স্তুতগার্ত অমসুং বদেন-ৱুত্তেমবর্গকা লোয়ননা সম্মিৎ অসি শীনখি। ভারতকী মীদিয়া গ্রুপ অমনা জর্মনী অমসুং জর্মনগী মীয়ামগা ঙসিগী ইনফোর্মেসনগী মতম অসিদা শম্ননবা হোৎনরিবা অসিদা ঐহাক নুংঙাইবা ফাওই। মসিনা ভারতকী মীয়ামদা জর্মনী অমসুং জর্মনগী মীয়াম খঙহন্নবা প্লেৎফোর্ম অমা পীগনি। ন্যুজ-9 ইংলিশকী ন্যুজ চেনেলসু হৌদোক্লিবা অসিদা ঐহাক নুংঙাইবা ফাওই।
মরুপশিং,
মীফম অসিগী থিমদি ইন্দিয়া-জর্মনী: সস্তেনেবল গ্রোথকী রোদমেপনি। অমসুং হায়রিবা থিম অসি লৈবাক অনিগী মরক্তা লৈরিবা থৌদাং লৈবা পার্তনরশিপকী মশক অমসু ওইরি। হৌখিবা নুমিৎ নিনি অসিদা, ইকনোমিক ইসুশিংগা মরী লৈনবা হীরমশিং অদুগা লোয়ননা স্পোর্তস অমসুং এন্তর্তেন্মেন্তগা মরী লৈনবা হীরমশিংদা ময়াম পুম্নমক্না য়াম্না পোজিতিব ওইবা খন্ন-নৈনবগী থৌরম অমা পাংথোকখ্রে।
মরুপশিং,
জিওপোলিতিকেল রিলেসনশিং অমসুং ত্রেদ অমসুং ইনভেস্তমেন্ত অনিমক্কী ওইনা য়ুরোপ অসি ভারতকী মরু ওইবা স্ত্রেতেজিক রিজন অমনি। অমসুং জর্মনী অসি ঐখোয়গী খ্বাইদগী মরু ওইবা পার্তনরশিংগী মনুংদা অমনি। 2024দা ইন্দো-জর্মন স্ত্রেতেজিক পার্তনরশিপকী চহি 25 মপুং ফারগনি। অমসুং চহি অসি পার্তনরশিপ অসিগীদমক পুৱারী ওইরবা অমসুং অখন্নবা ওইরি। মমাং থাদা, চাঞ্চেল্লর স্কোলজনা মহাক্কী অহুমশুবা ভারত খোংচৎতা লাকখি। চহি 12গী মতুংদা, এসিয়া-পেসিফিক কনফরেন্স ওফ দি জর্মন বিজিনেস দিল্লীদা পাংথোকখি। মসিদা জর্মনীনা ফোকস ওন ইন্দিয়া দোক্যুমেন্ত ফোংখি। মসি খক্তা নত্তে, ভারতকী স্কিল্দ লেবর স্ত্রেতেজীসু রিলিজ তৌখি। মসি জর্মনীনা হৌদোকখিবা অহানবা লৈবাক অমগী ওইবা স্ত্রেতেজীনি।
মরুপশিং,
ভারত-জর্মনী স্ত্রেতেজিক পার্তনরশিপ হৌখিবা চহি 25 শুজরবসু, ঐখোয়গী নুংশিজরবা মরী অসি চহি চা কয়াগী মমাংদগী লৈরক্লি। য়ুরোপকী অহানবা সংস্কৃত গ্রামার লাইরিক পুথোকখিবা মীওই অসি জর্মন অমনি। জর্মনীগী লল্লোন ইতিক তৌবা মীওই অনিগী মতেংনা জর্মনী অসি তামিল অমসুং তেলুগুদা লাইরিকশিং ফোঙবা য়ুরোপকী অহানবা লৈবাক ওইখি। ঙসিদি জর্মনীদা চাউরাক্না ভারত মচা লাখ 3 লৈরি। জর্মনীগী য়ুনিভর্সিতীশিংদা ভারতকী মহৈরোই লিশিং 50 তম্লি অমসুং মসি মফম অসিদা তম্লিবা মপান লমগী মহৈরোইশিংগী খ্বাইদগী চাউবা কাঙলুপসু ওইরি। ভারত-জর্মনী মরীগী অতোপ্পা মশক অমা ভারত্তা উবা ফংলি। ঙসিদি জর্মনগী কম্পনী 1800 হেনবনা ভারত্তা থবক তৌরি। হায়রিবা কম্পনীশিং অসিনা হৌখিবা চহি 3-4 অসিদা দোল্লর বিল্লিয়ন 15 ইনবেস্ত তৌখ্রে। ঙসিদি লৈবাক অনিগী মরক্তা পুন্না ললোন-ইতিক তৌবগী চাং অসি চাউরাক্না দোল্লর বিল্লিয়ন 34 ওইরে। লাক্কদৌরিবা চহিশিংদা ললোন-ইতিক অসি হেন্না হেনগৎলক্কনি হায়না ঐনা থাজবা থম্লি। ঐহাক্না মসি হায়রিবসি মরমদি হৌখিবা চহি খরা অসিদা ভারত অমসুং জর্মনীগী মরক্তা পার্তনরশিপ অসি লেপ্তনা মপাঙ্গল কনখৎলক্লি।
মরুপশিং,
ঙসিদি, ভারত অসি মালেমগী খ্বাইদগী য়াঙনা চাউখৎলক্লিবা অচৌবা ইকনোমী অমা ওইরে। মালেমগী লৈবাক খুদিংমক্না চাউখৎ-থৌরাংগীদমক ভারতকা খুৎশম্নবা পাম্মি। জর্মনীগী ফোকস ওন ইন্দিয়া দোক্যুমেন্ত অসি মসিগী অচৌবা খুদম অমনি। মসিগী দোক্যুমেন্ত অসিনা মালেম পুম্নমক্না ঙসি ভারতকী স্ত্রেতেজিক্কী মরু ওইবা অসি করম্না খঙলিবগে হায়বদু উৎলি। হৌখিবা চহি 10 অসিদা ভারত্তা চৎনদুনা লাক্লবা রিফোর্ম, পর্ফোর্ম, ত্রান্সফোর্মগী মন্ত্র অসিনা মালেমগী ৱাখল্লোনগী অহোংবা অসিদা অচৌবা থৌদাং অমা লৌরি। ভারতনা হীরম খুদিংমক্তা, সেক্তর খুদিংমক্তা অনৌবা পোলিসীশিং শেমখি। ঐখোয়না 21শুবা চহি চাদা য়াম্না থুনা চাউখৎলক্নবা ঐখোয় মশাবু শেম-শাখি। ঐখোয়না রেদ তেপ মুত্থৎতুনা ইজ ওফ দুইং বিজিনেস ফগৎহল্লে। চাউখৎ-থৌরাংগীদমক মতম চানা অমসুং মমল হোংবা কেপিতেল ফংহন্নবা ভারতনা বেঙ্কশিং মপাঙ্গল কনখৎহনখি। ঐখোয়না GSTগী ইফিসেন্ত সিস্তেম অমা পুরক্তুনা অরুবা তেক্স সিস্তেম অসি হোংদোক্তুনা লাইথোকহনখি। ঐখোয়গী বিজিনেসশিংনা মাংলোমদা চংশিনবা ঙম্নবগীদমক ঐখোয়না লৈবাক অসিদা প্রোগ্রেসিব অমসুং স্তেবল ওইবা পোলিসী মেকিং এনভাইর্নমেন্ত অমা শেমখি। ঙসিদি, চাউখৎলবা ভারতকী চাউরবা য়ুম্ফম অসি শাগৎকদবা অসিগুম্বা মপাঙ্গল কনবা য়ুম্ফম অসি ভারত্তা শেমগৎলি। অমসুং জর্মনী অসি মসিগী মতাংদা ভারতকী থাজবা য়াবা পার্তনর অমা ওইরগনি।
মরুপশিং,
মেন্যুফেকচরিং অমসুং ইঞ্জিনীয়রিংনা জর্মনীগী চাউখৎপগী খোঙচৎতা য়াম্না মরু ওইবা থৌদাং অমা লৌখি। ভারত অসি মালেমগী খ্বাইদগী চাউবা মেন্যুফেকচরিং হব ওইরক্নবা হোৎনরি। ঙসি ভারতনা মেক ইন ইন্দিয়াদা য়াওরিবা মেনুফেকচর্রশিংদা প্রদক্সনগা মরী লৈনবা ইন্সেন্তিবশিং পীরি। অমসুং ঐখোয়গী মেন্যুফেকচরিং লেন্দস্কেপ্তা অচৌবা অহোংবা অমা লাক্লে হায়না ঐহাক্না নুংঙাইবা ফোংদোকচরি। ঙসিদি, ভারত অসি মোবাইল অমসুং ইলেক্ত্রোনিক মেন্যুফেকচরিংদা মালেমগী মকোক থোংবা লৈবাকশিংগী মনুংদা অমা ওইরে। ঙসিদি, ভারত অসি মালেমগী খ্বাইদগী চাউবা তু হ্বীলর মেনুফেকচর্রনি। মসিনা খ্বাইদগী চাউবা স্তীল অমসুং সিমেন্ত পুথোকপা অনিশুবা অমসুং খ্বাইদগী চাউবা ফোর হ্বীলর পুথোকপা মরিশুবা লৈবাক ওইরি। ভারতকী সেমিকন্দক্তর ইন্দস্ত্রীসু য়াম্না থুনা মালেমদা মাগী ফিরাল পাইহল্লি। মসিনা মরম ওইদুনা হৌখিবা চহি খরা অসিদা, ঐখোয়গী সরকারনা ইনফ্রাস্ত্রকচর ফগৎহনবা, লোজিস্তিক্স কোস্ত হন্থহনবা, ইজ ওফ দুইং বিজিনেস অমসুং স্তেবল গবর্নান্সকীদমক লেপ্তনা পোলিসীশিং শেমখ্রে অমসুং অনৌবা ৱারেপশিং লৌখ্রে। লৈবাক অমা হেক্তগী চাউখৎপগী খোঙজেল য়াংখৎনবগীদমক্তা, ঐখোয়না ফিজিকেল, সোসিএল অমসুং দিজিতেল ইনফ্রাস্ত্রকচরদা শেন থাদবা হেনগৎহনবা মথৌ তাই। ভারতনা হায়রিবা ফ্রন্ত অহুম অসিদা ইনফ্রাস্ত্রকচর শেমগৎপগী থবক য়াম্না থুনা চত্থরি। ঙসিদি মালেম অসিনা ঐখোয়গী ইনবেস্তমেন্ত অমসুং দিজিতেল তেক্নোলোজীদা ইন্নোবেসনগী ইম্পেক্ত অদু উরি। ভারত অসি মালেমদা খ্বাইদগী তোপ তোপ্পা দিজিতেল পব্লিক ইনফ্রাস্ত্রকচর লৈবা লৈবাক অমনি।
মরুপশিং,
ঙসি ভারত্তা জর্মনগী কম্পনী কয়া অমা লৈরি। ঐনা হায়রিবা কম্পনীশিং অসিদা মখোয়গী বিজিনেসতা ইনবেস্ত তৌনবা অমসুং পাকথোক চাউথোকহন্নবা হায়জরি। হৌজিক ফাওবদা ভারত্তা বেজ লৈতবা জর্মনগী কম্পনী কয়া অমা লৈরি। ঐনা মখোয়বু ভারত্তা লাক্নবা কৌজরি। অমসুং দিল্লীদা জর্মন কম্পনীশিংগী এসিয়া পেসিফিক কনফরেন্সতা ঐনা হায়খিবগুম্না, মসি ভারতকী খুমাং চাউশিল্লকপগা শম্নহন্নবা মতিক চারবা তানফমনি। ভারতকী দাইনামিজমগা শম্ননবা ঐখোয় পুম্নমক্না হোৎনগদবনি... জর্মনীগী ময়েক শেংনা... ভারতকী ইন্নোবেসনগা লোয়ননা জর্মনীগী ইঞ্জিনীয়রিং। মালেমগী অরিবা সিভিলাইজেসন অমা ওইনা, ঐখোয়না মতম পুম্নমক্তা মালেম পুম্বদগী লাকপা মীওইশিংবু তরাম্না ওক্লি, মখোয়বু ঐখোয়গী লৈবাক অসিগী শরুক অমা ওইহল্লি। মালেমগী চাউখৎলবা তুংলমচৎ অমা শেমগৎপদা শরুক য়ানবা ঐনা অদোমবু কৌজরি।
থাগৎচরি!
দানকে!
