PM inaugurates Omkareshwar floating solar project
PM lays foundation stone of 1153 Atal Gram Sushasan buildingsPM releases a commemorative stamp and coin marking the 100th birth anniversary of former Prime Minister Shri Atal Bihari VajpayeeToday is a very inspiring day for all of us, today is the birth anniversary of respected Atal ji: PMKen-Betwa Link Project will open new doors of prosperity and happiness in Bundelkhand region: PMThe past decade will be remembered in the history of India as an unprecedented decade of water security and water conservation: PMThe Central Government is also constantly trying to increase facilities for all tourists from the country and abroad: PMভারত ইমানা য়াইফরে,
ভারত ইমানা য়াইফরে,
থৌনা ফবশিংগী পোক্নফম লমদম বুন্দেলখন্দদা লৈরিবা মীপুম খুদিংমকপু ঐগী মাইকৈদগী খুৎ লোন্নদুনা ইকাইখুম্নবা উৎচরি। মধ্য প্রদেশকী গোবর্নর, শ্রী মঙ্গু ভাই পতেল, মফম অসিগী ইচং-থৌবা মুখ্যমন্ত্রী, ভাই মোহন য়াদৱ জী, কেন্দ্রগী মন্ত্রী, ভাই সিৱরাজ সিং জী, বিরেন্দ্র কুমার জী, সি.আর.পাতিল জী, উপ মুখ্য মন্ত্রী, জগদিশ দেৱরা জী, রাজেন্দ্র সুক্লা জী, অতোপ্পা মন্ত্রীশিং, MPশিং, MLAশিং, দিগ্নিতরীশিং, ইকাইখুম্নবা সন্ত অমসুং মধ্য প্রদেশকী নুংশিজরবা ইচিল-ইনাওশিং অমসুং ইচে-ইচলশিং।
ঙসি মালেম পুম্বনা খৃস্তমাসকী নুংঙাই ফোংদোক্লি। ঐহাক্না লৈবাক অসিদা লৈরিবা অমসুং মালেম শিনথুংনা লৈরিবা খৃস্তিয়ন কম্যুনিতী কৃস্তমাসকী য়াইফ-পাউজেল পীজরি। মোহন য়াদৱকী লুচিং মখাদা শেমখিবা BJP সরকারনা চহি অমা মপুং ফারে। ঐহাক্না মধ্য প্রদেশকী মীয়াম অমসুং BJPগী ৱার্করশিংদা থাগৎপা ফোংদোক্লি। চহি অমা অসিদা, এম.পি.দা চাউখৎ-থৌরাংগী খোংথাংদা অনৌবা খোংজেল অমা ফংবা ঙম্লে। ঙসিশু, লুপা করোর লিশিং কয়া অমগী ওইগদবা চাউখৎ-থৌরাংগী প্রোজেক্তশিং মফম অসিদা হৌদোকখ্রে। ঙসি পুৱারি ওইরবা কেন-বেত্বা লিঙ্ক প্রোজেক্তকী দাউধান দামগী উরেপ-উয়ুং তমখ্রে। ওমকারেশ্বর ফ্লোতিং সোলর প্লান্তশু শঙ্গাখ্রে অমসুং মসিনা মধ্য প্রদেশকী অহানবা ফ্লোতিং প্লান্তনি। ঐহাক্না প্রোজেক্ত অসিগীদমক্তা এম.পি.গী মীয়ামদা নুংঙাই-য়াইফবা ফোংদোক্লি।
মরুপশিং,
ঙসি অসি ঐখোয় পুম্নমক্কী ওইনা য়াম্না পুক্নিং থৌগৎণিংঙাই ওইবা নুমিৎনি। ঙসি অসি মীয়াম্না ইকাইখুম্নরবা অতল জীগী মপোক কুমওন নুমিৎনি। ঙসিনা ভারত নত্না অতল জীগী মপোক নুমিৎকী চহি চামাশুবা মপোক কুমওননি। অতল জীগী মপোক কুমওনগী কুম্মৈ অসিশু অফবা গোবর্নেন্স অমসুং অফবা সর্বিসকীদমক্তা ঐখোয়বু পুক্নিং থৌগৎনিংঙাই ওইবা কুম্মৈনি। মতম খরগী মমদাং, ঐহাক্ননা অতল জী নিংশিং খুদম ওইনা পোস্তেজ স্তামপ অমসুং নিংশিং খুদম ওইবা শেলয়েক ফোংবা মতমদা, অরিবা হৌখ্রবা মতম কয়া অমা ঐগী ৱাখলদা নিংশিংলকখি। চহি কয়া অমা ঐহাক্কূম্বা ৱার্কর কয়া অমা তাকপী-তম্বিরকখি অমসুং চৎন-লোঞ্চৎ কয়া অমা তম্বীরকখি। লৈবাক অসিগী চাউখৎ-থৌরাংদা অতল জীনা লৌরম্বা থৌদাং অদু ঐখোয়গী ৱাখলদা মুৎনাইদনা অদুমক লৈহৌরগনি। মধ্য প্রদেশতা অতল গ্রাম সেবা সাদন ১১০০ হেন্না শাবাগী থবক কয়া অমা ঙসিদগী পাইখৎপা হৌরগনি, মসিগী অহানবা ইনস্তোলমেন্ততুশু থাদোকখ্রে। অতল গ্রাম সেবা সাদনশিংনা খুঙ্গংশিংগী চাউখৎ-থৌরাং অনৌবা ইনোৎ অমা হাপ্লগনি।
মরুপশিং,
ঐখোয়গীদি, অফবা গোবর্নেন্সকী নুমিৎ অসি নোংমা খক্তগী ওইবা থৌরম নত্তে। অফবা গোবর্নেন্স হায়বা অসি BJP সরকারগী শক্লোন্নি। লৈবাক অসিগী মীয়াম্না থংন-থংননা অহুমশুবা ওইনা সেন্তরদা BJPগী সরকার শেম্লিবনি। মধ্য প্রদেশতা, নখোয় ময়াম্না BJPবু লেপ্তনা মীহুৎ ওইনা থাগৎপীরি, অফবা গোবর্নেন্সতা থাজবা অদুনা মসিগী খ্বাইদগী চাউবা মরম্নি। অমসুং ঐহাক্না অইবা মচাকশিংদা এনালাইজ তৌবদা খ্বাইদগী হেন্না হৈথোই-শিংথোইরবা স্কোলরশিংদা নিংখা তম্বগী চহি ৭৫ মপুং ফারবা লৈবাক অমগী দিগ্নিতরিশিংগী রিভ্যু অমুক্তি তৌফম থোকই। চাউখৎ-থৌরাং, মীয়ামগী অপাম্বা, অফবা গোবর্নেন্সকী পেরামিতর ১০০-২০০ পুথোক্কদবনি অমসুং কোংগ্রেস সরকারনা পাল্লিঙৈ মতমদা করম্বা থবক তৌরম্বগৈ হায়বগী কালকুলেশন খরদি তৌগদবনি অমসুং মদুগী ফল করি ওইবগে। লেফ্তিস্তশিংনা সরকার পাইরিঙৈ মতমদা, কম্যুনিস্তনা সরকার পাইরিঙৈ মতমদা করি থোকখিবগৈ। ইমুং-মনুংগী ওইবা পার্তীশিংনা সরকার চলাইরিঙৈ মতমদা করি থোকপগে। কোলিশন সরকারনা শক্তি পাইরিঙৈ মতমদা করি থোকপগে অমসুং BJPনা তাঞ্জা ফংবা মতম খুদিংদা সরকার পাইবা মতমদা করি থোকপগে।
ঐহাক্না থাজবগা লোইননা হায়রি মদুদি BJPনা লৈবাক অসিবু সেবা তৌনবগী তাঞ্জা হেক ফংবা খুদিংদা ঐখোয়না রেকোর্দ পুম্নমক থুগাইখি অমসুং মীয়ামগী অপাম্বা, মীয়ামগী য়াইফ-থৌরাং অমসুং চাউখৎ-থৌরাংগী থবক খুদিংমক মাইপাক্না পাংথোকখি। ঐখোয়না পেরামিতর খুদিংদা এভালুৱেত তৌরবদি, লৈবাক অসিনা ঐখোয় অসি মীচম প্রজাশিংগীদমক্তা কদাই ফাওবা অচেৎপা ফিরেপ লেপ্পগে হায়বদু উগনি। ঐখোয়না নিংতম লানমীশিংগী মঙলানশিং অদুবু মঙফাওনহন্নবা নুংথিল অমসুং নুমিদাং খাইদনা হোৎনখি। লৈবাক অসিগীদমক্তা ঈখেং তাখিবশিং অদুগী ঈখেংগী লমন লেম্না মাংহল্লোইদবনি, ঐখোয়না মখোয়গী মঙলানশিং অদুবু ঐখোয়গী হুমাংনা ঈশিং চাইরিবনি। অমসুং অফবা গোবর্নেন্সকীদমক্তা অফবা স্কীমশিংগা লোইননা মখোয়বু নিংথিনা ইমপ্লিমেন্ত তৌবা হায়বসিশু য়াম্না তঙাইফদে। অফবা গোবর্নেন্সকী পাম্বৈ হায়বসি সরকারকারগী স্কীমশিংনা কদাইফাওবা কান্নহনবগে হায়বদুনি। মমাংদা, কোংগ্রেস সরকারশিং অসি অনাউন্সমেন্ত তৌবগী এক্সপর্ত ওইরম্মি। এনাউন্সমেন্ত তৌবা, রিবন ককপা, লেমপশিং থানবা, পাউ-চেশিং পিকচরশিং ফোংবা, মখোয়গী থবকশিং অদু অসিদা ওইখি। প্রধান মন্ত্রী ওইরবা মতুংদা, ঐহাক্না প্রগতিগী প্রোগ্রামগী এনালিসিসতা অরিবা প্রোজেক্তশিং য়েংঙি। ঐহাক্না য়াম্না ঙকপা অমা ফাওই মদুদি চহি ৩৫-৩৫, ৪০-৪০গী মমাংদা উরেপ-উয়ুং তমখিবা প্রোজেক্তশিং অদুদা থবক ইঞ্চি অম ফাওবা তৌরমদে। কোংগ্রেস সরকারশিংনা স্কীমশিং অসিবু পাইখৎনবগী অপাম্বাশু লৈতে অদুগা য়াম্না লুনা লৌরমদে।
ঙসিদি পি.এম. কিসান সম্মান নিধিগুম্বা স্কীমশিংগী কান্নবা উবা ফংলি। মধ্য প্রদেশকী লৌমীশিংনা কিসান সম্মান নিধিগী মখাদা লুপা ১২,০০০ ফংলি। মসি জন ধন বেঙ্ক একাউন্তশিং হাংদোক্লবা মতুংদা খক্তমক ওইথোকপা ঙম্লিবনি। এম.পি.গী মফম অসিদদি, লাদলি বেহনা য়োজনা লৈ। করিগুম্বা ইচে-ইচলশিংগী বেঙ্ক একাউন্তশিং হাংলমদ্রবদি, আধার অমসুং মোবাইলগা লিঙ্ক তৌরমদ্রবদি, মসিগী স্কীম অসি ইমপ্লিমেন্ত তৌরমগদ্র? অহোংবা রেসনগী স্কীম অদু হান্নদগী অদুমক লৈরম্মি অদুবু লাইরবশিংনা রেসনগীদমক্তা কোইচৎ-চৎলম্মি। ঙসিদি, লাইরবশিংনা রেসন লেম্না ফংলে, অদুশু অরান অথুপ অমত্তা লৈতনা। মসি ওইথোকপা ঙম্লিবসি তেক্নোলোজী হৌদোরকপনা মরম ওইরগা ওইথোকপা ঙম্লিবনি, অমসুং মসিনা মরম ওইরগা নমথাকশু লেপখ্রে। মীশিংনা ৱান কন্ত্রী, ৱান রেসন কার্দগুম্বা লৈবাক শিনথুংনা ফেসিলিতীশিং ফংলে।
মরুপশিং,
অফবা গোবর্নেন্সকী অশেংবা ৱাহন্থোক অসি নাগ্রিকশিংনা মশাগী হকশিংগীদমক্তা সরকারগী মমাংদা নিদবা, সরকারগী ওফিসশিংগী মমাংদা কোইচৎ-চৎলোইদবনি। অমসুং মসিনা এখোয়গী সেচরেশনগী পোলিসীনি, ১০০% কান্নবগা লোইননা বেনিফিসরী ১০০% কেনেক্ত তৌনবনি। অফবা গোবর্নেন্সকী মন্ত্র অসিনা BJP সরকারশিংবু অতোপ্পদগী তোঙাল্লিবনি। ঙসিদি লৈবাক মীয়াম্না মসি উবা ফংলিবনি, মরম অদুনা লৈবাক অসিনা BJPবু হন্না হন্না খল্লিবনি।
মরুপশিং,
অফবা গোবর্নেন্স লৈবা মফমদা, হৌজিক থেংনরিবা শিংনবশিং অদুগা লোইননা, তুংগি শিংনবশিংগী মতাংদশু থবক তৌখি। অদুবু লাইবক থিবদি, কোংগ্রেস সরকারনা মতম শাংনা পাল্লম্মি। কোংগ্রেসনা সরকার অসিবু মখোয়গী পোকপদগী ফংলকপা হকনি হায়না খল্লি অদুবু গোবর্নেন্সকী মতাংদদি মখোয়গা চুনরমদে। কোংগ্রেস লৈবা মফমদা গোবরনেন্স অমত্তা পাংথোকপা ঙমদে। বুন্দেলখন্দগী মীশিংনা মসিগী পোৎলুম অসি দেকেদ কয়া পুরম্মি। মীরোল অমদগীনা মীরোল অমা ফাওবা লৌমীশিং, মমাশিং অমসুং ইচে-ইচলশিংনা ঈশিংগী ঈরিক অমগীদমক্তা য়াম্না ৱানা খাংলম্মি। মসি করিগী থোরক্লিবনো? মরমদি কোংগ্রেসনা ঈশিংগী অৱাবা অদু মতম চুপ্পগী ওইনা কোকহন্নবা খনখিদে।
মরুপশিং,
ভারতকীদমক্তা তুরেলগী ঈশিংগী মরু ওইবা অদুবু ইহান-হান্না নিংথিনা খঙবা মীশিংগী মনুংদা অমনি। ঐহাক্না হায়বা মতমদা নখোয়না ঙক্কনি, মফম অসিদা লৈরিবা মীপুম খুদিংদা হংবীয়ু, ভারত্তা লৈবা কনা অমহেক্তদা হংবীয়ু, লৈবাক অসিনা নিংখা তম্লবা মতুং, জল শক্তি, ইশিংগী শক্তিগী মতাংদা কনানা খ্বাইদগী ইহান-হান্না খল্লখিবগে, ঈশিংগী শক্তি, ঈশিংগীদমক্তা ভিজনরী ওইবা প্লানিংগী মতাংদা খল্লকপগে? কনানা মসিদ আথবক তৌখিবগে? ঐহাক্কৌ জর্নেলিস্ত মরুপশিংনাশু মসিগী পাউখুম পীবা ঙম্লোই। করি মরমগী অশেংবা অদু নমশিন্দুনা থম্লিবনো, করিগীদমক্তা লোৎশিন্দুনা থম্লিবনো অমসুং মীওই অমদা ক্রেদিৎ পীনিংবগী ইন্তোক্সিকেশন অদুনা মরম ওইরগা অশেংবা মনাই অদুবুদি কাওথোকপীখ্রে। অমসুং ঙসি ঐহাক্না হায়রি মদুদি, লৈবাক অশিনা নিংখা তম্লবা মতুংদা করিগুম্বা ভারতকী জল শক্তিগী ভিজন, ভারতকী ঈশিংগী রিসোর্সশিং, ভারত্তা ঈশিংগীদমক্তা দামশিং শাবগী ভিজন অসি মীশক অমদা পীরবদি, য়াম্না অচৌবা মী অদুগী মমিং অদুদি বাবা সাহেব অম্বেদকরনি। ভারত্তা পাইখৎলিবা অচৌবা তুরেলগী ভেলী প্রোজেক্তশিংগী মরুমদা দা. বাবা সাহেব অম্বেদকরগী ভিজননি। ঙসি লৈরিবা সেন্ত্রেল ৱাতর কমিসনগী মরুমদা দা.অমবেদকরগী ওৎনজমন য়াওরিবনি। অদুবু কোংগ্রেসনা কৈদৌনুংদা বাবা সাহেবপু ৱাতর কঞ্জার্বেসন অমসুং অচৌবা দামশিংগী মতাংদা মহাক্কী হোৎনজমনশিং অদুগী ক্রেদিৎ অমত্তা পীখিদে, কনা অমত্তনা মসিগী মতাংদা খঙদে। কোংগ্রেসনা মসিগী মতাংদা কৈদৌনুংদা লুম্নালৌরমদে। ঙসি ফাওবা, দেকেদ তরেতকী মতুংদা ফাওবা ঈশিংগী মতাংদা লৈবাক অসিগী রাজ্য ময়াম অমগী মরক্তা চয়েৎনবা অমা নত্রগা অমদি অদুমক লৈরি। কোংগ্রেসনা পঞ্চায়ততগীনা পার্লিয়ামেন্ত ফাওবা শক্তি পাইরিঙৈ মতমদা, মসিগী চয়েৎনবশিং অসি য়াম্না কোম্না লোইশিল্লম্বা য়াবনি। অদুবু কোংগ্রেসগী পান্দম অদু অফবা মক্তি ওইরমদে, মরম অদুনা মখোয়না শিংথংনিংঙাই ওইবা থবক-থৌরম অমত্তা পাইখৎলমদে।
মরুপশিং,
লৈবাক অসিদা অতল জীগী সরকার শেম্বা মতমদা, মহাক্না ঈশিংগী অৱাবা অসিবু কোকহন্নবা য়াম্না কন্না থবক তৌবা হৌরম্মি। অদুবু ২০০৪গী মতুংদা, অতল জীগী সরকার হেক লোইখ্রবা মতুং, প্লান খুদিংমক, মঙলান খুদিংমক, হোৎনখিবশিং পুম্নমক কোংগ্রেসনা হেক শক্তি পাইরকপগা পুম্নমক নমশিন্দুনা থমখি। ঙসিদি ঐখোয়গী সরকার অসিনা লৈবাক শিনথুংনা তুরেলশিং শমজিন্ননবগী কেমপেন অদুবু খোংজেল য়াংখৎহল্লি। কেন-বেত্বা লিঙ্ক প্রোজেক্তকী মঙলান অসিশু হৌজিক্তি মঙফাওনরগনি। কেন-বেত্বা লিঙ্ক প্রোজেক্তনা হৌজিক্তি বেন্দেখন্দ রিজনদা নুংঙাই-য়াইফবা অমসুং হরাও-তয়াম্বগী অনৌবা থোং কয়া অমা হাংদোক্লগনি। ছত্তরপুর, তিকমগর, নিৱারি, পন্না, দামোহ অমসুং সাগর য়াওনা মধ্য প্রদেশকী জিলা ১০না ঈথৈ-লৌখোংদা ঈশিংগী ফেসিলিতী কান্নবা ফংলগনি। ঐহাক্না স্তেজ অসিদা কাখৎলকপা মতমদা, ঐহাক্না মফম অসিদা তোঙান-তোঙান জিলাশিংদগী লৌমীশিংগা উনবগী তাঞ্জা অমা ফংখি, মদুদা ঐহাক্না মখোয়গী হরাও-তয়াম্বা অদু উবা ফংখি। ঐহাক্না মখোয়গী মাইথোংদা মোমোন মিনোক তম্বা উবা ফংখি। মখোয়না মখোয়গী তুংগী মীরোলগী পুনশিদা শেম্বিরে হায়না ফাওখি।
মরুপশিং,
উত্তর প্রদেশতা বুন্দেলখন্দ রিজনগী বান্দা, মাহোবা, লালিতপুর অমসুং ঝানসিশু মসিদগী কানরগনি।
মরুপশিং,
মধ্য প্রদেশনা তুরেলশিং শমজিন্ননবগী মহা অভিয়ানগী মখাদা প্রোজেক্ত অনি হৌদোকখিবা লৈবাক অসিগী অহানবা রাজ্য ওইরে। নুমিৎ খরনিগী মমাংদা ঐহাক রাজস্থানদা চৎখি, মোহন জীনা মসিগী মতাংদা য়াম্না কুপথনা পল্লকখি। মফম অদুদা পার্বতি-কালিসিন্ধ-চম্বল অমসুং কেন-বেত্বা লিঙ্ক প্রোজেক্তশিংগী খুত্থাংদা তুরেল কয়া অমা শমজিন্নবা ৱারেপ লৌখ্রে। মধ্য প্রদেশনশু মসিগী এগ্রীমেন্ত অসিদগী য়াম্না চাউনা কাননবা ফংগদৌরিবনি।
মরুপশিং,
২১শুবা চহি চাগী খ্বাইদগী চাউবা শিংনবশিংগী মনুংদা অমদি ৱাতর সেক্যুরিতী অসিনি। ২১শুবা চহি চাদা, ঈশিং মরাং কাইনা লৈবা অমসুং ৱাতর মেনেজমেন্ত নিংথিজনা তৌবা লৈবাক অমসুং রিজন অদুনা খুমাং চাউশিনগনি। ফার্মশিং অমসুং শঙ্গোলশিংনা ঈশিং মরাং কাইনা লৈরবা মতমদদা চাউখৎকদৌরিবনি, ইন্দস্ত্রীশিং অমসুং বিজনেসশিংনা ঈশিং লৈরবা মতমদতা চাউখৎকদৌরিবনি, অমসুং ঐহাক অসি চহিগী অনম্বদা অয়াম্বা শরুক্না ঈকং থোকপা গুজরাত্তগীনি। অদুবু মধ্য প্রদেশতগী হৌরকপা ইমা নর্মদাগী থৌজালদগী গুজরাতকী লাইবক অসি হোংহনখি। ঐহাক্না এম.পি.গী ঈকংনা শোকহল্লবা মফমশিংবু ঈশিংগী অৱাবদগী কোকহনবা হায়বসি ঐহাক্কী ইথৌদাংনি হায়না লৌই। মরম অদুনা ঐহাক্না বুন্দেলখন্দগী ইচে-ইচলশিং, মফম অসিগী লৌমীশিংদা নখোয়গী অৱাবশিং অদুবু হন্থহন্নবা পুকচেল শেংনা থবক তৌগনি হায়না ঐহাক্না নখোয়দা ৱাশকখি। মসিগী ৱাখল্লোন অসিগী লোইননা ঐখোয়না বুন্দেলখন্দদা ঈশিংগা মরি লৈননা লুপা করোর লিশিং ৪৫ রোমগী প্লান শেমখি। ঐখোয়নামধ্য প্রদেশ অমসুং উত্তর প্রদেশকী BJP সরকারশিংবু লেপ্তনা পুক্নিং থৌগৎলি। অমসুং ঙসিদি কেন-বেত্বা লিঙ্ক প্রোজেক্তকী মখাদা দাউধান দামগী উরেপ-উয়ুংশু তমখ্রে। কিলোমিতর চাম-চাম শাংবা কেনেল অমা মসিদগী থরোক্কদৌরিবনি। দাম অসিগী ঈশিং অদুনা লম হেক্তর লাখ ১১ রোমদা য়ৌগদৌরিবনি।
মরুপশিং,
হৌখিবা দেকেদ অদুবু ভারতকী পুৱারিদা ৱাতর সেক্যুরিতী অমসুং ৱাতর কঞ্জারবেশনগী য়াম্না শিংথংনিংঙাই ওইবা দেকেদ অমা ওইনা নিংশিংহৌরগনি। হান্না সরকারগী মতমশিংদা, ঈশিংগা মরি লৈনবা থৌদাংশিং অদুবু তোঙান-তোঙানবা দিপার্তমেন্তশিংগী মরক্তা খাইদোকখি। ঐখোয়না মসিগীদমক্তা জল শক্তি মন্ত্রালয় শেমখি। খ্বাইদগী অহানবা ওইনা, য়ুমথোং খুদিংদা তোতিগী ঈশিং ফংহন্নবা নেস্নেল মিসন অমা হৌদোকখি। নিংখা তম্লবা মতুং দেকেদ তরেত অসিদা খুঙ্গংগী ইমুং করোর ৩ খক্তমক তোতিীশিংগী কনেক্সন ফংখি। হৌখিবা চহি ৫ অসিদা ঐখোয়না ইমুং করোর ১২দা তোতি ঈশিং ফংহনখ্রে। হৌজিক ফাওবদা স্কীম অসিদা লুপা করোর লাখ ৩.৫ হেন্না তিংখ্রে। জল জীৱন মিসন ময়াম্না কা হেন্না খন্নদবা হিরম অমশু লৈরি। মদুদি ঈশিংগি ক্বালিতী তেস্ত তৌবা। থক্নবা ঈশিং তেস্ত তৌনবা লৈবাক শিনথুংনা ৱাতর ক্বালিতী লেব ২১০০ থমখ্রে। খুঙ্গংশিদা নুপী লাখ ২৫ ঈশিং তেস্ত তৌনবা ত্রেন তৌখ্রে। মসিনা মরম ওইরগা, লৈবাক অসিগী খুঙ্গং লিশিং কয়া অমা তঙাইফদনা হু চেনবা ঈশিং থক্তা য়াদবা হায়বসিদগী কোকহল্লে। নখোয়না খন্দুনা য়েংবীয়ু অঙাংশিং অমসুং মীশীংবু লাইনাশিংদগী ঙাকথোক্নবা কয়াদা চাউরবা থবক্নো তৌরিবসি।
মরুপশিং,
২০১৪গী মমাংদা, লেবাক অসিদা অসিগুম্বা ঈথৈ-লৌখোংগি অচৌবা প্রোজেক্ত চাউরাক্না ১০০ রোম লৈরম্মি, মখোয়সিং অদু দেকেদ কয়া অমা লোইশিন্দনা লৈরম্মি। ঐখোয়না মসিগি অরিবা ইথৈ-লৌখোংগী প্রোজেক্তশিং অদু লুপা করোর লিশিং কয়া চংদুনা লোইশিল্লিবনি। ঐখোয়না মতম অসিগী ওইবা অনৌবা ঈথৈ-লৌখোংগী পাম্বৈশিং শিজিন্নবশু হেনগৎহল্লিবনি। হৌখিবা চহি ১০ অসিদা চাউরাক্না লম হেক্তর করোর অমরোম মাইক্রো ইরিগেশন ফেসিলিতি ফংহনখ্রে। মধ্য প্রদেশতশু, চাউরাকনা লম হেক্তর লাক ৫ ঔখিবা চহি ১০ অসিদা মাইক্রো ইরিগেশন ফংহনখ্রে। ঈশিং মরিক খুদিংমক নিংথিনা শিজিন্ননবা থবক লেপ্তনা তৌরি। নিংখা তম্বগী চহি ৭৫ মপুং ফাবদাজিলা খুদিংমক্তা অমৃত সরোৱর ৭৫ শানবগী কেমপেন অমশু হৌদোকখ্রে। মসিগী মখাদা, লৈবাক শিনথুংনা অমরত সরোৱর লিশিং ৬০ হেন্না শাখ্রে। ঐখোয়নাজল শক্তি অভিয়ানশু হৌদোকখ্রে: লৈবাক শিনথুংনা নোং ফাবা। ঙসিদি রিচার্জ ৱেল লাখ ৩ হেন্না লৈবাক সিনথুংনা শাখ্রে। অমসুং মসিদা খ্বাইদগী হেন্না ফবা অমনা মসিদা মীয়াম মসামক্না লুচিংদুনা পাংথোকপা কেমপেনশিংনি, সহরবু ওইরো নত্রগা খুঙ্গংবু ওইরো, মফম খুদিংদগী মীশিংনা য়াম্না থৱাই য়াওনা মসিদা শরুক য়ারিবনি। অতল ভুজল য়োজনা অসি মধ্য প্রদেশ য়াওনা লৈবাক অসিগী গ্রাউন্দ ৱাতর খ্বাইদগী হেন্না নেম্বা রাজ্যশিংদা তৌই।
মরুপশিং,
ঐখোয়গী মধ্য প্রদেশ অসি তুরিজমগী মতাংদা মকোক থোংবা ওইদুনা অদুমক লাকখি। অমসুং ঐহাকনা কাজুরাহোদা লাক্লগা তুরিজমগী মতাংদা ঙাংদবা আববসি ওইথোকপ্রা? তুরিজম হায়বসি নহাশিংদা থবক পীবা অমসুং লৈবাক অসিগী ইকোনোমীবু হেন্না মপাঙ্গল কনখৎহনবা অদুগুমবা সেক্তর অমনি। হোজিক ভারতনা মালেম অসিদা অহুমশুবা খ্বাইদগী চাউবা ইকোনোমীগী শক্তি লৈবা লৈবাক অমা ওইদোরবা মতম অসিদদি, ভারতকী মতাংদা মালেম অসিনা হেন্না খঙনিংবা এল্লক্লে। ঙসি মালেম অসিনা ভারতপু মশক খঙনিংলে, ভারতসি করিনো হায়বা নিংথিনা খঙবা পাম্লক্লে। মধ্য প্রদেশনা মসিদগী য়াম্না কান্নবা ফংগদোরিবনি। হন্দক্তা অমেরিকাগী পাউ-চে অমদা রিপোর্ত অমা ফোংখি। নখোয়না মধ্য প্রদেশকী পাউ-চেদশু উরম্লগনি। অমেরিকাগি পাউ-চেদা ফোংখিবা পাউ অদুদা মধ্য প্রদেশ অসি মালেম অসিদা খ্বাইদগী হেন্না পুক্নিং চিংশিন্নিংঙাই ওইবা তুরিস্ত দেস্তিনেশন ১০গী মনুংদা অমনি। হায়বীয়ু, মধ্য প্রদেশতা লৈরিবা মীপুম খুদিংমক্না হারাওগদ্র নত্রগা হরাওরোইদ্র? নখোয়গী মাই পুরক্লোইদ্রা? নখোয়বু ইকাইখুম্নবা হেনগৎলোইদ্রা? নখোয়গী লমদা তুরিজম হেনগৎলোইদ্রা? লাইরবদগী খ্বাইদগী হেন্না লাইরবশিংবু থবক ফংলোইদ্রা?
মরুপশিং,
কেন্দ্র সরকারনশু মফম অসিদা লাকপা মতমদা এন্নাকোম্নবা লেবাক অসিদগী অমসুং মপান লমদগী লাকপা তুরিস্তশিংগীদমক্তা ফেসিলিতীশিং হেনগৎহন্নবা লৈপ্তনা হোৎনরি। ঐখোয়না ফোরেন তুরিস্তশিংগীদমক্তা ই-ভিজাগুম্বা স্কীমশিং ঔদোকখ্রে। ভারত্তা হেরিতেজ অমসুং ৱাইলদলাইফ তুরিজম চাউথোকহনখ্রে। মধ্য প্রদেশতা মসিগীদমক্তা ওইথোকপা য়াবা কয়ামরুম অমা লৈ। খাজুরাহো মফম খক্তদা য়েংবিয়ু, মফম অদুদা মমল নাইদ্রাবা হেরিতেজকী পুৱারি অমসুং লাইনিং-লাইশোলগী ওইবা কয়া অমা লৈ। কান্দারিয়া মহাদেব তেমপল, লক্সমন তেমপল, চৌসাধ বোগিনি তেমপল অসি লাইনিং-লাইশোলগী ওইবা মফমশিংনি। ভারত্তা তুরিজম বোকখৎনবগীদমক্তা ঐখোয়না লৈবাক শিনথুংনা G-20 মীফম পাংথোকখি। কাজুরাহোদা মীফম অমশু পাংথোকখি। মসিগীদমক্তা মত অসিগী খ্বাইদগী নৌরবা ইন্তরনেস্নেল কনফরেন্স সেন্তরশু কাজুরাহোদা শাখি।
মরুপশিং,
কেন্দ্র সরকারগী স্বদেশ দর্শন য়োজনাগী মখাদা, ইকো-তুরিজম ফেসিলিতিশিং অমসুং তুরিস্তশিংগী অনৌনা ফেসিলিতীশিং মফম অসিদা শানবা লুপা করোর চাম-চাম মধ্য প্রদেশতা পীখ্রে। ঙসি, সঞ্চি অমসুং অতোপ্পা বুদধিস্তগী মফমশিংবু বুদধিস্ত সর্ক্যুইতকা কনেক্ত তৌরে। গান্ধিসাগর, ওমকরেশ্বর দাম, ইন্দিরা সাগর দাম, ভেদা ঘাত, বনসাগর দাম অসি ইকো সর্ক্যুইতকী শরুক অমনি। খাজুরাহো, গ্বালিয়র, ওর্চা, চান্দেরি, মন্দু, হায়রিবা সাইতশিং অসি এরিতেজ সর্ক্যুইত ওইনা কনেক্ত তৌরি। পন্না নেস্নেল পার্ক অসিশু ৱাইল্দলাইফ সর্ক্যুইত্তা কেনেক্ত তৌখ্রে। মমাংগি চহিদা, চাউরাক্না তুরিস্ত লাক ২.৫ রোম্না পন্না রিজার্ব কক্তদা চৎখি। পন্না তাইগর রিজার্বকী শাশিংশু মফম অসিদা শাগদৌরিবা লিঙ্ক কেনল অসিনা য়েংশিনখবদা য়াম্না নুংঅঙিবা ফাওই।
মরুপশিং,
তুরিজম এনগৎহন্নবা হোৎনরিবশিং অসিনা লোকেল ইকোনোমীদা ইনোৎ হাপ্লগনি। মফম অসিদা লাকপা তুরিস্তশিংনশু মফম অসিদগী পোৎ-চৈ লৈ। ওতোদগী হৌরগা, তেক্সিদগী হোতেলশিং, ধাবাশিং, ওমস্তেশিং, গেস্ত হাউসশিং, মীপুম খুদিংমক্না মসিদা কান্নবা ফংলি। লৌমীশিংনা মসিদগী য়াম্না কান্নবা ফংলি, মরমদি মখোয়না শঙ্গোম-দহিদগী হৌরগা হৈরা-ইনশাং-নাপীনচিংবা পোৎ খুদিংমক্তা অফবা মমল ফংলি।
মরুপশিং,
হৌখিবা দেকেদ অনি অসিদা, মধ্য প্রদেশনা পেরামিতর কয়া অমদা থবক নিংথিনা তৌখ্রে। লাক্কদবা দেকেদশিংদা, মধ্য প্রদেশনা লৈবাক অসিগী মকোক থোংবা ইকোনোমীশিংগী মনুংদা অমা ওইরগনি। বুন্দেলখন্দনা মসিদা বাম্না চাউবা থৌদাং লৌরগনি। বুন্দেলখন্দনা চাউখৎপা ভারত অমগীদমক্তা মধ্য প্রদেশপু চাউকৎহনবদা বাম্না মরু ওইবা থৌদাং লৌরগনি। ঐহাক্না নখোয় ময়ামদা থাজবা পীরি মদুদি দবল ইঞ্জিন সরকারনা মসিগীদমক্তা পুকচেল শেংনা ধবক তৌগনি। অমুক্কশু হন্না নখোয় ময়ামদা বাইফ-পাউজেল পীরি। মসিদি ঙসিগি থোরমনি, অসিগুম্বা অচৌবা থৌরম অসিগী ৱাহন্থোক ঐহাক্না য়াম্না নিংথিনা খঙই। ঐহাক্না অসিগুমবা মশিং য়াম্লবা ইমা-ইবেনশিং অমসুং ইচে-ইচলশিংনা মফম অসিদা তিনবগী ৱাহন্থোক ময়েক শেংনা খঙই। মরমদি মসিগী থবক অসি ঈশিংগা মরি লৈনৈ অমসুং ঈশিং অসি মীপুম খুদিংমক্কা মরি লৈনৈ অমসুং মীয়াম্না থৌজানবীবা লাক্লিবসিগী মরু ওইবা মরমদি ঈশিংগীদমক্তনি, ঐখোয়না ঈশিংগীদমক্তা থবক তৌরিবনি অমসুং নখোয় ময়ামগী থৌজালদগী ঐখোয়না মসিগী থবক অসিবু লেপ্তনা তৌবা ঙমজগে, ঐহাক্কা লোইননা হায়বীয়ু-
ভারত ইমানা য়াইফরে!
ভারত ইমানা য়াইফরে!
ভারত ইমানা য়াইফরে!
