অহমেদবাদ অমসুং ভুজগী মরক্তা নমো ভারত রেপিদ রেল শঙ্গাখ্রে
বন্দে ভারত ত্রেন কয়া লমথাখ্রেপি.এম অৱাস য়োজনা-গ্রামিনগী মখাদা য়ুম ৩০,০০০ হেন্না সেঙ্কসন তৌখ্রেইন্তরনেসনেল ফাইনান্সিএল সর্বিসেস সেন্তরস ওথোরিতিগী শিঙ্গল ৱিন্দো আই.তি সিস্তেম(এস দব্লিউ আই তি এস) হৌদোকখ্রে“ঐখোয়গী অহুমশুবা তার্মগী অহানবা নুমিৎ ১০০ অসিনা মীওই খুদিংমক্কী চাউখৎপা পুরক্লে”“চহি ৭০গী মথক্তা লৈবা অহল ওইরবা মীওই খুদিংমক লুপা লাখ ৫ ফাওবা লেম্না লায়েংদুনা লায়রবা অমসুং মিদল ক্লাসকী হকশেলগী মতাংদা অচৌবা ৱারেপ লৌরে”“অহানবা নুমিৎ ১০০ দা বন্দে ভারত নেতৱার্ক পাকথোক-চাউথোকপা অসি মমাঙদা অমুক্তা থোকখিদ্রি”“হৌজিক ভারতকী মতমনি, হৌজিক ভারতকী সনাগী যুগনি, হৌজিক ভারতকী অমৃত কালনি”“হৌজিক ভারতকী কোমথোক্নবা মতম লৈতে, ঐখোয়না ভারতকী তৌবা ঙম্বা হেনগৎহনগদবনি অমসুং ভারতমচা খুদিংমক্তা পুন্সি অমগী ইকায়খুম্নবশু ফংহনগদবনি”ঙসিগী চাউখৎ-থৌরাংগী প্রোজেকশিং অসিগীদমক ভারত অমসুং ভারতকী মীয়াম, মরুওইনা হৌজিক য়ুমশিংগী মপু ওইরবী নুপীশিংগী মফমদা হরাওবা ফোঙদোকচরি।ভারত ইমানা য়াইফরে,
ভারত ইমানা য়াইফরে,
গুজরাতকী রাজ্যপাল অচার্য় দেবব্রত জী, স্তেতসিগী মীয়াম্না পাম্নবা মুখ্যমন্ত্রী ভুপেন্দ্র ভাই পতেল, কেন্দ্রগী মন্ত্রী মন্দলগী ঐগী মরুপ সি.আর. পাতিল, লৈবাক্কী তোঙান তোঙানবা মফমদগী থৌরমসিদা শরুক য়াবিরিবা রাজ্যপালশিং, উপ-মুখ্যমন্ত্রীশিং, এম.পি.শিং, এম.এল.এ.শিং, অতৈ মীয়ামগী মীহুৎশিং অমসুং মফমসিদা মশিং য়াম্না তিনবিরিবা ঐগী নুংশিরবা ইচিল ইনাওশিং।
ময়াম কমদৌবিরি, পুম্নমক নুংঙাইরি, ময়ামগী মফমদা ঙাকপিনবা হায়জবগা লোয়ননা ঙসি ঐ হিন্দীদা ৱা ঙাংজগে মরমদি অতোপ্পা স্তেতশিংদগী মীওইশিংসু ঙসি মফমসিদা মশিং য়াম্না তিল্লি। অদুগা ঐখোয়গী গুজরাত্তদি হিন্দি ঙাংনরিবা নত্রানে? ঙাংনদবরো?
ঙসি লৈবাকসিদা গনেশোত্সবকী কুমহৈ মায়কৈ মরিমক্তা হরাও তয়াম্না পাঙথোক্লি। য়ুম য়ুমদা গনপতিসু লেঙশিল্লি। ঙসি অসি মিলাদ-উন-নবীসু তারি… লৈবাক্কী তোঙান তোঙানবা মফমশিংদা কুমহৈ অমসুং থৌরম কয়া পাঙথোক্নরি। কুমহৈ হরাওগী মতমসিদা ভারত চাওখৎনবগী থবক থৌরমশিংসু লেপ্পা লৈতনা চত্থরি। হৌজিক মফমসিদগী চাউরাক্না লুপা করোর লিশিং নিপান মখায়রোমগী প্রোজেক্তশিং উরেপ উয়ুং তমগদৌরি অমদি শঙ্গাগদৌরি। মসিদা রেল, লম্বী, মেত্রো… অসিনচিংবা য়াম্লবা প্রোজেক্তশিং য়াওরি। ঙসি গুজরাতকী চাউথোকচনিংঙাইগী মশকশিংগী মরক্তা অরংবা থৱানমিচাক অমসু হাপচিল্লরে ঙসি নমো ভারত রেপিদ রেলসু হৌদোক্লি। মসি ভারতকী অর্বান কন্নেক্তিবিতীগী ওইনা অনৌবা পন্দোল য়ুম্বী অমা ওইগদৌরিবনি। হৌজিক্তি গুজরাতকী ইমুং লিশিং কয়ানা মখোয়গী অনৌবা য়ুমশিং শঙ্গানরি। ঙসি ইমুং লিশিং কয়াদা মখোয়গী পক্কাগী য়ুমগী অহান্বা তাঙ্কক্কী শেন্থংসু ফংনরি। নবরাত্রী, দুর্গাপুজা, ধন্তেরস, দীৱালী হায়রিবা কুমহৈ ময়াম অসি অদোম অদোমগী অনৌবা য়ুমশিংদুদা হরাও তয়াম্না পাঙথোকপা ফংহন্বা হায়বসিনা ঐগী অপাম্বনি। ময়ামগী মফমদা য়ুম শঙ্গাবগী য়াইফ-পাউজেল পীজরি, মসিনা অদোমগী মঙলানবু অনৌবা মশা পালহনগদৌরিবনি। ঐনা অখন্ননা মখোয় মখোয়গী মিংদা য়ুমশিং অসি পাল্লিবা ইচে ইচল লিশিং কয়াগী মফমদা নুংঙাইবা ফোঙদোকচরি। চাওখৎ থৌরাংগী প্রোজেক্ত ময়াম অসিগীদমক ঐনা গুজরাতকী মীয়াম, লৈবাক মীয়ামগীম ফমদা নুংঙাইবা ফোঙদোকচরি।
মরূপশিং,
হরাউ কুমহৈগী মতমসিদা অৱাবা অমসু লৈরি। চহি অসিদা গুজরাতকী য়াম্লবা মফমশিংদা অৱাবা লাংফম অমসু তামিন্নরি। পুৱারীদা অহান্বা ওইনা অকন্বা মওংদা তেনখ্রবা মতমদা অকন্বা নোং চুখিবা ঐখোয়না উখি। মফম অমা অনিখক্তদা নত্তে, গুজরাতকী কাচিন কোয়া শিনথুংনা ফীভম অসি ওইখি অমদি মদুনা মরম ওইরগা ঐখোয়না নুংশিরবা মীওই কয়া কায়নখি। লন-থুমসু য়াম্না মাঙনখি। কেন্দ্র অমসুং রাজ্য লৈঙাক্না অৱাবা তারবা মীওইশিংদা পাংবা য়াবা মতেঙ পাংনবা থবক পায়খৎলি। পুন্সি হিংনবগী লম্বী মাঙখ্রবা মীওইশিং অথুবা মতমদা ফগৎলকপা ওইরসনু হায়না থৌনিজরি।
মরূপশিং,
অহুম্লক শুবা ওইনা প্রধান মন্ত্রী ওইনা ৱাশক লৌরবা মতুংদা, ঐনা অহান্বা ওইনা গুজরাত্তা লাকপনি, ময়ামগী মরক্তা তিল্লরিবনি। গুজরাত ঐগী পোক্নফম লমদম্নি… গুজরাতা ঐবু পুন্সিগী লম্বী পীবিখিবনি। ময়াম্না মতম পুম্বদা ঐগী ইফমদা মীনুংশি উৎপিখিবনি… অদুগা লমদমসিগী মপারী অমনা য়ুমদা হল্লকপা মতমদা… য়ুমদা হল্লক্লবা ইমুং মনুংগী থৌজাল নিরবা মতমদা… মদুনা অনৌবা থৌনা অমা হাপ্লি। মদুনা থৌনা, লিংজেল হাপ্লি। অদুগা মীশিং অসুক য়াম্না ঐবু থৌজানবিবা লাক্লিবা অসি ঐগীদমক্তা লাইবক ফবনি।
মরূপশিং,
ঐনা গুজরাতকী মীয়াম্না পাম্লিবা ইহুল অদু খঙই। কয়ারক হন্না ঐঙোন্দা তোঙান তোঙানবা মফমদগী পাউজেল লাকই। ঐঐনা অহুম্লক শুবা ওইনা ৱাশক লৌরবা মতুংদা হেক য়ারিবমখৈ থুনা মফমসিদা লাকপা পামখি, চহি ৬০গী মতুংদা লৈবাক মীয়াম্না অনৌবা পুৱারী অমা ইরি। লৈঙাক অমবু থংন-থংননা অহুম্লক লৈবাক্কী থৌগল তৌনবা খুদোংচাবা পীবিরি। মসি ভারতকী মীয়ামগী লৈঙাক্কী অচৌবা তাঙ্কক অমনি অমসুং মসিনা মরম ওইরগা গুজরাতকী মীয়াম্না ঐখোয়গী নরেন্দ্র মোদীদা ঐখোয়গী হক লৈ হায়না খল্লকপা হৌনশানি। মহাক থুনা গুজরাত্তা লাকফম থোকপনি। অসিগুম্বা অদোমগী ৱাখল্লোন অসি অচুম্বনি। অদুবু লৈঙাক্কী মকোক ওইবগী থৌদাং শিন্নবিদুনা অদোম্না ঐবু দিল্লীদা থাবিখিবনি। ঐনা লোক সভা মীখলদা অদোমগী মফমদা… লৈবাক মীয়ামগী মফমদা ৱাশক অমা শকখি। ঐনা হায়খি অহুমশুবা তর্মগী অহান্বা নুমিৎ ১০০নিদা, লৈবাক্কী মরুওইবা ফিরেপশিং লৌগনি। হৌখিবা নুমিৎ ১০০নিসিদা, ঐনা অহিং নুংথিল খায়দনা নুমিৎ ১০০নিগী এজেন্দাবু মপুং ফাহন্নবা পাঙ্গল ফুদোক্তুনা হোৎনখি… লৈবাকসিদা ওইরবসু নৎত্রগা মীরমদা ওইরবসু, হোৎনখিবা খুদিংমক খোঙফম মনিং হন্দনা হোৎনখি। হৌখিবা নুমিৎ ১০০নিসিদা করি করি থৌদোক থোকখ্রবগে হায়বা অদোমসু উবিরমগনি। মতমসিদা ঐবু করেম্নবিখি… মোদীবু নোক্নবিখি…মরৈ য়েৎপা কয়া থেংনখি… মদুদা নুংঙাইবা ফাওনখি অমদি মীয়ামসু মোদীদুবু কৈদৌরিবনো? করিগী তুমিন্না লৈরিবনো খন্নখি। য়াম্না নোক্নবিখি, ইকায়বা কয়া নংহনখি
অদুবু ঐগী গুজরাতকী ইচিল ইনাওশিং,
ঐ সরদার পতেলগী পোক্নফম লমদমদা পোকপা মপারীনি। করেম্নবা, নোক্নবা, ইকায়বা পীবা কয়া খাঙদুনা, ৱাশক অমগা লোয়ননা নুমিৎ ১০০নি ঐনা অদোমগী য়াইফনবগীদমক, লৈবাক্কী য়াইফনবগীদমক কাঙলোন শেম্বদা অমসুং ফিরেপ লৌবদা পুক্নিং লুপখি। কনানা ঐবু নোক্ননিংবা নোক্নজসনু, মখোয়সু নুংঙাইজসনু, ঐ পাউখুম অমত্তা পীরোয় হায়না ফিরেপ লৌখি। লৈবাক্কী য়াইফনবগী ঐনা চঙশিনগদৌরিবা লম্বী অদুদা কয়ামুক য়াম্না নোক্নবা, করেম্নবা লৈজসনু, ঐদি লম্বী অসিদগী লম্ফৈ চৎলোয় হায়না খনখি। হায়রিবা ইকায়বা পীখিবা ময়াম অদু খাঙদুনা নুমিৎ ১০০নিদা লৌখিবা ফিরেপশিংনা, লৈবাক মীয়াম খুদিংগী, ইমুং খুদিংগী, কাঙলুপ খুদিংগী য়াইফনবগী ৱাশক মপুং ফাহনখি। হৌখিবা নুমিৎ ১০০নিসিদা লুপা লাখ করোর ১৫ হেন্বগী স্কীমশিং হৌদোকখি। মীখল মতমদা ঐহাক্না লৈবাক্কী মফমদা অনৌবা য়ুম করোর ৩ শাননবা ৱাশকখি। ৱাশক অসি মপুং ফাহন্নবা খোঙজেল য়াঙনা থবক পায়খৎলি। ঙসিগী থৌরম অসিদসু গুজরাতকী ইমুং লিশিং কয়ানা পক্কাগী য়ুম ফংগদৌরি। ঙরাং ঐ ঝার্খন্দদা চৎখি, মফমদুদসু ইমুং লিশিং কয়াদা অনৌবা য়ুম ফংহনখি। খুঙ্গং ওইরবসসু ময়োল্লম ওইরবসু, ঐখোয়না মীপুম খুদিংদা হেন্না ফবা পুন্সিরোল অমা ফংহন্নবা ফীভম শিন লাংলি। ময়োল্লমগী মিদল ক্লাস ইমুংশিংদা শেলথুমগী মতেং পাংববু ওইরবসু…লংফৈদা লৈবা মীওইশিংদা মমলগা চুননা অফবা য়ুম ফংহন্নবা থৌরাং ওইরবসু… ফেক্তরীশিংদা থবক তৌরিবা মীওইশিংগী অখন্নবা থৌরাং শেমগৎপবু ওইরবসু… থবক তৌবা নুমীশিংগী অনৌবা হোস্তেলশিং শাগৎপবু ওইরবসু…লৈঙাক্না মদুদা লুপা করোর লিশিং কয়া থাদরি।
মরূপশিং,
নুমিৎ খরগী মমাঙদা লায়রবা অমসুং মিদ্দল ক্লাসকী হকশেলগা মরী লৈনবা অচৌবা ফিরেপ অমা লৌখি। ঐনা ময়ামদা ৱাশকখি ম দুদি লৈবাকসিদা চহি ৭০গী মথক্তা লৈরিবা মীওই খুদিংমক্তা লুপা লাখ ৫ ফাওবী লেম্না লায়েংবা ফংহনগনি হায়না। হায়রিবা ৱাশক অসিসু মপুং ফাখ্রে। হৌজিক্তি মিদ্দল ক্লাসকী ইচানুপা-ইচানুপীশিংনা মখোয়গী মমা-মপাগী লায়েংনবগীদমক নুংশা থিনিংঙাই লৈত্রে। হৌজিক্তি ময়ামগী মপারী ওইরিবা ঐহাক্না মদুগী পোৎলুম পুরগনি।
মরূপশিং,
হৌখিবা নুমিউ ১০০নিসিদা নহাশিংগী থবক ফংহন্নবা, মখোয়গী হৈশিংবা হেনগৎহন্নবা অচৌবা ফিরেপসু লৌখি। নহাশিংগীদমক লুপা লাখ করোর ২গী অখন্নবা পি.এম. পেকেজ লাউথোকখ্রে। মসিনা নহা করোর ৪ হেন্বদা কান্নবা ফংহনগনি। হৌজিক্তি অদোম্না কম্পনিদা নৌনা থবক ফংবদা, কম্পনীনা নহাশিংদা অহান্বা তলব পীগদৌরিবা অদু লৈঙাক্না পীরগনি। লৈঙাক্না পায়খৎখিবা নহাশিংগী মশানা মশাবু থবক পীজনবগী অনৌবা য়াওল পুরকখিবা মুদ্রা লোন অসি য়াম্না মায় পাকপা থৌরাং অমা ওইরি। মায় পাকপা অসি য়েংলগা, অহান্বদদি লুপা লাখ ১০ ফাওবা পীরম্বদু হৌজিক্তি লুপা লাখ ২০ ফাওবা পীরগনি।
মরূপশিং,
ঐনা ইমা, ইচল ইচেশিংগী মফমদা লৈবাকসিদা লাখপতি দীদী করোর ৩ শেমগৎকনি হায়না ৱাশকখি। হৌখিবা চহিশিংদা লাখপতী দীদী করোর ১ শেমখ্রে। অদুগা অহুমশুবা তর্মগী অহান্বা নুমিৎ ১০০নিসিদা গুজরাত য়াওনা লৈবাক্কী মফম পুম্বদা অনৌবা লাখপতি দীদী লিশিং ১১ শেমখ্রে তাবদা অদোম হরাওগনি। হন্দক্তসু লৈঙাক্না থাউ মরু থারুবা লৌমীশিংগী য়াইফনবা অচৌবা ফিরেপ অমা লৌখ্র। ফিরেপ অসি লৌখিবগী মরমদা ঐখোয়গী থাউ মরু থারিবা লৌমীশিংনা MSP দগীসু হেন্না কান্নবা ফংহন্নবনি। থাউ মরু থারিবা লৌমীশিংগী কান্নবা ৱাফম্নি। মপান লমদগী পুশিল্লকপা থাউদা লৌরম্বা খাজনাগী চাং হেনগৎহনখ্রে। মসিনা নুং হৱাই অমসুং নুমিৎলৈনচিংবা মহৈ মরোংশিং থারিবা লৌমীশিংদা চাউনা কান্নহল্লগনি। অদুগা লৈবাকসিবু চানবা থাউদা মরোমদোম লেপচবা ঙমহন্নবগী মিসনবুসু খোঙজেল হাপ্লগনি। লৈঙাক্না বাসমতী চেঙ অমসুং তিল্হৌ মপান্দা থাদোকপদসু অথিংবা থম্লম্বা অদুসু লৌথোকখ্রে। মসিনা মপান লৈবাকশিংদা চেঙ অমসুং তিল্হৌগী দিমান্দ হেনগৎহল্লে। ফিরেপ অসিনা লৈবাক্কী লৌমী করোর কয়াদা কান্নবা ফংহল্লগনি।
মরূপশিং,
হৌখিবা নুমিৎ ১০০নিসিদা রেল, লম্বী, হিথাংফম, এয়রপোর্ত অমসুং মেত্রোগা মরী লৈনবা প্রোজেক্ত দজন কয়া অয়াবা পীখ্রে। মসিগী মমি ঙসিগী থৌরমসিদসু তারি, ভিদিওদসু উৎখ্রে। গুজরাতসিদসু কন্নেক্তিবিতীগা মরী লৈনবা য়াম্লবা প্রোজেক্ত কয়া উরেপ উয়ুং তম্লি অমদি মীয়ামগী মফমদা কত্থোক্লি। ঙাইহাক্কী মমাঙদা ঐনা মেত্রোদা গিফ্ত সিতী স্তেসন ফাওবা লাকখি। মদুদা মীওই কয়া অমনা ঐঙোন্দা ৱাফম কয়া হৌদোরকখি। অহমদবাদ মেত্রো হৌদোকখিবসিদা মীপুম খুদিংমক্না হরাওনরি। নুমিৎ ১০০নিগী মনুংদা লৈবাক পুম্বগী ময়োল্লম কয়াদা মেত্রো হৌদোকপগা মরী লৈনবা ফিরেপ লৌখি।
মরূপশিং,
গুজরাতকী ওইনা ঙসিগী নুমিৎ অসি অতোপ্পা মরম অমগী ওইনসু মরুওইবা নুমিৎ ওইরি। ঙসিদগী হৌনা অহমদবাদ অমসুং ভুজকী মরক্তা নমো ভারত রেপিদ রেল চেনবা হৌরগনি। নমো ভারত রেপিদ রেলনা লৈবাক্কী ময়োল্লম অমগা অমগগী মরক্তা চত্থোক চৎশিন তৌরিবা মিদ্দল ক্লাসকী মীওইশিংদা চাউনা কান্নবা পীরগনি। মসিনা থবক ইনখাঙ তৌরিবা, লল্লোন ইতিক তৌরিবা অমসুং লাইরিক লাইশু তম্লিবা মীওইশিংদসু চাউনা কান্নবা পীরগনি। তুংদা লৈবাক্কী ময়োল্লম কয়াবুসু নমো ভারত রেপিদ রেলনা শম্নহল্লকখিগনি।
মরূপশিং,
বন্দে ভারত ত্রেনশিংগী নেতৱর্কপু নুমিৎ ১০০নিসিদা খোঙজেল য়াঙখৎহনখিবা অসিসু অঙকপগী মশক্নি। থৌরাং অসিগী মনুং চ্না লৈবাকসিদা অনৌবা রুত ১৫ হেন্বদা বন্দে ভারত ত্রেন হৌদোকখি। মসিগী ৱাহন্থোক্তি হৌখিবা চয়োল ১৫সিদা চয়োলদা অমগী চাংদা চয়োল ১৫দা অনৌবা মেত্রো ত্রেন ১৫ হৌদোকখি হায়বনি। ঙরাং ঝার্খন্দদসু ঐনা য়াম্লবা বন্দে ভারত ত্রেনশিং লমথাখি। ঙসিসু… নাগপুর-সিকন্দরবাদ, কোল্হাপুর-পুনে, অগ্রা কেন্ত-বনারস, দুর্গ-বিসাখাপত্নম, পুনে-হুব্বলি বন্দে ভারত ত্রেন লমথারি। বনারসী অমসুং নই দিল্লীগী মরক্তা চেল্লিবা বন্দে ভারত হৌজিক্তি কোচ ২০ শুরে। ঙসি লৈবাকসিদা বন্দে ভারত ত্রেন চাম্মা হেন্বনা মীওই লিশিং কয়াদা অফবা খোঙচৎকী নুংঙাইবা মহাও পীরি।
মরূপশিং,
গুজরাতকী মীয়াও ঐখোয়দি… মতমবু মমল লৈনা লৌবনি। ভারতকী ওইনা মতম অসি… ভারতকী সনা ফুদোংংবা মতম্নি… ভারতকী অমৃৎকালনি। লাক্কদৌরিবা চহি ২৫সিদা ঐখোয়না লৈবাকসিবু চাওখৎপা লৈবাক ওইহনগদবনি… অদুগা মসিদা গুজরাতকী থৌদাং চাউনা য়াওরি। গুজরাত ঙসিদি মেনুফেকচরিংগী অচৌবা মফম অমা ওইরক্লি। ঙসি গুজরাত ভারতকী খ্বায়দগী নীংথিনা কন্নেক্ত তৌরবা স্তেতশিংগী মরক্তা অমা ওইরে। গুজরাতনা ভারতকী অহান্বা মেদ-ইন-ইন্দিয়া ত্রান্সপোর্ত এয়রক্রাফ্ত C-295 পুথোক্তুনা পীগদবা নুমিৎসু য়ামশিল্লক্ত্রে। সেমিকন্দক্তর মিসন্দা ঙসি গুজরাতনা মাঙজিল থানা চৎলিবা অসিসু অঙকপগী মশক্নি। ঙসি গুজরাত্তা য়ুনিভর্সিতী… পেত্রোলিয়ম ওইরবসু… ফোরেন্সিক ওইরবসু… ৱেলনেস ওইরবসু… মতমগা চুনবা হীরমশিংদা মহৈ তম্বা ওইরবসু গুজরাত্তা ফর-ফরবা খুদোংচাবশিং লৈরি… মপান লমগী য়ুনিভর্সিতীশিংসু গুজরাত্তা লাক্তুনা মখোয়গী কেম্পস হাংলি… কলচরদগী হৌরগা লৌউ-শিংউ ফাওবদা গুজরাতনা মালেম পুম্বদা ইনোৎ হাপ্লি… ঐখোয়না খল্লুবদা লাম্বা ফাওবা ফংলুদবা মহৈ মরোংশিং… অদুগুম্বা মহৈ মরোংশিং অদু হৌজিক্তি গুজরাতনা মপান লৈবাকশিংদা থাদোক্লি। অদুগা মসি পুম্বসি কনানা তৌরিবনো? গুজরাত্তা অওনবা অসি কনানা পুরক্লিবনো?
মরূপশিং,
পুম্নমক অসি গুজরাতকী হোৎনবা কন্বা মীয়াম্না পুরকপনি। গুজরাত চাওখৎনবগীদমক মপুন্সি চুপ্পা হোৎনরমখিবা মীরোল অমা হৌখ্রে। হৌজিক্তি মফমসিদগী ঐখোয়না গুজরাতপু অনৌবা পন্দোল তম্না পুখৎপা তাই। অদোম নীংশিংবিরমগনি… ঐনা হন্দক্তা লাল কিলাদগী ভারত্তা পুথোকপা পোৎলমশিংগী ক্বালিতীগী মরমদা ৱা ঙাংখি। ঐখোয়না মসি এক্সপোর্ত ক্বালিতীগী পোৎলম্নি হায়বা মতমদা…এক্সপোর্ত তৌদ্রিবা পোৎলমশিং অসিগী ক্বালিতী অদুক হাক্না ফরগদবা মান্দে। মরম অসিননি ঐখোয়না এক্সপোর্ত ক্বালিতীগী পোৎলম্নি হেক হেক হায়নরিবা। ঐখোয় ৱাখল্লোন অসিদগী মপান্দা থোক্লকপা মথৌ তাই। ঐনা পাম্বদি… গুজরাতনা মাগী খ্বায়দগী ফবা ক্বালিতীগী পোৎলমশিংগীদমক ভারত অমসুং মালেম পুম্বদা মশক খঙনবদুনি।
মরূপশিং,
ঙসি ভারতনা অনৌবা ফিরেপকা লোয়ননা থবক তৌরিবা অসিনা মরম ওইরগা...মপান লৈবাকশিংদা ভারতকী মমিং শোন্নরি। ইকুই কুইদ্রিঙৈদা ঐনা লৈবাক কয়াদা, অচৌ অচৌবা ফম্পাকশিংদা মীহুৎ ওইনা শরুক য়ারুনবগী তাঞ্জা ফংখি। অদোমসু উবিরমগনি মালেমদা ভারতপু কয়ামুক য়াম্না ইকায়খুম্নবিবগে হায়বদু। মালেমসিদা মীপুম খুদিংমক্না ভারত মচাশিংবু তরাম তরাম ওক্লি। পুম্নমক্না ভারতকা অফবা মরী থম্বা পাম্লি। করিগুম্বা মফম অমদা লাংফম অমা নংলবদি, খুদোংচাদবা ফীভম মায়োক্নরবদি, মীয়াম্না মদুগী পাম্বৈ থিরকপদা ভারতপু নীংশিংনরি। ভারতকী মীয়াম্না অহুম্লকশুবা লৈঙাক শেম্লকখিবা…ভারতনা খোঙজেল য়াঙনা চাওখৎ মায়কৈদা খোঙ থাংজিল্লিবা… পুম্নমক অসিনা মালেমগী থাজবসু হেনগৎহল্লি। অদুগা লৈবাক মীয়াম করোর ১৪০গী লেঙদ্রবা থাজবা অসিননি…ঐনা ইখৌ পোঙনা, চাউথোকচবগা লোয়ননা মালেমগীম ফমদা থাজবা পীবা ঙম্লিবা, ঐগী লৈবাক মীয়ামগী পাঙ্গল-থৌনাদুননি। ভারত্তা থাজবা থম্বা হেনগৎলক্লিবা অসিগী কান্নবা, ভারতকী লৌমী, ভারতকী নহাশিংনা ফংগদবনি। ভারত্তা থাজবা হেনগৎলকপগা লোয়ননা ঐখোয়গী স্কিল লৈরবা নহাশিংগী দিমান্দসু হেনগৎলক্লি। ভারত্তা থাজবা হেনগৎলকপগা লোয়ননা ঐখোয়গী এক্সপোর্তসসু হেনগৎলক্লি অমদি লৈবাকসিদা শেল হেন্না চঙলকই। ভারত্তা থাজবা হেনগৎলকপগা লোয়ননা মপান লমগী ইনভেস্তরশিংনসু ভারত্তা শেল থাদবা, ফেক্তরী হাংদোকপা হেনগৎলক্লি।
ইচিল ইনাওশিং,
মায়কৈ অমদা, লৈবাক মীয়াম খুদিংমক্না মালেম পুম্বদা ভারতকী ব্রান্দ এম্বেসেদর ওইবা পাম্লি। লৈবাকসিগী ইকায়খুম্নবা হেনগৎহন্নবা হোৎনরি… অদুগা লৈবাকসিদনা নেগেতিবিতীনা থল্লবা মীওই খরনা ওন্ন-তৈনবা থবক তৌরি। হায়রিবা মীওইশিংসিনা লৈবাক্কী অমত্তা ওইবগী শক্তমদা শিংনরি। সরদার পতেললনা নিংথৌ পান্বা লৈববাক ৫০০ হেন্না পুনশিন্দুনা ভারতপু অমত্তা ওইহল্লম্মি। লৈঙাক চুপ্লি পায়নিংবনা ঙাওরবা মীওইশিংনা…ভারতপু মচেৎ মচেৎ তাহল্লি। অদোমসু তাবিরম্লগনি…মখোয়শি অসি পুনশিল্লগা জম্মু-কাস্মিরদা আর্তিকল ৩৭০ অমুক হন্না পুরক্কদবনি হায়রি… মখোয়না জম্মু-কাস্মিরদা সংবিধান অনি, লৈঙাক অনিগী পরম অমুক হন্না পুরকপা পাম্লি। লৈঙাক পায়নবগীদমক মীওই খরদি তৌনিংবা তৌবা ঙম্লি… নুংশিবা মচেৎ অমত্তা লৈত্রবা মীওইশিং অসিনা ভারতকী মিংচৎ থিহন্নবা তাঞ্জা অমত্তা লেম্না থাদে। মখোয়শিং অসিনা গুজরাতপু হঞ্জিন হঞ্জিন লাকথুনবা হোৎনরি। মরম অসিনা গুজরাতনা মখোয়দগী চেকশিন্না লৈবা তাই অমদি মখোয়দা মীৎয়েঙ থম্বসু মথৌ তাই।
মরূপশিং,
চাওখৎ লম্বীদা চঙশিল্লিবা ভারত…অসিগুমবা শাফুশিংবু থৌনা লৈনা থেংনবা তাই। ভারতকী মফমদা হৌজিক মতম মাঙহন্নবা তাঞ্জা লৈতে। ঐখোয়না ভারতকী থাকসু হেনগৎহনগদবনি অদুগা ভারত মচাশিংগী ইকায়খুম্নবসু হেনগৎহনগদবনি। অদুগা ঐনা মসিমসু খঙই মদুদি…গুজরাত মসিদা মমুৎ তানা খঙই। ঐখোয়না পুম্নমক্কী হোৎনজমলনা পান্দম অসি ফংগদৌরিবনি। অদোম্না থাজবা অমসুং থৌনাগা লোয়ননা পীবিরিবা থৌজাল অসিনা ঐনা গুজরাত্তগী অনৌবা থৌনাগা লোয়ননা মাঙদা চঙশিনগনি, অনৌবা পান্দম পুদুনা হিংগনি। অদোমগীদমক, অদোমগী মঙলানশিংগীদমক ঐগী পুন্সিগী মীৎকুপ অমত্তা মাঙহন্দনা হোৎনগনি মরুপশিং। অদোমগী য়াইফনবা, অদোমগী পুন্সিদা মায় পাক্নবা, অদোমগী মঙলানশিং মঙফাওনহন্নবা হোৎনবা নত্তনা পুন্সিদা অতোপ্পা পান্দম লৈতে। অদোম, ঐগী লৈবাক মীয়াম্না ঐগী লাইনিংনি। ঐগী লাইনিং অসিগী থৌগলদা ইশাবু কত্থোক্নবা ফিরেপ লৌখিবনি। মরম অসিনা মরূপশিং, হিংলবসু অদোমগীদমক হিংগনি, অদোমগীদমক হোৎনদুনা লৈগনি, পুন্সি অসি অদোমগীদমক কত্থোক্কনি। অদোম্না ইফমদা থৌজাল পীনবিয়ু। লৈবাক মীয়াম করোর কয়াগী থৌজালনা ইশাদা থাজবা অমদি থৌনা অমগা লোয়ননা ভারত মচা করোর ১৪০গী মঙলানশিংগীদমক হিংলিবনি, হিংবা পাম্লিবনি। মীশিং অসুক য়াম্না ঐবু থৌজানবিনবা লেঙবিরক্লি। ঐ ঙরাং নুমিদাংৱাইরমদগী গুজরাত্তা লাক্তুনা লৈরবনি, মতম কুইরবগী তুংদা লাকপনি অদুবু অদোমগী মীনুংসিদি অসুম হেনগৎলক্লি অমদি ঐগী থৌনাসু হেন্না হেনগৎলক্লি। অমুক্কা হন্না ময়াম পুম্নমকপু অনৌবা খুদোংচাবা কয়াগীদমক, অনৌবা স্কীম কয়াগীদমক, অনৌবা থৌরাং কয়াগীদমক নুংঙাইবা ফোঙদোকচরি। ঐগা লোয়ননা লাউবিয়ু – ভারত ইমানা য়াইফরে! খুৎ অনি থাঙ্গত্তুনা খোঞ্জেল হৌনা লাউবিয়ু –
ভারত ইমানা য়াইফরে
ভারত ইমানা য়াইফরে
ভারত ইমানা য়াইফরে
হন্না হন্না থাগৎচরি ।
