ভি.ও চিদম্বরনার পোর্ততা আউতর হার্বর কেন্তেন্নর তর্মিনেলগী উরেপ-উয়ুং তমখ্রে
রাজ্য/য়ু.তি ১০ শীনবা থুংনা লাইতহাওস ৭৫দা লমকোয়বা মীওইশিংগী খুদোংচাবশিং মীয়ামদা কৎথোকখ্রেভারতনা শাজবা অহানবা গ্রিন হায়দ্রোজেন ফুয়েল সেল ইনলেন্দ ৱাতরৱেজ ভেসেল হৌদোকখ্রেবিভিন্ন ৰেল আৰু পথ প্ৰকল্প উৎসৰ্গা কৰেতোঙান-তোঙানবা রেল অমসুং লম্বীগী প্রোজেকশিং মীয়ামদা কৎথোকখ্রে“তুতীকোরিন্দা তামিল নাদুনা চাউখৎপগী অনৌবা পন্দুপ অমা ইরে”“ঙসি লৈবাক অসি ‘সরকার পুম্নমক শরুক য়াবা’ থৌওংগা লোয়ননা থবক তৌরে”“লম্বী-থোং ফগৎহন্নবা কেন্দ্র সরকারগী থবকশিংনা হিংবদা লাইবা হেনগৎহল্লে”“মেরিতাইম সেক্তর চাউখৎহনবা হায়বসি তামিল নাদুগুম্বা রাজ্য অমা চাউখৎহনবনি”ভারত ইমানা য়াইফরে!
ভারত ইমানা য়াইফরে!
ভারত ইমানা য়াইফরে!
হল্লো,
ফম্বাক্তা লেংশিনবীরিবশিংদি তমিল নাদুগী রাজ্যপাল, শ্রী আর.এন. রবিজী, ঐহাক্কী মরুপ, সর্বানন্দা সোনোৱালজী, শ্রীপদ নাইয়কজী, শান্তনু থাকুরজী, এল. মুরুগঞ্জী, রাজ্য সরকারগী মন্ত্রী, মফমসিগী এম.পি., অতোপ্পা মীথুংলেন অমদি ইবেম্মা অমসুং ইবুংঙোশিংনি! বনক্কম!
ঙসি, তমিল নাদুনা চাউখৎ থৌরাংগী অনৌবা তাঙ্কক অমা তুথুকুরীদা ইরে। প্রোজেক্ত কয়া অমা শঙ্গারি অমসুং উরেপ উয়ুং তম্লি। প্রোজেক্তশিং অসি চাউখৎপা ভারত অমগী থৌরাং য়াৎপগী য়াম্না মরু ওইবা শরুক অমনি। চাউখৎ থৌরাংশিং অসিদা মীয়াম্না এক ভারত স্রেস্থ ভারতকী ইথিল উবা ফংগনি। প্রোজেক্তশিং অসি তুতিকোরিন্দা পায়খৎপা ওইবা য়াই অদুবু মসিনা ভারত শিনবা থুংবগী মফম কয়াদা চাউখৎ থৌরাংগী খোঙজেল হাপকনি।
মরুপশিং,
লৈবাক অসিনা ঙসিদি চাউখৎপা ভারত অমা ওইবা হায়বা পান্দমগী মায়কৈদা খোঙদারি। অদুগা, চাউখৎপা ভারত অমা হায়বসিদা চাউখৎপা তমিল নাদুগী চপ মান্নবা থৌদাং অচৌবা অমা য়াওরিবনি। ঐহাক্না চহি অনিগী মমাংদা কোইম্বাতোরদা লাক্লম্বা মতমদা, ঐহাক্না চিদম্বরনর হিথাংফমগী কার্গো কেপাসিতী হেনগৎহন্নবা প্রোজেক্ত কয়া অমা হৌদোক্লমখি। হিথাংফম অসিবু শিপ্পিংগী মরু ওইবা হব অমা ওইহনগনি ঐহাক্না মতমদুদা ৱাশকখি। ঙসিদি, মদুগী গেরেন্তী অদু থবক্না পাংথোক্লে। ‘ভি. ও. চিদম্বরনর হিথাংফম’ অসিনা ‘আউতর হার্বর কন্তেনর তর্মিনেল’গীদমক্তা মতম শাংনা ঙাইবা তারম্বা অদুগীসু ঙসি উরেপ উয়ুং তম্লে। হায়রিবা প্রোজেক্ত অসিদা লুপা করোর লিশিং তরেৎ থাদগনি। ঙসিদি লুপা করোর 900কী অতোপ্পা প্রোজেক্ত কয়া অমসু শঙ্গারে। মসিগী মথক্তা, তোঙান-তোঙানবা হিথাংফমশিংগী লুপা করোর লিশিং 2.5কী অনৌবা প্রোজেক্ত 13গী উরেপ উয়ুংসু মফমসিদগী ঙসি তমখ্রে। মেরিতাইম সেক্তরবু ইনোৎ হাপ্পগী মসিগুম্বা থবকশিংনা তমিল নাদুগী মীয়াম লাক্ষ কয়াদা খুদোংচাবা পীগনি অমসুং মফম অসিগী নহাশিংগী থবক্কী খুদোংচাবা কয়াসু লৈহল্লগনি।
মরুপশিং,
ঐহাক্না তমিল নাদু অমসুং ভারত মীয়ামদা ৱাফম খরা থমজবা পাম্মি। লাইবক থীবদি, অশেংবা অসি তাবদা নুংঙাইতবনি, অদুবু তঙাই ফদবসু ওই। ঐহাক্না UPA সরকারবু মরাল শিনিংই। ঐহাক্না ঙসি পুরক্লিবা প্রোজেক্তশিং মীয়ামগী দিকেদ কয়াগী অপাম্বনি। ঙসি সত্তাদা লৈরিবশিং অসি মতমদুদা দিল্লীদা ফম্লম্মি। মখোয়না লৈঙাক পায়রম্মি, বিভাগ চলায়রম্মি। অদুবু মখোয়না চাউখৎ থৌরাংদা মিৎয়েং চঙলমদে। তমিল নাদুগী ৱারীবুদি শাই, অদুবু তমিল নাদুগী য়াইফনবা থবক অমত্তা পায়খৎলমদে। ঙসিদি অদোমগী ননাই ঐহাক্না তমিল নাদুগী লমদমদা লাক্তুনা অদোমগী লাইবক লেপ্পা ঙম্বা মনাই অমা ওইনা লাক্লি।
মরুপশিং,
ভারতকী অহানবা হাইদ্রোজেন ফুলে ফেরী ঙসি হৌদোক্লে। মসিনা কাশীদা গঙ্গাগী মথক্তা য়াম্না থুনা চেল্লগনি। মসিদি, তমিল নাদুগী মীয়াম্না কাশীদা পীবা অচৌবা খুদোল অমনি। তমিল কাশী শঙ্গমমদা ঐহাক্না কাশী অমসুং তমিল নাদুগী মরক্তা মরুপ মপাংগী মপাঙ্গল কল্লবা মরী অমা উবা ফংজখি। ভারতপু নুংশিবগী মতৌসু ঐহাক্না উজখি। অদুনা, কাশীগী মীয়াম অমসুং কাশীদা চৎপা লৈবাক মীয়াম খুদিংনা ফেরী অসি তোংবা মতমদা তমিল নাদু অসিসু মশাগীনি হায়না খন্নগনি। ঙসি, দিসেলিনেসন প্লান্ত, গ্রীন হাইদ্রোজেন প্রদক্সন অমসুং বঙ্করিং ফেসিলিতীশিংসু ‘VOC’ হিথাংফমদা মথৌ পাংথোকপা হৌখ্রে। প্রোজেক্তশিং অসিদগী তুতিকোরী অমসুং তমিল নাদুনা গ্রীন ইনর্জী অমসুং সস্তেনেবল দিভেলপমেন্তকী অচৌবা ময়োল অমা ওইরগনি। তমিল নাদুনা মালেম্না পাম্নরিবা পাম্বৈ অসিগী হীরমদা মাঙজিল থানা চঙশিন্দুনা তুংগী মতম্বু সেক্যুর ওইহল্লগনি।
মরুপশিং,
মেরিতাইম সেক্তরগা লোয়ননা, রেল অমসুং রোদকা মরী লৈনবা প্রোজেক্ত কয়া অমসু ঙসিদগী মফমসিদগী হৌখ্রে। রেলৱে লাইন ইলেক্ত্রিফিকেসন অমসুং দব্লিং তৌবনা তমিল নাদু অমসুং কেরলাগী মরক্কী কন্নেক্তিবিতী ফগৎহল্লগনি। মান্নবা মতৌ ওইনা, তমিল নাদুগী রেলৱে ইনফ্রাস্ত্রকচরশিংবু মখা তানা মোদর্নাইজ তৌনবা ঐহাক্না লুপা করোর লিশিং 4.5কী অচৌবা প্রোজেক্ত 4 অমগসু ঙসি হৌদোকখ্রে। মসিনা রাজ্যসিগী রোদ কন্নেক্তিবিতী ফগৎহনগনি, ত্রাভেল তাইম হন্থহনগনি অমসুং তুরিজম অমসুং ইন্দস্ত্রীদা অচৌবা মতেং অমসু পাংলগনি।
মরুপশিং,
লৈবাক অসিনা ঙসিদি ‘অপুনবা সরকার’ হায়বা ৱাখল্লোনগা লোয়ননা থবক তৌরি। রেলৱেজ, হাইৱেজ অমসুং ৱাতরৱেজ অসি তোঙানবা বিভাগ ওইনা উবা য়াই, অদুবু মখোয় অহুমগী পান্দমদি অমত্তনি – অফবা কন্নেক্তিবিতী লৈহনবা, তমিল নাদুগী তুরিজম অমসুং ইদস্ত্রীদা হান্নদগী হেন্না ফবা ফেসিলিতীশিং ফংহনবা। মসিনা মরম ওইরগা, হায়রিবা মেরিতাইম প্রোজেক্ত, রোদৱেজ প্রোজেক্ত, রেলৱেজ প্রোজেক্তশিং অসি মতম অমত্তদা হৌমিন্নরিবনি। মসিগুম্বা মলতিমোদেল কন্নেক্তিবিতীগী থৌওংনা তমিল নাদুগী চাউখৎ থৌরাংগী খোঙজেল হাপকনি। মতমগা চুনবা ইনফ্রাস্ত্রকচর শেম্নবা হৌদোকখিবা পি.এম. গতিশক্তী নেস্নেল মাস্তর প্লান অসিনা থৌওং অসিদা চাউনা তেংবাংগনি। ঐহাক্না তমিল নাদুগী মীয়াম অদোম খুদিংবু প্রোজেক্তশিং অসিগীদমক্তা থাগৎচরি।
মরুপশিং,
লৈবাক অসিগী মরু ওইবা লাইত হাউস প্রোজেক্তশিং অসি তুরিস্ত স্পোত ওইনা শেমগৎপা য়াই হায়না ঐহাক্না মন কী বাত্তা হায়খিবা লৈখ্রবনি। তোঙান-তোঙানবা রাজ্যশিংদা লৈবা লাইত হাউস ৭৫তা শেমগৎপা তুরিজমগী ফেসিলিতী কয়া ঐহাক্না লৈবাক মীয়ামদা ঙসি খুৎশিন্নবসিদা য়াম্না নুংঙাইবা ফাওই। মসিগী মফম ৭৫ অসিদি অনৌবা ভারত অমনি। লাক্কদৌরিবা মতমশিংদা লাইত হাউসশিং অসিনা তুরিজমগী অচৌবা ময়োল ওইগনি হায়বগী ঐহাক্না থাজবা থমজরি।
মরুপশিং,
ভারত সরকারগী হোৎনজমন্না মরম ওইরগা, তমিল নাদুগী মোদর্ন কন্নেক্তিবিতীনা অনৌবা অৱাংবা থাক্তা লৈরে। হৌখিবা চহি ১০দা, তমিল নাদুদা রেল ইনফ্রাস্ত্রকচরগী কিলোমীতর ১৩০০গী থবক পাংথোকখি। রেলৱে লাইন কিলোমীতর লিশিং অনিসু ইলেক্ত্রিফিকেসন তোখ্রে। রেলৱে পেসেঞ্জর অমসুং মীচম মীয়ামগী নুংঙাইনবা ফ্লাইওভর অমসুং অন্দর্পাস চা কয়া শাখ্রে। রেলৱে স্তেসনশিংদা মোদর্ন ফেসিলিতী কয়া লৈহনখ্রে। ৱর্ল্দ ক্লাস ত্রাভেল এক্সপেরিএন্স ফংহন্নবা হায়দুনা ঙসি তমিল নাদুদা বন্দে ভারত ত্রেন মঙা চেল্লি। তমিল নাদুগী রোদ ইনফ্রাস্ত্রকচরগীদমক্তা ভারত সরকারনা লুপা করোর লাক্ষ ১.৫ থাদরি। মসিগী মহৈ ওইনা রাজ্যসিগী নেস্নেল হাইৱে নেতৱর্ক অসি খোঙজেল য়াঙনা পাকথোক চাউথোক্লে। কেন্দ্র সরকারনা হোৎনদুনা কন্নেক্তিবিতী ফগৎহল্লিবা অসিনা তমিল নাদুগী ইজ ওফ লিবিংবুসু হেনগৎহল্লে। অদুগা মরুপশিং, ঐহাক্না হায়রিবা ৱাফম কয়া অসি রাজনীতিগী ৱাখল্লোন্দগী হায়বা নত্তে, ঐহাক্তি চাউখৎ থৌরাংদা মিৎয়েং থম্লগা হায়বনি। ই-পাউশিং অসিবু মীয়ামদা পাউদম্বা পাম্বা তমিল নাদুগী তি.ভি. চেন্নেল কয়া অমা লৈ হায়বা ঐ খঙই। অদুবু, মফমসিদা লৈরিবা শক্তি খরনা মদু পাংথোকহল্লোই। অদু ওইরবসু, ঐখোয়না তমিল নাদুগী সেবা তৌবদি কৈদৌনুংদা লেপ্লোই। চাউখৎ থৌরাংগী থবক কৈদৌনুংদা লেপহল্লোই।
মরুপশিং,
কেন্দ্র সরাকরগী হোৎনজমন্দগী, ঙসিদি ভারতনা মেরিতাইম অমসুং ৱাতরৱেজকী হীরমদা অনৌবা রেকোর্দ কয়া থম্বা ঙম্লে। হৌখিবা চহি ১০দা ভারতনা লোজিস্তিক্স পরফোর্মেন্স ইন্দেক্সতা কুন্থ্রানিপানশুবা থাক্তা য়ৌনবা থাক কয়া য়াম্না কাখৎখি। ঐখোয়গী পোর্ত কেপাসিতীনা দিকেদ অসিদা শরুক অনি হেনগৎখি। নেস্নেল ৱাতরৱেজনা শরুক নিপান হেনগৎখি। ভারতকী ক্রুজ পেসেঞ্জর মশিংসু শরুক মরি হেনগৎখি, অমসুং সী-ফেরর মশিংসু শরুক অনি হেনগৎখ্রে। মেরিতাইম সেক্তরগী মসিগুম্বা শাহৌ অসি লাক্কদৌরিবা মতমশিংদা শরুক য়াম্না হেনগৎলক্কনি। সমুদ্র মপান্দা লৈবা রাজ্যশিংগা লোয়ননা তমিল নাদুসু মসিদগী কান্নবা য়াম্না ফংগনি। মসিনা লমদমসিগী মীয়ামদা থবক্কী অনৌবা খুদোংচাবা কয়াসু ফংহনগনি। তমিল নাদুনা মসিগুম্বা চাউখৎ থৌরাংগী লম্বীসিদা খোঙজেল য়াঙনা তুংলমচত্তা চঙশিনগনি হায়বা ঐহাক্না থাজবা থম্লি। লৈবাক অসিনা অদোমগী সেবাগীদমক্তা অহুমশুবা তর্মগী খুদোংচাবা পীরবদি, ঐহাক্না অনৌবা পাঙ্গল অমগা লোয়ননা অদোমগী সেবা তৌগনি হায়বগী গেরেন্তী পীজরি। ঙসি হৌদোকখিবা প্রোজেক্তশিংবু মতম চানা লোইশিনবা ঙম্নবা ঐখোয়না চপ মান্নবা পাঙ্গল অসিগা লোয়ননা হোৎনগনি। মসিদি তমিল নাদুগী মীয়ামদা পীবা মোদীগী গেরেন্তীনি।
মরুপশিং,
ঐহাক্না নুমিৎ নিনি অসিদা তমিল নাদুগী মফম কয়াদা চৎলি। ঐহাক্কী তমিল নাদুগী ইচিল ইনাওশিংনা থৱাই য়াওবা অমসুং ঐহাকপু নুংশিবগী মতৌ ঐহাক্না উবা ফংজখি। মসিবু ঐহাক্না লেম্না খক মাঙহল্লোই। ঐহাক্না অদোমগী মীনুংশি অমসুং থৌজালগী মতিক চাবা লমন শিংজগনি। ঐহাক্না ইশাবু অদোমগীদমক্তা কত্থোক্কনি।
ঐহাক্কী তমিল নাদুগী নুংশিরবা ইচিল ইনাওশিং,
ঙসিগী থৌরম অসিদি নুংঙাইবা ফোংদোকপগী থৌরম্নি। অদোমগী মোবাইল পুথোকপীরক্লো, ফ্লাস লাইত থানবীরো, অদুগা ভারত সরকার অমসুং তমিল নাদুনা চাউখৎ থৌরাংগী খোঙথাংশিং অসিগী নুংঙাইবা ফোংদোক্লি হায়বা উৎলসি।
য়াম্না নীংথিজরে, য়াম্না নীংথিজরে।
ভারত ইমানা মতম শাংনা শাফবা ওইসনু!
ভারত ইমানা মতম শাংনা শাফবা ওইসনু!
ভারত ইমানা মতম শাংনা শাফবা ওইসনু!
বন্দে মাতরম!
