নাগপুর-বিজয়ৱারা ইকোনোমিক কোরিদোরগা মরী লৈনবা লম্বীগী প্রোজেকশিং উরেপ-উয়ুং তমখ্রে
ভারতমালা পরিয়োজনাগী মখাদা হায়দ্রবাদ-বিশাখাপত্নম কোরিদোরগা মরী লৈনবা লম্বীগী প্রোজেকশিং মীয়ামদা কৎথোকখ্রেমরুওইবা থাউ অমসুং গ্যাস পাইপলাইন প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রেহায়দ্রবাদ(কাচেগুরা)-রাইচুর-হায়দ্রবাদ(কাচেগুরা) ত্রেন চেনবা হৌবা লমথাখ্রেতেলঙ্গানাগী য়াইঙং থাবা লৌমীশিংগী য়াইফনবা কেন্দ্র সরকারনা নেসনেল তর্মেরিক বোর্দ শেম্লে হায়না লাউথোক্লেইকোনোমিক কোরিদোরনা হনামকোন্দা, মাহবুবাবাদ, ৱারঙ্গাল অমসুং খাম্মাম জিলাশিংগী নহারোলশিংদা খুদোংচাবা কয়া পীরগনিঅনৌবা সাম্মাক্কা-সারাক্কা সেন্ত্রেল ত্রাইবেল য়ুনিভর্সিতি শানবা লুপা করোর ৯০০ চাদিং তৌরগনিতেলঙ্গানা রাজ্যপাল তমিলিসাই সোন্দরাজনজী, কেন্দ্র সরকারগী ঐহাক্কী খোঙলোই মন্ত্রী, শ্রী হি. কিশন রেদ্দীজী, পার্লিয়ামেন্তকী ঐহাক্কী মরুপ, শ্রীমান সঞ্জয় কুমার বন্দীজী, মফমসিদা তিনবীরিবা অতোপ্পা মীথুংলেন, ইবেম্মা অমসুং ইবুংঙোশিং! নমস্কার!
লৈবাক অসিদা কুহ্মৈগী মতম হৌরে। পার্লিয়ামেন্তনা নারিশক্তী বন্দন আইন পাস তৌদুনা ঐখোয়না নবরাত্রীগী মমাংদা শক্তি পুজাগী হরাও নুংঙাইবগী ইথিল হান্ননা শেমখ্রে। ঙসি, তেলঙ্গানাদা মরু ওইবা প্রোজেক্ত কয়াগী উরেপ উয়ুং তম্লি, মীয়ামগী মফমদসু খুৎশিন্নরি। মসিনা লমদমসিদা হরাও নুংঙাইবগী ইথিলনা থল্লে। ঐহাক্না তেলঙ্গানাগী মীয়াম্বু লুপা করোর 13,500কী তোঙান-তোঙানবা প্রোজেক্তশিংগীদমক্তা থম্মোই শেংনা থাগৎপা ফোংদোকচরি। না কুতম্ভু সভ্যুলারা।
ঐহাক্না ঙসি উরেপ উয়ুং তম্লিবা অমসুং মীয়ামগী মফমদা খুৎশিন্নরিবা রোদ কন্নেক্তিবিতী প্রোজেক্তশিং অসিনা লমদমসিগী মীয়ামগী পুন্সিদা অচৌবা অওনবা কয়া পুরক্কদবসিদা নুংঙাইবা ফাওই। নাগপুর-বিজয়ৱারা কোরিদোরনা তেলঙ্গানা, আন্ধ্র প্রদেশ অমসুং মহারাস্ত্র চৎপদা হান্নদগী হেন্না খুদোং চাহল্লগনি। মসিনা মরম ওইরগা, রাজ্য অহুমসিগী ত্রেদ, তুরিজম অমসুং ইন্দস্ত্রীসু য়াম্না খুমাং চাউশিনগনি। কোরিদোর অসিদা লৈরিবা মরু ওইবা ইকোনোমিক হব খরগী মশক খঙদোকখ্রে। মসিদা অখন্নবা ইকোনোমিক জোন নিপান, মেগা ফুদ পার্ক মঙা, ফিশিং সিফুদ ক্লস্তর মরি, ফার্মা অমসুং মেদিকেল ক্লস্তর অহুম অমসুং তেক্সতাইল ক্লস্তর অমসু য়াওগনি। পুম্নমক অসিনা মরম ওইরগা হনমকোরা, ৱারঙ্গল, মহবুববাদ অমসুং খম্মম জিলাগী নহাশিংদা থবক্কী অনৌবা খুদোংচাবা কয়া ফংহনগনি। জিলাশিং অসিগী লৌমীশিংগী পোত্থোকশিগসু দুফ প্রোসেসিং তৌদুনা ভেল্যু হাপ্পা ঙম্লগনি। না কুতম্ভু সভ্যুলারা।
তেলঙ্গানাগুম্বা কংফাল লম্না কোইশিনবা রাজ্যগী ওইনা, মফমসিগী পোত্থোকশিংবু সমুদ্র মপান্দা য়ৌহন্দুনা এক্সপোর্ত তৌবদা খুমাং হেন্না চাউশিলহন্নবা রেল অমসুং রোদ কন্নেক্তিবিতী য়াম্না মরু ওই। মালেমগী কৈথেলবু তেলঙ্গানাগী মীয়াম্না খুদুম চনশিনগদবনি। মসিগীদমক্তা, লৈবাক্কী ইকোনোমিক কোরিদোর কয়ানা তেলঙ্গানা ফাওদুনা চৎলি। মসিনা রাজ্য খুদিংবু ইস্ত অমসুং ৱেস্ত কোস্তকা শম্নহনবগী পাম্বৈ অমা ওইগনি। হাইদ্রবাদ বিশাখাপ্তনম কোরিদোরগী সুর্য়াপেত খম্মম সেক্সন্দসু মসিনা য়াম্না তেংবাংগনি। মসিনা মরম ওইরগা, ইস্ত কোস্ত ফাওবা য়ৌবদা মতেং য়াম্না ফংগনি। লোয়ননা, ইন্দস্ত্রী অমসুং কারবারগী লোজিস্তিক্স কোস্ততসু য়াম্না হন্থরক্কনি। জকলের অমসুং কৃষ্ণ স্তেসনগী মরক্তা শাগৎলিবা রেল লম্বীনসু মফমসিগী মীয়ামগী ওইনা য়াম্না মরু অইবা অমা ওইগনি। না কুতম্ভু সভ্যুলারা।
ভারত অসি য়াইঙং য়াম্না পুথোকপা, শিজিন্নবা অমসুং মীরমদা থাদোকপা লৈবাক অমনি। তেলঙ্গানাগী লৌমী মশিং য়াম্বসু য়াইঙং পুথোকই। কোরোনাগী মতুংদা য়াইঙংগী মতাংদা মীয়াম্না খঙবা হেনগৎনরে, মালেমদা মসিগী দিমান্দসু য়াম্না হেনগৎলে। য়াইঙংগী মপুং ওইবা ভেল্যু চেন্দা মসিবু পুথোকপদগী হৌরগা, এক্সপোর্ত, রিসর্চ ফাওবগী লমদা য়াম্না প্রোফেস্নেল ওইবা মওংদা মিৎয়েং চঙবগী মথৌ য়াম্না তারবনি। মরী লৈনবা খোঙথাং পায়খৎপগী মথৌ তারবনি। মসিগা মরী লৈনবা অচৌবা ৱারেপ অমা ঙসি ঐহাক্না তেলঙ্গানাগী লমদমসিদা লাউথোক্কনি। কেন্দ্র সরকারনা য়াইঙং থাবা লৌমীশিংগীদমক্তা খন্দুনা, মখোয়গী তঙাই ফদবশিং য়েংদুনা, অমসুং মখোয়গী মফমদগী ওইথোকপা য়াবা খুদোংচাবা কয়াবু খঙলবা মতুংদা, ‘নেস্নেল তর্মেরিক বোর্দ’ অমা শেম্বগী ৱারেপ লৌরে। বোর্দ অসিনা সপ্লাই চেন্দা ভেল্যু এদিসন তৌবা, ইনফ্রাস্ত্রকচর শেমগতপা ফাওবগী হীরমশিংদা লৌমীশিংগী মফমদা মতেং পীগনি। ঐহাক্না তেলঙ্গানা অমসুং লৈবাক্কী য়াইঙং পুথোক্লিবা লৌমীশিংগী মফমদা ‘নেস্নেল তর্মেরিক বোর্দ’ শেমখিবা অসিগীদমক্তা থাগৎপা ফোংদোকচরি। না কুতম্ভু সভ্যুলারা।
ঙসিদি, মালেম শিনবা থুংবদা ইনর্জী অমসুং ইনর্জী সেক্যুরিতীগী মতাংদা ৱারী কয়া শান্নরি। ভারতনা মশাগী ইন্দস্ত্রীখক্কী নত্তনা মীয়ামগী য়ুমগী ইনর্জী তঙাই ফদবশিং পীরি। লৈবাক্কী LPG কন্নেক্সন মশিংনা ইং 2014দা করোর 14গী ময়াদা লৈরম্বা অদুদগী হৌজিক, ইং 2023দা করোর 32দগীসু হেনখ্রে। ঐখোয়না গ্যাস সিলিন্দরগী মমলসু হন্দক্তা হন্থহনখি। ভারত সরকারনা LPG এক্সেস হেনগৎহনবগা লোয়ননা মসিগী দিস্ত্রিব্যুসন নেতৱর্ক পাকথোক চাউথোকহনবসি য়াম্না মরু ওইবনি হায়না খল্লি। হসন-চেরলাপল্লি LPG পাইপ্লাইন্না হৌজিক লমদমসিগী মীয়ামদা ইনর্জী সেক্যুরিতী লৈহনবদা য়াম্না চাউনা মতেং পাংগনি। লমদমসিদা কৃষ্ণপত্নমদগী হাইদ্রবাদ ফাওবগী মরক্তা মলতি প্রদক্ত পাইপ্লাইন অমগী উরেপ উয়ুংসু তমখ্রে। মসিনা মরম ওইরগা, তেলঙ্গানাগী জিলাশিংদা হকথেংনবা অমসুং নাকোইনবা থবক কয়া লৈহনগনি। না কুতম্ভু সভ্যুলারা।
ঐহাক্না ঙসি হাইদ্রবাদ সেন্ত্রেল য়ুনিভর্সিতীগী বিলদিং কয়া শঙ্গাখ্রে। হাইদ্রবাদ সেন্ত্রেল য়ুনিভর্সিতীগী অসি বি.জে.পি. সরকারনা ইন্সতিত্যুসন ওফ ইমিনেন্সকী থাক্তা থমখ্রবনি অমসুং মসিগীদমক্তা মরী লৈনবা ফন্দসু থাদখ্রবনি। ঙসি ঐহাক্না অদোমগী নাক্তা লাক্তুনা অচৌবা ৱাফম অমা লাউথোক্কনি। ভারত সরকারনা মুলুগু জিলাদা সেন্ত্রেল ত্রাইবেল য়ুনিভর্সিতী অমা হাংদোক্লগনি। অদুগা য়ুনিভর্সিতী অসিগী মমিংসু ঐখোয়গী নুংশিরবা ত্রাইবেল লাইরেম্বী, সম্মক্কা সরক্কাগী মিং লৌদুনা থোনগনি। সম্মক্কা সরক্কা সেন্ত্রেল ত্রাইবেল য়ুনিভর্সিতী অসিগীদমক্তা লুপা করোর 900 চাদিং তৌগনি। ঐহাক্না সেন্ত্রেল য়ুনিভর্সিতী অসিগীদমক্তা তেলঙ্গানা মীয়াম্বু থাগৎচরি। তেলঙ্গানাগী মীয়াম্বু অদোমগী মীনুংশিগীদমক্তা ঐহাক্না অমুক্কা হনা থাগৎচরি। মসিদি সরকারগী থৌরম্নিনা ঐহাক্না অকক্নবা খরা থম্লে। অদুবু, মিনিত 10গী মতুংদা লম্পাক্তা থোকপা মতমদদি, ঐহাক্না য়াম্না মকা লাম্না ৱাফম থমজগে। ঐহাক্না হায়বা খুদিংমক তেলঙ্গানাগী মীয়ামগী থম্মোইনুংগী ৱারি ঙাক্তা ওইগনি। লমদমসিগী মীয়ামগী থম্মোইনুংগী ৱারি ঙাক্তা শাগনি।
থাগৎচরি।
