Quoteবুন্দেলখন্দগী অতোপ্পা মপারি, মেজর ধ্যান চন্দ নত্ত্রগা দদ্দা ধ্যান চন্দবু নীংশিংখ্রে
Quoteউজ্বলা য়োজনানা মরু ওইনা নুপীশিংদা, মীওই কয়াগী পুন্সিবু মঙাল পীখিবা অসি মমাংদা অমুক্তা থোকখিদ্রি: পি.এম.
Quoteউজ্বলা য়োজনাদগী ইচে-ইচলশিংগী হকশেল, খুদোংচাবা অমসুং শক্তি পীবদা চাউনা ইনোৎ হাপখি: পি.এম.
Quoteয়ুম, মৈ, ঈশিং, অমাংশঙ, গ্যাস, লম্বী-থোং, অনা লায়েংশঙ, মহৈ তম্ফমশঙ অসিগুম্বা তঙাই ফদবশিং অসি দিকেৎ কয়াগী মমাংদা কোকহল্লম্বা য়াবনি: পি.এম.
Quoteউজ্বলা ২.০ স্কীম অসিনা মাইগ্রেন্ত শিন্মীশিংগী ইমুং-মনুং লাখ কয়াদা চাউনা কান্নবা পীরগনি: পি.এম.
Quoteবাইওফ্যুল অসি থাউগী লমদা মরোমদোম লেপচবা ঙম্নবগী, লৈবাক চাউখৎনবগী অমদি খুঙ্গংশিং চাউখৎনবগী ইঞ্জিন ওইরি: পি.এম.
Quoteমতিং লৈবা হেন্না তৌবা ঙম্বা ভারতকী পান্দম ফংনবা হোৎনবদা ইচে-ইচলশিংগী অখন্নবা থৌদাং অমা লৌগনি: পি.এম.

খুরুমজরি,

হৌজিক ঐহাক্না ইমা-ইচেলশিং অমসুং ইচে-ইচলশিংগা ৱারী শাবগী খুদোংচাবা অমা ফংজখি। নুমিৎ খরনিগী মতুংদা রক্ষাবন্ধনগী কুহ্মৈসু লাক্কদবা অসিদা ঐহাক্না নুংঙাইবা ফাওজৈ। অমসুং ঙসি অসি মাংজৌননা ঐহাক্না ইমা-ইবেলশিং অমসুং ইচে-ইচলশিংগী থৌজালশিংসু ফংজরে। ঙসি অসিগুম্বা মীকুপ অসিদা লৈবাক অসিগী লায়রবা, দলিত, খুদোংচাবা ফংদ্রবা, শোত্থরবা, ত্রাইবেলগী ইমুং-মনুংগী ইচে-ইচলশিংদা অতোপ্পা খুদোল তম্নবগী খুদোংচাবা অমসু ফংজরে। ঙসি উজ্জ্বলা য়োজনাগী অনিশুবা তাঙ্কক অসিদা ইচে-ইচল কয়ানা লেম্না গ্যাস কনেক্সন অমসুং গ্যাস স্তোব ফংলি। ঐহাক্না বেনিফিসিয়রী পুম্নমক্তা অমুক হন্না নুংঙাইবা ফোঙদোকচরি।

মহোবাদা তিনবীরিবা ঐহাক্কী মন্ত্রী-মন্দলগী মরুপ হর্দীপ সিংহ পুরিজী, য়ু.পি.গী মুখ্য মন্ত্রী য়োগি অদিত্যনাথজী, ঐহাক্কী মন্ত্রী-মন্দলগী অতোপ্পা মরুপ রামেশ্বর তেলিজী, উত্তর প্রদেশকী উপ মুখ্য মন্ত্রী কেশব প্রসাদ মৌরিয়াজী, দা. দিনেস শর্মজী, রাজ্য সরকারগী অতৈ মন্ত্রী পুম্নমক, এম.পি. পুম্নমক অমসুং ইচিল-ইনাওশিং,

 

উজ্জ্বলা য়োজনানা লৈবাক্কী মীওই কয়াগী, নুপী কয়াগী পুন্সিদা মঙাল পীরিবা অসি হান্না পানরুদবা চাংদনি। থৌশিল অসি ২০১৬দা য়ু.পি.গী বলিয়াদগী, নীংতম লানগী অথৌবা মঙ্গল পান্দেগী পোক্নফমদগী হৌরকখিবনি। ঙসি উজ্জ্বলাগী অনিশুবা তাঙ্ককসু য়ু.পি.গী মহোবাগী অথৌবশিংগী পোক্নফম লমদমদগী হৌদোক্লি। মহোবা ওইগেরা বুন্দলখন্দ ওইগেরা মসি লৈবাক অসিগী নীংতমখিবগী ইনোৎ পীরিবা অদু্গুম্বা মখলগী মফম অমনি। মফম অসিদা লৈরিবা পোৎ খুদিংমক্তা রানি লক্ষ্মীবাই, রানি দুর্গাৱতী, মহারাজা ছত্রসাল, ভীর আলহা অমসুং উদল অসিগুম্বা থৌনা ফবা অথৌবশিংগী ৱারীশিংগী লৈনম চেল্লি। ঙসি লৈবাক অসিনা আজাদী কা অমৃত মহোৎসব পালন তৌরিবা মতম অসিদা ঙসিগী থৌরম অসিনা অথোইবা মীওইশিং অসিবু নীংশিংনবা খুদোংচাবা অমসু পীররে।

|

মরুপশিং,

ঙসি ঐহাক্না বুন্দেলখন্দকী অথোইবা মপারি অমবুসু নীংশিংলি। মেজর ধ্যান চন্দ, ঐখোয়গী দদ্দা ধ্যানচন্দ। লৈবাকসিগী খ্বাইদগী অথোইবা শান্ন-খোৎনবগী মনাগী মমীং হৌজিক্তি মেজর ধ্যান খেল ধ্যান চন্দ খেল রত্ন পুরস্কার ওইনা ওন্থোক্লে। ওলিম্পিক্সতা ঐখোয়গী নহা ওইরিবা মরুপশিংনা শীংথানীংঙাই ওইবা পর্ফোর্মেন্স উৎলিঙৈ চৈরক্তা দদ্দাগী মমিং অসি খেল রত্নাগা মরী লৈনহনবা অসিনা নহারোল লাখ কয়া করোর কয়াদা ইথিল পীরগনি। হন্দক্তি ঐখোয়গী শান্নরোইশিংনা মেদলশিং খক্তা লৌরকপদা নত্তনা শান্ন-খোৎনবগী লম কয়াদা তুংলমচৎতা হেন্না ফজনা পর্ফোর্মেন্স পীনবা খুদম অমসু পীখি।

ইচিল-ইনাওশিং,

ঐখোয়না নীংখা তমখিবগী চহি ৭৫ শুরক্কদৌরে। অসিগুম্বা তানফম অসিদা ঐখোয়না হৌখিবা দিকেদ তরেৎ মখাই অসিদা খুমাং চাউশিল্লিবা অসি য়েংলুরবদি চহি কয়াগী মমাঙদা অহোংবা পুরক্লমবা য়াবা ফীভম, ৱাফম খরদি লৈরম্মি হায়বা ঐখোয়দা ফাওই। য়ুম, মৈ, ঈশিং, অমাংশঙ, গ্যাস লম্বী-থোং, অনা লায়েংশঙ, মহৈ তম্ফমশঙনচিংবা য়াম্লবা মথৌ তাবশিং ফংননবা চহী কয়া ঙাইবা তাখি। মসি লাইবকথিবনি, মসিনা মরম ওইদুনা কনাগুম্বা খরদি কা হেন্না চৈথেং ফংখিবা অদু ঐখোয়গী ইমা-ইবেনশিং অমসুং ইচে-ইচলশিংনা ওইরি। মরু ওইনা লায়রবা ইমা-ইবেলশিং অমসুং ইচে-ইচলশিংনা অৱাবা মায়োক্নখি। খাংপোকশঙদা নোংগী ঈশিংনা য়ুরকপা মতমদা খ্বাইদগী অৱাবা মায়োক্নখিবা অসি ইমানি। মৈ ফংদবনা খ্বাইদগী অচৌবা খুদোংচাদবা মায়োক্নখিবসু ইমানি। ইমুং অদুনা ফত্তবা ঈশিং শীজিন্নরুবনা মরম ওইদুনা নাবা মমদসু ইমানা খ্বাইদগী হেন্না ৱাই। অমাংশঙ লৈতবনা মমথরকপা ঙাইখিবসু ইমা-ইবেল অমসুং ইচে-ইচলশিংনি। স্কুলশিংদা তোখাইবা অমাংশঙ লৈত্রবদি মদুগী অৱাবা ইচানুপীশিংনা থেংনৈ। মীরোন কয়ানা ইমাশিংনা মমিৎতা মৈখু চংদুনা, শাখ্রবা নুংশাগী মৈশা মরক্তা লৈরং মনাক্তা লৈবা ঐখোয়না উদুনা লাকখি।

|

 

মরুপশিং,

অসিগুম্বা ফীভমশিং অসিগা লোইননা ঐখোয়না নীংতমখিবগী চহি ১০০ শুরকপগী মাইকৈ তম্না করম্না চংশিনগনি? ঐখোয়না তঙাই ফদনা মথৌ তাবশিং থুংহন্নবা খক্তা ঐখোয়না হোৎনগদ্রা? ইমুং অমনা, খুন্নাই অমনা তঙাই ফদবা খুদোংচাবশিংগীদমক লান্থেংনরিবা অসি মখোয়না অচৌবা মঙলানশিং করম্না থুংহনবা ঙমগনি? খুন্নাইনা মঙলানশিং অসি মঙফাওনবা ঙমগনি হায়বগী থাজবা য়াওদনা মসি থুংহন্নবা থৌনা কদাইদগী লাক্কনি? অমসুং ইশানা ইশাদা থাজদ্রবদি করম্না লৈবাক অমনা মরোমদোম লেপচবা ঙমগনি?

ইচিল-ইনাওশিং,

২০১৪দা লৈবাক অসিনা ঐখোয়দা শেবা তৌনবা খুদোংচাবা পীখিবা মতমদা ঐখোয় ইশানা চপ মান্নবা ৱাহংশিং অসি হংজখি। পীরিবা মতম অমগী মনুংদা সমস্যা পুম্নমক অসিগী ৱারোইশিন পুরকপা তাই হায়বা ঐখোয়না ময়েক শেংনা খঙখি। ঐখোয়গী ইচানুপীশিংনা য়ুম অমসুং চাকখুমদগী মপান থোরক্তুনা লৈবাক শেম্বদা মরুওইবা থৌদাং লৌরকপা হায়বসি অহানবমক্তদা য়ুম অমসুং চাকখুমগা মরী লৈনবা ৱাফমশিংগী পাম্বৈ পুথোক্লবা মতমদতা ঙমগদৌরিবনি। মরম অসিনা হৌখিবা চহি ৬-৭সিদা হীরম খুদিংদা মিসন মোদতা থবক তৌদুনা লাক্লি। স্বচ্ছ ভারত মিসনগী মখাদা খোঙহাম খুৎহাম্ফম করোর কয়া শাখ্রে। প্রধান মন্ত্রী অৱাজ য়োজনাগী মখাদা লায়রবা করোর ২ হেনবগী পক্কাগী য়ুমশিং শাখ্রে। অয়াম্বা য়ুমশিং অসি নু্পীশিংগী মমিংদা শাখি। ঐখোয়না খুঙ্গংগী লম্বী কিলোমিতর লিশিং কয়া শেমখ্রে অমসুং সোভাগ্য য়োজনাগী খুত্থাংদা ইমুং করোর ৩দা মৈ ফংহনখি। আয়ুশ্মান ভারত য়োজনা মীওই করোর ৫০ হেনবদা লুপা লাখ ৫ ফাওবগী লেম্না লায়েং ফংহনখি। মাত্রবন্দনা য়োজনাগী মখাদা মীরোল্লিঙৈ মনুংদা তীকা থাদোক্নবা অমসুং মচি ওইবা চিঞ্জাক চান্নবা বেঙ্ক একাউন্তদা হকথেংননা লুপা লিশিং কয়া দিপোজিৎ তৌখি। জন ধন য়োজনাগী মখাদা ইচে-ইচল করোর কয়াগী বেঙ্ক একাউন্তশিং হাংখি হায়বরিবা অসিদা কোরোনাগী মতমগী মনুংদা লুপা করোর লিশিং ৩০ দিপোজিৎ তৌখি। হৌজিক জল জীবন মিসনগী খুত্থাংদা খুঙ্গংগী ইমুংশিংগী ইচে-ইচলশিংদা অফবা তোতি ঈশিং ফংহনবগী থবক চত্থরি।

মরুপশিং,

ইচল-ইচেশিংগী হকশেল, খুদোংচাবা অমদি মপাঙ্গল কলহন্নবগী থৌরাংদা উজ্জ্বলা য়োজনানা চাউনা মপাঙ্গল হাপ্লি। থৌশিল অসিগী অহানবা তাঙ্কক্তা লায়রবা, দলিত, খুদোংচাবা ফংদ্রবা, শোত্থহৌরবা, ত্রাইবেল ইমুং করোর ৮দা লেম্না গেস কন্নেক্সন পীখ্রে। মসিনা কয়া য়াম্না কান্নবা পীবগে হায়বসি ঐখোয়না কোরোনাগী মতমদা উখ্রে। চত্থোক-চৎশিন য়াদবা, ললোন-ইতিক লেপখিবা মমদা লায়রবা ইমুং করোর কয়াদা থা কয়া লেম্না গ্যাস সিলিন্দরশিং পীখি। খন্দুনা য়েংবীয়ু করিগুম্বা উজ্জ্বলা লৈরমদ্রবদি খুদোংথিবা মতম অসিদা ঐখোয়গী লায়রবা ইচে-ইচলশিং অসিগী ফীভম করম তৌরমগনি?

মরুপশিং,

উজ্জ্বলা য়োজনাগী অতোপ্পা কান্নবা অমনা লৈবাক অসিদা লৈরিবা এল.পি.জি. গ্যাসকা মরী লৈনবা ইনফ্রাস্ত্রকচর অসি শরুক কয়া থোক্না হেনগৎলকখ্রে। হৌখিবা চহি ৬-৭ অসিদা অনৌবা এল.পি.জি. দিস্ত্রিব্যুসন সেন্তর ১১,০০০ হেন্না লৈবাক অসিদা হাংদোকপা ঙমখ্রে। ২০১৪দা উত্তর প্রদেশ খক্তদা দিস্ত্রিব্যুসন সেন্তর ২,০০০দগী তানা লৈরমখি। ঙসি মসি ৪,০০০ হেন্না লৈরে। মসিনা মরম ওইরগা নহারোল লিশিং কয়ানা থবক ফংলে অমসুং অনিশুবদা গ্যাস কনেক্সন ফংদনা মমাংদা লৈরম্বা ইমুং কয়ানা মসি ফংবা ঙমখ্রে। হোৎনবা অসিনা মরম ওইগা ভারতকী গ্যাস কভরেজ অসি চাদা ১০০গী ময়া য়ৌশিল্লক্লে। ২০১৪ ফাওবদা লৈবাক অসিদা লৈরম্বা গ্যাস কনেক্সনশিংদগী হৌখিবা চহি ৭তা ফংহনখিবা অসিনা হেন্না হেল্লি। মমাংদা বুকিং তৌবা অমসুং সিলিন্দরশিং দেলিভরী তৌবগী মতাংদা লৈরম্বা সমস্যাশিং কোকহন্নবা থবকসু পাইখৎলি।

ইচিল-ইনাওশিং,

ঙসি হৌজিক লৈরিবা উজ্বা য়োজনা অসিদা অহেনবা খুদোংচাবা অমগা হাপচিল্লে। বুন্দলখন্দ য়াওনা য়ু.পি. অমসুং অতৈ রাজ্য শিনবা থুংবদা লৈরিবা ঐখোয়গী মরুপ কয়ানা থবক্কীদমক অতৈ রাজ্যশিংদা খুঙ্গংদগী শহরশিংদা চৎলি। অদুবু মখোয়গী লৈফমগী খুদম চাংদম পীবা ঙমদবগী খুদোংচাদবা মায়োক্নৈ। উজ্জ্বলা য়োজনাগী অনিশুবা তাঙ্কক অসিনা অসিগুম্বা ইমুং লাখ কয়াদা চাউনা মতেং পীরগনি। হৌজিক্তি ঐহাক্কী শিন্মী ওইরিবা মরুপশিংনা লৈফমগী খুদম চাংদমগীদমক কোইচৎ চৎপগী মথৌ তাররোই। সরকারনা অদোমগী পুকচেল শেংবদা মপুং ফানা থাজৈ। অদোম্না অদোমগী লৈফমগী সেল্ফ দিক্লারেসন অমখক, হায়বদি ইশানা ইজরগা পীশিল্লগা অদোমগী গেস কন্নেক্সন ফংলগনি।

মরুপশিং,

অদোমগী চাকশঙদা পাইপকী খুত্থাংদা ঈশিং য়ৌরকপা অদুগুম্না হৌজিক সরকারনা গ্যাসশিং পাইপকী খুত্থাংদা ফংহন্নবা মাইকৈদা থবক পাইখৎলি। পি.এন.জি. অসি সিলিন্দরদগী হেন্না হোংই। উত্তর প্রদেশ য়াওনা নোংপোক থংবা ভারতকী জিলা কয়াদা পি.এন.জি. কনেক্সনশিং পীনবা থবক খোঙজেল য়াংনা পাইখৎলি। অহানবা তাঙ্কক্তা য়ু.পি.গী জিলা ৫০ হেনবদা লৈবা য়ুম লাখ ২১রোমদা কনেক্সন পীনবা পান্দম অমা থমখি।। মসিগা মান্নবা মওংদা সি.এন.জি.দা য়ুম্ফম ওইবা ত্রান্সপোর্তকী থবকসু চাউনা পাইখৎলি।

ইচিল-ইনাওশিং,

অচৌবা মঙলাম মঙবা মতমদা মদু ফংনবা চপ মান্ননা চাউনা হোৎনবা তাই। ঙসি ৱর্ল্দ বাইও-ফ্যুল দেনা লাকপদা ঐখোয়না ঐখোয়গী পান্দমশিং অমুক হন্না নীংশিংবা তাই। বাইও-ফ্যুলগী লমদা করি পাইখৎলি হায়বগী মতাংদা ঐখোয়না হৌজিক্তা অতেনবা দোক্যুমেন্তরী অমা য়েংখ্রে। বাইওফ্যুল তরু তরুবা থাউগী পাম্বৈ অমা ওইবতা নত্তে। মসি থাউগী লমদা মরোমদোম লেপচবা ঙম্নবগী, লৈবাক চাউখৎনবগী অমদি খুঙ্গঙ চাউখৎনবগী ইঞ্জিনদা খোঙজেল হাপ্লিবা পাম্বৈ অমসু ওইরিবনি। বাইওফ্যুল অসি য়ুমগী অমদি লৌবুক্কী ফত্ত-হৌদিদগী, নাপী-শিংনাদগী, শীজিন্নবা য়াদ্রবা মহৈ মরোংদগী শুংবা য়াবা থাউ মখল অমনি। লৈবাক অসোনা বিও-ফ্যুল-ইথানোলগী পান্দমশিং ফংনবা থবক পাইখৎলি। হৌখিবা চহি ৬-৭ অসিদা ঐখোয়না পেত্রোল চাদা ১০ ব্লেন্দিং তৌনবগী থমখিবা পান্দম অদু ফংগদৌরে। মথংগী চহি ৪-৫ অসিদা ঐখোয়না চাদা ২০ ব্লেন্দিং তৌনবা থম্বা পান্দমগী মাইকৈদা চংশিল্লি। ইথানোলনা চাদা ১০০ চল্লাইবা ঙমগদবা গারীশিং লৈবাক অসিদা শানবা পান্দমসু থম্লি।

মরুপশিং,

ইথানোলনা চত্থোক-চৎশিন তৌবদা চংবা শেল হন্থহনগনি অমসুং অকোইবগী ফীভম ঙাকশেনবা ঙম্লগনি। অদুবু মসিগী খ্বাইদগী অচৌবা কান্নবদা ঐখোয়গী লৌমীশিং অমসুং নহারোলশিং মরু ওইনা য়ু.পি.গী মীওইশিংনা ফংগনি। চুদগী ইথানোল শুংনবগী পাম্বৈ লৈরকপা মতমদা চু থারিবা লৌমীশিংনা শেল হেন্না ফংলগনি অমসুং মদুসু মতম চানা ফংলগনি। মমাং চহি খক্তদা য়ু.পি.দা লৈবা ইথানোল পুথোক্লিবশিংদগী লুপা করোর ৭,০০০রোমগী ইথানোল লৈখি। চহি খরা অসিদা য়ু.পি,দা ইথানোল অমসুং বাইও-ফ্যুলগা মরী লৈনবা য়ুনিৎ কয়া লিংখৎখ্রে। চুগী অরেম্বশিংদগী কমপ্রেস বাইওগ্যাস শুংনবা য়ু.পি.গী জিলা ৭০দা সি.বি.জি. প্লান্তশিং লিংখৎনবা থবক পাইখৎলি। লৌউ-শিংউগী অরেম্বা অপুম অশাদগী বাইও-ফ্যুল পুথোক্নবা হৌজিক অচৌবা কম্প্লেক্স অহুম শেমগৎলি। মসিগী মনুংদা অনি অমনা য়ু.পি.গী বদানয়ু অমসুং গোরখপুরদা অনি শারি অমসুং অমনা পঞ্জাবকী ভতিন্দাদা শারি। প্রোজেক্তশিং অসিগা লোইননা লৌমীশিংনা অরেমখাকশিংগী শেলসু ফংলগনি, নহারোল লিশিং কয়ানা থবক ফংলনি অমসুং অকোইবগী ফীভমসু ঙাকশেনবা ঙম্লগনি।

মরুপশিং,

মসিগা মান্ননা, অতোপ্পা মরু ওইবা য়োজনা অমসু লৈ, গোবরধন য়োজনা। স্কীম অসিনা শনথীদগী বাইওগ্যাস পুথোকপদা থৌগৎলি। মসিনা খুঙ্গংশিং লুনানহনবা ঙমগনি অমসুং দাইয়রী সেক্তরদা কান্নদবা অমসুং শঙ্গোম পীদবা অদুগুম্বা শা-ঙাশিংসু কান্নবা ফংলগনি। য়োগিজীগী সরকারমা শঙ্গোন কয়াসু শাখ্রে। মসি শনশিং য়েংশিন্নবা অমসুং লৌমীশিংগী মহৈ-মরোং ঙাকশেন্নবা মরু ওইবা খোঙথাং অমনি।

মরুপশিং,

হৌজিক্তি লৈবাকসিনা মরুওইবা ফেসিলিতীশিং শেমগত্তুনা হেন্না ফবা পুন্সিগী মঙলানবু মঙফাওনহন্নবগী মায়কৈদা খোঙ থাংজিল্লি। লাক্কদৌরিবা চহি ২৫সিদা থৌরাং অসি শরুক কয়া থোক্না হেনগৎহনবা তাই। মতিং লৈবা তৌবা ঙম্বা ভারতকী পান্দম ফংনবা ঐখোয় পুন্না হোৎনমিন্নবা তাই। মসিদা ইচল ইচেশিংসু মরুওইবা থৌদাং য়াওগদৌরিবনি। ঐহাক্না উজ্জ্বলাগী বেনিফিসিয়রী ওইরিবা ইচে-ইচল পুম্নমক্তা অমুক হন্না য়াইফ-পাউজেল পীজরি। রক্ষাবন্ধনগী শেংলবা কুহ্মৈগী মাংওইননা ইমাশিং অমসুং ইচে-ইচলশিংবু শেবা তৌজনবা খুদোংচাবা অমা ঐহাক্না ফংজবদা নুংঙাইবা পোকচৈ। ঐখোয়না ইমা ভারত, ইরৈবাকচা করোর ১৩০, খুঙ্গংশিং, লায়রবশিং, লৌমীশিং, দলিতশিং, অৱাবা তারবশিং অমসুং শোত্থরবশিংবু শেবা তৌজনবা অনৌবা ইনোৎকা লোইননা মখা তানা থবক তৌনবা নখোয়গী থৌজাল মতম চুপ্পদা ফংবা ওইজগে। অপাম্বা অসিগা লোইননা ঐহাক্না য়াইফ-পাউজেল পীজরি। হন্না-হন্না থাগৎচরি!

  • Ganesh Dhore January 01, 2025

    Jay Shri ram 🚩
  • didi December 25, 2024

    ''''
  • didi December 25, 2024

    .
  • Devendra Kunwar October 20, 2024

    BJP 🙏🏻
  • Sonu Kumar September 18, 2024

    Sonu Kumar God
  • Seema lalwani September 03, 2024

    Jay shree ram
  • Ram Raghuvanshi February 27, 2024

    JAY SHRI RAM
  • MLA Devyani Pharande February 17, 2024

    जय श्रीराम
  • Jayanta Kumar Bhadra February 16, 2024

    Om Shanti
  • Jayanta Kumar Bhadra February 16, 2024

    Jay Maa
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India: The unsung hero of global health security in a world of rising costs

Media Coverage

India: The unsung hero of global health security in a world of rising costs
NM on the go

Nm on the go

Always be the first to hear from the PM. Get the App Now!
...
PM chairs a High-Level Meeting to review Ayush Sector
February 27, 2025
QuotePM undertakes comprehensive review of the Ayush sector and emphasizes the need for strategic interventions to harness its full potential
QuotePM discusses increasing acceptance of Ayush worldwide and its potential to drive sustainable development
QuotePM reiterates government’s commitment to strengthen the Ayush sector through policy support, research, and innovation
QuotePM emphasises the need to promote holistic and integrated health and standard protocols on Yoga, Naturopathy and Pharmacy Sector

Prime Minister Shri Narendra Modi chaired a high-level meeting at 7 Lok Kalyan Marg to review the Ayush sector, underscoring its vital role in holistic wellbeing and healthcare, preserving traditional knowledge, and contributing to the nation’s wellness ecosystem.

Since the creation of the Ministry of Ayush in 2014, Prime Minister has envisioned a clear roadmap for its growth, recognizing its vast potential. In a comprehensive review of the sector’s progress, the Prime Minister emphasized the need for strategic interventions to harness its full potential. The review focused on streamlining initiatives, optimizing resources, and charting a visionary path to elevate Ayush’s global presence.

During the review, the Prime Minister emphasized the sector’s significant contributions, including its role in promoting preventive healthcare, boosting rural economies through medicinal plant cultivation, and enhancing India’s global standing as a leader in traditional medicine. He highlighted the sector’s resilience and growth, noting its increasing acceptance worldwide and its potential to drive sustainable development and employment generation.

Prime Minister reiterated that the government is committed to strengthening the Ayush sector through policy support, research, and innovation. He also emphasised the need to promote holistic and integrated health and standard protocols on Yoga, Naturopathy and Pharmacy Sector.

Prime Minister emphasized that transparency must remain the bedrock of all operations within the Government across sectors. He directed all stakeholders to uphold the highest standards of integrity, ensuring that their work is guided solely by the rule of law and for the public good.

The Ayush sector has rapidly evolved into a driving force in India's healthcare landscape, achieving significant milestones in education, research, public health, international collaboration, trade, digitalization, and global expansion. Through the efforts of the government, the sector has witnessed several key achievements, about which the Prime Minister was briefed during the meeting.

• Ayush sector demonstrated exponential economic growth, with the manufacturing market size surging from USD 2.85 billion in 2014 to USD 23 billion in 2023.

•India has established itself as a global leader in evidence-based traditional medicine, with the Ayush Research Portal now hosting over 43,000 studies.

• Research publications in the last 10 years exceed the publications of the previous 60 years.

• Ayush Visa to further boost medical tourism, attracting international patients seeking holistic healthcare solutions.

• The Ayush sector has witnessed significant breakthroughs through collaborations with premier institutions at national and international levels.

• The strengthening of infrastructure and a renewed focus on the integration of artificial intelligence under Ayush Grid.

• Digital technologies to be leveraged for promotion of Yoga.

• iGot platform to host more holistic Y-Break Yoga like content

• Establishing the WHO Global Traditional Medicine Centre in Jamnagar, Gujarat is a landmark achievement, reinforcing India's leadership in traditional medicine.

• Inclusion of traditional medicine in the World Health Organization’s International Classification of Diseases (ICD)-11.

• National Ayush Mission has been pivotal in expanding the sector’s infrastructure and accessibility.

• More than 24.52 Cr people participated in 2024, International Day of Yoga (IDY) which has now become a global phenomenon.

• 10th Year of International Day of Yoga (IDY) 2025 to be a significant milestone with more participation of people across the globe.

The meeting was attended by Union Health Minister Shri Jagat Prakash Nadda, Minister of State (IC), Ministry of Ayush and Minister of State, Ministry of Health & Family Welfare, Shri Prataprao Jadhav, Principal Secretary to PM Dr. P. K. Mishra, Principal Secretary-2 to PM Shri Shaktikanta Das, Advisor to PM Shri Amit Khare and senior officials.