বেনিফিসরীশিংদা সিক্কল সেল জেনেতিক স্তেতস কার্দ য়েন্থোকখ্রে
মধ্য প্রদেশতা এ.বি.-পি.এম.জে.এ.ৱাই. কার্দ চাউরাক্না করোর ৩.৫৭ রোম য়েন্থোকপা হৌখ্রেরানি দুর্গাৱতিগী ৫০০শুবা মপোক কুমওন থৌরম নেস্নেল লেভেলদা পাংথোক্লগনি“সিক্কল সেল অনেমিয়া মুত্থৎপগী কেমপেন অসিনা অমৃত কালগী য়াম্না মরু ওইবা মিসন অমা ওইরগনি”“ঐখোয়গীদমক্তদি, আদিৱাসি ফুরুপ অসি ইলেক্তোরেলগী মশিং খক্তা নত্তে, মখোয় অসি য়াম্না চাউবা সেন্সিতিবিতী অমসুং ইমোশনগী ৱাফম অমনি” “নমথাক্কী গেরেন্তী পীবশিংদগী চেকশিন্না লৈবীয়ু মরমদি মখোয়শিং অসি ‘নিয়ত মে খোত ওর গরীব পর চোত’ (ফত্ত-লৌশিং লৈবশিং অমসুং লাইরবশিংদা শোকহন্নবগী ৱাখল্লোন লৈবা) মীওইশিংনা পীবনি”ভারত মাতা কী জয়।
ভারত মাতা কী জয়।
থৌরম অদুদা শরুক য়ারিবা মধ্য প্রদেশকী গোবর্নর, শ্রী ভঙ্গু ভাই পতেল, মুখ্য মন্ত্রী ভাই শিৱরাজ জী, কেন্দ্রগী কেবিনেত্তা ঐগা থৌ পুমিন্নরিবা শ্রী মন্সুখ মান্দৱিয়আ জী, ফগন সিং কুলস্তে জী, প্রোফেসর এস.পি. সিং বঘেল, শ্রীমতি রেনুকা সিং সরুতা জী, দোক্তর ভারতি পাৱর, শ্রী বিস্বেশ্বর তোদু জী, এম.পি. শ্রী ভি.দি. সর্মা জী, মধ্য প্রদেশ সরকারগী মন্ত্রীশিং, লেজিসলেচর পুম্নমক, লৈবাক্কী মফম কয়াদগী থৌরম অসিদা শরুক য়ারিবা শক্নাইরবা মীওইশিং, অমসুং ঐখোয়বু য়াইফ-থৌজাল পিনবীনবগীদমক্তা লেংবীরক্লিবা মশিং য়াম্লবা ইচিল-ইনাওশিং!
জয় সেৱা, জয় জোহর। ঙসি ঐহাকপু রানি দুর্গাৱতি জীগী শেংলবা মফম অসিদা নখোয় ময়ামগী মরক্তা পুন্নবগী লাইবক ফবা অদু ফংজরে। ঐহাক্না রানি দুর্গাৱতি জীগী খুয়া খাদা হৈকৎ-লৈকৎ তমজরি। মহাক্না পুক্নংই থৌগত্তুনা ঙসি ‘সিক্ল সেল অনিমিয়া এলিমিনেশন মিসন’গী য়াম্না চাউরবা কেমপেন অমা হোদোক্লি। ঙসিমক্তাদা মধ্য প্রধদেশতা বেনিফসরী করোর ১দা আয়ুশ্মান কার্দ পীথোক্লগনি। মসিগী থবক অনিমক অসিদা খ্বাইদগী চাউবা বেনিফিসরী অসি গোন্দ সমাজ , ভিল সমাজ, অমসুং ঐখোয়গী অতোপ্পা আদিৱাসি সমাজকী মীওইশিংনি। ঐহাক্না নখোয় ময়াম্বু, মধ্য প্রদেশকী দবল ইঞ্জিন সরকারবু হন্ন-হন্না নুংঙাইবা ফোংদোক্লি।
মরুপশিং,
ঙসি শাহদোলগী লমদম অসিদা লৈবাক অসিগী য়াম্না চাউবা ফিরেপ অমা লৌরি। মসিগী ফিরেপ অসি ঐখোয়গী লৈবাক অসিগী আদিৱাসি ইচিল-ইনাওশিংগী পুন্সিবু অশোই-অঙাম য়াওদনা তেক্ত-কাইদনা থম্নবা ফিরেপ অদুনি। ফিরেপ অদুদি- সিক্কল সেল অনিমিয়াগী লাইনাদগী কোকহল্লগনি। মসিগী ফিরেপ অসিনা – চহি খুদিংগী সিক্কল সেল অনিমিয়াগী খুবাম নুংদা ফাজিন-পুনশিন্দুনা লৈরিবা অঙাং অমসুং ইমুং লাখ অনিমখাইগী মীওইশিং অদুগী পুন্সি কনবা পাম্লি।
মরুপশিং,
ঐহাক্না লৈবাক অসিগী তোঙান-তোঙানবা মফমশিংদা আদিৱাসি সমাজতা মতম শাংনা লেল্লকখি। সিক্কল সেল অনিমিয়াগুম্বা লাইনা অসি য়াম্না ৱাবা লাইনাশি। মসি নাবশিংনা মখোয়গী লু-তাংদা য়াম্না চিকই, হকচাংদা অপোম-অতং অমসুং য়াম্না চোকথগল্লি। পুক. খোং অমসুং থবাক্তা খাংবা ঙমদবা অনাবা অমা ফাওই, স্বোর য়াম্না থিঙ্গল্লি। মত শাংনা অনাবা খাংলিবা অনাবা মীওই অদুগী হকচাংগী মনুংগী কয়াৎশিং শোকচিনবা হৌরকই। মসিগী লাইনা অসি ইমুংশিংবু মাং-তাকহল্লি। অমসুং মসিগি লাইনা অসি ঈশিং-নুংশিত্তগী থোক্লকপা লাইনা নত্তে, মসি চিঞ্জাক্না থোকহনবশু নত্তে। মসিগী লাইনা অসি মমা-মপাশিংদগী অঙাংদা থংথবা লাইনানি, মসি জেনেতিক্কী ওইবা লাইনা। অমসুং মসিগি লাইনা অসিগা লোইননা পোক্লকপা অঙাং অদুনআ পুন্সি চুপ্পা শিংনবা কয়া মায়োক্নদুনা লৈ।
মরুপশিং,
মালেম পুম্বদা সিক্কল সেল অনিমিয়াগী লৈরিবা থৌদোকশিং অদুদা চাদা ৫০দি ঐখোয়গী লৈবাক খক্তদা লৈ। অদুবু লাইবক থিবা অমনা হৌখিবা চহি ৭০ অসিদা মসিগী মতাংদা কনা আমত্তনা খনখিদে, মসিবু বেংশিন্নবা করিগুম্বা অরিংবা থৌরাং অমত্তা শেমখিদে! মসি মায়োক্নরিবা মীওই অয়াম্বা আদিৱাসি সমাজকী মীওই অয়াম্বনি। আদিৱাসি সমাজবু থৌওইদনা তৌবীবা হান্নগী সরকারশিংগীদমক্তদি মসিদা করিগুম্বা ৱাফম অমত্তা লৈখিদে। অদুবু আদিৱাসি সমাজগী অসিগূম্বা য়াম্না চাউরবা শিংনবা অসি কোকহন্নবগী থৌদাং অদু হৌজিক্তি ভাজপাগী সরকারনা, ঐখোয়গী সরকারনা লৌরে। ঐখোয়গীদমক্তদি আদিৱাসি সামজ অসি সরকারগী ওইবা মশিং খক্তমক নত্তে। মসি ঐখোয়গীদমক্তদি মসি য়াম্না সেন্সিতিব ওইবা ৱাফম্নি, থমোইগী ওইবা ৱাফম্নি। ঐহাক্না ইহান-হান্না গুজরাতকী মুখ্য মন্ত্রী ওইবা মতমদা, মদুগী মমাংদগী ঐহাক্না মসিগী মাইকৈদা থবক কয়া অমা হোৎনরকখি। ঐখোয়গী গোবর্নর, শ্রী মঙ্গুভাই আদিৱাসি ইমুংগী য়াম্না মতিকচাবা নেতা অমা ওইরম্মি। চাউরাক্না চহি ৫০দগী ঐহাক অমসুং মঙ্গুভাইনা আদিৱাসিগী মফমশিংদা পুন্না থবক তৌমিন্নরকখি। অমসুং ঐখোয়না আদিৱাসি ইমুংশিংদা চত্তুনা মসিগী লাইনা অসিবু করম্না মুথৎকনি , মীয়াম্দা মসিগী মতাং করম্না এৱেয়রনেস পীগনি হায়বগী মতাংদা লেপ্তনা থবক তৌরকখি। ঐহাক্না গুজরাতকী মুখ্য মন্ত্রী ওইরবা মতুংদশু মসিগা মরি লৈনবা কেমপেন কয়া অমা হৌদোকখি। ঐহাক্না প্রধান মন্ত্রী ওইরবা মতুংদা জাপান চৎপা মতমদা, ঐহাক্না মফম অদুগী নোবেল প্রাইজ ফংলবা সাইন্তিস্ত অমগা ইনখি। ঐহাক মহাক অসি সিক্কল সেল অনিমিয়াদা রিসর্চ য়াম্না তৌখ্রে হায়বা খঙলকখি। ঐহাক্না জাপানগী সাইনতিস্ত অদুদগীশু সিক্কল সেল অনিমিয়াগি লাইয়েংগী মাতংদা মতেং নিখি।
মরুপশিং,
সিক্কল সেল অনিমিয়াদগী কোক্ননবগী কেমপেন অসি, অমৃত কালগী য়াম্না মরু ওইবা মিসন অমনি। অমসুং ঐহাক্না থাজৈ মদুদি, লৈবাক অসিনা নিংখা তম্বগী চহি ১০০শুরকপা মতমদা, ২০৪৭ ফাওবদা ঐখোয় ময়াম পুন্দুনা, মিসন মোদতা কেমপেন তৌদুনা মসিগী সিক্কল সেল অনিমিয়াদগী ঐখোয়গী আদিৱাসিগী ইমুংশিংবু কোকহল্লগনি, লৈবাক অসিবু কোকহল্লগনি। অসমুং মসিগীদমক্তা ঐখোয় পুম্নমক্না ইশাগী ইথৌদাং মশক খঙনা লৌবা মথৌ তাই। সরকারবু ওইরো, হেল্থ ৱার্করশিংবু ওইরো, আদিৱাসিবু ওইরো ময়াম পুন্নআ লেং মান্ননা থবক তৌবা মথৌ তাই। সিক্কল সেল অনিমিয়া নাবা মীওইশিংবু ঈ কাপ্পগী মথৌ তাই। মরম অদুনা মখোয়গীদমক্তা ব্লদ বেঙ্ক হাংদোক্লগনি। মখোয়বু লাইয়েংনবগীদমক্তা বোন মেরোত্রান্সপ্লান্ত তৌবগী ফেসিলিতীশিং হেনগৎহল্লগনি। সিক্কল সেল অনিমিয়াগী অনাবশিং স্ক্রীনিং তৌবা হায়বসি বাম্না মরু ওই, মসি নখোয়নশু হেন্না খঙলম্লগনি। মপান্দা লাইওং অমত্তা উত্তনা কনাগুম্বা অমনশু সিক্কল সেলগী কেরিয়র ওইবা য়াই। অসিগুম্বা মীওইশিং অসিনা মশানা খঙজদনা মচাদা মসিগী লাইনা অসি থাংধখিবা য়াই। মরম অদুনা মসি খঙদোক্নবা য়েংথোকপা , স্ক্রীনিং তৌবা হায়বসি য়াম্না তঙাইফদে। য়েংথোক্তবা মতমদা অনাবা অদুনা মসিগী লাইনা অসিগী মতাংদা করিমত্তা খঙদবা য়াই। অদুনা লুহোংদ্রিঙৈগী মমাংদা সিক্কল সেল অনিমিয়াগী তেস্ত শোইদনা তৌথোক্কদবনি।
মরুপশিং,
অসুম্না তৌরবা মতমদতা লাইনা অসিবু মীরোল অমদগী মীরোল অমদা লানখিবদগী থিংবা ঙমগনি। মরম অদুনা, ঐনা হায়জনিংবদি, মীপুম খুদিংমক্না সক্রীনিং তৌবগী কেমপেনদা শরুক য়াবীয়ু, ইশাগী কার্দ শেম্বীয়ু, লাইনা অদুগী তেস্ত তৌথোকপীয়ু। মসিগী থৌদাং অসি লৌনবগীদমক্তা খুনাই মশামক্না চোংধোরক্লিবা মখৈসিক্ল সেল অনিমিয়াদাগী কোকপদা হেন্না লাইগনি।
মরুপশিং,
লাইনা নাবা মতমদা নারিবা মীওই অদুখক্তমক নাবা খক্তা নত্তে মদুনা নারিবা মীশক অদুগী ইমুং-মনুং পুম্নমকপু ৱাহল্লি। কনাগুম্বা মীওই অমনা নাবা মতমদা, ইমুং-মনুং পুম্বা লাইর-অনংগী লাংদা থুই। অমসুং ঐহাক অসি নখোয়গা য়াম্না খেৎনবা ইমুংদগী লাকপা মীওই নত্তে। ঐহাক নখোয় ময়ামগী মরক্তগী হৌজিক ওইরিবা ফিভম অসিদা য়ৌরকখিবনি। মরম অদুনা ঐহাক্না নখোয় ময়ামগী অৱাবা অদু ময়েক শেংনা খঙই। মরম অদুনা ঐখোয়গী সরকার অসিনা অসিগুম্বা য়াম্না লুরবা লাইনাশিং অসিবু কোকহন্নবগীদমক্তা অয়ুক, নুংথিল, নুমিদাং খাইদনা কন্না হোৎনরি। অসুম্না হোৎনখিবা অদুনা ঙসিদি লৈবাক অসিদা তি.বি.গী থৌদোকশিং হন্থরকখ্রে। হৌজিক্তি লৈবাক অসিদা ২০২৫ ফাওবদা দি.বি.বু মরু ফংনা মুত্থৎনবা থবক তৌরি।
মরুপশিং,
ঐখোয়গী সরকার লাক্ত্রিঙৈগী মমাংদা ২০১৩দা কালাজারগী থৌদোক লিশিং ১১ লাকখি। ঙসিদি মসি হন্থরদুনা লিশিংদগীশু তানা লাক্লে। ২০১৩দা মেলরিয়াগী থৌদোক লাখ ১০ লাকখি, ২০২২দা মসি অসুম-অসুম হন্থরক্তুনা লাখ অনিদগীশু তাখ্রে। ২০১৩দা লেপ্রোসীগী পেসেন্ত লাখ ১.২৫ লৈরম্মি অদুবু ঙসিদি মসিগী মশিং অসি হন্থরক্তুনআ লিশিং ৭০-৭৫ খক্তমক লৈহৌরে। হান্নদি মেনিঙগাইতিসনা কয়াদা ৱাহ্লম্বা, মদুশু ঐখোয় ময়াম্না লোইনা খঙই। হৌখিবা চহি খরা অসিদা মসিগি লাইনা অসি নাবাশিংগী মশিংদশু হন্থরকখ্রে। হায়রিবা অসি মশিং খরাগী ৱাফম নত্তে। লাইনা নাবা হন্থরকপা মতমদা, মীশিংনা নুংঙাইতবা, অনাবা, খুদোংথিবা অমসুং অশিবা হায়বসিদগী নান্থোকই।
ইচিল-ইনাওশিং,
ঐখোয়গী সরকার অসিনা লাইনা হন্থহন্নবা হোৎনরি, মসিগা লোইননা লাইনা নাবদা চংবা চাদিংশু হন্থহন্নবা হোৎনরি। মরম অদুনা আয়ুশ্মান ভারত য়োজনা অসিবু পুরক্লিবনি, মসিনা মীয়ামদা লৈগদবা পোৎলুম অদু হন্থহল্লগনি। ঙসি মফম মধ্য প্রদেশতামী করোর ১বু আয়ুশ্মান কার্দ পীখ্রে। করিগুম্বা লাইরবা অমনা হোসপিতালদা চৎপগী মথৌ তারকপা মতমদা , মসিগী কার্দ অসিনা মসাগী ফুরিৎখাওদগী চৎকদবা লুপা লাখ ৫গী এ.তি.এম. কার্দ অমগী মথৌ তৌরগনি। নখোয়না নিংশিংবীয়ু, ঙসি নখোয়দা ফংলিবা কার্দ অসিনা হোসপিতালশিংদা মসিগী মমল অসি লুপা লাখ ৫গা চপ মান্নৈ। নখোয়দা মসিগী কার্দ অসি লৈরবদি নখোয়বু লাইয়েংবদা কনা অমত্তনা য়াদবা ঙম্লোই, শেল হায়বা ঙম্লোই। অমসুং মসি হিন্দুস্তানগী মফম অমত্তদা নখোয়দা নুংঙাইতবা লৈরবদি, মফম অদুগী হোসপিতালদা চত্তুনা মোদীগী গেরেন্তী কার্দ অসি উৎপীয়ু, মফম অদুদশু নহাকপু লাইয়েংবা য়াগনি। য়ুশ্মান কার্দ অসি লাইরবশিংগী লাইয়েংনবগীদমক্তা লুপা লাখ ৫গী গেরেন্তীনি অমসুং মসি মোদীগী গেরেন্তীনি।
ইচিল-ইনাওশিং,
লৈবাক পুম্বদা আয়ুশ্মান য়োজনাগী মতুং ইন্না, হোসপিতালশিংদা চাউরাক্না লাইরবা করোর ৫ লাইয়েংখ্রে। করিগুম্বা আয়ুশ্মান ভারতকী কার্দ লৈরমদ্রবদি, লাইরবশিং অসিনা লুপা লরো লাখ ১ হেন্না তিংদুনা লাইনা অসিবু লাইয়েংবগী মথৌ তারমগনি। নখোয়না খন্দুনা য়েংঙু, মসিদা মী কয়া অমা হিংবগী আশা ফাওবা তৌরুদ্রবা কয়া অমা য়াওরমগনি। ইমুং কয়া অমনা লাইয়েংনবগীদমক্তা য়ুম-ইংখোল ফাওবা য়োনবগী ফিভমদা লৈরম্বা কয়া অমা য়াওরমগনি। অদুবু ঐখোয়গী সরকার অসিনা অসিগুম্বা অরুবা তাঞ্জা অসিদা লাইরবশিংগা লেপ্লি। লুপা লাখ ৫গী আয়ুশ্মান য়োজনা গেরেন্তী কার্দ অসি লাইরবশিংগী খ্বাইদগী চাউবা অৱাবা অদুবু হন্থহন্নবগী গেরেন্তীনি। অমসুং নখোয়দা ফংলিবা কার্দ অসিদা লুপা লাখ ৫ ফাওবগী লেম্না লাইয়েংবা হায়না ইরি। লৈবাক অসিদা করিগুম্বা মতম অমত্তদা লাইরবশিংদা লুপা লাখ ৫গী গেরেন্তী অসিন কনাগুম্বা অমত্তনা পীখিদে, মসি লাইরবা ইমুংশিংগীদমক্তা লৈবা ভাজপা সরকারনি, নখোয়দা লুপা লাখ ৫গী গেরেন্তী কার্দ পীরিবসি মোদীননি।
মরুপশিং,
গেরেন্তী কার্দকী মতাংদা খন্নরিঙৈগী মতাং অসিদা নখোয়দা নমথাক্কী গেরেন্তী পীবশিংদগী চেকশিন্না লৈগদবনি, অমসুং মশাগী গেরেন্তী লৈতবশিংনা, নখোয়দা গেরেন্তী পীবা অনৌ-অনৌবা স্কীম কয়া অমা পুদুনা লাক্লি। মখোয়গী গেরেন্তীগী মরুমদা লোৎলিবা লৌনম অদুবু খঙবীয়ু। নম্থাক্কী গেরেন্তীগী মিংদা মখোয়গী নমথাক্কী লাল্লোং অদুবু খঙবীয়ু।
মরুপশিং,
মখোয়না মৈ লেম্না ফংহনগনি হায়না গেরেন্তী পীবা মতমদা মসিনা হায়রিবসি মখোয়না মৈগী মমল হেনগৎলগনি হায়বনি। মখোয়না লেম্না চৎথোক-চৎশিন য়াহল্লগনি হায়না গেরেন্তী পীবা মতমদা রাজ অদুগী ত্রাফিক সীস্তেমবু মাং তাকহল্লগনি হায়বনি। মখোয়না পেন্সন হেনগৎলগনি হায়না গেরেন্তী পীবা মতমদা মখোয়না কর্মচারিশিংগী থাগী তোলোপ চাং নাইনা ফংলরোই হায়বনি। মখোয়না পেত্রোলগী মমল হন্হল্লগনি হায়বা মতমদা মখোয়না তেক্স হেনগত্তুনা নখোয়গী ফুরিৎখাওদগী শেল লৌথোক্নবা শেম-শারে হায়বনি। মখোয়না ধবক হেন্না ফংহন্নবগী গেরেন্তী পীবা মতমদা মসিনা তাক্লিবসি ইন্দস্ত্রীশিংদা মাং-তাহনগদবা পোলিসীশিং পুরক্লগনি হায়বনি। কংগ্রেসগুম্বা দলশিংগী গেরেন্তীগী ৱাহন্থোক্তি ফত্ত-লৌশিং লৈবশিং অমসুং লাইরবশিংদা শোকহন্নবগী ৱাখল্লোন লৈবনা মখোয়গী শাজৎনি। মখোয়নআ চহি ৭০ অসিদা মবুক থন্না চেং-চাক পীবগী গেরেন্তী পীবা ঙমখিদে। অদুবু প্রধান মন্ত্রী অসিনা লাইরবশিংগী য়াইফ-থৌরাংগী য়োজদগী মী করোর ৮০ হেবনা রেশন লেম্না ফংহন্নবগী গেরেন্তী ফংখি, লেম্না রেশন ফংখি। মখোয়না হৌখিবা চহি ৭০দগী লাইরবশিংবু মমল য়াম্লবা লাইয়েংদগী কোক্ননবগী গেরেন্তী পীবা ঙমদ্রি। অদুবু আয়ুশ্মান য়োজনাদগী বেনিফিসরী করোর ৫০দা হেল্থ ইন্সুরেন্সকী গেরেন্তী ফংলি। মখোয়না চহি ৭০ অসিদা নুপীশিংবু মৈখুদগী কোকহনবা ঙমদ্রি অদুবু উজ্বালা য়োজনাদগি চাউরাক্না নুপী করোর ১০বু মৈখুদগী কোকহন্নবগী গেরেন্তী ফংলি। মখোয়না চহি ৭০ অসিদা লাইরবশিংবু মসানা মরোমদোম লেপচবা ঙমহনখিদে অদু মুদ্র য়োজনানা মী করোর ৮ মখাইদা মশানা মশাবু থবক পীজবা ঙম্লে।
মখোয়গী গেরেন্তীগী ৱাহন্থোক্তি, করিগুম্বা অমদা করিনোমদি অদুম অশোইবা লৈরমদোরবনি। ঙসি ময়াম পুন্না পুশিন্নবগী খোল্লাও লাওরিবা অসি, সোসিয়েল মীদিয়াদা মখোয়গী অরিবা ৱারোল ভাইরল ওইরি। হায়বদি ওপোজিশন্না অমত্তা ওইবগী গেরেন্তী নত্তে। ইমুং-মনুংগী ওইবা পার্তিবা মখোয়গী ইমুং খক্তমক চাউখৎনবা খনগনি। হায়বদি মখোয়দা কৈদৌনুংদা লৈবাক অসিগী ইমুংশিংবু লেং মান্ননা পুখৎপগী গেরেন্তী লৈতে। করপ্সনগী মরাল লৈরবা মীওই অমনা বেল লৌদুনা মপান্দা কোইচৎ-চৎলি। স্কেমগী মরালনা মরম ওইরগা শজাই চারিবাশিং অদুনা স্তেজ অমদা পুল্লপ পুনবা থেংনরি। মসিনা হায়বদি মখোয়দা করপ্সন কোকহন্নবগী গেরেন্তী লৈতে। মখোয়না খোল্লাও অমদা লৈবাক অসিগী মায়োক্তা ৱা ঙাংলি। মখোয়না লৈবাক অসিগী মায়োক্তা লৈবশিংগা ফম্মিন্নদুনা ৱারি শানরি। মসিনা হায়বদি তেরোরিস্ত মুত্থৎনবগী মখোয়দা গেরেন্তী লৈতে হায়বনি। মখোয়না গেরেন্তী পীদুনা নান্থোকখিগনি, অদুগা নখোয়না মদুগী অৱাবা অদু মায়োক্নগনি। মখোয়না গেরেন্তী পীরগা মখোয়গী ফুরিৎখাও থনহল্লগনি, অদুবু মদুগী অমাংবা অদু নখোয়গী নচাশিংগী ওইগনি। মখোয়না গেরন্তী পীদুনা মখোয়গী ইমুংবু খুমাং চাউশিনহল্লগনি, অদুবু মদুগী মমল আদু লৈবাক অসিনা শিংগদৌরিবনি। মরম অদুনা নখোয়না কংগ্রেসগা লোইননা অসিগুম্বা রাজনিতি দলশিং অসিদগী চেকশিন্না লৈগদবনি।
মরুপশিং,
মসিগী নমথাক্কী থাজবা পীবশিংনা হান্নদগীশু হৌনা আদিৱাসিশিংগী মায়োক্তা লৈখি। হান্নদি ত্রাইবল কম্যুনিতীশিংগী নহাশিংদা লোলগী অচৌবা শিংনবা অমা লৈখি। অদুবু নেস্নেল এজুকেশন পোলিসীদা হৌজিক্তি লমদম অদুগী লোলদা লাইরিক-লাইশু তম্বগী খুদোংচাবা পীরে। অদুবু নমথাক্কী গেরেন্তী পীবশিংনা অমুক্কশু নেস্নেল এজুকেশন পোলিসীগী মায়োক্তা লৈখি। মখোয়না ঐখোয়গী আদিৱাসি ইচিল-ইনাওশিংগী অঙাংশিংনা মশাগী মরোলদা লাইরিক তমহনবা পামদে। মখোয়না খঙই মদুদি করিগুম্বা আদিৱাসিশিং, দলিতশিং, ময়ামদগী শোত্থরবা অমসুং লাইরবশিংগী মচাশিংনা খুমাং চাউশিনহনবা পামদে, অদু ওইরবদি মখোয়গী ভোত বেঙ্ককী পোলিতিক্স আদু লোইরগনি। আদিৱাসিগী মফমশিংদা স্কুলশিং, কোলেজশিংনা কয়া য়াম্না মরু ওইবগে হায়বদু ঐহাক্না খঙই। মরম অদুনা ঐখোয়গী সরকার অসিনা অনৌবা একলৱ্য স্কুল ৪০০ হেনবদা আদিৱাসি অঙাংশিংগী রেসিদেন্সিয়েল েজুকেশনগী খুদোংচাবা পীখ্রে। মধ্য প্রদেশকী স্কুল খক্তদা মহৈরোই লিশিং ২৪ হেন্না লাইরিক তম্লি।
মরুপশিং,
হান্নগী সরকারশিংনা ত্রাইবল কম্যুনিতীবু থৌওইদনা থম্লমখি। ঐখোয়না তোঙানবা ত্রাইবল মন্ত্রালয় শেমদুনা মখোয়দা মরু ওইবা পীখি। ঐখোয়না মন্ত্রালয় অসিগী বজেত অদু শরুক ৩ থোক্না হেনগৎহনখি। হান্না জঙ্গল অমসুং লম মুনবশিংদা প্রোতেক্সন ফংহল্লম্মি। ঐখোয়না ফোরেস্ত রাইতস এক্তকী মনুং চন্না তাইতল লাখ ২০ হেন্না পীখ্রে। মখোয়না পেসা এক্তকী মিংদা চহি কয়া অমা রাজনিতিগী ওইবা কোক কয়া শানখি। অদুবু ঐখোয়না পেসা এক্ত চৎনহন্দুনা ত্রাইবল সমাজবু মখোয়গী হক পীখি। হান্নদি ত্রাইবলগী চৎনবীশিং অমসুং মখোয়গী আর্ত-স্কিলশিংশিংবু ফাগী তাহল্লম্মি। অদুবু আদি মাহোতসবগুম্বা অসিবু হৌদোকখি।
মরুপশিং,
হৌখিবা চহি ৯ অসিদা ত্রাইবলগী মিংচৎ পুরক্নবা অমসুং মখোয়বু কন্নাব থবক কয়া অমা পাইখৎখি। হৌজিক্তি নবেম্বর ১৫, ভগ্বান বির্সা মুন্দাগী মপোক কুমওনদা জনজাতিয়া গৌরব দিৱস পালন তৌরগনি। ঙসিদি লৈবাক অসিগী তোঙান-তোঙানবা রাজ্যশিংদা ত্রাইবলগী নিংতম লান্মীশিংদা কত্থোক্লবা ম্যুজিয়ম থম্লগনি। হোৎনরিবশিং অসিগী মরক্তা হান্নগী সরকারগী মওং-মতৌ অদুবুশু কাওরোইদবনি। লৈবাক অসিবু দেকেদ কয়া সরকার পাইরম্বশিং অদুনা লাইরবশিং, ত্রাইবলশিংদা চৎলিবা লিচৎ অদু য়াম্না নুংঙাইতে অমসুং ইকাইবা পীবনি। ত্রাইবলগী নুপী অমবু ভারতকী রাস্ত্রপতিগী ফমদা খনবগীদমক্তা পোলিতিকেল পার্তী ময়াম অমনা উৎলকপা মতৌ অদু নখোয়না উরমগনি। নখোয় এম.পি.গী মীশিংনদি মসি তশেং-তশেংনা উরমগনি। শাহদোল দিবিজনদা নেস্নেল ত্রাইবল য়ুনিভর্সিতী হাংবা মতমদা, মদুগী মমিং অদু মখোয়গী ইমুংগী মমিং থোনখি। শিৱরাজ জীগী সরকারনা গোন্দগী অফাওবা রিভোল্যুশনরি, রাজা শঙ্কর শাহগী মমিং লৌরগা ছিন্দৱারা য়ুনিভর্সিতীগী মমিং থোনখি। তন্ত্যা মামাগুম্বা অথৌবশিংবুশু মখোয়না পুংকাও কাওথোকপীরে অদুবু ঐখোয়না পাতালপানি স্তেশনগী মমিং অদু তন্ত্যা মামাগী মিং লৌরগা থোনখি। মখোয়না গোন্দ সামাজগী য়াম্না মমিং লৈরবা লুচিংবা শ্রী দলৱীর সিং জীবু থৌওইবীখিদে। মদুগী অৱাৎপশিং অদুবু ঐখোয়না মেনখৎখি, ঐখোয়না মহাকপু ইকাইখুম্নখি। ঐখোয়গীদি আদিৱাসিগী অথৌবশিংবু ইআকিখুম্নবা হায়বসি ্দিৱাসি নহা লিশিং কয়া অমবু ইকাইখুম্নবীবনি, নখোয় ময়াম্বু ইকাইখুম্নবনি।
মরুপশিং,
ঐখোয়না অসিগুম্না তুংদশু অসুম্না থবক তৌগদবনি, মসিবু হেন্না খোংজেল য়াংখৎহনগদবনি। অমসুং মসিবু নখোয়গী মতেংদগী, নখৌয়গী থৌজালদগী ওইথোকপআ ঙমগনি। ঐহাক্না থাজৈ মদুদি, নখোয়গী থৌজাল অমসুং রানি দুর্গাৱতিগী থৌজালদগী অসুম্না ঐখোয়বু লমজিং-লমতাকপীবা ওইসনু। হৌজিক শিৱরাজ জীনা হায়খি মদুদি ওক্তোবর ৫দা রানি দুরগাৱতি জীগী ৫০০শুবা মপোক কুমওন লাক্লগনি। ঙসি ঐহাক্না নখোয় ময়ামগী মরক্তা তিল্লরবা অসিদা, রানি দুর্গাৱতিগী মথৌনা-মরিংজেল লৈরবা শেংলবা লমদম অসিদা লাক্লবনিনা ঙসি লৈবাক মীয়ামদা লাউথোক্লি মদুদি রানি দুর্গাৱতি জীগী ৫০০শুবআ মপোক কুমওন অদু লৈবাক শিনবা থুংনা ভারত সরকারনা পালন তৌগনি। রানি দুর্গাৱতিগী পুন্সিদা য়ুমফম ওইবা ফিলম নম্লগনি, রানি দুর্গাৱতিগী শেলয়েক অমসুং পোস্তেল স্তেম্প অমশু পুথোক্লগনি অমসুং মালেম অসিদা চহি ৫০০গী মমাংদা পোক্লম্বা মহাক্কী শেংলবা ইমা শক্লবী মহাক্কী পুক্নিং থৌগৎনিংঙাওই ওইবা ৱাহৈশিং অদুবু হিন্দুস্তানগী য়ুমথোং খুদিংদা য়ৌহন্নবা কেমপেন তৌরগনি।
মধ্য প্রদেশ চাউখৎ-থৌরাংগী অনৌবা অৱাংবা থাক অমদা য়ৌরগনি, অমসুং ঐখোয় ময়াম পুন্না চাউখৎপা ভারত অমগী মঙলান অদুবু মঙফাওনহনগনি। হৌজিক ঐহাক্না মফম অসিগী আদিৱাসিগী ইমুং খরা উনরগনি, ঙসি অসি মখোয়গশু ৱারি-ৱাতাই খরা শাননবগী খুদোংচাবা ফংলগনি। মশিং য়াম্লবা নখোয় ময়াম অমনা মফম অসিদা লাক্লরে, সিক্কল সেল, অয়ুশ্মান কার্দশশিং অসি নখোয়গী লাক্কদবা তুংগী মীরোলশিংগীদমক্তা কন্দুনা ঐহাক্কী চাউরবা কেমপেন অমনি। নখোয়না মসিদা মতেং পাংবীয়ু। মসিগী সিক্কল সেল অসিদগী লৈবাক অসিবু কোকহনগদবনি, ঐগী ্দিৱাসি ইমুংশিংবু মসিগী অৱাবা অসিদগীকোকহনগদবনি। ঐগীদি, মসিগী থবক অসি ঐগী থমোইগী ওইবা মরি লৈনবা থবক্নি অমসুং মসিদা নখোয়গী মতেং পাম্মি, ঐগী আদিৱাসি ইমুংগী মতেং পাম্মি। নখোয় ময়ামদা ঐহাক্না হায়জরি মদুদি, হকচাং ফনা লৈয়ু, নুংঙাই-য়াইফনা লৈয়ু। মসিগী য়াইফ-পাউজেল অসিগা লোইননা নখোয় পুম্নমকপু হন্না-হন্না থাগৎচরি!
ভারত মাতা কী জয়!
ভারত মাতা কী জয়!
ভারত মাতা কী জয়!
হন্না-হন্না থাগৎচরি।
