বিহারগী রাজ্যপাল শ্রী ফাগুন চৌহানজী, বিহারগী মুখ্যমন্ত্রী শ্রী নীতিশ কুমারজী, কেন্দ্রগী মন্ত্রীমন্দলদা লৈবিরিবা ঐহাক্কী খোংবুরোই শ্রী হরদীপ সিংহ পুরী জী, শ্রী রবিশঙ্কর প্রসাদজী, কেন্দ্র অমসুং রাজ্য মন্ত্রীমন্দলগী অতৈ মীহুৎশিং, এম.পি.শিং অমসুং এম.এল.এ.শিং অমদি নুংশিরবা মরূপশিং,
মরূপশিং, ঙসি হৌদোক্কদৌরিবা স্কীমশিং ৪সিদা পতনা শহরগী বেউর অমসুং করম-লীচকমে সিৱেজ ত্রীৎমেন্ত প্লান্ত নত্তনা অমৃত স্কীমগী মখাদা সীৱান অমসুং ছপরাদা ঈশিংগা মরি লৈনবা প্রোজেক্তশিং য়াওরি। মসিদা নত্তনা মুঙ্গলে অমসুং জমালপুর্তি প্রোজেক্তশিং অমসুং নমামী গঙ্গেগী মখাদা রিভর দিবেলপমেন্ত স্কীমগীসু ঙসি উরেপ-উয়ুং তমখ্রে। শহরগী লায়রবশিং, শহরদা লৈরিবা ময়ায় ওইবা থাক্কী মীশিংগী পুন্সি মহিং অসি লাইথোকহল্লগদবা অনৌবা খুদোংচাবশিং অসিগীদমক্তা নুংঙাইবা ফোংদোকচরি।
মরূপশিং, ঙসি ঙসিগী থৌরম অসি অথোইবা নুমিৎ অমদা পাংথোক্লি। ঙসি ঐখোয় ইঞ্জীনিয়রগী নুমিৎ পাংথোকমিন্নরসি। লৈবাক অসিগী অথোইবা ইঞ্জীনিয়র এম.বিশেশ্বরৈয়াগী মপোক নুমিৎনি, মহাক্কী নিংশিংবা ওইনা কত্থোকচবনি। ঐখোয়গী ভারতকী ইঞ্জীনিয়রশিংনা ঐখোয়গী লৈবাকসিগী অমদি মালেমগী শেম-শাবগী থবক্তা হান্না অমুক্তা তৌখিদ্রিবা মওংদা থৌদাং লৌরি। থবক্কীদমক্তা কত্থোকপা ওইরো নত্রগা য়াম্না অকুপ্পা মিৎয়েং থম্বদা ওইরো ভারতকী ইঞ্জীনিয়রশিংসি মালেমসিদা তোঙানবা মওংদা মশক খংনৈ।
ঐখোয়গী ইঞ্জীনিয়র অসি লৈবাক অসিগী চাউখৎপা অসি মপাঙ্গল কনখৎহন্দুনা খুমাং চাউশিলহল্লিবা অসি চাউথোক্নিংঙাইনি। ঐহাক্না মসিগী তাঞ্জা অসিদা ইঞ্জীনিয়রশিং খুদিংমকপু, মখোয়না শেম-শাগৎপগী থৌনা-পাঙ্গল অদুবু নোল্লুকচরি। লৈবাক শেম্বগী থবক অসিদা বিহারগীসু য়াম্না চাউবা থৌদাং য়াওরি। বিহার অসিদি লৈবাকসি অনৌবা মওংদা চাউখৎহল্লিবা ইঞ্জীনিয়র লাক্ষ কয়া অমা পীরি। বিহারসি ইনভেন্সন অমদি ইনোবেসনগা হায়বগা মান্নরক্লি। বিহারগী মচানুপা কয়ানা চহি খুদিংগী লৈবাক অসিগী খ্বাইদগী চাউবা ইঞ্জীনিয়রিং ইন্সতিত্যুৎশিংদা য়ৌই, মখোয়গী মঙাল চাইথোক্লি। ঙসি মপুং ফারিবা প্রোজেক্তশিং, থবক তৌবা হৌখ্রবশিং অদুদসু বিহারগী ইঞ্জীনিয়রশিংগী অচৌবা থৌদাং লৌরি। ঐহাক্না বিহারগী মীপুম খুদিংমকপু, মরুওইনা ইঞ্জীনিয়রশিংদা ইঞ্জীনিয়রগী নুমিৎ অসিগীদমক্তা নুংঙাইবা ফোংদোকচরি।
মরূপশিং, বিহার অসি পুৱারীগী সিতিশিংগী লম্নি। মফমসিদা চহি কয়া লিরবা সিতিশিংনা পিক-থন্না লৈবা ইপা-ইপুশিংনা থম্বিরম্বা পোৎলম কয়া অমা লৈরি। লিরবা মতমগী ভারত্তা গঙ্গাগী তোর্বান্দা লৈরিবা শেল-খুম, ইনাৎকী ওইবা অমদি রাজনীতিগী ওইবা কয়ানা মরাং কাইরবা অমদি পিক থল্লবা সিতিশিং শেমগৎখি। অদুবু মীনাই নাইথাংগী শাংলবা মতম অদুদা মসিগী ইপা-ইপুগী থম্বিরম্বশিং অসি য়াম্না অমাং-অতা থোকহখি। নিং-খা তম্লবা মতুংদা চরি খরা ফাওবা বিহারগী চাউরবা অমদি মিৎয়েং শানবা মীনাই-নাইথাংগী মতম অদুদা অতেক-অকাইশিং অদু মেনশিন্নবা কন্না হোৎনখিবা লুচিংবশিংনা লমজিং-লমতাকখি। অদুবু মসিগী মতুংদা বিহারদা মরুওইবা খুদোংচাবশিং শেমগৎ-শাগৎপগী মহুত্তা হান্না তৌগদবা অমদি ৱাশকশিংদা ওন্থোকখিবা মতম অমা লৈখি। রাজ্যশিংদা লৈবাক ঙাকপগী পান্দমদগী নাথৈখি। মসিনা বিহারগী খুঙ্গং অসি শোত্থদুনা লৈহৌখি অমদি হান্না চাউখৎপগী খুদম ওইরম্বা শহরদুদা ইনফ্রাস্ত্রকচরগী থাক অসি ফগৎহনবা ঙম্লমখিদে। লম্বিশিং ওইরো, লৈরকশিং ওইরো, থক্নবা ঈশিংগী ওইরো,ইরম-নালা ওইরো, অসিগুম্বা খুদোংচাদবা কয়া অমা য়ৈথোকখিবা নত্রগা মরি লৈনবা থবকশিংদু স্কেম ওইশিনখিরম্মি।
মরূপশিং, করিগুম্বা লৈঙাক অসিদা মশাগী ওইজবা থিবদা লাইচুখ্রবা ভোৎবেঙ্ককী মেকানিজম সিস্তেম অসি নমশিল্লক্লবা,মদুনা খ্বাইদগী হেন্না শোকহল্লিবা মীওই কাংলুপ অসি তুহৎপিরবা, থওইবিদ্রবা, ওৎপী-নৈবিরবশিংনি। হারগী মীশিংনা মসিগী চৈনাসি চহি কয়াফাওবা খাংলক্লি। ঈশিং অমদি সিৱেজগুম্বা মরুওইনা মথৌ তাবশিং অসি লোইশিন্দবনা ৱাহনগদৌরিবা অসি ঐখোয়গী ইমা-ইচেশিংনা, লায়রবশিংনা, দলিৎশিংনা, শোত্থরবা, য়াম্না শোত্থরবশিংননি। অমোৎপা মফমদা লৈবদগী থক্ত য়াদবদগী অমোৎপা ঈশিং থকপনা মীশিংনা লায়না কয়া নারম্মি। অসিগুম্বসিদা মখোয়না তাঞ্জবা শেলশিং অদুদগী অচৌবা শরুক অদু লায়েংবদা চংখিরম্মি। কয়ারক হন্না ইমুং অদুনা চহি কয়াফাওবা শেন্দোন্না নল্লমখি। অসিগুম্বা ফিভম অসিদা, বিহারগী চাউরবা খুন্নাই কাংলুপ অমনা শেন্দোন, লাইনা, মতেং পাংবীনবা লৈতবা অমসুং লাইরিক্কী মঙাল ৱাৎপনা মখোয়গী থাজবা অদুদা য়াম্না হকচিন্না শোকহনখি। লায়রবগী মফমদা অশুক য়াম্না মীওইবগী লিচৎ নত্তবা করি অমা লৈরমখিগদগে?
মরূপশিং, হৌখিবা চহি তরামঙাসিদা নীতীশজী, সুশীলজী অমসুং মহাক্কী কাংবুনা খুন্নাইসিগী খ্বাইদগী শোনবা মীশিংগী থাজবা হঞ্জিলহল্লক্নবা হোৎনবিরি। নুপীমচাশিং মহৈ তম্বদা, পঞ্চায়েৎ য়াওনা মফমদুগী য়ুনিত্তা থওইবিদ্রবা, ওৎপী-নৈবিরবনা খু্ন্নাইদা শরুক য়াহনবদা হেন্না মরুওইনা লৌরি, মসিনা মখোয়গী থাজবা হেনগৎহল্লক্লি। ২০১৪দগী হৌদুনা, ইনফ্রাস্ত্রকচরগা মরী লৈনবা স্কিম পুম্নমক গ্রাম পঞ্চায়ৎ অমসুং লোকেল বোদীশিংদা শিন্নখ্রে। হৌজিক্তি থবক ওইনা পায়খৎনবগী প্লান তৌবা, স্কিম অদুবু ঙাকশেনবদগী হৌদুনা লোকে বোদীশিং অসিনা মখোয়দা করি ৱাৎলিবগে হায়বদু য়েংশিঞ্জবা ঙম্লে অমসুং মসিনা মরম ওইদুনা বিহারগী শহরশিংদা থক্নবা ঈশিং অমসুং সিৱেজগুম্বা তঙাইফদবা খুদোংচাবশিং লেপ্পা লৈতনা চাউখৎলক্লি। হৌখিবা চহি তরামঙাসিদা নীতীশজী, সুশীলজী অমসুং মহাক্কী কাংবুনা খুন্নাইসিগী খ্বাইদগী শোনবা মীশিংগী থাজবা হঞ্জিলহল্লক্নবা হোৎনবিরি। নুপীমচাশিং মহৈ তম্বদা, পঞ্চায়েৎ য়াওনা মফমদুগী য়ুনিত্তা থওইবিদ্রবা, ওৎপী-নৈবিরবনা খু্ন্নাইদা শরুক য়াহনবদা হেন্না মরুওইনা লৌরি, মসিনা মখোয়গী থাজবা হেনগৎহল্লক্লি। হৌজিক কেন্দ্র অমসুং বিহার সরকারগী হোৎনবশিংদগী বিহারগী শহরশিংদা থবক্নবা ঈশিং অমসুং ইরম-নালানচিংবা মরুওইবা খুদোংচাবশিংসি লেপ্তনা ফগৎহল্লি। মিশন অমৃত অমসুং রাজ্য সরকারগী স্কীমশিংদগী হৌখিবা চহি ৪-৫দা বিহারগী শহরশিংদা ইমুং লাক্ষ কয়াদা থক্নবা ঈশিংগী খুদোংচাবা লৈহনখ্রে। লাক্কদৌরিবা চহিশিং অসিদা বিহার অসি য়ুম খুদিংদা পাইপকী ঈশিং য়ৌবা লৈবাক অসিগী রাজ্যশিং মনুংদা অমা ওইরগনি। মসি বিহারগী ওইনা চাওনা মায় পাকপা অমা ওইগনি, বিহারগী চাইথোকচনিংঙাই ওইবা ৱাফম অমা ওইগনি।
মসিগী অচৌবা পান্দম অসি ফংনবগীদমক্তা কোরোনাগী লুরবা তানফম অসিদসু বিহারগী মীশিংনা লেপ্তনা থবক শুরি। হৌখিবা থা খরসিদা খুঙ্গংগী লমদা লৈবা ইমুং লাক্ষ ৫৭তগী হেনবদী ঈশিংগী পাইপ কনেক্সন ফংহনখ্রে। মসিদা প্রধানমন্ত্রী গরীব কল্যান রোজগার অভিয়ানগীসু য়াম্না অচৌবা থৌদাং পাংথোকখি। ঐখোয়গী শিন্মী মরূপ লিশিং কয়া কোরোনানা মরম ওইদুনা অতোপ্পা রাজ্যশিংদগী বিহারদা হল্লকখিবশিংনা মসিগী থবক অসি পাংথোক্তুনা উবা ফংহল্লে। জল জীবন মিশন অসি থুনা-য়াংনা থবক পাংথোক্লিবা অসি বিহারগী শিন্মী মরূপশিং অসিগী মফমদা কত্থোকচরি। হৌখিবা চহি ১দা জল জীবন মিশনগী মখাদা লৈবাকপুম্বদা ঈশিংগী কনেক্সন করোর ২দগী হেন্না শমখ্রে। ঙসি লৈবাকসিদা নুমিৎ খুদিংগী ইমুং লাক্ষ অমদগী হেনবদা পাইপতগী ঈশিংগী অনৌবা কনেক্সন্না শমজিন্নহল্লি। অফবা ঈশিং অসি শুপ্নতগী পুন্সি অসি ফগৎহনবদা নত্তনা শাথিবা লায়না কয়াদগীসু ঙাকথোকই।
মরূপশিং, শহরগী মফমশিংদসু বিহারগী মীওই লাক্ষ কয়াদা অফবা ঈশিংগী কনেক্সন ফংহন্নবা থবক অসি থুনা-য়াংনা পায়খৎলি। হরগী মফমশিংদসু বিহারদা লৈবা ইমুং লাখ ১২ রোমদা অমৃত য়োজনাগী মখাদা খোংজেল য়াংনা অরুবা ঈশিং পীরি অমসুং ইমুংশিং অসিগী মনুংদা লাখ ৬তি মাংজৌননা ঈশিং ফংহনখ্রে। ৱাৎহৌরিবা ইমুংশিং অদুদসু য়াম্না থুনা ঈশিংগী খুদোংচাবা ফংহল্লগনি। ঙসি প্রোজেক্তশিং উরেপ-উয়ুং তম্লিবা অসি মসিগী ৱাশক অসিগী শরুক অমনি।
মরূপশিং, অর্বানাইজেসন অসি ঙসিগী মতমসিগী অচুম্বনি। অদুবু চহি কয়াদগী ঐখোয়গী পুক্নিংদা অর্বানাইজেসনসি খুদোংচাদবনি, খুরৌনি হায়না ঐখোয়না খন্নখি। অদুবু ঐহাক্তি অসিগুম্বা নত্তে হায়না খনখি। শুংনৎ নত্তে হায়না খনখি। বাবা সাহেবনদি মতম অদুদা মসিগী অশেংবা অসি খংবিখি অদুগা মহাক্না অর্বানাইজেসনবু চাউনা শৌগৎপা অমসু ওইখিরম্মি। মহাক্না অর্বানাইজেসন অসি অরুবা ৱাফম ওইনা লৌখিরমদে, মহাক্না লায়রবদগী লায়রবা মীশিংনসু খুদোংচাবা ফংবা, পুন্সি মহিং অসি লায়থোকহন্নবগী লম্বি ফাৎপা শহর অমা ওইহন্নিংবগী ৱাখল্লোন অমা শাগৎখি। ঙসি ঐখোয়গী শহরশিংদা পাংথোকপা য়াবশিং লৈবা, খুঞ্জাও-লৈচাউবা ওইবা, ইকাই খুম্নবা ওইবা, মপাঙ্গল লৈবা খুন্নাই ওইবা অমদি খুদোংচাবশিং লৈবা অসিনি মথৌ তারিবা। হায়বদি শহরশিং অসি মীয়াম পুম্বদা মরুওইনা ঐখোয়গী নহাশিংদা মমাং থানা চৎপা য়ানবগী অনৌবা অমদি মপাল নাইদবা থবক কয়া লৈগদবনি। ইমুং খুদিংমক্না চাউখৎনা, নুংঙাই য়াইফনা হিংবা ঙম্বা শহর লৈহনগদবনি। শহর অমা হায়বসি লাইরবা, তোল্লবা, শোত্থরবা, নুপীশিংনা ইকাই খুম্নবিবা পুন্সি ফংবা মফম ওইগদবনি। শোই-ঙাম্লোইদবা, ৱায়েল-পথাপ লৈবা ওইগদবনি। কাংলুপ খুদিংমক পুন্না অমত্তা ওইনা লৈমিন্নবা ঙম্বা খুন্নাই অমা ওইহনগদবনি। অনৌবা খুদোংচাবশিং, অনৌবা ইনফ্রাস্ত্রকচরশিং লৈবা শহর ওইগদবনি। মসিনি ইজ ওফ লিভিং হায়বসে। মসি লৈবাক অসিগী মংলান্নি, মায়কৈ অসিদা লৈবাক অসি মমাং থানা চংশিল্লি।
মরূপশিং,
লৈবাক অসিদা ঙসিদি অনৌবা অর্বানাইজেসন অমা উবা ফংলে। হান্নদি লৈবাক অসিগী মেপ্তা অমত্তা ওইনা উনরম্বা অদু ঙসিদি লৈরি হায়বদুসু খংহল্লে অদুগা পুক্নিংদসু ফাওহল্লি। শহরশিং অসিদা ঐখোয়গী নহা ওইরিবশিংনা অচৌ-অচৌবা প্রাইভেৎ স্কুলশিংদা, কোলেজশিংদা তম্বা ফংনরমদবা, য়াম্না ইনাক খুনবা ইমুংদগী লাকপা নত্তবশিং ঙসিদি য়াম্না নিংথিনা থবক পাংথোক্লি, মায় পাকপগী অনৌবা দাইমেন্সন অমা শেম্লি। চহী খরগী মমাংদদি অর্বানাইজেসন হায়রগা অখন্নবা শহর খরগী মফম খরখক্তা চাউখৎপদুবু খঙনরম্মি। অদুবু হৌজিক্তি ৱাখল্লোন্দু হোংলে। অমসুং বিহারগী মীয়াম্না মখোয়গী পুন্সিবু ভারতকী অনৌবা অর্বানাইজেসন্দা মতেং চাউনা পাংলি।
মরূপশিং, আত্মনির্ভর বিহারগীদমক, আত্মনির্ভর ভারত ওইহন্নবগীদমক্তা মিশন অসি খোংজেল য়াংহন্নবগীদমক্তা মরুওইনা লৈবাক অসিগী মপিকপা শহরশিংগী হৌজিক্কী ওইবা নত্তবা তুংদা মথৌ তারক্কদবশিং অসিগী মতুং ইন্না শেমগৎপা য়াম্না মথৌ তাই। য়েংগদবনি। মসিগী ৱাখল্লোন অসিগা লোইননা, অমৃত মিশনগী মখাদা, বিহারগী শহর কয়া শেমগৎনবগীদমক মরুওইবা খুদোংচাবশিং শেমগৎপগা লোয়ননা ইজ ওফ লিভিং অমসুং ইজ ওফ দুইং বিজিনেসকীদমক্তা হেন্না ফবা ফীভম অমা ওইহন্নবা অকনবা মিৎয়েং থম্লি। অমৃত মিশনগী মখাদা হায়রিবা শহরশিংদা ঈশিং অমদি সিৱেজগা লোয়ননা গ্রীন জোন, পার্ক, এল.ই.দি. স্ত্রীৎ লাইৎনচিংবা থৌরাংশিং শেমগৎনবা তৌরি। মসিগী মিশন অসিগী মখাদা বিহারগী শহরশিংদা , মীওই লাক্ষ কয়াগী পুন্সি অসিদা অফবা সিৱেজ সিস্তেমদগীসু শমজিন্নখ্রে। মসিদসু লায়রবদগী লায়রবা ইমুং কয়া লৈবা মফম কয়াশিংদসু খুদোংচাবা কয়া অমা লৈহনখ্রে। বিহারগীসু এল.ই.দি. স্ত্রীৎ লাইৎ লাখ ৪.৫ হেন্না ম্যুনিসিপাল বোদী ১০০ হেনবদা হাপখ্রে। মসিগী মরম্না, লম্বী শোরোক অমসুং অপীকপা শহরশিং ফগৎলক্লি, করোর কয়াগী মৈ তুংশিনবা ঙম্লে অমসুং মীয়ামগী পুন্সি ফগৎপা হেল্লক্লি।
মরূপশিং,
বিহারগী মীশিংগা গঙ্গাগা য়াম্না হকচিন্না মরি লৈনৈ। গঙ্গা ঈশিংগী অফবসিনা মীওই কয়াগা হকথেংননা শাফু পীরি। গঙ্গাজীগী লু-নানবসিমক্তদা খল্লগা বিহারদা মীওই করোর লিশিং ৬তগী হেন্না প্রোজেক্ত ৫০দগী হেন্না অয়াবা পীখ্রে। গঙ্গাজীগী অসি ইং-তপ্লবা অমসুং অতৎ-অখম লৈতবা ওইহন্নবা কেম্পেন অসি অসুম খুমাং চাউশিল্লক্লিবগী মতিক তুরিজমগী অনৌবা দাইমেন্সনশিংগসু শম্নরক্লি। নমামী গঙ্গে মিশনগী মখাদা বিহার য়াওনা লৈবাকসিগী তোর্বান ১৮০দগী হেনবদা ঘাৎশিং শাবগী থবক চত্থরি। মসিদা ঘাৎ ১৩০দি শাবা লোইখ্রে। মসিগীদমক্তা ৱাতর ত্রিৎমেন্ত প্লান কয়া অমা থম্লক্লি। ঙসিগী বেউর অমসুং করম-লীচক্কী স্কীম অসি হৌদোক্লে, মসিদগী মফমসিদা লৈরিবা মীও লাক্ষ কয়াদা কান্নহল্লগনি। মসিগা লোয়ননা গঙ্গাজীগী তোর্বান্দা তারিবা খুঙ্গংশিংদা ‘গঙ্গা গ্রাম’গী মওংদসু শেমগৎলি। খুঙ্গংশিংদা অমাংশঙ লাক্ষ কয়া অসি শারবা মতুংদা ৱেস্ত মেনেজমেন্ত অমসুং বাইও-ফার্মাগুম্বা থবক অসি পুক্নিং থৌগৎলি।
মরূপশিং, গঙ্গাজীগী তোর্বান্দা তারিবা খুঙ্গং অমসুং শহর, থাজবা অমসুং স্পিরিচুএলগা মরি লৈনবা তুরিজমগী মরুওইবা সেন্তর ওইরি। গঙ্গাজীগী অসি ইং-তপ্লবা অমসুং অতৎ-অখম লৈতবা ওইহন্নবা কেম্পেন অসি অসুম খুমাং চাউশিল্লক্লিবগী মতিক তুরিজমগী অনৌবা দাইমেন্সনশিংগসু শম্নরক্লি। নমামী গঙ্গে মিশনগী মখাদা বিহার য়াওনা লৈবাকসিগী তোর্বান ১৮০দগী হেনবদা ঘাৎশিং শাবগী থবক চত্থরি। মসিদা ঘাৎ ১৩০দি শাবা লোইখ্রে। মসিদা নত্তনা মোক্ষ ধামশিংদসু থবক মপুং ফানা লোইশিনখ্রে। লৈবাক অসিদা গঙ্গা তোর্বানশিংগী মফম কয়াদা অনৌবা খুদোংচাবশিং য়াওবা রিভরফ্রন্তকী থবকসুং য়াংনা চত্থরি। পতনাদদি রিভরফ্রন্তকী প্রোজেক্ত অসি লোইখ্রে অমসুং মুজফ্ফরপুরদসু অসিগুম্বা রিভরফ্রন্তসিমক সান্নবগী উরেপ-উয়ুং তমখ্রে। মুজফ্ফরপুরগী আখাড়া তোর্বান, সীঢ়ী তোর্বন অমসুং চন্দৱারা তোর্বান অসি শেমগৎলবদি মফম অসি তুরিজমগী অচৌবা সেন্তর অমা ওইগনি। বিহারদা অসুক য়াংনা থবক পাংথোক্কনি, থবক হৌরবা মতুংদা মপুংসু ফাহনগনি, মসিগী ৱাফম অসি চহি করামঙাগী মমাংদা শাগৎখিবা য়ারম্বনি। অদুবু নীতীশজীনা কন্না হোৎনবশিং অসিনা কেন্দ্র সরকারগী হোৎনবশিং অসিনা মসি অচুম্বা ওইনা পুথোক্তুনা উহল্লে। মসিগী হোৎনবশিং অসিনা লাক্কদৌরিবা শথী ইমাগী ইরাৎ-থৌনি মতমদা বিহারগী মীশিংদা, মরুওইনা বিহারগী মীশিংগী খুদোংচাদবশিং অদু হন্থহল্লগনি, মখোয়গী খুদোংচাবা হেনগৎহল্লগনি। ইমা শথকী য়াইফ-থৌজালনা ঐখোয় বিহারগী শহর অমসুং খুঙ্গংগী মফমশিংগী অমোৎপা ঈশিং, অনাবা হেনগৎহনবা ঈশিংদগী নান্থোকহনবদা থৱায় হকচাং য়াওনা থবক তৌখিগনি।
মরূপশিং, হন্দক্তা সরকারনা দোলফিন প্রোজেক্ত অমসু লাউথোকখিবা অদু অদোম্না তাবিরম্লগনি। মিশন অসিদগী গঙ্গা দোলফিন্নসু কান্নবা ফংলগনি। গঙ্গা তুরেল ঙাক-শেন্নবগীদমক্তা গঙ্গা দোলফিন অসি ঙাক শেনবা অসিসু য়াম্না মথৌ তাই। পতনাদগী হৌরগা ভাগলপুরফাওবা গঙ্গাজী অসি শিন-থুংনা দোলফিনগী ময়ুম্নি। মরম অসিনা “প্রোজেক্ত দোলফিন “দগী বিহারনা য়াম্না হেন্না কান্নবা ফংলগনি। , মফমসিদা গঙ্গাজীদা বাইওদাইভর্সিতীগা লোয়ননা তুরিজমদসু মপাঙ্গল ফংগনি।
মরূপশিং, কোরোনা লায়চৎ অসিগী শিংনবা অসিগী মরক্তা বিহারগী চাউখৎনবা, বিহারদা নিংথিনা লৈঙাক ঙাক্নবা অভিয়ান অসি লেপ্তনা চত্থগনি। ঐখোয়না য়াম্না থৌনা লৈনা, য়াম্না পাঙ্গল কন্না মমাং থানা চংশিল্লগনি। অদুগা মসিগা লোয়ন-লোয়ননা বিহারদা লৈবিরিবশিং, ইরৈচা খুদিংমক লায়চৎ অসিদগী ঙাকথোক্নবগী ৱাশক অদু কাউবিগনু। মাস্ক, লু-নান্না লৈবা অমদি গজ অনি লাপ্না লৈননবা অসি পুম্নমক অসি ঙাকথোক্নবগী খ্বাইদগী অফবা খুৎলায়নি। ঐখোয়গী বৈজ্ঞানিক্না ভেক্সিন অসি শান্নবা অহিং-নুংথিল খংদনা হোৎনরি। অদুবু ঐখোয়না নিংশিংগদবদি- হিদাক থোরক্ত্রিবফাওবা কোমথোক্লোইদবনি হায়বসিনি।
মসিগী হায়জবসিগা লোয়ননা, অমুক্কা হন্না অদোম পুম্নমকপু দিবেলপমেন্ত প্রোজেক্তশিং অসিগীদমক্তা নুংঙাইবা ফোংদোকচরি।
থাগৎচরি!!!
