Quoteগীতানা ঐখোয়বু ৱাখল খলহল্লি, ঐখোয়দা ৱাহং হাংনিংবা পোকহল্লি, খন্ন-নৈনবদা পুক্নিং থৌগৎলি অমসুং ঐখোয়বু অচুম-অরান খঙহল্লি: পি.এম.

শক্নাইরবা লেঙশিনবিরিবশিং,

মরুংপশিং!

ৱনক্কম!

মসি অখন্নবা থৌরম অমনি। স্বামী চিদভাবানন্দ জিগী শন্দোক্না তাক্লবা ই-বুক অমা হৌদোক্লি। ঐহাক্না মসিদা থবক তৌরিবা মীওই পুম্বা থাগৎপা পামজৈ। মসিদা হোৎনরিবা, চৎনবি অমসুং তেক্নোলোজি অসিগীদমক থাগৎপা ফোংদোকচরি। ই-বুক অসি য়াম্না কন্না চৎনরক্লি, মরুওইনা নহাশিংদা। মরম অদুনা, মসিগী হোৎনরিবা অসিনা নহারোলশিংবু হেন্না গীতাগী ফিদম্নিঙাই ওইরবা ৱাখলশিং অসি য়ৌহনবা ঙম্লগনি।

মরুপশিং,

মসিগী ই-বুক অসিনা গীতাগী নুংগী ওইবা অমসুং মমিং লৈরবা তামিলগী মরক্তা লৈবা চৎনবীগা হেন্না মরী চেৎশিল্লগনি। মালেমগী মফম কয়া অমদা লৈরিবা তামিলনা মসিবু লায়না পাবা ঙম্লগনি। মীরমদা লৈরিবা তামিলশিংনা সেক্তর কয়া অমদা মায় পাকপগী থাক অমদা লৈরি। অদুম ওইনমক মখোয়না মখোয়গী চৎনবীগী হৌরকফমদা চাওথোকচরি। মখোয়না চৎপা মফম খুদিংদা মখোয়গী তামিলগী চাওরবা চৎনবী অসি পুদুনা চৎলি।

মরুপশিং,

ঐহাক্না স্বামী চিদভাবানন্দ জিবু ইকাই খুম্নবা উৎপা পামজৈ। মহাক্কী ৱাখল, হকচাং, থম্মোয় অমসুং থৱায়না অনৌবা ইন্দিয়া অমা অওনবা পুরক্নবা মহাক্কী পুন্সি কৎথোক্লি। মহাক্না মীরমদা মহৈ তম্নবা থৌরাং তৌখি, অদুবু লাইবক্না তম্বদগী মহাক্কী থৌরাং অমা অতোপ্পা অমা ওইখি। “স্বামী বিবেকানন্দগী মদ্রাস লেকচর” হায়বা লাইরিক অমা লম্বী মতাইদা লাইরি য়োনফম অমদা থেংনরুবদগী মহাক্কী পুন্সিদা অহোংবা অমা লাকখি। মসিনা মহাকপু ইরৈবাক অসিনা অতৈ অতোপ্পা কয়া অমদগী মমাংদা থম্বা অমসুং মীয়াম্বু সেবা তৌবা অসিদা পুক্নিং থৌগৎখি। গীতাদা, শ্রী কৃষ্ণনা হায় মদুদি:

য়দ্ধ য়দ্ধ আচরতি শ্রেস্থ: তত্ত তত্ত এব ইতরে জন:।

সত্য প্রমানম কুরুতে লোক: তদ অনু ৱর্ততে॥

মসিগী ৱাহন্থোক্তি, অচৌবা মী অমনা হেক তোরিবমখৈ অতৈ কয়া অমসু পুক্নিং থৌগৎতুনা মতুং ইল্লি হায়বনি। অতোপ্পা অমদা স্বামী চিদভাবানন্দ জিবু স্বামী বিবেকানন্দনা পুক্নিং থৌগৎলি। অতোপ্পা অমদা, মহাক্না মহাক্কী অফবা থবকশিংনা মালেম অসিবু পুক্নিং থৌগৎনবা হোৎনরি। শ্রী রামাকৃষ্ণ তাপোবানম আশ্রম অসি স্বামী চিদভাবানন্দ জিগী পুকচেল চাওরবা থবকশিংনা মাংলোমদা চিংখৎলক্লি। মখোয় অসি কাংলুপগী ওইবা থবক, হকশেলগী চেকশিন থৌরাং অমসুং মহৈদা থাগৎনিঙাই ওইবা থবক কয়া অমা তৌরি। ঐহাক্না শ্রী রামাকৃষ্ণ তাপোবানম আশ্রম অসিবু থাগৎচরি অমসুং মখোয়গী তুংগী থবক-থৌরম কয়া অমদা য়াইফনবা ওইনবা থৌনিজরি।

|

মরুপশিং,

গীতাগী ফজবা অসি মসিগী লুনা চংশিনবা, দাইবর্সিতি অমসুং হন্দোক হঞ্জিন য়াবা অসিনি। আচার্য়া বিনোবা ভাবেনা শন্দোক্না তাক্লি মদুদি গীতা অসি মহাক্না খুদোংথীবা মতমদা কোনখৎপিনবা ইমানি হায়রি। শক্নাইরবা মীওই হায়বদি মহাত্মা গান্ধী, লোক্মান তিলক, মহাকবি সুব্রমানিয়া ভারথিশিংসু গীতানা পুক্নিং থৌগৎখি। গীতানা ঐখোয়বু ৱাখল খলহল্লি। মসিনা ৱাহং অমা হংহল্লি। মসিনা য়েৎনবদা থৌনা পীরি। গীতানা ৱাখল মকা লাম্না লৈহল্লি।

মরুপশিং,

কনাগুম্বা গীতাগুম্না খল্লবা মহাক্কী ৱাখল ইং-তপ্না লৈগনি অমসুং অকোইবদা ফজবতা উগনি। অদুবু, অদোম পুম্বনা খঙবিরিবনি, মদুদি পুন্সি অসি অৱা-অনা কয়া মরক্তা ভগবত গীতাগী শক্তমদা পারা কয়া অমা ফংলিবনি।

গীতা অসি ঐখোয়না নিংজরিবা পুম্ব অসিগী লৌশিং লাকফম্নি। অদুবু অদোম্না লৌশিংশিং অসি শ্রী কৃষ্ণগী ৱাহৈশিংদগী থোক্লকখিবনি হায়বা অসি খঙবিরবরা? মসি বিশাদ নত্ত্রগা অৱাবা ওইগেরা। ভগবত গীতা অসি লৌশিংগী পুক্কৈনি হায়রিবা অসিনা বিশাদতগী বিজয় ফাওবগী খোঙচৎ ফাওবা পুরি। ভগবত গীতা অসি থোক্লকপদা চয়েৎনবা কয়া অমা থোকখি মসিনি বিশাদ হায়রিবা অসি। মালেম অসিনা পুন্সিদা অমুক্তং ওইনা মালেমগী ওইবা লায়চৎ অমা থেংনরি। ইকোনোমিক অমসুং সোসিএলগী ওইবা শাফু অসি অদুক্কী মতিক শোকহল্লে। অসিগুম্বা মতম অসিদা শ্রীমদ ভগবত গীতাদা হেন্না মরী লৈনরক্লি। মসিনা থৌনা অমসুং লম্বী অমা পীদুনা থেংনরিবা অৱাবা অসি মায়োক্নবা ঙমহল্লি। ভারত্তা ঐখোয়না মসিগী খুদম উবা ফংলি। ঐখোয়গী মীয়ামগী থৌনানা কোবিদ-১৯ লান্থেংনরি, মীয়ামগী থৌনা অসিগী মতুংদা গীতাগী চাওরবা মতেং ওইরি। মসিদা মশাগী ওইজবা থাদোকপা অসিগী ইথিলসু য়াওরি। ঐখোয়না মসি ঐখোয়গী মীয়াম অসিনা মতেং পাংবা থোক্লকপা অসিদা উবা ফংই।

মরুপশিং,

মমাং চহিদা য়ুরোপিয়ন হার্ত জর্নেলদা য়াম্না নুঙাইবা আর্তিকল অমা থেংনখি। মসি ওক্সফোর্দ য়ুনিভর্সিতিগী কার্দিওলোজিদা য়াম্না চেকশিন্না য়েংদুনা ফোংবনি। মসিগী মরক্তা, আর্তিকল অসিনা মতৌ করম্না গীতানা কোবিদ মতম অসিদা য়াম্না মরী লৈবগে হায়বা য়াওরি। ভগবত গীতা অসি পুন্সি মহিং মপুং ফানবা চপ চানা লমজিং লমতাক পীরি। আর্তিকল অসিদা আর্জুন অসি হেলথকেয়রদা থবক তৌরিবশিং অমসুং হোস্পিতালদা ভাইরস অসিগী লানফমদা লান্থেংনরিবশিং অসিগা চাংদম্নরি। মসিদা হেলথকেয়রদা থবক তৌরিবশিংনা অকিবা অমসুং অৱাবা কয়া অমা নাকোইননা থম্লগা মথৌ তৌরিবশিং অসিবু থাগৎপা ফোংদোক্লি।

|

মরুপশিং,

ভগবত গীতাগী মনুংগী ওইবা পাউজেল অসি থবক্নি। ভগৱান শ্রী কৃষ্ণনা হায় মদুদি:

কর্ম জ্যায়ো হয়কর্মন:।

শরির য়াত্রাপি চ তে

ন প্রসিদ্ধ্যে দকর্মন:॥

মহাকপু থবক অমা পাংথোকপা অসিনা করি অমত্তা তৌদবা অসিদগী হেন্না ফৈ হায়না হায়রি। তশেংনা হায়রবদা, ঐখোয়না এক্সন অমত্তা য়াওদনা ইশাবু চেকশিনজবা ঙমদে। মখোয়না ইন্দিয়া আত্মানির্ভার নত্ত্রগা মরোমদোম লেপচনবা হোৎনরি। তুং কোইনা মরোমদোম লেপচনবা অসিনা মীয়াম্না পাম্নরি। ঐখোয়না থাজৈ মদুদি আত্মানির্ভার ভারত অসি মালেমগী ওইনা অফবা অমা ওইরি। হৌখিবদা মালেম পুম্বা অসিনা হিদাক্কী তঙাইফদবা লৈরকপা মতমদা ইন্দিয়ানা পীবা ঙম্বা মখৈ পীনবা হোৎনখি। ঐখোয়গী সাইন্তিস্তশিংনা ভেক্সিন অসি অথুবা মতমদা পুথোক্নবা কন্না হোৎনখি। ঐখোয়না অনাবা ফহনবা অমসুং মীওইবা অমদা মতেং পীবা অসি পাম্লি। মসিমক্নি গীতানা ঐখোয়দা তম্বিরিবা অসি।

মরুপশিং,

ঐহাক্না মরু ওইনা ঐহাক্কী নহা ওইরিবা মরুপশিংবু ভগবত গীতা অসিবু য়েংনবা হায়জরি। মসিতা তাক্লিবা অসি পুন্সিদা য়াম্না মরী লৈনৈ। খোঙজেল য়াংনা চেল্লিবা পুন্সি মহিং অসিদা গীতানা ইং তপ্না চৎপা পীগনি। মসিনা পুন্সিগী অৱা-অনা কয়াদা লমজিং-লমতাক ওইগনি। মমিং লৈরবা বর্স অসি কৈদৌনুংদা কাওবিগনু - কর্মন্য়ে- ৱাধিকারস্তে মা ফলেশু কদাচন

মসিনা ঐখোয়গী থবক কয়া অমদা মায়থিবগী অকিবা কয়া অমদগী ঙাকথোকপা ঙমগনি। গ্যান য়োগাগী পন্দুপ অসিনা অশেংবা লৌশিংদা মরুওইবা পীরি। ভক্তি য়োগানা কৎথোকপা পন্দুপ অসিদা য়াওহন্দুনা মরুওইবা তম্বিরী। পন্দুপ খুদিং ৱাখল অফবা খন্নবা করিগুম্বা খরা অদুম য়াওরি।

মসি স্বামী বিবেকানন্দনা অদুদা খরনি। ঐগী নহা ওইরিবা মরুপশিংনা অরুবা ফিরেপ অমা লৌবদা লাকশিনবা ঙম্লগনি। অসিগুম্বা মতম অসিদা অদোম্না মতম লৈবা খিবিক্তা করিগুম্বা অদোমগী মফম অসিদা আর্জুন ওইরম্লবা, শ্রী কৃষ্ণনা করি হারক্কদগে হায়বা খনবিয়ু? মসি য়াম্না ফজনা মথৌ তৌই, অদোম্না অপাম পামদা খুদক্তা খঙলি। অদোম্না গীতাগী নুংগী ওইবা অসিদগী খনবা হৌরক্কনি।

অমসুং অদোম্বু মতম লৈবা খিবিক্তা অচুম্বা মফমদা পুগনি অমসুং অরুবা ফিরেপ লৌবা মতমদা মতেং পাংগনি। অমুক হন্না, স্বামী চিদভাবানন্দ জিগী ভগবত গীতাগী ই-বর্সন হৌদোকপদা অসিদা থাগৎপা ফোংদোকচরি।

থাগৎচরি।

ৱনক্কম।

  • MLA Devyani Pharande February 17, 2024

    nice
  • शिवकुमार गुप्ता February 18, 2022

    जय माँ भारती
  • शिवकुमार गुप्ता February 18, 2022

    जय भारत
  • शिवकुमार गुप्ता February 18, 2022

    जय हिंद
  • शिवकुमार गुप्ता February 18, 2022

    जय श्री सीताराम
  • शिवकुमार गुप्ता February 18, 2022

    जय श्री राम
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Over 28 lakh companies registered in India: Govt data

Media Coverage

Over 28 lakh companies registered in India: Govt data
NM on the go

Nm on the go

Always be the first to hear from the PM. Get the App Now!
...
Prime Minister pays homage to Chhatrapati Shivaji Maharaj on his Jayanti
February 19, 2025

The Prime Minister, Shri Narendra Modi has paid homage to Chhatrapati Shivaji Maharaj on his Jayanti.

Shri Modi wrote on X;

“I pay homage to Chhatrapati Shivaji Maharaj on his Jayanti.

His valour and visionary leadership laid the foundation for Swarajya, inspiring generations to uphold the values of courage and justice. He inspires us in building a strong, self-reliant and prosperous India.”

“छत्रपती शिवाजी महाराज यांच्या जयंतीनिमित्त मी त्यांना अभिवादन करतो.

त्यांच्या पराक्रमाने आणि दूरदर्शी नेतृत्वाने स्वराज्याची पायाभरणी केली, ज्यामुळे अनेक पिढ्यांना धैर्य आणि न्यायाची मूल्ये जपण्याची प्रेरणा मिळाली. ते आपल्याला एक बलशाली, आत्मनिर्भर आणि समृद्ध भारत घडवण्यासाठी प्रेरणा देत आहेत.”