থৌরম অসিগী অহানবা মক্তদা নুংঙাইতবা পাও অমা অদোমদা খংহঞ্জগে। বিহারগী শক্নাইরবা লুচিংবা শ্রীমান রঘুবংশ প্রসাদ সিংহ ঐখোয় ময়াম্বু থাদোক্লমলগা চৎখ্রে। ঐহাক্না লৈখিদ্রববু খুরুমজরি। রঘু বংশ বাবূনা লৈখিদবদা বিহার অমসুং লৈবাক অসিগী রাজনীতিদা লোইনা অৱাবা পোকহল্লে। মনুং হঞ্জিন্না খংবা মীওইবগী মতৌ, লাইরববু খংবিবা মীশক, পুন্সি চুপ্পা বিহারগীদমক্তা লান্থেংনবদা মপুন্সি কোন্নখিবা মীশক অমনি। অসিগুম্বা ৱাখল্লোনশিং অসিদা চাউজরকপা অদুগুম্না মপুন্সি চুপ্পা হিংনবা হোৎনবিরমখি।
ঐহাক্না ভারতীয় জনতা পার্তীগী থৌমী ওইনা থবক তৌরিঙৈদা ঐহাক্না মহাকপু য়াম্না নক্না মশক খংখি। তি.ভি.গী দিবেত্তা য়েৎন-খোৎনদুনা, লান্থেংনদুনা লৈরকখি। মদুগী মতুংদা কেন্দ্রগী মন্ত্রী মন্দলদা লৈবিরমখি, ঐহাক্না গুজরাতকী মুখ্যমন্ত্রী ওইনা মহাক্কা লেপ্তনা ৱারী-ৱাতাই ফাওনখি, চাউখৎনবগী থবকশিংগী মতাংদা তান্নখি। হৌজিক হৌখিবা চহি অহুম-মরীসদগী মহাকসু খন্ন-নৈনবদা য়াওখি। লেপ্তনা ই-পাও লৌখি। ঐহাক্তি মহাক অসি থুনা ফরগা হল্লক্লগা বিহারগী থৌগল অমুক তৌরগনি হায়না খনখি অদুগা মহাক্কী থম্মোইনুংদা ৱাখল অমসু খন্দুনা লৈরমখি।
মহাক্না খনখিবা ফীদম, মহাক্না তৌজরকখিবা অদু ওইথোকপা ঙম্লমখিদ্রে অমসুং মহাক্কী পুক্নিংদা অদুক্কী মতিক মীপাইজবা ওইখিরম্মি। অদুগা নুমিৎ হুম্নি-মরীনিগী মমাংদা মহাক্না নিংজরম্বশিং অদু চেপাও ওইনা ইরগসু খংহল্লমখি। অদুগা মসিগা লোয়ন-লোয়ননা মাগী মরম চাউকৎনবগীদমক্তা অদুক্কী মতিক ৱাজরমখিবনা বিহারগী মুখ্য মন্ত্রীদা মহাক্কী চাউখৎ-থৌরাংগী থবকশিংগী পরেং অমা থাখি। বিহারগী মীয়ামগীদমক্তা ৱাজবা, বিহার চাউখৎহন্নবগী ৱাজবা অদু চেপাওদা লোইনা ফোংদোক্লমখি।
ঐহাক্না নিতীশজিদা রঘুবংশ প্রসাদজীনা মহাক্কী অরোইবা চেপাওদা ফোংদোক্লমখিবশিং অদু মপুং ফানা পাংথোক্নবগীদমক্তা ঐখোয় পুন্না হোৎনমিন্নসি হায়না হায়জগনি মরমদি মহাক্না মপুং ওইনা চাউখৎনবা ইবিরমখিবা অদু শোইদনমক মপুং ফাহন্নবনি। ঐহাক্না অমু্ক্কা হন্না থৌরম অসি হৌরকপদা শ্রীমান প্রসাদজীবু ইকাই খুম্নবগা লোইননা শ্রদ্ধাঞ্চলি কৎচরি, মহাকপু খুরুমজরি।
বিহারগী রাজ্যপাল শ্রী ফাগু চৌহানজী, বিহারগী মুখ্য মন্ত্রী শ্রী নীতীশ কুমারজী, কেন্দ্রগী মন্ত্রী মন্দলদা ঐহাক্কা খোংবু ওইমিন্নরিবা শ্রী ধর্মেন্দ্র প্রসাদজী, রবিশঙ্কর প্রসাদজী, গিরিরাজ সিংহজী, আর.কে.সিংহজী, অশ্বিনী কুমার চৌবেজী, নিত্যানন্দজী, বিহারগী উপ-মুখ্য মন্ত্রী সুশীল কুমার মোদীজী, অতৈ সাংসদ অমসুং এম.এল.এ.শিং অমদি তেক্নোলোজীগী থোংদা শম্নরিবা ঐহাক্কী নুংশিরবা ইচে-ইচল, ইচিল-ইনাও পুম্নমক!
অপনে সবকে প্রনাম করে ছীয়ৈ, আজ কে ই আয়োজন শহীদ অরু শুরবীর কে ধরতী বাঙ্কা মে হোয় রহল ছৈ। জে-জে য়োজনা কে লোকার্পন আজ হোলো ছৈ, ওকরো লাভ বিহার কে সঙ্গে-সঙ্গে পুর্বী ভারত কে বড় হিস্সা কে ভী মিলতৈ। আজ ৯০০ করোর রুপয়া সে বেসী কে জে লোকার্পন অরু শিলান্যাস কইলো গেল ছৈ, ওকরা মে এল.পি.জি. পাইপলাইন ছৈ, তু তা বড়া বোতলিং প্লান্ত ভী ছৈ। ই সব সুবিধা লেলী, বিকাস কে ই সব প্রোজেক্স খাতীর বিহার ৱাসী লোগন কে বহুত বহুত বধাই ছৈ!
মরূপশিং,
রাজ্য অসিগী ইনফ্রাস্ত্রকচরশিংদা মিৎয়েং থমদুনা চহি খরগী মমাঙদা বিহারগী অখন্নবা পেকেজ অমা লাউথোকখ্রে। হায়রিবা অখন্নবা পেকেজ অদুদা বিহারগীদমক লুপা করোর লিশিং ২১গী পেত্রোলিয়ম অমসুং গ্যাসকা মরী লৈনবা অচৌবা প্রোজেক ১০ পীখি। হায়রিবা প্রোজেকশিং অদুগী মনুংদা ঙসি তরেৎশুবা প্রোজেক বিহারগী মীয়ামদা কৎথোক্লে। মমাঙদা বিহারদা অতোপ্পা প্রোজেক তরুক লোইশিনখ্রে। মহাক্না ঙসিদগী চহি অমগা মখাইগী মমাঙদা উরেপ-উয়ুং তমখিবা মরুওইবা গ্যাস পাইপলাইন প্রোজেক অমা ওইরিবা দুর্গাপুর-বানকা সেক্সন অসিদা কিলোমিতর ২০০ রোম ওইখি। মহাক্না শঙ্গাবদা প্রধান মন্ত্রীনা হরাওবা ফোঙদোকখি। মসিগী লম্বি অসিদা পাইপলাইন তিংবগী থবক লোইশিনবা অসি য়াম্না শিংননিংঙাই ওইখি হায়না হায়রকখি।
অচৌবা তুরেল ১০রোম লৈবা লম্বি অসিদা, অশোংবা উমং অমদি চিংগী লম্বি ওইবা মফম অসিদা থবক তৌবসিসু অরাইবা ওইখিদে। লম্মিৎ-তুমিৎকী খুদোংচাদবা কয়া লৈরবসু, মসিগী প্রোজেক অসি মতম চানা লোইশিনবগীদমক রাজ্য সরকার, ইঞ্জিনিয়ারশিং অমসুং শিন্মীশিংনা থবক কন্নবা শুখিবা অদু মহাক্না থাগৎখি। মীরোল অমনা থবক শুবা হৌবা অমসুং মীরোল অমনা থবক মপুংফানা লোইশিনবগী থবক শুবগী চৎনবী অমা পুথোরকপদা বিহারনা মরুওইবা থৌদাং অমা লৌবগীদমক প্রধান মন্ত্রীনা বিহারগী মুখ্য মন্ত্রীবু থাগৎপা ফোংদোকচরি। অনৌবা থবক শুবগী চৎনবী অসি মপাঙ্গল কনখৎহনবা দরকার ওই অমসুং মসিনা বিহার অমসুং নোংপোক ভারত চাউখৎপগী লম্বীদা পুরক্কনি।
অনৌবা ইঞ্জীনিয়রিংগী তেক্নোলোজী, রাজ্য সরকারগী নিংথিনা মতেং পাংলিবশিং, ঐখোয়গী ইঞ্জিনীয়রশিং, শিন্মী মরূপশিংগী কন্না হোৎনজমন্না প্রোজেক অসি অসুক থুনা লোইবা ঙম্লিবনি। মসিগীদমক্তা ঐহাক্না প্রোজেক অসিগা মরি লৈনরিবা মরূপ পুম্নমক্কী মফমদা নুংঙাইবা ফোংদোকচরি।
মরূপশিং,
বিহারগী ওইনা প্রধানমন্ত্রী পেকেজ পীখিবা অদুদগী পেত্রোলিয়ম অমসুং গ্যাসকা মরি লৈনবা অচৌবা প্রোজেক ১০ ওইখি। প্রোজেকশিং অদুদা চাউরাক্না করোর লিশিং ২১ রোম চাদিং তৌখ্রে। ঙসিগী প্রোজেক তরেৎ লোইশিনখিদুনা বিহারগী মীশিংদা কত্থোকচখ্রে।
মসিগী মমাংদা পতনাগী এল.পি.জি. প্লান্ত অসি পাকথোক-চাউথোক্নবা অমদি স্তোরেজ কেপাসিতী অসি হেনগৎহন্নবা পুর্ণিয়াগী এল.পি.জি. প্লান্ত অসি পাকথোক-চাউথোক্নবা, মুজফ্ফরপুরদা অনৌবা এল.পি.জি. প্লান্ত লৈনবা প্রোজেকশিং অসি হান্ননা লোইশিনখ্রে।
বিহারগী শরুক ফাওদুনা চৎলিবা জগদিশপুর-হলদিয়াগী পাইপলাইন প্রোজেক অসিদসু হৌখিবা চহিগী মার্চ থাদা লোইশিনখ্রে। মোতীহারী উমলেখগঞ্জগী পাইপলাইন্দসু পাইপলাইনগা মরি লৈনবা থবকশিং মপুং ফানা লোইশিনখ্রে।
হৌজিক লৈবাক অসিদা অমসুং বিহারদা মীরোল অমনা থবক তৌবা হৌবা উনখিবা অদুগা মতোপ্পা মীরোল অমনা থবক অদু মপুং ফাহনবা উবা মতম অদুদগী থোরক্লবনি। অনৌবা ভারত, অনৌবা বিহারগী শক্তম, মসিগী থবক তৌবগী চৎনবি অদু ঐখোয়না হেন্না ফগৎহনবগদবনি। অদুগা মসিদা নীতীশজীনা চপ চানা অচৌবা থৌদাং লৌবিগনি হায়না ঐহাক্না থাজৈ।
লেপ্তনা থবক হোৎনবা অসিনা বিহার অমসুং নোংপোক থংবা ভারত অসি চাউখরপগী লম্বিদা পুরকপা ঙমগনি হায়না ঐহাক্না থাজৈ।
মরূপশিং,
ঐখোয়গী শাস্ত্রশিংদা হায়রি- সামর্থ্য মূল স্বাতন্ত্রম শ্রম মূল ৱৈভৱম্। হায়বদি শিন্মীগী মনিংতম্বা অমসুং শক্তিগী হৌরকফমগী মপাঙ্গল অদু লৈবাক অমা চাউখৎনবগী য়ুম্ফমনি। বিহার য়াওনা নোংপোক ভারত্তা শিন্মীগী অৱাৎপা লৈতে, মফম অসিদা মহৌশাদা ফংবা লনশিং অৱাৎপা লৈতে, বিহার অমসুং নোংপোক ভারত চহি কয়া চাউখৎ-থৌরাংগী মতাংদা মনিংদা লৈহৌরি অমসুং রাজনিতি, শেন-থুম অমসুং অতোপ্পা মরম কয়াদগী লোইবা নাইদনা থেংথদুনা লাক্লি। মসিগী অচৌবা মরম পুম্নমক অসি রাজনীতিগী, শেল-থুমগী, হান্না মরুওইনা তৌগদবা থবকশিংগী ওইখি।
ফীভম কয়া অসিগী মরম্না নোংপোক থংবা ভারত নত্রগা বিহার के ইনফ্রাস্ত্রকচরগী প্রোজেকশিং অসি লোইবা নাইবা তৌদবা মওংদা মতম চুপ্পদা থেংথহল্লি। লম্বিগী কনেক্তিবিতী, কনেক্তিবিতী, এয়র কনেক্তিবিতী, ইন্তর্নেৎ কনেক্তিবিতী মসি পুম্নমক অসি হান্না মরু ওইনা পায়খৎকদবশিং অদুদা য়াওরমখিদে। ।…মসিদা নত্তনা লম্বিগী শাম্বগী মতাংদা গারী লৈবশিংগীদমক্তা শেম্লিবনি হায়না শেম্লিবরা, খোংনা চৎপশিংগীদি করি শেম্বিরবগে হায়না হংনরমখি, হায়বদি ৱাখলদুদা অরানবা অমা য়াওখি।
মসিদা গ্যাসকী খ্বাইদগী ফবা ইন্দস্ত্রী অমসুং পেত্রো-কনেক্তিবিতীগী মতাংদা বিহারদা কুইরবা মতমদা খনবফাওবা খন্নরমখিদে। লেন্দলোক স্তেত ওইবনা মরম ওইদুনা বিহারদা পেত্রোলিয়ম অমসুং গ্যাসকা মরি লৈনবা পাম্বৈ-ফংফমশিং অদু ফংবা ঙম্লমদে, সমুদ্রগী তোর্বান্দা লৈবা রাজ্যশিংদা লৈরমখি। মরম অসিনা বিহারদা গ্যাসতা য়ুম্ফম ওইবা ইন্দস্ত্রীশিং শেমগৎপা অসি চাউরবা শিংনবা অমা ওইখি।
মরূপশিং,
গ্যাস বেস্ত-ইন্দস্ত্রীঅমসুং পেত্রো-কনেক্তিবিতী, মসিগীশিং তাবদদা তেক্নোলোজীগী ৱাহৈ মানখি অদুবু মসিনা হকথেংননা মীয়ামগী পুন্সিদা চৈথেং পীখি, হিংবগী থাক্তা তাখি। গ্যাস বেস্ত-ইন্দস্ত্রী অমসুং পেত্রো-কনেক্তিবিতী থবক্কীসু অনৌবা তাঞ্জা ওইহল্লি।
ঙসি লৈবাক অসিগী শহরশিংদা কয়াদা সি.এন.জি. য়ৌবা ঙম্লে, পি.এন.জি. য়ৌবা ঙম্ললিবা অসিদা বিহারগী মীয়ামগী, নোংপোক থংবা ভারতকী মীয়াম্নসু মসিগী খুদোংচাবশিং অসি অসুক্কী মতিক লাইনা ফংহনবা ঙম্মি। মসিগী ৱাশক অসিগা লোয়ননা মাংজিল থানা চংশিনমিন্নসি।
প্রধানমন্ত্রী ইনর্জী গঙ্গা স্কীমগী মখাদা নোংপোক থংবা ভারত্তা নোংপোক থংবা সমুদ্রগী তোর্বান্দা মখাদা ইস্তর্ন সিবোর্দতা ভাগিরথনা পারাদিপতা নোংপোক ভারতকা শম্ননবা হোৎনরি অমসুং ৱেস্তর্ন সিবোর্দতা কান্দলাদা শম্ননবা হোৎনরি অমসুং মসিগী কিলোমিতর লিশিং ৩ শাংবা পাইপলাইন অসিগী মখাদা রাজ্য তরেৎ শম্নগনি অমসুং মসিদা বিহারনা মরুওইবা থৌদাং অমা লৌগনি। পারাদিপ-হলদিয়াগী লাইন অসি হৌজিক মখা তানা পাতনা, মুজফফরপুর ফাওবা শাংদোকলে অমসুং কান্দালাদগী লাকপা পাইপলাইন অদু গোরখপুর ফাওবা য়ৌরে। প্রোজেক অসি লোইশিল্লকপা মতমদা, মসি মালেমদা খ্বাইদগী শাংবা পাইপলাইন প্রোজেকশিংগী মনুংদা অমা ওইগনি।
মরূপশিং,
হায়রিবা পাইপলাইনশিং অসি লাকপদগী বিহারদা অচৌবা বোত্তলিং প্নান্তশিং লিংখৎলে। মখোয়গী মনুংদা ঙসি বাঙ্কা অমসুং চম্পারন্দা অনৌবা বোত্তলিং প্লান্ত ২ হাংদোক্লে। হায়রিবা প্লান্ত অনিমক অসি চহি অমদা সিলিন্দর মিলিয়ন ১২৫ হেন্না হানবা ঙমগনি। হায়রিবা প্লান্তশিং অসিনা অদোমগী বিহারগী বাঙ্কা, ফগলপুর, জমুই, অররিয়া, কিশনগঞ্জ, কতিহার ,নোংপোক থংবা চম্পারন, মুজফ্ফরপুর, সিৱান, গোপালগঞ্জ অমসুং সীতামঢ়ী জিলাদা কান্নবা ফংহনগনি।
মসিনা ঝারখন্দগী গোদ্দা, দিওঘর, দুমকা, সাহিবগঞ্জ, পাকুর জিলাশিং অমসুং উত্তর প্রদেস অমসুং ঝারখন্দগী শরুক খরগী দরকার ওইবা এল.পি.জি ফংহনবা ঙম্লগনি। মসিগী গ্যাস পাইপলাইনশিং অসি ফুম্বদগী অনৌবা ইন্দস্ত্রীশিংনা ইনর্জী পংলি, বিহারদা অনৌবা থবক লিশিং কয়া ফংহল্লি।
মরূপশিং,
মসিগী গ্যাস পাইপলাইন অসি শেমগৎলবা মতুংদা মমাঙদা থোঙ লোন্দুনা লাক্লবা বরৌনীনিদা লৈবা হার ফেক্তরি অথুবা মতমদা থবক হৌরগনি। গ্যাস কনেক্তিবিতীনা মায়কৈ অমদা হার, মৈ অমসুং স্তীলগী ইন্দস্ত্রীদা ইনর্জী হেনগৎলগনি অদুগা অতোপ্পা মায়কৈ অমদনা সি.এন.জি.দা য়ুম্ফম ওইবা হকচাং ফনা চত্থোক-চৎশিন তৌবা অমসুং পাইপতগী অহোংবা গ্যাস অমসুং লাইনা মীয়ামগী চাকখুম ফাওবা য়ৌহল্লগনি।
মসিগী মতাং অসিদা ঙসি বিহার অমসুং ঝারখন্দগী জিলা কয়া অমদা পাইপনা গ্যাসশিং হোংনা ফংহনবা হৌখ্রে। মসিনা লৈবাক অসিগী ইমুং খুদিংদা অফবা ফ্যুএল, মৈখু চেন্দবা চাকখুমগা শমজিন্ননবগী ইহৌ অদুদা হেন্না খোংজেল য়াংশিলহনগনি।
মরূপশিং,
উজ্জৱালা স্কিমনা মরম ওইদুনা লৈবাক অসিদা লায়রবা ইমুং করোর ৮ ঙসিদি গ্যাস শীজিন্নবা ফংলে। মসিনা কোরোনা মনুংদা লায়রবশিংগী পুন্সিদা অহোঙবা পুরক্লে অমসুং মখোয় য়ুমদা লেংদনা লৈহল্লে অমসুং মখোয় শিং থিনবা লমহাংদা থোকপা দরকার ওইদ্রে।
মরূপশিং,
কোরোনা লায়চৎ মনুংদা উজ্জৱালা স্কিমগী কান্নবা ফংলবা মীওইশিংদা লেম্না সিলিন্দর মিল্লিয়ন কয়া পীদুনা লায়রবা ইমুং মিল্লিয়ন কয়া কান্নবা ফংলে। লায়না লৌনবা য়াবগী খুদোংথিবা কয়া লৈরবসু, কোরোনা মনুংদা মখোয়না মীয়ামগী গ্যাস ৱাৎহন্দবগীদমক, পেত্রোলিয়ম অমসুং গ্যাসকা মরি লৈনবা বিভাগশিং অমসুং কম্পেনিশিং অমসুং গ্যাস য়েন্থোক্লিবা কোরোনাবু লান্থেংনরিবা এজেন্সি মিল্লিয়ন কয়াবু থাগৎচরি।
মরূপশিং,
লৈবাক পুম্বা অমসুং বিহারদা এল.পি.জি. গ্যাস কনেক্সন অসি মহাক্না হায়খি এল.পি.জি গ্যাস শীজিন্নবা অসি ইনাকখুনবা মীওইনি হায়না খন্নবা মতম অমা বিহারদা লৈরমখি। গ্যাস কনেক্সন অমা তৌনবগীদমক্তা মীশিংনা হায়বিহনখিবা তাখি। এম.পি. সাহেবকী য়ুমগী মপান্দা ঙাইবা তাখি। গ্যাস কনেক্সন লৈবা ইমুং অদু অচৌবা ইমুংনি হায়না খন্নরমখি। অদুবু হৌজিক উজ্জৱালা স্কিম লাকপদগী বিহারদা মদু হোংলে, বিহারগী লায়রবা ইমুং করোর ১.২৫ রোম লেম্না গ্যাস কন্নেক্সন ফংলে। য়ুমদা গ্যাস কন্নেক্সন ফংবদগী বিহারদা লায়রবা করোর কয়াগী পুন্সিশিং অহোংবা পুরক্লে। খুন্নাই অদুদা লৈরিবা লাইরবগী পনখৈগী মখাদা লৈবা, অৱাবা মায়োক্নরিবা, শোত্থরবা, য়াম্না শোত্থরবশিংবুদি কনানসু থওইবিরমখিদে।
অদুবু হৌজিক উজ্জৱালা স্কিম লাকপদগী বিহারদা মদু হোংলে, বিহারগী লায়রবা ইমুং করোর ১.২৫ রোম লেম্না গ্যাস কন্নেক্সন ফংলে। য়ুমদা গ্যাস কন্নেক্সন ফংবদগী বিহারদা লায়রবা করোর কয়াগী পুন্সিশিং অহোংবা পুরক্লে। হৌজিক্তি মশাগী পাঙ্গলনা চাক থোংনবগী শীং থিনবগী মথৌ তাদ্রে, অহোইনদুম মাংজিল থানা মশানা চংশিন্নবরোমদা চংশিল্লক্লে।
বিহার অসি লৈবাক অসিদা হৈথোই-শিংথোইবা মীওইশিং মশিং য়াম্না লৈবা মফম অমনি হায়না ঐহাক্না হায়জখিবা মতমদা হায়জিনমনবা ওইরোই। বিহারগী নহা ওইরিবা খুদিংমক, মফমসিগী হৈথোই-শিংথোইবা খুদিংমক্কী মমি তাবা মফম খুদিংমক্নি। ভারত সরকারদসু লৈবাক অসিগী থৌগল তৌরিবা, অতোপ্পগী পুন্সি অসি অফবা মওংদা হোংদোক্লিবা ইচা-ইচল কয়া অমা বিহারসিদা লৈরি।
অদোম্না করিগুম্বা আই.আই.তি. অমদা হেক্তা চৎপিয়ু, মফমদুদসু বিহারগী মঙাল অদু উবা ফংবিগনি। করিগুম্বা ইন্সতিত্যুৎ অমদা হেক্তা চৎপিয়ু, মমিত্তা অচৌবা মংলান মংদুনা, লৈবাক অসিগীদমক্তা করিগুম্বা খরা তৌনবা হোৎনরিবা ইচা নুপা-নুপীশিংনা ময়ামদগী থোইদোক-হেন্দোকপা মওংদা তৌরি।
বিহারগী কলা, মফমসিগী ইশৈ, মফমসিগী অহাউবা চাক-এঞ্জাং মসি খুদিংমক অসি লৈবাক পুম্বনা থাগৎনরি। অতোপ্পা রাজ্য অমদসু হেক্তা চৎপিয়ু বিহারগী থৌনা, বিহারগী হোৎনবা কনবা অদু মমি অদু রাজ্য খুদিংমক্তা চাউখৎনবা তৌবদা উবা ফংবিগনি। বিহারনা মীপুম খুদিংমক্কী মতেং পাংলি।
মসিনি বিহার, মসিনি বিহারগী অঙকপা পাঙ্ল-থৌনা। মরম অসিনা বিহারগী লমন তোল্লি, ঐখোয়না বিহারগী থৌগল তৌবা অসি ঐখোয়গী ইথৌদাংনি। ঐখোয়না বিহারগী অধিকার ওইরিবা বিহারগী লৈঙাক অসি নিংথিনা থমগদবনি।
মরূপশিং,
হৌখিবা চহি ১৫ অসিদা বিহারদা অচুম্বা সরকার, অচুম্বা ৱারেপশিং অমসুং নাখৈ শেংবা থৌশিল উবা ফংলে , চাউখৎ-থৌরাংশিং পায়খৎলে অমসুং মী খুদিংমক কান্নবা ফংহল্লে হায়বা উবা ফংলে। বিহারনা অনৌবা মওংদা চাউখৎনবা বিহারগী সেক্তর খুদিংমক্তা চাউখৎপা উরে, সেক্তরদা লৈরিবা খুদোংচাবা খুদিংমক লৈহন্দনবা হোৎনরি। অদুক্কী মতিক য়াম্না বিহারনা মঙম অদু ফংবা ঙম্নবা হোৎনবিয়ু।
বিহারগী নহারোলশিং লৌবুক্তা থবক শুগদবা মরম্না লাইরিক তম্বা দরকার ওইদে হায়না মতম অমদা খন্নরমখি। মসিগী ৱাখল অসিনা মরম ওইদুনা, বিহারদা অচৌবা লাইরিক তম্নবা মহৈলোয়শঙশিং লিংখৎনবা থবক পায়খৎলমদে। মসিনা মরম ওইদুনা বিহারগী নহারোলশিং লাইরিক তম্নবা অমসুং থবক শুনবা নমদুনা অতোপ্পা মফমশিংদা চৎখি।
মরূপশিং,
লৌবুক্তা থবক শুবা, লৌ উবা অসি য়াম্না ৱাবা অমসুং চাউথোকচবা থবক্নি, অদুবু নহারোলশিংদা অতোপ্পা খুদোংচাবা অমতা পীদে, থৌরাং অমতা পায়খৎতবা অসি অচুম্বা নত্তে। ঙসিদি বিহারদা অচৌবা মহৈলোয়শঙ কয়া হাংদোক্লে। হৌজিক এগ্রীকলচরেল কোলেজশিং, মেদিকেল কোলেজশিং, ইঞ্জিনিয়ারিং কোলেজশিং মশিং হেনগৎলক্লে। বিহারগী নহারোলশিংগী মঙলানশিং মঙফাওনবদা মতেং পাংনবা হৌজিক রাজ্য অসিদা আই.আই.তি, আই.আই.এম অমসুং আই.আই.আই.তি লৈরে। পোলিতেক্নিক ইন্সতিতুৎশিং মশিং শরুক অহুম হেনগৎহনবগী অমসুং অচৌবা য়ুনিভর্সিতি অনি, আই.আই.তি অমা, আই.আই.এম অমা, নিফ অমা অমসুং নেসনেল লো ইন্সতিতুৎ অমা বিহারদা হাংদোক্লে। নীতীশজীনা হোৎনবিদুনা ঙসি বিহারদা পোলিতেক্নিক্কী ইন্সতিত্যুতশিংগী মশিং অসিসু হান্নগা য়েংনরুবদা শরুক হেল্লে।
স্তার্দ অপ ইন্দিয়া, মুদ্রা য়োজনা অমসুং অসিগুম্বা স্কিমশিংনা বিহারগী নহারোলশিং মশানা মশাবু থবক পীজরে। হৌজিক বিহারগী সহরশিং অমসুং খুঙ্গংশিং হান্নদগী হেন্না ফজনা মৈ ফংলে। জিলাগী থাক্তা স্কীল সেন্তরশিংদগী বিহারগী নহা ওইরিবশিং অসিগী হৈথোই-শিংথোইবা অসি হেনগৎহন্নবা ত্রেনিং পীনবা সরকারনা হোৎনরি।
মরূপশিং,
বিহারদা মৈগী ফীভম অসিসু ময়াম্না খংনরবা অমনি। খুঙ্গংশিংদা পুং অনি-অহুমখক্তমক মৈ লাক্নরমখিবা অসি য়াম্মে হায়না খন্নরমখি। শহরদা লৈবা মীশিংনা নোংমদা পুং ৮-১০দগী হেন্না মৈ ফংলমখিদে। ঙসি বিহারগী খুঙ্গংশিংদা, শহরশিংদা মৈ অসি হান্নগা য়েংনরুবদা শরুক কয়া অমা হেন্না ফংলে।
মরূপশিং,
পৱার, পেত্রোলিয়ম অমসুং গ্যাস সেক্তরশিংগী অনৌবা মচাক-মথুমশিং শেমগৎলে, অওনবা কয়া পুরকপদগী মীয়ামগী পুন্সি হিংবদা লাইহনবগা লোয়ননা ইন্দস্ত্রিশিং অমসুং শেন-থুমগী ফিবম ফগৎলে। কোরোনা লায়চৎ মনুংদা পেত্রোলিয়মগা মরী লৈনবা থবকশিং হায়বদি রিফাইনারি প্রোজেকশিং, পোৎথোকশিং থিবা নৎত্রগা পুথোকপগা মরী লৈনবা প্রোজেকশিং, পাইপলাইনশিং, সিতি গ্যাস প্রোজেকশিং অমসুং অসিগুম্বা প্রোজেক কয়া য়াংনা থবক পায়খৎলি। লাক্লিবা নুমিৎশিংদা, প্রোজেক লিশিং ৮ হেনবগী লুপা করোর লাখ ৬ রোম চাদিং তৌগনি। লৈবাক অসিদা, বিহারদা গ্যাসতা য়ুম্ফম ওইবা শেন্মিৎলোনগী ওইবা অচৌবা মওংদা পাংথোকপা থবক কয়া অমা চত্থরি হায়বা অদোম্না খন্দুনা য়েংবিয়ু। মসিদা নত্তনা অতোপ্পা রাজ্যশিংদা থবক শুরুবা শিন্মীশিং হল্লক্লে অমসুং অনৌবা থবক কয়া ফংনবগী খুদোংচাবা লৈহল্লে।
মরূপশিং,
মালেমগী অচৌবা লায়চৎ মনুংদা ফাওবা লৈবাক অসি থবক লেপখিদে, মরুওইনা বিহার থবক লেপখিদে। লুপা করোর লাখ ১০০ হেনবগী নেসনেল ইনফ্রাস্ত্রকচর পাইপলাইন প্রোজেক অসিনা শেন-থুম তানবগী থবক হেনগৎহনবদা মতেং ফংগনি। বিহার অমসুং নোংপোক ভারত চাউখৎপগী মরুওইবা মফম অমা ওইহন্নবা মী খুদিংমক থবক য়াংনা থবক শুগদবনি। মসিগী থাজবা অসিগা লোয়ননা বিহারগী খুদোংচাবশিং অসিগীদমক্তা অদোম পুম্নমক্কী মফমদা নুংঙাইবা ফোংদোকচরি। মরুওইনা পুন্সি মহিং অসি লাইথোকহল্লগদবা ইমাশিং অমসুং ইচে-ইচলশিংগী মফমদা নুংঙাইবা ফোংদোকচরি।
অদুবু ৱাফম অমদি অদুম্মক নিংশিংবিয়ু অদুগা মসিগী ৱাফম অসি হঞ্জিন-হঞ্জিন হায়জরি, অদোম পুম্নমক্না শোইদনা নিংশিংবিগনি হায়না থাজৈ। মসিদা নত্তনা ঐহাক্কী ৱা অসি ইনবিগনি, হিদাক থোরক্ত্রিবফাওবা করিমত্তা কোমথোকপীবা তৌবিগনু। গজ অনি লাপ্না লৈনবা, সাপোন্না খুৎ তোইনা হামদোকপা, মফম অমদা-অমদহেক্তা লোক-তীন শিত্তোকপা অমসুং মাস্ক উপাপনচিবা অসি ইশানসু ঙাক্না চৎকদবনি অদুগা অতোপ্পদসু নিংসিংবিগদবনি।
অদোম পুম্নমক্না চেকশিন্না লৈরবদি বিহার অসিসু মশা ফগদৌরিবনি। মসিগী য়াম্লবা খুদোলশিং অসি তমজবগা লোয়ননা অনৌবা ইনর্জীগী খুদোংচাবা অসিগীদমক্তা অদোম পুম্নমকপু য়াইফ-পাউজেল পীজরি!
হন্না-হন্না থাগৎচরি!
