মহারাস্ত্রগী রাজ্যপাল শ্রী ভগত সিংহ কোশিয়ারীজী, মুখ্য মন্ত্রী শ্রী উদধ্য থাকরেজী, উপ মুখ্যমন্ত্রী শহরী অজিত পৱারজী. শ্রী অশোকজী, ওপোজিসনগী লীদর শ্রী দেবেন্দ্র ফদনবীসজী, মফম অসিদা তিনবীরিবা অতোপ্পা দিগনিতরীশিং, নুপী অমদি নুপাশিং, ঙসি অসি বত পুর্নিমা তারি অমসুং সন্ত কবিরগী মপোক কুমওনসু তারি, ঐহাক্না ইরৈবাকচা পুম্নমক্তা য়াইফ-পাউজেল পীজরি।
অচৌবা থৌরম অমগীদমক ঐখোয়না ঙসি পুল্লরে। ঐহাক্না নীংতম লানগী অথৌবশিংদা কত্থোকপা বাস্তু অসি ক্রান্তিগাথাদা খুৎশিন্নবা অসিদা য়াম্না নুংঙাইবা পোকই।
মরুপশিং,
মহারাস্ত্রগী রাজ ভবন অসি হৌখিবা দেকেদশিংদা দেমোক্রেতিক ওইবা ইহৌ কয়াগী শাখি ওইখী। মসিনা মফম অসিদা সম্বিধান অমসুং জাতিগী য়াইফনবা ৱাশক্কী মওংদা লৌখিবা ফিরেপশিংগী শাখি অমসু ওইরি। রাজ ভবন্দা শাখিবা জলভুশন ভবন অমসুং য়াওল্লোইশিংগী গেলরী অসি হৌজিক শঙ্গারি। ঐহাক্না রাজ্যপালগী লৈফম অমসুং লোইশঙ ওইরিবা অসিগী শঙ্গাবগী থৌরমদা শরুক য়ানবগী খুদোংচাবা ফংজরি।
অনৌবা বিল্দিং অসিনা মহারাস্ত্রগী মীয়ামদা, মহারাস্ত্রগী লৈঙাকপদা অনৌবা থৌনা পীরগনি, চপ মান্ননা রাজ্যপালনা মসি রাজ ভবন নত্তে লোক ভবন্নি হায়নসু ফোঙদোকপীখ্রে, মসিনা মীয়ামগী অশেংবা আশাগী মঙাল অমা ওইরগনি। মসি ঐহাক্কী থাজবনি। অমসুং মফম অসিদা লৈরিবা ইচিল-ইনাওশিংদা মরু ওইবা থৌরম অসিগীদমক থাগৎপা ফোঙদোকচরি। ঐহাক্না হিস্তোরিয়ন বিক্রম সম্পথজী অমসুং রিভোল্যুসনগী ৱারী অসি শেম্বদা মরী লৈনবা অতোপ্পা মরুপশিংদসু থাগৎপা ফোঙদোকচরি।
মরুপশিং,
মমাংদা ঐহাক্না রাজ ভবন্দা কয়ারক চৎখ্রে। মফম অসিদা কয়ারক লৈখ্রে। নখোয়না বিল্দিং অসিগী শাংলবা পুৱারী, মসিগী ক্রাফ অসি মোদর্নিতীগী মওংদা য়োকখৎতুনা থম্বা অসিদা ঐহাক্না নুংঙাইবা পোকই। মসিনা মহারাস্ত্রগী চৎনবীগী মতুং ইন্না থৌনা, থাজবা, লাইনিং অমসুং নীংতম ইহৌদা লৌখিবা থৌদাং অদুসু উৎলি। মসিগী মফম অসি পুজ্য বাপুনা ক্বিৎ ইন্দিয় মুফমেন্ত হৌদোকখিবা মফম অদুদগী পংলাপ লাপতে। বিল্দিং অসিনা নীংতম্বগী মতমদা মীনাই নাইথাংগী মপাঙ্গল শোন্থরকপা অমসুং চাউথোকচবগা লোয়ননা জাতিগী ফিরাল পাইহনখিবা অদু উবা ফংখি। অনৌবা কনস্ত্রক্সন অসি ঐখোয়গী নীংতম লান্মীশিংগী মফম অসিদা তৌরি অমসুং মসিনা লৈবাকনীংবগী ৱাখল্লোন্দা ইনোৎ হাপ্লগনি।
মরুপশিং,
ঙসিগী থৌরম অসি মরু ওই মরমদি লৈবাক অসিনা মাগী নীংতম্বগী চহি ৭৫শুবগী, আজাদী কা অমৃত মহোৎসব পালন তৌরি। হন্দক্তি লৈবাক অসিগী নীংতম্বা মতমদা লৈখিবা অথৌবা-অথৌবী খুদিংমক, লান্মী খুদিংমক, মশক নাইবা মীওই খুদিংমক, লৈবাক অসি খুমাং চাউশিনহনবদা মতেং পাংখিবা মীশক খুদিংমকপু নীংশিংবগী মতম ওইরি। মহারাস্ত্রনা লৈবাক অসিবু লম কয়াদা ইথিল পীদুনা লাকখি। করিগুম্বা খুন্নাইগী ওইবা ইথৌশিংগী মরমদা হায়বা তারবদি জগতগুরু শ্রী সন্ত তুকারাম মহারাজতগী বাবা সাহেব আম্বেদকর ফাওবা খুন্নাইগী লময়ানবশিংগী য়াম্না মমল লৈরবা লেগেসী অমা লৈ।
মফম অসিদা লাক্ত্রিঙৈ মমাংদা ঐহাক্না দেহুদা সন্ত তুকারাম শিলা মন্দির শঙ্গাবগী খুদোংচাবা ফংজখি। মহারাস্ত্রনা সন্ত জ্ঞানেশ্বর, সন্ত নামদেব, সমর্থ রামদাস, সন্ত চোখামেলা, অসিগুম্বা সন্তশিং অসিনা লৈবাক অসিদা ইনোৎ হাপখি।করিগুম্বা ঐখোয়না স্বরাজ্যগী মতাংদা হায়রবদি ছত্রপতি শিবাজী মহারাজ অমসুং ছত্রপতি সাম্ভাজী মহারাজকী পুন্সিনা ভারত মচা খুদিংমক্তা লৈবাকনীংবগী ফাওরিবা ইথিল অসি মপাঙ্গল কনখৎহনখি। নীংতম্বগী মতাংদা লাকপা মতদা মহারাস্ত্রনা মশিং লাকঙমদ্রবা অথৌবা লান্মী কয়া পুথোকখি, মখোয়না নীংতম্বগীদমক মখোয়গী লৈজবা পুম্বা কত্থোকখি।
মরুপশিং,
ঐখোয়না ভারতকী নীংতম্বগী মতাংদা ৱারী শাবদা খঙনা নত্ত্রগা খঙদনা ঐখোয়না থৌদোক খরা খক্তমক পল্লি। অমরোমদা ভারতকী নীংতম্বা অসিদা মশক লাকঙমদ্রবা মীওই কয়াগী কত্থোকপা অমসুং মখোয়গী তপ্স্য য়াওরি। লোকেলগী থাক্তা থোকখিবা থৌদোক কয়াগী অপুনবা শাফুনা জাতিগী থাক য়ৌখি। পাম্বৈ খেন্নরবসু ফিরেপতি চপ মান্নখি। লোকমান্য তিলকনা মহাক্কী মশাগী পাম্বৈশিং শীজিন্নখি, মহাক্না চাপেকর মচিল-মনাওদা ইথিল পীদুনা মখোয়না মশাগী ওইবা নীংতম্বা ফংনবা লম্বী য়াৎচখি।
বাসুদেব বলবন্ত ফদকেনা মহাক্কী থবক তৌথোক্তুনা খুৎলাই পাইবগী ইহৌগী লম্বীদা চংশিনখি, অমরোমদা মেদম ভীখাজী কামানা মহাক্কী য়াইফ-নুংঙাইরবা পুন্সি অদু কত্থোক্তুনা নীংতম্বগী মৈরা চুখৎখি। ঐখোয়গী ঙসিগী মচু অহুমগী ফিরাপ অসিবু ইথিল পীখিবগী হৌরকফম অসি মেদম কামা অমসুং স্যামজী কৃষ্ণগুম্বা নীংতম লান্মীগী ইথিল অদুনা ওইরি। খুন্নাই, ইমুং-মনুং, ৱাখল্লোনগী খেন্নবা লৈরবসু, ইহৌগী হৌরকফমদি লৈবাক-মীরৈবাক অমা হেক্তদা ওইরবসু, পান্দমদি অমা খক্তনি – ভারত মপুং ফানা নীংতম্বা ফংবা।
মরুপশিং,
ঐখোয়গী নীংতম লান অসি লোকেল অমসুং গ্লোবেল অনিমক ওই। গদর পার্তী অসিগুম্বা অসি থমোয়দা নেস্নেল ওইরবসু পাকচাউপদা গ্লোবেল ওইখি। ভারতমচাশিংগী ওইবা মীতিন অমা শ্যামজী কৃষ্ণ ভর্মগী ইন্দিয়া হাউস, লন্দন্দা পাঙথোকখি অদুবু মসিগী পান্দমদি ভারতকী নীংতম্বা হায়বা অসিনা ওইখি। নেতাজীগী মখাদা চংশিনখিবা আজাদ হিন্দ সরজার অসি ভারতমচাগী য়াইফনবা কত্থোকখি অদুবু মসি পাকচাউবদা গ্লোবেল ওইখি। মসিনা মরম ওইদুনা ভারতকী নীংতম ইহৌ অসিনা মালেমগী লৈবাক কয়াগী নীংতম ইহৌশিংদা ইথিল পীখি।
লোকেলদগী গ্লোবেল য়ৌবগী ৱাখল্লোন অসিনা আত্মনির্ভর ভারত অভিয়ানগী মপাঙ্গলসু ওইরি। ভারতকী লোকেলবু আত্মনির্ভর ভারত অভিয়ানগী খুত্থাংদা জাতি অমসি অন্তরজাতিগী থাক্তা শকখঙলি। য়াওল্লোইশিংগী গেলরী অসিদা লাকপা মীওইশিংনা জাতিগী ফিরেপতা অনৌবা ইথিল পীরগনি, লৈবাক্কীদমক করিগুম্বা খরা তৌগে হায়বগী ৱাখল্লোন পোকহনবা হেনগৎলগনি হায়না ঐহাক্না থাজৈ।
মরুপশিং,
হৌখিবা দিকেদ ৭ অসিদা মহারাস্ত্রনা লৈবাক অসিগী চাউখৎ-থৌরাংদা মরু ওইবা থৌদাং অমা লৌদুনা লাকখি। মুম্বাই অসি মঙলানগী সহর ওইরিবা অসুম্না মহারাস্ত্রগী অসিগুম্বা সহর কয়া লৈ, মখোয়না ২১শুবা চহিচাগী লৈবাক অসিগী গ্রোথ সেন্তর ওইরগনি। ৱাখল্লোন অসিগা লোয়ননা, নাকল অমরোমদা মুম্বাইগী ইনফ্রাস্ত্রকচর অসি মতমগা চুনবা ওইহল্লি অমসুং মসিগা ইরোইননা অতোপ্পা সহরশিংদা মোদর্ন ফেসিলিতীশিংসু হেনগৎহল্লি।
ঙসি ঐখোয়না মুম্বাই লোকেলদা শীংথানীংঙাই ওইনা ফগৎলকপা উবা মতম অসিদা, ঐখোয়না সহর কয়াদা মেত্রো নেৎৱার্ল পাকথোক চাউথোকপা উবা মতম অসিদা, ঐখোয়না মহারাস্ত্রগী কাচিন-কোয়া খুদিংমক মোদর্ন নেস্নেল হায়ৱেনা ফাওনহনবা উবা মতমঅসিদা চাউখৎ-থৌরাংগী পোজিতিবিতী অদু ঐখোয়না ফাওবা ফংই। ঐখোয় পুম্নমক্না ঙসি ত্রাইবেল দিস্ত্রিক্তশিংদা চাউখৎ-থৌরাংগী অনৌবা এস্পিরেসন অমা য়াকাইরকপা উবা ফংলি।
মরুপশিং,
আজাদীগী অমৃতকাল অসিদা ঐখোয়না তৌরিবা থবক, ঐখোয়না লৌরিবা থৌদাং অসিনা ঐখোয়গী জাতিগী ফিরেপ মপাঙ্গল কনখৎহন্নবা হোৎনগদবনি। মসি ভারত খোঙজেল য়াংনা চাউখৎহন্নবগী পাম্বৈনি। মরম অসিদা ঐহাক্না মীপুম খুদিংদা অমুক হন্না হায়জনীংবদি লৈবাক অসিগী চাউখৎ-থৌরাংদা সবকা প্রয়াসকা লোয়ননা থবক তৌসি। ঐখোয়না লৈবাক অমা ওইনা ম্যুচুএল কোওপরেসনগা লোয়ননা মাংদা চংশিনবা তাই। ঐখোয়না অমনা অমদা মতেং পীনবা তাই। মসিগী ৱাখল্লোন অসিগা লোয়ননা ঐহাক্না জলভুশন ভবন অমসুং য়াওল্লোইশিংগী গেলেরী শঙ্গাবা অসিদা মীপুম খুদিংদা অমুক্কা হন্না নুংঙাইবা ফোঙদোকচরি।
অমসুং হৌজিক য়েংবীয়ু মালেমগী মীয়াম্না ঐখোয়দা রাজ ভবন্দা চহি ৭৫ চুপ্না মসিগী মখাদা বঙ্কর লৈবা অসি দিকেদ তরেৎ অসিদা কনা অমত্তনা খঙলমদে হায়না নোক্নবা য়াই। হায়বদি ঐখোয় অসি থৌশাদে, ঐখোয়গী ইশাগী হেরিতেজ থৌশাদে হায়বনি। আজাদী কা অমৃত মহোৎসব অসিদা ঐখোয়না ঐখোয়গী পুৱারী অসি থীদোক্তুনা খঙদোক্তুনা চংশিনবা হায়বা অসি লৈবাক অসিগী পান্দম ওইহন্দুনা মাইকৈ অসিদা চংশিনগদবনি।
হৌজিক ঐখোয়না শ্যামজী কৃষ্ণ ভর্মগী লাইসু উখ্রে, অদোম্না লৈবাক অসিদা ঐখোয়না করম্না ৱারেপশিং লৌবগে হায়না অঙকপা পোকলমগনি। লোকমান্য তিলক্না শ্যামজী কৃষ্ণ ভর্মদা চীথি অমা ইখি। অমসুং মঙোন্দা স্বাতন্ত্র্য বীর সাবরকরগুম্বা নহা ওইরিবা মীওই অমবু থারক্লি হায়না খঙহনখি। মহাক্কী লৈফমগীদমক শিনবী-লাংবীয়ু হায়খি।
স্বামী বিবেকানন্দজীনা মহাক্কা লোয়ননা সতসঙ্গ তৌই। অমসুং মখোয়না লন্দনগী ইন্দিয়া হাউস অসি য়াওল্লোইশিংগী পুনফম ওইহনখি অমসুং ব্রিতিশকী মীৎমাংদা ইন্দিয়া হাউসতা য়াওল্লোইশিংগী ইহৌ হৌখি। শ্যামজী কৃষ্ণ ভর্মানা ইং কুমজা ১৯৩০দা লৈখিদে। মহাক্না লৈখিদ্রবা মতুংদা মহাক্কী উৎ অদু মাংহন্দনা থম্নবা অমসুং ভারতনা নীংতম্বা ফংলবা মতুংদা মহাক্কী উৎ অদু নীংতম্বা ফংলবা ভারতকী লমদমদা তিনহনবীনবা হায়রমখি।
ইং কুমজা ১৯৩০দা থোকখিবা থৌদোক অসি তাবদা চহি ১০০ হৌখ্রবসু নখোয়না তু চুংবা পোক্লি। অদুবু লৈবাক অসিগী মরাইবক অসি য়েংবীয়ু মশাগী উৎ অদু নীংতম্বা ফংলবা ভারতকী লমদমদা তিলহনবা পামজখিবা ইং কুমজা ১৯৩০দা লৈবাক অসিগীদমক থৱায় থাখিবা মীশক অদুগী অপাম অদু থুংহনবা ঙমখিদে। থবক অসি ইং কুমজা ১৯৪৭গী ওগস্ত ১৫গী মথংগী নুমিৎতা পাঙথোকফম থোক্তব্রা? অদুবু মসি তৌখিদে।
ইং কুমজা ২০০৩দা চহি ৭৩গী মতুংদা ঐহাক্না মসিগী উৎ অসি ভারত্তা পুরকপা ঙমখি। মরুপশিংনা ভারত ইমাগী মপারীগী উৎ অসি ঙাইদুনা লৈখি। ঐহাক্না লেংবান্দা থাংগৎতুনা মসি পুরকপা ফংজবা অসি ঐহাক্কী লাইবক ফবনি অমসুং মুম্বাই এয়রপোর্ত্তা থুংখি। অমসুং মফম অসিদগী ঐহাক্না ভীরাঞ্জলি য়াত্রা তৌরবা মতুংদা গুজরাত্তা চৎখি। অমসুং মহাক্কী পোক্নফম মান্দবী, কুচ্ছতা ঙসি লন্দনদা লৈরিবা চপ মান্নবা ইন্দিয়া হাউস অদু শাখি। অমসুং মহৈরোয় লিশিং কয়ানা মফম অসিদা চৎতুনা য়াওল্লোইশিংগী মতম অদু নীংশিংবা ফংলি।
ঐহাক্না ঙসি কনা অমত্তনা খঙদবা বঙ্কর অসিগী মনুংদা পোৎলম কয়া থমদুনা মসিনা ভারতকী য়াওল্লোইশিং হাৎবদা শীজিন্ননবা থৌরাং তৌখি, অদুবু ঙসিদি বঙ্কর অসিমক্তদা ঐখোয়গী য়াওল্লোইশিংগী মমিং হীংহন্দুনা থম্লগনি। অমসুং মসিতদা লৈবাক অসিগী হৌরক্লিবা মীরোলশিংনা ইথিল ফংগনি। অমসুং মসিনা মরম ওইরগা রাজ ভবন শেমগৎপগী খোঙথাং অসি য়াম্না থাগৎনরিবনি।
ঐহাক্না এজুকেসন দিপার্তমেন্তদা লৈরিবা মীওইশিংদা হায়জনীংবদি ঐখোয়গী মহৈরোয়শিং অসি চহি অমদা অনিমক মফম অসিদা কোইবা পুবীয়ু। মসি হৈনবী অমা ওইহল্লু, অন্দমান অমসুং নিকোবরদা চৎতুনা ভীর সরবাকরনা নহা ওইরিঙৈদা লৈখিবা কৈশুমশঙ অদু য়েংহল্লু। বঙ্কর অসিদা করিগুম্বা মতমদা লাক্তুনা লৈবাক অসিগী অথৌবশিংনা মখোয়গী পুন্সি করম্না লেনখি য়েংহনবীয়ু। মশিং লাকঙমদ্রবা মীওই কয়ানা নীংতম্বা ফংনবগীদমক লান্থেংনখি। অমসুং লৈবাক অসিনা ভারতকী কাচিন-কোয়া থুংবদা মীনাই নাইথাংগী চহি ১২০০ অসিদা ভারত নীংতম্বগী ৱাখল্লোন পোকখিদবা নুমিৎ অমত্তা য়াওখিদে। চপ মান্নবা ৱাখল্লোন চহি ১২০০ লৈরকপা, মসিগী থৌনা অসি লৈবাক অসিগী মীয়ামদা চেল্লি। ঐখোয়না মসি খঙই, শক খঙই অমসুং মসি অমুক হন্না য়াকাইহন্দুনা মসিগা লোয়ননা ঐখোয়না হিংনবা তৌসি।
মরুপশিং,
মরম অসিনা ঐহাক্না ঙসিগী খুদোংচাবা অসি হীরম কয়াদা মরু ওই হায়না লৌই। ঐহাক্না মফম অসি অফবা মওং অমদা লৈবাক অসিগী তুংগী মীরোলশিংদা ইথিল পীনবগী হৌরকফম অমা ওইহনবা পাম্মি। খোঙথাং অসি পাইখৎপগীদমক ঐহাক্না মীপুম খুদিংমক্তা থাগৎপা ফোঙদোকচবগা লোয়ননা ঐহাক্কী ৱারোল পীবা অসি লোইশিনজরি, পুম্নমকপু থাগৎচরি!
