“ঙসি, ভারতনা মালেমগী লল্লোন ইতিক্কী মরু ওইবা ময়োল অমা ওইরক্লিবা অসিদা ঐখোয়না লৈবাক্কী মেরিতাইম স্ত্রেংথতা মিৎয়েং চঙলি”
“’ইজ ওফ দুইং বিজনেস’ হেন্না ফগৎহন্নবা ঐখোয়না মমাংগী চহি 10দা রিফোর্ম কয়া অমা হিথাংফম, শিপ্পিং অমসুং ইনলেন্দ ৱাতরৱেজকী সেক্তরশিংদা পাংথোকখ্রে”“মালেম্না ভারতনা মালেমগী লল্লোন ইতিক্কী লমদা লৈরিবা তৌবা ঙম্বগী মতিক অমসুং থাক অসিবু শকখঙলি”“মেরিতাইম অমৃত কাল ভিজন্না বিকশিৎ ভারত অমগীদমক্তা ভারতকী মেরিতাইম মপাঙ্গল হেনগৎহন্নবা রোদমেপ অমা লান্থোকখ্রে”“কোচীগী অনৌবা দ্রাই দোক অসিনা ভারতকী চাউথোকচনীংঙাই ওইরি”“কোচী শিপয়ার্দনা লৈবাক্কী শহরশিংগী মতমগা চুনবা অমসুং গ্রীন ৱাতর কন্নেক্তবিতীদা মরু ওইবা থৌদাং লৌরি”কেরলাগী রাজ্যপাল আরিফ মোহম্মদ খানজী, মুখ্য মন্ত্রী শ্রী পিনারাই বিজয়নজী, কেন্দ্রগী মন্ত্রী মন্দলদা ঐগী মরুপ ওইরিবশিং, অতৈ দিগনিতরীশিং, নুপী অমদি নুপাশিং!
ঐহাক্না খুরুমজরি, শ্রী সর্বানন্দ সোনোৱাজীগী তীম, শ্রী শ্রীপাদ য়েসো নাইকজী অমসুং ঐগী মরুপ শ্রী বি মুরলীধরনজী, শ্রী শান্তনু থাকুরজী!
এল্লা কেরালীয়রকুম এন্দে নল্লা নমস্কার!
ঙসি অসি ঐগীদমক য়াম্না লাইবক ফবা নুমিৎ ওইরি। অয়ুক্তা ঐহাক্না গুরুৱায়ুর মন্দিরদা গুরুৱায়ুরপ্পনগী দর্শন তৌবা ফংজখি। অমসুং হৌজিক্না কেরলাগী ঈশ্বরগী মশক ওইরবা মীয়ামবু উবা ফংজরি। ঐহাক্না মফম অসিদা কেরলাগী চাউখৎ-থৌরাংগী নুংঙাইবা ফোঙদোকপদা শরুক য়ানবা খুদোংচাবা ফংলি।
মরুপশিং,
নুমিৎ খরনিগী মমাংদা মহাক্না অয়োধ্যাদ মহাঋশি বাল্মিকী ইন্তরনেস্নেল এয়রপোর্ত শঙ্গাবদা ঐহাক্না কেরলাদা লৈরিআ রামায়নগা মরী লৈনবা নালম্বলম, শেংলবা মন্দির মরিগী মরমদা ফোঙদোকখি। কেরলাগী মপালদা লৈরিবা মীওই অয়াম্বনা মন্দিরশিং অসি নীংথৌ দশরতকী মচানুপা মরিগা মরী লৈনৈ হায়বা খঙদে। অয়োধ্যাদা রাম মন্দির থোং হাংদ্রিঙৈগী নুমিৎ খরনিগী মমাংদা ঐহাক্না ত্রিপায়রদা শ্রী রামাস্বামী মন্দিরদা চৎপগী খুদোংচাবা ফংজখি। মশক নাইবা কবি এল্লুতচন্না উবা মলয়ালম রামায়নগী পরেং খরা তাবা ফংজবা অসি য়াম্না নুংঙাই। কেরলাগী মরু ওইবা আর্তিস্তশিংগী মখোয়গী ফজরবা পরফোর্মেন্সনা পুক্নিং শুমহৎখি। কেরলাগী মীওইশিংনা কেরলা অসি অবধ পুরী ওইবগুম্না আর্ত, কলচর অমসুং স্পিরিচুএলিতীগী এনভাইর্নমেন্ত অমা শেমখি।
মরুপশিং,
লৈবাক্কী রাজ্য খুদিংমক্না আজাদী কা অমৃত কাল অসিদা ভারতপু চাউখৎপা লৈবাক অমা ওইহন্নবা মখোয়গী মশাগী থৌদাং লৌনরি। ভারতনা চাউখৎলবা মতমদা, ঐখোয়না গ্লোবেল GDPদা চাউনা শরুক তম্লবা মতমদা, ঐখোয়গী হীথাংফমশিং অমসুং হীথাংফম লৈরিবা সহরশিংনা ঐখোয়গী পাঙ্গল ওইগনি। ঙসি ভারতনা গ্লোবেল ত্রেদকী মরু ওইবা সেন্তর অমা হন্না ওইরক্লি, ঐখোয়না অমুক হন্না ঐখোয়গী সমুদ্রগী শক্তি হেনগৎহন্নবা থবক তৌরি। মসিগীদমক কেন্দ্র সরকারনা সমুদ্র মপালদা লৈবা কোচিগুম্বা সহরশিংগী মতিক ময়াই হেনগৎহন্নবা থবজ পাইখৎলি। ঐখোয়না মফম অসিগী হীথাংফমশিংগী কেপাসিতী হেনগৎহন্নবা থবক তৌরি অমসুং পোর্ত ইনফ্রাস্ত্রকচরদা ইনভেস্ত তৌরি। সাগরমালা প্রোজেক্ত মখাদা হীথাংফমশিংগী কন্নেক্তিবিতী হেনগৎহল্লি।
মরুপশিং,
ঙসি মফম অসিদা লৈবাক্কী খ্বাইদগী চাউবা দ্রাই দোক লৈরে। মসিগী মথক্তা ঙসি জহাজ শাবা, জহাজ রিপিয়র তৌবা অমসুং LPG ইম্পোর্ত তর্মিনেল ইনফ্রাস্ত্রকচরসু শঙ্গাখি। ফেসিলিতীশিং অসিনা কেরলাগী অমসুং ভারতকী খা থংবা শরুক্কী চাউখৎ খোঙচৎ খোঙজেল য়াংশিনহল্লগনি। কোচিন শিপয়ার্দ অসি মেদ ইন ইন্দিয়া এয়রক্রাফ কেরিয়র, INS বিক্রান্ত শাবগীদমক পুৱারীদা ঙান্থোইরি। অনৌবা ফেসিলিতীশিং অসিগা লোয়ননা শিপয়ার্দকী কেপাসিতী শরুক কয়া হেনগৎলগনি। ফেসিলিতীশিং অসিগীদমক ঐহাক্না কেরলাগী মীয়ামদা নুংঙাইবা ফোঙদোকচরি।
মরুপশিং,
পোর্স, শিপ্পিং অমসুং ইনলেন্দ ৱাতরৱেজকী সেক্তরশিংদা ইজ ওফ দুইং বিজিনেস হেনগৎহন্নবা হৌখিবা চহি 10দা কেন্দ্র সরকারনা রিফোর্ম কয়া পুরকখি। মসিনা হীথাংফমশিংদা হেন্না ইনভেস্তমেন্ত লাকহনখি অমসুং থবক হেন্না পীখি। সমুদ্রগী হীরোয়শিংগা মরী লৈনবা কাংলোনশিংদা রিফোর্মশিং তৌখিবনা মরম ওইরগা হৌখিবা চহি 10 অসিদা ভারতকী হীরোইশিংগী মশিং অসি চাদা 140 হেনগৎহনখি। লৈবাক মনুংদা ৱাতরৱেজ শীজিন্নবনা পেসেঞ্জর অমসুং কার্গো ত্রান্সপোর্ত্তা অনৌবা শাহৌ অমা পীখি।
মরুপশিং,
মীপুম খুদিংমক্না হোৎনরবা মতমদা অফবা ফলশিং ফংগনি। ঐখোয়গী হীথাংফমশিং অসিনা হৌখিবা চহি 10দা দবল-দিজিৎ এনুএল গ্রোথ লৈবা ঙমখি। চহি 10 মমাংদা জহাজশিংনা ঐখোয়গী হীথাংফমশিংদা মতম শাংনা ঙাইদুনা লৈবা তারমখি অমসুং মখোয়বু অনলোদ তৌবদা মতম য়াম্না চংলমখি। হৌজিক ফীভম অসিদা চাউনা অহোংবা লাকখ্রে। ঙসি ভারতনা শিপ তর্ন-অরাউন্দ তাইমদা মালেমগী চাউখৎপা লৈবাক কয়াদগী হেনবা ঙম্লে।
মরুপশিং,
ঙসি মালেম্না ভারতনা গ্লোবেল ত্রেদতা লৌরিবা থৌদাং অসিসু খঙলে। G20 সম্মিৎতা ভারতনা অয়াবা পীখিবা প্রপোজ তৌখিবা মিদ্দল ইস্ত-য়ুরোপ ইকনোমিক কোরিদোর অসি মসিগী ৱাখল্লোন অসিগী খুদম অমনি। কোরিদোর অসিনা চাউখৎপা ভারত অমা শেমগৎপদা অচৌবা শাহৌ পীরগনি। মসিনা ঐখোয়গী কোস্তেল ইকনোমীদা অচৌবা শাহৌ পীগনি। হন্দক্তা মেরিতাইম অমৃট কাল বিজনসু লোঞ্চ তৌখি। পান্দম অসিদা চাউখৎপা ভারত অমগী ঐখোয়গী মেরিতাইম পাৱর অসি করম্না মপাঙ্গল কনখৎহনগদগে হায়বগী রোদমেপ য়াওরি। ভারত অসি মালেমদা অচৌবা মেরিতাইম পাৱর অমা ওইহন্নবা ঐখোয়না মেগা পোর্তশিং, শিপ বিল্দিং অমসুং শিপ রিপিয়র ক্লস্তরশিংগুম্বা ইনফ্রাস্ত্রকচর শেমগৎপদা মীৎয়েং চংলি।
মরুপশিং,
ঙসি কেরালাদা শঙ্গাখিবা প্রোজেক্ত অহুমনা অসিনা মেরিতাইম সেক্তরদা রিজন অসিগী শিয়র হেন্না হেনগৎহল্লগনি। অনৌবা দ্রাই দোক অসিনা লৈবাক্কী মনি ওইরগনি। মসি শাখিবগা ওয়ননা অচৌবা জহাজশিং অমসুং অচৌবা ভেসেলশিংনা মফম অসিদা লাকপা খক্তা নত্তনা জহাজ শাবা অমসুং জহাজ রিপিয়র তৌবগী থবকসু মফম অসিদা পাঙথোকপা ওইথোক্লগনি। মসিনা মীরৈবাক্তা ভারতনা মীপাল তাংবা হন্থহল্লগনি অমসুং মীরৈবাক্তা চৎলিবা শেল অসি লৈবাক অসিদা চাদিং তৌরগনি। মসিগা লোয়ননা জহাজ শাবা, জহাজকী রিপিয়র সেক্তরদা অনৌবা স্কিলশিং লৈহল্লগনি।
মরুপশিং,
ঙসি ইন্তরনেস্নেল শিপ রিপিয়র ফেসিলিতীসু শঙ্গাখি। প্রোজেক্ত অসিগা লোয়ননা কোচিনা ভারত অমসুং এসিয়াগী অচৌবা জহাজকী রিপিয়র সেন্তর ওইরগনি। INS বিক্রান্ত শাবা মতমদা MSME কয়ানা করম্না মতেং পাংখিবা ঐখোয়না উবা ফংখ্রে। হৌজিক মফম অসিদা জহাজ শাবা অমসুং রিপিয়র তৌনবগী অচৌবা ফেসিলিতীশিং লৈবনা মসিনা MSMEশিংগী অনৌবা ইকোসিস্তেম অমা শেমগৎলগনি। অনৌবা LPG ইম্পোর্ত তর্মিনেল শাখিবা অসিনা কোচি, কোইম্বতুর, ইরোদ, সেলম, কলিকৎ, মদুরাই অমসুং ত্রিচিগী LPGগী মথৌ তাবশিং থুংহনবা ঙমলগনি। মসিনা মফমশিং অসিদা ইন্দস্ত্রী অমসুং ইকনোমিক দিবেলপমেন্তদসু মতেং পাংলগনি অমসুং অনৌবা থবকশিংসু পীরগনি।
মরুপশিং,
ঙসি কোচি শিপয়ার্দ অসিনা মোদর্ন অমসুং গ্রীন তেক্নোলোজী য়াওবা মেদ ইন ইন্দিয়ে ভেসেলশিং শাবদা লুচিংবা অমসু ওইরগনি। কোচি ৱাতর মেত্রোগীদমক শাখিবা ইলেক্ত্রিক ভেসেলশিং অসি থাগৎনীংঙাই ওই। অয়োধ্যা, বারানসী, মথুরা অমসুং গুৱাহাতিগীদমক ইলেক্ত্রিক-হাইব্রিদ পেসেঞ্জর ফেরীশিং অসিসু মফম অসিদা শারি। মসিনা তাকপদি কোচিন শিপয়ার্দনা লৈবাক্কী সহরশিংদা মোদর্ন অমসুং গ্রীন ৱাতর কন্নেক্তিবিতীদা মরু ওইবা থৌদাং লৌরি হায়বনি। ঐঙোন্দা তাকপীরকখি মদুদি নখোয়না জিরো ইমিসন, ইলেক্ত্রিক কার্গো ফেরীশিং নোরৱেদা দেলিভর তৌখি। মালেমগী ইহান হানবা হাইদ্রোজেন ফ্যুএলদা চেনবা ফীদর কন্তেনর ভেসেল শাবগী থবকসু মফম অসিদা চত্থরি। মসিনা ঐখোয়গী মেক ইন ইন্দিয়া – মেক ফোর দি ৱর্ল্দদা বিজন মপাঙ্গল কনখৎহল্লি। কোচিন শিপয়ার্দ অসিনা হাইদ্রোজেন ফ্যুএল বেজ ত্রান্সপোর্তকী মাইকৈদা ভারতকী মিসন মাংদা পুখৎপদা হেন্না মপাঙ্গল কনখৎহল্লগনি। ঐহাক্না থাজৈ মদুদি য়াম্না অথুবদা লৈবাক অসিনা ইন্দিজিনস হাইদ্রোজেন ফ্যুএল সেল ফেরী পুথোক্লগনি।
মরুপশিং,
ব্ল্যু ইকনোমী, হীথাংফমনা লমজিংবা চাউখৎ থৌরাংদা ঐখোয়গী ঙামী ইচিল ইনাওশিংনা অচৌবা থৌদাং লৌবা ঐনা উবা ফংলি। ঙসি পি.এম. মতস্যা সম্পদা য়োজনাগী মখাদংআ ঙামীশিংগীদমক মোদর্ন ইনফ্রাস্ত্রকচর শেমগৎলি। কেন্দ্র সরকারনা দী সী ফিশিংগীদমক মোদর্ন বোতশিং পীনবা ঙামীশিংদা সবসিদী পীরি। ঙামীশিংদা লৌমীশিংগুম্বা কিসান ক্রেদিৎ কার্দকী খুদোংচাবা পীরি। অসিগুম্বা খোঙথাংশিং অসিনা মরম ওইরগা ঙা পুথোকপা অমসুং এক্সপোর্ত তৌবা অসি হৌখিবা চহি 10 অসিদা শরুক কয়া হেনগৎলকখি। ঙসি কেন্দ্র সরকারনা সীফুদ প্রোসেসিংদা ভারতকী শিয়র হেন্না হেনগৎহন্নবা হোৎনরি। মসিনা তুংলমচৎতা ঐখোয়গী ঙামীশিংগী ইনকম চাউনা হেনগৎহনগনি অমসুং মখোয়গী পুন্সি নুংঙাইহনগনি। কেরলাদা মখা তানা খোঙজেল য়াংনা খুমাং চাউশিন্নবা য়াইফ মঙ্গোলগা লোয়ননা ঐহাক্না অমুক হন্না পুম্নমক্তা অনৌবা প্রোজেক্তশিং অসিগীদমক নুংঙাইবা ফোঙদোকচরি।
থাগৎচরি!
